བཀའ་ཤག་གིས་སྐྱེ་རྒུ་མདོར་ས་ཡོམ་བརྒྱབ་པའི་གནས་ཚུལ་གོ་སྟེ་བློ་འཚབ་བྱུང་ལ། གོད་ཆག་འདིའི་འོག་ནས་རྐྱེན་འདས་སུ་ཕྱིན་པ་རྣམས་ལ་ཐུགས་གསོ་བྱེད་བཞིན་ཡོད་ཅེས་གསུངས་དུག
མཚོ་སྔོན་ཞིང་ཆེན་གྱི་ཡུལ་ཤུལ་ཁུལ་གྱི་སྐྱེ་རྒུ་མདོ་གྲོང་བརྡལ་ལ་དེ་རིང་ཚད་རིམ་ ༧་༡ ཅན་གྱི་ས་ཡོམ་བརྒྱབ་སྟེ་ཉུང་མཐར་མི་ ༤༠༠ བསད་པ་དང་། མི་ ༨༠༠༠ ལྷག་ལ་རྨས་སྐྱོན་བྱུང་ཡོད། འདིའི་ཐད་བཙན་བྱོལ་བོད་གཞུང་བཀའ་ཤག་གིས་ཐུགས་གསོའི་འཚམས་འཕྲིན་ཞིག་བསྒྲགས་པའི་ནང་། བོད་བྱང་ཤར་གྱི་སྐྱེ་རྒུ་མདོོ་རུ་ས་ཡོམ་བརྒྱབ་པའི་གནས་ཚུལ་དེ་གོ་སྟབས་ངེད་ཅག་ཤིན་ཏུ་བློ་འཚབ་བྱུང་། ཅེས་དང་། བཀའ་ཤག་གི་ངོས་ནས་ཐེངས་འདིར་རྐྱེན་འདས་སུ་གྱུར་བ་རྣམས་ཀྱི་ཤུལ་ལུས་ནང་མི་རྣམས་ལ་ཐུགས་གསོའི་འཚམས་འདྲི་ཡོད་ལ། ས་ཡོམ་འདིས་ཤུགས་རྐྱེན་ཐེབས་མཁན་རྣམས་ལ་དུས་ཐོག་མྱུར་སྐྱོབ་དང་རོགས་རམ་ཡོང་བ་བརྒྱུད་གོད་ཆག་འདི་ནས་མྱུར་ཏུ་གྲོལ་བའི་སྨོན་ལམ་རྒྱག་གི་ཡོད་ཅེས་བཀོད་ཡོད་པ་རེད།
དེ་རིང་ཕྱི་དྲོ་དུས་ཚོད་ ༤།༣༠ ནས་བཙན་བྱོལ་བོད་གཞུང་གི་གཞུང་ཞབས་ལས་བྱེད་ཚང་མས་སྐྱེ་རྒུ་མདོའི་ས་ཡོམ་སྐབས་རྐྱེན་ལམ་དུ་ཕྱིན་པ་རྣམས་ཀྱི་ཆེད་དུ་གསོལ་བ་སྨོན་ལམ་ཞིག་འཚོགས་ཡོད་པ་རེད།
བཀའ་ཤག་གིས་ག་དུས་བོད་དང་བོད་མི་ལ་ཕན་པའི་ལས་ཞིག་བྱེད་ཡོད་ནི་རེད་
ཁ་གཡང་རྐྱང་རྐྱང་བསྒྲོགས་ནས་འཛམ་གླིང་སྒང་ལ་ཞལ་འདེབས་བསླང་སྡད་པ་ལས་གཞན་ཅི་འཇོན་
མི་རྟག་འཆི་བས་དབུགས་ཀྱི་རྒྱུ་བ་གཅོད་།།
དམར་པོའི་དྲག་མཚོན་ཆར་གྱིས་ཁྲག་མཚོ་སྐོར།།
འབྱུང་བའི་འཇིགས་པས་སྡུག་གི་མུན་པར་བསྐྱལ།།
མི་དག་བོད་མིའི་ལས་འདི་ཡིད་རེ་སྐྱོ།།
ཨཱོྃ་མ་ཏྲི་མུ་ཡེ་སལེ་འདུཿ
བློ་ཕམ་ཆེན་པོ་ཡོད།
ཐུགས་གསོ་མཚམས་འཕྲིན་གནང་བར་ཐུགས་རྗེ་ཆེ། འོན་ཀྱང་རྗེས་འཇུག་པ་རྣམས་ལ་ཁ་ཡོད་ལག་ཡོད་ཀྱི་ཕན་དོགས་ཡོང་དགོས་ན་བཙན་བྱོལ་བོད་མིའི་ མི་རེ་ངོ་རེ་ཞལ་འདེབས་རྒྱ་མི་ཆུང་རེ་བསྡུས་ནས་ཁོང་རྣམས་ལ་འབུལ་ཐུབ་ན་བོད་མི་རིགས་ཀྱི་ལ་རྒྱ་ལ་ཤིན་ཏུ་སྨན་སྙམ་མོ།
དེ་རིང་བོད་མདོ་ཁམས་སྐྱེ་རྒུ་མདོ་ཕྱོགས་སུ་ས་ཡོམ་བརྒྱབ་སྐབས་རྐྱེན་འདས་སུ་ཕྱིན་པ་དང་། ལྟོས་བཅས་ཤུལ་ལུས་རྣམས་ལ་༸གོང་ས་མཆོག་གིས་གསུང་འཕྲིན་བསྩལ་བ་ནོར་ཝེ་བོད་སྐད་རླུང་འཕྲིན་དུ་ཆ་ཚང་ཉན་རྒྱུ་འདུག
http://www.vot.org/player.html?snd=http://www.vot.org/votwedtib.mp3
དོན་རྐྱེན་འདིར་མང་བོ་ལབ་ནས་ཡོང་ཡ་མི་འདུག མདོ་དོན་བརྗོད་ན། ས་ཡོམ་ཡོང་མིན་དང་སྔོན་བརྡ་གཏོང་རྒྱུ་ནི་འཛམ་གླིང་ཤར་ནུབ་སྲིད་གཞུང་མཐའ་དག་གི་འོས་འགན་རེད་ལ། འོས་འགན་དེ་མ་འགྲུབ་ན་སྲིད་གཞུང་ཞིག་གི་ལས་ཀ་འཐུས་ཤོར་ཕྱིན་ཟིན་པ་མཚོན་བཞིན་པའི་ཁར། དམག་དཔུང་མངགས་ནས་རོགས་རམ་བྱེད་རྒྱུའང་སྲིད་གཞུང་རང་གིས་མ་འཇོན་མ་ནུས་པའི་ཁ་གསབ་ཙམ་ཡིན། དེ་བས། ཕྱི་ནང་གི་གནས་ཚུལ་མི་ཤེས་མཁན་ཞིག་ཡིན་ན་མ་གཏོགས་དམག་མིའི་རོགས་བསྐྱོར་ལ་ཡིད་འགུལ་ཐེབས་དགོས་པ་ཞིག་མིན། དེ་ལས་ཀྱང་མི་མང་གིས་རོགས་དངུལ་ཕུལ་བཞིན་པ་དེའང་འོས་འགན་མ་འགྲུབ་པའི་སྲིད་གཞུང་དེའི་སྒྲིབ་གཡོགས་ལྟ་བུར་མི་འགྱུར་བའི་ངེས་པའང་མེད། ཡིན་ནའང་། བཙན་བྱོལ་བོད་གཞུང་གི་ངོས་ནས་རོགས་དངུལ་སྤྲད་དུ་འཇོག་མིན་ལ་མ་ལྟོས་པར་གྲངས་ཚད་མཐོན་པོ་ཞིག་གི་རོགས་དངུལ་སྤྲོད་འདུན་ཡོད་པ་ཕྱི་བསྒྲགས་དང་འབྲེལ་ཕྱི་རྒྱལ་དུ་གནས་འཁོད་བོད་མི་ཚོའང་རོགས་དངུལ་ཕུལ་བར་འབོད་བསྐུལ་ཞུ་འོས་བསམ། དེ་ལྟར་བྱས་ན་ད་གཟོད་འབྲས་བུ་པཱ་ལེ་འདྲ་བ་རེ་ལེན་ཐུབ་ཤག་ཡིན།
བཀའ་ཤག་གིས་སྐྱག་པ་འདྲ་ལ་ལག་པ་འཆངས། འགྲམ་བརྒལ་ནས་མར་གོམ་པ་གང་ཡང་སྤོ་ཐུབ་ཀྱིན་མེད་པ།
བཀའ་ཤག་ལགས། འདི་ལ་ཐུགས་གསོ་མཚམས་འཕྲིན་གཅིག་པུས་མཐུས་ཀྱིན་མེད། གོདཆགས་ལས་གྲོལ་བའི་སྨོན་ལམ་ཙམ་གྱིས་ཀྱང་འགྲིག་ཀྱིན་མེད། ད་འོ་ན་ཁྱོད་ལ་ཅི་དགོས་ཟེར་ན། དངོས་སུ་ལག་པ་འཆང་ནས་དཀའ་ངལ་སེལ་རོགས་བྱེད་དགོས།
འདི་ནས་གཟིགས།http://www.youtube.com/watch?v=FCA-jNESZ8M