རྒྱ་ནག་ནང་ལོ་རེར་རེག་དུག་གི་ནད་ཚའི་རྐྱེན་པས་མི་གྲངས་དགུ་སྟོང་ལྷག་རྐྱེན་ལམ་དུ་འགྲོ་བཞིན་ཡོད་ཚུལ་རྒྱ་ནག་འཕྲོད་བསྟེན་ལས་ཁུངས་ཀྱིས་བསྒྲགས་འདུག
ཕྱི་ཚེས་ ༢༢ ཉིན་གནས་ཚུལ་སྤེལ་བ་ལྟར་ན། རྒྱ་ནག་རྒྱལ་ཡོངས་འཕྲོད་བསྟེན་ལས་ཁུངས་ཀྱིས་རེག་དུག་གི་འགོས་ཚད་དང་རྐྱེན་ལམ་དུ་ཕྱིན་པའི་གྲངས་འབོར་སོགས་ཞིབ་ཕྲའི་གནས་ཚུལ་ཡོངས་ཁྱབ་ཀྱིས་ཁྱབ་བསྒྲགས་བྱེད་ཀྱི་མེད་ཀྱང་། ཉེ་ཆར་འཕྲོད་བསྟེན་ལས་ཁུངས་ཀྱི་འགོས་ནད་ལྟ་རྟོག་ཚན་པའི་འགན་འཛིན་ཧོའུ་ཡང་གིས། སྔར་ལོའི་རེག་དུག་གི་འགོས་ཚད་དང་འདས་གྲོངས་སུ་ཕྱིན་པའི་གྲངས་འབོར་རགས་རིམ་ཞིག་ཁྱབ་བསྒྲགས་བྱས་ཡོད་པ་རེད། ཁོང་གིས། ཕྱི་ལོ་ ༢༠༠༩ ལོར་རྒྱ་ནག་རྒྱལ་ཡོངས་སུ་རེག་དུག AIDS འགོས་ནད་ཀྱི་རྐྱེན་པས་མི་གྲངས་ཁྲི་ ༡༌༢ ལྷག་འདས་གྲོངས་སུ་ཕྱིན་ཡོད་པ་དེ་ཡོངས་ཁྱབ་ཡིན་ཚུལ་དང་། དེ་ནི་ཉེ་བའི་ལོ་གཅིག་གི་ནང་རེག་དུག་གི་རྐྱེན་པས་འདས་གྲོངས་སུ་ཕྱིན་པ་དང་རེག་དུག་འགོས་མཁན་ཚོས་དྲ་ལམ་བརྒྱུད་དེ་འབྲེལ་བ་བྱས་པའི་རིགས་ཀྱི་གྲངས་འབོར་ཡིན་ཚུལ་བརྗོད་ཡོད་པ་ལས། ཞིང་གྲོང་དང་འབྲོག་ཁུལ་རིམ་པའི་ནང་རེག་དུག་གི་ནད་ཚ་འགོས་ཟིན་པ་དང་འདས་གྲོངས་སུ་ཕྱིན་པའི་རིགས་འདུས་མི་འདུག དེ་ལྟ་ནའང་གཞུང་ཕྱོགས་ནས་སྔར་ལོར་ནད་རིགས་འདི་ལ་བརྟེན་རྐྱེན་འདས་སུ་ཕྱིན་པའི་གྲངས་འབོར་མི་ཁྲི་ ༢༌༦ ལྷག་ཡོད་པའི་ཚོད་དཔག་བྱེད་ཀྱིན་ཡོད་པ་མ་ཟད། རེག་དུག་གསར་དུ་འགོས་པའི་མི་ ༤ ལྷག་གི་འགོས་ཚད་ལ་ཞིབ་འཇུག་དང་བརྟག་དཔྱད་བྱས་མཐར། ཟླ་གཅིག་གི་ནང་མི་འདི་དག་གིས་ཉུང་མཐར་ཡང་མི་ ༤༠༠༠ སྟོང་ལྷག་ལ་འགོས་ཀྱིན་པའི་སྐོར་བརྗོད་ཡོད་འདུག
རྒྱལ་སྤྱིའི་གནས་ཚུལ་དབྱེ་ཞིབ་པ་དང་རེག་དུག་ནད་ཚ་བརྟག་དཔྱད་ཚན་པས་ཞིབ་འཇུག་བྱས་པ་ལྟར་ན། སྔར་ལོའི་ལོ་མཇུག་ཏུ་རྒྱ་ནག་ནང་མི་གྲངས་ཁྲི་ ༣༢༌༦ ལ་རེག་དུག་འགོས་ཁྱབ་དུ་ཕྱིན་ཡོད་པ་དང་། མི་ཁྲི་ ༡༠༌༧ ལ་རེག་དུག་གི་ནད་ཚ་ཡོད་པ། མི་གྲངས་ཁྲི་ ༥༌༤ རྐྱེན་འདས་སུ་ཕྱིན་ཡོད་ཚུལ་བརྗོད་ཡོད་པ་དང་། ཕྱི་ལོ་ ༢༠༠༥ ལོ་ནས་བཟུང་རྒྱ་ནག་ནང་རེག་དུག་ནད་ཚའི་འགོས་ནད་ཀྱི་སྤྱིའི་ཁྱབ་ཚད་མར་ཆགས་ཀྱིན་ཡོད་ཀྱང་། རེག་དུག་གི་ནད་ཚ་འབྱུང་བཞིན་པའི་མི་གྲངས་ལོ་རེ་ནས་ཇེ་མང་དུ་འགྲོ་བཞིན་ཡོད་སྟབས། ༢༠༠༩ ལོར་ཕྱི་ལོ་ ༢༠༠༨ ལོ་ལས་བརྒྱ་ཆའི་ ༣༡༌༣༧ འཕར་ཡོད་འདུག་ལ། རྐྱེན་འདས་སུ་ཕྱིན་པའི་མི་གྲངས་ཀྱང་འཕར་གྱིན་ཡོད་ཚུལ་བརྗོད་ཡོད་པ་མ་ཟད། རྒྱ་ནག་གི་རེག་དུག་སྔོན་འགོག་ཚོགས་པ་ཞིག་གིས་རེག་དུག་གི་ཉིན་མོ་དང་སྟབས་བསྟུན་ཏེ་ཡོངས་ཁྱབ་གསལ་བསྒྲགས་ཤིག་སྤེལ་བའི་ནང་། ༢༠༠༨ ལོར་རྒྱ་ནག་རྒྱལ་ཡོངས་ཀྱི་མི་གྲངས་ ༩༠༠༠ ལྷག་ནད་ཚ་འདིས་བསད་ཡོད་ཚུལ་དང་། ༢༠༠༩ ལོའི་ཟླ་ངོ་ ༡༠ ཡི་ནང་དུའང་མི་གྲངས་ ༩༠༠༠ ལྷག་འདས་གྲོངས་སུ་ཕྱིན་ཡོད་ཚུལ་བརྗོད་ཡོད་འདུག་ལ། འདི་ནི་ལོ་རེའི་ཆ་སྙོམས་ཀྱི་གྲངས་འབོར་ལ་ངོས་འཛིན་བྱེད་ཀྱིན་ཡོད་འདུག
http://www.youtube.com/watch?v=-xoEg30GrZs
སྤུན་ཟླ་ཚོ་དེང་སང་བོད་ཡིག་འདི་འདྲ་བེད་སྤྱོད་གཏོང་བཞིན་པ་དེར་བསམ་ཚུལ་གང་ཡོད་དམ། དྲ་ཐག་འདི་ལ་གཟིགས་རྗེས་སུ་བསམ་ཚུལ་རེ་གསུང་རོགས་ཞུ།