མདོ་སྨད་ཀན་ལྷོ་བོད་རིགས་རང་སྐྱོང་ཁུལ་གྱི་སློབ་འབྲིང་དང་གཙོད་གྲོང་བརྡལ་གྱི་བོད་ཡིག་སློབ་འབྲིང་གཉིས་ཀྱི་སློབ་མ་ཚོས་ཞི་བའི་སྐད་འབོད་བྱས་ཡོད་འདུག
རོའུ་ཊར་གསར་ཁང་གིས་གནས་ཚུལ་སྤེལ་བ་ལྟར་ན། རྒྱ་ནག་གཞུང་གིས་འདི་ལོ་གསུམ་བཅུ་དུས་དྲན་ཐེངས་ ༥༡ པའི་སྐབས་དང་བསྟུན་ཏེ་བོད་མི་ཚོས་ངོ་རྒོལ་སྐད་འབོད་བྱེད་པར་དོགས་ཟོན་གྱིས་བོད་ཀྱི་ས་ཁུལ་གང་སར་དམག་མི་འགྲེམས་འཇོག་དང་དམ་དྲག་ཤུགས་ཆེར་བྱས་ཡོད་ཀྱང་། ཟླ་འདིའི་ཚེས་ ༡༦ གྱི་ཉིན་གུང་མདོ་སྨད་ཀན་ལྷོ་བོད་རིགས་རང་སྐྱོང་ཁུལ་ཏུ་ཡོད་པའི་གཙོས་གྲོང་བརྡལ་དུ་ཡོད་པའི་བོད་ཡིག་སློབ་འབྲིང་གསུམ་པ་དང་ཀན་ལྷོ་ཁུལ་སློབ་འབྲིང་གི་སློབ་མ་ཚོས་ཞི་བའི་སྐད་འབོད་བྱས་ཡོད་འདུག ཞིབ་ཕྲའི་གནས་ཚུལ་ཤེས་རྟོགས་བྱུང་གསལ་ལྟར་ན། ཉིན་དེར་གཙོས་གྲོང་བརྡལ་བོད་ཡིག་སློབ་འབྲིང་གསུམ་པའི་སློབ་མ་ཁག་ཅིག་སློབ་གྲྭའི་སྒོ་འགྲམ་དུ་འཛོམས་ཏེ་ཞི་བའི་སྐད་འབོད་བྱ་རྒྱུའི་གྲ་སྒྲིག་བྱས་པར། འབྲེལ་ཡོད་ཚན་པས་ཤེས་རྟོགས་བྱུང་སྟེ། ཉེན་རྟོག་པ་དང་སློབ་གྲྭའི་དགེ་རྒན་བཅས་ཀྱིས་བཀག་འགོག་བྱས་པར་བརྟེན་སློབ་གྲྭའི་སྒོ་རྭའི་ནང་ཞི་བའི་སྐད་འབོད་བྱས་ཡོད་འདུག་ལ། དེ་བཞིན་ཉིན་དེར་ཀན་ལྷོ་བོད་ཡིག་སློབ་འབྲིང་གི་སློབ་མ་ཚོས་སློབ་གྲྭའི་རྭ་སྐོར་ལས་ཕྱིན་ཐོན་ཏེ། གཙོས་གྲོང་ཁྱེར་གྱི་སྲང་ལམ་དུ་ཡོང་སྟེ། རྒྱ་ནག་གིས་བོདམི་མང་ལ་དམ་དྲག་བྱས་པ་དེ་ཚད་ལས་བརྒལ་བའི་བྱ་སྤྱོད་ཅིག་ཡིན་པ་དང་། རྒྱ་ནག་ཉེན་རྟོག་དམག་མིས་ཉིན་མཚན་དབྱེར་མེད་དུ་སྲང་ལམ་དུ་ཉེན་རྟོག་པས་རླངས་འཁོར་གྱིས་སྐད་ཅོར་རྒྱག་བཞིན་པ་དེ་ང་ཚོ་སློབ་མ་ཚོའི་སློབ་སྦྱོང་ལ་གནོད་འཚེ་ཆེན་པོ་ཐེབས་ཀྱིན་འདུག་པས་མཚམས་འཇོག་དགོས་ཚུལ། དེ་བཞིན། རྒྱལ་བ་རིན་པོ་ཆེ་སྐུ་ཚེ་བརྟན་པར་ཤོག་ཅེས་ཞི་བའི་སྐད་འབོད་བྱས་ཡོད་སྟབས། ཉེན་རྟོག་པ་དང་དམག་མི་སླེབས་ཏེ་སློབ་མ་ཚོ་སློབ་གྲྭའི་ནང་བཅུག་རྗེས་སློབ་གྲྭའི་ཕྱོགས་ཡོངས་བསྐོར་ཡོད་འདུག་ལ། རྗེས་སུ་ས་གནས་ཉེན་རྟོག་མི་སྣས་སློབ་མ་ ༢༠ ལྷག་འཛིན་བཟུང་བྱས་ཏེ་ཉིན་གཅིག་རིང་འདྲི་བརྩད་དང་བཀག་ཉར་བྱས་རྗེས་གློད་གྲོལ་བཏང་ཡོད་ཚུལ་བརྗོད་ཡོད་འདུག ད་ལྟའི་ཆར་སློབ་གྲྭ་འདི་གཉིས་ཀྱི་དགེ་སློབ་ཡོངས་ལ་འདྲི་གཅོད་དང་གཙོས་གྲོང་བརྡལ་གྱི་ཕྱོགས་ཡོངས་སུ་དམག་མི་འགྲེམས་འཇོག་གིས་དམ་དྲག་དང་། གྲོང་བརྡལ་གྱི་དྲ་ལམ་དང་བརྒྱུད་ལམ་ཡོངས་སྒོ་བརྒྱབ་ཡོད་ཚུལ་བརྗོད་འདུག
གཞན་ཡང་ཁུངས་འཕེར་མིན་པའི་གནས་ཚུལ་ལྟར་ན། ཉེ་བའི་དུས་འདིར་འབར་ཁམས་སུའང་བོད་རིགས་སློབ་མ་སྐོར་ཞིག་གིས་ངོ་རྒོལ་སྐད་འབོད་བྱས་ཏེ། སློབ་མ་ ༡༠ ལྷག་འཛིན་བཟུང་འྡརི་རྩད་བྱས་ཡོད་ཚུལ་བརྗོད་ཀྱིན་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དགའ་བ་ལ། མི་རབས་གསར་པ་ལ་རེ་བ་འདུག
སློབ་ཕྲུག་ཁྱེད་རྣམས་མི་རིགས་ཀྱི་བླ་སྲོག་ངོ་མ་རེད་འདུག་།
རེ་བ་རྒྱག་ས་ཤིག་ཡོད་པ་འདྲ་པོ་འདུག།
འགྱེལ་ས་ནས་ཡར་ལངས་ཤོག་ཨ་
སྙིང་རུས་སྐྱེས་ཤིག་
བོད་རིག་ན་གཞོན་ཚོའི་སེམས་ཤུག་ལ་ལྟས་ན། དངོས་གནས་རེ་བ་ཆེན་པོ་འདུགས་ལ། བོད་མི་རིགས་འདི་འགྱེལ་ས་ནས་ལང་ཡོང་གི་ཡོད་པའི་ཚོར་བ་ཤུག་ཆེར་སྐྱེས་བྱུང་།
ཁ་བྱང་བཏགས་ནོར་བྱས་འདུག
བཀུར་འོས་རྩོམ་སྒྲིག་པ་ལགས། སློབ་འབྲིང་ལ་བཏགས་ནོར་ཤོར་འདུག