འཛམ་གླིང་གློ་ནད་ཀྱི་ཉིན་མོ་དང་སྟབས་བསྟུན་བོད་གཞུང་བདེ་ལེགས་སྨན་ཁང་གིས་གློ་ནད་སྡེ་ཁག་གི་ནད་པའི་ཉལ་ཁང་བསྐྱར་བཟོ་ལེགས་འགྲུབ་བྱུང་བ་དབུ་འབྱེད་དང་། སྔར་བས་ཀྱང་མཐུན་རྐྱེན་བཟང་དུ་བཏང་སྟེ་ནད་པ་རྣམས་གུ་ཡངས་པོ་དང་ནད་གསོ་བཟང་བོ་འཐོབ་རྒྱུར་མཐུན་རྐྱེན་བསྐྲུན་ཡོད་ཟེར།
ཕྱི་ཚེས་ ༢༤ ཉིན་ཏེའཛམ་གླིང་གློ་ནད་ཉིན་མོར་བོད་གཞུང་བདེ་ལེགས་སྨན་ཁང་གིས་ཉིན་མོ་དེ་སྲུང་གཙི་བྱས་ཡོད་ཅིང་། ཉིན་དེར་བོད་གཞུང་འཕྲོད་བསྟེན་བཀའ་བློན་དཔལ་འབྱོར་ཚེ་རིང་མཆོག་གིས་བདེ་ལེགས་སྨན་ཁང་གི་གློ་ནད་ཚན་ཁག་གི་ནད་པའི་ཉལ་ཁང་བསྐྱར་གསོ་ལེགས་འགྲུབ་བྱུང་བར་དབུ་འབྱེད་གནང་ཡོད། ཁོང་གིས་གློ་ནད་ཀྱི་ནད་གཞིའི་ཐོག་བོད་མིའི་སྤྱི་ཚོགས་ནང་དུས་ཡུན་རིང་བོའི་ནང་དཀའ་ཉོག་ཆེན་པོ་ཆགས་བསྡད་ཀྱིན་ཡོད། དཔེར་ན་ཆིག་སྟོང་དགུ་བརྒྱ་དྲུག་ཅུའི་སྨད་དང་བདུན་ཅུའི་སྟོད་ཙམ་ལ་བོད་མིའི་མི་འབོར་གྱི་བརྒྱ་ཆ་ཉི་ཤུ་ནས་སུམ་ཅུ་ལྷག་ལ་གློ་ནད་ཕོག་ཡོད་པ་རེད། ཡིན་ནའང་། ད་ལྟའི་ཆར་བདེ་ལེགས་སྨན་ཁང་དང་འཕྲོད་བསྟེན་ལས་ཁུངས་ཀྱི་ཁྱབ་ཁོངས་འོག་ཡོད་པའི་སྨན་ཁང་ཁག་གིས་ནུས་པ་འདོན་ཤུགས་སྔར་བས་ཆེ་རུ་བཏང་བ་བརྒྱུད། ད་ལྟའི་ཆར་ནད་གཞི་འདི་སྔོན་འགོག་གི་ནུས་པ་ཧ་ཅང་ཆེན་པོར་སླེབས་ཡོད་ལ། དེང་སྐབས་བཙན་བྱོལ་ནང་གློ་ནད་ཅན་མི་ཆིག་སྟོང་མན་ལས་མེད་ཅེས་གསུངས་ཡོད།
དེ་བཞིན་བདེ་ལེགས་སྨན་ཁང་གི་འགན་འཛིན་དང་བོད་མི་མང་སྤྱི་འཐུས་ཟླ་བ་ཕུན་སྐྱིད་ལགས་ཀྱིས་ང་ཚོས་ ༡༩༨༠ ལོ་སྟོད་ཙམ་ནས་གློ་ནད་ཐོག་ལས་གཞི་ཞིག་བརྩམས་པ་དང་། སྐབས་དེ་དུས་དང་བསྡུར་ན་ཁ་སང་དེ་རིང་གློ་ནད་ཕོག་པའི་ནད་པ་ཧ་ཅང་ཉུང་དུ་ཕྱིན་ཡོད། ཡིན་ནའང་། ད་དུང་ཡང་སྤྱི་ཚོགས་འཕྲོད་བསྟེན་གྱི་དཀའ་ངལ་ཆེ་ཤོས་ཤིག་དང་སྤྱི་ཚོགས་ནང་ནད་ཚ་འདིའི་རིགས་མཚམས་མ་ཆད་པར་འབྱུང་བཞིན་པ་རེད། བདེ་ལེགས་སྨན་ཁང་གི་ངོས་ནས་འདིའི་ཆེད་དུ་གློ་ནད་སྔོན་འགོག་ཆེད་ནུས་ཤུགས་གང་ཡོད་འདོན་གྱིན་པ་དང་། དེ་སྔོན་གློ་ནད་ཚན་ཁག་གི་ཉལ་ཁང་ནང་ཆ་རྐྱེན་དེ་ཙམ་བཟང་རྒྱུ་མེད་སྟབས་ད་ལྟ་ང་ཚོས་ཆ་རྐྱེན་བཟང་དུ་བཏང་སྟེ། ཉལ་ཁང་ལ་བཟོ་བཅོས་བརྒྱབ་པ་དང་ཁྲུས་ཁང་གསང་སྤྱོད་རང་འགྲིགས་སུ་ཡོད་པ། ཆུ་ཚ་བོ་ཡོད་པ་སོགས་འཛིན་སྐྱོང་གི་དཔལ་འབྱོར་ཡག་ཏུ་སོང་བ་དང་བསྟུན་ནས་ནད་པ་ཚོར་ཡང་། འདུག་ས་བཟང་བོ་དང་མཐུན་རྐྱེན་འཛོམས་པོ། གུ་ཡངས་པོ་ཡོང་བའི་མཐུན་རྐྱེན་བསྐྲུན་ཡོད་ཅེས་གསུངས།
དེ་བཞིན་དེ་རིང་ནི་འཛམ་གླིང་གི་གློད་ནད་ཉིན་མོ་རེད། ང་ཚོས་ཉིན་མོ་འདི་སྲུང་གཙི་ཞུ་ཕྱོགས་ཐད་འདིར་ཉལ་ཁང་དབུ་འབྱེད་དང་མེག་གྷན་དུ་རིན་མེད་ཐོག་གློ་ནད་བརྟག་དཔྱད་བྱས་པ་མ་ཟད། ཁྲོམ་ལམ་ཐོག་མི་མང་ལ་གོ་རྟོགས་སྤེལ་ཆེད་ཡིག་ཆ་འགྲེམ། དོ་དགོང་ངྷ་སྟེང་བོད་ཁྱིམ་དུ་སློབ་ཕྲུག་རྒན་པ་དང་དགེ་རྒན་ཚོར་གཏམ་བཤད་བྱེད་རྒྱུ་བཅས་ཡིན་གསུངས།
བོད་མི་རིགས་ཆགས་འཇིགས་སྐབས་འདི་འདྲ་ཞིག་ལ་ད་དུང་རྐྱེན་ངན་འདི་ཞིག་ཡོངས་དགོས་དོན་གང་ཡིན་ནམ། དཀོན་མཆོག་མཁྱེན། ལས་མ་དག་པ་རང་རེད། བོད་རིགས་སྤུན་ཟླ་རྣམས་པ་ཚོ། ཚོགས་བསགས་སྒྲུབ་སྦྱང་ལ་འབེད་པར་མཚལ།
བཙན་གཤོལ་བོད་མིའི་སྤྱི་ཚོགས་ནང་ལ་འདི་འདྲའི་མི་་མང་པོ་ཞིག་ལ་གློ་ནད་དང་སྙིང་ནད་ཀྱི་ཟིན་པའི་རྒྱུ་སྐྱེན་ནི་ཁོང་ཚོའི་ཕ་ཡུལ་ཤོར་ནས་རྒྱ་གར་ཡུལ་ལ་འཁྱམས་སྐབས། རྒྱ་གར་པ་རྣམས་ཀྱིས་བརྙས་བཅོས་དང་འཕྱ་སྨོད་འོག་སེམས་སྡུག་རྣ་ཚོགས་མྱང་བའི་སྐྱེན་གྱིས་ཡིན་རྒྱུ་རེད། སྙིང་རྗེ།
སངས་རྒྱས་སྨན་ཀྱི་ལྷ་ལ་ཕྱག་འཚལ་ལོ།
གློ་ནད་ནི་ཕྱི་གླིང་སོགས་མི་རིགས་མང་དག་ཅིག་གིས་ནད་འདི་འགོས་ནད་དུ་རྩི།
འོན་ཀྱང་བོད་མི་རྣམས་ཀྱིས་དེ་ལ་དོགས་གཟོམ་གང་ཡང་མི་བྱེད་པར་གློ་ནད་ཅན་དང་འབྲེལ་རྐྱང་བྱེད་ཀྱི་ཡོད་ལ།
ད་དུང་བཟང་ཡར་འགྲན་མེད་པར་
ངན་ཐུར་འཇུག་ཟེར་བ་ནི་ལོས་བདེན་སྟེ་་་
བོད་ནང་གི་བོད་མི་ཁག་ཅིག་གིས
རྒྱ་ནག་གི་གློག་བརྙན་མང་པོ་བལྟས་ནས་
དེ་དག་ཐ་མག་སྤྱོད་སྟངས་ཡ་མཚན་ཅན་དུ་ངོས་ཞུ་ཞིང་
དེ་དག་གི་རྗེས་འབྲང་བཞིན་ཡོད་པ་མང་པོ་མཐོང་མྱོང་་་
འཕྲོད་རྟེན་ཅན་ཡོད་ན་བགྲོ་གླིང་ཕེབས་དགོས་ཚོད་རེད་
དགོང་དྲོ་བདེ་ལེགས་ཡོད་
གློ་ནད་འདིས་ང་ཚོ་བོད་པ་སྐྱབས་བཅོལ་བ་ལྷག་པར་ན་མྱོང་ཡོད། ང་ཡང་སྔོན་མ་གློ་ནད་ཀྱིས་ན་མྱོང་ལ་མྱངས་མྱོང་། བདེ་ལེགས་སྨན་ཁང་གི་ལས་བྱེད་ལྷན་རྒྱས་ཐུགས་རྗེ་ཆེ་ཞུ་རྒྱུ་ཡིན།
མི་བཟང་གི་ཡ