ཁོ་བོ་ཡོང་བའི་ཕྱིར་ཉིན་དེ་ནས་བཟུང་དེ། ངེད་ཚང་གི་རང་ཁ་གསོས་པའི་ཁ་ཐབས་མི་དམན་པ་ཞིག་ཡོད་ཀྱང་། ཉིན་མོ་དེར་ངེད་ཚང་གི་ཕ་རྒན་ཆང་གི་བཟི་ནས། ཁོ་བོ་ཡོང་བ་དེར་མགྲོན་བསུ་ཡག་པོ་ཞིག་ཀྱང་བྱེད་མ་ཐུབ་པར། ཁོ་བོ་ངེད་ཚང་ནས་བུད་སོང་བ་རེད་ཟེར་བའི་གཏམ་རྒྱུད་དེ་ཐོས་མཁན་གྱི་ངེད་ཚང་གི་བུ་དང་བུ་མོ་དག་གིས་ནམ་རྒྱུན་དེ་འདྲ་ཞིག་གླེང་གི་ཡོད།
དེ་ནི་གནའ་བོའི་མི་རབས་ཤིག་གི་གཏམ་རྒྱུད་རེད་ཟེར་ནས་སུས་ཀྱང་ང་ལ་གསལ་བོ་ཞིག་བཤད་མ་མྱོང་ལ། ངེད་ཚང་དུ་ཕེབས་མྱོང་བའི་ཁོ་བོས་ཀྱང་། ངེད་ཚང་ནས་འགྲོ་ཁར་སྐད་ཆ་གསལ་བོ་ཞིག་ཀྱང་མ་བཤད་པ་མ་ཟད། འགྲོ་ཁར། ང་འགྲོ་བཞིན་ཡོད། བདེ་མོ་བྱོས། གཅིག་བྱས་ན་སླར་ཡང་མཇལ་སྲིད་ཟེར་བ་སོགས་གང་ཡང་མ་གསུངས་པར་ཁོ་རང་བུད་སོང་བར་ང་ཚོས་གླེང་བཞིན་ཡོད།
གང་ལྟར། ང་རང་མི་ལོ་ཉི་ཤུ་ཟད་དེ་སུམ་བཅུ་བརྒལ་ན་ཡང་། ངས་ད་དུང་ངེད་ཚང་ལ་ཡོང་བའི་ཁོ་བོའི་རྐང་རྗེས་ཙམ་ལ་ཡང་ཞིབ་འཇུག་བྱེད་ཐུབ་མ་སོང་བ་མ་ཟད། ངས་རང་གི་འགྲོ་འདུག་འདི་ཡང་རང་ཉིད་ལ་དབང་མིན་མི་ཤེས་པའི་གནས་ཤིག་དུ་བསྐྱེལ་འདུག དོན་དངོས་ཐོག་ངེད་ཚང་དུ་ཡོང་མཁན་གྱི་ཁོ་བོ་དེ་ནི་སུ་ཡིན་ནམ། དེ་ནི་སྔ་མོ་སྔ་མོ་ཞིག་ཡིན་སྲིད་དམ། སྐབས་དེར་ངེད་ཚང་དུ་ཡོང་བ་བདེན་ན། ངས་རང་གི་ཨ་མྱེ་ལ་དྲིས་ན། ཨ་མྱེ་ལ་ཁོ་བོ་ངེད་ཚང་དུ་ཡོང་བའི་གཏམ་རྒྱུད་གསལ་བོ་ཞིག་གསུང་རྒྱུ་ཡོད་སྲིད་ངེས་ཡིན།
གཅན་བཟོད་རྒྱམ་ལགས། སྐུ་ཉིད་ཀྱིས་བདག་གི་ཁ་བྱང་འདི་སྣང་བ་སོང་བ་དེ་ཙམ་གྱིས་འགྲིག་སོང་།
རྨེ་རུ་ལགས། ཀློག་དུ་ཕེབས་པ་སྤྲོ་ཡོད། རྗེས་ཕྱོགས་ཀྱང་ཕེབས་རྐྱང་གནོང་རོགས།
ཁ་བ་སྐམ་པོ་ལགས། དངོས་ནས་ང་རང་རྩོམ་མཁན་ཟེར་བ་དེ་འདྲ་གང་ཡང་མིན་ལགས། རེད་དེ། རང་གིས་སེམས་ནང་གི་ཚོར་བ་གཅིག་བུ་མིན་པར། དོན་དངོས་ཀྱི་གནས་སྟངས་རེ་ཟུང་ལ་ཞིབ་དཔྱོད་བྱེད་ཁུལ་ཡིན་ལགས།
ལྷ་ཆབ་སྦྱིན་པ་ལགས། སྐུ་ཉིད་ནས་དུས་རྟག་དུ་ཡར་སྐུལ་གནང་བ་དེར་སེམས་གཏིང་ནས་བཀའ་དྲིན་ཆེ་ཞུ་ལགས། ང་རང་གིས་ཀྱང་གང་ཐུབ་རེ་བྱེད་འདོད་ཀྱང་། སྐབས་རེར་ལས་ཀའི་དབང་གི་བསམ་ཐོག་ལ་ཡོང་བ་ཞིག་འབྲི་ཐུབ་ཀྱི་མི་འདུག་ལ། འབྲི་ཤེས་ཀྱི་ཡང་མི་འདུག་ལགས།
ཅོ་རི་ཉི་མ་ལགས། སྐུ་ཉིད་ཀྱིས་བསམ་བློ་ཞིབ་མོ་ཞིག་གཏོང་དང་། གཅིག་བྱས་ན་མཁྱེན་ངེས་ཡིན། དེ་དུས་ཡང་བསྐྱར་བསམ་ཚུལ་རེ་འབྲི་རོགས་ཞུ།
ལྷོ་ཕྲུག་སྣ་བོ་ཆེ་ལགས། དངོས་ནས་རང་དབང་ཡོད་ས་ནས་རང་ས་མེད་པའི་སེམས་ཁོང་གི་ན་ཟུག་འདི་འུ་ཅག་ཚང་མ་ལ་གཅིག་མཚུངས་ཡོད་པ་རེད་ལགས། དེ་ཡིན་དུས། རང་ས་ནས་རང་དབང་ཞིག་ཡོད་རྒྱུ་ན། འུ་ཅག་གིས་འབྲི་བཞིན་པའི་བོད་ཡིག་འདི་ལ་ཡང་གོང་ཞིག་ཡོད་ངེས་ཡིན་ལ། དེ་དུས་སྒྱུ་རྩལ་རྩོམ་ཡིག་འབྲི་མཁན་ཕུལ་བྱུང་བ་དེ་འདྲ་ཡང་མང་བོ་ཞིག་ཐོན་ངེས་ཡིན། འོན་ཀྱང་། ང་ནི་དེ་འདྲ་འབྲི་ཤེས་མཁན་ཞིག་མིན་ལགས།
ཨ་མྱེ་རྫ་རྒྱ་ལགས། རང་གིས་རང་ཤེས་དུས། ད་གཟོད་ཕར་ཕྱོགས་ཤེས་རྒྱུར་དཀའ་ལས་ཡོད་པ་མ་རེད་ཅེས་ང་རང་གི་རྟག་དུ་དྲན་བཞིན་ཡོད་ལགས། སྐུ་ཉིད་འདི་ལྟར་ལོ་ན་མཐོ་ཡང་སྐུ་ཚེགས་ལ་མ་འཛེམ་པར་ཕེབས་པ་དགའ་ཡོད། ཧཧཧཧ
དྲ་གྲོགས་ཤ་ཁྲག་ལགས་བཀློགས་ཟིན་པ་ཡིན་ཁོ་བོ་ཁྱེད་ཚང་ལ་ཡོང་ཡོད་མེད་སུས་ར་མི་ཤེས་ན་ཁྱོད་ལ་ཁག་མེད།
ངས་ཁོ་བོ་སུ་ཡིན་ར་མི་ཤེས་གི་ལགས།
ཀུ་རེ་ཡིན་རྩོམ་ཡིག་ཧ་ཅང་གི་ཡག་གི་མུ་མཐུད་འབྲི་རོགས་ང་ཡང་མུ་མཐུད་དུ་ཡོང་ངེས་ཡིན།
སྨྲ་བརྗོད་རང་དབང་ཡོད་སའི་ཡུལ་ལུང་ནས།
རབ་བེ་རིབ་བེ་ཡིན་པའི་སྐད་མ་རྒྱགས་ཡཱ།
སྐུ་རྩེད་ཡིན།
སྒྱུ་རྩལ་ཟེར་བ་དེ་འདི་ན་ཡང་གཅིག་ཡོད་པ་འདྲ།
སྐུ་ཉིད་ཀྱི་སྙན་ངག་འདིར་བཀླགས་ཟིན་ཡང་དོན་ག་པར་སྦྱར་དགོས་ཤེས་མ་སོང།
གོང་གི་རྩོམ་ཡིག་འདི་སྒྱུ་འཕྲུལ་དང་ལྡན་པ་ཞིག་འཁྱོངས་འདུག
གོང་གི་རྩོམ་ཡིག་འདིའི་ནང་གི་དག་ཆ་དང་ཚིག་སྦྱོར་སོགས་ལ་ཤིན་ཏུ་ཡར་རྒྱས་ཆེན་པོ་བྱུང་འདུག མུ་མཐུད་དུ་ཤུགས་རྒྱོབས།
དེང་སང་དྲ་གྲོགས་ཤ་ཁྲག་ངོ་མ་རྩོམ་མཁན་ཞིག་རེད་བཟང་གི
ཤ་ཁྲག་ལགས་བཀླགས་ཟིན་པ་ཡིན།
རྩོམ་ཡིག་གི་ཁ་བྱང་དེ་དཔེ་སྣང་བ་འགྲོ་སོང་།
རྩོམ་ཡིག་གི་ནང་དོན་ཅི་ཡིན་གསལ་བོ་ཞིག་ཤེས་མ་སོང་།
ཡང་བསྐྱར་འདང་ཞིག་རྒྱག་དང་རབ་རིབ་ཙམ་རེ་ཤེས་ཨེ་ཡོང་སྙམ།