བོད་ཀྱི་དུས་བབ་གསར་ཤོག་སྤྱིའི་འདོན་ཐེངས་ ༤༧༤ སྟེང་གི་རྩོམ་སྒྲིག་པའི་གཏམ།
རྒྱལ་སྤྱིའི་ཆབ་སྲིད་ཀྱི་ནམ་ཟླ་གྲང་ཤུར་རེར་ཡོད་པའི་སྐབས་ཤིག་ལ། ༧གོང་ས་མཆོག་གི་དམིགས་བསལ་སྐུ་ཚབ་རྣམ་པ་པེ་ཅིན་ནས་ཕྱིར་ངྷ་སར་འབྱོར་བྱུང་། དེ་དུས་མང་ཆེ་བ་ཞིག་གིས་ཁུ་བྱུག་དང་ཁྭ་ཏ་གང་ཡིན་སྔ་ས་ནས་ཐག་བཅད་ཚར་ཡོད། དེ་ལྟར་ཀྱང་། ད་རེབ་ནམ་རྒྱུན་དང་མི་འདྲ་བའི་འགྱུར་བ་ཕྲན་བུ་ཞིག་མཐོང་བ་ནི། ཕྱོགས་གཉིས་ཀས་གསར་འགོད་གསལ་བསྒྲགས་སྤེལ་སྟངས་དེ་རེད།
ཐེངས་འདིར་སྐུ་ཚབ་ཚོའི་ཕྱོགས་ནས་བློ་ཕམ་གྱི་སྐད་ཆ་མེད་པར། མངོན་གསལ་མིན་པའི་གྲུབ་འབྲས་ཤིག་ཁྱེར་ནས་ཡོང་ཡོད། གྲུབ་འབྲས་དེ་ནི་ཁོང་ཚོའི་ཤུགས་རྐྱེན་ལས་བྱུང་བ་ཡིན་པའི་ལྟ་ཚུལ་བཟུང་ཡོད། དཔེར་ན། རྒྱ་རི་རིན་པོ་ཆེ་མཆོག་གིས་ང་ཚོར་དོན་དངོས་ཀྱི་གྲུབ་འབྲས་དགོས་པ་མ་གཏོགས། ང་ཚོར་ངོ་སོ་མི་དགོས་ལ། ༧གོང་ས་མཆོག་ལའང་ངོ་སོ་དགོས་གི་མ་རེད་ཅེས་གསུངས་པ་དེ་ལས་བསྟན། ང་ཚོའི་སྐུ་ཚབ་ཚོར་མཚོན་ན། ཉེ་ཆར་ཀྲུང་དབྱང་གིས་བོད་ཐོག་གཏན་འབེབས་བྱས་པའི་སྲིད་བྱུས་གསར་པ་དེའི་ནང་དུ་བོད་མིའི་ཕྱོགས་ནས་གླེང་བཞིན་པའི་མི་རིགས་ཀྱི་མངོན་འདོད་གང་འཚམ་ཚུད་ཡོད་པ་ནི་བོད་རྒྱ་འབྲེལ་མོལ་གྱི་གྲུབ་འབྲས་ཡིན། དེར་བརྟེན་ཚུར་ཆ་རྐྱེན་གསར་པ་ཅི་ཞིག་བཏོན་ཀྱང་དེ་མི་ཐེག་པའི་དཀའ་ངལ་དང་སྡུག་ཡུས་ཀྱང་མེད་པར་གྱུར་ཡོད།
ཁོང་ཚོས་གནས་སྐབས་རིང་བློ་བདེ་བག་ཕབ་ཀྱི་ངང་ནས་ཀྲུང་དབྱང་གིས་ཚུར་བཏོན་པའི་ཆ་རྐྱེན་ཁག་ལ་སློབ་སྦྱོང་དང་། ཀྲུང་དབྱང་གིས་བོད་ཐོག་བཟུང་བའི་སྲིད་བྱུས་གསར་པ་ལག་བསྟར་བྱེད་ཕྱོགས་ལའང་ལྟ་རྒྱུ་ཡིན་ཟེར།
ཐེངས་འདིར་སྐད་ཤོར་མཁན་ནི་རྒྱ་ནག་གི་ཕྱོགས་ཡིན། སྐུ་ཚབ་ཚོ་ལྡི་ལིའི་གནམ་ཐང་ལ་མ་འབྱོར་གོང་ནས་སྡིགས་ར་འཐེན་མགོ་བཙུགས། དེ་དང་མཉམ་དུ་ཐེངས་དང་པོར་འབྲེལ་མོལ་འདིའི་གྲུབ་འབྲས་སྐོར་ལ་འཛམ་གླིང་གི་གསར་འགོད་པ་དག་བསྡུས་ནས་ལན་འདེབས་བྱས། དེ་ནི་འབྲེལ་མོལ་གྱི་གྲུབ་འབྲས་གསལ་བོ་བཟོ་འདོད་པས་མ་ཡིན་པར། གྲུབ་འབྲས་དེ་དག་གསང་བ་བྱེད་པའི་ཆེད་དུ་ཡིན། འཛམ་བུའི་གླིང་ལ་གཅིག་གྱུར་གྱིས་གསང་བ་བྱས་ཡོད། དེ་དང་མཉམ་དུ་བོད་ས་ཁུལ་གྱི་བརྙན་འཕྲིན་བརྒྱུད་ལམ་ཁག་ལའང་ཐེངས་འདིའི་འབྲེལ་མོལ་སྐོར་གྱི་གསར་འགོད་གསལ་བསྒྲགས་དེ་ཉིན་དང་མཚན་ལ་མཐུད་ནས་ཡང་དང་བསྐྱར་དུ་བསྒྲགས། འདི་ཡ་མཚར་ཡིན་ལ། གནས་ཚུལ་གསར་པ་ཡང་ཡིན། མདོ་དོན་བོད་མི་རིགས་ལའང་ཐེངས་འདིའི་འབྲེལ་མོལ་གྱི་གྲུབ་འབྲས་ངོ་མ་དེ་གསང་བ་བྱེད་པའི་ཆེད་དུ་ཡིན། འདི་གསང་བ་བྱེད་དོན་ལ་རྒྱུ་མཚན་གལ་ཆེན་པོ་དེ་འདྲ་ཡོད། དཔེར་ན། བོད་མི་རིགས་དང་འཛམ་གླིང་མི་དམངས་ཀྱིས་བོད་རྒྱ་འབྲེལ་མོལ་ལ་གྲུབ་འབྲས་ཕྲན་བུ་ཙམ་འབྱུང་གི་ཡོད་པ་ཤེས་རྟོགས་བྱུང་ཚེ་བོད་མིའི་འཐབ་རྩོད་ཀྱི་རེ་བ་དང་ཆོད་སེམས་ཇེ་བརྟན་དུ་འགྱུར་བར་དོགས་ནས་རྣམ་འགྱུར་གྲང་མོ་སྟོན་པ་དང་། མུ་མཐུད་ནས་༧གོང་ས་མཆོག་ལ་མཚན་སྨོད་བྱ་དགོས་པར་གྱུར་ཡོད།
སྐུ་ཚབ་རྣམ་པའི་ཞོར་དུ་ངས་ཀྱང་བྱེད་མི་རུང་བ་བཞི་དང་བོད་ཐོག་བཟུང་བའི་སྲིད་བྱུས་གསར་པའི་ཕྱོགས་ལ་འཁྱུག་ཙམ་རིང་སློབ་སྦྱོང་བྱས་པ་ཡིན། ངས་གོ་བ་ལྟར་ན། རྒྱ་ནག་གིས་བོད་ལ་ཆབ་སྲིད་ཀྱི་འགྱུར་བ་མ་བཏང་བའི་སྔོན་ལ། དཔལ་འབྱོར་དང་འཕྲོད་བསྟེན། ཤེས་ཡོན་སོགས་ཀྱི་སྲིད་བྱུས་ལག་བསྟར་བྱ་རྒྱུ་དེ་རེད། འགྱུར་བ་འདི་འདྲ་ཞིག་མི་གཏོང་ཐབས་མེད་ཀྱི་གནས་སུ་གྱར་ཡོད། བོད་ཆེན་པོ་དང་ཚད་མཐོའི་རང་སྐྱོང་ནི་ཀྲུང་གོའི་རྩ་ཁྲིམས་ལ་འགལ་བསྡད་ལུགས་བཤད་པ་དེ་ནི་ཆབ་སྲིད་ཀྱི་ཕྱོགས་ནས་འགྱུར་བ་ཞིག་ཡོང་རྒྱུ་མེད་པའི་རྣམ་འགྱུར་བསྟན་པ་རེད། འོན་ཀྱང་། འདི་ནི་ཡོང་མི་སྲིད་པ་ཞིག་ཁྱོན་ནས་མིན་པ་དེའང་ཕྱོགས་གཉིས་ཀར་ཡིད་ཆེས་བརྟན་པོ་ཡོད།
ད་ནི་སྐུ་ཚབ་རྣམ་པ་དང་བོད་རིགས་ཡོངས་ལ་གསལ་འདེབས་བྱ་རྒྱུ་ཞིག་ལ། སྲིད་བྱུས་གསར་པ་འདིས་རྒྱ་སྒོར་དུང་ཕྱུར་མང་པོ་སླར་ཡང་ཡར་ཀླུང་གཙང་པོའི་ནང་དུ་མི་གཡུགས་པའི་ཐད་ལ་སྔ་ས་ནས་བསམ་བློ་གཏོང་དགོས་པར་འདོད། དེ་བཞིན་དུ་རྒྱ་ནག་གི་རྣམ་འགྱུར་ལ་བལྟས་ནས་གོ་བ་ལོག་སྟེ་བོད་དོན་འཐབ་རྩོད་དང་བོད་རྒྱ་འབྲེལ་མོལ་གྱི་ཕྱོགས་ལ་རེ་བ་ཤི་མི་རུང་བ་ཡང་སེམས་ལ་ཉར་དགོས་པར་འདོད་དོ།།
སྤོབས་པ་མཐའ་ཡས་ལགས། ཐུགས་ཁག་མེད། ཡིན་ཡང་ངས་བཤད་པ་ནི་རྒྱ་ནག་གཞུང་གི་གསར་འགོད་གསལ་བསྒྲགས་དེའི་སྐོར་ཡིན། ཁོ་ཚོས་འཛམ་གླིང་གི་གསར་འགོད་པ་མཐའ་དག་ཚུར་བསྐོངས་པའམ་བཀུག་པ། ཡང་ན། ཚུར་བསྡུས་ནས་གསར་འགོད་གསལ་བསྒྲགས་སྤེལ་ཁུལ་བྱས་པ་རེད་མ་གཏོགས། དོན་དུ་འབྲེལ་མོལ་གྱི་གྲུབ་འབྲས་དེར་འཁྱོག་བཤད་བྱས་ཏེ་དོན་ངོ་མ་དེ་སྦས་པ་རེད་ཅེས་པའི་དོན་ཡིན། ཁོ་ཚོས་ཕྱི་གསལ་ནང་གསལ་ཡིན་མདོག་མདོག་གིས་འཛམ་གླིང་མི་དམངས་ལ་མགོ་སྐོར་གཏོང་བཞིན་འདུག་ཟེར་གིན་ཡོད།
ཁྱེད་ཀྱི་གོ་བ་ནི་ཚང་མ་སྦས་ནས་གསང་བ་བྱས་ཞེས་པའི་དོན་ཡིན་པ་འདྲ། དེ་ལ་ཡང་གོ་རྒྱུ་ཡོད་ཀྱང་། སྐབས་འདིའི་ངའི་གོ་བ་འཁྱེར་སྟངས་དེ་བསྐོངས་པ་ཞེས་པ་འདི་ཡིན་པའི་ཁུལ་ཡིན།
ཚང་མ་བསྐོངས་ནས་གསང་བ་བྱས། ཞེས་པའི་དོན་ངོ་མ་གང་ཡིན་ཤེས་མ་སོང་། དེ་ལས་ཚང་མ་བསྐུངས་ནས་གསང་བ་བྱས། ཞེས་ན་རོ་དེ་ཞབས་ཀྱུར་བསྒྱུར་ན་ངོ་རྒྱུ་འདུག
དྲྭ་བདག་ལུང་རིགས་རྒྱལ་ལགས། གུས་མོས་དུས་བབ་རྩོམ་སྒྲིག་པའི་མིང་ཐོག་ལ་༼གོང་ས་མཆོག་བཀའ་ཁྲིར་འོས་སམ་༽ཞེས་པའི་རྩོམ་ཡིག་ཅིག་བསྐུར་ནས་ཉིན་ཤས་འགོར་སོང་། གལ་སྲིད་དུས་བབ་དྲྭ་སྟེང་དུ་འགོད་རྒྱུ་མིན་ན་ལན་ཞིག་ཅེས་ཀྱང་ཡོད་པ་གནང་རོགས། གུས་མོ་བཀྲ་ཤིས་སྒྲོལ་མས།
བཀྲ་ཤིས་བདེ་ལེགས་གྲངས་མེད་ཡོད།
jflsdjflaf sdfasofjasdfjlsfjofjosj
སྐད་ཆ་འདི་རིགས་ལ་དོ་སྣང་སྤྲོད་ན་དོན་ངོ་མ་ཐོག་བསམ་བློ་གཏོང་རྒྱུ་འདུག
སྤྱིར་བཏང་དེ་ག་རང་རེད་། ཡིན་ཡང་། སྒོར་མོ་དེ་དག་བོད་མི་ཚོའི་འཕྲོད་བསྟེན་དང་ཤེས་ཡོན་སོགས་ཀྱི་སྟེང་ལ་གཏོང་གི་ཡིན་ཟེར་བཞིན་ཡོད། ཞིབ་ཕྲ་བཞུགས་མོལ་ཚོགས་འདུ་ཐེངས་ལྔ་བའི་སྟེང་གཏན་འབེབས་བྱས་པའི་སྲིད་བྱུས་དེ་ལ་ལྟ་དགོས་པ་རེད།
སྔོན་མ་ཡང་ལས་འཆར་འདི་དག་གི་ཐད་གཏོང་རྒྱུ་ཡིན་པར་བཤད་དེ། མདོ་དོན་རྒྱ་མི་རིགས་མདོ་དབུས་མཐོ་སྒང་དུ་གཞིས་ཆགས་པའི་ཆེད་དུ་ཤོར་བ་རེད། རྒྱའི་དཔོན་རིགས་ཚོ་དང་ཁོང་ཚོའི་བུ་ཕྲུག་ཚོའི་ཆེད་དུ་ཤོར་བ་རེད།
བོད་དོན་མ་སེལ་བར་དུ་བོད་མི་ཚོ་དབུལ་བོར་འདུག་དགོས་པའི་རྒྱུ་མཚན་ཡོད་པ་མ་རེད། བོད་དོན་འཐབ་རྩོད་བྱེད་བཞིན་དུ། ཤེས་རིག་གོང་སྤེལ་གཏོང་བཞིན་དུ་འགྲོ་དགོས་པ་རེད། དེ་འདྲ་ཞིག་མ་བྱུང་ཚེ་ཚང་མ་ཕྱི་ལ་བྲོས། ནང་ནས་སྤྲང་། གོ་སྐབས་རག་མཁན་ཚོར་ཡང་ད་ནི་མུ་མཐུད་ནས་ལམ་ཁ་དེ་ནས་ཕྱིར་མི་ལྡོག་པར་རྒྱ་མི་རིགས་ཀྱི་ནང་དུ་ཡང་དག་པར་སྟིམ་འདོད་ཀྱི་བསམ་བློ་དེའི་དབང་དུ་ཤོར་འགྲོ་གི་རེད་འདོད་ནས་སེམས་ཁྲལ་འདྲ་མི་འདྲ་བཅོ་བརྒྱད་ཀྱི་འོག་ནས་མ་ཐར་བར་ཡོད།
ད་རེབ་ཀྱི་སྒོར་མོ་དེ་དག་ཡར་ཀླུང་གཙང་བོའི་ནང་དུ་མ་གཡུགས་པར་བོད་ཡུལ་གྱི་ས་ཁུལ་ཚང་མར་སླེབས་ནས་བོད་མི་དག་གི་མིག་ངར་ཁྲ་ཁྲ་ཟང་ཟིང་གི་འཚོ་བ་ཇེ་ལེགས་སུ་བཏང་བ་ཡིན་ན་དེ་ལས་ཀྱང་ཉེན་ཁ་ཆེ་རུ་འགྲོ་ངེས་ཡིན་ལ། རྒྱ་ནག་སྲིད་གཞུང་གིས་མངོན་འདོད་ཀྱང་དེ་ག་ལས་མེད། དཔེར་ན་འདས་སོང་གི་ལྷ་ས་གྲོང་ཁྱེར་ནང་གི་གཞོན་སྐྱེས་མི་ཉུང་བ་ཞིག་གི་སེམས་ངོགས་ཀྱི་༧གོང་ས་མཆོག་གཏན་ནས་ཤེས་ཀྱི་མེད་པ་དེ་ལ་གཟིགས་དང་། དེ་མ་ཤེས་པར་དེས་ཆོད་དད་ཡོད་མེད་གཅིག་བུ་མཚོན་གྱི་མེད་ལ། དེས་བོད་མི་ཞིག་གི་ཆེས་མཐོའི་མགྲིན་ཚབ་པ་ཞིག་གིས་རང་གི་མི་རིགས་ཆེད་དུ་ས་མཐའ་ན་བཞུགས་ཡོད་པ་དེ་གཏན་ནས་མ་ཤེས་པ་དེ་ནི་ཧ་ལས་པའི་ཉེན་ཚབ་དུ་གྱུར་ཡོད་པ་རེད།