བསྟན་འཛིན་སྲི་ཞུ་ལགས་ཀྱི་གློག་བརྙན་༼མི་ལུས་ཕྱུར་པོ་ཆེ་༽ཞེས་པ་ལེགས་འགྲུབ་བྱུང་སྟེ་བོད་ལྕགས་སྟག་ལོའི་ལོ་སར་སྐབས་དགྲམ་རྒྱུ་རེད། མགོ་ལོག་ཟླ་བྷེ་དེའི་ནང་གི་འཁྲབ་སྟོན་པ་ཞིག་རེད།
ཕྱི་ཚེས་ ༡༣ ཉིན་གྱི་ངྷ་སའི་ནམ་ཟླ་ཧ་ཅང་གྲང་ཐོག ཞོགས་པའི་ཆུ་ཚོད་ ༨ དང་སྐར་མ་ ༢༠ ཙམ་ནས་ཆར་བ་འབབ་མགོ་བརྩམས་ཡོད། ཞོགས་པ་དེར་ལས་ཁུངས་སུ་འབྱོར་རྗེས་གློག་བརྙན་གསར་བ་ཞིག་གི་སྐོར་ལ་གསར་འགོད་གསལ་བསྒྲགས་ཤིག་འདུག་ཟེར་བས། ང་རང་ཆར་རླུང་ཁྲོད་ཁ་སྣ་གཉིས་ཀྱང་བཤུད་ལ་ཁད་ཀྱིས་གསར་འགོད་དུ་བསྐྱོད། གསར་འགོད་པ་འདུ་འཛོམས་བྱེད་ས་ནི་ངྷ་ས་ས་གནས་བདེ་དོན་ཚོགས་ཁང་ནང་རེད་ལ། ས་དེར་འབྱོར་རྗེས་ཉེ་ཆར་བོད་ནས་གསར་དུ་འབྱོར་བའི་མགོ་ལོག་ཟླ་བྷེ་ཡང་དེ་རུ་འབྱོར་འདུག་པས། ངས་གཞི་ནས་ཁོང་ཐེངས་འདིའི་གསར་འགོད་དང་འབྲེལ་བ་ཡོད་པ་རྟོགས།
ཆུ་ཚོད་ ༡༠ ཙམ་ལ་བོད་ཀྱི་གློག་བརྙན་བཟོ་སྐྲུན་པ་བསྟན་འཛིན་སྲི་ཞུ་ལགས་ཀྱིས་ཐེངས་འདིའི་གསར་འགོད་གསལ་བསྒྲགས་དབུ་འཛུགས་གནང་བ་དང་། ཁོང་གིས་འདས་པའི་ཟླ་གཅིག་དང་ཟླ་ཕྱེད་རིང་འཁྲབ་ཁྲིད་བྱས་ཏེ་དུས་ཡུན་སྐར་མ་ ༤༥ ལྷག་ཡོད་པའི་ ༼ མི་ལུས་ཕྱུར་པོ་ཆེ་༽ ཞེས་པའི་གློག་བརྙན་ཞིག་འཁྲབ་སྟོན་ལེགས་འགྲུབ་བྱུང་ཞིང་། གློག་བརྙན་དེ་འདི་ལོའི་བོད་ལྕགས་སྟག་ལོའི་ལོ་སར་སྐབས་དང་བསྟུན་ནས་སྤྱི་ཚོགས་ཁྲོད་དངོས་སུ་དགྲམ་རྒྱུ་ཡིན་སྐོར་བརྗོད་སོང་། ཉིན་དེར་གློག་བརྙན་འཁྲབ་སྟོན་པ་གཙོ་གྲས་མགོ་ལོག་ཟླ་བྷེ་དང་བྱང་ཆུབ་ཤཱཀྱ་གཉིས་ཀྱང་ཕེབས་ཡོད།
བསྟན་འཛིན་སྲི་ཞུ་ལགས་ཀྱིས་ངོ་སྤྲོད་བྱས་དོན། མི་ལུས་ཕྱུར་པོ་ཆེ་ཞེས་པའི་དོན་ནི་མི་ཚེའི་ནང་མི་དགེ་བ་བཅུ་རྐྱང་རྐྱང་བྱེད་མཁན་ལ་གོ་དགོས་ཀྱི་འདུག་ལ། མི་ལུས་ཕྱིར་པོ་ཆེ་ཞེས་པའི་གློག་བརྙན་འདི་བརྒྱུད་ནས་དེང་རབས་བོད་ཀྱི་གཞོན་སྐྱེས་རྣམས་ལ་བསམ་བློའི་སློབ་གསོ་སྤྲོད་ཐུབ་པ་དང་། ཁོང་ཚོའི་བསམ་བློའི་ནང་འགྲོ་བ་མིའི་རིགས་ཀྱི་བྱམས་སྐྱོང་དང་བརྩེ་བ་ངོས་ཟིན་པར་མ་ཟད། དམིགས་བསལ་གྱིས་ཐ་མག་འཐེན་པ་དང་ཆང་རག་འཐུང་བ། ཐ་མག་ནག་པོ་དང་སྨྱོས་རྫས་རིགས་བེད་སྤྱོད་པ་སོགས་ལ་དམིགས་ཏེ་བཟོས་པ་ཞིག་ཡིན། དེ་བཞིན་གློག་བརྙན་འདི་ངྷ་སར་བཟོས་པ་ཡིན་ལ་དེ་ལྟར་ས་གནས་འདི་ནས་བཟོ་དོན། ངྷ་ས་ནི་ཕྱི་གླིང་བའི་ཡུལ་སྐོར་སྤྲོ་འཆམ་པ་མང་བོ་འདུ་འཛོམས་ཆེ་བའི་ས་གནས་ཤིག་རེད་ལ། ཁོང་ཚོའི་མང་བོ་ཞིག་ངྷ་སར་ངན་གོམས་དེ་དག་སྤོང་གི་ཡོང་ཡོད་ལ། འདིར་སླེབས་ནས་ཡར་རྒྱས་ཀྱང་འགྲོ་བཞིན་ཡོད་ནའང་། བོད་རིགས་གཞོན་སྐྱེས་ཚོས་ཁོང་ཚོའི་སར་ནས་སྦྱོང་གི་འདུག་པས་ཐོག་མར་དར་སྟངས་དེ་འདྲ་རེད། ཡང་མང་ཉུང་ལ་མ་ལྟོས་པར་བཙན་བྱོལ་གྱི་ས་གནས་ཁག་ཚང་མར་དེའི་རིགས་བེད་སྤྱོད་བྱེད་མཁན་གྱི་གཞོན་སྐྱེས་གང་འཚམ་ཡོད་སྟབས་ཁོང་ཚོའི་གནས་སྟངས་ལ་འཕོ་འགྱུར་ཡོང་བ་དང་། རྗེས་ཕྱོགས་དེའི་རིགས་བེད་སྤྱོད་མི་ཡོང་ཆེད་གློག་བརྙན་འདི་འཁྲབ་སྟོན་བྱས་པ་ཡིན་ཞེས་དང་། གློག་བརྙན་འདིའི་ནང་དུ་ཆབ་སྲིད་སྐོར་ཡང་ཅུང་ཙམ་ཡོད་ལ་དེ་ནི་གཙོ་བོ་བོད་རིགས་ནང་ཁུལ་དུ་ཕན་ཚུན་ལ་ཆོལ་ཁ་དང་ཆོས་ལུགས། ལུང་ཚན་ལྟ་བུའི་རྩོད་གླེང་མི་བྱེད་པར་མི་རིགས་མཐུན་སྒྲིལ་དང་རྡོག་རྩ་གཅིག་སྒྲིལ་ཡོང་ཆེད་ཡིན་སྐོར་སོགས་ཀྱང་འགྲེལ་བརྗོད་བྱས་ཡོད།
དེ་བཞིན་མི་ལུས་ཕྱུར་པོ་ཆེ་ཞེས་པའི་གློག་བརྙན་ནང་བསྔགས་པ་ཞིག་གི་འཁྲབ་ཚན་མི་ཉུང་བ་ཞིག་ཡོད་སྟབས། བོད་ནས་གསར་དུ་འབྱོར་མ་ཐག་པའི་མགོ་ལོག་ཟླ་བྷེའམ་སྣང་གསལ་སྐུ་རྒོད་ཁོང་གིས་ཐེངས་འདིའི་འཁྲབ་ཁྲིད་ནང་གལ་ཆེའི་ནུས་པ་ཐོན་ཡོད་ཅེས་མགོ་ལོག་ཟླ་བྷེས་གློག་བརྙན་འདིའི་ནང་གི་བསྔགས་པ་ཞིག་གི་འཁྲབ་ཁྲིད་མི་སྣ་གཙོ་བོ་བྱས་ཡོད་སྐོར་འགྲེལ་བརྗོད་བྱས་ཡོད།
དེའི་རྗེས་མགོ་ལོག་ཟླ་བྷེ་ལགས་ཀྱིས་གློག་བརྙན་འདིའི་འཁྲབ་སྟོན་པ་བྱེད་དགོས་པའི་སྐོར་ལ་འགྲེལ་བརྗོད་གནང་དོན། ང་རང་ཉིད་ལ་མཚོན་ན་སྐྱབས་བཅོལ་དུ་འབྱོར་ནས་དུས་ཡུན་རིང་བོ་སོང་མེད་སྟབས་མི་རང་ཉིད་ཀྱི་བྱ་བའི་ལས་བྲེལ་ཧ་ཅང་ཆེ་ནའང་། མི་ལུས་ཕྱུར་པོ་ཆེ་ཞེས་པའི་གློག་བརྙན་འདིའི་ནང་དུ་འཁྲབ་སྟོན་བྱེད་དགོས་དོན་གླ་ཕོགས་དང་རང་གི་མཚན་སྙན་གྲགས་ཀྱི་ཆེད་དུ་མིན་པར། བོད་ནང་དུ་ཁ་ཤགས་དང་མཚར་གཏམ། གཞས་ཚིག་སོགས་གསར་རྩོམ་དང་འཁྲབ་སྟོན་བྱས་ཏེ་བོད་ཀྱི་སྒྱུ་རྩལ་པ་ཞེས་མིང་སྟོང་ཞིག་འཁུར་མྱོང་བས། བོད་ཕྱི་ནང་གང་དུའང་འཁྲབ་སྟོན་བྱེད་ཡུལ་རག་གི་ཡོད་ཀྱང་གཙོ་བོ་འཁྲབ་གཞུང་འདི་ང་ཚོའི་སྤྱི་ཚོགས་དང་མིའི་འགྲོ་བ། བོད་མི་རིགས་ལ་ཕན་ཐོགས་ཡོད་ཤག་ཤག་གི་ནང་དོན་ཕུན་སུམ་ཚོགས་པ་ལྡན་པ་ཞིག་ཡིན་སྟབས། འཁྲབ་སྟོན་པ་ཞིག་གི་ངོས་ནས་མི་རིགས་དང་སྤྱི་ཚོགས་ལ་ཞབས་འདེགས་ཞུ་རྒྱུ་རང་གི་འོས་འགན་ལྟ་བུར་བརྩིས་ཏེ་རང་གི་ལས་ཀ་དང་དུས་ཚོད་ཡོད་ཚད་བློས་གཏོང་གིས་འདིའི་ནང་ཞུགས་པ་ཡིན། དཔེར་ན། ཐ་མག་ནག་པོ་དང་དུ་ཆང་གིས་ང་ཚོ་མི་ལུས་རིན་པོ་ཆེ་དེ་མི་ལུས་ཕྱུར་པོ་ཆེར་བཟོ་གི་ཡོད་པ་གཞིར་བཞག་རེད། འོན་ཀྱང་། རྒྱལ་ཁབ་གཞན་དང་མི་རིགས་གཞན་ལ་དེའི་སྐོར་གྱི་སློབ་ཁྲིད་བྱེད་མཁན་དང་འཁྲབ་ཁྲིད་བྱེད་མཁན། བདག་འཛིན་བྱེད་མཁན་ཡོད་པར་མ་ཟད། དེས་ཀྱང་གླགས་མ་འཁེལ་ན་ཁྲིམས་ཀྱི་སྟེང་ནས་རང་གི་མི་རིགས་ལ་བདག་སྐྱོང་དང་བཟོ་བཅོས་རྒྱག་གི་རེད། ང་ཚོར་ཁྲིམས་ཀྱི་སྟེང་ནས་རང་གི་མི་རིགས་ལ་བདག་སྐྱོང་བྱེད་པའི་སྐལ་བ་ལྡན་མེད་སྟབས། ང་ཚོས་ཁྱབ་བསྒྲགས་བྱེད་པ་དང་འཁྲབ་སྟོན་གྱི་ལམ་ནས་སློབ་གསོ་བྱ་རྒྱུ་ནི་གལ་ཆེའི་ནང་གི་དོན་ཆེན་ཞིག་རེད་ཅེས་ཐེངས་འདིར་མི་ལུས་ཕྱུར་པོ་ཆེའི་གློག་བརྙན་འཁྲབ་སྟོན་པ་བྱེད་དགོས་དོན་འགྲེལ་བརྗོད་གནང་ཡོད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
གློག་བརྙན་མ་མཐོང་གོང་ནས་སྤྲངས་རྟགས་བསྟན་སོང་།
གློག་བརྙན་མཐོང་གོང་ནས་སྤྲངས་རྟགས་བསྟན་སོང་།
ཤེས་རབ་འབྱུང་གནས་ལགས་ཀྱིས།
འདྲེ་སྲིན་བྱུར་གསུམ་གྱིས་ལྷ་མི་གཤེན་གསུམ་ལ་གནོད་ཚུལ་དེ་ལེགས་བཤད་དུ་འདུག་པས་བྱུར་གྱིས་གཤེན་ལ་གནོད་ཚུལ་དཔེ་དོན་ཅིག་གསལ་ཁ་ངྱུང་ན་ཕན།
གཅན་བཟོད་རྒྱམ་ལགས།
བོད་རིགས་ཚང་མས་གོ་ཐུབ་པའི་སྐད་ཅིག་ཡོད་རེད་དོ།
ཨ་ཁ་མནན་ས་ནོར་སོང་།
ཅོ་རི་ཉི་མ་ལགས།
རྗེའུའི་མི་རིགས་དང་ཡུལ་ལ། Isreal=གཡིསྶརིའིལ།
རྒྱ་གར་གྱི་མངའ་ས་སྡེའི་མིང་ཧིན་སྐད་དུ། Andhrapradesh=ཨཱནདཱརཔཱརདེཤ
ཅོ་རི་ཉི་མ་ལགས།
འཇིའུའི་མི་རིགས་དངཡུལ་ལ།
ངས་བལྟས་ན་གློག་བརྙན་བཟོ་མཁན་གྱིས་བྱུར་ཟེར་བསམ་པ་ཡིན་རྒྱུ་རེད། རྒྱུ་མཚན་བྱུར་ཟེར་བ་ནི་བཀྲ་མི་ཤེས་པའམ་མྱ་ངན་གྱི་བརྡ་རྙིང་ཡིན་ལ། ཡང་བོན་གྱི་བརྡ་ཆད་དུ་གཤེན་ལ་བར་ཆད་གཏོང་བའི་བདུད་ཀྱི་བྱེ་བྲག་ཅིག་གི་མིང་རེད། དེ་ཡང་སྔ་རབས་བོད་ཀྱི་བྱུང་བ་བརྗོད་པའི་འབེལ་གཏམ་ལས། འོག་ན་འདྲེ་སྲིན་བྱུར་གསུམ་སྟེ། འདྲེ་ནི་ལྷ་ལ་འགྲན་དུ་འཚོལ། སྲིན་ནི་མི་ལ་བདུད་དུ་ཆེ། བྱུར་ནི་གཤེན་ལ་བར་གཅོད་རྩོམ་ཞེས་པ་ལྟ་བུ་རེད།
དེ་མིན་ཕྱུར་ནི་ཆུར་བ་ཡི་འབྲི་ཚུལ་གཞན་ཞིག་རེད། མི་ལུས་ཆུར་བ་ཆེན་པོ་ཟེར་བ་ནི་ཡིན་རྒྱུ་མ་རེད།
ཡང་ན་ཕྱུར་བུ་ཞེས་བྲིས་ན་བྱུར་དང་དོན་གཅིག་པ་རེད། དཔེར་ན་མི་ལུས་ངན་པ་བྱུར་གྱི་སྣ་འདྲེན་ཟེར་བ་ལྟ་བུ་རེད།
གང་ལྟར་བཙན་བྱོལ་ཁྲོད་ནས་བོད་ཡིག་ཐོག་མིང་ཚིག་གཅིག་བྲིས་ན་ཡང་ཡིག་ནོར་ཞིག་དང་ཁ་འབྲལ་ཐབས་མེད་པ་ནི་རྒྱུན་ལྡན་ཡིན་མོད། རང་གིས་མི་ཤེས་ཟེར་རྒྱུ་དང་གཞན་ལ་འདྲི་རྒྱུར་དུག་ལྟར་འཛེམས་མཁན་རྣམས་ལ་བྱུར་དང་ཆག་སྒོ་ལས་ཡར་རྒྱས་ཟེར་བ་ཡོང་རྒྱུ་གང་ཡང་མེད།
ད་ནི་བཙན་བྱོལ་ནང་གི་སྤུན་ཟླ་དག་གིས་མི་མཐུད་དུ་གློག་བརྙན་འཁྲབ་མཁན་གྱི་མི་སྣ་མི་ཉུང་བ་ཞིག་བསྐྱེད་སྲུང་བྱེད་ཐུབ་པར་རེ་བ་ཆེན་པོ་ཡོད། བདག་གིས་ཉིས་སྟོང་བཞི་ལོར་སྤྱི་ཚོགས་མེ་ལོང་ཚགས་ཤོག་བརྒྱུད་དེ་འབོད་སྐུལ་ཞིག་ཞུས་མྱོང་ཡོད་ཀྱང་། དེ་ནི་མི་ཆུང་སྐད་ཆ་ལ་རིན་གོང་མེད་པར་སོང་བ་རེད། འོན་ཀྱང་། དེང་སྐབས་ཆ་རྐྱེན་མི་ཉུང་བ་ཞིག་འཛོམ་ནས་འོང་བཞིན་ཡོད་དུས། བོད་ཀྱི་ཕོ་གསར་མོ་གསར་མི་ཉུང་བ་ཞིག་ལ་གོ་སྐབས་སྤྲོད་མཁན་གང་ན་སུ་ཡོད་པ་དག་ལ་སེམས་ཁོང་རུས་པའི་གཏིང་ནས་དགའ་བསུ་ཞུ།
གློག་བརྙན་འདི་ལ་བལྟ་འདོད་ཡོད་ན་ཡང་གོ་སྐབས་ཡོང་མིན་ད་དུང་ཆ་མ་འཚལ་བས་སྐོམས་པ་ཆུ་ལ་རེ་བ་ལྟར་ཡིན་འདུག
མ་ཟད་དེང་སང་དབྱིན་སྐད་ཚིག་རེ་གཉིས་ཤེས་མཁན་ཚོས་གོ་ཐུབ་པའི་སྐད་ཡིག་འདི་རེད་དོ།
ཨི་ཇིཕ་རའིལ། ཤོན་མེཀ་ཀོར་མེཀ ཨེ་འུརྡ་ཨོལ་མརཊི། ཤིལྦ་སེ་ནེའུ། སུ་རེཤ་པ་ར་སྦུ།
ཨ་ཨེཕ་པི། སྦུཤི། ཆེ་རའེ་སེ། ཨེ་སེ་རའིལ། ཤིལྦ་ཤང་ཀར་མེ་ནན། ཨཇ་མལ་ཀ་སབ།
ཨན་དར་པར་དེཤ། པི་ཀྲི་ཨའེ
གཅན་བཟོད་རྒྱམ་ལགས།
བོད་མི་ཚང་མས་གོ་ཐུབ་པའི་སྐད་ཡིག་དེ་མདོ་བརྒྱུད་གཙུག་ལག་རྒྱ་མཚོ་ལྟ་བུ་འདི་རེད་དོ། ཨ་མདོའི་ཕལ་སྐད་མ་རེད།
རེད་ཡ། བོད་མི་ཚང་མས་གོ་ཐུབ་པའི་སྐད་བོད་སྐད་དེ་གང་རེད། དེ་ལྟ་བུའི་བོད་སྐད་ཅིག་ཡོད་དམ། མེད་ན་དེ་ལྟ་བུའི་བོད་སྐད་ཡོད་ན་ཅི་མ་རུང་། མགོ་ལོག་དྷ་བྷེའི་སྐད་དེ་ཁོང་བཙན་བྱོལ་དུ་ཡོང་མ་ཐག་ཡོན་པས་ཨམ་སྐད་སྟུག་སྟུག་པ་ཞིག་ལོས་ཡིན་འདོད་ཀིམདོ་དབུས་ཁམས་གསུམ་གྱི་མི་སུ་ཡིན་རུང་བཙན་བྱོལ་སྤྱི་ཚོགས་ནང་ཚོ་བ་ཡུན་རིང་རོལ་མྱོང་མཁན་ཞིག་ཡིན་ན། ཁོའི་སྐད་ཀྱང་ང་ཚོ་ཅུང་གོ་བདེ་བོ་ཞིག་ཡོད་སྲིད།
གཅན་བཟོད་རྒྱམ་ལགས། ཁྱོད་ཀྱིས་བཤད་པ་ལྟར་༼ད་ཡང་འདི་ཚོས་ཨམ་སྐད་རྐྱང་རྐྱང་བརྒྱབས་ཡོད་རྒྱུ་རེད་པ། སྤྱིར་བོད་མི་ཚང་མས་གོ་ཐུབ་པ་ཞིག་ཡིན་ན་བཟང་མོད།
ཨ་མདོ་བ་ཚོས་མ་གཏོགས་གཞན་ཚོས་གོ་རྒྱུ་ཨེ་ཡིན་ནམ་འདོད་ཀི གློག་བརྙན་འདིའི་ཁ་བྱང་གི་དོན་ཅང་མ་གོ་ཐལ། ངའི་གོ་རྟོགས་འདི་སྐྱོ་བ་ལ།༽བོད་མི་ཚང་མས་གོ་མཁན་ཀྱི་བོད་སྐད་དེ་གང་ཡིན། དེང་སྐབས་བོད་རང་གི་ནང་ལ་བསྐད་བསྒྱུར་དང་ཡིག་བསྒྱུར་སོགས་འགྲོ་བཞིན་པ་ན་ཡིན་ནམ།
གཅན་བཟོད་རྒྱམ་ལགས། ཁྱོད་ཀྱིས་བཤད་པ་གཞིན། ༼ད་ཡང་འདི་ཚོས་ཨམ་སྐད་རྐྱང་རྐྱང་བརྒྱབས་ཡོད་རྒྱུ་རེད་པ། སྤྱིར་བོད་མི་ཚང་མས་གོ་ཐུབ་པ་ཞིག་ཡིན་ན་བཟང་མོད།
ཨ་མདོ་བ་ཚོས་མ་གཏོགས་གཞན་ཚོས་གོ་རྒྱུ་ཨེ་ཡིན་ནམ་འདོད་ཀི གློག་བརྙན་འདིའི་ཁ་བྱང་གི་དོན་ཅང་མ་གོ་ཐལ། ངའི་གོ་རྟོགས་འདི་སྐྱོ་བ་ལ།༽བོད་མི་ཚང་མས་གོ་མཁན་གྱི་བོད་སྐད་དེ་གང་ཡིན་དེང་སང་བོད་རང་གི་ནང་ལ་སྐད་བརྒྱུར་དང་ཡིག་བརྒྱུར་སོགས་འགྲོ་བཞིན་པ་མ་ཡིན་ནམ།
ལུང་རིགས་ལགས་ཀྱིས་ཕྱུར་པོ་དང་བྱུར་པོ་གཉིས་ཀྱི་ཚིག་དོན་དྲངས་པ་ནི་བོད་རྒྱ་ཚིག་མཛོད་ཆེན་པོའི་ནང་གི་ཚིག་འགྲེལ་རེད། མིང་གི་དག་ཆ་ཕྱུར་པོ་དེ་མ་དག་པ་རེད་ཅེས་བཤད་ན་མངོན་སུམ་ལ་བསྙོན་པ་རེད། འོན་ཀྱང་། གློག་བརྙན་གྱི་མིང་འདོགས་སྟངས་ཀྱི་སྟེང་ནས་བརྗོད་མི་བདེ་བ་མ་ཟད། རྣ་བར་ཡང་དེ་ཙམ་མི་སྙན་པ་ཞིག་རེད།
སྤྱིར་ང་ཚོས་མིང་འདོགས་སྟངས་ཚུན་ནས་དོ་སྣང་སྤྲོད་དགོས་པའི་བསླབ་བྱ་ཞིག་ཀྱང་རེད་སྙམ།།
བོད་ཀྱི་གློག་བརྙན་གསར་བ་འདི་བལྟ་འདོད་ཀྱི་འབུ་གསར་བ་ཞིག་ལངས་བཞིན་འདུག་ན་བོད་ལུགས་ལོ་གསར་བར་དུ་འབུ་ཤི་ཉེན་འདུག།
སྒྱུ་རྩལ་བ་ཟླ་བ་ཐར་བཙན་བྱོལ་དུ་ཕེབས་པར་དགའ་བསུ་ཡོད། འོན་ཀྱང་ཆུ་ཐོམ་གང་གི་ནང་ལ་ཉ་འདོམ་གང་ཞེས་བའི་དཔེ་རུ་མི་འགྱུར་བའི་ངེས་བ་མེད།
དྲ་གྲོགས་རྣམ་པ་ཚོ་ནི་དག་ཡིག་ཧ་ཅང་བཟང་བ་ཡིན་དུས་གཤམ་གྱི་མིང་ཚིག་འདི་ཚོར་ཀློག་རྒྱུ་ཡོད་མེད་དང་དག་ཡོད་མེད་གཞུང་གང་ལ་བརྟེན་ནས་བྲིས་མིན་སུམ་ཅུ་པ་དང་མཐུན་མིན་འགྲེལ་བཤད་ཤིག་གནང་རོགས་ཞུ།
ཨི་ཇིཕ་རའིལ། ཤོན་མེཀ་ཀོར་མེཀ ཨེ་འུརྡ་ཨོལ་མརཊི། ཤིལྦ་སེ་ནེའུ། སུ་རེཤ་པ་ར་སྦུ།
ཨ་ཨེཕ་པི། སྦུཤི། ཆེ་རའེ་སེ། ཨེ་སེ་རའིལ། ཤིལྦ་ཤང་ཀར་མེ་ནན། ཨཇ་མལ་ཀ་སབ།
ཨན་དར་པར་དེཤ། པི་ཀྲི་ཨའེ།
མི་ལུས་ཕྱུར་པོ་ཆེ་ཞེས་པ་འདིར་གོ་རྒྱུ་མེད་པའི་དབང་གཏོང་ཡང་འདི་ཀློག་རྒྱུ་ཡོད་པ་ཞིག་རེད་འདུག
གོ་རྒྱུ་ཀློག་རྒྱུ་གཉིས་ཀ་མེད་མཁན་སུམ་ཅུ་པའི་སྒྲིག་གཞི་དང་འགལ་རེ་དུས་ཁྱེད་རྣམ་པར་ཅི་ཡང་གསུངས་ཀྱི་མི་འདུག
མི་ལུས་ཕྱུར་་པོ་ཆེ་དང་ཕྱིར་པོ་ཆེའི་དོན་ནི་མི་ཤེས། ་་་་་་བྱུར་པོ་ཆེ་ནི་གོ་དོན་གསལ།
སྣོད་ཆེན་པོ་ཅིག་གི་ནང་ལ་མི་ལུས་མང་པོ་ཡར་ཕྱུར་ཕྱུར་གང་བ་ལ་ནི་ཟེར་འདོད་ཨ་ཡོད། །
དག་ཡིག་གི་འགྲེལ་འདི་ན་འདུག
༼ཕྱུར་པོ།༽ ཡར་མཐོན་པོར་ལངས་པ་དང༌། གཏམས་པའི་རྣམ་འགྱུར།…སྣོད་ཕྱུར་པོར་གང་བ།…འབྲུ་ཕུང་ཕྱུར་པོ།…གྲོ་སོག་ཕྱུར་པོར་སྤུངས་འདུག
༼བྱུར་པོ།༽ 1.ཆགས་སྒོའམ་རྐྱེན་ངན།…བློ་ཡུལ་དུ་མེད་པའི་བྱུར་པོ་ཆེ་ཞིག་བྱུང་འདུག… 2.བྱུར་བུ་དང་འདྲ།
དྲ་གྲོགས་ཚོ། བརྡ་ལོག་རྐྱང་ལབ་མ་སྡོད། ཕྱུར་པོ་ཟེར་བ་གང་ན་ཡོད། དེའི་གོ་དོན་གང་ཡིན་ནམ། ཡང་སྐབས་འདིར་གློག་བརྙན་གྱི་མིང་ཡང་བརྡ་རྙིང་བཏགས་པ་ཡོད་པ་རེད། བརྡ་རྙིང་ཡིན་ན། མིང་དེར་འགྲེལ་བཤད་མང་ཙམ་མ་བྲིས་ན་མི་འཚམས། དང་པོ་མིང་འདིས་མི་རྣམས་མགོ་རྨོངས་སུ་འཇུག་རྒྱུ་ཉག་ཅིག་རེད།
འདི་ཚོས་རང་གིས་ནི་མི་ཤེས་པ་རེད། གཞན་ལ་ནི་སྟོན་མི་འདོད་པ་རེད། འདི་གློག་བརྙན་བཟོ་མཁན་གྱིས་ཡིག་ནོར་ཡིན་ནམ་གསར་འགྱུར་འགོད་མཁན་གྱས་ཡིག་ནོར་བྲིས་པ་རེད།
སྤོབས་པ་མཐའ་ལགས། དག་ཡིག་གསར་བསྒྲིགས་ཀྱི་ལུགས་ལ་ཕྱུར་བུ་འདི་བྱུར་བུ་ཡི་འབྲི་ཚུལ་གཞན་མ་ཡིན་ནམ། འདི་ཡིག་ནོར་ཡིན་རྒྱུ་མ་རེད་སྙམ།
གློག་བརྙན་གྱི་མིང་འདི་ཅུང་བློར་མི་བདེ་བ་ཞིག་འདུག ཡང་ན་མི་ལུས་བྱུར་བུ་དང་། ཡང་མི་ལུས་ཕྱུར་བུ། ཡང་ན་མི་ལུས་མཆོར་པོ་ཡིན་ནམ་སྙམ།
ད་ག་རེ་མ་འགྲིགས་པ་རེད། མི་ལུས་ཕྱུར་པོ་ཆེ་ཟེར་བ་ཞིག་གང་དུ་ཡོད། མི་ལུས་བྱུར་པོ་ཆེ་ཟེར་བ་ལོས་ཡིན། ད་ཡིན་ན་གློག་བརྙན་གྱི་མིང་ཡང་ཡིག་ནོར་བཟོས་འདུག དེ་ཙམ་ག་རེ་མ་འགྲིགས་པ་ཡིན་ནམ། ད་བསེ་རུ་དང་བསྟན་འཛིན་ཚེ་དཔག་ཟེར་བ་དེ་ཚོ་ཐོན་ཤོག བཀའ་བཀྱོན་ཐོངས་དང་།
གློག་བརྙན་འདི་ལེགས་གྲུབ་བྱུང་བར་འཚམས་འདྲི་ཞུ་རྒྱུ་ཡིན།
གློག་བརྙན་འདི་སྒྱུ་རྩལ་གྱི་ཉམས་དང་སྐད་ཆ་ཤོད་སྟངས་སོགས་ཡག་པོ་ཞིག་ཡོད་པའི་རེ་བ་ཡོད།
ད་ཡང་འདི་ཚོས་ཨམ་སྐད་རྐྱང་རྐྱང་བརྒྱབས་ཡོད་རྒྱུ་རེད་པ། སྤྱིར་བོད་མི་ཚང་མས་གོ་ཐུབ་པ་ཞིག་ཡིན་ན་བཟང་མོད།
ཨ་མདོ་བ་ཚོས་མ་གཏོགས་གཞན་ཚོས་གོ་རྒྱུ་ཨེ་ཡིན་ནམ་འདོད་ཀི གློག་བརྙན་འདིའི་ཁ་བྱང་གི་དོན་ཅང་མ་གོ་ཐལ། ངའི་གོ་རྟོགས་འདི་སྐྱོ་བ་ལ།
གློག་བརྙན་འདིའི་མིང་འདོགས་སྟངས་བཟོ་ཇི་འདྲའི་དགོད་སྤྱད་ཞིག་རེད།
བསྟན་འཛིན་སྲི་ཞུ་ལགས་ཀྱི་གློག་བརྙན་དེ་བཞིན་བོད་མིའི་སྤྱི་ཚོགས་ཀྱི་འཚོ་བ་དང་ཁ་ཐག་ཉེ་པོ་ཡོད་པར་ཡིད་ཆེས་དང་རེ་བ་བྱེད་ཀྱིན་ཡོད་ལ། སྒྱུ་རྩལ་པ་ཟླ་བྷེ་འདི་ལྟར་བཙན་བྱོལ་ནས་སྒྱུ་རྩལ་གྱི་གར་སྟེགས་ཆུང་ཆུང་ཞིག་གི་ནང་ཞུགས་ཐུབ་པར་འཚམས་འདྲི་ཡོད།
གོང་གི་གསར་འགྱུར་གྱི་ནང་མི་ལུས་ཕྱིར་པོ་ཆེ་ཞེས་པའི་གློག་བརྙན་འདི་བརྒྱུད་ནས་ཞེས་པའི་ནང་”ཕྱུར་པོ་”ལ་ཕྱིར་པོ་”ཞེས་གཏགས་ནོར་ཤོར་འདུག འདི་ནི་དབྱངས་ཨི་དང་ཨུའི་སྒྲ་གདངས་ཉེ་བར་འདོན་མཁན་ཚོར་དཀའ་ངལ་དེ་རིགས་ཡོང་དང་ཡོང་མུས་ཡིན་ལ། དེའི་སྐོར་དྲན་སྐུལ་ཡང་བཏང་དང་གཏོང་མུས་ཡིན། ཀློག་པ་པོ་གཞན་ཚོས་ཀྱང་དེ་དོན་ཐུགས་སྣང་གནང་རོགས།།