ཕྱི་ལོ་རྙིང་པ་ཐེགས་སོང་། གསར་པ་མདུན་དུ་ལྷགས་སོང་། སྐབས་དོན་འོས་བསྡུའི་འགན་དབང་། རང་མོས་ཐག་གཅོད་གནང་དགོས།
བཀའ་ཟུར་མདོ་སྔགས་བསྟན་འཛིན།
ད་ཕན་རང་རེའི་སྤྱི་ཚོགས་ནང་གནས་ཚུལ་བཟང་ངན་དགའ་སྡུག་ཅི་ཞིག་བྱུང་བ་རྣམས་འདས་ཟིན་པ་ཡིན་པས། དེ་དག་ཕྱིར་ཤིག་བཟོ་བཅོས་ཡོང་ཐབས་མེད་པ་དེ་ལྟར་ཡང་། དུས་སྐབས་དེའི་རིང་ང་ཚོར་མཐོང་ཐོས་མྱོང་ཚོར་ཅི་རིགས་གྲུབ་པ་རྣམས་དུས་ཐོག་བསླབ་བྱར་བླངས་ཏེ་མ་འོངས་པའི་བྱ་གཞག་ཡོད་ཚད་འཐུས་སྒོ་ཚང་བ་ཡོང་ཆེད་གཟབ་ནན་གནང་རྒྱུ་ཧ་ཅང་གལ་ཆེ་ཞིང་། ད་ལྟ་སྐབས་སུ་བབ་པར་རྗེས་མའི་བཀའ་བློན་ཁྲི་བ་དང་བོད་མི་མང་སྤྱི་འཐུས་རྣམས་འདེམས་ནོར་མ་ནོར་བ་བྱེད་རྒྱུ་དེ་རྒྱ་ཆེའི་མང་ཚོགས་ཀྱི་མགོ་ཐོག་ཏུ་འཁྲི་བའི་དམངས་གཙོའི་འགན་འཁུར་བླ་ལྷག་ཅིག་ཡིན་པ་ངོས་འཛིན་གནང་ཐུབ་པ་དགོས། གཞི་རྐང་དེའི་ཐོག་ཉེ་དུས་འགའ་ཤས་ནས་ཐུགས་ཁུར་་བསྐྱེད་དེ་འདེམས་བྱའི་གང་ཟག་རྣམས་ལ་ཤེས་ཡོན་དང་འཇོན་ཐང་ལྷག་བསམ། ཉམས་མྱོང་བཅས་འདི་དང་འདི་འདྲ་དགོས་ཟེར་བའི་ཆ་རྐྱེན་བཏོན་པ་དང་། ཡང་ཁག་ཅིག་གིས་འོས་བསྡུ་བྱེད་སྐབས་དམངས་གཙོའི་འགན་འཁུར་བླངས་ཏེ་འོས་འཕེན་དུ་འགྲོ་དགོས་ཟེར་བའི་སྐུལ་འདེད་བྱས་པ་རྣམས་གཞི་རྩ་དགོས་ངེས་ཡིན་ནའང་དེ་ཙམ་གྱིས་གནད་ལ་མི་འཁྱོལ་བ་མྱོང་བས་གྲུབ་པ་ཡིན་ཞིང་། རྒྱུ་མཚན་ནི་རང་རེའི་བོད་མི་རྣམས་ཡུལ་ཕྱོགས་མི་འདྲ་བ་དུ་མའི་ནང་ཁ་ཐོར་གནས་སྡོད་བྱེད་མུས་དེས་ཕན་ཚུན་ཐུག་འཕྲད་དང་འབྲེལ་འདྲིས་ཉུང་སྐྱོན་རྐྱེན་པས་འདེམས་བྱ་སུ་ཞིག་ལ་འོས་ཤོག་སྤྲོད་རྒྱུར་མི་ངོ་ཆོད་པའི་དཀའ་གནད་ཆེ་ཤོས་དེ་ང་ཚོའི་མདུན་དུ་ཡོད་མུས་རེད། ད་དུང་ཆ་ལག་མ་ཚང་བ་ཞིག་ལ་དམངས་གཙོ་ཚད་ལྡན་གྱི་ལམ་སྲོལ་དང་མི་མཐུན་པ་དེ་ཡང་ང་ཚོར་གཞུང་འཛིན་ཚོོགས་པ་དང་། ཕྱོགས་འགལ་ཚོགས་པ་ཞེས་ཁུངས་སོ་སོར་ཚོགས་མི་ཐུན་མོང་གི་ལྟ་བ་དང་དམིགས་ཡུལ། ལངས་ཕྱོགས་བཅས་བལྟས་ས་འདི་ཡིན་གྱི་ཁ་ཕྱོགས་ཚད་འཛིན་གང་ཡང་མེད་པར་སྤྱི་འཐུས་རེ་རེའི་སྐབས་དུས་སྣང་བར་གང་འཐད་བྱེད་པའི་ལམ་སྲོལ་ཞིག་ཡོད་པ་དང་། ཡང་དེང་སང་དམངས་གཙོ་ཡར་ཐོན་རྒྱལ་ཁབ་ནང་གི་བྱེད་སྟངས་ལ་དཔེ་བཟང་བླངས་ཏེ་འོས་ཁོངས་སུ་འགྲན་རྩོད་དང་ལངས་ཕེབས་མཁན་ཡང་མེད་པ་སོགས་ཡང་སྙིང་མང་པོ་ཞིག་གིས་འོས་ཤོག་སྤྲོད་ཡུལ་ཆ་རྒྱུས་མེད་པར་མགོ་འཐོམས་པའི་བར་ལ་མགོ་བདེ་དྲན་འཕྲུལ་ཁག་གིས་གོ་སྐབས་བཟུང་སྟེ། འོས་ཤོག་བླུགས་སྐབས་ཕྱོགས་ཞེན་གྱི་མིང་ཤོག་ལྐོག་འགྲེམས་མགོ་གཡོག་བྱེད་པ་བརྒྱུད། ༡༽གང་ཞིག་ལ་ཤེས་ཡོན་དྲི་ཙམ་ཡང་མེད་ནའང་ཕུང་དཀྲུགས་ལ་མཁོ་ཆེད་ཁོ་པ་ཁ་བཙན་ཆེ་ཞིང་བསམ་འཆར་ཁ་རུ་ཁ་ཐུག་ཤོད་ཕོད་མཁན་རེད་ཟེར་བ་དང་། ༢༽འགའ་ཤས་ཀྱིས་ཁོང་པ་ང་རང་ཚོར་དགའ་ཞེན་ཡག་པོ་ཡོད་རེད་ཟེར། ༣༽རེ་འགས་ལྷག་བསམ་ལ་ལྟོས་མེད་ཁོ་ནི་མི་རྒྱུད་ཡག་པོ་དང་འཇོན་ཐང་ཡོད་ངེས་རེད་ཟེར། ༤༽ཡང་ཁག་ཅིག་གིས་བྱས་འཇོན་ལ་སྣང་མེད་ཁོ་རང་སྤྱི་འཐུས་རྒྱུན་རིང་བྱས་པར་ཉམས་མྱོང་ཡོད་ཀྱི་རེད་ཟེར། ༥༽གཞན་ཡང་སྤྱི་འཐུས་ཀྱི་རང་ཚུགས་ཟིན་མིན་ལ་དཔྱད་པ་མེད་པར་ཁོ་པ་ཤེས་ཚད་ཡག་པོ་ཡོད་ཟེར་བ་སོགས་ཟ་རི་ཟ་རིའི་ངང་ནས་དེ་འདྲའི་གང་ཟག་ལ་འོས་ཤོག་སྤྲད་པ་ཡིན་ཙང་། སྤྱི་འཐུས་ནང་རྩོད་པ་སྟོང་འུར་ཅན་མི་ཉུང་བ་ཞིག་ང་ཚོས་ང་ཚོའི་མགོ་ཐོག་ཏུ་བཞག་པ་རེད། རྒྱུ་མཚན་འདི་འདྲ་ལ་བསམ་ནས་ཡང་སྙིང་ང་ཚོ་མཉམ་རུབ་བྱས་ཏེ་འདི་ལ་སྐྱོན་སེལ་ཐབས་ལམ་གསར་གཏོད་གང་མང་དགོས་ངེས་དུས་ལ་བབ་འདུག ཡང་སྐབས་འདིར་ང་ཚོ་ཚང་མའི་མཐོང་རྒྱ་དང་ཐོས་རྒྱ་ཆེ་ཙམ་ཡོང་སླད་རང་གི་བསམ་ཚུལ་བྱས་ན་ཕྱོགས་ཡོངས་ཀྱི་བོད་མི་རྣམས་ནས་བོད་ཡིག་གསར་ཤོག་དང་དུས་དེབ་གཙོ་གྱུར་རླུང་འཕྲིན་ཁག་དང་། དྲ་རྒྱ། ཨི་མེལ་བཅས་ལ་དོ་སྣང་ལྟ་ཀློག་ཉན་གོམས་རྒྱུུན་འཇགས་ཡོང་བ་དང་། ཕྱོགས་མཚུངས་བོད་མི་གནས་ཡུལ་སྤྱི་ཚོགས་སོ་སོའི་ནང་སྒྲིག་འཛུགས་ཀྱི་ལམ་ནས་འདེམས་བྱ་སུ་རུང་མི་ངོ་རྒྱུས་མེད་སྟོན་རེས་དང་། འགྲེལ་བཤད་བརྡར་ཤ་གཅོད་ཆེད་བགྲོ་གླེང་ཚོགས་འཛོམས་བྱེད་པའི་ལམ་སྲོལ་ཞིག་རྒྱུན་མཐུད་བྱུང་ན་ཕན་ཐོགས་ཅུང་ཡོང་སྙམ་པའི་ཐོག་གཙོ་བོ་རང་རིགས་ཤེས་བློ་ཡངས་པ་རྣམ་པས་དགོངས་ཚུལ་གནང་སྐྱོང་ཅི་ནས་ཡང་བ་ཞུ།
སྐུ་ངོས་ཟླ་བ་ཕུན་སྐྱིད་ལྟ་བུ་མང་པོ་ཞིག་གིས་འོས་ཤོག་ལ་རེ་བ་ཆེན་པོ་བརྒྱབ་བསྡད་ཡོད་རེད་ད།
སྐུ་ངོས་ཟླ་བ་ཕུན་སྐྱིད་ལྟ་བུ་མང་པོ་ཞིག་གིས་འོས་ཤོག་ལ་རེ་བ་ཆེན་པོ་བརྒྱབ་བསྡད་ཡོད་རེད་ད།
སྐུ་ངོས་ཟླ་བ་ཕུན་སྐྱིད་ལྟ་བུ་མང་པོ་ཞིག་གིས་འོས་ཤོག་ལ་རེ་བ་ཆེན་པོ་བརྒྱབ་བསྡད་ཡོད་རེད་ད།
བདེ་ལེགས་སྨན་ཁང་གི་དབུ་འཛིན་དབུས་གཙང་སྤྱི་འཐུས་སྐུ་ངོས་ཟླ་བ་ཕུན་སྐྱིད་ལགས་ཀྱི་སྤྱི་འཐུས་སྐབས་བཅོ་ལྔ་བའི་འོས་ཤོག་འཕྲོ་བརླགས་མི་འགྲོ་ཐབས་ང་ཚོས་ག་རེ་བྱེད་དམ།
བདེ་ལེགས་སྨན་ཁང་གི་དབུ་འཛིན་དབུས་གཙང་སྤྱི་འཐུས་སྐུ་ངོས་ཟླ་བ་ཕུན་སྐྱིད་ལགས་ཀྱི་སྤྱི་འཐུས་སྐབས་བཅོ་ལྔ་བའི་འོས་ཤོག་འཕྲོ་བརླགས་མི་འགྲོ་ཐབས་ང་ཚོས་ག་རེ་བྱེད་དམ།
བདེ་ལེགས་སྨན་ཁང་གི་དབུ་འཛིན་དབུས་གཙང་སྤྱི་འཐུས་སྐུ་ངོས་ཟླ་བ་ཕུན་སྐྱིད་ལགས་ཀྱི་སྤྱི་འཐུས་སྐབས་བཅོ་ལྔ་བའི་འོས་ཤོག་འཕྲོ་བརླགས་མི་འགྲོ་ཐབས་ང་ཚོས་ག་རེ་བྱེད་དམ།
བདེ་ལེགས་སྨན་ཁང་གི་དབུ་འཛིན་དབུས་གཙང་སྤྱི་འཐུས་སྐུ་ངོས་ཟླ་བ་ཕུན་སྐྱིད་ལགས་ཀྱི་སྤྱི་འཐུས་སྐབས་བཅོ་ལྔ་བའི་འོས་ཤོག་འཕྲོ་བརླགས་མི་འགྲོ་ཐབས་ང་ཚོས་ག་རེ་བྱེད་དམ།
བདེ་ལེགས་སྨན་ཁང་གི་དབུ་འཛིན་དབུས་གཙང་སྤྱི་འཐུས་སྐུ་ངོས་ཟླ་བ་ཕུན་སྐྱིད་ལགས་ཀྱི་སྤྱི་འཐུས་སྐབས་བཅོ་ལྔ་བའི་འོས་ཤོག་འཕྲོ་བརླགས་མི་འགྲོ་ཐབས་ང་ཚོས་ག་རེ་བྱེད་དམ།
བདེ་ལེགས་སྨན་ཁང་གི་དབུ་འཛིན་དབུས་གཙང་སྤྱི་འཐུས་སྐུ་ངོས་ཟླ་བ་ཕུན་སྐྱིད་ལགས་ཀྱི་སྤྱི་འཐུས་སྐབས་བཅོ་ལྔ་བའི་འོས་ཤོག་འཕྲོ་བརླགས་མི་འགྲོ་ཐབས་ང་ཚོས་ག་རེ་བྱེད་དམ།
བོད་གཞུང་བདེ་ལེགས་སྨན་ཁང་གི་དབུ་འཛིན་དབུས་གཙང་སྤྱི་འཐུས་སྐུ་ངོས་ཟླ་བ་ཕུན་སྐྱིད་ལགས་ཀྱི་སྤྱི་འཐུས་སྐབས་བཅོ་ལྔ་བའི་འོས་ཤོག་འཕྲོ་བརླགས་མི་འགྲོ་ཐབས་ང་ཚོས་ག་རེ་བྱེད་དམ།
བོད་གཞུང་བདེ་ལེགས་སྨན་ཁང་གི་དབུ་འཛིན་དབུས་གཙང་སྤྱི་འཐུས་སྐུ་ངོས་ཟླ་བ་ཕུན་སྐྱིད་ལགས་ལྟ་བུ་དངོས་གནས་ཡག་པོ་ཡོད་ས་རེད་ད། ཁོང་གིས་ཉེ་སྔོན་གྲོས་ཚོགས་ནང་སྐུ་ངོས་བསོད་ནམས་སྟོབས་རྒྱལ་གྱི་ལམ་གྲོན་རྩོད་རྙོགས་ཀྱི་སྐབས་སྐད་ཆ་མགོ་གཉིས་མ་གང་འདྲ་ཡག་པོ་སྙིང་རྗེ་པོ་དེ་འདྲ་གསུངས་སོང། ཕྱི་ལོགས་ལ་ཐོན་འགྲོ་མཁན་ཚོར་ང་ཁྱེད་ཚོའི་རྗེས་ལ་ཡོང་དགོས་བསམ་སོང་ཡང་ཐེངས་རྗེས་མའི་ངའི་སྤྱི་འཐུས་ཀྱི་འོས་ཤོག་ལ་སྐྱོན་བྱས་ཨེ་ཡོང་བསམ་མ་བསྡད་ཐབས་མེད་ཆགས་སོང། ཞེས་གསུངས་ཡོད་པ་རེད། ཡང་གྲོས་འཆར་ཁྱེར་ཡོང་མཁན་ཚོར་ཁྱེད་ཚོས་ནོར་མི་འདུག བསོད་ནམས་སྟོབས་རྒྱལ་ལ་ལམ་གྲོན་སྤྲད་པ་དེ་རྩ་བ་ནས་དྲང་པོ་བྱུང་ཡོད་མ་རེད། གསུང་ཡོད་འདུག་ག དྲ་གྲོགས་ཚོ།
བཀའ་ཟུར་ཁོང་མི་དྲང་ཚུགས་ཅན་དང་བློ་སྤོབས་ཅན་ཞིག་ཡིན་པ་ཡོངས་གྲགས་རེད། ད་རེས་ཀྱི་བསམ་ཚུལ་དེ་ཡང་གནད་ལ་འཁེལ་བ་གསུངས་འདུག་ན་ཁོང་ལ་ཐུགས་རྗེ་བླ་ལྷག་ཏུ་ཆེ་ཞེས་ཞུ་རྒྱུ་ཡིན། ཐེངས་རྗེས་མར་ཡང་ད་ལྟའི་སྤྱི་འཐུས་འདི་ལྟ་བུ་སླེབས་པ་ཡིན་ན། བཀའ་ཁྲི་ཡག་པོ་དང་ལྷག་བསམ་ཅན་ལ་སོགས་པ་འདེམས་ཀྱང་དོན་མེད་དུ་འགྱུར་རྒྱུ་རེད་དོ།
ཆོས་བཟང་ལགས་ཀྱིས་ཁ་ཐུག་གསུངས་མ་ཤེས་ནས་དོན་དུ་གྲོས་འཆར་ཁྱེར་ཡོང་མཁན་ཚོ་ནོར་མི་འདུག་གསུངས་སྙིང་བྲོ་ཀྱི་ཡོད་པ་འདྲ་པོ་འདུག་དྲ་གྲོགས་ཚོ།
ཨོ་ཧཧཧཧཧཧཧཧཧཧ་ཆོས་བཟང་ལགས་སྐད་ཆ་དེར་དེ་འདྲ་དགོད་སྤྲོ་ལ་ཨང།
བོད་གཞུང་བདེ་ལེགས་སྨན་ཁང་གི་དབུ་འཛིན་དབུས་གཙང་སྤྱི་འཐུས་སྐུ་ངོས་ཟླ་བ་ཕུན་སྐྱིད་ལགས་ཀྱི་སྤྱི་འཐུས་སྐབས་བཅོ་ལྔ་བའི་འོས་ཤོག
བོད་གཞུང་བདེ་ལེགས་སྨན་ཁང་གི་དབུ་འཛིན་དབུས་གཙང་སྤྱི་འཐུས་སྐུ་ངོས་ཟླ་བ་ཕུན་སྐྱིད་ལགས་ལྟ་བུ་དངོས་གནས་ཡག་པོ་ཡོད་ས་རེད་ད། ཁོང་གིས་ཉེ་སྔོན་གྲོས་ཚོགས་ནང་སྐུ་ངོས་བསོད་ནམས་སྟོབས་རྒྱལ་གྱི་ལམ་གྲོན་རྩོད་རྙོགས་ཀྱི་སྐབས་སྐད་ཆ་མགོ་གཉིས་མ་གང་འདྲ་ཡག་པོ་སྙིང་རྗེ་པོ་དེ་འདྲ་གསུངས་སོང། ཕྱི་ལོགས་ལ་ཐོན་འགྲོ་མཁན་ཚོར་ང་ཁྱེད་ཚོའི་རྗེས་ལ་ཡོང་དགོས་བསམ་སོང་ཡང་ཐེངས་རྗེས་མའི་ངའི་སྤྱི་འཐུས་ཀྱི་འོས་ཤོག་ལ་སྐྱོན་བྱས་ཨེ་ཡོང་བསམ་མ་བསྡད་ཐབས་མེད་ཆགས་སོང། ཞེས་གསུངས་ཡོད་པ་རེད། ཡང་གྲོས་འཆར་ཁྱེར་ཡོང་མཁན་ཚོར་ཁྱེད་ཚོས་ནོར་མི་འདུག བསོད་ནམས་སྟོབས་རྒྱལ་ལ་ལམ་གྲོན་སྤྲད་པ་དེ་རྩ་བ་ནས་དྲང་པོ་བྱུང་ཡོད་མ་རེད། གསུང་ཡོད་འདུག་ག དྲ་གྲོགས་ཚོ།
ཅོ་རི་ཉི་མ་ལགས་ཁྱེད་ཀྱིས་ལན་བཀླགས་ཟིན་ཡིན་ཐུགས་རྗེ་ཆེ།
རྨེ་རུ་ལགས་གོང་དུ་བཀའ་ཟུར་མཆོག་གིས་འདི་འདྲ་ཞིག་བྲིས་འདུག་འདིར་གཟིགས་ནས་སྐད་ཆ་བཤད་རོགས།
ཡང་དེང་སང་དམངས་གཙོ་ཡར་ཐོན་རྒྱལ་ཁབ་ནང་གི་བྱེད་སྟངས་ལ་དཔེ་བཟང་བླངས་ཏེ་འོས་ཁོངས་སུ་འགྲན་རྩོད་དང་ལངས་ཕེབས་མཁན་ཡང་མེད་པ་སོགས་ཡང་སྙིང་མང་པོ་ཞིག་གིས་འོས་ཤོག་སྤྲོད་ཡུལ་ཆ་རྒྱུས་མེད་པར་མགོ་འཐོམས་པའི་བར་ལ་མགོ་བདེ་དྲན་འཕྲུལ་ཁག་གིས་གོ་སྐབས་བཟུང་སྟེ། འོས་ཤོག་བླུགས་སྐབས་ཕྱོགས་ཞེན་གྱི་མིང་ཤོག་ལྐོག་འགྲེམས་མགོ་གཡོག་བྱེད་པ་བརྒྱུད། ཞེས་བཀོད་འདུག་པས་འདི་དོན་གོ་ཐུབ་པ་བྱེད་རོགས།
བཀའ་ཟུར་མཆོག་གིས་དོགངས་ཚུལ་ཧ་ཅང་གི་ཡག་པོ་གནང་འདུག།རྗེས་སུ་ཡིད་རངས་ཡོད།
ཅོ་རི་ཉི་མ་ལགས་གཡོ་སྒྱུ་ཅན་གྱི་སྤྱི་ཚོགས་འདི་གང་དུ་གསུངས་ཀྱི་ཡོད་དམ།གལ་སྲིད་བཙལ་བྱོལ་སྤྱི་ཚོགས་ལ་གསུངས་ཀྱི་ཡོད་ན།རྒྱུག་པ་ལེབ་འདུར་གནང་ན་ཏོག་ཙམ་མི་འགྲིག་སྙམ།
གཡོ་རྒྱུ་བྱེད་མཁན་གཞུང་དམངས་སུ་ཡིན་དང་གང་ཟག་སུ་ཡིན་འབྱེ་འབྱེད་གནང་ན་ལེགས་སྙམ།སྤྱིར་ང་ཚོས་རང་བཙན་གྱི་ཐབས་རྩོད་ཡིན་ནའང་འདྲ་རང་སྲིད་རང་སྐྱོང་ཡིན་ནའང་འདྲ་གང་ལྟར་བཙན་བྱོལ་བོད་གཞུང་གི་ལག་ནས་ལེན་རྒྱུ་མ་རེད།
མི་ངན་གཡོ་རྒྱུ་ཅན་ཚོས་གཡོ་རྒྱུ་གྱི་མདའ་མོ་བོད་རིགས་ཀྱི་རྙིང་ལ་མ་འཕེན་རོགས།
རི་བོ་དགའ་ལྡན་པའི་སྤྱི་འཐུས་བེ་འཇིགས་མེད་མཆོག་གིས་སྤྱི་འཐུས་རྒྱུན་ལས་ཀྱིས་ངོས་ནས་ནོར་ཡོད་ན་རྒྱལ་སྲས་བྱང་ཆུབ་སེམས་པའི་བཟང་སྤྱོད་ཀྱི་ཐོག་ནས་དགོངས་པ་ཞུ་རྒྱུ་ཡིན་གསུངས་འདུག་ད།
ཕུལ་དུ་བྱུང་བའི་དབུས་གཙང་སྤྱི་འཐུས་ཀརྨ་ཆོས་འཕེལ་མཆོག་ནི་ཨ་མ་དང་མནའ་མ་མི་ནོར་བ་དང་དགྲ་དང་གཉེན་མི་ནོར་བའི་སྤྱི་འཐུས་མཆོག་ཏུ་གྱུར་པ་ཅིག་རེད་འདུག་ད
དབུས་གཙང་སྤྱི་འཐུས་ཀརྨ་ཆོས་འཕེལ་དང་། དགེ་ལུགས་སྤྱི་འཐུས་བེར་འཇིགས། བོན་གྱི་སྤྱི་འཐུས་སྨོན་ལམ་ཐར་ཕྱིན་སོགས་ལ་གོ་བ་རེད། སྤྱི་འཐུས་གསེར་རྟ་ཚུལ་ཁྲིམས་འོད་ཟེར་མཆོག་ལ་སོགས་ཚད་དང་ལྡན་པའི་སྤྱི་འཐུས་ཚོ་ནི།
ཉམ་ཆུང་གི་རྒྱབ་སྐྱོབ་རེད་ལ་བཙན་པོར་སྐྱོན་འཛུགས་བྱེད་ཐུབ་པའི་བོད་མི་རིགས་ཡར་རྒྱས་ཀྱི་ལམ་དུ་ཁྲིད་མཁན་ཚོར་མི་སེར་ཉམ་ཐག་ཚོས་དུས་དང་རྣམ་པ་ཀུན་ཏུ་རྒྱབ་སྐྱོབ་བྱེད་དགོས།
བཀའ་ཟུར་མཆོག་གིས་རྣག་ཐོག་བཙག་འཁེལ་གྱི་བཀའ་མོལ་འདི་འདྲ་གནང་བ་ནི།
ཉམས་མྱོང་རྒན་པོའི་བསླབ་བྱ་ཞིག་ཀྱང་རེད་སྙམ། ད་དུང་བཀའ་ཟུར་གཞན་ཚོས་ཀྱང་འདས་པའི་འཚོ་བའི་ཉམས་མྱོང་ཁྲོད་ནས་འབྱུང་འགྱུར་བསླབ་བྱ་ལེན་དགོས་པའི་བཀའ་མོལ་འདི་འདྲ་གནང་ཐུབ་ན་དགེ་མཚན་ཆེ་བར་མཐོང་།
དང་པོ་ང་རང་ཚོས་གང་ཟག་ཤེས་འཇོན་དང་ལྷག་བསམ་ལྡན་པ་ཞིག་གཡོ་སྒྱུ་ཅན་གྱི་སྤྱི་ཚོགས་ནང་དུ་བཙའ་ཁུལ་བྱེད་ཀྱང་འདི་ནི་མི་རྙེད་པ་ཡིན་ཏེ། མདོ་ལས། ང་དང་ང་འདྲ་བའི་གང་ཟག་གིས་གང་ཟག་ལ་ཚད་བཟུང་གི་གང་ཟག་གིས་གང་ཟག་ལ་ཚད་བཟུང་བ་མི་བྱ་སྟེ་ཞེས་གསུངས་པ་ལྟར་ང་ཅོ་རིས་ཅོ་རི་འདྲ་བ་ཚད་བཟུང་ཐུབ་ཀྱང་རང་ཉིད་ལས་ལྷག་པའི་གང་ཟག་ལ་ཚད་བཟུང་མི་ཐུབ་པ་འདི་ནི་དངོས་ཡོད་རེད།
བཀའ་ཟུར་མདོ་སྔགས་བསྟན་འཛིན་ལགས།
1.སྐད་ཆ་ཁ་རུ་ཁ་ཐུག་བཤད་ཕོད་པར་ལྟ་རྒྱུ་མེད།
2.ང་རང་ཚོར་དགའ་ཞེན་ཡོད་པར་ལྟ་རྒྱུ་མེད།
3.མི་རྒྱུད་ཡག་པོ་ཡོད་མེད་ལ་ལྟ་རྒྱུ་མེད།
4.རྒྱུན་རིང་ཉམས་མྱོང་ཡོད་མེད་ལ་ལྟ་རྒྱུ་མེད།
5.ཤེས་ཚད་ཡག་པོ་ཡོད་མེད་ལ་ལྟ་རྒྱུ་མེད།
བདེན་བདེན་ཁྱེད་རང་བདེན་གཡོ་རྒྱུ་ཅན་གྱི་སྤྱི་ཚོགས་འདིའི་ནང་དུ་ཅི་འདྲ་བྱེད་ནས་བཀའ་ཁྲི་གསར་བ་བཙའ་དགོས་སམ།
བཀའ་ཟུར་མདོ་སྔགས་ལགས་ཀྱིས་གནད་ལ་འཁེལ་བ་འགའ་གསུངས་འདུག དཔེར་ན། ༽གཞན་ཡང་སྤྱི་འཐུས་ཀྱི་རང་ཚུགས་ཟིན་མིན་ལ་དཔྱད་པ་མེད་པར་ཁོ་པ་ཤེས་ཚད་ཡག་པོ་ཡོད་ཟེར་བ་སོགས་ཟ་རི་ཟ་རིའི་ངང་ནས་དེ་འདྲའི་གང་ཟག་ལ་འོས་ཤོག་སྤྲད་པ་ཡིན་ཙང་།
གསུང་འདིའི་དཔེ་མཚོན་དུ། དབུས་གཙང་སྤྱི་འཐུས་ཀརྨ་ཆོས་འཕེལ་དང་། དགེ་ལུགས་སྤྱི་འཐུས་བེར་འཇིགས། བོན་གྱི་སྤྱི་འཐུས་སྨོན་ལམ་ཐར་ཕྱིན་སོགས་ལ་གོ་བ་རེད།
ང་ཚོར་ཤེས་ཡོན་ཅུང་ཡོད་ཀྱང་དྲང་ཚུགས་མེད་ན། ཉེ་སྔོན་གྱི་གྲོས་ཚོགས་ནང་གི་རྙོག་དྲ་ལྟ་བུ་འབྱུང་འགྱུར་ཡང་དེ་ལས་ཆེ་བ་ཡོང་སྲིད། ད་ཐེངས་ཀྱི་དཀའ་རྙོག་དེར་སྤྱི་འཐུས་རེས་དགས་རྒྱ་མིས་བོད་ནང་གྲོས་ཚོགས་ཀྱི་ཚིག་རྩོད་དྲག་པོ་དེ་ཚོ། ཁྲོམ་སྲང་དུ་བསྟན་པ་དེས་བོད་མི་ཚོས་ང་ཚོའི་རང་དབང་གསལ་རྟོགས་ཐུབ། ཅེས་ཁེངས་དྲེག་གིས་བརྗོད་ཀྱི་ཡོད།
དེ་རྩིས་ནོར་ཤོར་བ་རེད། ལྟོས་དང་གནས་ཚུལ་དེའི་རྐྱེན་པས་མདོ་དབུས་ཁམས་གསུམ་གྱི་བོད་མི་ག་ཚོད་ཀྱིས་ང་ཚོར་ཁ་རྡུང་གཏོང་གི་ཡོད་པ་མ་ཤེས་སམ། ང་ཚོར་ཁ་རྡུང་གཏོང་མཁན་གྱི་བོད་མི་འདི་ཚོ་དེ་རིང་བར་ང་ཚོའི་འཚོ་གནས་དང་འབྲེལ་བ་ཡོད་ལ། ཁོང་ཚོ་ནི། དེ་རིང་བར་བོད་ཅེས་པའི་མིང་འདིར་ཤི་འཐམས་རོ་འཐམས་ཀྱིས་འཇུ་མཁན་རྐྱང་ཡིན།
འོ་ན་ཁོང་ཚོ་བློ་ཕམ་པ་དང་ཡིད་ཞུམ་པ་སོགས་སུ་འགྱུར་ན། ༸གོང་ས་མཆོག་གིས་དེ་རིང་བར་ངལ་བ་འཛེམ་མེད་དུ། མི་གཞན་གྱི་ངོ་གདོང་ཇི་ཙམ་བསུས་ཡོད་པ་དང་། ཞབས་ཀྱིས་ཇི་ཙམ་བཅག་པ་རྣམས་འབྲས་མེད་དུ་གཏོང་རྒྱུ་ཡིན་ནམ། གལ་ཏེ་ཁོང་ཚོའི་སེམས་ནུས་དང་ལག་ལེན་གྱི་གཏོང་ཕོད་དེ་འདྲ་མེད་ན། ང་ཚོས་ཅི་ཞིག་འགྲུབ་ཐུབ་བམ།
མི་ཡི་བསམ་བློ་ཞེས་པ་དེ་ཇི་འདྲའི་ལྐོག་གྱུར་ཞིག་རེད་ཨང་་་་་་་
འོན་ཀྱང་ད་ལྟ་ང་ཚོས་དོན་དངོས་ཀྱི་ངོ་གདོང་རྫུན་མ་མང་པོ་ཞིག་རིག་སོང་བ་རེད། ཀུན་གྱིས་སྐབས་རྗེས་མའི་བཀའ་ཁྲི་དང་སྤྱི་འཐུས་འོས་འདེམས་ལ་གཟབ་དགོས། ད་ལྟ་ནས་ལྟོས་ཡ། ཨ་རོགས་ཚོ།