ལོ་གཉིས་ཀྱི་སྔོན་ལ་དོལ་རྒྱལ་ཚོགས་པས་༧གོང་ས་མཆོག་དང་བཙན་བྱོལ་བོད་གཞུང་། རྒྱ་གར་དབུས་གཞུང་དང་ཧི་མ་ཅལ་མངའ་སྡེ་བཅས་ཁྲིམས་བྱས་པ་དེ་ལྡི་ལི་མཐོ་རིམ་ཁྲིམས་ཁང་གིས་རྩིས་མེད་བཏང་བ་ཕྱིར་བསྒྲགས་བྱས་འདུག
དེ་རིང་ཞོགས་པར་བོད་གཞུང་དྲ་རྒྱའི་སྟེང་གནས་ཚུལ་སྤེལ་བ་ལྟར་ན། ལོ་གཉིས་ཀྱི་གོང་དུ་དོལ་རྒྱལ་ཚོགས་པའམ་རྡོ་རྗེ་ཤུགས་ལྡན་ལྷ་མི་སྲུང་སྐྱོབ་ཚོགས་པ་ཟེར་བས། ༧གོང་ས་མཆོག་དང་བཙན་བྱོལ་བོད་གཞུང་ཕྱོགས་ནས། དོལ་རྒྱལ་རྗེས་འབྲང་པར་བརྙས་བཅོས་དང་སྡུག་སྦྱོང་གཏོང་གི་ཡོད་པའི་ཉེས་འཛུགས་དང་ཁྲིམས་གཏུག་བྱས་པར། ལྡི་ལི་མཐོ་རིམ་ཁྲིམས་ཁང་ནས་བརྩིས་མེད་བཏང་འདུག་ཟེར།
གསར་འགྱུར་དེའི་ནང་ད་དུང་། ལྡི་ལི་མཐོ་རིམ་ཁྲིམས་ཁང་གི་ཁྲིམས་དཔོན་ཨེ་ས་མུ་ར་ལི་དྷར་ (Justice S.Muralidhar) ལགས་ཀྱིས་ཕྱི་ལོ་ ༢༠༡༠ ཟླ་ ༤ ཚེས་ ༥ ཉིན་བཏང་བའི་བཀོད་ཁྱབ་ནང༌། དོལ་རྒྱལ་རྗེས་འབྲངས་པའི་སྙན་ཞུ་དང་བདེ་སྙན་ནང་འཁོད། ཁོང་ཚོར་བརྙས་བཅོས་དང་སྡུག་སྦྱོང་གཏོང་ལུགས་ཟེར་བ་དེ་ཁུངས་སྐྱེལ་ཁ་གསལ་མེད་པ་ཞིག་རེད་ཅེས་རྩིས་མེད་བཏང་བ་དང༌། ཡང་སྙན་ཞུའི་ནང་གནས་ཚུལ་གླེང་བ་རྣམས་སྤྱི་མང་ཁྲིམས་ཀྱི་ངོ་བོའི་ནང་མི་ཚུད་པས་རྩ་ཁྲིམས་དོན་ཚན་ ༢༢༦ འོག་དག་བཤེར་བྱེད་མི་ཐུབ་ཅེས་དང༌། རྩོད་ལན་པས་ཡར་ལན་ཕུལ་བའི་ཞུ་ཡིག་ནང་རྡོ་རྗེ་ཤུགས་ལྡན་ཉམས་ལེན་གནང་དང་མ་གནང་དོ་བདག་དགེ་འདུན་པ་སོ་སོའི་འདོད་མོས་རེད། ཅེས་འཁོད་ཡོད་པ་དེ་ལུང་དྲངས་ནས་རྡོ་རྗེ་ཤུགས་ལྡན་ཉམས་ལེན་པ་ཚོར་གནོད་འཚེ་བྱས་པའི་གནས་ཚུལ་གཅིག་ཀྱང་གསལ་མི་འདུག་ཅེས་ལུང་འདྲེན་གནང་།
ལྷག་པར་དུ་ཁྲིམས་དཔོན་ཨེ་ས་མུ་ར་ལི་དྷར་ལགས་ཀྱིས་ཆོས་དང་འབྲེལ་བའི་གནས་ཚུལ་དང་ཆོས་འབྲེལ་བྱེད་སྟངས་སྐོར་ཚོ་ཁག་ནང་ཁུལ་མི་མཐུན་པའི་གནས་ཚུལ་རིགས་མཐོ་རིམ་ཁྲིམས་ཁང་གི་ཁྱབ་ཚད་ལས་བརྒལ་བས། འདི་ནས་ཁྲིམས་ཞིབ་བྱེད་མི་ཐུབ་ཅེས་མ་འོངས་པར་ཞུ་གཏུགས་འདིའི་རིགས་ཁྲིམས་ཁང་ནང་ཡོང་གཞི་མེད་པ་བཟོས་ཡོད་པ་རེད་ཅེས་གསལ་ཡོད།
ཞུ་གཏུགས་དེ་ནི་ལོ་གཉིས་ཀྱི་གོང་དང་གཞིས་ལུས་བོད་མི་ཚོས་རྒྱ་གཞུང་ལ་ཞི་བའི་ངོ་རྒོལ་བྱས་རྗེས་ཀྱི་ཟླ་གཉིས་ཀྱི་རྗེས་ཏེ། ༢༠༠༨ ལོའི་ཕྱི་ཟླ་ ༥ ཟླ་མགོར་བྱས་པ་རེད། དོལ་རྒྱལ་ཚོགས་པས་༧གོང་ས་མཆོག་དང་བཙན་བྱོལ་བོད་གཞུང་གི་བཀའ་བློན་ཁྲི་པ་མཆོག རྒྱ་གར་དབུས་དང་ཧི་མ་ཅལ་མངའ་སྡེ་བཅས་རྒྱ་གར་ཁྲིམས་ཁང་ལ་ཁྲིམས་གཏུགས་བྱས་ཏེ། ཁོང་ཚོར་བརྙས་བཅོས་བྱེད་ཀྱིན་ཡོད་སྐོར་བརྗོད་ཡོད།
སྐབས་དེར་ངྷ་སར་རྟེན་གཞི་བྱས་པའི་ཆོལ་ཁ་གསུམ་གྱི་རྒྱུན་ལས་དང་ཆོལ་གསུམ་ཆིག་སྒྲིལ། དབུ་མའི་ལམ། རྒྱལ་ཡོངས་ཆབ་སྲིད་སྲིད་བཙོན་གྲོལ། ཚོང་ཁང་སྐྱིད་སྡུག མངའ་རིས་སྤྱི་འཐུན། དང་ཟུར་སྐྱིད་སྡུག ངྷ་ས་བོད་མིའི་གསོལ་མགྲོན་སོགས་ཀྱིས་གསར་འགོད་གསལ་བསྒྲགས་སྤེལ་ཏེ། གོང་གསལ་ཚོགས་སྡེ་ཁག་གིས་དོལ་རྒྱལ་ཚོགས་པའི་ཁྲིམས་གཏུག་གི་བྱ་འགུལ་དེར་མཐའ་གཅིག་ཏུ་ངོ་རྒོལ་དང་སྐྱོན་བརྗོད་བྱས་ཡོད་པ་རེད།
peyakpo re.
THANK YOU INDIA,
དགེ་ལུགས་ཚང་གི་ འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་ཟུར་ལུང་རིགས་རྣམ་རྒྱལ་དོལ་ཚོགས་ནང་སྐྱར་ལོགས་བྱེད་པ་རེད་ད་ ཁྱེད་ཚང་ལ་ད་དུང་གང་བཤད་རྒྱུ་ཡོད་ སྔར་རྒྱལ་ཡོངས་དགེ་ལུགས་ཚོགས་ཆེན་ཐོགས་ གཏམ་བཤད་གཅི་གི་ནང་ ༼ད་ལྟའི་བསྐབས་སུ་ང་ཚོ་ཤུགས་ལྡན་སྤངས་དགོས་ནི་རེད་གང་ཡིན་ཟེར་ན་ ༧་གོང་ས་མཆོག་གི་བཀའ་རེད་ དུས་ནམ་ཞིག་ཚད་ཡོད་ནི་མ་རེད་ཟེར་༽ ཚིག་དེ་ལ་འགྲེལ་བཤད་གཅིག་བྱེད་རོག་གནང་དང་
རྒྱབ་སྐྱོར་བྱེད་མི་འོས་པ་ཞིག་ལ་རྒྱབ་སྐྱོར་མ་བྱས་པ་དེ་ཡག་པོ་རེད།
བསམ་སྦྱོར་ངན་པའི་ཚོགས་པ་མ་ལུས་པ། མཆོག་གསུམ་བདེན་པས་རྩད་ནས་གཅོད་གྱུར་ཅིག
ཉེ་ཆར་སྐྱེ་རྒུ་མདོར་ས་ཡོམ་གྱི་གནོད་པ་བྱུང་སྟེ་མི་མང་བོར་འཆི་རྨས་དང་། རྒྱུ་ནོར་ལོངས་སྤྱོད་ལ་གོད་ཆག་ཚབས་ཆེན་ཐེབས་པ་དེ་ནི། བོད་ཀྱི་ལོ་རྒྱུས་ཁྲོད་ཧ་ཅང་ཡིད་སྐྱོ་བའི་གནས་ཚུལ་ཞིག་དང་། བོད་མི་ཚང་མར་སེམས་འཚབ་ཆེན་པོ་ཆགས་ཡོད། འོད་ཀྱང་དགའ་འོས་པ་ཞིག་ལ་རྒྱ་གར་དབུས་གཞུང་དང་ཧི་མ་ཅལ་མངའ་སྡེ་བཅས་ཁྲིམས་བྱས་པ་དེ་ལྡི་ལི་མཐོ་རིམ་ཁྲིམས་ཁང་གིས་རྩིས་མེད་བཏང་བ་ཕྱིར་བསྒྲགས་བྱས་འདུག ་་་་་་དོལ་རྒྱལ་ཚོགས་པའམ་རྡོ་རྗེ་ཤུགས་ལྡན་འདྲེ་གང་ལྟར་འདི་ཡིས་ཚོགས་པ་ནི་ས་ཡོམ་གྱི་ཁྲོད་དུ་ཤི་བ་དང་གཅིག་མཚུངས་ཡིན་་་་་་་་་འདི་ནི་བོད་མི་ཚོ་དགའ་འོས་པིའི་གནས་ཚུལ་ཆེན་པོ་ཞིག་ཡིན་ལ་དར་དུང་་་་ ལྡི་ལི་མཐོ་རིམ་ཁྲིམས་ཁང་གི་ཁྲིམས་དཔོན་ཨེ་ས་མུ་ར་ལི་དྷར་ (Justice S.Muralidhar) ལགས་བོད་མི་ཡོང་ཀྱིས་ཐུགས་རྗེ་ཆེན་གྲང་མེད་ཞུ་ཞུ་ཞུ་་་
ཉེ་ཆར་སྐྱེ་རྒུ་མདོར་ས་ཡོམ་གྱི་གནོད་པ་བྱུང་སྟེ་མི་མང་བོར་འཆི་རྨས་དང་། རྒྱུ་ནོར་ལོངས་སྤྱོད་ལ་གོད་ཆག་ཚབས་ཆེན་ཐེབས་པ་དེ་ནི། བོད་ཀྱི་ལོ་རྒྱུས་ཁྲོད་ཧ་ཅང་ཡིད་སྐྱོ་བའི་གནས་ཚུལ་ཞིག་དང་། བོད་མི་ཚང་མར་སེམས་འཚབ་ཆེན་པོ་ཆགས་ཡོད། འོད་ཀྱང་དགའ་འོས་པ་ཞིག་ལ་རྒྱ་གར་དབུས་གཞུང་དང་ཧི་མ་ཅལ་མངའ་སྡེ་བཅས་ཁྲིམས་བྱས་པ་དེ་ལྡི་ལི་མཐོ་རིམ་ཁྲིམས་ཁང་གིས་རྩིས་མེད་བཏང་བ་ཕྱིར་བསྒྲགས་བྱས་འདུག
བསམ་སྦྱོར་ངན་པའི་གདུག་རྩུབ་མ་ལུས་པ།།
མཆོག་གསུམ་བདེན་པའི་བརྩད་ནས་གཅོད་གྱུར་ཅིག
ཁྱོད་ཚོར་ཉིན་འདིའི་སྒྱུང་ཞིག་བཤད།
དོལ་རྒྱལ་ཚོགས་པའི་༸གོང་ས་མཆོག་ཁྲིམས་གཏུགས་ཀྱི་ཉིན་མོ་དེར་མོན་གྷོ་འདོད་རྒྱུ་གླིང་གི་ཛ་དྲག་ཚོགས་ཆུང་གི་གོ་སྒྲིག་འོག་མྱ་ངན་གྱི་ལས་འགུལ་ཞིག་གོ་སྒྲིག་བྱས་ཡོད་པ་རེད། ཛ་དྲག་ཚོགས་ཆུང་གིས་གྲོང་སྡེ་དང་དགོན་སྡེ་ཁག་གི་མི་སུ་ཡང་ཕྱིར་མི་ཏོན་རྒྱུར་གསལ་བསྒྲགས་སྤེལ་བ་རེད། ས་གནས་བུད་མེད་ཚོགས་གཙོ་པདྨོ་ལགས་ཉིན་དེའི་ཞོགས་པའི་ཆུ་ཚོད་༨པའི་སྟེང་རླངས་འཁོར་ཞིག་ལ་བསྡད་དེ་ཁོ་མོའི་གཞིས་གྲོང་བཞི་བའི་ཁོ་མོའི་ཁྱོ་ཀའི་ནང་སོང་བ་རེད། སྟབས་མ་ལེགས་པར་གྲོང་སྡེ་བཞི་བའི་བརྒྱ་དཔོན་སོགས་ཀྱིས་འདྲི་གཅོད་དང་ཁྲིམས་འགལ་དུ་བརྩིས་ཏེ་རླངས་འཁོར་ལ་ཧིན་སྒོར་༡༥༠༠ཏམ་པའི་ཆད་པ་དང་། བུད་མེད་ཚོགས་གཙོ་དང་མོའི་ཁྱོ་ཀ་གཉིས་ཀ་གྲོང་སྡེ་ཚོགས་འདུ་སར་ཁྲིད་དེ་ཕྱག་འཚལ་བ་དང་། ༸གོང་ས་མཆོག་གི་སྐུ་པར་ལ་མཇལ་དར་སྒྲོན་འབུལ་ཞུ་བཅུག་པ་རེད། དེ་དང་ཆབས་ཅིག་བུད་མེད་ཚོགས་གཙོའི་ཉེས་པ་ཞེས་པའི་ཤོག་ལྷེབ་གཉིས་ཅན་ཞིག་གྲོང་སྡེ་ཁག་དགུར་བཀྲམས་སྟེ་སྡེ་སོ་སོའི་མ་ཎིའི་ཚོགས་ཏོག་ནས་གསལ་བསྒྲགས་བྱེད་བཅུག་པ་རེད།
ཉིན་གཉིས་པ་དེར་ཛ་དྲག་ཚོགས་ཆུང་གིས་ཛ་དྲག་ཚོགས་འདུ་ཡོད། ཡོང་དགོས་པའི་བརྡ་ལན་འབྱོར་སོང་།་ ང་རང་རང་བདེན་ཚོགས་ཆུང་གི་ལས་དོན་ཞིག་གི་ཆེད་གྲོང་སྡེ་དགུ་བར་ཡོད། ངེད་ཀྱི་ལས་རོགས་ཤིག་བཏང་སྟེ་ང་རང་ཚོགས་འདུར་བཅར་ཏུབ་མ་སོང་། དགོང་མོ་དེར་ངེད་ཀྱི་ལས་རོགས་ལ་ཁ་པར་བཏང་སྟེ་ཛ་དྲག་ཚོགས་ཆུང་གིས་ག་རེ་ཏག་གཅོད་བྱས་སོང་ལབ་པ་ཡིན། གཞན་པ་གང་ཡང་མི་འདུག་ བུད་མེད་ཚོགས་གཙོས་ཛ་དྲག་ཚོགས་ཆུང་གི་བཀའ་དང་ལེན་མ་བྱས་པས་ཉེས་པ་རེག་འདུག མོ་རང་གི་བཟང་ཕྱོགས་ནས་ཛ་དྲག་ཚོགས་ཆུང་གི་དྲུང་ཆེ་ནས་དགོངས་པ་ཞུ་རྒྱུ་དང་། དེ་ལྟར་མ་བྱས་ཚེ་དྲུང་ཆེ་ནས་གནས་དབྱུང་གཏོང་རྒྱུར་ཚང་མས་མཚན་རྟགས་བསྡུ་རུབ་བྱས་སོང་ཟེར།
ཕྱིས་སུ་ཛ་དྲག་ཚོགས་ཆུང་གི་སློབ་སྟོན་པ་སྤྱི་འཏུས་ཚུལ་ཁྲིམས་འོད་ཟེར་དང་།་བདེ་སྲུང་སྐུ་ངོ་སོགས་ནས་དེ་ལྟར་མི་ཡོང་བའི་འབོད་སྐུལ་ཞུས་དོན་བཞིན་གནས་ཚུལ་དེ་ཞི་འཇམ་ཆགས་པ་རེད།
འདི་ནི་༢༠༠༨།༢༠༠༩་བར་གྱི་མོན་གྷོའི་དཔོན་པོ་ཚོས་མཚན་རྟགས་བསྡུ་རུབ་ཏེངས་བཞི་བ་དེ་རེད།
ཡ་ཡ་རྙོག་དྲ་འདི་ཚོའི་རིགས་རེ་རེ་ནས་མེད་ན་ཡག་ཤོས་རེད། སྤྱི་བཏང་འཇིག་རྟེན་འདིའི་སྟེང་གཅིག་ཡིན་ན་མང་དྲག་པ་དང་། སྟོང་ཡིན་ན་ཉུང་དྲག་པའི་གནས་ཚུལ་གཉིས་ཡོད་པས། ཕྱི་མ་ལ་དོ་སྣང་ཆེན་པོ་བྱེད་ཀྱི་ཡོད་པ་རེད།
འཇིག་རྟེན་གནས་ལུགས་ཆོས་བདག་བདེན་མེད་ཀུན་ལ་རྨོངས་པའི་རྨོངས་བུའི་རིགས།།
འདི་མེད་ཕྱི་མེད་སྤྱི་ཚོགས་གདོན་གྱི་མཆིལ་སྣབས་བཞིན་དུ་འདོར་བྱའི་ཚོགས།།
སྐར་ཆ་རེའང་འགྲོགས་འདྲིས་མི་འབྱུང་མི་རབས་བདུན་བརྒྱུད་སོང་ཟིན་ནས།།
རང་རེའི་མི་རྒྱུད་གཙང་མ་ཞིག་ཏུ་གཟོད་ནས་འབྱུང་བར་རེ་སྨོན་རྒྱག།
ལྟོ་གོས་གྲི་ཤིའི་ཤ་ལ་བསྟེན།།
འཕུང་དཀྲུག་ཕུ་ནུའི་ཁྲོད་ནས་དཀྲུགས།།
རང་ངོ་མ་ཟིན་ཟ་འདྲེའི་རིགས།།
དཔལ་ལྡན་ལྷ་མོའི་ཞལ་དུ་སྟོབས།།
ཁ་རཾ་ཁཱ་ཧི།
སྐྱེ་བུ་དམ་པ་ཆོ༹འི་ལྷ་འདྲེ་གང་ཡིན་དཔྱོད་པ་བྱེད་ངེས་ལ་ཆོ༹ད་དཔག་ནོས་སོ།
༹བདག་ལྟར་བུ་སྐྱེས་བུ་ཐ་མ་པ་ང་ཆོ༹འི་ཆོ༹ད་དཔག་ག་ལ་ནུས།།
དོལ་རྒྱལ་ཚོགས་པའི་ཞུ་གཏུགས།
དོལ་ཡུལ་འཁྱམས་པོ་འདྲེ་རུ་སྐྱེས། ། །
རྒྱལ་འདོད་མ་རྒྱལ་འགོང་པོར་རྒྱལ། །
ཚོགས་པ་མི་དགོས་ཚོགས་པ་བཙུགས། །
ཞུ་གཏུགས་མི་དགོས་ཞུ་གཏུགས་ཕམ། །
གཟུགས་མེད་གཟུགས་ཡོད་གནོད་པ་ཞི་གྱུར་ཅིག །
བདེན་པས་རྫུན་པ་ཕམས་བྱེད་ཅིང་།
ཆུ་ཡིས་མེ་ནི་ཕམས་པར་བྱེད།
ལྷ་ཡིས་འདྲེ་རྣམས་ཕམས་བྱེད་ཅིང་།
གནས་ལུགས་ཀྱིས་ནི་བཅོས་མ་ཕམས།
དུལ་རྒྱལ་ཚོགས་པ་འདི་ཉིད་རྩ་མེད་མ་བཏང་ན་ཡག་པོ་མ་བྱེད་པའི་ཐག་ཆོད། ཁོ་ཚོས་ལྷོ་ཕྱོགས་སུ་དགོན་པ་ཆེན་པོ་མང་པོ་རྒྱབ་ཀྱི་འདུག་ལྟོས་དང་། ཟམ་གདོང་བླ་མ་འདི་ཤི་ཚར་བ་འདྲ།
དྲ་གྲོགས་གནད་དོན་འདིའི་རྐྱེན་གང་ལ་ཐུག་འདུག ཆོས་ཞེས་པའི་བརྡ་ཆད་འདི་ལས་བྱུང་བ་ཞིག་རེད་དམ མི་བུའི་སེམས་གཞི་ལས་རྩ་བ་བྱས་པ་ལས་བྱུང་བ་ཞིག་རེད
ཡིན་ནའང་མི་དང་མིའི་སེམས་རྒྱུད་དྭངས་གཉུག་ཕྱེ་ཁྱེད་བཅོས་པས་རང་བཞིན་ཏུ་གྲུབ་པའི་ཆོས་འདི་ལས་བྱང་བ་ཞིག་མིན་པར་མྱོང་བས་བསྒྲུབ་ཐུབ ། མི་སེམས་འདེགས་བྱེད་ཆོས་དེ་བོར་ནས་དེ་ལས་ ལྡོག་སྟེ་མི་སེམས་རྩོག་པའིརང་བཞིན་ཏུ་ཁྲིད་པའི་ལྷ་མཆོད་གླུ་མཆོད་དག་གིས་བྱེད་སྒོ་ལས་བྱུང་བ་ཨེ་རེད །
གྲོགས་པོ་བཀྲ་ཤིས་ལགས།སོ་སོ་འདྲེ་རུ་སྐྱེ་དགོས་ན་རྗེ་གཙོང་ཁ་པའི་ཟབ་མོ་ཆོས་ཀྱི་སྐྱེ་མི་ཐུབ་མོ།ཧཧཧཧཧཧཧཧཧཧཧ
དོལ་རྒྱལ་ཚོགས་ཞུ་གཏུགས་རྩིས་་མེད་བཏང་བ་དེ་དྲང་བདེན་ལ་རྒྱལ་ཁ་བརྙེས་པ་རེད ། ཡིན་ནའང་དོལ་རྒྱལ་ཤི་ཟིན་ཀྱང་དོལ་རྒྱལ་རྗེས་འབྲངས་པ་མང་པོ་ལྷག་ཡོད་སྟབས་ད་རུང་གཏན་ས་ཁག་ན་དཀའ་བསྔལ་མི་ཉུང་བ་ཞིག་སྤྲད་ཀྱིན་ཡོད ། རྒྱུ་མཚན་ནི་༧གང་ས་མཆོག་ལ་་ངོ་རྒོལ་བྱེད་ཞིག་མཉམ་དུ་ཁོར་ཡུག་གཅིག་ཏུ་བསྟད་ཡོད ། སྤྱིར་ཆོས་དང་ཟང་ཟིང་གི་འབྲེལ་ཐག་བཅད་ཟིན་ཀྱང་ཆོས་སྒར་གཅིག་ཏུ་བསྡད་པ་འདི་ཉ་དང་ཉོག་མ་བསྲེས་པ་ཁྱད་མི་འདུག ཆོས་ལུགས་མང་་ས་ན་རྩོད་ཉོག་མང་བ་དང་གྲུབ་མཐའ་མང་ས་ན་གསོད་རེས་གཏུབ་རེས་མང་ །
འཛམ་གླིང་ཡུལ་གྲུ་ཀུན་ཏུ་ཉི་མ་ལྟར་ཁྱབ་པའི་གོང་ས་མཆོག་མཛད་འཕྲིན་ཉིན་རེ་ནས་ཉིན་རེ་རྒྱས་པའི་འགྲོ་བ་ཡོངས་ཀྱི་གོང་དུ་བསྐུར་ཅིང་ཅི་གསུངས་བཀའ་བཞིན་བསྒྲུབ་པའི་དུས་སུ་གདོན་འདྲེ་གསོ་བའི་ཚོགས་པ་དེ་སྙིང་རྗེ
ཞུ་གཏུགས་རྩིས་མེད་དུ་བཏང་བ་དང་ཆབས་ཅིག་ཞུ་གཏུགས་བ་ཁྱུ་ཅིག་མིང་མེད་རྩ་མེད་དུ་གཏོང་དགོས་པ་རེད། གནད་དོན་འདི་དག་རིམ་བཞིན་ཐལ་བའི་རྡུལ་དུ་བརླགས་བར་སྨོན།
དམ་སྲི་འབྱུང་པོའི་ཚེ་སྲོག་ཕྲ་མོ་གཤིན་རྗེ་གཤེད་ཀྱི་ཞལ་དུ་བསྟབ་ཀྱང་ད་དུང་འདྲེ་སྲིན་མིང་ལ་སྐྱབས་སུ་འཆའ།
གང་ཡང་མ་རིག་ཅི་ཡང་མ་གོ་བླུན་པོའི་སྐྱབས་གནས་རི་བོང་ར་ཡིས་བྱ་བ་བྱེད་སྙམ་རྣམ་རྟོག་འཁྲུལ་བའི་གྲ་བ་བཙུགས།
རྨོངས་པའི་བུ་དག་སྒོར་གྱིས་བསླུས་སམ་ལས་ཀྱི་རྣམ་སྨིན་བདོ་བ་འམ།།
ཡང་ན་དུས་ཀྱི་འདྲེ་མོས་ལྡུད་པའི་མི་བཟད་སྨྱོས་ཆུ་འཐུང་ངམ་ཅི།།
འབྱུང་བོའི་གྲིབ་གཟུགས་ལྷ་རུ་བསྒོམས་ནས་ལྷ་ལ་རྒྱབ་ཀྱིས་ཕྱོགས་པའི་ཚོགས།།
སྐད་ཅིག་བདེ་བའི་སྐལ་བས་སྟོངས་ཏེ་མནལ་མེད་ཡུལ་གྱི་མགྲོན་དུ་ཤོག།
འདྲེ་དང་གདོན་གྱི་སྙིང་ཁམས་མཁྲེགས་པོ་ཁྲོ་ཡི་རྒྱ་མཚོར་གཞུས་པའི་མེ།།
བདག་གི་རྩེ་གཅིག་བདེན་པའི་གོང་བུ་གང་དེའི་ཞལ་གསུངས་དྲོན་མོ་སྟེ།།
འབྱུང་བོ་སྐྱབས་སུ་རེ་བའི་བདུད་ཚོགས་ཀུན་བཟོད་མ་ཡི་གར་གནས་ཀྱང་།།
བཀྲ་མི་ཤིས་ཤིང་དོན་མི་འགྲུབ་པའི་རྟགས་དང་ལྟས་ངན་རྒྱུན་མི་ཆད།།
བོད་པའི་ཞབས་འདྲེན་འདི་ཚང་ང་ཆི་ཟི་དགོས་ནི་རེད། མ་རབ་འདི་ཚོ། སངས་རྒྱས་ཀྱི་བསྟན་པའི་ནང་་གང་གསུང་པ་དང། འཇམ་མགོན་བླ་མ་ཙོང་ཁ་ཆེན་པོའི་ལམ་རིམ་གཙོས་པའི་ཆོས་ཟམ་མོ་དེ་ཚོ་ཉམས་སུ་མི་ལེན་པར་ད་རུང་སྡུག་འདྲེ། ཤི་འདྲེ། དོལ་འདྲེ་དེ་ལ་ག་རེ་ཉམས་སུ་ལེན་ཡ་ཡོད་རེད།
སྨོན་ལམ་ལོག་པས་རྒྱལ་བའི་བསྟན་པ་ལ། །འཁུ་བའི་ནག་ཕྱོགས་གཟུགས་ཅན་གཟུགས་མེད་སྡེ། །བསམ་སྦྱོར་ངན་པའི་འཇུག་པ་མ་ལུས་པ། །མཆོག་གསུ་བདེན་པས་རྩད་ནས་གཅོད་གྱུར་ཅིག །
ཕྱག་ན་པདྨོའི་བྱིན་རླབས་བདུད་རྩིའི་རྒྱུན། །བདག་སོགས་སྙིང་གི་ཟུངས་སུ་རྟག་སྨིན་ཅིང་། །བཀའ་བཞིན་སྒྲུབ་པའི་མཆོད་པས་རབ་བསྙེན་ནས། །ཀུནབཟང་མཆོད་མཆོག་རྒྱ་མཚོར་མཐར་སོན་ཤོག །