རྒྱ་གར་གྱི་མའོ་གྱེན་ལོག་ཤོག་ཁག་གིས་དམག་མིའི་རླངས་འཁོར་གསུམ་གྱི་སྟེང་ཚུར་རྒོལ་བྱས་ཏེ་དམག་མི་ ༣༠ བསད་ཡོད་འདུག
ཕྱི་ཚེས་ ༦ ཉིན་རྒྱ་གར་གྱི་དྲག་ཆས་དམག་མིས་དབུས་མངའ་སྡེ་ ཆེག་ཊི་སི་གྷར་གྱི་ ཌན་ཊེ་ཝ་ཌ་རྫོང་དུ་མའོ་ཤོག་ཁག་ལ་ཕར་རྒོལ་བྱེད་བཞིན་པའི་སྐབས་སུ། མའོ་ཤོག་ཁག་གིས་ཐོག་མར་ཚུར་རྒོལ་བྱས་ཏེ་ཉུང་མཐར་ཡང་དམག་མི་ ༣༠ བསད་ཡོད་འདུག
ཉེན་རྟོག་པས་བཤད་དོན། མྱུར་སྐྱོབ་རུ་ཁག་གཉིས་ཀྱི་ཐོག་མའོ་གྱེན་ལོག་པ་རྣམས་ཀྱིས་འཇབ་སྒུག་གིས་མེ་མདའ་བརྒྱབས་ཤིང་། ད་དུང་དམག་མཚམས་བཞག་མེད་པར་མེ་མདའ་འཕེན་རེས་བྱེད་བཞིན་ཡོད་འདུག
འདས་པའི་ལོ་ ༢༠ རིང་གི་མའོ་གྱེན་ལོག་པའི་འཐབ་འཁྲུག་ཁྲོད་མི་སྟོང་ཕྲག་ལྷག་གི་ཚེ་སྲོག་ཤོར་ཡོད་འདུག
ཉེ་ཆར་ནས་བཟུང་རྒྱ་གར་གཞུང་གིས་མངའ་སྡེ་ཁག་ཅིག་གི་ནང་དུ་མའོ་གྱེན་ལོག་པ་རྣམས་ལ་ཕར་རྒོལ་དྲག་པོ་བྱེད་མགོ་བཙུགས་ཡོད་འདུག
དེ་རིང་གི་ཚུར་རྒོལ་ཐད་གཞུང་འབྲེལ་མི་སྣ་བཤད་པ་ལྟར་ན། ཐོག་མར་མའོ་གྱེན་ལོག་པ་ཚོས་དམག་མིའི་མོ་ཊ་གཅིག་གི་སྟེང་འཇབ་སྒུག་གིས་ཚུར་རྒོལ་བྱས་པ་དང་། ཁོང་ཚོ་སྐྱོབ་ཆེད་དུ་མོ་ཊ་གཉིས་པ་ཞིག་ཕྱིན་པ་དེར་ཡང་ལམ་སྐེད་ནས་ཚུར་རྒོལ་བྱས་ཡོད་འདུག དེ་དག་སྐྱོབ་ཕྱིར་མོ་ཊ་གསུམ་པ་ཞིག་ཕྱིན་པ་དེར་ཡང་ལམ་སྐེད་ནས་ཚུར་རྒོལ་བྱས་ཡོད་འདུག དེ་ལྟར་ཉུང་མཐར་ཡང་དམག་མི་ ༣༠ ལྷག་བསད་ཡོད་འདུག
མའོ་གྱེན་ལོག་པ་ཚོས་གཞུང་ངོས་ནས་ཁོང་ཚོའི་སྟེང་ཚུར་རྒོལ་བྱེད་པ་དེ་མཚམས་འཇོག་མ་བྱས་ཚེ་འདི་ལྟའི་ཚུར་རྒོལ་བྱེད་རྒྱུ་མཚམས་འཇོག་མི་བྱེད་པའི་ཉེན་བརྡ་བཏང་ཡོད་འདུག
རྒྱ་གར་ནང་སྲིད་བློན་ཆེན་ P Chidambaram ཡིས་མའོ་ཕྱོགས་ཁག་གིས་དྲག་པོའི་རྒོལ་ལན་མཚམས་འཇོག་བྱས་ཏེ་སྐད་ཆ་མ་བཤད་ཚེ་གཞུང་ཕྱོགས་ཀྱི་ཕར་རྒོལ་ཤུགས་ཆེ་རུ་གཏོང་རྒྱུའི་བཀོད་མངགས་བྱས་ཡོད་འདུག
མའོ་ཕྱོགས་ཁག་གིས་རྒྱ་གར་གཞུང་གིས་མའོ་ཕྱོགས་ཁག་གི་མཐོ་རིམ་དཔོན་རིགས་བཞི་འཛིན་བཟུང་བཙོན་འཇུག་བྱས་པ་གློད་གྲོལ་དང་། གཞུང་དམག་གི་ཚུར་རྒོལ་མཚམས་འཇོག་བྱས་ན་ཁོང་ཚོའི་ངོས་ནས་སྐད་ཆ་བཤད་ངེས་ཡིན་ཅེས་བཤད་ཡོད་འདུག
རྒྱ་གར་སྲིད་བློན་མན་མོ་ཧན་ སིན་མཆོག་གིས་མའོ་གྱེན་ལོག་པའི་ཟིན་འཁྲུག་འདི་ནི་རྒྱ་གར་གྱི་ནང་ཁུལ་བདེ་འཇགས་ཀྱི་དཀའ་ངལ་ཆེ་ཤོས་དེ་ཡིན་པར་གསུངས་འདུག
![Because of high altitudes in the Himalayas, difficult terrain and often poor weather, the Kailash Manasarovar pilgrimage if one of the most challenging in the world [File: Purnima Shrestha/Reuters]](https://tibettimes.net/wp-content/uploads/2026/05/Screen-Shot-2026-05-14-at-5.25.22-PM-360x180.png)
དེང་སང་ཡིག་ནོར་ཇེ་མང་དུ་འགྲོ་བཞིན་འདུག འདི་ག་རེ་ཡིན་ན།
དེ་ཁོང་ཚོའི་ལྟ་བ་དང་དམིགས་ཡུལ་རེད་དྲག་པོའི་བཏུལ་ཐུབ་ཀྱི་མ་རེད།
དཔེར་ན་རྒྱ་མི་སྟོབས་ཆེན་འདི་འདྲ་ཞིག་ཡིན་རུང་བོད་མི་ད་ལྟ་འང་བཏུལ་ཐུབ་
མེད། དེ་བའི་ཚབ་དུ་ཁོང་ཚོའི་དཀའ་བསྔལ་མང་པོ་འཕྲད་ཀྱི་ཡོད།
ཐབས་ཤེས་ཡག་ཤོས་ཞི་བདེ་ཐོག་ཁོང་ཚོའི་འདོད་པ་བཀང་དགོས་ཀྱི་རེད་
མའོ་གྱེན་ལོག་པ་འདིས་མ་འོངས་པ་ལ་རྒྱ་གར་ལ་དཀའ་ངལ་ཆེ་ཐག་གཅོད་ཅིག་སྤྲད་ངེས་རེད། ཁོང་ཚོ་ལ་རོགས་རམ་བྱེད་མཁན་གྱི་རྒྱབ་རྩ་བཙད་ཐག་གཅོད་ཅིག་ཡོད།
ཕར་ཆེན་ད་ལྟ་མེ་རྟགས་ཆུང་སྐབས་བཏུལ་ན་མི་ལེགས་སམ།
་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་ཨོ་་་་་་
སྐོར་སྲུང་བ་གྲོད་ཆེན་དག་གིས་མིག་གི་ཡང་མཐོང་གི་མེད་ཚོད་རེད་
ད་འབྲོས་ན་མི་བཟང་ངམ
ཨ་ཁ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་ད་འབྲོ་དགོས་ས་རེད།