སྦྲང་ཆར་བྱ་དགའ།

ཨ་རོགས་ལྷག་པ་ཕུན་ཚོགས།བོད་ཡིག་འབྲི་སར་དབྱིན་མིང་འབྲི་བ་དེ་ཤེས་ཡོན་ཅན་གྱིས་རང་ཉིད་ལ་མཐོང་ཆུང་བྱས་པ་མ་ཡིན་ནམ།

ཤེས་ཡོན་ཅན་ལ་མཐོང་ཆེན་བྱས་ན་མི་རིགས་དེ་ནམ་ཡང་ནུབ་པར་དཀའ་བའི་སྔོན་རྟགས་ཞིག་ཡིན་པས། ངས་སྦྲང་ཆར་རྩོམ་སྒྲིག་ཁང་རྗེས་སུ་ཡིད་རང་ཞུ་རྒྱུ་ཡིན།

དངོས་གནས་ཡག་པོ་འདུག

མི་བདག་ནི་སྐྱེ་བ་རྗེས་མ་རུ། །
རྩོམ་མང་པོ་རྒྱུན་དུ་མི་འབྲི་ཡང་། །
རྩོམ་གཅིག་རེ་བྲིས་ནས་བྱ་དགའ་རེ། །
ལེན་ཐུབ་པའི་མགོ་ལོག་རྩོམ་པ་པོ། །
འཇུ་སྐལ་བཟང་ལྟ་བུར་སྐྱེ་བར་ཤོག །

ཐིག་གསར་རྫ་ཕྲུག་ལགས།འཇུ་སྐལ་བཟང་ནི་གཡས་གཡོན་གང་ནས་བལྟས་ཀྱང་དཀྱིལ་མ་དེ་རེད།

གཞན་གཡས་ནས་བརྩིས་པའི་དང་བོ་ནི་རྡོ་སྦུས་ཆོས་སྐྱོང་ངམ་ཨ་བུ་ཟེར་བ་དེ་རེད།ཁོང་གིས་ད་ལྟ་《སྦྲང་ཆར》རྩོམ་སྒྲིག་ཁང་དུ་ཕྱག་ལས་གནང་གི་ཡོད་ལ།ཁོའི་བརྩམས་ཆོས་ནི་《རང་གྲོལ་ཞིབ་འཇུག་》ཅེས་པ་དེ་རེད།
གཉིས་པ་ནི་བུད་མེད་སྙན་ངག་པ་བདེ་སྐྱིད་སྒྲོལ་མ་ཟེར་བ་དེ་ཡིན་ལ།ཁོང་གི་ཚབ་མཚོན་བརྩམས་ཆོས་ནི《ང་དང་འབའ་འབའ་ལུ་གུ》ཞེས་པའི་སྙན་ངག་དེ་རེད།དེའི་རྗེས་ནས་སྙན་ངག་གི་དེབ་ཅིག་དཔར་བསྐྲུན་བྱས་ཟིན་པ་ཞིག་གོ་མྱོང་ཡང་།མཇལ་རྒྱུ་མ་བྱུང་།
གསུམ་པ་དེ་སྐད་གྲགས་ཅན་གྱི་རྩོམ་པ་པོ་འཇུ་སྐལ་བཟང་ངམ་ཏིག་ཏ་རེད།ཁོང་གི་ཚབ་མཚོན་བརྩམས་ཆོས་ནི་《སྙན་ངག་གི་རྣམ་བཤད》དང་《གངས་འདབས་ཀྱི་སེམས་པ》གཉིས་ཡིན་ལ།ད་དུང་《འཚོ་གནས་སྙིང་བོ་མེད་པར་སྨྲ་བ》ཞེས་པའི་བསྒྱུར་རྩོམ་དང་ད་ལོར་ཡང་བསྐྱར་དེབ་ཅིག་བཏོན་ཡོད་པར་ཐོས་ཀྱང་མཇལ་རྒྱུ་མ་བྱུང་།
བཞི་བ་དེ་ལྷ་བྱམས་རྒྱལ་རེད།ཁོང་གི་ཚབ་མཚོན་བརྩམས་ཆོས་ནི་《གྲིབ་གཟུགས་ཁྲོད་ཀྱི་མི་ཚེ》ཞེས་པ་ད་ཐེངས་བྱ་དགའ་ཐོབ་པ་འདི་དང་།གཞན་བརྩམས་སྒྲུང་གི་སྒང་ནས་དེང་རབས་གཞོན་སྐྱེས་ཀྱི་ཁྲོད་ན་འབུར་དུ་ཐོན་པ་ཞིག་ཡིན།
ལྔ་བ་དེ་ཧུ་ར་འཇའ་པེ་ཡིན་ལ།ཁོང་གི་ཚབ་མཚོན་བརྩམས་ཆོས་ནི་《ལོ་མ་དམར་བོ》སོགས་མང་བོ་ཡོད་ལ།ད་ལོར་ཁོང་གི་སྒྲུང་རིང་ཞིག་དཔར་དུ་བསྐྲུན་ཡོད་པ་གོ་ཐོས་བྱུང་བ་ལས་མཇལ་རྒྱུ་མ་བྱུང་།
གཞན་མཛེས་སེ་གཟིགས་གསོལ་བཞེས་པར་ལེན་དུ་ཡོང་མ་ཐུབ་པ་འདྲ།
བདག་གིས་ཤེས་པ་ནི་དེ་ཙམ་མོ།

གྲོགས་ལྷ་ཆབ་སྤྱིན་པ་ལགས། ང་རང་སློབ་འབྲིང་ནས་འཇི་སྐལ་བཟང་གི་རྩོམ་ཆོས་ཀློག་པར་དགའ་ལ། ཁོང་གི་རྩོམ་ཡིག་འབྲི་རྩལ་ལ་ཆེས་ཡིད་མོས་བསྐྱེད་མཁན་ཞིག་ཡིན། ཡིད་སྐྱོ་བ་ཞིག་ལ་ངས་ད་བར་ཁོང་གི་འདྲ་པར་ཙམ་ཡང་མཐོང་མྱོང་མེད། ཁྱེད་ཀྱིས་གོང་གི་པར་རིས་ནང་ལ་ཁོང་སུ་ཡིན་མིན་ཐད་ང་ལ་མཛུལ་སྟོན་ཞིག་བྱེད་ན་འགྲིག་གམ།