ཆོས་བརྒྱུད་སྤྱི་འཐུས་དགོས་པའི་གནས་ལུགས་བདེན་དར་མ། ཐུབ་བསྟན་རྒྱལ་མཚན་གྱིས།

རི་དང་ལུང་བ་འགེངས་པའི་ཨག་སྐད་འདི་ལ།།
མི་མངོན་དབྱིངས་ནས་བདག་གི་སྟོན་པས་གཟིགས་ཤིག།
ཁོག་ལ་སྦས་པའི་ལོ་མང་སྡུག་གི་ནད་འདི།།
ད་ནི་སངས་པའི་ཐབས་ཀྱི་དགོངས་པ་སྩོལད་ཅིག།

སྡེབ་སྦྱོར་དག་ཆ་མེད་པའི་བླུན་པོ་སྐོར་ཞིག།
ཆོལ་ཁའི་ཞེན་ཁོག་ཅན་གྱི་ནད་པ་སྐོར་ཞིག།
ཁ་ན་ཅི་བཤད་མེད་པའི་སྨྱོན་པ་སྐོར་ཞིག།
དེ་རིང་འདི་རུ་འདུས་པ་ད་གཟོད་མཐོང་བྱུང་།།

ཆོས་དང་སྲིད་ཀྱི་དམིགས་པ་སེམས་ལ་མེད་པར།།
ལག་ཟུང་ཐལ་མོ་སྦྱར་ནས་མིག་ཟུང་ཟིམ་པ།།
ད་དུང་བདག་གི་མི་རབས་འདི་ལ་མང་བ།།
སེམས་པ་ཨ་ཐང་ཆད་པའི་སྐྱོ་བའི་གཞི་མ།།

བཙུན་པའི་གཟུགས་འདི་སྤྲེའུའི་ཆ་ལུགས་མིན་མོད།།
དེ་རིང་འདི་ཡིས་བདག་ལ་དོགས་པ་བསླངས་སོང་།།
ཀ་བུམ་རྩོད་པའི་རིག་པ་རྫུན་མ་ཞིག་གིས།།
མཐོང་ཚད་སུན་དུ་འཇུག་པའི་ཉི་མ་ཤར་སོང་།།

དངུལ་དང་བུད་མེད་ཕྱོགས་ལ་ཞེན་པ་དམ་པའི།།
བདག་གི་སྐྱབས་གནས་གསུམ་གྱི་ཡ་གྱལ་འདི་དག།
ད་ནི་སྲིད་ཀྱི་སྡིངས་ཆར་འཛེག་པ་འདི་ནི།།
བདག་གི་སྟོན་པའི་མགོ་ལ་སྟ་རེ་ཉིད་དོ།།

མི་ལོ་སྟོང་གི་ལོ་རྒྱུས་མཛུབ་མོར་བགྲང་ན།།
ཆོས་མིན་སྲིད་མིན་ཞིག་གིས་རྒྱལ་ཁམས་བསྐྱངས་ནས།།
འདི་ལྟའི་ཞེན་ཁོག་ཅིག་གིས་ཆིག་སྒྲིལ་གཏོར་ནས།།
དེ་རིང་ལག་ཏུ་བཞག་པ་སྡུག་བསྔལ་འདིའོ།།

མ་མཐོང་རྒྱང་གི་རྡོ་རྗེ་ཕ་ལམ་དེ་ནི།།
གཅིན་དང་སྐྱག་པ་མཆིལ་མའི་ཕུང་བོར་གྱུར་སོང་།།
སྟོན་པའི་ན་བཟའི་ཁུག་གི་གཅེར་བུ་འདི་དག།
ད་ནི་རྒྱལ་ཁབ་རྒུད་པའི་ཐན་ལྟས་མིན་ནམ།།

བདག་གི་སྟོན་པས་བྱང་ཆུབ་ཤིང་གི་དྲུང་དུ།།
མི་ལོ་དྲུག་ལ་དཀའ་བ་སྤྱད་པ་དེ་ནི།།
དུས་ཀྱི་མི་རྒོལ་འདུལ་བའི་ཐབས་རྩལ་ཡིན་ཡང་།།
ནུས་པ་ལྡོག་པའི་ཕྱོགས་ན་ཕད་ཁ་རྒྱས་འདུག།

ཉིས་བརྒྱ་ལྔ་བཅུའི་ཁྲིམས་ཀྱིས་གཅུན་ཐབས་བྲལ་བའི།།
ཟོག་པོ་འགའ་ཡིས་དུག་གི་ལོ་མ་ཟོས་སམ།།
དགའ་སྐྱོ་ཆགས་སྡང་ཆེ་བའི་རྣམ་འགྱུར་འདི་ལ།།
ད་ནི་བདག་གི་ཁོ་ཐག་གཏིང་ནས་ཆད་དོ།།

ལམ་རིམ་ཁ་དང་ཁོག་གི་ཞེ་སྡང་དེ་ཉིད།།
ཙོང་ཁ་པ་ལ་ཆེད་དུ་བརྙས་བཅོས་མིན་ནམ།།
སྟོན་པ་བདེ་བར་གཤེགས་པའི་ཆ་ལུགས་འདི་དག།
དུས་ཀྱི་མཐའ་ན་བྱིས་པའི་རྩེད་མཚར་ཉིད་དོ།།

བདག་གི་ཁམས་དང་འདྲེས་པའི་རྣམ་རྟོག་འདི་ལ།།
སྨྲ་བསམ་བརྗོད་ལས་འདས་པའི་རིག་པ་བརྡོལ་བྱུང་།།
སུ་ཡི་ཐུགས་ལ་ཕོག་ན་དེ་ལ་གཟས་པའི།།
མི་འཇིགས་སྙིང་གི་བདེན་པ་སྟོབས་ཀྱིས་དེངས་སོ།།

ཆུ་ཐིགས་སྔོན་མོ་དང་དེའི་རྗེས་འབྲང་རྣམས་ནི་སྐུ་ཞི་བ་གཤེགས་པའི་ལྟག་འཚེར་རིན་པོ་ཆེས་བོད་གཞུང་ཅེས་པ་དེ་ཁྱིམ་ཚང་གསུམ་གི་ཟིན་ཡོད་ཞིག་པའི་བཀའ་ལུང་དེའི་རྗེས་སུ་འབྲང་རྒྱུ་རེད་འདུག་གཞན་དམངས་གཙོ་ནང་མི་དམངས་ཀྱི་སྐོས་པའི་འཐུས་མི་ཚོར་མོས་མཐུན་མི་འདུག

རྨོངས་རྒན་ཚོ་ལགས།

སྤྱི་འཐུས་གྲོས་ཚོགས་ནང་དུ་ཆོས་སྡེ་ཁག་གི་སྤྱི་འཐུས་མི་དགོས་ཐལ། འདོད་ན། མི་ཚང་གི་སྤྱི་འཐུས་དང་གོང་ཁྲ་ཏང་མི་དགོས་པ་ཐལ།
ཞེས་ཐལ་བ་འཕེན་ཚེ་འདོད་མི་འདོད་ཅི་ལབ་ཀྱིན་ཡིན་ནམ།ཧཧཧཧཧཧཧཧཧཧཧ

བོན་རྒྱའི་རྔུལ་ཆུ་ཐིགས་པ་སྔོན་མོ་ལགས།

གོང་ས་མཆོག་གིས་བཀའ་སློབ་ཚ་པོ་ཚ་པོ་ཞིག་རྨོངས་རྒན་ཁྱེད་འདྲ་བ་ཚོ་ལ་གསུངས་འདུག་པས་ཕྱག་གསུམ་མགྱོགས་པོར་འཚལ་དགོས།

༧གོང་ས་མཆོག་གིས་བཀའ་ལས།།།

བོད་ནང་དེང་སྐབས་དམར་པོའི་དབང་འཛིན་པས་ཆོས་སྡེ་ཁག་ལ་རྒྱལ་གཅེས་ཆོས་གཅེས་སོགས་ཆབ་སྲིད་ལས་འགུལ་སྣ་ཚོགས་པའི་དམ་དྲག་གནོན་བཙིར་གྱིས་གྲྭ་བཙུན་རྣམས་བཙོན་པ་ལྟ་བུའི་དོ་དམ་འོག་བཤད་སྒྲུབ་འཆད་ཉན་གྱི་གོ་སྐབས་མེད་པར་འགྲེམས་སྟོན་ཁང་བཞིན་འཇོག་པ་ནི་བསྟན་པ་བསྣུབ་པའི་བྱ་ཐབས་གཙོ་བོ་ཞིག་ཏུ་སྣང༌།

ཞེས་བཀའ་གནང་བ་བཞིན་དུ་བཙན་བྱོལ་སྤྱི་ཚོགས་ནང་དུ་ཡང་ཆོས་སྡེ་ཁག་གི་སྤྱི་འཐུས་རྣམས་ལ་ཆོས་བྱས་མཁན་ཚོའི་ཆོས་བྱེད་པ་ལས་ཆབ་སྲིད་བྱེད་མཁན་སྤྱི་འཐུས་གྲོས་འཚོགས་ནང་དུ་ཡོང་མི་ཆོག་ཡོང་ན་ཡག་པོ་མི་འདུག་ཁྲག་དྲི་ཁ་ཡོང་ཟེར་ནས་དགོན་པ་ལྷ་ཁང་ནང་དུ་འགྲེམས་སྟོན་ཁང་གི་བྱ་དངོས་ལྟ་བུ་བཟོ་ཨེ་ཐུབ་ལྟ་མཁན་བླུན་པོ་འགའ་རེ་འདུག

གཙོ་བོ་བོན་རྒྱ་ཁྱེད་ཀྱིས་ལྷ་ཆབ་དང་གཅན་ཐིགས་གཉིས་ཁྲིད་ནས་སུམ་ཅུ་དུས་དྲན་མོ་འདིར་ཆོས་སྡེ་ཁག་གི་སྤྱི་འཐུས་ཚོ་ལ་དགོངས་དག་ཞུ་དགོས། དེ་ནས་ལོག་རྟོག་བསལ་རྗེས་རང་ཉིད་ཀྱི་བསལ་བློ་འགྱུར་བཅོས་གཏོང་དགོས།

སྐབས་དང་དུས་སུ་དེ་ལས་ལྷག་པ་ཡོད་ནི་མེད་ཁུ། མགྱོགས་པོ་ཤོག་ཕྱག་འཚལ།།།

ངས་སྔ་ས་ནས་ཤེས་འདོད་པ་གཅིག་ནི། ཆོས་བརྒྱུད་སྤྱི་འཐུས་མི་དགོས་ཟེར་མཁན་ཕལ་ཆེ་བ་དེ་དག་ཆོས་བརྒྱུད་གཅིག་ཁོ་ནའི་ཁོངས་སུ་གཏོགས་ཀྱིན་འདུག་པ་དེའི་གནད་དོན་གང་ལ་ཐུག་པ་ཡིན་ནམ། ད་དུང་དེའི་ནང་གི་ཕལ་ཆེ་བ་ནི་ཆོལ་ཁའི་སྤྱི་འཐུས་མི་དགོས་ཟེར་མི་ཕོད་མཁན་དུ་གཏོགས་ཀྱིན་འདུག་པས། འདི་ནི་ལ་རྒྱ་དང་རྩ་དོན་ཆེད་མིན་པར་གནད་དོན་ཞིག་ལ་ཐུག་འདུག་བསམ།
ལེགས་པོར་དཔྱོད་དང་།

བཀུར་འོས་ཆུ་ཐིགས་སྔོན་མོས་གསུངས་པ་བཞིན། ཆོས་བརྒྱུད་མ་ཡིན་པའི་སྤྱི་འཐུས་ཚོ་ཡང་དེ་ག་རང་རེད། བུད་མེད་གཅིག་གིས་ཡི་གེ་ཁྱེར་ཏེ་སྤྱི་འཐུས་འབྲེལ་ཡོད་རྣམས་ལ་ས་རྟགས་བསྡུ་རུབ་བྱས་པ་རེད། བུད་མེད་གཅིག་གི་རྒྱབ་ལ་ཆོས་བརྒྱུད་ལས་ལྷག་པའི་ཆོལ་ཁ་གཅིག་འཐེན་པ་རེད། དེ་ལ་ཁྱེད་ཀྱིས་ག་རེ་གནང་གྲབ་ཡོད་དམ། དེ་དག་ང་རང་ཚོས་ཤེས་དགོས་རྒྱུ་ཞིག་རེད། ང་རང་གིས་མི་གཞན་ལ་ཚིག་ངན་སྨྲས་ཀྱི་མེད་ལགས།

ལྷག་བསམ་དག་པའི་གསེར་གྱི་ས་གཞི་ཕྲག་དོག་རྡུལ་གྱིས་ཡོངས་དབེན་ཞིང་།།
སྒྲུབ་བྱེད་ལུང་གི་རྒྱ་མཚོ་འཁྱིལ་བར་བགྲོད་བྱེད་རིགས་པའི་གྲུ་བོ་ཆེ།།
དགག་བཞག་རླུང་གིས་དལ་གྱིས་བསྐྱོད་པར་མ་བཟོད་སྤར་མོ་འདེབས་མཁས་པ།།
ཅོལ་ཆུང་ཉི་མ་ཨ་ཟླ་ལ་སོགས་རྨོངས་པའི་བུ་དག་སྙིང་རེ་རྗེ།།

ཐུབ་བསྟན་རྒྱལ་མཚན་ལགས་སུ། ངས་དག་བཅོས་འདི་རྣམས་ནོར་འདུག་ན་དགོངས་དག་ཞུ།
་་་་་་་་གཉིས་དབུ་བཞུགས་ཐོག་རྙིང་དོར་བཅུད་ལེན་གྱིས་་་་་་་ སྙིགས་དོར་་་་་་
་་་་་་༧གོང་ས་སྐྱབས་མགོན་ཆེན་པོའི་ཅི་སྲུང་བཀའ་བསྒྲུབ་ཞུ་མཁན་་་་་ ཅི་གསུངས་་་་སོགས་འབྲི་འདོད་མེད་དམ་སྙམ།

ང་རང་གི་བསམ་འཆར་ནི།
བཙན་བྱོལ་གཞུང་སྲིད་ནང་ལ་ཆོས་བརྒྱུད་སྤྱི་འཐུས་དགོས་རེད་སྙམ། བོད་རང་བཙན་ཡོད་ན་དགོས་བགྱིད་ཡོད་མེད་ངས་མི་ཤེས།
ཆོས་སྲིད་ཟུང་འབྲེལ་ཡིན་ནའང་གྲ་བཙུན་གཅིག་ལ་འོས་ཐེངས་གཉིས་བརྩེགས་ཐོབ་ཐང་འདུག་ཅེས་པ་ལ་བགྲོ་གླེང་གནང་དགོས་འདུག་སྙམ།

ཆུ་ཐིགས་པ་ལགས།

ཕྱི་རྒོལ་ལོག་རྟོག་བསལ་བྱེད་ཆུ་ཐིགས་ཙམ་ཡང་མེད།
སྔར་རྒོལ་སྒྲུབ་བྱེད་ཟེར་བ་ཆུ་ཐིགས་ཙམ་ཡང་མེད།
རང་ལུགས་འདི་ཡིན་ཟེར་བ་ཆུ་ཐིགས་ཙམ་ཡང་མེད།
གཞན་ལུགས་བློ་ཁ་སྒྱུར་བྱེད་ཆུ་ཐིགས་ཙམ་ཡང་མེད།

དངོས་སྟོབས་རིག་པའི་འགྲོ་ལུགས་མ་ཤེས་ན།
ཆོས་སྲིད་འགལ་དང་མི་འགལ་ཅི་ཡིས་འབྱེད།
ལུང་གི་རྗེས་སུ་འབྲངས་བའི་ཆུ་ཐིགས་བ།
རང་ཉིད་ལུག་ཀླད་ཡིན་པ་མི་ཤེས་སམ།

ཆོས་སྲིད་ཟུང་འབྲེལ་ཁ་བའི་རྒྱལ་ཁབ་ལ།
དམ་པའི་ལྷ་ཆོས་རྒྱུད་ཀྱི་སྤྱི་འཐུས་རྣམས།
མི་དགོས་ཨུ་ཚུགས་བྱེད་མཁན་ཆུ་ཐིགས་བ།
དངོས་སྟོབས་རིག་པའི་སྒྲུབ་བྱེད་ཨེ་ཡོད་དམ།
དངོས་ཡོད་གནས་ཚུལ་སྟོན་རྒྱུ་ཨེ་ཡོད་དམ།
ཧཧཧཧཧཧཧཧཧཧཧཧཧཧཧཧཧཧཧཧཧཧ

མ་ཧེ་མགོ་བཞིན་ཁྱེར་ནས་བློན་རྗེས་འབྲང་། །གནས་ལུགས་ལམ་ཆེན་མ་མཐོང་ཡི་རེ་སྐྱོ། །
དུས་མཐར་མཁས་པའི་རྫུར་བའི་ཆུ་ཐིགས་ཁྱེད། །མཁས་རློམ་རང་ཚུགས་མེད་པའི་ཡི་རེ་སྐྱོ། །

སྙིང་རྗེ་ཨ་ཟླ་བ་ལགས།གཞན་ལ་ཁྱི་དང་སྤྱང་ཀི།བོན་ལོག་སོགས་ངན་སྨྲས་བྱས་པ་དེ་ཁྱོད་ཀྱི་ཆོས་དང་འགལ་བ་མ་རེད་པས།ད་དུང་སངས་རྒྱས་དང་བྱང་སེམས།རྒྱལ་བ་རིན་པོ་ཆེན་གྱི་འཁྲུངས་རབས་བཅས་པའི་ནང་དུ་གཞན་ལ་ངན་སྨྲས་བྱས་ཤིག་གསུངས་འདུག་པས།དེ་ལྟར་ཡིན་ན་ངས་བཀླག་རྒྱུ་མིན།

འོ་ན་ཆོལ་སྤྱི་འཐུས་ཀྱང་མེད་པ་བཟོ་དགོས་སམ། ཁོས་ད་བར་ཅི་འཇོན་ཡོད། གཅིན་ཐིགས་རང་ལུགས་མེད་པའི་གླེན་པ་ལུགརྒན།
ཕྱོགས་ཞེན་གྱི་བཟི་པའི་གླང་རྒན
ཁྱི་ཁ་བཙུམ་་་་་་་་་་་་་་་་་་་་་་་་་་་་་་་་་་་་་་

ཧོར་བུ་ཁྱེད་ཀྱིས་སྟོན་པའི་སྐྱེས་རབས་གཟིུགས་མྱོང་ངམ། ལྷག་པར་དུ་གོང་ས་མཆོག་གིས་འཁྲུངས་རབས་བཀླགས་མྱོང་ངམ། ཆོས་རྒྱལ་གྱི་སྐྱེས་བ་ག་ཚོད་བཞེངས་འདུག བོད་ཀྱི་ཆོས་རྒྱལ་གྱི་སྐྱེས་བ་ག་ཚོད་བཞེངས་འདུག

དགེ་འདུན་རབ་གསལ་ལ་རྒྱབ་སྐྱོར་ཡོད།དྲི་བ་ཡག་པོ་ཞིག་ཕུལ་སོང།
ང་ལ་ཡང་དྲི་བ་གཅིག་ཡོད་སངས་རྒྱས་བཅོམ་ལྡན་འདས་ཀྱི་སྲིད་དོར་ནས་སངས་རྒྱས་པ་རེད་དམ་སྲིད་འཛིན་ནས་སངས་རྒྱས་པ་རེད།
ད་དུང་སྨར་དྷཱིཿཟེར་ལགས།སོ་སོའི་རྒྱལ་ཁམས་སྲུང་བའི་ཆེད་དུ་དམག་རྒྱག་ཡག་དང་ནང་ལ་སྒྲིག་ཁྲིམས་ཡག་པོ་ཡོང་ཡག་ལ་མི་ཉེས་ཆེན་སོགས་ལ་རྒྱལ་བ་རིན་པོ་ཆེན་གྱི་བཀའ་ཅི་ལྟར་གནང་དགོས་སམ།

འཇང་འགྱུར་ལགས་ཆོས་རིག་ལས་ཁུངས་ཆོས་བརྒྱུད་ཁག་ལ་འབྲེལ་བ་ཡོད་པའི་རྒྱུ་མཚན་གྱི་ཆོ་བརྒྱུད་འཐུས་མི་མི་དགོས་པའི་རྒྱུ་མཚན་གཏན་ནས་མི་འགྲིག
གལ་སྲིད་འགྲིག་ན་ང་ཚོ་ལ་ཆོལ་ཁ་གསུམ་གྱི་འཐུས་མི་བཀའ་ཤག་དང་བཅས་པ་མི་དགོས་པ་གྱུར་ཏེ་༧གོང་ས་སྐྱབས་མགོན་ཆེན་པོས་མཚོན་མི་ཐུབ་པར་གང་ཡང་མེད་པའི་ཕྱིར།

དྲྭ་གྲོགས་དགེ་གསལ་དང་དབུས་ཕྲུག་གཉིས་ལ་ཞུ་རྒྱུ་ཞིག་ལ་སྔོན་གྱི་ལོ་ཙཱ་བ་དང་གྲུབ་པ་ཐོབ་པའི་སྐྱེ་བུ་རྣམས་ཀྱིས་སངས་རྒྱས་ཀྱི་གསུངས་པའི་བདེན་བཞི་མི་རྟགས་བཅུ་དྲུག་དེ་རྗེས་འཇུག་མཁས་པ་རྣམས་ཀྱིས་བརྩམས་པའི་གཏན་བཅོས་ལ་གཞི་བཅོལ་ཏེ་གཏན་ལ་དབབ་ནས་མཐར་འབྲས་བུ་མངོན་དུ་བྱས་ཡོད། བདེན་བཞི་ཞིག་པའི་སྐབས་ཀྱི་བདེན་པ་དེ་དོན་བསྡུས་ན་དངོས་ཡོད་ཀྱི་གནས་ཚུལ་ཞིག་ལ་ཟེར་གྱི་ཡོད། དེ་ལྟ་བུ་དངོས་ཡོད་ཀྱི་གནས་ཚུལ་དེ་རྟོགས་ནས་སངས་རྒྱས་འབྲས་བུ་མངོན་དུ་བྱེད་ཅིག་ཟེར་གྱི་ཡོད།
དེས་ན་ཆོས་བརྒྱུད་ཀྱི་འཐུས་མི་ཚོས་གང་མཐོང་བ་དང་གང་ཡོད་པ་གཉིས་པོ་དེ་བཤད་ཕོད་པ་དེ་སངས་རྒྱས་ཀྱི་རྗེས་འཇུག་དང་ནང་ཆོས་གཉིས་ཀའི་ཐོག་ནས་འགལ་བ་གང་ཡང་ཆགས་མེད།

ནོར་བཅོས་ ཆོས་རིགས་ལས་ཁུང་

ཁ་བའི་མེ་ཏོག་ལགས།
ཆོས་རྒྱུད་ཀྱི་སྤྱི་འཐུས་མི་དགོས་ཟེར་བ་ཙམ་གྱིས་མི་ཕན་འདུག་་་་་་་་་་་དེ་ལས་མི་དགོས་པར་དངོས་སྟོབས་རིག་པའི་སྒྲུབ་བྱེད་ཡོད་ན་བཀོད་རོགས་་་་་་་་་་་་དེ་མེད་ན་བརྒྱ་བཤད་སྟོང་བཤད་བྱེད་ཀྱང་ཁ་བའི་མེ་ཏོག་ལག་ཏུ་ལེན་པ་བཞིན་སྐད་ཅིག་གཅིག་གི་རྗེས་སུ་ཆུ་ལ་འགྱུར་འགྲོ་ནི་རེད་ཡ།

ཆོས་རྒྱུད་ཀྱི་སྤྱི་འཐུས་ཆོས་ཅན། མི་དགོས་པ་ཐལ། མི་དགོས་པའི་ཕྱིར།་་་ཞེས་བཀོད་ན་འདི་ནི་ཨུ་ཚུགས་ཅན་གྱི་རྟགས་སྣང་རེད། སྒྲུབ་བྱ་དུས་ནམ་ཡང་གྲུབ་པ་ཐུབ་ག་ལ་ཡོད།ཧཧཧཧ

དགེ་འདུན་རབ་གསལ་ལགས།

རིང་ནས་སྙིང་དུ་བརྣགས་པའི་འདོད་པའི་དོན། །
ཡོངས་རྫོགས་བོད་ལྗོངས་རང་དབང་གཙང་མའི་དཔལ། །
ལྷུན་འགྲུབ་ཆོས་སྲིད་ཟུང་འབྲེལ་དགའ་སྟོན་ལ། །
སྤྱོད་པའི་སྐལ་བཟང་མྱུར་བ་ཉིད་དུ་སྩོལ།

༧གོང་ས་མཆོག་གི་གསུངས་འདིའི་ཅི་ཞིག་བསྟན་པ་ཡིན་ཤེས་ཀྱིན་ཡོད་དམ།

ཆོས་རྒྱུད་ཁག་གི་སྤྱི་འཐུས་དགོས་མི་དགོས་ཞེས་པ་དེ་རྩོད་གཞི་ཚ་པོ་ཞིག་ཆགས་འདུག དེས་ན། འདི་ནི་དགེ་འདུན་པ་ཚོ་དང་ཆོས་པ་ཚོ་ལ་འདྲི་དགོས་འདུག “ཁྱོད་ཀྱིས་ཆོས་སྒྲུབ་འདོད་དམ་ཡང་ན་དགྲ་འདུལ་གཉེན་སྐྱོང་བྱེད་ན་འདོད། ཆོས་བཤའ་མ་སྒྲུབ་ན་འཇིག་རྟེན་གཡུགས་ཤིག དགྲ་འདུལ་གཉེན་སྐྱོང་བྱེད་ན་ཆོས་གཡུགས་ཤིག”
ཡང་ན་དྲི་བ་འདི། གྲུབ་ཆེན་མི་ལ་རས་པ་ལ་དྲིས་ཤིག ཡང་ན་དྲི་བ་འདི་རྗེ་ཙོང་ཁ་པ་ཆེན་པོ་དྲིས་ཤིག ཡང་ན་དྲི་བ་འདི་ས་པཎ་ཆེན་པོ་ལ་དྲིས་ཤིག ཡང་ན་དྲི་བ་འདི་སློབ་དཔོན་ཆེན་པོ་དྲིས་ཤིག འབབ་ས་དེ་ནི། ཆོས་དང་འཇིག་རྟེན་ཁ་ཁ་སོ་སོ་ཡིན། འདི་རེད། འདི་བདེན་པ་དེ་རེད། རྒྱལ་ཁབ་ཀྱི་གྲོས་ཚོགས་ཤིག་ཡིན་དུས། གནད་དོན་མང་པོ་ཡོད་པ་རེད། ཚོང་གི་ཁེ་སྤོགས་ཡོང་གི་རེད། བདེ་སྲུང་གི་མི་གསོད་ཁྲག་སྦྱོར་ཡོང་གི་རེད། འདི་ཚོ་ཚང་མ་གྲྭ་པའི་ལས་ཀ་མ་རེད། གནད་དོན་འདི་རེད།

ཕྱོགས་ཞེན་དུག་གིས་སྨྱོས་པའི་བོན་རྒྱ་བ།
འཐེན་འཁྱེར་རང་སྲོག་བཅད་པའི་གནམ་ལྕགས་བ།

སྤྱི་དོན་ཡིན་ན་རྩ་བའི་དམ་བཅའ་ལ།
རྟོག་གེ་རིག་པའི་སྒྲུབ་བྱེད་ཨེ་མཐོང་ལགས།

དངོས་ཡོད་གནས་ཚུལ་མིག་མདུན་སླེབས་པ་དང།
རྟོག་གེ་རིག་པའི་གནོད་པ་སླེབས་པའི་དུས།

ཕྱོགས་ཞེན་རྩ་བའི་དམ་བཅའ་གཏོང་ན་ལེགས།
འཐེན་འཁྱེར་རང་གསོད་དམ་བཅའ་དོར་ན་བཟང།

བློ་གྲོས་རྒྱལ་པོ་ལགས་ངས་གྲོས་ཚོགས་འཐུས་མི་ཡོད་པའི་རྒྱུ་མཚན་གྱི་ཆོས་སྲིད་ཟུང་འབྲེལ་མཚོན་དགོས་ཤིག་གཏན་ནས་བཤད་ཡ་མ་བྱུང་ཡིན་ནའང་ཆོས་བརྒྱུད་འཐུས་མི་དགོས་པར་རྒྱབ་སྐྱོར་ཞུ་མཁན་གྱི་གྲས་ཤིག་ཡིན་དེ་ནི་གང་ཟག་ལ་ལྟས་པ་མ་ཡིན་པར་གནས་ལུགས་དང་རྒྱུ་མཚན་ཐོག་ནས་ཡིན། གལ་སྲིད་ཆོས་སྲིད་ཟུང་འབྲེལ་མེད་པའི་ཉིན་མོ་ནས་ཆོས་བརྒྱུད་སྤྱི་འཐུས་མེད་པ་ཆགས་པའི་རེ་བ་དེ་སྟོང་གསང་ཁེངས་པའི་རེ་སྟོང་ཞིག་རེད་དེས་ན་བློ་རྒྱ་ཁྱེད་རང་ལ་རེ་དྭོགས་སོགས་ཡོད་ན་གཞན་པ་ལ་རྒྱབ་ན་དགའ་བ་སྙམ།

བློ་གྲོས་རྒྱལ་པོ་ཁྱེད་ཤ་ཚ་རི་བོ་གནམ་རྡིབ་ཀྱི་སེམས་ཁྲལ་མ་བྱེད་ཆོས་བརྒྱུད་སྤྱི་འཐུས་ཀྱི་ད་བར་༧གོང་ས་མཆོག་ལ་དབུ་འོག་དཔུང་འདེགས་ཀྱི་ཞབས་འདེབས་ཞུས་ཡོད་པ་ལས་ཞབས་འདྲེན་འཇོགས་མྱོང་མེད།

ཆོས་རྒྱུད་སྤྱི་འཐུས་དགོས་པ་རེད། མི་དགོས་ཞེས་པའི་དོན་ཁྱེད་ཀྱིས་མཁྱེན་གི་མེད་པ་འདྲ།

ཐུབ་བསྟན་རྒྱལ་མཚན་ལགས། ཆོས་བརྒྱུད་སྤྱི་འཐུས་དགོས་མིན་ཐད་ངས་གང་ཡང་ཞུ་ཤེས་ཀྱིན་མེད། ཡིན་ན་ཡང་། ཆོས་བརྒྱུད་སྤྱི་འཐུས་དགོས་་་་་ཟེར་མཁན་༧གོང་ས་མཆོག་ཡིན་མིན་ངས་གསལ་བོ་ཤེས་ཀྱིན་མེད་པས། ཁྱེད་ནས་དེའི་ཐད་ལ་་་རྩ་འཛིན་རུང་བའི་་་(accountable) གསལ་བཤད་ཅིག་གནང་ན་ཀུན་ལ་ཕན་ཆེ་བ་འདུག་སྙམ་ན། དེ་ལྟར་བཀའ་ལན་ཞིག་གནང་རྒྱུའི་རེ་བ་ཆེ།