སྐད་འདི་བོད་ཡིག་ལ་སེམས་འཁུར་ཡོད་མཁན་ཚང་མ་ལ་བཞག་པ་ཡིན།

ཁྱེད་རང་བོད་ཀྱི་སྐད་ཡིག་དོ་དབྱིངས་ཡོད་གནང་བར་བཀྲ་ཤིས་བདེ་ལེགས་ཞུ། གནམ་ལོ་གསར་ཚེས་ལ།

དུས་གསུམ་དུས་ཀྱིས་འཁོར་ལོ་འཁོར་བ་ན།
བྱུང་ནས་ཡལ་བ་སྔོན་གྱི་ཅི་བྱས་རྣམས།
དྭང་གཙང་ཆུ་ལ་མཛུབ་མོས་བྲིས་པ་འདི།
ཤིན་ཏུ་ངོ་མཚར་སྒྱུ་མའི་མི་ཚེ་ཉིད།

གྲོགས་པོ་ཤ་རུས་ལགས་འཇིག་རྟེན་གྱི་བྱ་བཞག་ལ་སྙིང་པོ་ཡོད་པ་ཁ་པོ་རེད། ཡིན་ཡང་མི་ཐུད་ནས་སེམས་ཤུགས་ཆག་མི་ཉན་ལས་དོན་སྒྲུབ་ཐུབ་པ་བྱེད་དགོས་ཞེས་རེ་བ་དང་ལོ་གསར་པའི་ནང་ནད་མེད་ཚེ་རིང་དང་བྱ་བ་ལམ་འགྲོ་ཡོང་བའི་སྨོན་འདུན་ཞུ་ཞུ།

སྤོབས་པ་མཐའ་ཡས་ལགས། ཉིད་རང་ཕེབས་ནས་རང་གི་གང་བསམ་ལྷུག་པོར་གསུངས་པ་དང་བདག་ལ་ལམ་སྟོན་གནང་བ་དེར་སེམས་ལ་འཛིན་ངེས་ཡིན་ལགས། ང་རང་དངོས་ནས་དལ་མོ་རེད་འདུག དེ་ནི་བདེན་པ་རེད་ལགས། དགོངས་དག་ཞུ་དགོས་ས་དེ་ནི་སྐུ་ཉིད་གཙོ་བའི་སྤུན་ཟླ་ཚོ་ཡིན་པ་ལས། སྐུ་ཉིད་ཀྱིས་ང་རང་ལ་ཞུ་རྒྱུ་དེ་ནི་མ་ཡིན་ལགས། རྗེས་ཕྱོགས་ཀྱང་གང་བསམ་ཅི་ཡོད་ལམ་སྟོན་བྱེད་དུ་ཕེབས་རོགས་ཞུ།

ཅོ་རི་ཉི་མ་ལགས། ས་མཐའ་ནས་འུ་ཅག་གིས་རང་རང་གི་བྱིས་པ་དག་གི་ངོ་གདོང་དང་རང་རང་གི་བྱིས་པ་དག་གི་མདུན་ལམ་དང་སྐད་ཡིག་གི་རང་དབང་བཅས་ལ་བསམ་བློ་བཏང་དུས་སུ། ཆེས་ནག་ཉེས་ཀྱི་ལྟེ་བོ་དེ་ནི་རང་ཉིད་ཀྱིས་རང་ཉིད་ཀྱི་བྱིས་པ་དག་ལ་འགན་མ་ཆགས་པ་དེ་རེད་སྙམ་ན། ང་རང་གི་སེམས་སུ་མཚམས་རེར་དངོས་ནས་སྐྱོ་བ་དྲགས་པོ་ཞིག་བྱུང་གི་འདུག་ལགས། སྐུ་ཉིད་ལ་དེ་འདྲའི་ཚོར་བ་འདྲ་འདུག་གམ། རང་ཉིད་ཀྱིས་རང་གི་རིགས་ལ་འགན་མི་ཆགས་པའི་ནག་ཉེས་དང་རང་གི་བྱིས་པ་འདི་རང་གི་རིགས་རུས་གཙང་མ་ཞིག་བྱེད་མ་ཐུབ་པའི་དཀའ་ངལ་སོགས་ལ་སེམས་ཁྲལ་འདུག་གམ་ཅི་ལགས།

རི་བོང་ལགས། འདིའི་རིགས་ལ་ཕན་གནོད་གང་ཡང་མེད་པར་འདོད་པ་དེ་ནི་ཏག་ཏག་ཞིག་བསྡད་མེད་པ་འདྲ་ལགས། གལ་སྲིད་གཟུགས་མཐོང་བརྙན་འཕྲིན་དེ་ཡི་རིགས་ལ་བལྟ་ཀློག་བྱེད་མཁན་དེ་དག་ནི་བོད་པ་རང་གིས་མི་རིགས་ཤིག་ཡིན་ངེས་ཡིན་ལ། དེ་ལ་ལད་ཟློས་ཀྱི་གླུ་དབྱངས་ལེན་མཁན་དེ་དག་ཡང་བོད་ཡིག་ཤེས་ལ་མ་ཤེས་མཁན་དེ་དག་ཡིན་ངེས་ཡིན། དེ་དུས་ཉེན་ཁ་ཞིག་འཕྲད་རྒྱུ་ནི་བཤད་མ་དགོས་པ་ཞིག་མ་རེད་དམ་ལགས།

རྨེ་བ་འཇམ་དཔལ་ནོར་བུ་ལགས། གང་ཞིག་་བདེ་བོ་མེད་པ་དེ་ཡི་ཐད་དུ་བསམ་ཚུལ་འདྲ་གསུངས་ཀྱི་མི་འདུག་གམ་ལགས།

གཅན་བཟོད་རྒྱམ་ལགས། འདང་དགོང་ར་བཟི་ནས་དེ་རིང་ཡང་འདི་རུ་ཕེབས་ནས་ཨམ་ཕྲུག་རྩམ་ཕྲུག་འདྲ་བ་ཚོ་ལ་ངས་ཞེ་ས་ཡིན་ན་གཅིག་སློབས་ཀྱི་འདུག་ཟེར་ནས་གསུངས་ཀྱི་འདུག སྐུ་ཉིད་སློབ་འདོད་ཡོད་ན་ཡང་འདི་ནས་སྤྱོང་ན་འགྲིག་གི་རེད། ཨ་ལ་ཀུ་རེ་ཡིན། ངས་གཞན་ལ་སློབ་རྒྱུ་ཞིག་ཕར་ཞོག རང་གིས་ཀྱང་ཡག་པོ་ཞིག་ཤེས་ཀྱི་མེད་པ་དེ་ཡིན་ལགས།

གནམ་ལྕགས་ལགས། ཉིད་ཀྱིས་སྤོབས་པ་མཐའ་ཡས་ལགས་ཀྱིས་གསུང་དེར་རྒྱབ་སྐྱོར་བྱས་པ་བདག་གིས་སེམས་སུ་འཛིན་ངེས་ཡིན། གང་ཐུབ་ཅི་ཐུབ་ཞིག་ཀློག་འདོད་ཡོད་ཀྱང་། དུས་ཚོད་ཀྱིས་འདང་མིན་དང་། དེབ་ལག་དུ་རེག་མིན། རེག་ཀྱང་ཀློག་པ་ལས་ཡིག་ནོར་ཡིན་མིན་སོགས་ལ་ཞིབ་དུ་དཔྱད་ཁོམ་མེད་པ། དཔྱད་ཁོམ་ཡོད་པའི་དབང་དུ་བཏང་ན་ཡང་དཔྱད་གཞིའི་ཡིག་ཆ་མེད་པ། ཡིག་ཆ་རེ་ཟུང་རྙེད་དབང་དུ་བཏང་ན་ཡང་། འཁྲིས་སུ་བཀའ་འདྲི་གནང་ས་མེད་པའི་དཀའ་ངལ། མདོར་ན་མི་ཡུལ་འདི་ན་དཀའ་ལས་མང་དྲགས་པའི་ཁྲོད་ནས་རང་གིས་རང་ལ་སེམས་གསོ་རེ་བྱེད་ཀྱིན། བོད་ཡིག་ལ་བཟུང་བའི་སེམས་ཤུགས་དེ་ཉིད་ཡར་རྒྱས་འགྲོ་བ་ལ་འགག་དང་བར་ཆད་མང་ཀི་ལགས། འོན་ཀྱང་། རྣམ་པ་གཉིས་ཀྱིས་སེམས་འཁུར་གྱི་བསླབ་བྱ་དེ་ནི་སེམས་གཏིང་དུ་བཟུང་ཡོད་ལགས།

ཨོ་ཧོ་ཧོ། བཀའ་འགྱུར་འགྲིག་ཡོད་ཀི་ན། མཆན་བུ་ཉིས་བརྩེགས་ཐེབས་འདུག ཁྱེད་ཚང་མར་དགོངས་དག་ཞུ། ད་དུང་ཞེ་ས་ལ་ཞ་ས་འདྲ་ཞིག་བྲིས་ཡོད་ནོ་ཨེ་རིག་གི

ཨ་ཧ་བོ་ན་ཧ་བོ། མདང་དགུང་གི་ཆང་དེས་ད་དུང་མགོ་ན་ཡིན་འདུག དེ་རིང་ང་རྗེས་ལུས་ཐེབས་འདུག་གཱ ཁྱེད་ཚོས་གླེང་མོལ་གང་འཚམ་རེ་བྱས་འདུག་གཱ བཟང་གི་བཟང་གི
སྤྱོད་འཇུག་སྐྱོར་མཁན་ར་ཡོད་ཀི་མོ། དངོས་གནས་བཟང་གི ང་ཡང་སྤྱོད་འཇུག་འདི་ལ་དགའ་ས་ཞིག་ཡིན།
ཤ་ཁྲག་མགོ་བྱས་ནས་དེང་སང་གི་མ་ཕྲུག་འདི་ཚོར་ཡང་ཞེ་ས་རྒྱག་རྒྱུ་ལོབ་ཀི་འདུག འདི་ཡང་དོན་བཟང་ཞིག་རེད་ཡ། འོན་ཀྱང་ཨ་རོགས་ཚོ། ཞ་ས་སོ་མ་རྒྱག་མཁན་ཞིག་ཡིན་ན་ཤ་ཁྲག་གི་ཞེ་ས་རྒྱག་སྟངས་ལ་གཟབ་དགོས་ཡ། མི་འདི་ལ་ཞེ་ས་རྒྱག་སྟངས་ཡན་གར་བ་ཞིག་ཡོད་ཡ། མ་རེད་དམ་ལགས། ཤ་ཁྲག་ལགས། ཧ་ཧ་ཧ་ཧ།

འདི་བོད་ཡིག་གིས་རྒྱ་སྐད་བྲིས་པ་ལས་བོད་ཡིག་གིས་བོད་སྐད་བྲིས་མིན་པས། འདི་རིགས་ཀྱིས་བོད་སྐད་ཡིག་ལ་ཕན་གནོད་གང་ཡང་མེད་སྙམ་མོ།

དེང་རབས་འདིར་བོད་ཀྱི་གངས་རི་ཆུ་ལ་འགྱུར་བཞིན་ཡོད་པ་དང་བོད་ཀྱི་མི་རིགས་རྒྱ་ལ་འགྱུར་བཞིན་ཡོད་པ་འདི་ནི།
རིག་འཛིན་ཚངས་དབྱངས་རྒྱ་མཚོའི་འགུག་གླུ་བཞིན་དུ།
ཀོ་བ་འཕྲེད་ལ་གཏོང་པས། ཆུ་མོའི་གཞུང་ལ་ཁྱེར་སོང།
གལ་སྲིད་ཁྱེར་ནི་ཁྱེར་ཁུ། ལས་འབྲས་ཕྱོགས་ལ་ཁྱེར་ཅིག

མི་ལོ་ལྔ་བཅུའི་རིང་བསག་པའི་ལས་ཀྱི་འབྲས་བུ་སྨིན་དུས་ཐབས་ཤེས་ག་རེ་ཡོད།

འདི་ནི་ཕྱོགས་གཞན་ནས་བསམ་བློ་གཏོང་ན་ང་རང་ཚོའི་མི་རབས་གསར་པ་ཚོའི་ངོ་བོ་འདི་འདྲ་ཞིག་ལ་འགྱུར་བཞིན་ཡོད་པ་ནི་སེམས་ཕམ་དགོས་པ་ཞིག་ཀྱང་འདུག
ང་ཅོ་རིའི་བུ་ཕྲུག་ཀྱང་འདི་འདྲ་འགྱུར་ཡང་དོགས་ནས་སེམས་འཁྲུལ་གསར་པ་ཞིག་ཀྱང་རྙེད་སོང།

མ་གཞི་ནས་ཤ་རུས་ཁྱེད་ཀྱིས་མི་རྙེད་དགུ་རྙེད་འདི་འདྲ་ག་རེ་རེད་དམ། ཁྱེད་སྨྱོ་པ་ཆགས་སོང་ངམ། རྗེས་མ་འདི་འདྲ་ཁུར་ནས་མ་ཡོང་ཨ།

ཨོ་རེད་འདི་རྒྱ་སྐད་ཀྱི་སྒྲ་གདངས་གཙང་མ་ཡང་རེད་མི་འདུག་མཆོད་རྟེན་ཞེས་བོད་ཀྱི་ཐ་སྙད་བེད་སྤྱོད་བྱས་འདུག
ར་མ་ལུག་དང་རྒྱ་མ་བོད་ཞེས་ཟེར་སྲོལ་ཡོད་པ་བཞིན་དུ་འདི་ནི་རྒྱ་མ་བོད་ཀྱིས་འབྲི་སྟངས་དང་རྒྱ་མ་བོད་ཀྱིས་གླུ་ལེན་སྟངས་ཡིན་པ་འདྲ་ཧཧཧཧཧཧཧཧ

གླུ་བ་རྒྱ་མ་བོད་ཞེས་མིང་བཏགས་ན་ག་འདྲ་འདུག་གམ།

ནང་མ་སྤྲོས་མེད་ཀྱིས་ཞུས་པ་ཡིན་པས་དགོངས་འགལ་མེད་པ་ཞུ།

བཟང་རྒྱུ་ངན་རྒྱུ་ཟེར་ནས་ཆེན་པོ་འདྲ་ཅང་བཤད་ཤེས་མ་སོང་ལགས། གཏན་ནས་མ་བྲིས་པ་ལས་ཅུང་ཙམ་དྲག་ག་མི་འདུག་གམ།