ཡངས་གླིང་རྡོ་རྗེ་གླེང་བ། ལུང་རིགས་རྒྱལ་གྱིས།

ཡངས་གླིང་རྡོ་རྗེ་དང། འབའ་བ་ཕུན་ཚོགས་དབང་རྒྱལ་སོགས་བོད་རིགས་དམར་ཤོག་རྒན་རིམ་པ་འདི་རིགས་ལ་དམར་པོའི་ལམ་ལུགས་སུ་སློབ་སྦྱོང་ཚད་ངེས་ཅན་ཞིག་ཡོད་པ་རེད། ལེ་ཉན་རང་ལུགས་གཞིར་བཞག་གི་དམར་ཕྱོགས་ཀྱི་ལམ་ལུགས་ངོ་མ་ནི་སྤྱི་ཚོགས་རང་ལུགས་ཀྱི་གསར་བརྗེ་ལ་མེད་དུ་མི་རུང་བའི་ལག་ཆ་གལ་ཆེན་ཞིག་ཡིན་པར་མ་ཟད། ལམ་ལུགས་འདིར་ལྷག་ཏུ་མི་རིགས་གནད་དོན་གྱི་དཀའ་རྙོགས་རིགས་གཙང་བཟོའི་ཆ་རྐྱེན་ཚང་ཡོད། དེར་བརྟེན་ང་ཚོའི་དམར་ཤོག་རྒན་རིམ་པ་ཚོས་ཀྱང་དམར་པོའི་ལམ་ལུགས་གཞིར་བཞག་གིས་མི་རིགས་ཀྱི་གནད་དོན་ཐག་གཅོད་གཙང་མ་ཡོང་ཐབས་སུ་བརྩོན་བཞིན་པ་འདི་ནི་རྒྱུ་མཚན་ལྡན་པ་ཞིག་རེད། འོན་ཀྱང་ད་ལྟའི་རྒྱ་ནག་དམར་པོའི་གཞུང་འདི་ནི་དམར་པོའི་མིང་བྱང་ཁུར་བ་ཙམ་ལས་དོན་ལ་དམར་པོའི་ལམ་ལུགས་ཀྱི་ལྡོག་ཕྱོགས་སུ་འགྲོ་བཞིན་ཡོད་པར་མ་ཟད། ཐ་ན་ཀྲུང་ཧ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་རྡོག་བརྫིས་གཏོང་ཐུབ་མཁན་གྱི་སྲིད་དབང་སྒེར་གཅོད་པ་ཞིག་ཆགས་ཡོད་ཕྱིར་ང་ཚོའི་དམར་ཤོག་རྒན་རིམ་པ་ཚོས་བཤད་ཚད་སྤྱང་ཁུའི་རྣ་བར་ཆོས་བཤད་ལས་མེད་པ་ནི་ཐག་བཅད་ནས་བཤད་ཆོག འོན་ཀྱང་གནས་སྐབས་རིང་ཁོང་ཚོས་ག་ཚོད་གསུང་ཡང་རྒྱ་གཞུང་གིས་སྣང་མེད་དང། དེ་རྗེས་ནམ་ཞིག་ནས་ཁྱོད་ལ་བདེན་པ་འདུག དེའི་སྐོར་ང་ཚོས་བསམ་བློ་གཏོང་བཞིན་ཡོད་མདོག་སྟོན་ངེས་ཡིན་ལ། གལ་སྲིད་ཁོང་ཚོའི་ལང་ཕྱོགས་དང། གཏམ་བཤད་འདི་རིགས་ཀྱིས་བོད་ནང་ཁུལ་གྱི་སྤྱི་ཚོགས་ལ་ཤུགས་རྐྱེན་ཞིག་ཐེབས་ཀྱིན་ཡོད་ཚེ་དེ་མ་ཐག་རྒྱ་དམར་སྲིད་གཞུང་གིས་ངག་འཇམ་པོ་དང། རྣམ་འགྱུར་ཡག་པོས་སྒོ་ནས་ཁྱེད་ཀྱི་འཕྲོད་བསྟེན་ཆེད་ཡིན་ཞེས་ཁོང་ཚོར་ཁབ་བརྒྱབ་ཏེ་སྲོག་ཐོག་གཏང་ངེས་ཡིན་པ་ལས་བོད་མི་དམར་ཤོག་རྒན་རིམ་པ་ཁོང་རྣམས་ད་ནས་རྒྱ་གཞུང་གིས་བཙོན་འཇུག་མི་བྱེད་ཐག་ཆོད་ཡིན། འོན་ཀྱང་གྲུབ་འབྲས་སོན་མིན་ལ་མ་ལྟོས་པར་ཁོང་ཚོས་འདི་ལྟར་བདེན་དོན་གསུངས་ཐུབ་པ་ནི་ཁོང་ཚོ་ཙམ་དུ་མ་ཟད་བོད་མི་རིགས་སྤྱིའི་གཟི་བརྗིད་ཆགས་ཡོད། དེའི་ཕྱིར་ཡངས་གླིང་རྡོ་རྗེ་དང། འབའ་བ་ཕུན་ཚོགས་དབང་རྒྱལ་སོགས་ནི་ང་ཕོད་ལྟ་བུའི་བོད་རྒྱལ་ཁབ་དང། མི་རིགས་ཀྱི་སྐུ་ཞབས་ལ་ཐག་ནག་རུལ་བ་ཉིན་ལམ་བརྒྱ་ཕྲག་ལ་སླེབས་ངེས་རེ་མི་འདོགས་མཁན་གྱི་གངས་ཅན་གྱི་ངེས་དོན་དཔའ་བོའི་ཡང་རྩེ་རེ་རེད། ཅེས་བསྟོད་ཀྱང་བསྟོད་རིན་ཡོད་པ་ཞིག་ཡིན།

མི་རིགས་ཀྱི་འོས་འགན་འཁྱེར་མཁན་ཁྱེད་འདྲ་མཐོང་དུས་སེམས་པ་གཏིང་ནས་དགའ་བྱུང་ལགས། ཕྱག་འཚལ་ལོ།

སྐུ་ཞབས་ཡངས་གླིང་རྡོ་རྗེའི་སྐོར་ལ་ང་ཚོས་བསམ་ཚུལ་དང་ཁོང་ལ་བསྔགས་བརྗོད་བྱེད་དགོས་པ་ཞིག་རེད་དེ། རྩ་བའི་གནས་སྟངས་ཀྱི་ཐད་ལ་བསམ་གཞིག་བྱས་ཚེ་ཁོང་ལ་ཕན་པ་ལས་་གནོད་སྐྱོན་ཆེ་བ་མེད་དམ། ཚང་མས་དོགས་སྒྲིམས་གལ། ང་ཚོས་སྨྲ་བརྗོད་རང་དབང་ལོངས་སུ་སྤྱོད་མང་དྲག་ན་གནོད་སྐྱོན་ཡང་ཡོང་མི་སྲིད་པའི་ངེས་པ་མེད་དོ།།
འདི་ནི་ཕྲན་གྱི་བསམ་ཚུལ་ཞུས་པ་ཡིན་པས་ནོར་འཁྲུལ་ཡོད་ན་དགོངས་དག་ཞུ་རྒྱུ་བཅས།

ཡངས་གླིང་རྡོ་རྗེ་ལགས་དང་བོད་ཀྱི་མཁས་དབང་རྣམས་པས་སོ་སོའི་མི་རིགས་ཐད་དེ་ལྟར་གསུངས་བཤད་དང་ཕྱག་ལས་གནང་བར་གུས་པས་སྙིང་ཐག་བར་ནས་ཐུགས་རྗེ་ཆེ་ཞུ་རྒྱུ་དང་།ཁྱེད་རྣམས་པའི་སྐུ་གཟུགས་ལ་ན་ཚ་མེད་པ།ཐུགས་དགོངས་ཐབས་ཅད་མྱུར་དུ་འགྲུབ་པའི་སྨོན་ལམ་ཡང་ཡང་ཞུ།

ཡངས་གླིང་རྡོ་རྗེ་ལགས་གཙོས་པའི་བོད་རིགས་མཁས་དབང་རྣམ་པས་བོད་མི་རིགས་ཀྱི་
ལ་རྒྱ་དང་ཤ་ཞེན་ཆེན་པོས་བོད་ཀྱི་གནས་དོན་གླེང་གནང་བར་རྗེས་སུ་ཡིད་རངས་ཞུ་རྒྱུ་ཡིན།
རང་གི་ལྟོ་གོས་གཏམ་གསུམ་ལ་མི་བལྟ་བར་འདི་འདྲ་གསུངས་པ་ནི་བོད་མི་རིགས་ཀྱི་དཔའ་རྒོད་ངོ་མ་རེད།

ཟི་ཁྲོན་གྱི་བོད་རིགས་ས་ཁུལ་དུ་བོད་ཡིག་སློབ་གྲྭ་ཆེ་འབྲིང་ཆུང་གསུམ་གང་འཚམས་བཙུགས་ཡོད་པ་རྣམས་ཀྱང་ཡངས་གླིང་རྡོ་རྗེའི་རྒྱབ་སྐྱོར་དང་ནུས་པ་ལས་བྱུང་བ་ཡོངས་གྲགས་རེད། སྤྱིར་རྒྱ་ནག་གཞུང་གིས་བོད་ཐོག་སྲིད་ཇུས་འཛིན་སྟངས་དང་། ལས་འགུལ་སྤེལ་སྟངས། ཡང་ན་འགྱུར་བ་ཇི་གཏོང་སོགས་གཞི་རྩའི་ལས་དོན་ཁག་བྱེད་ཕྱོགས་ནི་གཙོ་བོར་ཁམས་ཕྱོགས་ཀྱི་གནས་སྟངས་ལ་བལྟས་ནས་ཐག་གཅོད་བྱེད་ཀྱི་རེད་ཅེས་བཤད་སྲོལ་ཞིག་ཡོད། དེ་སྔ་བོད་ལ་ཐོག་མར་བཙན་འཛུལ་བྱེད་པའི་སྐབས་སུའང་ཆབ་མདོ་ལག་པར་ཐེབས་པ་དང་རྒྱ་ནག་གཞུང་བློ་ཇེ་བདེ་དང་དཔའ་ངར་ཇེ་ཆེར་སོང་སྟེ། བོད་ཡོངས་རྫོགས་དབང་དུ་བསྒྱུར་རྒྱུ་གཏན་འཁེལ་གཙང་མ་བྱུང་བ་དང་དེ་ལྟར་བྱེད་ཐུབ་པའི་གདེང་ཚོད་ཀྱང་རྙེད་པ་རེད་ཟེར། དེ་ལྟར་ན་ད་ཆ་ཁམས་ཁུལ་ནས་རྒྱ་ནག་ལ་ངོ་རྒོལ་རྒྱུན་མི་ཆད་པའི་ཁར། དེ་ཕྱོགས་ནས་ཕེབས་པའི་ལས་བྱེད་དང་ཤེས་ཡོན་པ་འདི་དག་གིས་སྙིང་སྟོབས་ཆེན་པོས་རྒྱ་གཞུང་ལ་འདི་ལྟར་རྒོལ་གཏམ་བཏང་ཚེ་རྒྱ་གཞུང་གིས་བོད་སྤྱིའི་ཐོག་བསམ་བློ་ཞིག་མ་བཏང་ཐབས་མེད་ཆགས་ཀྱི་ཡོད་ངེས། མི་རིགས་ཀྱི་དཔའ་བོ་འདི་དག་སྐུ་ཚེ་ཡུན་བརྟན་ཡོང་བར་སྨོན།

བོད་ཀྱི་དཔའ་བོ་ཁོང་དང་འདྲ་བ་རྣམས་ལ་ངས་བཀའ་དྲིན་ཆེ་ཞུ་རྒྱུ་ཡིན།

ངས་དེ་རིང་མ་གཏོགས་མཐོང་མ་བྱུང་།གྲོགས་པོ་ཞིག་གིས་ཁ་པར་སླེབས་ནས་ཡོང་གླིང་གི་ཕ་ཡུལ་བྲག་གཡབ་ཡིན་བྲིས་འདུག་ཟེར་བྱུང་།ད་ཐེངས་བལྟས་དུས་བཅོས་ཟིན་པའམ་ཡང་ན་བཀོལ་མེད་པ་འདྲ།
ཡོང་གླིང་རྡོ་རྗེ་ངས་དངོས་སུ་རིགག་མ་མྱོང་ཡང་།ཁོང་གི་བུ་ཞིག་ང་ཡི་གཅེན་པོ་དང་སློབ་གྲོགས་ཀྱང་ཡིན།
ཁོང་ནི་འབའ་ཐང་མཐིལ་ནས་ཡིན་པ་དང་།ཡོང་གླིང་ཟེར་པ་འདི་གཅེས་མིང་ཡིན་པ་འདྲ།གཞན་རུས་མིང་དང་ཁྱིམ་མིན་པ་ང་ལ་གསལ་ཆ་ཡོད།

གཅན་བཟོད་རྒྱམ་ཁྱོད་ཀྱི་དུས་སུ་བབ་པའི་གཏམ་དེས་ཚང་མ་བློ་བདེ་རུ་བཅུག་སོང་། ད་ཉལ་བ་ལ་ངས་གནང་བ་སྤྲོད་ཆོག སྐྱིད་པོ་བྱས་ནས་ཉལ་སྡོད།

དངོས་གནས་རྒྱ་ནག་ནང་བོད་རིགས་གོ་གནས་ཡོད་པ་རྣམས་ནས་བོད་མི་རིགས་ཀྱི་ལ་རྒྱ་ཡོད་པའི་མཁས་དབང་ཁོང་འདྲ་པོར་དཔའ་ངར་ལྡན་པའི་ཕྱག་ལས་ཅིག་གནང་ཐུབ་ན་ང་ཚོའི་བོད་དོན་ཐད་མི་རིགས་གཞན་དང་རྒྱལ་ཁབ་གཞན་ལ་རེ་བ་བཅོལ་པ་ལས་དགའ་བ་སྙམ། དེ་ཡང་སྐྱབས་བཅོལ་བོད་མིའི་གཤིས་ཀ་དང་དགོས་མཁོ་འདྲ་ཡོད་ན་མ་རྟོགས་ཁོང་ཕ་ཡུལ་གང་ནས་ཡིན་མིན་དང་མཚན་འབྲི་སྟངས་གཙོ་བོར་མ་ཡིན་པར་སྐབས་བབ་ཕྱག་ལས་བའི་རྒྱུན་རིམ་ཐོག་གླེང་ན་བཟང་བ་མཐོང་།

འབའ་བ་ཕུན་ཚོགས་དབང་རྒྱལ་གྱིས་རྒྱ་ནག་གི་རོགས་པ་བླངས་ནས་བོད་ལ་དམར་ཕྱོགས་འཛུགས་རྒྱུ་དང་གསར་བརྗེ་བྱེད་འདོད་པ་ཆེས་ནོར་བ་ལས། མི་རིགས་ལ་ངོ་མ་ཤ་ཚ་ཡོད་བཟོ་འདུག རྒྱུ་དམར་ལ་ཡིད་ཆེས་བྱས་དྲགས་པའི་ནོར་བ་རེད།

རྩོམ་སྒྲིག་པ་དེ་ཡག་པོ་ཞིག་བསྒྱུར་འདུག ངོ་མ་དགའ་བྱུང༌། སྡེ་དགེ་ཚེ་རིང་རྡོ་རྗེས་ངརཔོ་བཤད་འདུག མི་དེ་དག་ལ་ཉེས་པ་མ་ཕོག་ན་ཆོག་ག འོ་རེད། ཁོང་གི་ཕ་ཡུལ་གང་ནས་ཡིན་གཙོ་བོ་མ་རེད། ནོར་ཡོད་ན་སྐྱོན་མེད། ཕུན་དབང་གི་ལོ་རྒྱུས་ནང་ལ་ཡང་ཡོད།

བར་སྐབས་ལྷ་ས་བའི་བཤད་སྲོལ་ཞིག་ལ། ཨ་ཕོ་ཡར་ཡར་ཡོང་དུས༎ འབའ་པ་མར་མར་འགྲོ་སོང་༎ ཟེར་བ་རེད། དེའི་གོ་དོན་ནི་རག་སྡིག་དང་བསྟན་འཛིན་སོགས་ཧོར་པ་དེ་ཚོ་རང་སྐྱོང་ལྗོང་གི་དཔོན་ལ་ཁེལ་སྐབས། ཕུན་དབང་དང་ཡངས་གླིང་རྡོ་རྗེ་སོགས་མར་རྒྱ་ནག་ཏུ་བཏང་སོང་བ་ལ་ཟེར་བ་རེད་ཟེར།

སྐུ་ཞབས་རྩོམ་སྒྲིག་པ་ལགས། རེ་སྐུལ་ཅིག་ཞུ་དགོས་པར་འདུག དུས་བབ་དྲ་བ་འདི་ནི་བོད་མི་རིགས་ལ་ཁ་ཚ་དགོས་གཏུག་གི་ཞབས་འདེགས་ཞུ་མཁན་གྱི་རེ་བཅོལ་ཞུ་ས་དང་དོན་དག་སྨིན་ས་ཁོ་ན་ཡིན་ལ། དེ་ལ་བོད་མི་ཡོད་དོ་ཅོག་ནས་སྤྲོ་སྣང་དང་རེ་སྒུག་མི་བྱེད་མཁན་ཕལ་ཆེར་ཡོད་ཀྱི་མ་རེད་འདོད་ཅིང་། ཕྲན་ལ་མཚོན་ནའང་ཉིན་གཅིག་གི་དུས་ཡུན་རིང་དུ་དྲ་བ་འདི་ལ་ཐེངས་ཁ་་ཤས་མ་བལྟས་ན་ཡིད་སེམས་བདེ་ལ་འབེབས་མི་ཐུབ་པའི་ཚོད་ཅིག་ཆགས་སོང་། ཡིན་ནའང་ད་ལྟ་སྔར་དང་མི་འདྲ་བར་མཆན་བཀོད་པ་དག་མགོ་ལ་སླེབས་ཀྱི་ཡོད་ལ་དེའི་ཐད་དུ་རྩོམ་སྒྲིག་པ་ལགས་ཀྱིས་གསལ་བཤད་གནང་བ་ཡང་ངས་མཐོང་བྱུང་། འོན་ཀྱང་ང་ལ་མཚོན་ན་སྟབས་མི་བདེ་ཞིང་མགོ་རྨོངས་པ་ཞིག་ད་དུང་ཡང་ཆགས་ཀྱི་འདུག དུས་མཚུངས་སུ་ང་དང་ང་འདྲ་བ་མང་པོ་ཞིག་ཀྱང་དན་དན་ཡོད་ངེས། མཆན་བཀོད་ཐོག་ལ་སླེབས་པ་འདིས་དངོས་གཞིའི་གསར་འགྱུར་ལ་བསམ་ཚུལ་བཀོད་པ་དེ་ལྟ་མཁན་ཞིག་ཡིན་ཚེ་མཐོང་བདེ་ནའང་ནང་གསེས་མཆན་བཀོད་ཁག་ལ་བསམ་ཚུལ་བཏོན་པ་ལ་ལྟ་བདེ་བོ་ཞིག་གཏན་ནས་མི་འདུག དེའི་རྐྱེན་གྱིས་སྔར་བཞིན་རང་སོར་བཞག་ན་གནོད་སྐྱོན་དང་དཀའ་ངལ་འདྲ་མེད་ན་དེ་བཞིན་གནང་སྐྱོང་ཡོང་བའི་འབོད་སྐུལ་ཞུ། དེ་མིན་ད་དུང་ཡང་འཆར་སྣང་སིབ་སིབ་ཅིག་བཤད་འདོད་པ་ནི་བསམ་ཚུལ་འདོན་ས་དེ་ལ་རིག་པ་འདོན་པ་ཞེས་བཀོད་འདུག་པ་དེ་ནི་ཚིག་བདེ་བོ་ཞིག་གཏན་ནས་མི་འདུག དེ་ལ་བསམ་ཚུལ་འདུན་པ་ཞེས་བཀོད་པ་ཡིན་ན་ཚིག་དོག་གཉི་གར་གོ་རྒྱུ་ཞིག་ཡོད་པར་སྙམ། འདི་དག་ནི་རང་གི་བསམ་ཚུལ་ཙམ་ཡིན་པས་དགོངས་འགལ་མེད་པར་ཞུ།

ཁོང་གིས་ཀྱང་རང་གི་མི་ཚེའི་ལོ་རྒྱུས་འདྲ་བྲིས་ཡོད་རྒྱུ་མ་རེད། ད་ནི་དགུང་ལོ་ ༧༩ རེད། ཡང་ལོ་རྒྱུས་ཀྱི་དེབ་རྒན་ཅིག་ང་ཚོའི་ལག་ལ་ཡོང་ས་མ་རེད།

ཡངས་གླིང་རྡོ་རྗེའི་སྐྱེ་ཡུལ་འབའ་བ་ཡིན་པ་དང་། རིག་གནས་གསར་བརྗེ་མ་ལངས་གོང་ཙམ་ལ་སྡེ་དགེ་རྫོང་དུ་འགོ་ཁྲིད་བྱས་ནས་སྡེ་དགེ་པར་ཁང་སྲུང་སྐྱོབ་ཀྱི་ལས་འགན་ཁུར་མཁན་གྲས་ཡིན་འདུག་པ་དང་། རིག་གནས་གསར་བརྗེའི་སྐབས་སྡེ་དགེ་རྫོང་ཐོག་ཏུ་འཐབ་རྩོད་ཤུགས་ཆེན་ཕོག་ཡོད་འདུག སྲིད་ཇུས་གུ་ཡངས་རྗེས་བོད་རང་སྐྱོང་ལྗོངས་སུ་ལས་འགན་ཁུར་སྐབས་བོད་ཀྱི་སྐད་ཡིག་སྦྱོང་སྤྱོད་སྤེལ་གསུམ་གྱི་བྱ་བཞག་རྒྱ་ཆེར་བསྒྲུབས་ཡོད་སྐོར་སྤྱི་འཐུས་སྐལ་བཟང་རྒྱལ་མཚན་ལགས་ཀྱིས་གསུང་གི་འདུག

མི་འདིའི་མིང་གི་དག་ཆ་ལ་ཁ་བ་ནག་པོ་ལྟར་ཡང་འཇུག་ཡོད། ༡༩༩༡ལོའི་《སྦྲང་ཆར》དུས་དེབ་ཅིག་གི་སྟེང་དུ་ད་དུང་ཁོང་གིས་ཕུལ་བའི་ཤིས་ཚིག་ཕྱག་བྲིས་མ་ཞིག་ཡོད། དེ་དུས་དམ་པ་ཁོང་གིས་ཀྱང་རང་མིང་ཡང་འཇུག་ཅན་དེ་བྲིས་འདུག

བོད་རིགས་དམར་ཤོག་པ་ཚོའི་ལོ་རྒྱུས་འདི་འདྲ་རེ་གོ་དུས་སེམས་པ་དྲོ་སོབ་སོབ་རེ་མི་བྱེད་ག་ལ་སྲིད།

སྡེ་རུང་ཚེ་རིང་དོན་གྲུབ་ཀྱིས་ཀྱང་ཡངས་གླིང་རྡོ་རྗེའི་སྐོར་ཞིག་བྲིས་ཡོད་བསམ། བོད་མི་རུས་པ་ཅན་ཞིག་དང་རུས་ལ་རྐང་ཡོད་མཁན་ཞིག་ཡིན་ས་རེད། སྙན་ངག་པ་ཡི་དམ་ཚེ་རིང་གིས་ཀྱང་ཁོང་ལ་ཆེད་དུ་སྙན་ཚིག་ཅིག་བྲིས་ཡོད་པ་ཁོའི་སྙན་དེབ་(ཁ་བའི་ལྗོངས་)ཀྱི་ནང་དུ་བཀོད་འདུག

རྩོམ་སྒྲིག་པ་ལུང་རིགས་ལགས་ནས་བོད་རིགས་ཤེས་ཡོན་ལྡན་པའི་མཐོ་རིམ་ལས་བྱེད་རྒན་གྲས་ཡངས་གླིང་རྡོ་རྗེ་ལགས་ནས་ཉེ་དུས་སི་ཁྲོན་ཞིང་ཆེན་བོད་རིག་པའི་ཞིབ་འཇུག་ཚོགས་འདུའི་ཐོག་གསུངས་པའི་དགོངས་ཚུལ་ཁག་ཅིག་རྒྱ་ཡིག་གི་ཟིན་བྲིས་དྲ་གནས་ཁག་ཅིག་ཐོག་ཐོན་པ་བོད་བསྒྱུར་གནང་སྟེ་ང་ཚོར་མཁོ་འདོན་གནང་བར་ཐུགས་རྗེ་ཆེ་ཞུ་རྒྱུ་ཡིན།
ཡངས་གླིང་ཞེས་པ་དེར་ཡང་འཇུག་ས་ཡོད་འདུག་ཅིང་གཞན་ཁོང་གི་མིང་གི་དག་ཆ་དེ་རང་ཡིན་བཟོ་འདུག གཉིས་པ་ཁོང་གི་འཁྲུངས་ཡུལ་ནི་ཁམས་འབའ་ཐང་རྫོང་དུ་ཡིན་བཟོ་འདུག་པ་ལས་བྲག་གཡབ་ཡིན་བཟོ་མི་འདུག
ལྷག་པར་ད་ལྟའི་སི་ཁྲོན་བོད་རིག་པའི་ཞིབ་འཇུག་ཁང་དེ་ཡང་ཁོང་སྐུ་ངོ་མས་སྣེ་འཁྲིད་གནང་སྟེ་ 1995་ ལོ་ཙམ་དུ་བཙུགས་ཡོད་འདུག
ཡངས་གླིང་རྡོ་རྗེ་ལགས་ནི་སྔ་རྗེས་སུ་སི་ཁྲོན་ཞིང་ཆེན་ཁོངས་གཏོགས་ཀྱི་བོད་རིག་རྫོང་ཁག་མང་པོ་ཞིག་གི་ནང་དུ་ཏང་ཨུད་ཀྱི་ཧྲུའུ་ཅི་གནང་མྱོང་བ་མ་ཟད། 1993 ལོར་སི་ཁྲོན་སློབ་ཆེན་ནང་དུ་བོད་ཀྱི་རབ་འབྱམས་ཞིབ་འཇུག་སླཽབ་མའི་འཛིན་གྲྭ་གསར་འཛུགས་གནང་བ་སོགས་བོད་ཀྱི་རིག་གནས་སྲུང་སྐྱོབ་བྱ་རྒྱུའི་ཐད་གལ་ཆེའི་ནུས་པ་བཏོན་མྱོང་མཁན་ཞིག་ཡིན་འདུག་ཅིང༌། དེ་བས་ཀྱང་ངོ་མཚར་ཆེ་བ་ཞིག་ལ་ཁོང་ནས་ཉེན་ཁར་མི་འཛེམས་པར་སྡེ་དགེ་རྫོང་ཏང་ཨུད་ཀྱི་ཧྲུའུ་ཅི་བྱ་རིང་མཚན་སྙན་ཆེ་བའི་སྡེ་དགེ་དཔར་ཁང་ཆེན་མོ་ཉམས་ཆག་སྲུང་སྐྱོབ་བྱ་རྒྱུར་ནུས་པ་ཆེན་པོ་བཏོན་གནང་མྱོང་ཡོད་པ་ཞིག་རེད། དེ་བཞིིན་མི་རིགས་ཀྱི་གནད་དོན་ནི་གྲལ་རིམ་གྱི་གནད་དོན་ཡིན་ཞེས་པར་ཁོང་ནས་རྒྱུ་མཚན་ཁ་གསལ་དྲངས་ཏེ་དགག་པ་བསྐྱོན་གནང་ཡོད་པ་དང༌། རྔ་པ་ཁུལ་གྱི་ཧྲུའུ་ཅིའི་ལས་འགན་བཞེས་རིང་ངོ་ལོག་གསར་པ་ཞེས་པའི་ལྟ་ཚུལ་ནོར་འཁྲུལ་ཅན་ཐོན་པ་དེར་ཞིབ་འཇུག་མཐིལ་ཕྱིན་བྱས་ཏེ་མང་ཚོགས་དཀར་འདོན་བྱ་ཐུབ་པའི་གནས་ཚུལ་ཡོད་འདུག་པ་དང་། 1980་ ནས་ 1985་ལོ་ཙམ་བར་བོད་རང་སྐྱོང་ཞེས་པའི་ཁུལ་དུ་ལས་དོན་བསྒྲུབས་ཡོད་པ་དང༌། ཀུན་གཟིགས་པཎ་ཆེན་སྐུ་ཕྲེང་བཅུ་པ་མཆོག་ནས་ཚོགས་འདུ་མང་པོའི་སྟེང་ཐེངས་མང་པོར་ཡངས་གླིང་རྡོ་རྗེ་ནི་ རྒྱལ་ཁབ་ཀྱི་ལས་བྱེད་བཟང་པོ་དང་། གུང་ཁྲན་ཏང་ཡོན་བཟང་པོ། གྲངས་ཉུང་མི་རིགས་ཀྱི་དབུ་ཁྲིད་བཟང་པོ། ཆོས་ལུགས་པའི་གྲོགས་པོ་བཟང་པོ་ཡིན་ཅེས་གདེངས་འཇོག་བཀའ་གསུང་བསྩལ་མྱོང་ཡོད་པ་ཞིག་ཡིན་འདུག
ཡངས་གླིང་རྡོ་རྗེ་ནི་སི་ཁྲོན་ཞིང་ཆེན་སྲིད་གྲོས་ཀྱི་དེ་སྔའི་ཀྲ་ ུའུ་ཞི་གཞོན་པ་གནང་མྱོང་ཞིང༌། ད་ལྟའི་ཆར་སི་ཁྲོན་སྤྱི་ཚོགས་ཚན་རིག་ཁང་གི་ཆེད་བསྐོས་ཞིབ་འཇུག་པ་དང༌། སི་ཁྲོན་ཞིང་ཆེན་སློབ་ཆེན་ལོ་རྒྱུས་ཚན་ཁག་གི་གདན་ཞུའི་སློབ་དཔོན་ཆེན་མོ་སོགས་ལས་འགན་མང་དག་ཞིག་འཁུར་བཞིན་ཡོད་འདུག་ལ། སི་ཁྲོན་བོད་རིག་པའི་ཞིབ་འཇུག་ཅེས་པའི་དེབ་ཕྲེང་དཔེ་བསྐྲུན་གྱིས་དཔྱད་རྩོམ་ཁག་ཅིག་མུ་མཐུད་བཀོད་མུས་ཡིིན་འདུག
་ གནས་ཚུལ་དེ་ཚོའི་ཐོག་ནས་ཉེ་དུས་ཁོང་གི་ཞིབ་འཇུག་ཚོགས་འདུའི་ཐོག་གསུངས་པའི་གཏམ་བཤད་དེ་ཚོ་ནི་ཧ་ཅང་དོན་སྙིང་ལྡན་པ་ཞིག་ཡིིན་པ་ཚོར་ཐུབ་ཅིང༌། ཁོང་གི་ལོ་མང་རིང་བོད་ཀྱི་གནད་དོན་དང་འབྲེལ་བའི་ལས་དོན་གྱི་འཁུར་བླངས་བའི་ཉམས་མྱོང་ཡོད་ཅིང༌། ལྷག་པར་དུ་བོད་མི་རིགས་ཀྱི་རིག་གཞུང་དང་འབྲེལ་བའི་དམིགས་བསལ་ནུས་པ་ཤུགས་ཆེ་བཏོན་ཡོད་པ་སོགས་ལས་བོད་ནང་དུ་ཡོད་པའི་མཐོ་རིམ་ལས་བྱེད་རྒན་གྲས་ཚོས་ད་ལྟའི་དུས་སུ་ནུས་པ་མང་ཙམ་བཏོན་རྒྱུ་འདི་ནི་དོན་གྱི་བདག་པོ་བོད་ནང་ཡོད་པའི་གཞིས་ལུས་བོད་མི་ཚོར་ཡོད་ཅེས་པའི་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་སློབ་བདུད་རྩི་ཡང་ནས་ཡང་དུ་བསྩལ་བཞིན་པའི་མཐུ་ལས་བོད་རིགས་ལས་བྱེད་རྒན་གྲས་ཚོས་གནད་དོན་དེའི་རིགས་མང་ཙམ་གླེང་ཐུབ་རྒྱུར་སྨོན་ལམ་འདེབས་རྒྱུ་ཡིན༎

ངས་འདི་འབའ་ཐང་དུ་སྐྱེས་པ་རེད་སྙམ་ཡོད། ད་ངོ་མ་བོད་མི་རིགས་ཟེར་བ་འདི་ཕ་བཟང་རུས་པ་གསེར་རེད། སུ་ཡིན་རུང་རང་རང་གི་ས་ནས་རང་རང་གི་ནུས་པ་རེ་འདོན་རྒྱུ་རེད། ད་བསམ་ན་ལེགས་མཆོག་དང་བྱམས་པ་ཕུན་ཚོགས་གཉིས་ཀྱི་རྩ་དགོངས་ཞུ་དགོས་བྱུང་བ་དེ་ཡང་འདི་འདྲའི་ལས་ཀ་རེ་དང་འབྲེལ་བ་ཡོད་མིན་སུས་ཤེས། ག་ལེར་ཤེས་ཡོང་རྒྱུ་རེད། ཁྱི་ཤི་ཤི་བྱེད་མཁན་ང་ཕོད་དང་ཐེན་པོ་སོགས་ཉུང་ཉུང་རེ་ལས་མི་འདུག་ག

ལུང་རིགས་ལགས། ཡང་གླིང་རྡོ་རྗེའི་མིང་གི་དག་ཆ་འགྲིགས་འདུག་ལགས། ཡང་གླིང་རྡོ་རྗེས་བོད་ཡིག་ཀྱང་འབྲི་ཀློག་ཡག་པོ་མཁྱེན་གྱི་རེད་བསམ་བྱུང་། ང་ཡང་ཡང་གླིང་རྡོ་རྗེ་དང་འབྲེལ་བའི་སྒྲུང་ཞིག་ཡོད། སྔོན་མ་ཀ་ཐོག་ཞིང་སྐྱོང་སྤྲུལ་སྐུ་ཟེར་བ་ཞིག་འདིར་རྒྱ་གར་དུ་བོད་གཞུང་དང་ཅིག་མ་འགྲིགས་ནས་ཕྱིར་བོད་དུ་ལོག་པ་རེད། དེའི་སྐབས་ཡང་གླིང་རྡོ་རྗེ་སི་ཁྲོན་གྱི་དཔོན་རོགས་མཐོ་གྲས་ཤིག་ཡིན་སྟབས་ཞིང་སྐྱོང་སྤྲུལ་སྐུ་ལ་ས་ཆ་སྤྲད་རྒྱུ་སོགས་སྣེ་ལེན་བྱ་རྒྱུའི་འགན་དེ་ཁོར་བབ་ཡོད་པ་རེད་ཟེར། དེའི་སྐབས་སུ་ཁོས་ཁས་མ་བླངས་པ་རེད་ཟེར། མི་འདི་ཚོས་ཐོག་མར་རྒྱ་མིས་འགྲིགས་མ་སོང་ཟེར་ནས་ཕར་སོང་། ད་ཏཱ་ལའི་བླ་མས་འགྲིགས་མ་སོང་ཟེར་ནས་ཚུར་ཡོང་། མི་འདིའི་གྲས་ཡག་པོ་མེད། ཡིད་ཆེས་བྱ་རྒྱུ་མེད་ཅེས་བརྗོད་པ་རེད་ཟེར། མི་རུས་པ་ཅན་ཞིག་རེད་ཟེར་ནས་ཤོད་མཁན་མང་པོ་འདུག་ལགས།

རྒྱ་ནག་གི་ལྟོ་ཕོག་ཟ་མཁན་བོད་མི་ཚོས་མི་ཁོང་ལ་སློབ་སྦྱོང་བྱེད་ཐུབ་ན་ག་འདྲ་ཡག་པོ་ཨང།
ཁ་མ་ཡིན་དོན་གྱིས་བོད་མི་རིགས་ལ་བསམ་བློ་གཏོང་མཁན་ཞིག་ཡིན་ན་རྒྱ་ནག་གཞུང་གི་འོག་ཏུ་རྒྱུན་རིང་ཁ་པོ་རེད་དྲན།

གསར་འགྱུར་འདི་གང་མགྱོགས་ངང་བྱམས་པ་ཕུན་ཚོགས་དང་བདྨ་འཕྲིན་ལས་གཉིས་ལ་བསྐུར་དགོས་བ་རེད། སུས་འཇོན།

ཡོང་ནས་བཀླགས་ཟིན།

ཡངས་གླིང་རྡོ་རྗེ་ཞེས་དུས་དེབ་ཅིག་གི་ཐོག་ཏུ་བྲིས་འདུག མི་མཛད་རྗེས་ཅན་ཞིག་རེད། སྙན་ངག་པ་ཡི་དམ་ཚེ་རིང་གིས་ཀྱང་ཁོང་ལ་བསྡགས་བརྗོད་བྱས་འདུག