ལོ་སྔོན་མར་མགོ་ལོག་རྭ་རྒྱ་ཁུལ་དུ་ཞི་བའི་ངོ་རྒོལ་སྐབས་འཛིན་བཟུང་བྱས་པའི་གྲྭ་འོད་ཟེར་བཟང་བོ་དང་ངག་དབང་བཟང་བོ་གཉིས་ཉེ་ཆར་དར་ལག་རྫོང་ནས་གློད་གྲོལ་བཏང་ཡོད་འདུག
ཕྱི་ཚེས་༥ཉིན་འདི་གའི་གསར་འགོད་པར་འབྲེལ་ཡོད་མི་སྣ་ཞིག་གིས་ཁུངས་ལྡན་གནས་ཚུལ་འགྲེལ་བརྗོད་གནང་བ་ལྟར་ན། ལོ་སྔོན་མར་མགོ་ལོག་རྭ་རྒྱ་ཁུལ་དུ་རྒྱ་གཞུང་ལ་ཞི་བའི་ངོ་རྒོལ་བྱས་སྐབས་འཛིན་བཟུང་བྱས་ཏེ། ད་བར་གར་སོང་ཆ་མེད་དུ་གྱུར་བའི་རྭ་རྒྱ་དགོན་དུས་འཁོར་གྲྭ་ཚང་གི་གྲྭ་འོད་ཟེར་བཟང་བོ་དང་ངག་དབང་བཟང་བོ་གཉིས་ཕྱི་ཚེས་ ༣ ཉིན་མགོ་ལོག་དར་ལག་རྫོང་ནས་གློད་གྲོལ་བཏང་ཡོད་འདུག་ལ། ཁོང་གཉིས་གློད་གྲོལ་བཏང་བའི་ཉིན་དེར་མགོ་ལོག་ཁུལ་དང་རྭ་རྒྱ་དགོན་གྲོང་གི་ཉེ་འདབས་སུ་ཡོད་པའི་བོད་མི་སྟོང་ཕྲག་འགས་རླངས་འཁོར་དང་འཕྲུལ་རྟ་ཞོན་ནས་སོང་སྟེ། དགའ་བསུའི་སྣེ་ལེན་བྱས་ཡོད་པར་མ་ཟད། ནམ་རྒྱུན་དར་ལག་རྫོང་ནས་རྭ་རྒྱ་དགོན་པར་འགྲོ་རྒྱུར་མགོ་ལོག་ཁུལ་གྱི་སྲང་མགོ་བརྒྱུད་དེ་འགྲོ་སྐྱོད་བྱེད་སའི་ལམ་བུ་ཡོད་ཀྱང་།ཉིན་དེར་མི་མང་གིས་ཁོང་གཉིས་ལ་དགའ་བསུ་སྣེ་ལེན་དང་དར་ལག་རྫོང་དང་མགོ་ལོག་ཁུལ་ཡོངས་རྫོགས་སུ་སྐོར་སྐྱོད་བྱས་ཏེ། མཐར་རྭ་རྒྱ་མགོན་དུ་བསྐྱལ་ཡོད་འདུག་ལ། ལམ་བར་དུ་མི་མང་གིས་ཁོང་གཉིས་ལ་ཁ་བཏགས་འཐེན་པ་དང་ལྷ་རྒྱལ་འཐེན་པ། རླུང་རྟ་གཏོར་བ་སོགས་དགའ་སྤྲོའི་རྣམ་པ་ཤུགས་ཆེར་བསྟན་ཡོད་འདུག
མི་མང་གིས་ཁོང་རྣམ་གཉིས་ལ་དགའ་བསུའི་སྣེ་ལེན་བྱེད་དོན་ནི་ཁོང་གཉིས་གློད་གྲོལ་མ་བཏང་བའི་བདུན་ཕྲག་གཅིག་ཙམ་གྱི་གོང་ནས་ས་གནས་སྲིད་གཞུང་གིས་བརྡ་ཁྱབ་བཏང་སྟེ། ཕྱི་ཚེས་༣ཉིན་ཁོང་གཉིས་གློད་གྲོལ་གཏོང་རྒྱུ་ཡིན་སྐོར་བསྒྲགས་པར་བརྟེན་ནས་བྱུང་འདུག་ཀྱང་། ཉིན་དེར་མི་མང་གིས་དགའ་བསུའི་སྣེ་ལེན་བྱས་པར་བཀག་འགོག་གང་ཡང་བྱས་ཡོད་མི་འདུག
འབྲེལ་ཡོད་མི་སྣ་དེས་ད་དུང་། བདུན་ཕྲག་གཅིག་ཙམ་གྱི་གོང་དུ་ས་གནས་སྲིད་གཞུང་གིས་ཁོང་གཉིས་དར་ལག་རྫོང་དུ་བཀག་ཉར་བྱས་ཡོད་པ་དང་། ཕྱི་ཚེས་ ༣ ཉིན་གློད་གྲོལ་གཏོང་རྒྱུ་ཡིན་སྐོར་བསྒྲགས་པར་བརྟེན། ད་བཟོད་ཁོང་གི་ནང་མི་གཉེན་ཚན་དང་། དགོན་གྲོང་གི་འབྲེལ་ཡོད་མི་སྣ་ཚོས་ཁོང་གཉིས་དར་ལག་རྫོང་དུ་བཀག་ཉར་བྱས་ཡོད་པ་ཤེས་རྟོགས་བྱུང་བ་ཙམ་ལས། ལོ་སྔོན་མར་འཛིན་བཟུང་བྱས་ནས་ད་བར་གང་དུ་བཀག་ཉར་བྱས་ཡོད་མེད་ཤེས་རྟོགས་བྱུང་མེད་སྐོར་གསུངས་ཡོད།
༄། ། སློབ་པའི་ཡོན་ཚད་yahoo chat room དང་།
youtube རྣམས་ལས་མཐོང་བས་ཡིད་རེད་སྐྱོ།།
mobile mp3 བུ་མོ་གསུམ།།
ལ་རྒྱ་ལས་ཀྱང་རིན་ཐང་ཆེ་བར་སྒོམ།།
འདི་ནི་བཙན་བྱོལ་ཁྲོད་ཀྱི་ན་གཞོན་ཡིན།།
གངས་རིའི་ལྗོངས་ན་དམར་པོ་ཁྲག་གི་རྒྱུན།།
སྤུན་ཟླའི་ཆེད་དུ་འཕང་མེད་ཆུ་བཞིན་ལྷོད།།
བཙན་བྱོལ་བ་རྣམས་ཕྱི་རྒྱལ་གཡོག་པོར་བྲེལ།།
ལ་རྒྱ་དེ་ནི་དུས་དྲན་སྲུང་བརྩི་ཙམ།།
འདི་ནི་བཙན་བྱོལ་བོད་མིའི་ངང་ཚུལ་ཞིག།
དེ་དུས་ཕྱི་རྒྱལ་ཁེ་ལས་སྡེ་ཚན་དག་གིས་གངས་ཅན་ས་ཡི་ཐིག་ལེའི་འཛད་མེད་གཏེར་ཁ་སྔོགས་པའི་ཕྱིར། །
བོད་གཞུང་ཚོང་དོན་ལས་ཁུངས་མཉམ་དུ་ཆིངས་ཡིག་གྲངས་མང་འཇོག་པར་སྔ་ཕྱི་རྩོད་པའི་འཁོར་ལོ་བསྐོར། །
རྒྱ་གར་བལ་ཡུལ་འབྲུག་པ་སོགས་ཀྱིས་སྔོན་ཆད་དམར་པོའི་གཞུང་གི་གདུག་རྩུབ་བཀའ་རྒྱར་རབ་སྐྲག་ནས། །
བོད་པ་སྐྱབས་བཅོལ་བ་ཚོར་མཐོང་ཆུང་དྲག་གནོན་བཙོན་འཇུག་བྱས་པར་དགོངས་དག་ཐུགས་བདེན་ཉིན་བཞིན་ཞུ། །
བོད་རྒྱའི་ས་མཚམས་མཚོན་པའི་རྟགས་སུ་མཆོད་རྟེན་ཁྲི་འབུམ་གསར་བཞེངས་མཛད་པའི་ངོ་མཚར་ཡོ་ལང་གིས། །
ཕྱི་གླིང་གསར་འགྱུར་མི་སྣ་ཁྲི་སྟོང་བརྙན་འཕྲིན་པར་ཆས་བཟུང་སྟེ་གླིང་ལྔ་མཚོ་ཆེན་བཞི་ནས་བསླེབས། །
རྒྱ་རིགས་སུ་ཞིག་བོད་ལ་ཡོང་དུས་ཟི་ལིང་ཁྲིན་ཏུ་པེ་ཅིན་སོགས་ཀྱི་བོད་པའི་གཞུང་ཚབ་པའི། །
ཆོག་མཆན་ཞུས་ན་མ་གཏོགས་གངས་ཅན་ས་ཡི་ཐིག་ལེར་གོམ་པ་གཅིག་ཀྱང་འདོར་བའི་དབང་ཆ་མེད། །
ཕོ་ཏ་ལ་ཡི་རྩེ་མོའི་གངས་སེང་དར་ཆའི་གཟི་འོད་སྣུམ་པོས་ཆོལ་ཁ་གསུམ་པོ་ཁྱབ་པའི་དུས། །
སྦྲགས་ཁང་ཚོང་ཁང་མགྲོན་ཁང་ལས་ཁུངས་ལས་ཀའི་ལྟེ་གནས་མ་ལུས་གསེར་གྱི་ཀ་ཁ་སུམ་ཅུས་ཁྱབ།
གོང་ས་མཆོག་གི་ཞབས་པད་མེ་ཏོག་རི་བོ་རྩེ་ལྔ་ལ་སོགས་རྒྱ་ཡི་ཞིང་སར་བཞད་པའི་དུས། །
འཇམ་པའི་དབྱངས་དང་ས་སྙིང་ལ་སོགས་རྒྱ་ལྷ་དག་ཀྱང་སྤྱན་རས་གཟིགས་ཀྱི་རྩམ་པའི་ཐུགས་སྤྲོར་ཕེབས། །
ལྕགས་ཀྱི་འཇོར་དང་ཐོ་བ་སྟ་གྲི་དཔའ་དམ་བཟུང་བའི་སྙིང་སྟོབས་ཅན་གྱི་གངས་ཅན་བུ་རྒོད་ཚོས། །
ལྕགས་རི་རིང་བོ་རྨངས་ནས་བཤིགས་པའི་རྡུལ་འཚུབ་ཨེ་ཤི་ཡ་ཡི་གླིང་ཆེན་ཧྲིལ་བོའི་ནམ་མཁར་འཐིབས། །
གངས་སེང་དར་ཆ་གངས་རིའི་རྩེ་ནས་རྒྱལ་ཁའི་རླུང་གིས་གཡོ་བའི་ཟིལ་ཤུགས་མཐོང་བའི་ཧུའུ་ཅིན་ཐོས། །
སྐྱག་གཅིན་འདོར་དུས་ལུས་པོ་འདར་ནས་རྒྱ་ལྭ་དེ་ཡང་མི་གཙང་དྲི་མས་ཡོངས་སུ་བསྒོས་པར་ལྟོས། །
༄༅།། རྭ་རྒྱ་དགོན་གྱི་གྲྭ་འོད་ཟེར་བཟང་བོ་དང་ངག་དབང་བཟང་བོ་གཉིས་ཉེ་ཆར་གློད་གྲོལ་བཏང་བ་བཀྲིས་བདེ་ལེགས་ཞུ།
གཞེས་བཞུགས་བོད་མི་ཚོའི་སྙིང་སྟོབས་དང་གཅིག་བསྒྲིལ་ལ་བསྔགས་བརྗོད་དང་མིག་དཔེ་ལེན་རྒྱུ་གལ་ཆེན་པོ་རེད
དེ་མིན་ཟུར་ཟ་དང་ཕྱོགས་འཐེན་བྱས་ཏེ་ཉི་མ་འཁྱོལ་ཐབ་འདིའི་ངི་གནོང་དགོས་པ་ཞིག་མ་རེད་དམ
ཁ་བའི་བུ་རྒོད་གང་ཞིག་དམར་པོའི་བཙོན་ནས་ཐར་དུས་རེ་རེར་གངས་ཅན་པ་ཚོའི་ངར་སྐད་ཀྱིས། །
གནམ་བདེའི་སྒོ་མོ་ཡོམ་ཡོམ་བསྒུལ་ཏེ་མའོ་ཡི་འདྲ་པར་དེ་ཡང་ཐང་ལ་ལྷུང་ནས་སིལ་བུར་འཐོར། །
དཔའ་བོའི་དཔུང་བ་ཁྲག་གིས་བརྫིས་དུས་རྨ་རྒྱལ་ལྷུན་པོའི་དབུ་ལ་མྱ་ངན་ཁ་བའི་འདབ་མ་དཀར་པོ་བབས། །
དཔའ་མོའི་ལང་ཚོའི་འདབ་ལག་འཐོར་དུས་རྨ་ཀླུང་སྔོན་མོའི་གདོང་ལ་སྐྱོ་བའི་མཆི་མའི་རླབས་རིས་རྒོད། །