ཉིན་གསུམ་ལ་རི་མགོ་ཞིག་ནས་མགོ་འཁོར་ནས་ཡར་འགྲོ་མར་འགྲོ་བྱས་པ་དང་། ཅུང་ཙམ་མིན་ན་ཆུ་བོ་ཆེན་པོ་ཞིག་གི་ནང་དུ་ཚང་མ་བརྒལ་གྲབས་བྱས་པ་དང་། གློག་བརྙན་ག་གེ་མོ་ནང་གི་ཆུ་བོ་ལ་བགྲོད་པའི་ངང་ཚུལ་དེ་དག་ལད་མོ་བྱས་དེ་ཆུ་བོ་ཆེན་པོ་དེ་ཡི་འགྲམ་ནས་ཤིང་སྡོང་ཆུང་ཆུང་འགའ་བཅད་དེ་མཉམ་དུ་བསྡམས་དེ་ཆུ་བོ་བརྒལ་གྲབས་བྱས་པ་དེ་དག་ལ་ཕྱིར་དྲན་བྱེད་ཞོར་དུ་ཁོང་ཚོ་སྟབས་ལེགས་ནས་འབྲོག་སྡེ་ཆུང་ཆུང་ཞིག་གི་འདབས་སུ་འབྱོར་དུས་སུ། རི་སྡེ་དེ་རུ་མི་གཅིག་ཀྱང་མཐོང་རྒྱུ་མེད་པར་རི་ཤུལ་ན་ལྕི་བ་ག་ཚོད་དགོས་དགོས་སྤུངས་དེ་ཡོད་པ་དེ་དག་ནི་དངོས་ནས་ཁོང་ཚོ་ལ་གྲ་སྒྲིག་བྱས་པ་ལྟར། ཁོང་ཚོ་སེམས་གཏིང་ནས་དགའ་བཞིན། ལུག་རྭ་སྟོང་བ་ཞིག་གི་ནང་དུ་འཛུལ་ནས་མེ་བཏང་ནས་དགོང་མོ་དེར་ཁོང་ཚོ་ལྷོད་ལྷོད་ཅིག་བསྡོད་རྒྱུ་བྱུང་བ་རེད།
ཕྱིར་ཉིན་ཞོགས་པ་དེར། བློ་བཟང་གིས་རང་གི་འགྲོ་རོགས་ཚོ་ལ། ད་ནི་ང་ཚོ་ལ་ལམ་ཁ་རྙེད་པའི་ཐབས་ཤེས་གཅིག་ལས་མི་འདུག དེ་ནི་དེ་རིང་འདི་ནས་འགྲམ་ཕྱོགས་སུ་འགྲོ་བའི་གཞུང་ལམ་ནང་དུ་འབུད་དེ་འགྲམ་ཕྱོགས་སུ་འགྲོ་བའི་རླངས་འཁོར་བཀག་ནས་དུང་རི་{ཏེན་རི་ཟེར་མཁན་ཡང་ཡོད། ངས་འདི་ནས་བོད་མིང་ལ་འདི་ལྟར་བཏགས་པ་ཡིན་ན་སྟབས་བདེ་བར་མཐོང་ནས་བཏགས་པ་ཡིན།}བཀག་སྒོ་ལ་མ་སླེབས་པའི་སྔོན་དེར་གྲོང་སྡེ་མང་བོ་ཞིག་ཡོད་པ་ང་རང་ཚུར་ཡོང་དུས་གསལ་བོ་ཤེས་སོང་། དེ་ནས་ང་ཚོ་འབབ་ནས་ས་རུབ་རེག་བར་དུ་བསྡད་དེ། སུ་རུབ་ཁར་ག་ལེར་དུང་རིའི་བཀག་སྒོ་ཡོད་ས་དེ་ཡི་ཕྱོགས་སུ་འགྲོ་ཞེས་བཤད་དུས། ཁོང་ཚོས་ཀྱང་བློ་བཟང་གིས་གང་བཤད་པ་དེར་མོས་མཐུན་བྱེད་རྒྱུ་ལས་ཐབས་གཞན་མེད་སྟབས། ག་ལེར་གཞུང་ལམ་ཕྱོགས་སུ་ཆས།
གཞུང་ལམ་དུ་འབྱོར་ནས་ཟམ་ཆུང་ཆུང་ཞིག་ཡོད་ས་དེ་ཡི་འོག་ནས་ཅ་ལག་བཞག་ནས་བློ་བཟང་གིས་མི་གཉིས་སོང་ནས་རླངས་འཁོར་ཡོང་མཁན་དག་ལ་ལག་གཡུགས་བྱོས། དེ་ནས་རླངས་འཁོར་འདྲ་བསྡད་པ་ཡིན་ན། ང་ཚོ་བརྡ་རྒྱོབས་དང་ང་ཚོས་ཅ་ལག་འཁུར་ནས་ཡོང་ཞེས་བཤད་པ་ལྟར། སྤུན་མཆེན་བཀྲ་ཤིས་དོན་འགྲུབ་དང་རྡོར་སྐྱབས་གཉིས་གཞུང་ལམ་གྱི་ཟུར་ནས་རླངས་འཁོར་ཡོང་མཁན་ཚང་མ་ལ་ལག་གཡུགས་བྱས་ཀྱང་བསྡོད་མཁན་ཞིག་མ་བྱུང་བར་ཡུན་རིང་ལུས་པ་རེད།
ཆུ་ཚོད་གཅིག་གཉིས་ཤིག་གི་རྗེས་སུ་འགྲམ་དུ་འགྲོ་བའི་གླ་བྱེད་རླངས་འཁོར་ནང་དུ་མི་ཉི་ཤུ་ཙམ་གཤོང་བ་ཅན་གྱི་རླངས་འཁོར་ཞིག་བསྡད་པ་དེ་ཡི་ཁ་ལོ་བ་ནི་རྒྱ་མི་ཞིག་ཡིན་པ་དང་ནང་དུ་བསྡོད་མཁན་མང་ཤོས་ཀྱང་རྒྱ་བོད་འདྲེས་མ་ཡིན་ན་ཡང་། རླངས་འཁོར་ནང་གི་མགྲོན་པོ་ཚང་མས་ཁོང་ཚོས་ཕྱོགས་སུ་མིག་ཅེར་ནས་བལྟས་ཀྱང་། བློ་བཟང་གིས་སྣང་བ་རྣམ་དོག་གང་ཡང་མེད་པ་དང་བཅས་དེ་ཁ་ལོ་བ་དེར་ང་ཚོ་དུང་རི་ལ་འགྲོ་མཁན་ཡིན། སྒོར་ག་ཚོད་ཡིན་ཞེས་བཤད་དུས། ཚང་མ་ལ་རྒྱ་སྒོར་ཉི་ཤུ་ཡིན་ཞེས་བཤད་དུས། བློ་བཟང་གིས་ཅུང་དམའ་རུ་གཏོང་རོགས་ཟེར་ནས་བཤད་དུས་སུ། དེ་ཁྱེད་ཚོ་ལ་ཏག་ཏག་བཤད་པ་ཡིན། དེ་མིན་ན་ང་འགྲོ་ཡི་ཡིན་ཟེར་ནས་འགྲོ་གྲབས་བྱས་དུས། བློ་བཟང་གིས་ཚང་མ་ནང་དུ་བུད་ཅེས་བཤད་དེ་རང་གི་ནུ་མོ་བང་ཁར་བླངས་དེ་རྐུབ་སྟེགས་ཤིག་གི་སྟེང་དུ་བསྡད།
དོན་དངོས་ཐོག་དེ་ནས་བཟུང་སྐར་མ་བཅོ་ལྔ་ཉི་ཤུ་ཞིག་གི་ལམ་ཐག་ལས་མེད་པ་ཁོང་ཚོས་གཏན་ནས་ཤེས་ཀྱི་མེད་ཀྱང་། ཁ་ལོ་བའི་ཤེས་ཡོད་ངེས་རེད། གང་ལྟར། ཁ་ལོ་བ་གཞན་དག་གིས་ཁོང་ཚོར་གཏན་ནས་ཡ་མ་བྱས་པ་དེ་ལས་རྒྱ་ཁ་ལོ་བ་དེས་སྒོར་ཉི་ཤུ་བླངས་ཀྱང་མི་སྐྱོན་བསམ་ཞོར་དུ། ཁོང་ཚོ་དུང་རི་ལ་མ་སླེབས་པའི་སྤྱི་ལེ་གཅིག་གཉིས་ཤིག་གི་ས་དེ་ནས་གྲོང་སྡེ་ཞིག་གི་འགྲམ་ནས་འབབ་པ་རེད།
མུ་འགོད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
སྤུན་ཟླ་ཚོ་ཕེབས་ནས་རང་རང་གི་བསམ་ཚུལ་དང་འཚམ་འདྲི་སོགས་གནང་བ་དེར་དགའ་ཡོད། གང་ཁོམ་ལ་ཕེབས་ནས་བསམ་འཆར་ལྷུག་པོར་གསུང་རོགས་ཞུ།
དུས་བབ་ནང་གི་དྲ་གྲོགས་ཚང་མ་ཁ་བརྡའི་ནང་དུ་བོད་རང་བཙན་གྱི་ཆེན་དུ་འོས་ཤོག་བླུགས་པར་ཕེབས་རོགས། དྲ་ཐག་འདི་ཡིན།
http://www.khabdha.org/?p=6688&cpage=1#comment-23383
དྲ་གྲོགས་ཚོ། མགྱོགས་པོར་འོས་བླུགས་པར་ཕེབས་རོགས། གོང་གི་དྲ་ཐག་ནང་དུ་དྲ་ཤར་གསུམ་ཡོད་པའི་དཀྱིལ་མ་དེ་ལས་དབྱིན་ཡིག་གི་Quick Vote ཞེས་པ་ལས་yes སྟེང་གནོན་དགོས་པ་ཡིན།
རྒྱ་གར་གྱི་ཉིན་གུང་དུས་ཚོད་༡།༤༥་ཐོག་བོད་རང་བཙན་ལ་རྒྱབ་སྐྱོར་བྱེད་མཁན་བརྒྱ་ཆའི་༩་དང་། ཁ་གཏད་བརྒྱ་ཆའི་༩༡་རེད་འདུག འགྱོགས་པོར་འོས་བླུགས་པར་ཕེབས་རོགས། ཕན་ཚུན་ལ་བརྡ་ལན་སྤྲོད་རོགས།
ཤ་ཁྲག་ལགས་བཀླགས་ཟིན་པ་ཡིན།
གྲོགས་པོ། ལོ་སར་ལ་སྐྱིད་པོ་བྱུང་སོང་ངམ།
ཏེན་རི་དུང་རི་གང་ཡང་མ་རེད། ཏིང་རི་ཟེར་བ་རེད། ཏིང་རི་གཉིས་ཡོད་པ་རེད། རྒྱ་སྐད་ཀྱིས་ལོད་ཏིན་རི་དང་ཞིན་ཏིན་རི་ཟེར་བ་རེད། འགྲམ་ནས་ཕར་སོང་ན་དེར་ཐུག་གི་རེད། ཏིང་རི་ནི་རྫོང་ཞིག་རེད། ངའི་གྲོགས་པོ་རྡོ་རྗེ་ཁོང་ཡང་ཏིང་རི་ནས་རེད།
སྤོབས་པས་སུ་ལ་སྡིགས་ཀི་ཡོད།
སྐྱག་རྫུན་བཤད་མཁན་འདི་ཚོས་ཅིག་བཤད་པར་ཡིད་ཆེས་རྒྱུ་གང་ཡོད། རྒྱལ་བ་རིན་པོ་ཆེའི་ངོ་མི་མཁྱེན་གསུངས་པ་དེ་ཡག་པོ་བྱུང་འདུག ལྟས་ངན་འདི་ཚོས་གོ་སྐབས་ཅིག་འཚོལ་གྱིན་ཡོད་པ་ཡིན་སྲིད།