ཀོ་སི་ཊ་རི་ཀ་རྒྱལ་ཁབ་ཏུ་༧གོང་ས་མཆོག་གི་མཚན་ཐོག་ནས་རྩེད་ཐང་ཆེན་པོ་ཞིག་རྒྱག་འཆར་ཡོད་པ་དེར་རྒྱ་གཞུང་གིས་ངོ་རྒོལ་བྱས་ཡོད་འདུག
ཕྱི་ཚེས་ ༢༢ ཉིན་ Latin American Herald Tribune ཞེས་པས་གནས་ཚུལ་སྤེལ་བ་ལྟར་ན། ཀོ་སི་ཊ་རི་ཀའི་སྲིད་འཛིན་འོས་མི་ཨོ་ཊོན་སོ་ལེ་སི་ Otton Solis མཆོག་གིས་སཱན་ཇོ་སི་ San jose ས་ཁུལ་དུ་རྩེད་ཐང་ཞིག་རྒྱག་བཞིན་པ་དེའི་མིང་ལ་ཏཱ་ལའི་བླ་མ་རྩེད་ཐང་ཅེས་མཚན་འདོགས་རྒྱུ་ཡིན་ཚུལ་གསུངས་པ་དེར་རྒྱ་གཞུང་གིས་ངོ་རྒོལ་བྱས་ཡོད་འདུག་ལ། དེ་ནི་རྒྱལ་ཁབ་གཉིས་བར་གྱི་ཐུན་མོང་གི་འདོད་པ་མིན་ཚུལ་རྒྱ་ཕྱོགས་ནས་བཤད་ཡོད་འདུག
ཡུལ་དེའི་མི་མང་ལས་འགུལ་ཚོགས་པའི་ཚོགས་གཙོ་ ཨོ་ཊོན་ སོ་ལེ་སི་མཆོག་གིས། ཡུལ་དེའི་དཔལ་འབྱོར་གྱི་རྟེན་ས་ཞན་པས་ཁོང་གིས་རྩེད་ཐང་དེ་༧གོང་ས་མཆོག་གི་མཚན་ཐོག་ནས་རྒྱག་རྒྱུ་ཡིན་ཚུལ་བརྗོད་རྗེས། རྒྱ་ནག་ཕྱི་སྲིད་བློན་ཆེན་གྱིས་ཕྱི་ཚེས་ ༢༡ ངོ་རྒོལ་གསལ་བསྒྲགས་ཤིག་སྤེལ་བའི་ནང་། རྩེད་ཐང་དེས་རྒྱ་ནག་དང་ ཀོ་སི་ཊ་རི་ཀ་རྒྱལ་ཁབ་གཉིས་ཀྱིས་མཛའ་འབྲེལ་མཚོན་ཐུབ་ཀྱི་ཡོད་ཅེས་བརྗོད་འདུག་ལ། རྒྱ་གཞུང་གིས་རྩེད་ཐང་གསར་རྒྱག་དེའི་ཆེད་ཨ་སྒོར་ས་ཡ་ ༨༣ ལྷག་གི་རོགས་རམ་བྱས་ཡོད་འདུག
རྩེད་ཐང་དེར་རྐུབ་སྟེགས་ ༣༥༠༠༠ ལྷག་ཡོད་པ་མ་ཟད། དེར་རྩེད་མོའི་རིགས་ ༣༢ ལྷག་གི་ལས་ཁུངས་མ་ལག་བཙུགས་ཡོད་པ་དང་། རས་ཡོལ་བརྙན་པར་དང་རྩེད་རིགས་འགྲེམ་སྟོན་ཁང་། དེ་མིན་གྱི་རྩེད་མོའི་རིགས་ཀྱི་རྣམ་གྲངས་མང་པོ་ཞིག་ཡོད་པ་རེད། ཡུལ་དེའི་མགོ་ཁྲིད་ཚོས་བརྗོད་ན། འཆར་ལོའི་ཟླ་ ༢ དང་ ༣ པའི་བར་རྩེད་ཐང་དབུ་འབྱེད་བྱ་འཆར་ཡོད་ལ། སྐབས་དེར་རྒྱ་ནག་དང་ཡུལ་དེའི་བར་རྐང་སྤོལ་འགྲན་བསྡུར་ཐོག་མ་དེ་བྱ་རྒྱུ་ཡིན་འདུག དེ་བཞིན་དུ་རོལ་དབྱངས་འདུ་འཛོམས་དང་རྩེད་རིགས་གཞན་པ་སོགས་ཀྱང་འགྲན་བསྡུར་བྱ་རྒྱུ་ཡིན་འདུག
རྩེད་ཐང་ལས་འཆར་དེ་ནི་ཕྱི་ལོ་ ༢༠༠༧ ལོའི་རྗེས་ཀྱི་ཡུལ་གཉིས་བར་ལ་འབྲེལ་བ་བསྐྱར་གསོ་བྱས་པ་ཐོག་མ་དེ་ཆགས་ཡོད་འདུག ༧གོང་ས་མཆོག་ཡུལ་དེར་ཐེངས་གཉིས་ལ་ཆིབས་བསྒྱུར་གནང་ཡོད་པ་མ་ཟད། ཡུལ་དེའི་སྲིད་འཛིན་ Oscar Arias Sanchez ཨོ་སེར་ཨ་རེད་སི་ སེན་ཆེ་ཛི་མཆོག་ནི་༧གོང་ས་མཆོག་གི་བློས་ཐུབ་ཀྱི་གྲོགས་པོ་ཞིག་རེད་འདུག་ལ། ཕྱི་ལོ་ ༡༩༨༧ ལོར་ཁོང་ལ་ནོ་བྷེལ་ཞི་བདེའི་གཟེངས་རྟགས་དེ་ཐོབ་ཡོད་འདུག ཕྱི་ལོ་ ༢༠༠༤ ལོར་༧གོང་ས་མཆོག་ཡུལ་དེར་ཕེབས་ནས་སྲིད་འཛིན་དང་མཇལ་འཕྲད་གནང་ཡོད་འདུག ཕྱི་ལོ་ ༡༩༨༦ ནས་ ༡༩༩༠ ལོ་བར་ཁོང་གིས་ཡུལ་དེའི་སྲིད་འཛིན་གྱི་འགན་ཁུར་ཡོད་པར་མ་ཟད། ཕྱི་ལོ་ ༢༠༠༦ ལོར་ཡང་སྲིད་འཛིན་ལ་བསྐྱར་དུ་འོས་འདེམས་བྱུང་ཡོད་འདུག
དེང་སང་བདེན་དོན་ལ་རྒྱབ་སྐྱོར་གནང་མཁན་འཛམ་ག་སར་ཇེ་མང་དུ་འགྲོ་བཞིན་ཡོད་པས་་ད་རེ་གོང་ས་མཆོག་གི་མཚན་ཐོག་ཏུ་རྩེད་ཐང་ཞིག་བཟོ་འཆར་ཡོད་པ་འདིས་་་་ང་ཚོའི་བདེན་པ་ཡོད་པའི་མཚོན་རྟགས་གསལ་པོ་ཞིག་རེད་སྙམ།།
་བདེན་དོན་ལ་རྒྱབ་སྐྱོར་བྱེད་མཁན་དེང་སང་གོ་ལ་འདིའི་སྟེང་དུ་ཇེ་མང་དུ་འགྲོ་བཞིན་ཡོད་པས་་་ད་རེ་གོང་ས་མཆོག་གི་མཚན་ཐོག་ཏུ་རྩེད་ཐང་གཅིག་བཟོ་འཆར་ཡོད་པ་འདིས་ང་ཚོར་བདེན་པ་ཡོད་པའི་མཚོན་རྟགས་གསལ་པོ་ཞིག་རེད།
༸ཏཱ་ལའི་བླ་མའི་མཚན་དོན།
ཏཱ་ལའི་དོན་ནི་རྒྱ་མཚོ་ཡིན། །
ཏཱ་ལའི་མཚོན་དོན་བོད་དོན་ཡིན། །
ཏཱ་ལའི་གཅིག་ཉིད་མགོན་དང་དཔུང་། །
ཏཱ་ལའི་ཞི་བདེའི་སྲོག་དང་ཟུངས། །
བླ་ཞེས་བྱ་བ་གོང་ན་མེད། །
མར་གྱུར་སེམས་ཅན་ཐམས་ཅད་དོན། །
བླ་ནས་གོང་བླར་སྤེལ་བ་ལ། །
མ་ལྟར་སྐྱོང་མཁས་ཀུན་གྱི་མ། །
༸ཏཱ་ལའི་མཚན་གྱིས་གྲོལ་གྱུར་ཅིག །
ཏཱ་ལའི་བླ་མ་རྩེད་ཐང་ལབ་ན་མི་འགྲིག་གི་སྙམ།
འཛམ་གླིང་མི་མང་ལ་བཟང་ཕྱོགས་ཀྱི་ཤུགས་རྐྱེན་ཆེན་པོ་ཐེབས་མཁན་གྱི་མིའི་མཚན་ཀྱིས་དེ་ལྟར་བཏགས་ཆོག་གི་མེད་ན། འོ་ན། འཛམ་གླིང་མི་མང་ལ་མགོ་སྐོར་དང་། གཡོ་ཁྲམ་གྱིས་ཤུགས་རྐྱེན་ཆེན་པོ་སྤྲོད་མཁན་གུང་ཁྲན་ཏང་གི་མིང་ཐོག་ནས་བཏགས་ཏེ་༼གུང་ཁྲན་ཏང་རྩེད་ཐང༽་ངམ་༼ཀྲུང་གོའི་རྩེད་ཐང༽་ཞེས་ཐོགས་ཤིག
ཏཱ་ལའི་བླ་མའི་རྩེད་ཐང་ཟེར་དགོས་པ་ལས། ཏཱ་ལའི་བླ་མ་རྩེད་ཐང་ཟེར་མི་རུང།
རྒྱ་འདྲེས་ངོ་རྒོལ་བྱས་མིན་ལ་མ་བལྟོས་པར་རྩེད་རྭའི་མིང་དེ་རང་ལ་གནས་པ་གནང་རོགས།
ཨོ་རེད། ད་དུང་། ༧གོང་ས་མཆོག་གི་མཚན་ཐོག་ནས་རྩེད་ཐང་དེ་འདྲ་ཞིག་བྱེད་འཆར་ཡོད་ན། ༧གོང་ས་མཆོག་ལ་ཁོང་ཚོས་བཀའ་འདྲི་བྱས་ཡོད་མེད་དེ་ནི་དངོས་ནས་ཤེས་དགོས་པ་ཞིག་རེད།
གཞན་གྱིས་ས་ཐོག་ནས་གཞན་གྱིས་རྩེད་རིགས་བྱེད་སའི་སྟེགས་པུ་དེ་ཚོ་ལ་ཡང་། རྒྱ་ནག་གཞུང་གིས་ཚོད་འཛིན་བྱེད་ཐུབ་སོང་བ་ཡིན་ན། ད་ནི་དངོས་ནས་རྒྱ་ནག་གི་ཚད་འཛིན་བྱེད་སྟངས་དེ་ནི་ཧ་ལས་པའི་ཚད་མཐོན་པོ་ཞིག་ལ་སླེབས་ཀྱི་ཡོད་རྟགས་རེད། དེ་འདྲ་ཞིག་ལ་ཆགས་པ་ཡིན་དུས། བོད་དོན་ཟེར་བ་དེ་ནི་རླུང་ནང་གི་མར་མེ་ལྟ་བུ་ཆགས་ཀྱི་ཡོད་པ་དེ་བོད་པ་ཚོ་དང་བོད་དོན་ལ་ཁ་ཞེ་གཉིས་མེད་ཀྱི་རོགས་རམ་བྱེད་མཁན་འཛམ་གླིང་འདི་ན་སུ་ཡོད་པ་དག་ལ་ངོ་རྒོལ་བྱས་པ་དང་བརྡ་ཞིག་བརྒྱབས་པ་རེད།