གསུམ་གཅིག་བཞིའི་དོན་རྐྱེན་དང་བཞི་གཅིག་བཞིའི་གོད་ཆག་གང་ཡིན་རུང་། མཐར་གཏུགས་ན་བོད་མི་རིགས་ཀྱི་མགོར་ལྕགས་ཁྲབ་འཁོར་ལོ་ཚོད་མེད་དུ་བསྐོར་བ་དང་། མ་བསམ་ས་ནས་བོད་མི་རིགས་ཀྱི་རྩིབ་རུས་རྡོ་རྡུང་བྱས་བའི་རྐྱེན་ངན་གཉིས་ཡིན། རྐྱེན་ངན་འདི་གཉིས་ཀྱི་མཇུག་འབྲས་ལ་བསམ་ན་ལེ་ཁག་འགེལ་ས་ཡོད་མེད་ལ་མ་ལྟོས་པར་སྙིང་ན་ཞིང་ཁྲག་འཁོལ་བ་ཞིག་ཀྱང་རེད།
ད་ནི་རང་རང་ས་ནས་སྡུག་གིས་གཟིར་ཏེ་སྡོད་པའི་སྐབས་ཤིག་ག་ནས་ཡིན། ང་ཚོས་རང་ཉིད་དང་རང་གི་མི་རིགས་ཀྱི་བླ་སྲོག་འདི་གསོན་པོར་རྙེད་དགོས། ཤི་བོའི་རྗེས་ཀྱི་གསོན་པོ་ཚོར་འཁྲི་བའི་བླ་ན་མེད་པའི་འོས་འགན་ཡང་འདི་རེད། ལར་ནས་ཉམ་ཉེས་ཆེན་པོ་དག་གི་སྐབས་སུ་གཅིག་གིས་གཅིག་གི་མིང་ནས་བོས་ཤིང་ལག་མགོར་འཇུས་ཏེ། ཆིག་སྒྲིལ་གྱིས་ལངས་ཐུབ་མཁན་ནི་རིགས་རྒྱུད་ཀྱི་དབུ་འཕང་བསྟོད་ཅིང་དང་རིག་གཞུང་གི་སྙིང་སྟོབས་ཀྱིས་འཚོ་མཁན་དག་ཡིན།
ཉེ་བའི་ལོ་རྒྱུས་ཀྱི་དོན་རྐྱེན་འདི་གཉིས་ཀྱི་ཐོག་རང་ཉིད་ནི་དཔང་པོ་ཡིན་ལ། ཉམ་ཉེས་དང་གོད་ཆག་གི་ཁྲོད་ནས་དོན་དངོས་ཀྱི་གདེང་ཚོད་འཚོལ་མཁན་ཡང་ཡིན། ང་ལ་མཚོན་ན་རང་གི་མི་རིགས་ལ་འདི་འདྲའི་ཆག་སྒོ་ཆེན་པོ་རེ་བྱུང་བ་དངོས་སུ་མཐོང་དུས་ནི་ཁ་ཅིག་གིས་ ༣་༡༤ ཞེས་འབོད་པའི་གཞེས་ནིང་ལོའི་ཞི་རྒོལ་ཆེན་མོ་དང་། ད་ལོའི་ ༤་༡༤ ཉིན་གྱི་སྐྱེ་རྒུ་མདོའི་ས་ཡོམ་གྱི་གོད་ཆག་གཉིས་ཡིན། དུས་སྐབས་འདི་གཉིས་སུ་ང་ལ་གོ་བ་གལ་ཆེན་པོ་ཞིག་སྤྲད་པ་ནི། ཉམ་ཉེས་དང་ཆག་སྒོའི་ཆེ་ཆུང་སྐོར་ནས་མིན་པར། སྐབས་འདི་འདྲར་ཐུག་དུས། དཔའ་བློ་ཁོག་གི་ཕ་ཡུལ་དང་བྱམས་སྙིང་རྗེ་ཡི་བདག་པོ་རུ་འབོད་པའི་མི་རིགས་འདིའི་གདིང་དང་ཕུ་ངོ་མ་དེ་གང་འདྲ་ཡིན་མིན་དང་། དེ་ལ་དཔག་སྟེ་མི་རིགས་དང་རིག་གཞུང་གི་འདུ་ཤེས་ཀྱི་རྩ་བ་ཇེ་བརྟན་དུ་གཏོང་རྒྱུ་དེ་ཡིན་པར་འདོད།
དོན་རྐྱེན་ཆེན་པོ་འདི་གཉིས་ཀྱི་སྐབས་སུ་འབོད་ཚིག་གལ་ཆེན་རེ་བྲིས་པ་ནི། གཞེས་ནིང་གི་སྐྱིད་སྡུག་མཉམ་མྱོང་དང་། ད་ལོ་ཡི་གདུང་སེམས་མཉམ་སྐྱེད་ཅེས་པ་འདི་གཉིས་རེད། འབོད་ཚིག་འདི་གཉིས་ཀྱིས་ང་ཚོ་ཕྱོགས་གཅིག་ཏུ་བོས་ཤིང་མཉམ་གཅིག་ཏུ་བསྡུས་པ་ཙམ་མིན་པར། མི་རིགས་ཀྱི་བླ་སྲོག་འདིའང་ཕྱིར་གསོ་བཞིན་ཡོད། འདི་ནི་ཉམ་ཉེས་ཆེན་པོ་འདི་དག་གི་སྐབས་སུ་ང་ཚོར་ཐོབ་པའི་རྒྱལ་ཁ་དེའང་ཡིན་པར་འདོད་ཡོད།།
ཡུལ་ཤུལ་ཟེར་བའི་ས་མིང་དེ་སེང་ལྩམ་འབྲུག་མོའི་མཁར་ཤུལ་ཡིན་པས་དེ་ལྟར་ཐོགས་པའི་སྐོར་ཡུལ་ཤུལ་བ་ཟླ་བ་ཚེ་རིང་གིས་ས་ཡོམ་བྱུང་རྗེས་རྒྱ་ཡིག་གི་ཐོག་ནས། ཡུལ་ཤུལ། ངའི་དུང་ཞེན་གྱི་རྨི་ལམ་ལྡང་ས། ཟེར་བའི་རྩོམ་མི་སེམས་འགུལ་བ་ཞིག་བྲིས་འདུག་པ་དེའི་ནང་ངོ་སྤྲོད་གསལ་པོ་བྱས་འདུག http://woeser.middle-way.net/2010/04/blog-post_7355.html
སེང་ལྩམ་འབྲུག་མོ་ཡང་རྒ་སྐྱ་ལོ་སྟོན་པ་རྒྱལ་མཚན་གྱི་བུ་མོ་ཡིན་པ་དེ་དང་རྒ་སྐྱེ་རྒུ་མདོའི་ལུང་པ་འདིའི་བྱུང་བ་བྱུང་རབས་བར་ལ་དམངས་ཁྲོད་དུ་ངག་རྒྱུན་མང་པོ་ཞིག་ཡོད་པར་འདུག གཞན་ཡང་རྩོམ་སྒྲིག་པ་ལ་ཞུ་རྒྱུ་ཞིག་ལ་ཁོ་བོས་ཡུལ་ཤུལ་ཕུ་ནུ་རྣམས་ཀྱི་སྡུག་བསྔལ་མཚོན་བྱེད་ཀྱི་རྩོམ་ཞིག་ཁ་ས་ནས་བསྐུར་ཡོད་ཀྱང་ད་ལྟ་བར་མཐོང་རྒྱུ་མི་འདུག་པས་མཆན་འདིས་གསལ་འདེབས་ཡོད་པར་ཞུ།
དུས་བབ་ཚང་གིས་གཅིག་བཞིའི་དོན་རྐྱེན་དང་ཆག་སྒོ་གང་རགས་བྲིས་ཁུལ་བྱས་འདུག་ཀྱང་སྐབས་༡༤པའི་སྤྱི་འཐུས་ནང་ཁུལ་གྱི་འཁྲུག་རྩོད་ནི་ད་བར་བོད་ཀྱི་ལོ་རྒྱུས་ནང་བྱུང་མྱོང་མེད་པའི་ཆག་སྒོ་ཆེ་ཤོས་ཤིག་ཡིན་པས་ཁྱེད་ཀྱིས་གཅིག་བཞིའི་དོན་རྐྱེན་གྱི་གྲངས་གནས་སུ་བརྩི་ན་མི་འགྲིག་པ་མེད་སྙམ་་་་་་་་་་ད་དུང་ང་ཚོས་བསམ་བློ་ཞིབ་ཚགས་བཏང་རྗེས་ཡོང་རྒྱུར་བསྡད་པའི་སྐབས་༡༤་པའི་བཀའ་ཁྲི་དེ་ཡང་ཆག་སྒོའི་བཀའ་ཁྲི་ཞིག་ཏུ་མི་འགྱུར་བའི་ངེས་པ་མེད་སྟབས་དེ་ཡང་ཁྱེད་ཀྱིས་བཤད་པའི་གཅིག་བཞིའི་དོན་རྐྱེན་དང་ཆག་སྒོའི་གྲས་སུ་བརྩི་སྟེ་དཔྱད་བརྗོད་འདྲ་སྤེལ་ན་ཆོག་པ་ཡིན
འདི་གཉིས་ནི་ངས་དུས་བབ་ཚང་ལ་ཐེངས་རྗེས་མའི་རྩོམ་སྒྲིག་པའི་གཏམ་ནང་འགོད་རྒྱའི་ནང་དོན་ཞལ་འདེབས་སུ་ཕུལ་བ་ཡིན།
དབྱིན་མིང་ཅན་latoe_kalnamལགས་ཁྱོད་ཀྱིས་ཤིས་ཚིག་དེ་ང་ཚོའི་ལེན་འདོད་མ་བྱུང་།གང་ལ་ཞེ་ན་ད་ལྟ་ང་ཚོའི་བོད་པ་ཚང་ལ་ས་ཡོམ་ཡོང་ནས་བོད་རིགས་སྤུན་ཟླ་མང་པོ་ཤི་རྨས་བཏང་སོང་།བྱེད་ཙང་ད་ལྟ་ང་ཚོས་མྱ་ངན་བྱེད་བཞིན་པའི་སྒོང་ཡིན།གལ
སྲིད་ཁྱོད་བོད་པ་ཞིག་ཡིན་ན་དུད་འགྲོ་ལས་ཀྱང་སྡུག་བའི་མི་ཞིག་རེད་འདུག་པའི་དྲ་ལམ་ཁག་ནས་ཕར་ཙམ་རྒྱུགས་རོགས་ཞུ་རྒྱུ་ཡིན།
སྐྱོ་གདུང་གི་ཁྲོད་ཀྱི་ངར་ཤུགས།
ཀྱེ་མ།
གོད་ཆག་གི་ཉིན་མོ་དེ་ནས་བཟུང་སྟེ།།
བརྙན་འཕྲིན་གྱི་སྒོ་མོ་ཕྱེ་ཐེངས་རེ་རེར།།
སྐྱོ་སྣང་གི་མིག་ཆུ་རེ་རེ་འཐོར་མྱོང།།
གོད་ཆག་གི་ས་ཁུལ་རེ་རེའི་ནང་གི།།
བསད་རྨོས་ཀྱི་འདྲ་གཟུགས་རེ་རེས།།
སྐྱོ་གདུང་གི་ན་ཟིག་རེ་རེ་སྦྱིན་སོང་།།
ཀྱེ་མ། འདི་ནི་རང་བྱུང་གི་གནོད་འཚེ་རེད།
འདི་ནི་ལྡོག་ཐུབ་མེད་པའི་རང་བྱུང་གི་གོད་ཆག་རེད། འདི་ནི་ཚེ་སྔོན་དུ་བསགས་པའི་ལས་དབང་རེད།
ཨེ་མ།
གོད་ཆག་གི་ཉི་མ་དེ་ནས་བཟུང་སྟེ།།
བརྙན་འཕྲིན་གྱི་སྒོ་མོ་ཕྱེ་ཐེངས་རེ་རེར།།
ལྷག་བསམ་གྱི་བགྱིད་སྒོ་རེ་རེ་མཐོང་སོང་།།
བརྩེ་སེམས་ཀྱི་ལག་རྡང་གཅིག་ཏུ་སྦྲེལ་བའི།།
བོད་རིགས་ཀྱི་བཅོས་མིན་ལ་རྒྱ་རེ་རེས།།
གསོན་ཤུགས་ཀྱི་ངར་ཆུ་རེ་རེ་སྦྱིན་སོང་།།
ཨེ་མ། འདི་ནི་མི་རིགས་ཀྱི་སྤྱོད་བཟང་རེད།།
འདི་ནི་འགོག་ཐུབ་མེད་པའི་མི་བོད་རིགས་ཀྱི་སྤྱོད་བཟང་རེད།
ཨེ་མ། འདི་ནི་བྱམས་དང་སྙིང་རྗེའི་རིན་ཐང་རེད།
བསྔོ་སྨོན་དང་སྐྱིད་སྡུག་མཉམ་མྱོང་།
རང་བྱུང་གི་གོད་ཆག་འོག་ནས།།
ཚེ་སྲོག་གི་རྒྱུན་ཐག་ཆད་དེ།།
ཕྱི་མ་ཡི་ལམ་ལ་ཞུགས་མཁན།།
འཁྲུལ་སྣང་གི་འཇིགས་སྐྲགས་མ་བྱེད།།
རིས་མེད་ཀྱི་སྐྱེས་ཆེན་དུ་མའི།།
དམིགས་མེད་ཀྱི་བརྩེ་བའི་དབྱིངས་ནས།།
དྲི་མེད་ཀྱི་བསྔོ་སྨོན་བཟང་པོ།།
ཁྱེད་ཅག་གི་ཆེད་དུ་བསྔོས་ཡོད།།
ཆོས་ལྡན་གྱི་སྐྱེ་བོ་རྣམས་ཀྱི།།
ཡིག་དྲུག་གི་དབྱངས་རྟ་སྙན་མོ།།
སྣང་གསལ་གྱི་མར་མེ་ལྷན་དུ།།
ཁྱེད་ཅག་གི་རྫོང་བར་ཕུལ་ཡོད།།
རང་བྱུང་གི་གོད་ཆག་འོག་ནས།།
ལུས་སེམས་ཀྱི་རྨ་ཁ་ཆེ་བའི།།
ཡུལ་ཤུལ་གྱི་ཤུལ་ལུས་མི་མང།།
དཔའ་ཞུམ་གྱི་མྱ་ངན་མ་བྱེད།།
རྒྱལ་ཁབ་ཀྱི་བཀོད་འདོམས་འོག་གི།།
ལྷག་བསམ་གྱིས་དང་དུ་བླངས་པའི།།
མྱུར་སྐྱོབས་ཀྱི་རུ་ཁག་མང་པོས།།
ངལ་མེད་ཀྱི་ལས་དོན་སྒྲུབ་བཞིན།།
ཁྱེད་ཅག་གི་གནས་དེར་བསྡད་ཡོད།།
ཕྱི་ནང་གི་བོད་རིགས་ཡོངས་ཀྱིས།།
སྙིང་རྗེ་ཡི་ཕྱག་ཟུང་སྐྱོངས་བཞིན།།
བརྩེ་སེམས་ཀྱི་ཐུགས་ཁུར་ཆེན་པོ།།
ཁྱེད་ཅག་གི་ཕྱོགས་ལ་བཅངས་ཡོད།།
tashi deleck
མཚོ་སྔོན་རླུང་འཕྲིན་གྱིས་བཤད་ན། ཡུལ་ཤུལ་ཁུལ་ལ་མི་གྲངས་བྱེ་བ་གཉིས་དང་ས་ཡ་བརྒྱད་ཡོད་ཟེར།
གཟིགས་རོགས།
མཚོ་བོད་མཐོ་སྒང་གི་དཀྱིལ་དབུས་སུ་ཆགས་ཡོད་པའི་ཡུས་ཧྲུའུ་བོད་རིགས་རང་སྐྱོང་ཁུལ་ནི་རྨ་ཆུ་དང་འབྲི་ཆུ། རྫ་ཆུ་གསུམ་གྱི་འགོ་ཁུངས་ཡིན་པར་མ་ཟད། ཁོ་ར་ཁོར་ཡུག་གི་གངས་རི་དང་རྩྭ་ཐང་གིས་ཡུས་ཧྲུའུ་ཡུལ་གྱི་རང་བྱུང་ཁོར་ཡུག་ལ་མཛེས་སྡུག་གི་གསོན་ཉམས་ལྟ་ན་སྡུག་པ་ཞིག་བསྐྲུན་ཡོད། ཁུལ་ཡོངས་ལ་བསྡོམས་པས་མི་གྲངས་བྱེ་བ་གཉིས་དང་ས་ཡ་བརྒྱད་འབུམ་གསུམ་ཁྲི་གཅིག་ཡོད་ལ། དེའི་ནང་དུ་བོད་རིགས་ཀྱིས་བརྒྱ་ཆའི་གོ་ལྔའི་ཡན་ཟིན་ཡོད། དུས་རྒྱུན་ཡུས་ཧྲུའུ་ཡུལ་ལ་གཙང་བོའི་འབྱུང་ཁུངས་དང་མིང་གྲགས་རི་བོའི་ལྟེ་བ། ནོར་ནག་གི་ཕ་ས། གླུ་གར་གྱི་རྒྱ་མཚོ་སོགས་ཀྱི་མཚན་སྙན་ཐོག་ཡོད་པ་ད་ལྟ་ཀུན་གྱི་གཟིགས་འཛིན་སྤྱན་དང་ཐོས་འཛིན་སྙན་གྱི་སྤྱོད་ཡུལ་དུ་གྱུར་དང་འགྱུར་བཞིན་ཡོད་པ་ནི་ཀུན་གྱིས་ཤེས་གསལ་རེད། ཐེངས་འདིའི་རང་བྱུང་ས་འགུལ་གྱི་ཆག་འཇིག་ཁྲོད་དུ་ཡུས་ཧྲུའུ་ས་ཁུལ་གྱི་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་སོགས་ལ་གྱོང་གུན་ཚབ་ཆེན་ཐེབས་མོད། འོན་ཀྱང་སྙིང་རྗེ་མེད་པའི་རང་བྱུང་གི་འཇིག་པ་ཆེན་པོ་དེས་མཛེས་སྡུག་ཡིད་དུ་འོང་བའི་ཡུས་ཧྲུའུ་ཡུལ་གྱི་རི་ཆུ་ནགས་གསུམ་ལ་གནོད་པའི་ཤུལ་རྗེས་ཙམ་ཡང་འཇོག་ཐུབ་མེད་པར་མཐོ་ཞིང་བརྗིད་པའི་གངས་རི་སྔར་བཞིན་སྤོབས་པ་དང་ཡིད་ཆེས་ཀྱིས་ཀྲོང་ངེར་འགྱིང་ཡོད་ལ། དྭངས་ཤིང་བསིལ་བའི་རྨ་འབྲི་རྫ་གསུམ་གྱི་བཞུར་རྒྱུན་སྔར་བཞིན་རྒྱུན་ཆད་མེད་པ་དེས་ཡུས་ཧྲུའུ་ཡུལ་གྱི་མི་དམངས་མང་ཚོགས་རྣམས་ཐེངས་འདིའི་རང་བྱུང་གནོད་འཚེ་ལས་རྣམ་པར་རྒྱལ་ཏེ་རང་གི་སྤྲོ་སྐྱིད་ལྡན་པའི་ཁྱིམ་གཞིས་གསར་འཛུགས་བྱེད་པར་ཡིད་ཆེས་དང་སྤོབས་པ་བསྩོལ་བཞིན་ཡོད།
འདིར་བརྒྱུད་བསྒྲགས་ཤིག་ལ།
ད་ནངས་ནས་མགགྷན་སྟོད་ཀྱི་སྤྱི་སྤྱོད་རླངས་འཁོར་འབབ་ཚིགས་དང་སྨད་ཀྱི་གཙུག་ལག་ཁང་གི་སྒོ་འགྲམ་ནས་ས་འགུལ་གོད་ཆགས་བྱུང་སའི་ཡུལ་ཤུལ་མི་མང་དོན་དུ་བྱུང་འཛིན་དང་བཅས་ཞལ་འདེབས་སྡུད་ཀྱིན་འདུག
བྱུང་འཛིན་ཐོག་གི་ཁ་བྱང་འདི་ལྟར།
༤།༡༤ ཡུལ་ཤུལ་ས་ཡོམས་གདུང་སེལ་ཚོགས་ཆུང་།
KUNGA GUEST HOUSE BHAGSU ROAD P.O. MCLEOD GANJ, DHARAMSALA-176219H.P. /EMAIL yushu-414@hotmail.com
ཡུལ་ཤུལ་ཅེས་པའི་མིང་གི་གོ་དོན་དང་ས་ཡོམ་གྱི་གོད་ཆག་འདིའི་མཇུག་འབྲས་གཉིས་ཁྱད་མཚར་པོ་འདུག
དྲ་གྲོགས་ཚང་མས་མིག་ཆུ་བཏོན་ནས་བསྡད་འདུག ཟིན་བྲིས་ཀྱི་ཤོག་ངོས་ཚང་མ་རློན་པ་རེད། དེར་བརྟེན། དཔའ་བློ་ཁོག་གི་ཕ་ས་ཕ་ཡུལ་དང་། བྱམས་སྙིང་རྗེ་ཡི་བདག་པོ་བདག་མོ་རུ་གྲགས་པའི་བོད་པ་ཚང་གིས་བསྐྱར་དུ་སྐེ་རགས་སྡོམ་རན་རེད་ཅེས་ཀྱང་བཤད་འདོད་བྱུང་།
དྲ་གྲོགས་ཚོ། རིག་པ་མར་ལོ་འདྲ་བ་རྐྱང་འདོན་རོགས།
བཟོད་པ་ལ་བཟོད་གསོལ་དང་བཅས་ཞུ་རྒྱུར། ༣་༡༤ དོན་རྐྱེན་ཞེས་པ་དེ་ཁ་ཅིག་གིས་ཞེས་པ་ལས་ཡོངས་གྲགས་ཀྱི་ངོས་འཛིན་མིན་པ་ཤུགས་ལ་བསྟན་ཁུལ་བྱས་ཡོད། ཡིན་པ་ནི་ཉིད་ཀྱིས་བཤད་པ་ལྟར་རེད། དེ་ཡིན་དོན་ཡང་དེ་དུས་ནས་ཁ་གང་སྔ་བྱས་ནས་བཤད་ཁུལ་བྱས་ཡོད། གང་ལྟར་བསམ་ཚུལ་བཏོན་པར་ཐུགས་རྗེ་ཆེ།
འདི་འདྲའི་མགོ་ལ་སྡུག་ཡོང་བའི་སྐབས་སུ་བོད་པ་དག་ལ་ཆིག་སྒྲིལ་ཏོག་ཙམ་ཡོད་ཁ་འདྲ་འདྲ། ཡང་སྐྱིད་ཏོག་ཙམ་བྱུང་ན་བྱེད་རྒྱུ་ལས་རྒྱུ་མང་བོ་ཡོད་པ་རེད་དཱ།
འདི་འདྲའི་སྐབས་དང་བསྟུན་ནས་བསམ་བློ་མང་ཙམ་གཏོང་དགོས་པ་རེད།
རྩོམ་སྒྲིག་པ་ལགས། འདི་ནི་་་་་་ང་ཚོ་ནམ་ཡང་ང་ཚོ་ལས་གཞན་དུ་མི་འགྱུར་ལ་བསྒྱུར་ཀྱང་མི་བཏུབ་པའི་སྒྲུབ་བྱེད་གསོན་པོ་དེ་རེད་ལགས།
རྩོམ་བསྒྲིགས་པ་ལགས། ཁྱེད་ཀྱིས་བོད་ནང་གི་ཡོམ་འགོག་རྒུད་སྐྱོབས་ཀྱི་སྐོར་མཚོ་སྔོན་གྱི་གཟུགས་མཐོང་བརྙན་འཕྲིན་གཞིར་བཞག་གིས་མང་ཙམ་འགོད་རོགས།
ངེས་པར་དུ་ཉུང་སྐྱོན་འདུག་ལ་ང་ཚོར་ཡང་གང་མཁོ་དེ་ལེན་བྱེད་པའི་རྒྱ་མིའི་སྤྱོད་ཚུལ་དེ་ཤིན་ཏུ་ཆེན་པོ་འདུག དཔེར་ན། འདི་ཕྱོགས་གསར་ལམ་ནས་རྒྱ་ནག་གི་གཙོ་འཛིན་དང་སྲིད་བློན་རྣམ་གཉིས་དངོས་སུ་ཡུལ་ཤུལ་དུ་སླེབས་པའི་སྐོར་མ་ཐོས་པ་ལྟར་བྱེད་པ་དེ་རེད། ཅིག་བྱས་ན་དེ་ལ་ལངས་ཕྱོགས་ཟེར་དགོས་པ་མིན་འགྲོ ད་གང་ཤེས།
བཟོད་པ་མིང་དང་ལྷ་རྩེ་སྐྱེ་ཡུལ་ཡིན་ན་ཁྱེད་ཀྱི་མིང་ལ་ལྷ་རྩེ་བཟོད་པ་ཞེས་འབོད་དགོས་པ་བོད་སྐད་ཀྱི་འགྲོས་ཡིན་པས་བཅོལ་ཆུང་མ་གནང་ཤག་འགྱེད་ཀྱང་མི་དགོས་པར་ཐུགས་བསམ་བཞེས་རྒྱུ། ཐོན་མི་ནས།
༸གོང་ས་མཆོག་བོད་དུ་གདན་ཞུ་བྱ་རྒྱུ་ནི་དེ་བས་གལ་ཆེན་ནང་གི་དོན་ཆེན་ཞིག་ཡིན་པས་ཚང་མས་ཤུགས་རྒྱག་དགོས་སྙམ
རྩོམ་སྒྲིགས་པ་ལ་ཞེ་ནིང་ལོ་ཡི་ཞི་རྒོལ་ཆེན་མོ་ནི་3་10དུས་དྲན་ཉིན་ནས་འགོ་འཛུགས་བྱས་པ་ཞིག་ཡིན་པ་ལས་3་14ལ་མིན། 3་14ཡི་དོན་རྐྱེན་ཟེར་བ་རྒྱ་དམར་གྱི་དབང་འཛིན་ཚོས་གཡོ་གཏམ་ཞིག་ཡིན་པ་ཉིད་ཀྱི་མ་མཁྱེན་པ་ཡིན་ན། བོད་མིའི་རང་དབང་གསར་ཤོག་ཐོག་ཨོ་རི་ས་གཞི་ཆགས་ཀྱི་ལས་སྡོམས་སྙན་སྒྲོན་སྐབས་ ༑གོང་ས་མཆོག་གི་འགྲེལ་བརྗོད་ཁ་གསལ་གནང་ཡོད་པ་མ་ཟད་ང་ཚོ་བོད་མི་ཚང་མའི་སེམས་ན་ལྷང་ངེར་ཡོད་པ་ཞིག་ཡིན་པས་ཉ་མྱུང་མཉམ་སེལ་མ་གནང་ན་ལེགས་མཉམ།
གསུམ་གཅིག་བཞི། སྐྱིད་སྡུག་མཉམ་མྱོང་།
བཞི་གཅིག་བཞི། གདུང་སེམས་མཉམ་བསྐྱེད།
མདོར་ན། རྐྱེན་ངན་གྲོགས་ཤར།
གནམ་ས་གཉིས་ཁ་སྦྱར་རུང་ང་ཚོས་འདེགས་ནུས།
མྱ་ངན་དང་ངུ་འབོད་ཀྱི་ཁྲོད་ནས་ང་ཚོ་རྙེད།
གྱང་རོ་དང་བམ་རོའི་གསེབ་ནས་མི་རིགས་ཤིག་གི་བླ་སྲོག་ལ་གསོན་ཤུགས་རྒྱས།།
དེ་ཙམ་གྱིས་ག་ལ་ཚད་དེ། རྐྱེན་ངན་གྲོགས་ཤར་ཞེས་པའི་ནང་དོན་ཡང་གནས་སྟངས་འདི་དག་གི་སྐབས་སུ་ཡིན་པར་སྣང་། གནས་སྐབས་འདི་དག་གི་སྐབས་སུ་ང་ཚོའི་མི་དམངས་ལ་གཞི་ནས་གོ་རྟོགས་སད་དང་སད་བཞིན་ཡོད་དེ། ཕྱོགས་གང་སའི་རང་རང་ས་ནས་འགུལ་སྐྱོད་བྱས་དང་བྱེད་བཞིན་པ་འདི་ནི་དཔེ་མཚོན་ཙམ་ཡིན། ད་དུང་བན་བོན་བར་གྱི་ལྟ་ཚུལ་དང་། སྐྱ་སེར་བར་གྱི་ལྟ་ཚུལ། སློབ་མ་དང་གྲྭ་བའི་བར་གྱི་ལྟ་ཚུལ་སོགས་མདོར་བསྡུས་ན་ཕན་ཚུན་བར་གྱི་འགལ་འདུའི་ལྟ་སྟངས་མི་མཐུན་པ་མང་དག་ཅིག་ལ་རྫོགས་ཚིག་འགོད་བཞིན་ཡོད། འདི་ལྟའི་གོ་རྟོགས་ནི་མུ་མཐུད་སད་ངེས་ལ་སད་པར་ཕྱོགས་གང་ས་ནས་ནུས་པ་འདོན་དགོས་པའི་དུས་ཀྱང་ཡིན་ནོ། །
http://picasaweb.google.com/aenpokyabgon/AllKyegu2010EarthquakePhotos#
རྩོམ་སྒྲིག་པ་ལགས། ངས་རིན་ཐང་ཡོད་པར་འདོད་པའི་གསར་འགྱུར་འདི་མྱུར་བར་སྤེལ་རོགས། རིན་ཐང་མེད་པར་གཟིགས་ན་སྐྱུར་ཞོག
ཀྲུང་གུང་ཀྲུང་དབྱང་ཆབ་སྲིད་ཅུའི་རྒྱུན་ལས་ཨུ་ཡོན། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཅ་ཆིན་ལིན་གྱིས་ཚེས་བཅུ་དགུའི་ཉིན་མགོ་འཛིན་མཛད་དེ་ཀྲུང་དབྱང་འབྲེལ་ཡོད་སྡེ་ཁག་གི་འགན་ཁུར་བའི་གྲོས་ཚོགས་བསྡུས་ནས། ཚེས་བཅུ་བདུན་ཉིན་གྱི་ཀྲུང་དབྱང་ཆབ་སྲིད་ཅུའི་རྒྱུན་ལས་གྲོས་ཚོགས་ཀྱི་དགོངས་དོན་བརྒྱུད་སྒྲོག་བྱས་པ་དང་། ཕྱོགས་སོ་སོའི་ནུས་པ་བཟང་པོར་བཏོན་ནས་མཚོ་སྔོན་ཡུས་ཧྲུའུ་ས་འགུལ་གྱི་གནོད་སེལ་རྒུད་སྐྱོབ་དང་མཐུན་སྒྲིལ་བརྟན་འཇགས་བྱ་བར་བཀོད་སྒྲིག་བྱས།
ཅ་ཆིན་ལིན་གྱིས་འཐབ་ཕྱོགས་གཅིག་གྱུར་གྱི་ས་འགུལ་གནོད་སེལ་རྒུད་སྐྱོབ་ཁྲོད་ཀྱི་ནུས་པ་སྔར་ལས་བཟང་པོར་འདོན་དགོས་ལ། རིམ་པ་སོ་སོའི་འཐབ་ཕྱོགས་གཅིག་གྱུར་དང་མི་རིགས། ཆོས་ལུགས་སྡེ་ཁག་བཅས་གནོད་འཚེ་ཐེབས་སའི་རིགས་སོ་སོའི་མང་ཚོགས་དང་དགོན་སྡེ། ཆོས་ལུགས་ལས་རིགས་ཀྱི་མི་སྣ་བཅས་ཀྱི་ཁྲོད་དུ་སོང་ནས་གནས་ཚུལ་ལ་རྒྱུས་ལོན་བྱེད་དགོས་ཤིང་། འབྲེལ་ཡོད་སྡེ་ཁག་ལ་མཐུན་སྦྱོར་བྱེད་པ་དང་། མང་ཚོགས་དང་དགོན་པ། གྲྭ་བཙུན་དང་ཇོ་མོ་བཅས་རྩ་འཛུགས་བྱས་ཏེ་རྒུད་སྐྱོབ་དང་རང་སྐྱོབ་བྱེད་དགོས་པར་མ་ཟད། གཞན་ལ་རོགས་རམ་བྱེད་དགོས་པ་དང་། ས་ཆ་སོ་སོའི་དགོན་པ་དང་། གྲྭ་བཙུན། ཇོ་མོ་བཅས་ཀྱིས་འདས་པོ་རྣམས་ལ་སྨོན་ལམ་གསུང་བའི་བྱ་འགུལ་སྤེལ་པར་ཁྲིད་སྟོན་བྱེད་དགོས། ཕྱི་རྒྱལ་དུ་ཡོད་པའི་བོད་རིགས་སྤུན་ཟླས་རྒྱལ་ནང་དུ་མྱ་ངན་ཞུ་བ་དང་ཞལ་འདེབས་འབུལ་བར་ཡོང་བའི་རེ་བ་བཏོན་ཚེ། ཕྱི་རྒྱལ་དུ་ཡོད་པའི་རང་རྒྱལ་གྱི་གཞུང་ཚབ་ཁང་གིས་ལྷག་བསམ་རྣམ་དག་གིས་སྣེ་ལེན་བྱེད་དགོས་ཤིང་། གནོད་སེལ་རྒུད་སྐྱོབ་དང་རྒྱལ་ནང་གི་གནས་ཚུལ་ངོ་མ་མཚམས་སྦྱོར་བྱེད་དགོས་ལ། ཁོ་ཚོའི་ལུགས་མཐུན་གྱི་རེ་བར་རྒྱུས་ལོན་བྱས་ཏེ་དགོས་ངེས་ཀྱི་རོགས་རམ་བྱེད་དགོས་ཞེས་ནན་གྱིས་བསྟན།