བློ་བཟང་གིས་ཉིན་གཉིས་ཀྱི་རྗེས་སུ། ཕ་མ་གཉིས་ལ་སྐྱག་རྫུན་བཤད་དེ། དེ་རིང་ང་རྫོང་ཐོག་དུ་གྲོགས་པོ་ཞིག་གི་སར་འགྲོ་རྒྱུ་ཡིན། ཉེ་སྔོན་ནས་བཟུང་དེ་ཁོས་ང་རང་ཁོ་ཡོད་ས་རུ་གཅིག་ཡོང་རོགས། ལྷོད་ལྷོད་བྱས་དེ་ཁ་བརྡ་བྱས་ནས་འདུག་ཟེར་ནས་ཐེངས་མ་ཁ་ཤས་ཤིག་ལ་བཤད་སོང་།
བློ་བཟང་རང་གི་ནུ་བོ་ལྷ་འབུམ་རྒྱལ་དང་འགྲོག་ནས་རྫོང་ཐོག་གི་རླངས་འཁོར་ས་ཚིགས་དུ་སོང་བ་དང་། དེ་ནས་ཁོ་རང་ལ་བན་སྡེ་འཚོས་བཤད་པའི་སྐད་ཆ་དེ་དག་ཚང་མ་ཞིབ་དུ་བཤད་ནས། དོ་ནུབ་ང་རང་ཕྱིར་ཡོང་མི་ཐུབ་པ་གཏན་འཁེལ་ཡིན། འོན་ཀྱང་། ངས་དོ་ནུབ་ཀ་ཅུ་ནས་ཕྱིར་ཕ་མ་གཉིས་ལ་ཁ་པར་གཏོང་ཆོག ང་རང་རོགས་པ་ས་ན་བསྡད་ཡོད་ཅེས་བཤད་ཆོག
ཕྱི་དྲོ་ཆུ་ཚོད་བདུན་པ་མ་ཟིན་ཙམ་ལ་བློ་བཟང་སྔོན་ཆད་བན་སྡེ་འཚོ་ཁོ་གཉིས་བསྡོད་མྱོང་སའི་མགྲོན་ཁང་དེ་རུ་ཁང་བ་ཡོད་མེད་སྐད་ཆ་འདྲི་རུ་སོང་དུས། མགྲོན་བདག་གིས་ཁང་བ་ཚང་མ་ཁ་སང་ནས་མིས་འཁང་ནས་ཡོད་པ་རེད། གང་ཡིན་ཟེར་ན་དོ་ནུབ་འདི་རུ་གླུ་བ་སྐད་གྲགས་ཅན་ཐང་ཀར་སླེབས་ནས་གཞས་གཏོང་གི་ཡོད་སྟབས། ཕྱོགས་བཞི་མཚམས་བརྒྱད་ཀྱི་སྐུ་མགྲོན་དག་གིས་མགྲོན་ཁང་མ་རེག་པར་ཡོད་པ་རེད་ཅེས་བཤད་སྟབས། བློ་བཟང་ལ་ཐབས་ཤེས་མེད་པར་མགྲོན་ཁང་གི་སྒོ་འགྲམ་དུ་བན་སྡེ་འཚོ་ཡོང་བར་སྒུག་ནས་བསྡད།
ཆུ་ཚོད་བདུན་པ་སྐར་མ་ལྔ་དྲུག་ཞིག་གི་གཟུར་མ་ཐག བན་སྡེ་འཚོ་བློ་བཟང་ཡོད་སར་འབྱོར། དེ་དུས་དངོས་བློ་བཟང་གིས་ཁོ་མོ་མཐོང་བ་དང་དངོས་ནས་ཧ་ལས་པར་གྱུར། མོ་རང་ནི་སྔོན་ཆད་ལས་ཀྱང་ཇེ་ཡག་དུ་སོང་ཡོད་པ་མ་ཟད། དེང་རབས་གྱོན་ཆས་གསར་བ་ཞིག་གོན་ཡོད་པ་དེ་ཡི་ལྷག་དུ་རྒྱན་ཡོད་པ་རེད།
བན་སྡེ་འཚོས། བློ་བཟང་མགྲོན་ཁང་གླས་ཚར་བ་ཡིན་ནམ་ཟེར་ནས་ལག་མགོ་འཇུས་དེ་བཤད་དུས་སུ། བློ་བཟང་གིས་མགྲོན་ཁང་མི་རེག་པའི་རྒྱུ་མཚན་དག་བཤད་མ་ཐག བན་སྡེ་འཚོས། སྐྱོན་ནི་མ་རེད། འུ་གཉིས་ལ་མགྲོན་ཁང་བརྫིག་པོ་ཞིག་དགོས་དོན་ཡོད་པ་མ་རེད། འགྲོ འདི་ནས་སྒེར་གྱི་མགྲོན་ཁང་ཁེ་བོ་ཞིག་འཚོལ་དུ་འགྲོ
སྒེར་བའི་མགྲོན་ཁང་དེ་ཡི་གཙང་གྲྭ་ཡག་པོ་མེད་ཀྱང་། མགྲོན་གླ་ནི་དངོས་ནས་གོང་ཁེ་བོ་ཡིན་ན་ཡང་། ནང་ལོག་གི་ཉལ་ཆོས་སོགས་ལ་ཚུལ་དྲི་ཁ་བ་དང་དྲི་བཙོག་བྲོ་ན་ཡང་ཁོ་གཉིས་ལ་འདམ་ཁ་གཞན་མེད་སྟབས། མགྲོན་ཁང་དེ་ཐོ་འགོད་བྱས་ནས་ཁང་བའི་ནང་དུ་སོང་ནས་ཕན་ཚུན་ལ་འཐམ་ནས་ཅུང་ཙམ་བསྡད་རྗེས་སུ་ཕྱི་རུ་ཟ་མ་རེ་ཟ་རུ་སོང་།
དགོང་མོ་དེར་ཁོ་གཉིས་ཀྱིས་འདོད་པའི་བདེ་བ་རོལ་རྗེས་སུ། བན་སྡེ་འཚོས་རང་གི་མགོ་བོ་བློ་བཟང་གི་བྲང་ཁར་བཞག་ནས། ངས་ཁྱེད་རང་ལ་སྐད་ཆ་ཞིག་བཤད་རྒྱུ་ཡོད་ཟེར་བ་དེ་ནི་ང་རང་ལ་བྱིས་པ་འཁོར་འདུག་ཞེས་བཤད་མ་ཐག བློ་བཟང་གིས་དེ་ནི་དངོས་ནས་གཏམ་བཟང་རེད། ང་རང་དངོས་ནས་བྱིས་པ་གསོ་སྐྱོང་བྱེད་རྒྱུར་དགའ་བོ་ཡོད་ཅེས་བཤད་བཞིན་ཉལ་ཁྲིའི་འགྲམ་གྱི་ཐ་མག་རྐང་གཅིག་བླངས་དེ་མེ་རུ་སྒྲོན་བཞིན། ཁྱེད་རང་གིས་རང་ཉིད་ལ་བྱིས་པ་ཆགས་ཡོད་པ་ཇི་ལྟར་ཤེས་སོང་ཞེས་དྲིས།
བན་སྡེ་འཚོས། ཉིན་འགའི་སྔོན་དུ་ངས་ཁྱེད་རང་ལ་ཁ་པར་མ་བརྒྱབ་སྔོན་དེར། ང་རང་གི་གཅིན་པ་གཏན་ནས་བསྲན་ཐུབ་ཀྱི་མི་འདུག སྐར་མ་ཁ་ཤས་རེ་ཡི་ནང་དུ་གཙང་སྤྱོད་ལ་འགྲོ་དགོས་ཀྱི་འདུག དེ་དུས་ངས་རང་གི་ཨ་ཅེ་ལ་བཤད་པ་ཡིན། ཨ་ཅེ་ཡིས་བཤད་ན་བྱིས་པ་འཁོར་ཡོད་ན་ཐང་། སང་ཉིན་སྨན་ཁང་དུ་སོང་ནས་བརྟག་དཔྱད་ཅིག་བྱེད་ཟེར་བ་ལྟར། ངེད་གཉིས་སྨན་ཁང་དུ་སོང་ནས་བརྟག་དཔྱད་བྱས་པ་ཡིན། སྨན་པས་བཤད་ན་བྱིས་པ་འཁོར་ནས་བདུན་ཕྲག་གཉིས་ཙམ་འགྲོ་བཞིན་འདུག་ཟེར། དེ་ཡིན་དུས་ང་རང་བདུན་ཕྲག་གསུམ་ཙམ་གྱི་སྔོན་དེར་ཁྱེད་རང་གི་ནུ་བོའི་ནང་དུ་འུ་གཉིས་ཞག་བཀང་བོར་མ་ཉལ་བའི་བསྡད་པའི་དུས་ཚོད་དེ་དང་ཏག་ཏག་མཐུན་གྱི་འདུག སྨན་པས་བཤད་ན་ད་ལྟ་བྱིས་པ་མི་དགོས་པ་ཡིན་ལས་སླ་བོ་ཡོད་པ་རེད་ཟེར། ཁྱེད་རང་གིས་བསམ་ན་འུ་གཉིས་ལ་ད་ལྟ་བྱིས་པ་སྔ་འདུག་བསམ་ན་ངས་མེད་པ་བཟོ་ཆོག
བློ་བཟང་གིས་ཐ་མག་རྔུབ་འཐེན་བྱེད་ཞོར་དུ། ད་ནི་རང་ཉིད་མི་རིང་བར་ཁོ་མོ་དང་བྲལ་ནས་འགྲོ་བཞིན་ཡོད་པ་རེད། ཁོ་མོ་ལ་བྱིས་པ་ཞིག་ཆགས་ཡོད་པ་འདི་དངོས་ནས་བཤད་ན་མེད་པར་བཟོ་རྒྱུ་དེ་ཐབས་ཤེས་ཤིག་གཏན་ནས་མ་རེད། འོན་ཀྱང་། ངས་ཁོ་མོ་དང་ལྷན་དུ་མི་ཚེ་བསྐྱེལ་མི་ཐུབ་པ་ཐག་གིས་གཅོད་ཡོད་པ་རེ་སྙམ་བཞིན། བན་སྡེ་འཚོ། ང་རང་ལ་དངོས་ནས་བྱིས་པ་མེད་པར་བཟོ་རྒྱུ་དེར་གཏན་ནས་འཐད་པ་མེད་མཁན་གྱི་གྲངས་དེ་ཡིན། དེ་ཡིན་དུས་བྱིས་པ་དེ་མེད་པར་མ་གཏོང་། གནས་ཚུལ་ག་རེ་བྱུང་ཡང་། བྱིས་པ་དེ་བདག་པོ་རྒྱག་དགོས་པ་རེད་ཟེར་ནས་བཤད།
བན་སྡེ་འཚོས། ཁྱེད་རང་གིས་གང་བཤད་པ་དེ་ཡིན། གལ་སྲིད། ང་རང་དངོས་ནས་ཁྱེད་རང་དང་འགྲོག་རྒྱུ་མ་བྱུང་བ་ཡིན་ན། ང་ནི་དངོས་ནས་བོད་ཡུལ་ནས་གཏན་ནས་མི་འདུག ཉིན་མ་དེ་འདྲ་ཞིག་བྱུང་ཉིན་ནས་ང་རང་གི་ལས་ཀ་བྱེད་ས་འདིའི་འོ་མ་བཟོ་གྲྭ་ཞིག་རྒྱ་ཁོག་ཧྲིན་ཀྲིན་ཟེར་བ་དེ་རུ་ཡོད་པ་རེད། དེ་རུ་བུད་མེད་ཡོང་མཁན་མ་རེག་པར་བསྡད་འདུག ང་རང་དེ་རུ་སོང་ནས་མ་མཐའ་ལོ་ངོ་བདུན་བརྒྱད་ཅིག་ལ་ཕྱིར་མི་ཡོང་ཁོ་ཐག་ཡིན་ཟེར་ནས་བློ་བཟང་གི་སྐེ་རུ་འཐམ་ནས་བཤད།
བློ་བཟང་གིས། ཁྱེད་རང་གིས་དེ་འདྲའི་གླེན་འདང་རྒྱག་གི་མ་འདུག འུ་གཉིས་ལ་བར་ཆད་འདྲ་ཡོང་གི་མ་རེད་ཅེས་སེམས་གསོ་ཞིག་བྱས་ཀྱང་། དོན་དངོས་ཐོག སྐད་ཆ་དེས་བློ་བཟང་གི་སེམས་པ་དེ་འཁྱག་རོག་གེར་བཏང་བ་རེད།
ཕྱིར་ཉིན་ཞོགས་པ་ཆུ་ཚོད་དགུ་བ་མ་ཟིན་ཙམ་ཞིག་ལ། བན་སྡེ་འཚོ་ཕྱིར་ལས་ཀར་འགྲོ་དགོས་སྟབས། བློ་བཟང་གིས་ཁོ་མོ་དགའ་བའི་བག་ལེབ་དང་ཤིང་ཏོག་ཁ་ཤས་ཉོས་དེ་ལམ་འཇུག་བྱས། ཁོ་མོས་མི་རིང་བར་ཁ་པར་ཨང་གྲངས་ཤིག་སྤྲོད་ངེས་ཡིན། དེ་ཡི་སྟེང་ལ་ང་རང་ལ་འབྲེལ་བ་བྱེད་རོགས། དེ་ནས་ཁྱེད་རང་འབྲོག་ས་དེར་སོང་ནས་ས་ཆ་ཡག་པོ་ཞིག་རེག་སོང་བ་ཡིན་ན། ང་རང་འདི་ནས་ཕྱིར་འབུད་ཆོག་ཆོག་ཡིན། ཡིན་གཅིག་མིན་གཅིག་ཟླ་གཅིག་ཏག་ཏག་གི་རྗེས་སུ་ང་རང་ལ་འབྲེལ་བ་བྱེད་རོགས གལ་སྲིད་ཟླ་གཅིག་གི་རྗེས་སུ་ཁྱེད་རང་ལ་གྲགས་འགུལ་འདྲ་མེད་སོང་བ་ཡིན་ན། ང་རང་ཁྱེད་ཀྱི་ནུ་བོ་ལ་ཐུག་འཕྲད་བྱེད་དུ་ཡོང་ངེས་ཡིན། ཁྱོས་ཁོ་རང་ལ་སྐད་སྐུར་གང་ཞིག་ཡོད་ན་འཇོག་རྒྱུ་མ་བརྗེད་ཅེས་བཤད།
བློ་བཟང་གིས་རང་གིས་རང་ལ་ཁོང་ཁྲོ་སྐྱེ་བ་དང་རང་གིས་རང་ལ་ཨ་ཐང་ཆད་ཞོར་དུ། ཁོ་མོའི་རྗེས་སུ་བལྟས་དེ་བསྡད། ཁོ་མོས་བློ་བཟང་ལ་ལག་གཡུགས་ཤིག་བྱས་དེ་གླ་བྱེད་རླངས་འཁོར་དེ་ཡི་ནང་དུ་བུད་སོང་།
མུ་འགོད།
སྤུན་ཟླ་ཚོ་ཕེབས་ནས་རང་རང་གི་ཁ་གཡང་དང་བསམ་ཚུལ་དག་གསུངས་པ་དེར་དགའ་ཡོད། རྗེས་ཕྱོགས་ཀྱང་ཕེབས་རོགས་གནོང་།
ཁྱིམ་དུ་བཅོས་རོགས།
ཤ་ཁྲག་ལགས་ཉིན་ཤས་ཁྱེད་ཀྱི་ཁྱིམ་དུས་ཡོང་ཁོམ་མ་བྱུང་དགོངས་འགལ་མེད་པ་ཞུ།
མུ་མཐུད་ཕེབས་རོགས་དགའ་བསུ་ཡོད།
ལོ་གསར་ལ་བཀྲ་ཤིས་བདེ་ལེགས་ཡིན་གོ
ཨ་རོ། དུས་འདིར་རིན་ཐང་ཡོད་པའི་དངོས་སྒྲུང་ཁ་ཤས་དུས་བབ་ཟིན་སྟེགས་སྟེང་འཕངས་ཀྱིན་པ་ནི་དགའ་འོས་པ་ཞིག་འདུག
དྲ་གྲོགས་ཤ་ཁྲག་ལགས། གནམ་ལོ་གསར་བར་བཀྲ་ཤིས་བདེ་ལེགས་དང་མུ་འགོད་སྒྲུང་རིང་བཀོད་པར་བཀྲིན་ཆེ་ཞུའོ།།
བཀླགས་ཟིན་ངོ་མ་ཡག་པོ་བྲིས་འདུག་ད་དུང་མུ་མཐུད་དུ་་་་་་
དྲ་གྲོགས་ཤ་ཁྲག་ལགས། བཀླགས་ཟིན་པ་ཡིན། ངོ་མ་ཡག་པོ་འདུག བུད་མེད་བན་དེ་མཚོ་༼ཧྲིན་ཀྲིན་༽ལ་མི་འགྲོ་བའི་སྨོན་འདུན་ཞུ། མཇུག་དེའང་ཀློག་འདོད་ཆེ་ཀི