༧གོང་ས་མཆོག་སྐུ་སྒེར་གྱི་བོད་ཡིག་དྲ་རྒྱ་དེ་བོད་རིགས་དང་བོད་ཡིག་ཤེས་མཁན་དད་ལྡན་མང་ཚོགས་ཀྱི་ཆེད་དུ་ལོ་འདིའི་གསུམ་བཅུའི་དུས་དྲན་གྱི་ཉིན་མོ་དང་སྟབས་བསྟུན་དབུ་འབྱེད་གནང་རྒྱུ་རེད།
ཕྱི་ཚེས་ ༩ ཉིན་འདི་གའི་གསར་ཁང་གིས་སྐུ་སྒེར་དྲུང་ཆེ་རྔ་པ་ཚེ་རྒྱམ་ལགས་སུ་བཀའ་འདྲི་བརྒྱུད་ཤེས་རྟོགས་བྱུང་བ་ལྟར་ན། ༧རྒྱལ་བ་རིན་པོ་ཆེ་སྐུ་སྒེར་གྱི་བོད་ཡིག་དྲ་རྒྱ་དེ་ཕྱི་ཚེས་ ༩ ཉིན་དབུ་འབྱེད་གནང་རྒྱུ་ཡིན་པ་དང་། དྲ་རྒྱ་དེ་དབུ་འབྱེད་གནང་དགོས་པའི་ཐད་ཁོང་གིས་གསུངས་དོན། དེང་སྐབས་བོད་ཕྱི་ནང་ཀུན་ཏུ་བོད་རིགས་ཚོ་དང་ལྷག་པར་དུ་སློབ་མ་དང་སྤྱི་ཚོགས་སྟེང་གི་ཤེས་ལྡན་མི་སྣ་དག་གི་ཁྲོད་བོད་ཡིག་གི་དྲ་རྒྱར་ལྟ་ཀློག་གི་གོམས་གཤིས་འདི་སྔར་ལས་ཇེ་མང་དང་ཇེ་དར་ཡིན་སྟབས་བོད་ཡིག་དྲ་རྒྱའི་བརྒྱུད་ལམ་གྱི་དགོས་མཁོ་འདི་གལ་ཆེན་པོ་ཆགས་པ་དང་། རྒྱལ་བ་རིན་པོ་ཆེ་མཆོག་དང་བོད་མི་རིགས་ཀྱི་འབྲེལ་བ་དེ་ནི་ཐུན་མོང་མ་ཡིན་པ་ཞིག་ཡིན་སྟབས་མགོན་པོ་གང་གི་བཀའ་སློབ་དང་གསུང་ཆོས། གསུང་འཕྲིན་མཐའ་དག་བོད་མི་རིགས་ལ་དུས་ཐོག་ཏུ་མཁོ་སྤྲོད་ཐུབ་རྒྱུ་བཅས་ཀྱི་དམིགས་ཡུལ་ལ་བརྟེན་ནས་དྲ་ཚིགས་འདི་སྒོ་ཕྱེ་བ་རེད་ཅེས་དང་། ཡང་ཁོང་གིས། སྤྱིར་བཏང་རྒྱལ་བ་རིན་པོ་ཆེ་མཆོག་གི་མཛད་པ་འཕྲིན་ལས་དེ་དག་རླབས་ཆེན་པོ་ཡིན་པ་ནི་བོད་རིགས་སུས་ཀྱང་ཤེས་གསལ་ཡིན་རུང་། ཡང་ཞིབ་ཕྲའི་གནས་ཚུལ་སྟེ། ཁོང་རིགས་ལ་རྒྱལ་སྤྱིའི་སྟེང་གི་མིང་རྟགས་ཆེ་བའི་ཕྱག་རྟགས་དང་ཤེས་ཡོན་གྱི་ཕྱག་འཁྱེར་གང་དང་གང་ཐོབ་ཡོད་མེད། ཁོང་གི་ད་བར་གྱི་ཆིབས་སྒྱུར་གྱི་རིམ་པ། དེ་བཞིན་འཛམ་གླིང་གི་དབུ་ཁྲིད་དང་སྐྱེས་ཆེན་སུ་དང་སུ་ལ་མཇལ་འཕྲད་གནང་ཡོད་མེད། ཁོང་གི་དགོངས་གཞི་གལ་ཆེའི་རིགས་གང་དང་གང་ཡིན་སོགས་རེ་རེ་བཞིན་གསལ་བོར་རྟོགས་མཁན་དཀོན་པོ་ཡིན་སྟབས་འདིའི་རིགས་དྲ་ངོས་སུ་ཡོད་པ་རེད། རྗེས་ཕྱོགས་རྒྱལ་བ་རིན་པོ་ཆེ་མཆོག་གི་དགོངས་གཞི་དང་སྐུ་ཚེའི་ལོ་རྒྱུས་སོགས་ཀྱི་ཐད་ཉམས་ཞིབ་གནང་མཁན་འདྲ་ཡོད་ན་བོད་ཡིག་གི་ཡིག་ཆ་མང་པོ་ཞིག་སྟབས་བདེའི་ངང་དྲ་ཐོག་ནས་རག་ཐུབ་གི་རེད་ཅེས་ཀྱང་གསུངས།
དྲ་རྒྱ་འདི་ལ་ད་དུང་དད་ལྡན་མང་ཚོགས་ཀྱི་རེ་བ་དང་འཚམ་པའི་དམིགས་བསལ་གྱི་ཁྱད་ཆོས་ཤིག་ཡོད་པ་ནི། ༧གོང་ས་མཆོག་གིས་ངྷ་རམ་ས་ལ་སོགས་ས་གནས་གང་ཞིག་ནས་གསུང་ཆོས་གནང་བ་ཡིན་ན་དེ་དྲ་རྒྱ་བརྒྱུད་ནས་ཐད་ཀར་ཏུ་རྒྱང་བསྲིངས་བྱ་རྒྱུ་ཡིན་སྟབས། དྲ་རྒྱའི་སྐུད་ལམ་ཡག་པོ་ཡོད་ཚེ་བཀའ་ཆོས་མཐའ་དག་ཐད་ཀར་དྲ་ལམ་ནས་གསན་ཐུབ་ཀྱི་ཡོད་འདུག
ཡིན་ཡང་། གཞིས་ལུས་མི་དམངས་ལ་མཚོན་ན་རྒྱ་ནག་གི་དམ་དྲག་འོག་ནས་༧གོང་ས་མཆོག་དང་བོད་དོན་དང་འབྲེལ་བའི་དྲ་རྒྱའི་བརྒྱུད་ལམ་ནི་རང་དབང་མིན་སྟབས་དུས་ཐོག་ཏུ་གཟིགས་ཐུབ་མིན་ལ་དཀའ་ངལ་ཡོད་ཀྱང་། སྐུ་སྒེར་དྲུང་ཆེ་རྔ་པ་ཚེ་རྒྱམ་ལགས་ཀྱིས་འདིའི་ཐད་ལའང་དེང་གི་དྲ་རྒྱའི་རིག་གནས་དང་འབྲེལ་ཏེ། ལག་རྩལ་གྱི་ངོས་ནས་དཀའ་ངལ་སེལ་ཐུབ་པའི་རིགས་ཅི་ནས་ཀྱང་སེལ་ཐབས་གནང་གི་ཡིན་སྐོར་གསུངས་སོང་ལ། དེ་བཞིན་རྒྱལ་བ་རིན་པོ་ཆེ་མཆོག་གི་དྲ་རྒྱ་འདི་ནི་ད་ཆ་གསར་དུ་སྒོ་ཕྱེ་བ་ཡིན་སྟབས། ག་ལེར་དྲ་རྒྱའི་རིག་གཞུང་གི་འཕེལ་ཕྱོགས་དང་བསྟུན་ནས་ཡར་རྒྱས་གཏོང་དགོས་ས་གང་ཡོད་པ་དག་རིམ་བཞིན་ཡར་རྒྱས་སུ་གཏོང་གི་ཡིན་ཅེས་གསུངས་བྱུང་།
༧གོང་ས་རྒྱལ་བ་རིན་པོ་ཆེ་མཆོག་གི་སྐུ་སྒེར་གྱི་དྲ་ཚིགས་ནི་ www.gyalwarinpoche.com ཞེས་པ་འདི་རེད། དད་ལྡན་མང་ཚོགས་ཀྱིས་ཐུགས་སྣང་ཡོང་བ་ཞུ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
( རོགས་སྐྱོར་གནང་བ་ )
༄༄།། ད་ལམ་ཉག་ཕྲ་བའི་དུས་སྐབས་འདིར་རང་བྱུང་ཁོར་ཡུག་ལ་ས་ཡོམ་གྱི་གནོད་འཆེ༹་འོག། འཇ༹མ་གླིང་ཕྱོགས་གང་ས་དང་ལྷག་པར་དུ་རང་རིགས་བོད་ཀྱི་ཡུལ་ཤུལ་ས་ཁུལ་སྐྱེ་རྒུ་གྲོང་སྡེ་དང། རོང་པོ་ སྐར་མདའ་ འབྲོག་མདའ་ ཁྲུན་འདུ་ ནང་ཆེན་བཅས། ས་ཕྱོགས་གང་ས་ལ་ས་ཡོམ་གྱི་གནོད་སྐྱོན་ཆ༹བ་ཆེན་བྱུང་ཡོད་པར་བརྟེན། དཔལ་ལྡན་ར་ཉག་དགོན་ཕུན་ཆོ༹གས་ཐེག་ཆེན་གླིང་གི་ཁྲི་པ་སྐྱབས་རྗེ་ལྡན་མ་ཁམས་མགྱོགས་རིན་པོ་ཆེ་མཆོག། ས་ཡོམ་གྱི་རྐྱེན་ངན་བྱུང་བ་གསོན་མ་ཐག་མྱུར་དུ་ Taiwan ནས་མཁའ་ལམ་རྒྱུད་ཟིར་ལིང་ལ་ཕེབས། དེ་ནས་ཁོང་གི་ཐབས་ཤེས་རྒྱུད་དམིགས་གསལ་སྨན་པ་ཁ་ཤས་ཁྲིད་ནས་ཡུལ་ཤུལ་ས་ཁུལ་དུ་ཕེབས་འདུག་པ་མ་ཆ༹ད། ར་ཉག་དགོན་པའི་དགེ་འདུན་པ་ ༡༧༠ དང་ལྷན་དུ་མི་རྒྱུ་གཉིས་གི་ཐོག་རོགས་རིམ་རྒྱ་ཆེར་གནང་འདུག། ལྷག་པར་དུ་ར་ཉག་དགོན་པའི་དགེ་འདུན་པ་ཆོ༹འི་ས་འོག་ནས་བོད་རིགས་ཉིས་བརྒྱ་ལྷག་གི་ཆེ༹་སྲོག་སྐྱོབ་གནང་ཡིན་པ་རེད། སྤྱིར་གནས་ཆུ༹ལ་གོ་དོན་ལྟར་ན། ཁམས་མགྱོགས་རིན་པོ་ཆེ་དགོན་པ་གསར་པ་ཧ་ཅང་གི་ལེགས་གྲུབ་བྱུང་ཡོད་ཀྱང་ཡིན་ན་ས་ཡོམ་གྱི་གནོད་སྐྱོན་ཆ༹བ་ཆེན་བྱུང་ཡོད། འོན་ཀྱང་ཁོང་གིས་གནས་ཆུ༹ལ་དེ་དག་ལ་མ་གཟིགས་ནས་རང་རིགས་སྤུན་ཟླ་ཤུལ་ལུས་རྒྱ་ཆེར་མི་དམངས་ཡོངས་ཀྱི་ཆེད་དུ་དམིགས་སྟེ། ད་ལྟ་བར་དུ་འགྲོ་སོང་གཏོང་ཆོ༹ད་བྱས་ན། གྲོ་འབྲས་རྒྱ་མ་༡༢༠༠༠ ཅ༹མ་པ་རྒྱ་མ་༡༥༠༠ མར་རྒྱ་མ་༡༠༠༠ ཐུག་པ་ཤོག་སྒམ་༡༠༠༠ ཉལ་ཆས་༣༠༠༠ གྱོན་ཆས་༢༥༠༠ རས་གུར་༡༠༠ དེ་མིན་ཟས་རིགས་འདྲ་མིནདང་ ཉམ་ཐག་དབུལ་པོ་ཁྱིམ་ཆ༹ང་རེ་ལ་སྒོར་༣༠༠ གནང་ཡོད། བསྡོམས་པས་རྒྱ་སྒོར་ཁྲི་ ༢༡༥ ལྷག་གཏོང་ཟིན་ཀྱང་ད་དུང་ཡོང་མི་མཐུད་ནས་གནང་རྩིས་ཡིན་འདུག། དེ་ཡང་མ་ཆ༹ད་རིན་པོ་ཆེ་ཁོང་གིས་ཤུལ་ལུས་ཡོངས་ཀྱི་ཆེད་དུ་དམིགས་ནས་ཕྱི་རྒྱལ་ཡུལ་གྲུ་དང་རྒྱ་ནང་གི་ཆོ༹གས་པ་ཁག་སོ་སོ་ལ་རོགས་རིམ་འབོད་བསྐུལ་གནང་འཆར་ཡིན་འདུག་པ་མ་ཆ༹ད་ཁོང་གིས་གསར་འཇུ༹གས་གནང་བ་སྨོན་ལམ་ཆོ༹གས་ཆུང་རྒྱུད། ཆེ༹་འདས་ཡོངས་ཀྱི་ཆེད་དུ་ཉིན་ལྟར་སྐྱབས་གནས་འཕགས་པའི་དགེ་འདུན་པ་རྣམས་ཀྱི་བསྔོ་བ་སྨོན་ལམ་དང་མི་དམངས་བརྒྱ་ཕྲག་དུ་མ་ནས་འཕགས་མཆོག་སྤྱན་རས་གཟིགས་ཀྱི་གཟུངས་སྔགས་འབུམ་ཆོ༹གས་ཆོ༹གས་ཀྱི་ཡོད་རེད་ཟེར། གོང་གི་གནས་ཆུ༹ལ་དེ་དག་ས་གནས་དགོན་པའི་གྲ་བློ་བཟང་གི་གསུང་པ་ལྟར་བྲིས་ཡིན། སྤྱིར་གསར་འགྱུར་རྒྱུད་ལམ་ཁག་ནས་གནས་ཆུ༹ལ་སྤེལ་བ་ལྟར་ན། རང་ཡུལ་གངས་ཅན་ལྗོངས་ནས་ཆོལ་ཁ་སོ་སོ་དགོན་སྡེ་ཁག་དང་བླ་ཆེན་རྣམ་པ་གཅོ༹ས་རང་རིགས་བོད་ཀྱི་ཡུལ་ཤུལ་ས་ཁུལ་ལ་རོགས་རིམ་རྒྱ་ཆེར་གནང་ཡོད་པ་མ་ཆ༹ད། ཕྱི་རྒྱལ་ཡུལ་གྲུ་ཁག་སོ་སོ་དང་ སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་དབུས་རིས་མིན་བླ་ཆེན་རྣམ་པ་དང་དགོན་སྡེ་ཡོངས་ཀྱི་རོགས་རིམ་གནང་ཡོད་པས་འདིར་མ་བྲིས་སོ།།
༸གོང་ས་མཆོག་གི་བོད་ཡིག་དྲ་རྒྱ་དབུ་འགྱེད་མནང་བར་སྙིང་ཐགས་པ་ནས་དགའ་བསྲུ་དང་། འབྲེལ་ཡོད་ཚང་མར་ཐུགས་རྗེ་ཆེ་ལན་རྒྱར་ཞུ་
༧གོང་ས་མཆོག་གི་བོད་ཡིག་དྲ་རྒྱ་དབུ་འབྱེད་གནང་ཡང་ དེར་གཅེས་འཛིན་གནང་མཁན་ག་ཚོད་ཡོད་ན་
ཡིག་གཟུགས་བསྒྱུར་ཐབས་ཇི་བྱས་ཀྱང་ཕན་འབྲས་མ་བྱུང། དྲ་གྲོགས་ཚོས་གཤམ་གྱི་གུས་པའི་བསམ་ཚུལ་དེ་ཀློག་འདོད་མཆིས་ཚེ་ཀྲི་སི་ཨར་སི་བོད་ཡིག་བེད་སྤྱོད་གནང་རོགས།།
¼-M-„Àô-hzP-¾GÅ-PÅ-hGôh-ƒôºÛ-z¹ôÅ-G¼-ºFz-¤Û-ÁïÅ-¾-hôm-¤ïh-Vô¾-Gb¤-¬-Mã¼-»P-hï-®¤-¤Û-hGºü uÛ¼-GP-ŸÛG-¤ïh-q-mÅ-»ôh-q¼-zCæm-hGôÅ-q-mÛ-G¾-Vï-¾-hï-zÅ-h-¿eºÛºV¼-zôh-»ÛG-GÛ-i-M-Gż-zCæm-ŸÝ-Mã-mÛ-G¾-VïºÛ-mP-GÛ-hôm-Vïm-hÝ-zŤ-zŸÛm-»ôhü h-hÝP-i-M-ÅôGÅ-GP-ŸÛG-Gż-zCæm-‚ïh-q¼-h;º-P¾-ÅôGÅ-È-TP-¾¤-fG-¼ÛP-¤ô-ŸÛG-zMãh-hGôÅ-q¼-»Ûh-VïÅ-»ôhü hïºÛ-xÛ¼-i-M-z¸ô-zCæm-q-DôP-n¤Å-ˆÛ-¤²h-XïÅ-¾-»Ûh-¼P-ŸÝ-hP-ŸÝü ºôm-ˆP-i-M-hï-zŸÛm-GP-¸G-GP-»P-¼ÞP-z-ŸÛG-GÛ-GmÅ-Ç+zÅ-ˆÛ-±ôP-¾¤-¿e-zÞ-ŸÛG-¤Ûm-qÅ-hï-¾-z¯Û-¤fôP-hGôÅ-G¾-Vï-z-¤-¸h-i-M-ºhÛ¼-z¿e->ÀôG-¤Dm-ÁïÅ-»ôm-»ôh-¤Ûm-¾-¤-z¿eôÅ-q¼-º²¤-JÀÛP-GP-Å-mÅ-GP-¤P-wïzÅ-Gbm-ºDï¾-zÅ-hP-fôG-mÅ-¤ÛP-±ÛG-hG-V-ljô¤Å-ÅÞ-GmÅ-q-ŸÛG-‚ãP-m-„Àâm-qô-Vß-Ço-G¼-FÛh-P-ºi-z¼-¤Gô-zô-¤Û-©ôPÅ-zºÛ-Eh-q¼-¤VÛÅ-qÅ-uÛ-¤±ßPÅ-ˆÛ-ºiÛ-ÇePÅ-ÁÛG-»ôh-q-hG-zïh-uôh-GmP-Mã¼-¼ï-ºzôh-zŤ-±ß¾-ƒÛÅ-q¼-hGôh-ƒô-hGôÅ-Mã-TP-¤-¤VÛÅü ºôm-ˆP-ÁïÅ-hGôÅ-q-ŸÛG-¾-ºyïP-hP-ü yïP-GZÛÅ-¾-Eh-q¼-»ôh-q-hP-yïP-ºƒÛ-¾ô-z-¾Å-ºyïP-ºƒÛ-±ß¾-¤ïh-zÇ+ô¼-GP-»P-ŸÝÅ-¤ïh-q-¤-¸h-M-»ÛG-i-M-hP-ü zôh-»ÛG-i-M-GP-»Ûm-¼ÞP-»P-m-yïïP-TïÅ-ƒÛÅ-h-¤Ûm-m-ºyïP-TïÅ-GZÛÅ-;-GTÛG-¤±ßPÅ-ÅÞ-ƒÛÅ-m-¤fôP-zhïºÛ-Eh-q¼-hÝ-ƒÛÅ-qÅ-¾Å-ÁïÅ-‚-»ôm-bm-HÛÅ-wÞP-zºÛ-zÞ-«ôm-PÅ-¼P-ºhôh-IGÅ-ºhôh-hP-ü Pô¤-z¸ô-ÇeôP-q-ÅôGÅ-ˆÛ-Vïh-i-±P-ºhÛ¼-ºÞ¼-¸ÛP-ÇÀôP-hGôÅ-hôm-¤Ûm-ºhÝG-¾-hï-zÅ-i-M-z¸ô-zCæm-q-hG-¾-zljàm-º²âGÅ-‚ïh-hGôÅ-hôm-¤Ûm-ºhÝG-m-i-M-z¸ô-zCæm-q-hG-G¾-bï-GÝÅ-qÅ-ƒÛÅ-qºÛ-zŤ-±ß¾-¾-mô¼-ºFâ¾-»ôh-m-PôÅ-¾ïm-D¼-hGôPÅ-zÅï¾-ŸÝ-hP-ŸÝü hï-¤Ûm-ÆP-¾¤-z¼-hôºÛ-n¤-ÁïÅ-ˆÛ-Ç+h-Pm-ºÞ¼-Áôz-zÁôh-¤Dm-ÅÞ-¤VÛÅ-hG-¾-PÅ-hÝÅ-mÅ-hÝÅ-ÅÞ-»-¾m-‚-¯ÛÅ-»ôhü hï-mÛ«ôm-q-PºÛ-Gô¤Å-ºiÛÅ-»Ûmü
རྣམ་དཔྱོད་ལྡན་པ་བུ་སྨྱོན་པ་མཆོག་གིས་ལྷག་བསམ་བརྩེ་བ་ཟབ་མོའི་ངང་ནས་འདི་ལྟར་བོད་ཡིག་ལ་གཅེས་སྤྲས་ཀྱི་བསམ་པ་བསྟན་ཏེ། འཕྲེང་དང་ཕྲེང་ལ་ཡིད་གཟབ་བྱེད་དགོས་པར་གསུངས་པ་ནི་ཤིན་ཏུ་བཀའ་དྲིན་ཆེ་མོད། དྲ་རྒྱ་འདིར་ཕྱག་འཆང་མཁན་དག་གིས་ཀྱང་དུས་ཡུན་ཤིན་ཏུ་ཐུང་ངུའི་ནང་། ཡིག་གྲངས་འབུམ་ཕྲག་བརྒལ་བའི་དྲ་རྒྱ་འདི་དང་། འདིའི་བཟོ་བཀོད་བཅས་ཇི་ལྟར་ཇི་ལྟར་བཞེངས་སྐྲུན་བྱས་པར་ཞིབ་མོར་བསམ་དགོས་ལ། ཆེད་ལས་བསྐོ་གཞག་གི་སྡེ་ཚན་དག་ན་ཇི་ལྟ་བུའི་ཕྱག་རྗེས་མངོན་བཞིན་པར་ཞིབ་བསྡུར་རེ་ཡང་བྱེད་ཐུབ་ན་ལེགས་པར་སྙམ། སྤྱིར་བཏང་ལས་དོན་གང་ཡིན་ཀྱང་རྩ་བ་ནས་རྩེ་མོའི་བར་རིམ་བགྲོད་བྱེད་དགོས་སྟབས། གནས་ཚུལ་ཅིག་མཐོང་ཙམ་ནས་འུར་ལོང་ལོང་བྱེད་པ་འདི་ཡང་དགོད་བྲོ་བ་ཞིག་སྟེ། མིག་གཉིས་ཡོད་པ་ནི་འགྲོ་བ་མི་ཀུན་གྱི་ཐུན་མོང་བ་ཞིག་ཡིན་སྟབས། སྔ་ས་ཞིག་ནས་ངོམ་སོ་བྱེད་དགོས་དོན་ཅི་ཡང་མི་འདུག་སྙམ་ལ། འཕྲིན་ལས་ཕྲེང་སོགས་གང་ཡང་རུང་ཞེས་པ་ནི་རང་རེའི་མེས་པོ་རྣམས་བརྒྱུད་འོངས་པའི་ལམ་སྲོལ་དང་། བོད་སྐད་ཀྱི་ཆོས་ཉིད་ལ་མཐུན་པ་ཞིག་གོ། ། གྲོགས་པོ་རྣམ་པ། འཕྲེང་དང་ཕྲེང་གི་ཁྱད་པར་ཙམ་ཞིག་ལ་ཡིད་གཟབ་བྱེད་དགོས་པ་ཅི་ཞིག་འདུག་སོམས་ཤིག
དྲ་རྒྱ་བཟོ་མཁན་གྱིས་ལྗགས་ལན་གནང་བ་ལྟར་ན་དག་ཡིག་མཁས་པ་དགའ་བསྐྱེད་ལས་འཕྲིན་ལས་ཕྲེང་སོགས་གང་ཡང་རུང་ཞེས་གསལ་ལ་ལྟར། ཕྲེང་དང་ཕྲིན་ལས་ལ་སྔོན་འཇུག་འ་ཡོད་མེད་གང་ཡང་རུང་སྐོར་གསུངས་སོང་ངོ། །
འདི་ལན་ཡིན།
བྱ་བ་བཟང་པོ་འདིར་འབྲེལ་ཡོད་ཚང་མར་སྙིང་ནས་ཐུགས་རྗེ་ཆེ་ཞུ། ངོ་མ་སེམས་པ་དགའ་སོང་།།
གཏམ་བཟང་སོང་། འོན་ཀྱང་༸གོང་ས་༸སྐྱབས་མགོན་རྒྱལ་དབང་སྐུ་འཕྲེང་བཅུ་བཞི་པ་ཆེན་པོ་མཆོག་ཅེས་པའི་བོད་ཡིག་དྲ་རྒྱའི་ཐོད་དུ་བྲིས་པའི་སྐུ་འཕྲེང་ཅེསཔའི་འཕྲེང་དེ་དེ་ལྟར་ཡིན་འགྲོ་ཕྱག་ལས་གནང་མཁན་ཚོས་གང་གཟབ་གཟབ་གནང་རོགས། དེ་ཡིན་ན་རྒྱ་ཡིག་དྲ་རྒྱའི་ཐོད་སྐུ་ཕྲེང་ཅེས་བྲིས་འདུག་པས་གང་ལྟར་གཅིག་ལ་བཟོ་བཅོས་གནང་དགོས་འདུག་ལགས་ན་རྣམ་མངའ་འཚལ།
བསམ་དོན་འགྲུབ་སོང་། བཀའ་དྲིན་ཆེ།
བོད་ཡིག་དྲ་ཚིགས་ངསར་སྤེལ་གནང་བ་དགའ་བསུ་ཡོད་
དེ་ནི་བྱ་བཟང་ཞིག་རེད། འོན་ཏེ་དྲ་རྒྱ་འདི་བཏང་འཛིན་བྱ་མཁན་སུ་འདྲ་རེད། ཡི་གེའི་དག་སྡེབ་འཁྲུལ་མེད་ཅིག་གཏོང་ཡོང་རོགས་ཞེས་སྔ་ས་ནས་སྨོན་ལམ་རྒྱག་གི་ཡིན།
དྲ་རྒྱ་དང་དྲ་རྒྱ་འདིའི་མཚན་བྱང་ལ་དེ་བས་དགའ།
ད་ཡིན་ན་ཡག་པོ་བྱུང་འདུག་ངས་དེ་སྔ་ནས་དེ་འདྲ་ཞིག་་བྱུང་ན་བསམ་གྱི་ཡོད།
༸གོང་ས་མཆོག་གི་བོད་ཡིག་དྲ་རྒྱ་འདི་ལྟར་འཇིག་རྟེན་འདིར་གསར་ཐོན་བྱུང་བར་ང་ཚོ་གཞིས་བྱེས་བོད་མི་ཙམ་མ་ཟད། བོད་ཡིག་ལྟ་ཀློག་དང་བོད་སྐད་བཤད་ཉན་བྱེད་མཁན་ཡོད་དོ་ཅོག་གི་སེམས་ཀྱི་ལོངས་སྤྱོད་ཆེན་པོ་ཞིག་རེད།
སྔ་ཕྱི་བར་གསུམ་དུ་ལས་དོན་དེའི་ཐོག་སྐུལ་འདེད་གནང་མཁན་དང་། བགྲོ་གླེང་གནང་མཁན། ད་ལྟ་ལས་དོན་དངོས་སུ་གཉེར་མཁན་ཚང་མར་བཀའ་དྲིན་བླ་མེད་དུ་ཆེ་ཞུ་རྒྱུ་ཡིན།
ཕྱག་ན་པདྨོའི་བྱིན་རླབས་བདུད་རྩིའི་རྒྱུན།།
བདག་སོགས་སྙིང་གི་ཟུངས་སུ་རྟག་སྨིན་ཅིང་།།
བཀའ་བཞིན་སྒྲུབ་པའི་མཆོད་པས་རབ་བསྙེན་ནས།།
ཀུན་བཟང་སྤྱོད་མཆོག་རྒྱ་མཚོ་མཐར་ཕྱིན་ཤོག།
འདི་ནི་ངོ་མ་ཐལ་མོ་སྦྱར་འོས་བ་ཞིག་རེད།
དད་གུས་དང་འཚམས་ཞུ་བྱེད། འདི་དོན་ཐུགས་ཁུར་གནང་མཁན་རྣམས་ལ་ཐུགས་རྗེ་ཆེ།
དེ་རིང་༸གོང་ས་མཆོག་གི་བོད་ཡིག་དྲ་ཚིགས་ལ་མཇལ་སྐལ་བྱུང་བས། ཡུད་ཙམ་ལ་འདི་རྨི་ལམ་ཡིན་ནམ་སྙམ་པ་ཞིག་བྱུང་ལ། ཡིད་སེམས་དགའ་དད་ཀྱིས་སྨྱོས་སོང་། སྔོན་ཆད་ཁོ་བོ་བོད་ནང་ཡོད་དུས། བོད་ནང་གི་བོད་མི་མང་བོ་ཞིག་གིས་མཇལ་ཐུབ་ཆེད། ཁོང་གི་བཀའ་སློབ་མང་བོ་ཞིག་རེ་རེ་བྱས་ནས་གློག་ཀླད་ནང་བཏགས་པའི་ངལ་བ་བསྟེན་པ་ཡིན། ད་ཡིན་ན་སྟབས་ཡག་སོང་།
སྐུ་སྒེར་ཡིག་ཚང་གི་ལས་བྱེད་རྣམ་པ་དང་། ལྷག་པར་དྲ་ཚིགས་དང་དངོས་སུ་འབྲེལ་ཡོད་རྣམས་ལ་སྙིང་ཐག་པ་ནས་བཀྲིན་ཆེ་ཞུ་དང་། ང་ཚོ་གཞིས་བྱེས་བོད་མི་མང་དག་ཞིག་གིས་ཡུན་རིང་རེ་སྒུག་བྱས་པའི་འབྲས་བཟང་དོན་སྨིན་བྱུང་བ་རང་མི་རིགས་ཀྱི་སྐད་ཡིག་འདི་ཡར་རྒྱས་འཐོར་འདེགས་ཀྱི་བྱ་བ་རླབས་ཆེན་ཞིག་ལ་བརྩི་ཆོག ད་དུང་མུ་མཐུད་མེད་པ་ནས་ཡོད་པ། ཆུང་བ་ནས་ཆེན་པོའི་ཡར་རྒྱས་གོང་སྤེལ་ཡོང་བའི་རེ་བ་ཞུ།
ད་བར་དྲ་རྒྱ་དེ་འདྲ་ཞིག་བྱུང་ན་སྙམ་ནས་ཡོད། དེ་ཐེངས་ཀྱི་གཏམ་བཟང་འདི་གོ་རྒྱུ་འབྱུང་བ་ཧ་ཅང་གི་དགའ་པོ་བྱུང་མ་ཟད་འབྲེལ་ཡོད་ལས་ཐོགས་པ་རྣམས་ལ་ཐུགས་རྗེ་ཆེ་ཞུ། ངས་རེ་བ་ཞིག་ལ་རྒྱལ་བ་རིན་པོ་ཆེའི་གསུང་ཆོས་གནང་ཚར་བ་ཐམས་བཅད་ས་གནས་གང་དང་དུས་ཚོད་སོགས་འདིར་དགོས་ཐུབ་ན་ཧ་ཅང་གི་ཡག་པོ་ཡོང་ས་རེད་པས་དགོངས་ལྗགས་འཚལ།
ཐུགས་རྗེ་ཆེ་ཞུ་བ་དང་ཆབ་གཅིག་བཀྲ་ཤིས་བདེ་ལེགས་ཞུ
རྒྱལ་བ་རིན་པོ་ཆེའི་དྲ་རྒྱ་དབུ་འབྱེད་ཟིན་པར་ཧ་ཅང་དགའ་བོ་བྱུང་། ལྷག་པ་དུ་ཁོང་གི་མཛད་མཆར་མང་པོ་ཞིག་སྔོན་ལ་ཤེས་ཐུབ་པ་དང་། ས་གནས་གང་དུ་དསུང་ཆོས་གནང་སྐབས་དང་སྟབས་བསྟུན་ཁོངས་སོ་སོས་ཆོས་འབྲེལ་བྱེད་ཐུབ་པ་དེ་ཧ་ཅང་གི་རིན་ཐང་ཆེ་པོ་ཞིག་རེད་བསམ།
ཡིན་ནའང་བླ་མའི་ཞལ་དངོས་སུ་མ་འཇལ་ནའང་སྒྲ་སྒམ་དང་དྲ་ལམ་བརྒྱུད་ནས་ཆོས་འབྲེལ་དེས་ཆོས་ཀྱི་བྱིན་རླབས་སྐྱེས་ཐུབ་སམ་མི་ཐུབ། དྲ་གྲོགས་ཚོས་ལན་ཁ་གསལ་དང་རྒྱུ་མཚན་ཡོད་པ་ཞིག་གནང་རོགས།
བཀའ་དྲིན་ཆེ། གཙོ་བོ་བོད་ནང་ནས་ཀློག་ཐུབ་ན་ཕན་ཐོགས་ཆེན་པོ་ཡོད་པ་རེད།
གཏམ་བཟང་དེ་འདྲ་རྒྱུན་རིང་སྒུག་ནས་བསྡད་དེ་ད་བཟོད་གཞི་ནས་མཐོན་བྱུང་བར་བཀྲ་ཤིས་བདེ་ལེགས་ཞུ་བ་དང་དྲ་རྒྱ་སྒོ་ཕྱེ་རྒྱུར་དཀའ་ངལ་གང་ཡང་མིན་འདུག
སྒོ་ཕྱེ་ཐུབ་ཀི་དྲྭཚིགས་འདིར་དོན་མེད་འབྲེལ་མེད་སོགས་མི་གླེང་རྒྱུ་ཧ་ཅང་གལ་ཆེ་བས་དྲྭ་གྲོགས་ཚོས་གཟབ་པར་འཚལ།
གོང་དུ་ལུང་རིགས་རྒྱལ་གྱིས་བཤད་པ་ལྟར་བྱས་ན་ཡག་པོ་བལྟ་ཐུབ་ཀི། བཟོ་སྟངས་དེ་ལ་ཁྱད་ཆོས་མ་འདྲ་བ་ཞིག་འདུག
དྲ་གྲོགས་ཚོར། དྲ་རྒྱ་མུ་མཐུད་ནས་སྒོ་ཕྱེ་མི་ཐུབ་ཚེ་ http://www.gyalwarinpoche.com/ ཞེས་བྲིས་ན་ཕལ་ཆེར་དཀའ་ངལ་དེ་སེལ་ཐུབ་གི་རེད། ངས་དྲ་ཤོག་ explore, firefox, safari བཅས་ཚང་མའི་ནང་ཚོད་ལྟ་བྱས་སྐབས་ཡག་པོར་འཆར་གི་འདུག གློག་ཀླད་ PC དང་ Mac གཉིས་ཀྱི་ནང་ནས་བལྟས་ཀྱང་གཅིག་པ་རེད། ཡག་པོ་འཆར་གི་འདུག ད་ནི་དཀའ་ངལ་དེ་འདྲ་འཕྲལ་དོགས་མེད་བསམ་ཡོད།
གོང་གི་དྲ་འབྲེལ་ལ་བསྣུན་ནའང་ཤར་རྒྱག་རྒྱལ་བ་རིན་པོ་ཆེའི་དྲ་ངོས་སུ་འགྲོ་གི་རེད།
ཕན་ཐོགས་པའི་རེ་བ་དང་བཅས།
སྒོ་ཕྱེ་ཐུབ་སོང་། ཐུགས་རྗེ་ཆེ།
གལ་སྲིད་དྲ་རྒྱ་འདི་སྒོ་འབྱེད་བྱེད་མི་ཐུབ་པའི་དཀའ་ངལ་བྱུང་ཚེ། འཕྲལ་དུ་གློག་ཀླད་གཞན་ནས་ཚོད་ལྟ་བྱེད་པའམ་ཡང་ན། གློག་ཀླད་སྒོ་བསྐྱར་དུ་ཐེངས་ཤིག་ཕྱེ་རོགས། དེའི་རྗེས་ཕྱེ་ཐུབ་པ་ཡིན། དུས་ཚོད་ཀྱི་སྔ་གཞུག་ཤོར་བ་ཙམ་ལས་ད་ལྟ་བོད་ནང་ལོགས་སུའང་མང་བོ་ཞིག་གིས་ཀློག་ཐུབ་ཀྱི་འདུག་ཟེར།
དགའ་སོང་དྲ་དངོས་མཐོང་སོང་།
ཆུ་ཚོད་༡༡་༢༣་ཟིན་སོང་ཡང་སྒོ་ཕྱེ་མི་ཐུབ་ཀི ཅི་ཡིན་ན་
དད་གུས་གཡོ་མེད་ཀྱིས་བཀྲ་ཤིས་བདེ་ལེགས་དང་། ཐུགས་རྗེ་ཆེ་ཞུ་རྒྱུ།
འདི་བཟོ་མཁན་དག་ལ་ཐུགས་རྗེ་ཞུ། འོན་ཀྱང་དྲ་རྒྱ་ལ་བལྟ་མི་ཐུབ་པས་སྨོན་ལམ་ལ་འབྲེལ་བ་བྱས་ཀྱང་། ད་ལྟ་ཁོང་བྲེལ་འཚུབ་ཡིན་རབས་གསུངས་སོང་།
ཁྱེད་ཚོས་ཁ་ཕྱེ་ཐུབ་ཀྱི་འདུག་གམ
ད་བར་དྲ་རྒྱ་དེ་འདྲ་ཞིག་བྱུང་ན་སྙམ་ནས་ཡོད། དེ་ཐེངས་ཀྱི་གཏམ་བཟང་དེར་འབྲེལ་ཡོད་ལས་ཐོགས་པ་རྣམས་ལ་ཐུགས་རྗེ་ཆེ་ཞུ།
ཁ་འབྱེད་མི་ཐུབ་གི ཅི་རེད།
ཨ་ཁུ་སྨོན་ལམ་ལགས་ཀྱིས་རང་གི་རྣམ་དཔྱོད་དེ་ཆུད་ཟོས་སུ་མ་བཏང་བར་རྗེས་རབས་པ་མང་པོ་གསོ་སྐྱོང་བྱས་ནས། དྲྭ་བའི་རིག་གནས་ཀྱི་ཐད་ལ་མདུན་སྐྱོད་བྱེད་པའི་དཔུང་སྡེ་ཞིག་གི་སྣེ་ཁྲིད་བྱེད་ཐུབ་རྒྱུ་དེ་ང་ཚོ་མི་མང་པོ་ཞིག་གི་རེ་སྒུག་ཡིན།
ང་ཚོས་བསྒུག་ནས་བསྡད་ཡོད་ལགས།
གདན་ས་ཆེན་པོ་དག་གིས་ཀྱང ༧རྒྱལ་བ་རིན་པོ་ཆེ་ལ་མིག་ལྟོས་བྱས་ནས་ནང་ཆོས་བགྲོ་གླེང་བྱེད་སའི་དྲྭ་ཚིགས་དབུ་འབྱེད་བྱེད་ཐུབ་ན་ཅི་འདྲ་བཟང་ཨང་།
བློ་བཟང་སྨོན་ལམ་ལགས་སུ་སྙིང་དབུས་ནས་ཐུགས་རྗེ་ཆེ་ཞུ།
གཏམ་བཟང་ཞིག་རེད། འདི་ནི་དུས་ལ་འཚམས་པ་ཞིག་རེད། ད་བར་དུ་སྐུ་སྒེར་ཡིག་ཚང་གིས་སྐུ་ངལ་ཚད་མེད་སྐྱོན་ཡོད་རྒྱུ་རེད།
དྲ་རྒྱའི་ཇུས་འགོད་པ་ནི་སྐུ་ཞོགས་བློ་བཟང་སྨོན་ལམ་ལགས་རེད།
དྲ་ཚིགས་དེ་དེ་རིང་ཕྱི་ཟླ་གསུམ་པའི་ཚེས་ ༡༠ ཡི་སྔ་དྲོ་དུས་ཚོད་ ༡༠ དང་སྐར་མ་ ༡༠ སྐར་ཆ་ ༡༠ ཡི་སྟེང་སྒོ་ཕྱེ་རྒྱུ་རེད།
དྲ་གྲོགས་ཚོར། རྒྱལ་བ་རིན་པོ་ཆེ་མཆོག་གི་བོད་ཡིག་དྲ་ཚིགས་དེ་དུས་ཚོད་བཅུ་བའི་སྟེང་སྒོ་ཕྱེ་རྒྱུ་རེད། ད་དུང་དུས་ཚོད་གཅིག་དང་སྐར་མ་༡༥ ལྷག་པ་སྒུག་རོགས།
ད་ལྟ་སྒོ་ལྕགས་བརྒྱབ་ནས་འདུག གསལ་བསྒྲགས་སྤེལ་ཚར་མཚམས་དབུ་འབྱེད་གནང་རྒྱུ་རེད་ཟེར། བོད་ཡིག་གཙང་དག་ཡིན་པ་ཨ་ཅང་བརྗོད་མེད་རེད། ངང་སྒུག་ཕྲན་བུ་ཞུ་རོགས།
ང་རང་དགའ་དྲགས་ཏེ་མགྱོགས་པོར་སྒོ་འབྱེད་ཐབས་བྱས་པ་ཡིན་ཡང་་་་ཅི་ཡང་མི་འདུག་ཡ་་་ནང་ལ་དབྱིན་ཡིག་ཅིག་ལས་འཆར་རྒྱུ་མི་འདུག་་་ཅིག་བྱས་ན་ད་དུང་སྒོ་མ་ཕྱེ་བ་ཡིན་ནམ་ངས་འབྱེད་མ་ཤེས་པ་ཡིན། བོད་ཡིག་རྐྱང་བ་ཞིག་ཡིན་ན་ཡག་པ་ལ་་་་
བསམ་དོན་འགྲུབ་སོང་། བཀའ་དྲིན་ཆེ།
མི་ལོ་ལྔ་བཅུའི་རྗེས་སུ་སྐུ་སྒེར་ནས་བོད་ཡིག་དྲ་རྒྱ་ཞིག་གཞི་ནས་དབུ་བརྙེས་ཐུབ་པ་བཀའ་དྲིན་ཤིན་ཏུ་ནས་ཆེ་ བཀྲ་ཤིས་བདེ་ལེགས་གྲང་མེད་ཞུ་
མགོན་པོ་གང་དེའི་མཛད་པ་འཕྲིན་ལས་རྒྱུན། །
ཟླ་བ་ཡར་ངོའི་དཔལ་ལ་བསྙེགས་གྱུར་ནས། །
ནག་ཕྱོགས་བདུད་ཀྱི་མ་རིག་སྦྱོར་ནག་གྲིབ། །
གནས་ས་ཁབ་མིག་ཙམ་ཡང་མེད་གྱུར་ཅིག །
མགོན་པོ་གང་གི་བཀའ་སློབ་ཉིན་མོ་བྱེད། །
སྐྱེ་རྒུའི་འདབ་བརྒྱའི་ཚལ་དུ་འཕྲོས་གྱུར་ནས། །
མྱ་ངན་དུམ་ཁས་མནར་བའི་འཇིག་རྟེན་འདིར། །
བདེ་སྐྱིད་དཔལ་གྱི་ཟེའུ་འབྲུ་དགོད་གྱུར་ཅིག །
གསུང་གཅིག་ཉིད་དུ་གསུངས་པར་གྱུར་པས་ན། །
དེ་མ་ཉིད་དུ་སོ་སོར་གོ་བ་བཞིན། །
ངོ་མཚར་ཐམས་ཅད་མཁྱེན་པའི་དྲྭ་ཚིགས་འདིས། །
གངས་ལྗོངས་ཕན་བདེའི་དཔལ་ཡོན་རྒྱས་གྱུར་ཅིག །
བཀྲ་ཤིས་གཏམ་གྱི་ཁ་བཏགས་དཀར་པོ་འདི། །
བཀྲ་ཤིས་ཀ་ཁའི་ཚིག་གི་རྟར་བཀྱོན་ནས། །
མགོན་པོ་གང་དེའི་བོད་ཡིག་དྲྭ་ཚིགས་ཉིད། །
འཇིག་རྟེན་མིག་ཏུ་བཞད་པའི་སྐྱེས་སུ་འབུལ། །
ཕྱག་ཕེབས་གནང་བྱུང་། བཀའ་དྲིན་ཆེ། ཐུགས་རྗེ་ཆེ།