བྱིས་པ་ ༢༠ འཇུས་འདུག

གྲོགས་བཙན་པོའི་བུ་ལགས་ཁྱོད་ཀྱིས་བདག་ལ་ནོར་བཅོས་བྱོད་པ་འདི་གུས་པས་ཁྱོད་ལ་དགའ་སུ་ཞུ་མ་འོང་པ་ཡོང་འདི་འདྲ་བྱོད་ཐུབ་པའི་རེལ་བ་ཡོད་་་གང་ཡིན་ལབ་ན་ཕྲོད་ནི་བོད་ཡིག་གནས་ཚད་དམར་བས་འདི་འདྲའི་ལས་ལ་བྱུང་ན་རང་བཞིན་གྱིས་ཡར་རྒྱས་འགྲོ་བའི་གནམས་པ་འདུ་་་་་མ་འོང་པ་གྲོགས་སུ་འདྲ་ཞིང་ཡིན་ན་བདག་ལ་གསུང་རོགས་འོད་ཀྱང་ཁ་ངན་དང་ཚིག་ངན་མ་གསུང་རོགས་གནང་

བོད་ཀྱི་མི་རབས་གསར་བའི་སྙིང་སྟོབས་ཀྱི་ངར་ཤུགས་མེ་བཞིན་འབར་གྱིན་འདུག་ཨང་། བོད་ཀྱི་ན་གཞོན་དཔུང་ཁག་གི་སེམས་ཤུགས་རྦ་རླབས་བཞིན་འཕྱུར་ནས་ཡོང་གིན་འདུག་ཨང་། བོད་ལ་རེ་བ་འདུག བོད་རྒྱལ་ཁབ་ཆེན་མོ་ལ་རེ་བ་འདུག བོད་མི་རིགས་བསྐྱར་དུ་གསོན་བཞིན་འདུག་་་་་་་་་་་་་་་་་་་་་་

བོད་མི་གཞོན་སྐྱེས་མ་འོངས་གངས་ཅན་མིག་དང་སྙིང་ལྟ་བུའི་རྒྱུད་འཛིན་པ་འདི་ཚོའི་མདུན་ལམ་ལ་བར་ཆད་མེད་པར་སྨོན།

རྒྱ་ཁབ་ཀྱི་རྩ་ཁྲིམས་སྲ་བརྟན་མེད་མཁན་རང་རེད བྱིས་པ་དང་སློབ་འཕྲུག་རྣམས་ལ་རྒྱ་ཁབ་ཀྱི་རྩ་ཁྲིམས་གུ་ཡང་ཡོད་རེད་
རྒྱ་ཁབ་གཞན་ལ་དམིགས་དཔེ་ལྟ་ཤེས་ཀྱི་མེད་པ་འདྲ་

བོད་ཀྱི་ཕྲུ་གུ་རྣམས་སྙིང་རྗེ། རྒྱ་་ནག་གིས་རྩ་མེད་བཟོའི་རེད།

བེ་རི་རྒྱལ་པོ་ཟ་དགའ་ཉལ་སྐྱིད་ལགས། ངས་སྐུ་ཉིད་ལ་འདི་ལྟར་བཤད་འདོད།
ནོར། བཅོས།
དཔལ་བོ། དཔའ་བོ།
དཔའ་མོ། དཔའ་མོ།

ཁམས་སྐད་དང་ཨམ་སྐད་རྒྱག་མཁན་གྱི་ཞེས་བསྒྱུར་རོགས།

ད་ལྟའི་བོད་ནང་གི་སློབ་མ་འདི་ཚོའི་ལོ་ཚོད་དམ་ན་ཚོད་ཀྱི་ཆ་ནས་བཤད་ན་བཙན་བྱོལ་གྱི་འཛིན་གྲྭ་བརྒྱད་པ་དང་དགུ་བར་འགྲོ་བཞིན་པའི་སློབ་མ་ཚོ་དང་ཤིན་ཏུ་ན་མཉམ་ཟེར་ན་མི་ཆོག་པ་མེད། ཁོ་ཚོ་མང་ཆེ་ཤོས་ནི་ལོ་བཅུ་གསུམ་ནས་བཅོ་བརྒྱད་བར་གྱི་ན་ཚོད་ཅན་རྐྱང་རྐྱང་ཡིན་པ་མ་ཟད། ཕ་མ་དང་ཡུན་རུང་ཁ་བྲལ་མ་མྱངས་པའི་སྤྱིར་བཏང་གི་བྱིས་པ་པྲ་ཚག་ཚོ་དང་ཤིན་ཏུ་མཚུངས་ཆོག་ཆོག་ཡིན།

ཡིན་ཡང་བློ་ངོར་མི་ཤོང་བ་ཞིག་ནི། ཁོ་བ་ཚོ་ནི་འདུ་ཤེས་དང་ཡོ་ལང་གསར་བ་ཞིག་གི་དར་ཆ་སྒྲེང་མཁན་དུ་འགྲེང་ཞིང་། བཙན་པོར་གཉའ་མི་སྒུར་བར་མི་རིགས་ཀྱི་ལས་དབང་ལ་ཀི་རིང་འདེབ་ཕོད་པའི་གཞོན་ནུ་གསོན་ཤུགས་ཀྱིས་བཏེགས་པ་རྐྱང་རྐྱང་དུ་གྱུར་འདུག་པ་མ་ཟད། ད་ལོ་ཡངཁམས་ནགས་ཤོད་འབྲི་རུ་རྫོང་རྩ་ལ་ཤང་གི་ལྟེ་བའི་སློབ་ཆུང་གི་སློབ་མ་ཚོ་དང་་རྨ་ཆུའི་སློབ་འབྲིང་དང་བསང་ཆུ།་ཀན་ལྷོ།་ཞོན་ཧ་སོགས་བོད་ཁུལ་ཀྱི་བོད་རིགས་སློབ་འབྲིང་གང་མང་ཞིག་གི་སློབ་མ་ཚོའི་སྤོབས་པ་དང་སྙིང་སྟོབས་ཀྱིས་བསྒུལ་ཞིང་ལོ་རྒྱུས་ཀྱིས་བརྗེད་མི་སྲིད་པའི་ལས་འགུལ་མི་ཉུང་བ་ཞིག་སྤེལ་བ་འདིས་ནི། ང་ཚོར་རང་བཞིན་གྱིས་བསམ་གཞིགས་གསར་བ་ཞིག་གི་རྒྱགས་ཕྱེ་གསར་བ་ཞིག་སྤྲོད་ཀྱིན་ཡོད་པ་མ་ཡིན་ནམ། འོན་ཀྱང་ངས་འདི་ནས་གླེང་འདོད་པ་ནི་ཁོ་ཚོའི་ལས་འགུལ་གྱི་རྒྱུད་རིམ་དང་ནུས་པ་སོགས་ཀྱི་ཕྱོགས་ནས་གླེང་རྒྱུ་མ་ཡིན་པར། ཁོ་ཚོ་དང་ན་མཉམ་ཞིང་སློབ་ལོ་གཅིག་པའི་བཙན་བྱོལ་གྱི་སློབ་ཕྲུག་ཚོའི་འདུ་ཤེས་དང་སེམས་ཁམས་ལ་བཤིར་བསྡུར་ཐེངས་གཅིག་བྱེད་འདོད་པ་དེ་ཡིན།

མི་ཞིག་གིས་མི་ཚེའི་རིན་ཐང་དང་ལྟ་བ་ལ་ངེས་ཟིན་གསལ་བོ་བྱུང་བའི་དུས་རིམ་ནི་རང་ཉིད་འཆི་ཁ་མའི་དུས་སྐད་ཅིག་ཙམ་དེ་ཉིད་ཡིན་ཟེར་ལ། དེ་ནི་རང་ཉིད་མི་ཚེ་གང་འཚོའི་བར་གསོན་ཀྱང་གསོན་གོ་མ་ཆོད་པའི་འདུ་ཤེས་ཤུགས་དྲག་པོ་ཞིག་བྱུང་བ་དང་མཉམ་དུ་སྐྱེས་སྲིད་ཅིང་། རང་དབང་དང་བདེན་སྟོབས་ཀྱི་ངེས་ཤེས་གྲི་ལྟར་བརྡར་བ་ལས་ཀྱང་བསྐྱེད་པར་བྱེད་པས།་དེ་ལ་དུས་ཚོད་ཀྱི་མདའ་རྩེ་རིང་པོ་ཞིག་མཁོ་ཞིང་ཉམས་མྱོང་གི་ཟིན་ཐོ་མང་པོ་ཞིག་ཀྱང་དགོས་ངེས་ཡིན། ཡིན་ཡང་བྱིས་པའི་ངོ་མདངས་མ་ཡལ་ཞིང་བསམ་བློའི་སྐྱེས་འཕེལ་མ་རྫོགས་པའི་སློབ་མ་འདི་དག་གིས་ཀི་རྒྱང་རིང་པོ་ཞིག་གི་སྣེ་ཁྲིད་དེ་འདི་ལྟའི་ལམ་དུ་ཞུགས་པར་སྤྲོ་བ་དང་སྤོབས་པས་ཁེངས་པའི་ཉམས་སྣང་དེ་ནི་སུས་ཀྱང་འགྲེལ་དཀའ་ཞིང་ཚོད་དཔགས་ལས་བརྒལ་བ་ཞིག་ཡིན་པ་མ་ཡིན་ནམ།

ཡིན་ནའང་བཙན་བྱོལ་གྱི་སློབ་མ་ཆོ་ནི་ནམ་རྒྱུན་འཚོ་བའི་ཁྲོད་སློབ་ཕྲིག་ཅེས་འབོད་པ་བཞིན་ཕྲུ་གུ་ཆུང་ཆུང་གི་འཚོ་བའི་ཁྲོད་བསམ་བློའི་འཚར་ལོང་མེད་པའི་དཔུང་སྡེ་ཆེ་རུ་འགྲོ་གི་ཡོད་པ་འདི་ནི་ང་ཚོས་མི་བཤད་ཐུ་མེད་ཀྱི་སྐད་ཆ་ཞིག་ཏུ་ལྷག་ཡོད།་