སྐུ་ཚབ་ཚོཊ་པ་རྒྱ་ནག་ལ་ཕེབས་ཐལ།

ད་ཐེངས་ལ་རེ་བ་ཆེན་པོ་ཞིག་ཡོད་གདའ།

ཞི་མོལ་གྱི་ལམ་ནས་ངའི་སེམས་ཀྱི་ངར་དེ་བསད་སོང་།
གྲོས་མོལ་གྱི་ལམ་ནས་ངའི་ལུས་ཀྱི་ཟུངས་དེ་ཟད་སོང་།

རིང་བོ་རིན་པོ་ཆེན་མཆོག་ལགས།
ཉིས་སྟོང་བཅུའི་ལོ་མགོ་ལ་ང་ཚོ་ལྷོད་ལྷོད་བྱས་ནས་བོད་ལ་འགྲོ་ཆོག་གི་རེད། དེ་ཚང་མས་སེམས་ལ་ཉར་རོགས་ཞེས་གསུངས་འདུག་ཀྱང་ང་ཅོ་རི་ནུབ་ཕྱོགས་ཡུལ་དུ་མགོ་འཁོར་ནས་ལུང་བསྟན་སོགས་ཅི་ཡང་ཤིས་མ་སོང་།
སྐུ་ཉིད་ནི་རྣམ་དཔྱད་ལྡན་པའི་དྲ་གྲོགས་ཤིག་ངོས་འཛིན་བྱས་ཀྱིན་ཡོད་པས་སྐུ་ཉིད་ཀྱིས་གསལ་བཤད་ཤིག་གནང་རོགས་ཞུ།
ང་རང་སྒེར་ལ་ཆ་འཇོག་ན་བློ་ཕམ་ཆེ་ཕྱོགས་བོད་རྒྱའི་འབྲེལ་མོལ་ཅི་ཙམ་བྱས་ཀྱང་གསང་བ་ཡིན་མདོག་མདོག་གིས་བཙན་བྱོལ་མི་དམངས་ལ་གསལ་ཁ་མེད་པར་འདི་ཡིན།

བཀྲ་ཤིས་བདེ་ལེགས་གྲངས་མེད་ཞུ་རྒྱུ་ཡིན།
གྲོས་མོལ་ལེགས་པོ་ཡོང་བའི་རེ་བ་ཞུ་བཞིན་ཡོད།

ཐེངས་འདིར་རྒྱ་རི་བློ་གྲོས་རྒྱལ་མཚན་དང་སྐལ་བཟང་རྒྱལ་མཚན་རྣམ་གཉིས་ཀྱི་ཕྱག་རོགས་སུ་མི་གསུམ་འདུག རྒྱལ་སྤྱིའི་བོད་དོན་ལས་འགུལ་ཁང་གི་བུ་ཆུང་ཚེ་རིང་ལགས་དང་། ཨ་ཏི་ཤ་བསྟན་འཛིན་ཕུན་ཚོགས། དེ་བཞིན་བོད་རྒྱ་ཞི་མོལ་གྲ་སྒྲིག་ཚོགས་ཆུང་གི་དྲུང་ཆེ་འཇིགས་མེད་པ་སངས་བཅས་འདུག

བཀའ་ཁྲི་ཟམ་གདོང་རིན་པོ་ཆེ་མཆོག་དང་། དམིགས་བསལ་སྐུ་ཚབ་རྣམ་པ་གཉིས་བཅས་ཀྱིས་ཕྱི་ཚེས་ ༢༢ ཉིན་༧ཐེངས་འདིའི་གྲོས་མོལ་གྱི་ནང་དོན་རྣམས་༧གོང་ས་མཆོག་ལ་སྙན་སེང་ཞུས་ཡོད་འདུག

འདི་ནི་བོད་རྒྱ་འབྲེལ་མོལ་གྱི་རིམ་པ་ཐེངས་དགུ་པ་དེ་ཡིན་པའི་ངོས་འཛིན་གནང་འདུག

སྐུ་ཚབ་ཚོ་ཟླ་རྗེས་མའི་ཟླ་མགོར་ཕྱིར་བཞུགས་སྒར་དུ་འབྱོར་རྒྱུ་རེད་ཅེས་བོད་གཞུང་ཕྱི་དྲིལ་ལས་ཁུངས་ཀྱིས་བསྒྲགས་གནང་སོང་།

༼ མཇལ་འཕྲད་གནང་དུས། ༽ ཀྲུང་དབྱང་གི་བོད་ལྗོངས་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་ལྔ་བ་ཚོགས་ཏེ། སྲིད་འཛིན་ཧུའུ་ཅིན་ཐའོ་ཡིས་གསུང་བཤད་གལ་ཆེན་གནང་གྲུབ་མ་ཐག

༼ མཇལ་འཕྲད་གནང་ཡུལ། ༽ གྲངས་ཉུང་མི་རིགས་ཁག་ལ་མིག་དཔེར་སྟོན་འོས་པའི་རྒྱ་ནག་གི་ཆེས་སྔོན་ཐོན་གྲོང་ཁྱེར་ཆེ་གྲས་ཧུ་ནན་ཞིང་ཆེན་གྱི་ཡིད་དུ་འོང་བའི་མཛེས་ལྗོངས།

༼ མཇལ་འཕྲད་གནང་དོན། ༽ བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆའི་རྩ་འགྲེལ་འཇའ་སཱ་གསེར་བྲིས་འཁྱུག་ཡག་མ་སྙན་སྒྲོན་ཞུ་རྒྱུ། ཧེ་ཧེ་ཧེ་་་་་་་་་་་་་་་་་་་་་་་

མདོར་བསྡུས་ན་སྐུ་ཚབ་ཚོ་ད་ཐེངས་རྒྱ་ནག་ལ་བོད་སྐོར་གསར་དུ་གཏན་འབེབས་བྱས་པའི་ཏང་གི་ཡིག་ཆ་ཁག་ལ་སློབ་སྦྱོང་བྱེད་དུ་འགྲོ་གི་ཡོད་པ་རེད། ཕྱིར་འཁོར་རྗེས་ཏང་གི་དགོངས་དོན་ལྟར་ངྷ་སའི་གནམ་ས་གཉིས་ལ་ནང་སྦྱོང་གསར་བ་ཞིག་འབྲི་འཇུག་གི་རེད།

དྲ་ཐོག་ཏུ་གསར་དུ་སླེབས་པའི་བློ་བཟང་ཐུབ་བསྟན་ལགས། ཁྱེད་ཀྱི་ཁ་གཡང་སྒྲོག་པའི་དོན་འབྲས་སྨིན་པའི་རེ་བ་ཡོད། རྗེས་ཕྱོགས་སྐུ་ཉིད་ཀྱིས་ཡིག་ནོར་ལ་ངེས་པར་གཟབ་དགོས། ༼ད་རས་༽ད་རེས་༼གྲོས་མོས༽གྲོས་མོལ། ༼ཡོངས་བ་ཤོག༽ ཡོང་བར་ཤོག ༼སེམས་ཕྲས། ༽སེམས་ཕྲལ། ༼ལྟོན་འདུག༽བསྟན་འདུག
༼མཉམ་འཛོན༽ མཉམ་འཛོམ། ༼སེམས་ཕྲས་ནས༽སེམས་ཕྲལ་ནི། ༼བསླུ་ཕྲིད༽
བསླུ་བྲིད། ༼བསམ་གི་འདུག༽བསམ་གྱིན་འདུག ད་ཐེངས་ཁྱེད་ཀྱི་ཡིག་ཕྲེང་ཐུང་ངུ་བཞི་ལ་ཡིག་ནོར་དགུ་འདུག བརྡ་ནོར་ཡང་མང་པོ་འདུག ཁྱེད་རང་དྲ་ཚིགས་སུ་གསར་དུ་འབྱོར་བ་ཞིགཡིན་པ་དང་། ཁོ་བོར་དག་ཆ་ནོར་བཅོས་བྱ་བར་སྐུལ་བ་བཞིན་དག་བཅོས་འགའ་ཟུང་བྱས་ཡོད། རྗེས་སུ་གཟབ་གཟབ་བྱོས་ལོ

༄༅བླ་མ་ཡི་དམ་ཆོས་སྐྱོང་སྲུང་མ་མཁྱེན་ད་རས་རྒྱ་བོད་གཉིས་ཞི་བའི་ལམ་ནས་གྲོས་མོས་ཡང་དག་པ་ཡོངས་བ་ཤོག། དྲ་གྲོགས་རྣམས་དེ་རིང་གསར་འགྱུར་འདི་མཐོང་མ་ཐག་བརྗོད་མི་ཤེས་པའི་སྤྲོ་སྣང་དང་སེམས་ཕྲས་ཞིག་བྱུངསྤྲོ་སྣང་ནས་རྣམ་འགྱུར་སྔར་ལས་ཅུང་ཡག་དུ་ལྟོན་འདུག་པས་ཤ་རུས་ཅིག་པའི་སྤུན་ཟླ་རྣམས་
མཉམ་འཛོན་ཡོང་བའི་དུས་ཞིག་ཤར་ལ་ཉེ་བ་མིན་ན་བསམ་པའི་སྤྲོ་སྣང་བྱུང སེམས་ཕྲས་ནས་མགོ་བསྐོར་
བསླུ་ཕྲིད་བྱེད་ཀྱི་མེད་ན་བསམ་གི་འདུག བླ་མ་མཁྱེན

ཉེ་སྔོན་རྒྱ་གཞུང་གིས་བོད་དོན་ཆེད་ཚོགས་འདུ་ཞིག་ཀྱང་འཚོགས་འདུག་པ་དང་། དེ་རྗེས་སྐུ་ཚབ་ཚོགས་པའང་མགྲོན་འབོད་བྱས་འདུག་པས། ད་འང་རྒྱལ་སྤྱིའི་བོད་དོན་རྒྱབ་སྐྱོར་བ་གཞུང་དགེར་ཚང་མའི་ཁ་དེས་གཅོད་སྤྱད་བྱེད་ཀྱི་རེད། རྒྱལ་སྤྱིའི་ཡུལ་གྲུ་ཁག་གིས་བལྟས་ནའང་བོད་དོན་ཆེད་ཚོགས་འདུ་འཚོགས་ནས་བོད་ཀྱི་སྐུ་ཚབ་དང་མཉམ་དུ་གྲོས་མོལ་ཀྱང་བྱས་ཡོད་པའི་མཚོན་བྱེད་རེད་སྙམ།

གང་ལྟར་ཡང་རྣམ་པ་ཅུང་ཟད་རེ་ཇེ་བཟང་དུ་འགྲོ་བའི་རེ་འདུན་ཡོད།

སྐུ་ཚབ་རྒྱ་ལ་ཕེབས་པ་གཏམ་བཟང་རེད།།
དོན་འབྲས་ལྐོག་གྱུར་ཡིན་པས་སེམས་འཚབ་རེད།།

དོན་འབྲས་ཡག་པོ་ཞིག་ཡོང་བར་ཤོག

བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་འདུ་ཐེངས་ ༡༩ བའི་བསམ་འཆར་ཡིག་ཆ་དེ་ལ་རྒྱ་ཕྱོགས་ནས་ཆེད་དུ་འཁྱོག་བཤད་བྱས་པ་ཡིན་ན། སླར་ཡང་གསལ་བཤད་དང་འགྲེལ་བརྗོད་ཀྱི་ཡིག་ཆ་གཉིས་པ་ཞིག་བཟོས་པ་ལ་དོན་བདག་ཅི་ཡོད།
ཐེངས་༡༩ཚོགས་ཆུང་གི་ཡིག་ཆའི་གོ་བ་གཏིང་ཟབ་མ་ལོན་པ་མ་རེད། དེ་གོ་བ་ལེན་རིན་ཅན་ཞིག་གི་གྲངས་སུ་མི་བརྩི་བ་རེད།

ད་དུང་ཁ་སྣོན་འགའ་བཤད་ཀྱི་ཡིན།
ངེད་ཀྱིས་འབྲེལ་མོལ་ལ་གྲུབ་འབྲས་ཡོང་གི་མ་རེད་ཟེར་དོན་ནི།
ད་ལྟའི་འབྲེལ་མོལ་བྱེད་སྟངས་ཀྱི་བརྒྱུད་ལམ་དང་ད་ལྟའི་འབྲེལ་མོལ་བྱེད་མཁན་གྱི་སྐུ་ཚབ།
ད་ལྟའི་འབྲེལ་མོལ་གྱི་སྣེ་མཐུད་སྟངས་གསུམ་པོ་འདི་ལ་འགྱུར་བ་ཞིག་མ་བཏང་བར་མུ་མཐུད་དུ་བསྡད་པ་ཡིན་ན།
གྲུབ་འབྲས་ཡོང་རྒྱུ་དཀའ་མོ་རེད་ཟེར་གྱི་ཡོད། འབྲེལ་མོལ་དེ་གྲུབ་འབྲས་ཡོང་བ་ཞིག་གི་ལམ་ལ་བསྐྱོད་དགོས་ན།
དང་པོ། ད་ལྟའི་འབྲེལ་མོལ་བྱེད་སྟངས་ཀྱི་བརྒྱུད་ལམ་ལ་འགྱུར་བ་ཐོངས།
གཉིས་པ། ད་ལྟའི་འབྲེལ་མོལ་བྱེད་མཁན་གྱི་སྐུ་ཚབ་རྣམས་ལ་འགྱུར་བ་ཐོངས།
གསུམ་པ། ད་ལྟའི་འབྲེལ་མོལ་གྱི་སྣེ་མཐུད་སྟངས་འདི་ལ་འགྱུར་བ་ཐོངས།
ད་གཉིད་ཀྱི་ཡིན།

ད་འབྲེལ་མོལ་འབྲེལ་མོལ་ཟེར་གྱི་འདུག་མ་གཏོགས་། ད་ཕན་སྤྱི་སྒེར་གཉིས་ནས་འབྲེལ་བ་ཐེངས་ཉུ་ཤུ་ལྷག་བྱས་བ་དེ་ཚོ་ཡང་། མཚམས་རེར་ཆད། མཚམས་རེར་མཐུད།
མཚམས་རེར་ཕར་ལ་འགྲོ་གི་ཡོད་པ་མ་གཏོགས་འབྲེལ་བ་དམིགས་བསལ་ཅི་ཡང་བཙུགས་མེད་པའི་བཟོ་འདྲ་བོ། མཚམས་རེར་ཕར་ལ་འབྲེལ་བ་འཛུགས་ཏུ་འགྲོ་གི་ཡོད་པ་ལྟ་བུ་མ་ཡིན་པར་རྒྱ་ནག་གཞུང་གི་གཤེ་གཤེ་ལེན་ཏུ་འགྲོ་གི་ཡོད་པའི་བཟོ་འདྲ་བོ། མཚམས་རེར་ཕར་ལ་ཕྱིན་ནས་ཁས་ལེན་བྱེད་མི་དགོས་བ་མང་པོ་ཞིག་ཁས་ལེན་འདྲ་བྱས། ཚུར་ཡོང་ནས་འཇོན་པའི་བཟོ་འདྲ་བཤད། ཉིན་ཁ་ཤས་ཀྱི་རྗེས་ལ་འཇོན་མེད་པའི་རྐུབ་དེ་ལྷང་ལ་བུད། ད་ཁྱེད་ཚོས་འབྲེལ་བ་བྱེད་མི་དགོས། སྐུ་མཁྱེན། འབྲེལ་བ་ཟེར་བ་དེ་ཕྱིར་བསྡུ་གནང་རོགས།
ད་ཕན། འབྲེལ་བ་གནང་ཡིན་ཟེར་ནས་འབྲེལ་བ་ཡག་ཏུ་ཕྱིན་པའི་གནས་ཚུལ་སྟོན་རྒྱུ་མེད། འབྲེལ་བ་སྡུག་ཏུ་ཕྱིན་པ་ནི་གསལ་ཐང་ཐང་འདྲ་ཞིག་རེད།
དེ་གཅིག་ཡིན།
དེ་ནས་། འབྲེལ་བའི་ཞོར་ལ་གླེང་མོལ་དེའི་སྐོར་ཡིན། ད་ལྟ་བར་དུ་ཅིག་བཤད་བསྡད་པ་རེད། ཕར་ལ་ཉུང་ཉུང་ཞིག་བཤད། ཚུར་ལ་མང་པོ་ཞིག་ཉན་བསྡད་པ་རེད།
ཕར་ལ་བཤད་རྒྱུའི་མདོ་དོན་དེ་བོད་རིགས་ཡོངས་ལ་མིང་དོན་མཚུངས་བའི་རང་སྐྱོང་ཡོང་ཐབས་ཀྱི་བསམ་འཆར་ཟེར་བ་དེ་རེད། བསམ་འཆར་དེ་སྒྲོག་རྩེ་སྒང་ལ་འཇོག་ཐུབ་རྒྱུའི་སླད་དུ་
ལོ་མང་པོ་བཏང་བ་རེད། མཐའ་མར་བསམ་འཆར་དེ་འཇོག་ཐུབ་ཙམ་བྱུང་། བསམ་འཆར་དེ་བཞག་ནས་ཅང་མ་འགོར་བར། བསམ་འཆར་དེ་ལ་ངོས་ལེན་མེད་ཞེས་རྒྱ་ནག་གཞུང་གིས་ཕྱི་བསྒྲགས་ནང་བསྒྲགས་བྱས་བ་རེད། འབྲེལ་བ་ཟེར་བ་ནའང་འདྲ། གླེང་མོལ་ཟེར་ནའང་འདྲ། འབྲེལ་མོལ་ཟེར་ནའང་འདྲ། མཚམས་དེ་རེད།
ད་ཡང་བསྐྱར་ཕར་ལ་ཕྱིན་ནས་དམིགས་བསལ་གྱིས་ཐག་གཅོད་རྒྱུ་དང་ཐག་ཆོད་རྒྱུ་གང་ཡང་མི་འདུག་བསམ། ད་ཐེངས་ཕར་ལ་འགྲོ་དོན་གྱི་དམིགས་ཡུལ་ཡང་ཕལ་ཆེར་འདི་འདྲ་ཞིག་རེད་བསམ། ད་ལྟའི་བཀའ་ཤག་གི་ངོས་ནས་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཟེར་བ་འདིའི་ནང་གསེས་དོན་ཚན་ཁག་ལ་རྒྱ་ནག་གཞུང་གིས་དོགས་འདྲི་དང་ངོས་ལེན་མེད་ལབ་པ་དེ་ཚོར། ལན་རྒྱག་པའི་སླད་དུ། ནང་གསེས་དོན་ཚན་ཁག་ལ་འགྲེལ་བཤད་རྒྱས་པ་དང་ཞིབ་ཚགས་པ་ཞིག་བྲིས་ཡོད་པ་དེ་ཕར་ལ་འཁྱེར་ནས་འགྲོ་གི་ཡོད་པ་རེད་དྲན། ད་མ་གཏོགས་གཞན་སྐད་ཆ་དམིགས་བསལ་ཞིག་དང་ཐག་གཅོད་དམིགས་བསལ་ཞིག་ཡོང་རྒྱུ་མེད་པ་ཐག་གིས་ཆོད།
འདི་ལྟར་ཕྱོགས་ཡོངས་ནས་བསམ་ན། ད་ང་ཚོར་འབྲེལ་མོལ་ཟེར་བ་དེ་ཡང་མི་དགོས། སྐུ་ཚབ་ཟེར་བ་དེ་ཡང་མི་དགོས། རྒྱལ་རི་བློ་གྲོས་རྒྱལ་མཚན་དང་སྐལ་བཟང་རྒྱལ་མཚན་སོགས་ཚང་མས་དགོངས་ཞུ་གནང་རོགས། ངེད་ཚོར་སྐུ་ཚབ་མི་དགོས་ལ་འབྲེལ་མོལ་ཡང་མི་དགོས། བོད་རྒྱ་འབྲེལ་མོལ་ཟེར་བའི་མིང་བྱང་རྫིག་པོ་དེ་ཡང་དེ་རིང་ནས་བཟུང་གནམ་ནས་བླངས་སྟེ་ས་ལ་ཞོག

ཧུ་ནན་ཞིང་ཆེན་ནི་རྒྱ་ནག་གི་ཞིང་ཆེན་དག་གི་ཁྲོད་ནས་བོད་རང་སྐྱོང་ལྗོངས་ཟེར་བ་དང་འབྲེལ་ལམ་ཤིན་ཏུ་ཟབ་པའི་ཞིང་ཆེན་ཞིག་ཡིན་པ་དང་།་༡༩༩༧ལོར་ཧུ་ནན་ཞིང་ཆེན་ཀྱིས་ཐད་གཏོགས་རོགས་སྐྱོར་འོག་ལྷ་སར་ཉི་འོད་ལམ༼་་་་ཡང་ཀོང་ཏོའོ༽་་་་་་་ཟེར་བའི་སྲང་ལམ་ཞིག་ཀྱང་བཟོས་ཡོད་པ་རེད།དེ་བས་ཐེངས་འདིར་སྐུ་ཚབ་ཚོ་དམིགས་སུ་བཀར་ཏེ་ཞིང་ཆེན་འདིའི་མིང་ཐོག་ཏུ་འགྲོ་དགོས་དོན་ནི་རྒྱ་བོད་ཞི་མོལ་ཟེར་བའི་བརྗོད་གཞིའི་ཐོག་ཏུ་ཕེབས་པ་མ་ཡིན་པར།ལྷ་སའི་ཁོར་ཡུག་དང་འཛུགས་སྐྲུན་བྱེད་ཕྱོགས་ལ་བསམ་འཆར་ཞིག་ཞུ་རུ་སོང་བ་ཨེ་ཡིན་ནམ་སྙམ།