མདོ་འདུམ་ཚང་།
ད་ནངས་ཁ་པར་སླེབས་ནས། ཁྱེད་ཚོ་ཚེས་༢༥ཉིན་རྒྱ་ནག་ལ་ཕེབས་འདུག་ཟེར། དང་པོ་འགྲོ་ས་དེ་ཧུའུ་ནན་ཞིང་ཆེན་རེད་ཟེར། དེ་ནི་མའོ་ཙེ་ཏུང་གི་སྐྱེ་ཡུལ་ཡང་རེད་ཟེར། ཐོག་མའི་ཉིན་ཁ་ཤས་ལ་འཆམ་འཆམ་དང་དེ་ནས་གྲོས་མོལ་དངོས་གཞི་རེད་ཟེར། གྲོས་མོལ་དངོས་གཞི་དེ་ཡང་རྒྱ་ནག་གི་རྒྱལ་ས་པེ་ཅིང་ལ་རེད་ཟེར། ད་ཐེངས་དམིགས་བསལ་ཞིག་ལ། གྲོས་མོལ་དེའི་ཆེད་དུ། རྒྱ་གར་ལྷོ་ཕྱོགས་འབྲས་སྤུངས་དགོན་དུ་རིམ་གྲོ་སྒྲུབ་བཞིན་འདུག་ཟེར། སྐུ་ཚབ་རྣམ་པ། ཁྱེད་ཚོའི་འཆམ་འཆམ་དེ་གྲུབ་ཚར་སོང་སམ།-ཧུའུ་ནན་ཞིང་ཆེན་གྱི་ཡུལ་ལྗོངས་ག་འདྲ་འདུག ཧུའུ་ནན་ཞིང་ཆེན་གྱི་ཡུལ་མི་རྣམས་ག་འདྲ་འདུག ཧུའུ་ནན་ཞིང་ཆེན་ནས་མའོ་ཙེ་ཏུང་གི་འདྲ་སྐུ་མང་པོར་མཇལ་སོང་ངམ།
ད་ནངས་བོད་གཞུང་བཀའ་ཤག་ལ་ཁ་པར་བཏང་ནས་ཁྱེད་ཚོའི་སྐོར་ལ་སྐད་ཆ་དྲིས་ཡིན། བོད་གཞུང་བཀའ་ཤག་གིས་ཁྱེད་ཚོའི་ལག་ལ་བོད་རིགས་ཡོངས་ལ་མིང་དོན་མཚུངས་བའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆའི་འགྲེལ་བཤད་རྒྱས་བ་ཞིག་བཞག་ཡོད་ཟེར། ད་ཐེངས་སོང་ནས་ཡིག་ཆ་དེ་བསྐྱར་དུ་རྒྱ་ནག་གཞུང་ལ་ཕུལ་རྒྱུ་རེད་ཟེར། -སྐུ་ཚབ་རྣམ་པ་། དེ་བདེན་པ་རེད་དམ། ད་ཐེངས་ཀྱི་ཁྱེད་ཚོའི་ལས་ཀ་དེ་གཅིག་པོ་རེད་དམ། ཁྱེད་ཚོ་ཚང་མས་ཡིག་ཆ་དེ་ཚོའི་དགོངས་དོན་ཆ་ཚང་མཁྱེན་གྱི་ཡོད་དམ། -ཁྱེད་ཚོའི་ཡིག་ཆ་དེ་ལ་རྒྱ་ནག་གཞུང་གིས་བརྩི་འཇོག་གནང་གི་རེད་དམ། ཟླ་འདིའི་ཕྱི་ཚེས་༡༨ནས་༢༠བར་རྒྱ་ནག་པེ་ཅིང་དུ་བོད་རང་སྐྱོང་ལྗོངས་ལས་དོན་སྐོར་གྱི་བཞུགས་མོལ་ཚོགས་འདུ་ལྔ་བ་དེ་སྐོང་འཚོགས་གནང་འདུག ཀྲུང་དབྱང་གིས་གསུངས་ན། ཀྲུང་དབྱང་གིས་བོད་ལ་འཛིན་པའི་སྲིད་ཇུས་ཡང་དག་ཡིན་ཟེར། སྐུ་ཚབ་རྣམ་པ། ཁྱེད་ཚོ་ད་ཐེངས་ཕར་ཕེབས་ནས། ཀྲུང་དབྱང་གིས་བོད་ལ་འཛིན་པའི་སྲིད་ཇུས་དེ་ཡང་དག་མ་རེད་ཟེར་གྱི་ཡིན་ནམ། ཡང་ན་འཆམ་འཆམ་དེ་གྲུབ་པ་དང་། ཡིག་ཆ་དེ་ཕར་སྤྲད་པ་དང་། ཁྱོད་ཚོ་ཁ་བཙུམས་བཞིན་ཕྱིར་ལོག་ཡོང་གི་ཡིན་ནམ། སྐུ་ཚབ་རྣམ་པ། ཁྱེད་ཚོས་གསུངས་དང་།
སྐུ་ཚབ་རྣམ་པ། ཁྱེད་ཚོས་གོ་སོང་ངམ། ཁྱེད་ཚོ་རྒྱ་ནག་ལ་མ་ཐོན་པའི་སྔོན་ཏག་ཏག་ལ། རྒྱ་ནག་གཞུང་གིས། ཁམས་སོག་རྫོང་གི་གྲ་ཡེ་ཤེས་སྦྱིན་པ་དང་མི་སྐྱ་བསྟན་འཛིན་དར་རྒྱས།-ནོར་བུ་བཟང་པོ། ཨ་ནེ་ཆོས་སྒྲོན་བཅས་ལ་ལོ་༡ནས་༣བར་ཁྲིམས་ཐག་བཅད་སོང་། ཁོང་ཚོ་མུན་ནག་གི་བཙོན་ལ་བཅུག་སོང་། ད་དུང་དེས་ག་ལ་ཚད། སོག་ཕྲུག་བཀྲ་ཤིས་དོན་གྲུབ་ལ་ཆབ་སྲིད་དང་འབྲེལ་བའི་གཞས་བཏང་བའི་ཉེས་མིང་འོག་ལོ་གཅིག་དང་ཟླ་བདུན་ལྷག་གི་ཁྲིམས་ཐག་བཅད་འདུག སྐུ་ཚབ་རྣམ་པ། ཁྱེད་ཚོས་སོག་ཕྲུག་བཀྲ་ཤིས་དོན་གྲུབ་ཀྱི་གླུ་གཞས་གོ་མྱོང་ཡོད་དམ། ཁོང་གི་གཞས་འདི་འདྲ་ཞིག་བཏང་ཡོད། མི་ལ་ལས་བུ་ང་ངན་གི་ཟེར།། མི་ལ་ལས་བུ་ང་བཟང་གི་ཟེར།། ང་བཟང་ན་ཆོག་ར་ངན་ན་ཆོག། ངས་བླ་མ་དྲན་པའི་སྡུག་བསྔལ་འདི།། ངས་གངས་ཅན་བོད་ལ་སྒྲོག་རྒྱུ་ཡིན།། བསད་བཏང་རུང་འགྱོད་པ་ང་མེད་གི།།། གཞས་འདིར་ཉན་རྗེས། ང་ལ་ཤ་འདར་ཞིག་བརྒྱབ། མིག་ཆུ་ཞིག་ཤོར།
སྐུ་ཚབ་རྣམ་པ། གཞས་འདི་ལ་ཉན་ན། ཁྱེད་ཚོར་ཚོར་བ་ག་འདྲ་འདུག་གམ།
སྐུ་ཚབ་རྣམ་པ། ཧུའུ་ནན་ཞིང་ཆེན་དུ། ཁྱེད་ཚོའི་འཆམ་འཆམ་ག་འདྲ་བྱུང་སོང་ངམ། ཧུའུ་ནན་ཞིང་ཆེན་གྱི་ཁ་དབུགས་གཙང་མ་འདུག་གམ། ཧུའུ་ནན་ཞིང་ཆེན་གྱི་ཟ་མ་ཞིམ་པོ་འདུག་གམ། སྐུ་ཚབ་རྣམ་པ། ཁྱེད་ཚོས་གོ་སོང་ངམ། ཕྱི་ཚེས་༢༦ཉིན། ཆབ་མདོ་འཇོ་ཕུ་དགོན་པའི་སྤྲུལ་སྐུ་བྱང་ཆུབ་རིན་པོ་ཆེ་དང་གྲ་སངས་རྒྱས་རྒྱ་མཚོ། ཨ་པོ་མ་བཅས་མི་གསུམ་འཛིན་བཟུང་བྱས་འདུག ད་དུང་། ཁྱེད་ཚོ་རྒྱ་ནག་ལ་སླེབས་པ་དང། ལྷ་སར་དམ་དྲག་སྔར་ལས་ཆེ་རུ་འགྲོ་སོང་ཟེར། ལྷ་སའི་སྐོར་ལམ་ལ་དྲག་དམག་ཇེ་མང་དུ་ཕྱིན་སོང་ཟེར། སྐུ་ཚབ་རྣམ་པ། ཁྱེད་ཚོས་གོ་སོང་སམ། ཕྱི་ཚེས་༢༨ཉིན། ལྷ་ས་རིག་གནས་སྡེ་ཁག་དང་སྤྱི་བདེ་ཉེན་རྟོག་ཚན་པ། གྲོང་ཁྱེར་དོ་དམ་ཚན་པ་བཅས་མཉམ་འབྲེལ་ཐོག ལྷ་ས་ཁུལ་གྱི་དྲ་ཁང་ཁག་ལ་བཅོས་སྒྲིག་དང་གཙང་བཤེར་བྱས་ཏེ་དམ་དྲག་ཆེ་རུ་བཏང་འདུག ངས་གྲོགས་པོ་རྣམས་ལ་ཁ་བརྡ་བྱེད་རྒྱུའི་རང་དབང་དེ་བསྡུས་ཚར་སོང་། བཅད་ཚར་སོང་། སྐུ་ཚབ་རྣམ་པ། ཁྱེད་ཚོ་རྒྱ་ནག་ལ་སླེབས་པ་དང་། བོད་ནང་དུ་སྔར་བཞིན་ཁྲག་གི་འཁོར་ལོ་བསྐོར་ན། ཁྱེད་ཚོ་གཉིད་ཡག་པོ་ཞིག་ཁུག་ཐུབ་བམ། ཁྱེད་ཚོ་གཉིད་སྐྱིད་པོ་ཞིག་ཡོང་གི་འདུག་ངམ།
སྐུ་ཚབ་རྣམ་པ། ཕྱི་ནུབ་རྒྱལ་ཁབ་ཆེ་ཁག་ཁ་ཤས་ཀྱིས་། ཐེངས་འདིའི་ཁྱེད་ཚོའི་སྤྲོ་འཆམ་དང་གྲོས་མོལ་ལ་་དགའ་བསུ་བྱེད་བཞིན་འདུག དགའ་བསུ་ཞུ་དགོས་དོན་ལ་ཡང་རྒྱུ་མཚན་ཞིག་ཡོད་པ་འདྲ། ཐེངས་འདིའི་ཁྱེད་ཚོའི་སྤྲོ་འཆམ་དང་གྲོལ་མོལ་གྱི་དམིགས་ཡུལ་གཞན་ཞིག་ནི། བོད་ཀྱི་གྲོགས་པོ་རྒྱལ་ཁབ་ཚོས་བོད་དོན་ལ་བཅིངས་བའི་ཐུགས་འཚབ་དེ་འཇགས་པའི་སླད་དུ་ཡིན་ཟེར། འོན་ཀྱང་། ཐུགས་འཚབ་ཅི་ལྟར་འཇགས་ཀྱིན་ཡོད་མེད་ངས་མི་ཤེས། ཁྱེད་ཚོས་ཨེ་ཤེས། སྐུ་ཚབ་རྣམ་པ། ཁྱེད་ཚོས་འཆམ་འཆམ་གནང་བཞིན་པའི་སྐབས་སུ། ངའི་ཕ་ཡུལ་དུ། དགེ་འདུན་པ་ཚོའི་ཁ་པར་ཨང་གྲངས་དང་གླེང་མོལ་ཨང་གྲངས་ཀྱང་ཉེན་རྟོག་པར་རྩིས་སྤྲོད་དགོས་བ་མ་ཟད། དགེ་འདུན་པ་ཞིག་དྲ་ཁང་ནང་དུས་ཚོད་གཅིག་ལྷག་འདུག་དགོས་བྱུང་ཚེ། འབྲེལ་ཡོད་ཉེན་རྟོག་པའི་ལག་ནས་དགོངས་ཞུའི་ཡི་གེ་ཞིག་ལེན་དགོས་ཀྱི་འདུག་ཟེར། སྐུ་ཚབ་རྣམ་པ། ཁྱེད་ཚོས་གནས་ཚུལ་འདི་ཚོ་གོ་སོང་ངམ།
སྐུ་ཚབ་རྣམ་པ། ཁྱེད་ཚོས་རྒྱ་ནག་གཞུང་ལ་ཡིག་ཆ་དེ་སྤྲད་རྗེས། ཁུ་སིམ་མེར་ཕྱིར་ལོག་ཡོང་གི་ཡིན་ནམ། ཁྱེད་ཚོས། ཁ་སང་དེ་རིང་བོད་ནང་དུ་བྱུང་དང་འབྱུང་བཞིན་པའི་གནས་ཚུལ་སྟེ། བཙོན་འཇུག་དང་གཅར་རྡུང་གི་སྐོར་སོགས་ལ། རྒྱ་ནག་གཞུང་ལ་གླེང་མོལ་ཞུ་གི་ཡིན་ནམ། སྐད་ཆ་བཤད་ཀྱི་ཡིན་ནམ། ཁྱེད་ཚོས་བསམ་ཚུལ་ཞིག་སྤྲད་རྗེས། ཕྱིར་ལོག་ཡོང་བ་ཡིན་ན། བོད་ནང་གི་བཙོན་པ་ཚོ་བཙོན་ཁང་ནས་ཐར་གྱི་རེད་དམ། ཁོང་ཚོའི་ཕ་མ་སྤུན་ཉེ་ཚོའི་སེམས་ཀྱི་སྡུག་བསྔལ་སེལ་ཐུབ་བམ། ད་དུང་། ཉེ་ཆར་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ནས་བཏོན་པའི་༢༠༠༩ལོའི་ལོ་འཁོར་སྙན་ཐོ་ལྟར་ན། ༢༠༠༩ལོའི་ནང་བོད་མི་༣༠༠གང་བྱུང་འཛིན་བཟུང་བཀག་ཉར་བྱས་འདུག་ཟེར། སྐུ་ཚབ་རྣམ་པ། ཁྱེད་ཚོ་ཕྱིར་མ་ཡོང་བའི་སྔོན་ལ། བོད་མི་༣༠༠གློད་དུ་འཇུག་མ་ཐུབ་རུང་། བོད་མི་༡༠བཙོན་ནས་གློད་དུ་བཅུག་ཐུབ་བམ།
སྐུ་ཚབ་རྣམ་པ། ཁྱེད་ཚོས་འཆམ་འཆམ་གནང་བའི་ཞོར་ལ། བོད་ནང་དུ་གནས་ཚུལ་ཅི་ཞིག་འབྱུང་གིན་ཡོད་མེད་ལ་དོ་སྣང་སྤྲོད་ཀྱི་ཡོད་དམ། ངས་སྐད་ཆ་འདི་འདྲི་དོན་ལ་རྒྱུ་མཚན་གཅིག་ཡོད། གང་ཡིན་ཞེ་ན། ངས་ད་དུང་སེམས་ལ་གསལ་བོར་དྲན་གྱི་འདུག དེ་ནི་༢༠༠༨ལོའི་བོད་ནང་གི་ཞི་བའི་ཡར་ལངས་ཆེན་མོ་དེའི་རྗེས་སུ་རེད། ཁྱེད་ཚོ་རྒྱ་ནག་ལ་ཕར་ཕེབས་ནས་ཕྱིར་རྡ་ལམ་ས་ལར་སླེབས་མཚམས། ཁྱེད་ཚོས་གསར་འགོད་གསལ་བསྒྲགས་ཤིག་སྤེལ་སོང་། དེ་དུས། ད་ལྟའི་བོད་ཀྱི་བང་ཆེན་ཚགས་པར་གྱི་རྩོམ་སྒྲིག་ལས་རོགས་ཆོས་ཉིད་འོད་ཟེར་གྱིས་།ཁྱེད་ཚོར་དྲི་བ་འདི་འདྲ་ཞིག་བཏང་སོང་། ཁྱེད་ཚོས། ཆབ་མདོ་རུ་དྲག་དམག་གིས་བོད་མི་མང་པོའི་སྒང་ལ་ཡ་ང་སྙིང་རྗེ་མེད་པར་མེ་མདའ་བརྒྱབས་འདུག་པ་དེ་གོ་སོང་ངམ་ཞེས་དྲིས་སོང་། ཁྱེད་ཚོའི་གྲས་ཀྱི་སྐུ་ཚབ་གཙོ་བོ་རྒྱ་རི་བློ་གྲོས་རྒྱལ་མཚན་གྱིས། ལན་དུ། ང་ཚོས་ཁྱོན་ནས་གོ་མ་སོང་། ང་ཚོ་ལ་ཁ་པར་གཏོང་མཁན་དང་གནས་ཚུལ་དེ་ལབ་མཁན་ཡང་བྱུང་མ་བྱུང་ཟེར། དྲི་ལན་དེས་ད་དུང་ཡང་བོད་མི་ཉམ་ཆུང་ང་ལ་ན་ཚ་གཏོང་གི་འདུག སྐུ་ཚབ་རྣམ་པ། ད་ལོར་ཁྱེད་ཚོས་འཆམ་འཆམ་གནང་བའི་སྐབས་སུ། ལག་འཁྱེར་ཁ་པར་གྱི་སྒོ་བརྒྱབ་ཡོད་དམ། གློག་ྐླད་ཀྱི་སྒོ་བརྒྱབ་ཡོད་དམ། བོད་ནང་དུ་གནས་ཚུལ་ཅི་བྱུང་ལ་དོ་སྣང་སྤྲོད་ཀྱི་ཡོད་དམ། བོད་ཕྱི་ལ་ཁ་པར་བཏང་ནས་སྐད་ཆ་འདྲི་གི་ཡོད་དམ། ད་ལོ་། ཁྱེད་ཚོ་ཕྱིར་རྡ་ལམ་ས་ལར་སླེབས་རྗེས། གོང་གི་དྲི་བ་དེ་འདྲ་ཞིག་དྲིས་ན། ཁྱེད་ཚོས་ལན་ཅི་ཞིག་རྒྱག་རྩིས་ཡོད་དམ།
སྐུ་ཚབ་རྣམ་པ། ངས་རྩོམ་འདི་འབྲི་བའི་སྐབས་སུ། ཁྱེད་ཚོ་པེ་ཅིང་དུ་སླེབས་འདུག ཁྱེད་ཚོས་བོད་རིགས་ཡོངས་ལ་མིང་དོན་མཚུངས་བའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆའི་འགྲེལ་བཤད་རྒྱས་པ་དེ་རྒྱ་ནག་གཞུང་གི་འབྲེལ་ཡོད་མི་སྣར་ཕུལ་ཚར་བ་ཡིན་ནམ། ཁོང་ཚོས་ཨ་ལན་ཅི་ཞིག་གནང་སོང་སམ། རྒྱ་ནག་གཞུང་གིས། ཁྱེད་ཚོར་བོད་ལྗོངས་ཀྱི་དཔལ་འབྱོར་དང་སྤྱི་ཚོགས་ཡར་རྒྱས་གཏོང་འཆར་སྐོར་གྱི་སྙན་ཐོ་རིང་པོ་དེ་དག་སྒྲོག་སྦྱངས་བྱས་སོང་སམ། ཁྱེད་ཚོས་སྙན་ཐོ་དེ་དག་གི་སྒང་ལ་བསམ་ཚུལ་བཤད་ཡོད་དམ། ཁྱེད་ཚོས། བོད་ནང་གི་བོད་མིའི་ཡ་ང་བའི་གནས་སྟངས་སྐོར་ནས་རྒྱ་ནག་གཞུང་ལ་སྐྱོན་བརྗོད་བྱས་ཡོད་དམ། བོད་ནང་གི་ཆབ་སྲིད་བཙོན་པ་ཁག་གློད་གྲོལ་གཏོང་དགོས་བའི་དགོས་འདུན་བཏོན་ཡོད་དམ། སྐུ་ཚབ་རྣམ་པ། ཁྱེད་ཚོའི་སྐད་ཆ་དང་བསམ་ཚུལ་ལ། ཁོང་ཚོས་ཉན་འཇོག་གནང་གི་འདུག་གམ། སྐུ་ཚབ་རྣམ་པ། ཁྱེད་ཚོའི་སྤྲོ་འཆམ་དེ་གྲུབ་རྗེས། -སྐུ་ལྷོད་ལྷོད་ངང་ཕྱིར་ཕེབས་རོགས་གནང་། སྐུ་ཚབ་རྣམ་པ། ཁྱེད་ཚོའི་སྤྲོ་འཆམ་དེ་གྲུབ་རྗེས། ལམ་བར་དུ་ཁྱེད་ཚོའི་སྐུ་གཟུགས་བདེ་བར་སྨོན།
གཞན་ལ་ལྟ་བའི་མིག་ཡོད་ན། །རང་ལ་ལྟ་བའི་མེ་ལོང་དགོས། །ཞེས་བ་བཞིན་སོ་སོ་རང་ཉིད་ཀྱིས་དེ་འདྲ་ཞིག་འཇོན་གྱི་ཡོད་དམ་མེད་བསམ་བློ་བཏང་ནས་སྐད་ཆ་བཤད་རྒྱུ་གལ་ཆེ་སྙམ།
གཞན་ལ་བསྟ་བའི་མིག་ཡོད་ཀྱང། རང་ལ་བལྟ་བར་མེ་ལོང་དགོས། གཞན་ལ་སྤྱོན་བརྗོད་བྱེད་རྒྱུ་ལས་ལྷ་རུང་རང་གི་མགོ་ལ་བབས་ན་ཁག་པོ་ཡོད་རེད་ཏ།
རེད་ལགས། ངའི་མཐའ་འཁོར་ནས་རྒྱུན་དུ་བསམ་མ་ཤེས་པའི་སྐད་ཆ་འཆད་མཁན་ཧ་ཅང་མང་བས།་ང་རྣ་བ་སུམ་ནས་བསྡད་ཡོད། མ་གཞི་ནས་མི་བསམ་ཤེས་ཀྱི་སྐད་ཆ་ལ་ཉན་རྒྱུ་ཡོད་གི། སྐུ་ཞབས་ལྷ་ཆབ་སྦྱིན་པ་ལགས་ཀྱིས་རྟག་ཏུ་བསམ་ཚུགས་པའི་སྐད་ཆ་རྣལ་མོ་ཤོད་ཀྱིན་འདུག་པར་ངས་ཡི་རང་དང་གོང་བཀུར་ཞུ་རྒྱུ་ཡིན།
རྩོམ་ཡིག་འདི་བསྟན་འཛིན་ཉིན་བྱེད་ལགས་ཀྱིས་དབྱིན་ཡིག་ནང་བསྒྱུར་འདུག འགྱུར་སྙིང་རྗེ་བོ་ཞིག་རེད། གཤམ་གྱི་འབྲེལ་ཐག་འདི་བརྒྱུད་དེ་ཀློག་རོགས།
http://phayul.com/news/article.aspx?c=4&t=1&id=26533&article=Dear+Envoys%2c+how+was+your+trip+to+Peking%3f
ཕྱི་ནང་དང་དགྲ་གཉེན་ངོ་མི་ཤེས་མཁན་སྤྲང་ཁྱི་ལས་ཐབས་སྐྱོ་རེད། མ་གཞི་མི་དེ་རིགས་ཀྱི་ལས་འགན་དང་དམིོགས་ཡུལ་གང་ཡིན་སུས་ཤེས།
འདས་པའི་མི་ལོ་ལྔ་བཅུའི་རིང་བོད་ལ་གོད་ཆག་དང་། ཡར་རྒྱས་ཀྱི་རྣམ་པ་གང་བྱུང་ཡང་བོད་མི་མང་གིས་ནམ་ཡང་བློས་གཏོང་བྱས་མེད་པ་ནི་༸གོང་ས་རྒྱལ་བ་རིན་པོ་ཆེ་མཆོག་ཡིན་ལ། གནད་དོན་འདིས་བོད་འདི་བདེ་སྡུག་གང་འདྲ་ཞིག་ཏུ་ལྷུང་ཡང་བོད་ཀྱི་དབུ་ཁྲིད་༸གོང་ས་རྒྱལ་བ་རིན་པོ་ཆེ་མཆོག་ཡིན་པ་བོད་རྒྱ་ཆེའི་མི་མང་གིས་གསལ་པོ་བཟོས་པ་ཞིག་ཡིན། དེར་བརྟེན་སྐུ་ཚབ་ནི་བོད་ཀྱི་དབུ་ཁྲིད་ཀྱི་སྐུ་ཚབ་རེད། རྒྱུ་མཚན་འདི་ངོས་ལེན་མེད་ན་རྒྱ་ནག་གི་བརྗོད་པ་བཞིན་མི་སྒེར་གྱི་སྐུ་ཚབ་རེད།
མདོ་འདུམ་ཚང་གི་ད་ལན་ཆང་མི་འཐུང་ནས་ར་བཟི་བཤད་འདུག རྩོམ་ཡིག་དེ་འབྲི་སྟངས་ལ་བལྟས་སྐབས་། ཁྱེད་ནི་ཤེས་ལྡན་མི་སྣ་ཡིན་པ་ཙམ་མ་ཟད་རྒྱུན་དུ་འཛམ་གླིང་ཆབ་སྲིད་དང་ལྷག་པར་བོད་པའི་ཆབ་སྲིད་ཀྱི་ཐོག་ཏུ་དོ་སྣང་བྱེད་མཁན་ཞིག་ཡིན་ཚོད་འདུག ཡིན་ནའང་ཁྱེད་ཀྱིས་ད་ལན་རྒྱུ་མཚན་དང་ཁུངས་ལུང་མེད་པའི་རྩོམ་ཡིག་དེར་ངས་མི་ཐད།
ཁྱེད་ཀྱི་ཕྲུག་གུ་ཆུང་ཆུང་ཞིག་གི་བསམ་པ་ལས་སྐྱོ་བའི་སྐད་ཆ་དེ་ཚོ། ཁྱེད་ཀྱི་སྨྱུག་རྩེ་ནས་ཅི་ལྟར་ཐོན་སོང། ཁྱེད་ཀྱིས་གསར་སྐྱེས་བོད་རིགས་ན་གཞོན་རྣམས་ཐེ་ཚོམ་གྱི་དྲ་བར་ལྷུང་དུ་འཇུག་བྱེད་ཡིན་ནམ། ཁོང་ཚོས་༸རྒྱལ་བ་རིན་པོ་ཆེ་དང་བཙན་བྱོལ་བོད་གཞུང་གི་ལངས་ཕྱོགས་དང་འཐབ་རྩོད་དེར་ཞེ་མེར་ལོང་དུ་བཅུག་རྒྱུ་ཡིན་ནམ།
མ་འོངས་པར་ཁྱེད་ཀྱིས་སྨྱོ་ལབ་དེ་ཚོ་མ་རྒྱག་གོང། བཟི་ལས་དྭངས་ནས་བསམ་ཞིབ་དང། ཞིབ་འཇུག་ནན་མོ་ཞིག་བྱེད་ནས་རྩོམ་ཡིག་རྣམས་སྤེལ་རོགས།
བཀྲ་ཤིས། ཚེ་རིང།
ཧཧཧཧ་དུས་སྐབས་འདི་ང་ཡིས་ཡིས་ནམ་ལ་ལྟ་བ་མིན་་་གང་ཡིན་ཟེར་ན་དྲང་བདེ་དང་ཕྱོགས་རིག་མེད་པ་ལ་དགའ་བ་ཡིན་
མདོ་འདུམ་ཚང་ཁག་མེད་ལ་ཁྱེད་ནང་བཞིན་བོད་རིགས་ཚང་མ་འུ་ཐུག་གི་གནས་སུ་གྱར་ཡོད་ འུ་ཐུག་པའི་སྨེ་ངག་འདོན་མཁན་ཤ་སྟག་རེད་ འོན་ཀྱང་རང་རིགས་ལ་སྡིགས་པས་ཅི་ཕན་ དགྲ་བོའི་གདུག་རྩུབ་དང་གཡོ་སྒྱུ་ང་ཚོས་ཤེས་ཤེས་པ་རེད་
དེ་ལས་ཐབས་ལམ་གསར་པ་འཚལ་ཐབས་ལ་འབད་རོགས་གནང་།
འདི་དྲ་གྲོགས་ཡོངས་ལ་རེ་སྐུལ་ཀྱང་ཡིན་
ལུང་རིགས་ལགས་ཀྱི་ཐབས་ལམས་ཤིག་བཙལ་འདུག་ལ་དེ་ནང་བཞིན་ཚང་མས་ཐབས་ལམ་རེ་གསུངས་ན་ཁ་ཚ་དགོས་གཏུགས་ཀྱི་ཕན་ས་རེད་ལགས།
ཁྱེད་རང་བོད་པ་ཡིན་ནམ། ཁྱེད་ལ་བོད་དོན་ཐད་འགན་ཞིག་ཡོད་དམ།
ཁྱེད་ཀྱི་ད་ལྟའི་བར་དུ་བོད་དོན་ཐད་ཕྱག་ལས་གནང་མྱོང་ཡོད་དམ།
སྐུ་ཚབ་རྣམས་རྒྱ་ནག་ལ་མ་འགྲོ་སྔོན་ལ་ཁྱེད་ཀྱི་བསམ་ཚུལ་སྙན་སེང་ཞུ་མྱོང་ཡོད་དམ། ཁྱེད་ཉིད་ཀྱིས་ངོས་ནས་དེ་ལས་ལྷག་པའི་ལམ་སྟོན་གནང་རྒྱུ་ཡོད་དམ།
སྐུ་ཚབ་རྣམས་ལ་ཡི་མ་རངས་པའི་སྐད་ཆ་བཤད་ན་སྤྱི་དོན་ལ་ཕན་ཐོགས་ཡོད་དམ། ང་ཚོ་བོད་མི་རྣམས་ལ་ཁ་ཚ་དགོས་གཏུག་ཕན་ཐོག་ཡོད་པའི་སྐད་བཤད་རྒྱུ་མེད་དམ། སྐུ་ཚབ་རྣམས་པ་༧གོང་ས་མཆོག་གི་དགོངས་གཞི་བཞིན་རྒྱ་ནག་ལ་སོང་བ་མ་ཡིན་ནམ། ཁྱེད་ཀྱི་ནང་ཁུལ་སྐྱོན་བརྗོད་བྱེད་རྒྱུ་མ་གཏོགས་ཤེས་ཀྱི་མེད་དམ།
གོང་ས་ཏཱ་ལའི་བླ་མའི་སྐུ་ཚབ་རྣམས་ལ་སྐྱོན་རྗོད་པ་དེ་་ངས་བལྟས་ན་ཏཱ་ལའི་བླ་མ་ལ་སྐྱོན་རྗོད་པ་དང་ཁྱེད་ཡོད་མ་རེད་།་རྗེས་ཁྱེད་ཚོ་འི་བསམ་གནོ་ཡག་པོ་རྟོང་དགོས།
བེ་རི་རྒྱལ་འཁྱམ་དེས་ཡི་གེ་འབྲི་སྟངས་ལྟོས་དང་འདི་འདྲ་ཅི་ཡིན་ནམ་་་བོད་སྐད་མ་ཤེས་པ་ཡིན་རྒྱུ་མ་རེད་་་་དེ་ནས་ག་རེ་བྱུང་བ་རེད་་་་འདི་འདྲ་དྲ་ཚིགས་སུ་ཡོང་ན་ཕན་ལས་གནོད་མ་གཏོགས་མི་འདུག་་་་ང་ཚོས་དྲ་གྲོགས་ཚོའི་སྤུས་ཀ་ཇེ་ལེགས་སུ་གཏོང་ཐབས་ལ་འབད་ཁུལ་བྱས་དུས་འདི་འདྲ་སླེབས་ན་སྐྱག་ལངས་ཤོར་ནས་དྲ་ཚིགས་འདིར་ཡིག་ནོར་གྱིས་ཁེངས་ཡོང་ངེས་པས་ནམ་ཡིན་ཡང་ཐད་ཀར་སྐྱོན་ལ་མཛུབ་མོ་འཛུགས་རྒྱུ་ཡིན
སྐུ་ཚབ་རྣམ་པ་མུན་མཐུན་ཕེབས་མཐུན་པའི་རེ་བ་ཡོད
རྒྱ་རི་ཕྱི་ལོ ༢༠༠༢ལོ་ནས་ཕྱི་ལོ ༢༠༡༠ལོར་སྐུ་ཚབ་གནང་བའི་འབྲས་བུ་བོད་དོན་ཏཱ་ལའི་ཅན་ནས་ཏཱ་ལའི་སྒེར་དོན་ཅན་ལ་བསྐུལ་འདེད་གནང་ཡོད་པས། བྱས་རྗེས་ཟེར་ན་འདི་འདྲ་དགོས། སྐུ་ཚབ་ཟེར་ན་འདི་འདྲ་དགོས། བོད་དོན་ཚར་རག་བར་དུ་སྐུ་ཚབ་གནང་བར་ཤོག བོད་པ་འཇིག་རག་བར་དུ་སྐུ་ཚབ་གནང་བར་ཤོག
ལས་ཁུངས་གྲོལ་ན་ཡང་བསྐྱར་ྐློག་གི་ཡིན།
དེ་རིང་ཡིན་ན་གོ་བ་ལོན་མ་སོང་།
གང་བཤད་རུང་སྐུ་ཚབ་རེད། སྐུ་ཚབ་ཐེངས་གཅིག་ལ་སོང་བས་གྲུབ་འབྲས་སྟོན་ཤོག་ཟེར་ན་ནི་རང་ཉིད་ཀྱི་བསམ་བློའི་ཆུ་ཚད་ཀྱིས་མ་འདང་བ་རེད། དྲང་མོར་བཤད་ན་ཁོང་ཚོས་ཁོང་ཚོའི་ཚོད་ཀྱིས་འགན་ཞིག་འཁུར་ཡོད་པ་རེད། དེ་ལ་མི་འདོད་པའི་སྐད་ཆ་མང་བོ་ཞིག་གིས་རྗེས་འདེད་བཏང་ན་གཏན་ནས་མི་འོས། དྲ་གྲོགས་རྣམས་ཀྱིས་བསམ་བློ་ཞིབ་མོ་བཏང་ནས་རང་གི་ཕྱོགས་ལ་འདི་འདྲའི་མི་འོས་པའི་སྐད་ཆ་མ་བཤད།
ཁྱེད་རང་གི་བློ་ལ་རྒྱ་གཞུང་གིས་བཀོད་སྒྲིག་བྱས་པའི་སྤྲོ་འཆམ་དེ་སྐྱིད་པོ་ཞེ་དྲག་ཡོ་རེད་དགོངས་ཀྱི་འདུག་གས། སྤྲོ་འཆམ་དེ་འདྲར་ཁྱེད་རང་སྨོན་གྱི་འདུག་གམ། ངས་བསམ་ན་ལ་ལ་ཡིས་ཁྱེད་རང་ལ་ཁ་བརྡའི་ནང་ལན་ཡག་པོ་ཞིག་བརྒྱབ་འདུག ངེད་བོད་ཚང་གི་ཁ་གཏད་དུ་ལངས་ནས་རྒྱ་མིའི་རྐུབ་གཡོག་རྒྱུགས་མཁན་དེ་ཚོའི་ཉེས་མཚང་བྲུས་བའི་ཐད་ལ་མཐུ་དང་ནུས་པ་འདོན་ཐུབ་ན་བུ་ཁྱོད་རྒོད་པོ་རེད། དེ་མིན་རང་གི་གཉེན་ལ་འཕྱ་བའི་ལས་བཙོག་པོ་དེ་སྤངས་ན་དགའ།
༡༡༽ ལ་ལ་ནས།
སྤྱི་ལོ་ ༢༠༡༠ ཟླ་ ༢ ཚེས་ ༡ གི་ཆུ་ཚོད་ ༡༨ སྐར་མ་ ༢༡
སྐུ་ཚབ་ལ་ཁ་རྡུང་གཏོང་བའི་བྱེད་སྟངས་འདི་ནི་མི་ཆོ་མེད་མགོ་སྟོང་སེམས་མེད་ཚོའི་ལས་རང་རེད། ཁྱོད་ལ་མི་འདོད་དང་འཁང་ར་ཡོད་ན་རྒྱ་ནག་གཞུང་ལ་བརྗོད་དགོས་པ་རེད། བདེན་པ་ལ་རྡོག་རུལ་གཏོང་མཁན་རྒྱ་ནག་གཞུང་རེད། རྒྱ་ནག་གཞུང་གིས་སྨྱོ་བ་ལྟར་དུ་འགྲོ་བ་མིའི་ཐོབ་ཐང་རྡོག་རུལ་དང་། རང་གི་མི་དམངས་དྲག་སྣོན། བོད་རིགས་གཙོས་པའི་མི་རིགས་གཞན་དག་དུད་འགྲོ་ལྟ་བུ་ལྟོ་དང་ཆུ་ཙམ་སྤྲད་ན་དེ་ཙམ་གྱིས་འགྲིག་པར་འཛིན་པའི་སྐབས་སུ་སྐུ་ཚབ་མི་འགའ་ཤས་ཞིག་གིས་ག་རེ་བྱེད་རྒྱུ་ཡོད་དམ། སྐུ་ཚབ་རྣམས་ཀྱིས་གང་ལྟར་རུང་རྒྱ་ནག་གི་ཁ་ངན་དེ་དག་ཉན་པར་ཕྱིན་པ་རེད། ཐོབ་ཤོར་གང་བྱུང་ཀྱང་རུང་གདོང་དང་གདོང་གཏུག་པ་སྐྱེས་པ་ཕོའི་བྱེད་སྟངས་རེད། རྒྱ་ནག་གིས་བདེན་པ་རྡོག་རུལ་བཏང་ན་ཡང་། རྒྱལ་སྤྱིའི་མིག་མདུན་དུ་རྒྱ་གཞུང་དང་བོད་གཞུང་གཉིས་གྲོས་བསྡུར་བ་རེད་ལ། རྒྱ་གཞུང་ནས་གྲོས་མཐུན་དོན་མཚན་བཅུ་བདུན་རྡོག་རུལ་གཏོང་བཞིན་ཡོད་པ་གསལ་པོ་རེད། འཇིག་རྟེན་མིག་ཏུ་རྒྱ་ནག་ནི་ཧམ་པ་ཅན་དང་བདེན་པ་ལ་མི་བརྩི་མཁན་ཞིག་ཡིན་པ་སྟོན་ཐུབ་པ་རེད། དེར་བརྟེན་རྒྱང་རིང་གི་དམིགས་པ་ནས་བྱས་ན་རྒྱལ་ཁ་ང་ཚོ་ལ་ཐོབ་པ་རེད། བུ་ལ་ཡོན་ཏན་དང་འཇོན་ཐང་ཡོད་ན་བོད་ལ་ཕན་པའི་ལས་བྱེད་དགོས་རེད། ཕྲག་དོག་དང་མིག་སེར། ཞེ་སྡང་ཁོ་ནས་འཇོན་པ་རྣམས་ལ་ཁ་བཏང་ནས་བསྡད་ན་ཁ་བ་ཅན་ལ་གནོད་ངེས་རེད། སྐད་ཆ་བསམ་ནས་བཤོད་དགོས་པ་དང་། རྩམ་པ་ཡང་ལྡད་ནས་མིད་དགོས་རེད། བོད་མི་ཕལ་ཆེ་བ་དགྲ་གཉེན་ཧ་གོ་མཁན་རེད། སྐུ་ཚབ་རྣམས་ཀྱིས་དཀའ་ལས་བཀྱོན་པ་ལ་རྗེས་སུ་ཡི་རང་ཞུ་དགོས་རེད། གལ་སྲིད་ཁྱེད་རང་ལ་ཁ་གཏོང་ས་ཞིག་དགོས་འདུག་ན་དེ་རིང་བོད་རྒྱ་འབྲེལ་མོལ་སྐབས་རྒྱ་ཕྱོགས་སུ་ལངས་པའི་བོད་རིགས་སྲི་ཐར་དང་ཉི་མ་ཚེ་རིང་གཉིས་ལ་ཁ་གཏོང་རོགས་གྱིས། མི་དེ་གཉིས་ནི་དངོས་སུ་མི་རིགས་འཚོང་མཁན་རེད། རྒྱ་མིའི་ལྟོ་བཟའ་མཁན་རེད། ཧ་གོ་སོང་ངམ།
གུས་པར་འོས་པའི་སྐུ་ཞབས་འཇིག་བྲལ་ལགས། ཁྱེད་ཀྱི་ཚིག་ཁ་ཤས་ཤིག་གི་ངོས་དང་ཟུར་གང་ནས་བལྟས་ཀྱང་ཁྱེད་དཀར་ས་ལ་འབུད་ས་ཤིག་མི་འདུག་མོད། ང་ཁྱེད་ང་ཁ་རྩོད་རྒྱག་འདོད་མེད་པར་མ་ཟད་དུས་ཚོད་ཀྱང་མེད་པས་ཁྱེད་ལ་རྒྱལ་ཁ་སྟེར་ཆོག
ད་འགྲིག་སོང་ངམ། བློ་བདེ་སོང་ངམ། ཧ་ཧ་ཧ་
ངས་སྐུ་ཚབ་ཚོ་ཕྱིར་ལྡི་ལི་ལ་འབྱོར་འདུག་ཅེས་པར་ཚིག་འདི་བྲིས་ཡོད།
དེའི་དོན་ནི་སྐུ་ཚབ་འགྲིག་མིན་བཤད་པ་སྣང་བར་མ་སོང་ནས་ཡིན།
ཚིག་དངོས་ནི།
སྐུ་ཚབ་སུ་ཡིན་ནའང་འདྲ། ཡིག་ཆ་གང་འདྲ་ཞིག་ཁུར་ཡོད་ཀྱང་ཆོག གང་ལྟར་རྒྱ་ནག་གིས་ང་ཚོ་རྩེད་མོ་རྩེད་སྤྱད་བྱེད་ཀྱི་ཡོད་པ་རེད།
གཡུ་དྲུག་དཀར་ལགས་ཀྱི་མིག་ཕྱེ་ནས། བསམ་བློ་བཏང་ནས། ཡང་བསྐྱར་ཡང་བསྐྱར་ཀློག་རྟེན་དུ་བསྐྱར་འགོད་བྱས་ཡོད། གཤམ་ལ་གཟིགས་དང་གཡུ་དྲུག་དཀར་ལགས།
༸གོང་ས་ཏཱ་ལའི་བླ་མའི་སྐུ་ཚབ་ལགས། ད་ཁྱོད་ཚོ་དགོངས་པ་ཞུས་ན་ཡག་ས་རེད། ཁྱེད་ཚོ་སྐུ་ཚབ་ལ་འདེམས་གནང་བ་དེ་ཏཱ་ལའི་བླ་མས་ཕྱག་ལས་ནོར་འཁྲུལ་ཡིན་པ་བོད་ཀྱི་དུས་བབ་གསར་ཁང་གི་དྲ་གྲོགས་ཚོས་ངོས་འཛིན་གསལ་པོ་བྱས་འདུག ཁོང་ཚོ་དེང་སང་བཙན་བྱོལ་ནང་གི་མཁས་དབང་ཡིན་ཟེར་གྱི་ཡོད་རེད་ལ། ཁོང་ཚོས་ཁྱོད་ཚོ་འཆམ་འཆམ་ལ་ཕྱིན་པ་རེད་ཟེར་གྱི་ཡོད་རེད། ༸གོང་ས་ཏཱ་ལའི་བླ་མའི་ཐབས་སྐྱོ་བ་ལ། འཆམ་འཆམ་ལ་འགྲོ་མཁན་ཁ་ཤས་ལས་སྐུ་ཚབ་རག་མེད་པ་འདྲ། ཡང་ན་དྲ་གྲོགས་ཚོ་སྨྱོས་འདུག
དྲ་གྲོགས་གཡུ་དྲུག་དཀར་ལགས། ཚིག་གི་གོ་བ་ལེན་ཤེས་ཀྱི་ཨེ་ཡོད། ལྟོས་དང་། བསྐྱར་བལྟ་བྱོས་དང་། དགག་པའི་ཟུར་མདའ་འཕེན་སྟངས་ཤེས་ཀྱི་མེད་དམ། མིག་བགྲད་ནས་ལྟོས། བསམ་བློ་གཏོང་བཞིན་ལྟོས། མ་ཤེས་ན་ཚིག་དོན་མི་ལ་སྐད་ཆ་ཕྲིས།
ཁྱོད་རང་གིས་བརྗོད་བཞིན་པ་དེ་ངས་བཤད་ཡོད། ཉན་མ་ཤེས་ན་ཁྱོད་རང་གི་སྐྱོན་རེད་ལོ།
གུས་པར་འོས་པའི་མདོ་འདུམ་ཚང་ལགས། སྐུ་ཉིད་ཀྱི་བསམ་ཚུལ་དེ་བཀླགས་མ་ཐག་ངའི་ཀླད་པ་ནག་ཧང་ངེར་བཏང་བྱུང་། དངོས་གནས་འབྲི་སྟངས་ལ་བལྟས་ན་ཁྱེད་རང་དངོས་ཡོད་འཚོ་བ་མཐོང་མཁན་ཞིག་ཏུ་ཚོར་སོང་། འོན་ཀྱང་ཞིབ་ཏུ་བསམ་དུས་ཁྱེད་རང་ཚོར་བའི་རྗེས་འབྲངས་ཤིག་རེད། དེས་ཕྱིར་ཁྱེད་ལ་གསལ་བཤད་ཅུང་ཟད་བྱ་དགོས་བྱུང་། སྐུ་ཚབ་ཚོགས་རྒྱ་ནག་ཏུ་སོང་བ་རེད་མོད། སྤྲོ་འཆམ་ལ་སོང་བ་གཏན་ནས་མ་རེད། རྒྱ་ནག་གི་དཔོན་རིགས་ཚོས་མཐོང་ཆུང་དང་བརྙས་སྨོད་བྱས་མིན་ལ་མ་ལྟོས་པར་བོད་མི་རིགས་ཀྱི་བདེ་སྡུག་གླེང་དུ་སོང་བ་རེད།
ཁོང་ཚོ་འགྲོ་སྟངས་དེ་ཡང་རྡུལ་ཕྲན་མཚོན་ཆའི་འཇིགས་ཟིལ་དང་དཔལ་འབྱོར་གྱི་སྟོབས་ཤུགས་འོག་ནས་རྒྱ་ནག་ལ་ཁ་གཏད་གཅོག་ཏུ་སོང་བ་མ་ཡིན་པར་ཉམ་ཆུང་གི་སྐྱབས་བཅོལ་བའི་ངོ་གདོང་ཁྱེར་ནས་ལག་པ་སྟོང་པ་མཆན་བཙིར་ཏེ་རྒྱ་ནག་ལ་ཞུ་བ་བྱེད་དུ་སོང་བ་རེད། ཁོང་ཚོ་དེ་འདྲའི་ཉམ་ཆུང་ཞིག་འགྲོ་དགོས་པ་དེ་ཡང་ཁོང་ཚོའི་འབངས་མི་སྟེ་ཁྱེད་ང་ལྟ་བུ་ཚོར་འཇོན་ཐང་དང་ནུས་པ་མེད་པ་ཁོ་ནས་རེད།
ཁོང་ཚོ་ཕར་རྒྱ་ནག་ལ་སོང་དུས་རྒྱ་ནག་གི་མཐོང་ཆུང་དང་བཟེད་དགོས་ལ། ཕྱིར་རྒྱ་གར་ཏུ་འབྱོར་རྗེས་ང་ཚོས་ཁ་རྡུང་བཏང་ན་དངོས་ཡོད་གནས་ཚུལ་ལ་རན་པ་ཞིག་རེད་དམ། བསམ་བློ་ཞིབ་ཚགས་ཤིག་གཏོང་རོགས།
ད་དུང་འཇིག་བྲལ་བསྟན་འཛིན་ནས་ཀྱང་ཁོང་ཚོ་སྐུ་ཚབ་ལ་བསྐོས་པ་དེ་༧གོང་ས་མཆོག་གིས་ནོར་འཁྲུལ་དུ་བཤད་ཁུལ་བྱས་འདུག འཇིག་བྲལ་ལགས། འོ་ན་ཁྱེད་ཀྱིས་ནོར་འཕྱུག་མེད་པའི་༧སྐུ་ཚབ་ཞིག་གི་མིང་གསུངས་རོགས། སྐད་ཆ་བཤད་ན་སྔ་གཞུག་ལ་བསམ་བློ་གཏོང་དགོས། ངས་ཐག་བཅད་ནས་བཤད་ཐུབ་པ་ཞིག་ནི་ཁོང་ཚོ་ལས་ལྷག་པའི་མི་གཅིག་ཁྱེད་ཀྱིས་རྙེད་མི་སྲིད་པ་དེ་རེད།
མཐའ་དོན་སྐུ་ཞབས་མདོ་འདུམ་ཚང་གི་སྡུག་ཡུས་དེ་དག་དངོས་གནས་སེམས་འགུལ་ཐེབས་པ་ཞིག་བྲིས་འདུག་མོད། བོད་ཀྱི་གཏམ་དཔེར། ཁོང་ཁྲོ་གཡག་ལ་ཟ་ནས། མགོ་ལྕག་རྟ་ལ་བྲབ་ཅེས་པ་དེ་ལས་མ་འདས་སོ།
མདོ་འདུམ་ཚང་ཁག་མེད་བདེན་བདེན།
སྐུ་ཚབ་འདི་དག་གིས་དོན་དག་བསྒྲུབ་ཅིག་བསྒྲུབ་ཐུབ་མིན་ནི་སྐུ་ཚབ་འདི་དག་སྒེར་གྱི་ནུས་པ་ཙམ་ལ་ཐུག་མེད། དེ་ནི་བོད་རྒྱ་གཉིས་ཀྱི་གཞི་རྩའི་སྟོབས་ཤུགས་ཀྱི་བར་ཁྱད་ཅིག་ལ་ཐུག་ཡོད།
སྐུ་ཚབ་འདི་དག་༸གོང་ས་མཆོག་གི་སྐུ་ཚབ་རེད་་་་དེ་བས་བོད་མི་མང་གི་སྐུ་ཚབ་ཀྱང་རེད། འདི་དག་ཆེ་མཐོང་ཆེ་ཤོས་དེ་ང་ཚོས་འཇོག་དགོས་པ་ཧ་ཅང་གལ་ཆེན་རེད།
དག་བཅོས།
༸གོང་ས་ཏཱ་ལའི་བླ་མའི་སྐུ་ཚབ་ལགས། ད་ཁྱོད་ཚོ་དགོངས་པ་ཞུས་ན་ཡག་ས་རེད། ཁྱེད་ཚོ་སྐུ་ཚབ་ལ་འདེམས་གནང་བ་དེ་ཏཱ་ལའི་བླ་མས་ཕྱག་ལས་ནོར་འཁྲུལ་ཡིན་པ་བོད་ཀྱི་དུས་བབ་གསར་ཁང་གི་དྲ་གྲོགས་ཚོས་ངོས་འཛིན་གསལ་པོ་བྱས་འདུག ཁོང་ཚོ་དེང་སང་བཙན་བྱོལ་ནང་གི་མཁས་དབང་ཡིན་ཟེར་གྱི་ཡོད་རེད་ལ། ཁོང་ཚོས་ཁྱོད་ཚོ་འཆམ་འཆམ་ལ་ཕྱིན་པ་རེད་ཟེར་གྱི་ཡོད་རེད། ༸གོང་ས་ཏཱ་ལའི་བླ་མའི་ཐབས་སྐྱོ་བ་ལ། འཆམ་འཆམ་ལ་འགྲོ་མཁན་ཁ་ཤས་ལས་སྐུ་ཚབ་རག་མེད་པ་འདྲ། ཡང་ན་དྲ་གྲོགས་ཚོ་སྨྱོས་འདུག
༸གོང་ས་ཏཱ་ལའི་བླ་མའི་སྐུ་ཚབ་ལགས། ད་ཁྱོད་ཚོ་དགོངས་པ་ཞུས་ན་ཡག་ས་རེད། ཁྱེད་ཚོ་སྐུ་ཚབ་ལ་འདེམས་གནང་བ་དེ་ཏཱ་ལའི་བླ་མས་ཕྱག་ལས་ནོར་འཁྲུལ་ཡིན་པ་བོད་ཀྱི་དུས་བབ་གསར་ཁང་གི་དྲ་གྲོགས་ཚོས་ངོས་འཛིན་གསལ་པོ་བྱས་འདུག ཁོང་ཚོ་དེང་སང་བཙན་བྱོལ་ནང་གི་མཁས་དབང་ཡིན་ཟེར་གྱི་ཡོད་རེད་ལ། ཁོང་ཚོས་ཁྱོད་ཚོ་འཆམ་འཆམ་ལ་ཕྱིན་པ་རེད་ཟེར་གྱི་ཡོད་རེད། ༸གོང་ས་ཏཱ་ལའི་བླ་མའི་ཐབས་སྐྱོ་བལ། འཆམ་འཆམ་ལ་འགྲོ་ཁ་ཤས་ལས་སྐུ་ཚབ་རག་མེད་པ་འདྲ། ཡང་ན་དྲ་གྲོགས་ཚོ་སྨྱོས་འདུག
སྐུ་ཚབ་རྣམ་པར་དྲི་ལན་ཡིད་ཚིམ་པ་ཞིག་ཡོད་པའི་སྨོན་ལམ།
ད་དུང་ཧུ་ནན་ཞིང་ཆེན་གྱི་ཏན་ཞ་ཧྲན་ལ་གནས་མཇལ་དུ་སོང་ངམ། དེ་གའི་ཕོ་མཚན་གྱི་བྲག་རི་དང་མོ་མཚན་ཅན་གྱི་ཕ་བོང་དག་མཇལ་སོང་ངམ།
སྐུ་ཚབ་ཕྱིེར་ཕེབས་ཟིན་འདུག ཨེ་པེ་གསར་འགྱུར་ལ་གཟིགས་དང༌། སྐུ་ཚབ་ཚོགས་པ་ཕེབས་ཡུལ་འདི་མའོ་ཡི་སྐྱེས་ཡུལ་ཡིན་མིན་ལ་མ་ལྟོས་པར་བཙན་བྱོལ་བོད་གཞུང་གི་སྐུ་ཚབ་ཚོགས་པས་རྒྱ་ནག་གཞུང་གི་གཞུང་འབྲེལ་དཔོན་རིགས་ཁག་དང་ངོ་ཐུག་སླད་བསྐྱོད་ཐུབ་པ་འདིར་བསྔགས་བརྗོད་ཞུ་མཁན་ཞིག་ཡིན། མ་འགྲིག་མ་འཐུས་པ་རྐྱང་པ་བཤད་ནས་བསྡད་ཚེ་ཡོང་རྒྱུ་གང་ཡང་མེད། གང་ལྟར་གདོང་གཏུགས་གྲོས་མོལ་གྱི་ལམ་ནས་དཀའ་རྙོག་སེལ་ཐབས་བྱ་རྒྱུ་འདི་དོན་འབྲས་ཆེ་ཤོས་ཡིན་པ་ལས་དེ་ལས་ལྷག་པ་ཞིག་བྱ་རྒྱུ་ཡོད་པ་དང་བྱ་ཐུབ་མཁན་ཞིག་སུ་ཡོད་དམ། བཤད་རྒྱུ་མང་མ་དྲག
འོ་་་ད་དུང་ཚར་མ་སོང་་་་་་ད་དུང་འགོ་བ་འགའ་དང་ལྷན་དུ་ཞལ་ལག་ཡག་ཤོས་ཤིག་དང་ཝུ་ཆང་ཡག་ཤོས་དག་ཉིན་འགའི་རྗེས་འཐུང་ཆད་ཡོད་་་་་དེ་ཚར་རྗེས་ཅིག་བྱས་ན་ཡོང་གི་ཡིན་་་ད་དུང་ཞེ་དྲགས་ཧ་གོ་གི་མི་འདུག་་་་་ང་ཚོར་མ་བལྟ་ཨཱ་་་་་་་་་ཁྱོད་ཚོར་རྔན་པ་ཅི་ཡང་མེད་ལོ། ད་ཐེངས་སྐྱིད་པོ་ཞིག་འཆམ་དགོས༌༌༌༌༌༌༌༌༌༌༌༌༌༌