ཁ་སང་ཕྱི་ཚེས་ ༢༦ ཉིན་མཉམ་འབྲེལ་རྒྱལ་ཚོགས་བྱིས་པའི་ཐེབས་རྩ་ཚོགས་པས་ཨ་སྒོར་ལྔ་འབུམ་ ༥༠༠༠༠༠ ཙམ་གྱི་རོགས་སྐྱོར་དངོས་རྫས་ཡུལ་ཤུལ་སྐྱེ་རྒུ་མདོར་འབྱོར་ཡོད། ཁ་སང་ཉིན་གུང་ཆུ་ཚོད་དང་པོའི་སྟེང་རོགས་སྐྱོར་དངོས་རྫས་དྲུད་ཡོད་པའི་རླངས་འཁོར་ཆེ་བ་ ༣ སྐྱེ་རྒུ་མདོའི་གོད་ཆག་བྱུང་ཡུལ་དུ་འབྱོར་ཡོད་འདུག་ཅིང་། ད་དུང་སྨན་བཅོས་ཀྱི་སྒྲིག་ཆས་དང་། བྱིས་པ་ཚོར་སློབ་སྦྱོང་གི་ཡོ་བྱད་སོགས་རིམ་བཞིན་འཐོན་རྒྱུ་ཡིན་འདུག དངོས་རྫས་དེ་དག་ནི། རས་གུར་གྱི་སློབ་ཁང་ ༡༥༠ དང་། བལ་གདན་ ༢༠༠༠ ། རས་གུར་གྱི་སློབ་ཁང་རེ་རེར་སློབ་ཕྲུག་ ༥༠ ཙམ་ཤོང་ཐུབ་ཀྱི་ཡོད་འདུག
ཐེངས་འདིའི་མཉམ་འབྲེལ་རྒྱལ་ཚོགས་བྱིས་པའི་ཐེབས་རྩ་ཚོགས་པའི་རོགས་སྐྱོར་དེ། ཕྱི་ཚེས་ ༢༡ ཉིན་རྒྱ་ནག་གི་གྲོང་ཁྱེར་ནན་ཅིན་ནས་ལམ་ལ་ཆས་ཤིང་། འདི་ནི་ཡུལ་ཤུལ་ལ་ས་འགུལ་བྱུང་རྗེས་ཐོག་དང་པོར་གནོད་ཐེབས་ས་ཁུལ་དུ་ཐོན་པའི་རྒྱལ་སྤྱིའི་རྩ་འཛུགས་ཀྱི་རོགས་ཚོགས་ཡིན་འདུག ཐེབས་རྩ་ཚོགས་པ་འདིས་འཛམ་གླིང་ཡོངས་ཀྱི་རྒྱལ་ཁབ་བརྒྱ་དང་ལྔ་བཅུའི་ས་ཁུལ་དུ་བྱ་བ་བསྒྲུབ་བཞིན་ཡོད་ཅིང་། བྱིས་པ་ན་གཞོན་གྱི་འཚོ་གནས་དང་འཕེལ་རྒྱས་ཀྱི་དབང་ཆར་སྲུང་སྐྱོབ་དང་རོགས་རམ་བྱེད་བཞིན་ཡོད་པའི་ཚོགས་པ་ཞིག་ཡིན་འདུག
རོགས་སྐྱོར་གནང་བ།
༄༄།། ད་ལམ་ཉག་ཕྲ་བའི་དུས་སྐབས་འདིར་རང་བྱུང་ཁོར་ཡུག་ལ་ས་ཡོམ་གྱི་གནོད་འཆེ༹་འོག། འཇ༹མ་གླིང་ཕྱོགས་གང་ས་དང་ལྷག་པར་དུ་རང་རིགས་བོད་ཀྱི་ཡུལ་ཤུལ་ས་ཁུལ་སྐྱེ་རྒུ་གྲོང་སྡེ་དང། རོང་པོ་ སྐར་མདའ་ འབྲོག་མདའ་ ཁྲུན་འདུ་ ནང་ཆེན་བཅས། ས་ཕྱོགས་གང་ས་ལ་ས་ཡོམ་གྱི་གནོད་སྐྱོན་ཆ༹བ་ཆེན་བྱུང་ཡོད་པར་བརྟེན། དཔལ་ལྡན་དགོན་ར་ཉག་ཕུན་ཆོ༹གས་ཐེག་ཆེན་གླིང་གི་ཁྲི་པ་སྐྱབས་རྗེ་ལྡན་མ་ཁམས་མགྱོགས་རིན་པོ་ཆེ་མཆོག། ས་ཡོམ་གྱི་རྐྱེན་ངན་བྱུང་བ་གསོན་མ་ཐག་མྱུར་དུ་ Taiwan ནས་མཁའ་ལམ་རྒྱུད་ཟིར་ལིང་ལ་ཕེབས། དེ་ནས་ཁོང་གི་ཐབས་ཤེས་རྒྱུད་དམིགས་གསལ་སྨན་པ་ཁ་ཤས་ཁྲིད་ནས་ཡུལ་ཤུལ་ས་ཁུལ་དུ་ཕེབས་འདུག་པ་མ་ཆ༹ད། ར་ཉག་དགོན་པའི་དགེ་འདུན་པ་ ༡༧༠ དང་ལྷན་དུ་མི་རྒྱུ་གཉིས་གི་ཐོག་རོགས་རིམ་རྒྱ་ཆེར་གནང་འདུག། ལྷག་པར་དུ་ར་ཉག་དགོན་པའི་དགེ་འདུན་པ་ཆོ༹འི་ས་འོག་ནས་བོད་རིགས་ཉིས་བརྒྱ་ལྷག་གི་ཆེ༹་སྲོག་སྐྱོབ་གནང་ཡིན་པ་རེད། སྤྱིར་གནས་ཆུ༹ལ་གོ་དོན་ལྟར་ན། ཁམས་མགྱོགས་རིན་པོ་ཆེ་དགོན་པ་གསར་པ་ཧ་ཅང་གི་ལེགས་གྲུབ་བྱུང་ཡོད་ཀྱང་ཡིན་ན་ས་ཡོམ་གྱི་གནོད་སྐྱོན་ཆ༹བ་ཆེན་བྱུང་ཡོད། འོན་ཀྱང་ཁོང་གིས་གནས་ཆུ༹ལ་དེ་དག་ལ་མ་གཟིགས་ནས་རང་རིགས་སྤུན་ཟླ་ཤུལ་ལུས་རྒྱ་ཆེར་མི་དམངས་ཡོངས་ཀྱི་ཆེད་དུ་དམིགས་སྟེ། ད་ལྟ་བར་དུ་འགྲོ་སོང་གཏོང་ཆོ༹ད་བྱས་ན། གྲོ་འབྲས་རྒྱ་མ་༡༢༠༠༠ ཅ༹མ་པ་རྒྱ་མ་༡༥༠༠ མར་རྒྱ་མ་༡༠༠༠ ཐུག་པ་ཤོག་སྒམ་༡༠༠༠ ཉལ་ཆས་༣༠༠༠ གྱོན་ཆས་༢༥༠༠ རས་གུར་༡༠༠ དེ་མིན་ཟས་རིགས་འདྲ་མིནདང་ ཉམ་ཐག་དབུལ་པོ་ཁྱིམ་ཆ༹ང་རེ་ལ་སྒོར་༣༠༠ གནང་ཡོད། བསྡོམས་པས་རྒྱ་སྒོར་ཁྲི་ ༢༡༥ ལྷག་གཏོང་ཟིན་ཀྱང་ད་དུང་ཡོང་མི་མཐུད་ནས་གནང་རྩིས་ཡིན་འདུག། དེ་ཡང་མ་ཆ༹ད་རིན་པོ་ཆེ་ཁོང་གིས་ཤུལ་ལུས་ཡོངས་ཀྱི་ཆེད་དུ་དམིགས་ནས་ཕྱི་རྒྱལ་ཡུལ་གྲུ་དང་རྒྱ་ནང་གི་ཆོ༹གས་པ་ཁག་སོ་སོ་ལ་རོགས་རིམ་འབོད་བསྐུལ་གནང་འཆར་ཡིན་འདུག་པ་མ་ཆ༹ད་ཁོང་གིས་གསར་འཇུ༹གས་གནང་བ་སྨོན་ལམ་ཆོ༹གས་ཆུང་རྒྱུད། ཆེ༹་འདས་ཡོངས་ཀྱི་ཆེད་དུ་ཉིན་ལྟར་སྐྱབས་གནས་འཕགས་པའི་དགེ་འདུན་པ་རྣམས་ཀྱི་བསྔོ་བ་སྨོན་ལམ་དང་མི་དམངས་བརྒྱ་ཕྲག་དུ་མ་ནས་འཕགས་མཆོག་སྤྱན་རས་གཟིགས་ཀྱི་གཟུངས་སྔགས་འབུམ་ཆོ༹གས་ཆོ༹གས་ཀྱི་ཡོད་རེད་ཟེར། གོང་གི་གནས་ཆུ༹ལ་དེ་དག་ས་གནས་དགོན་པའི་གྲ་བློ་བཟང་གི་གསུང་པ་ལྟར་བྲིས་ཡིན། སྤྱིར་གསར་འགྱུར་རྒྱུད་ལམ་ཁག་ནས་གནས་ཆུ༹ལ་སྤེལ་བ་ལྟར་ན། རང་ཡུལ་གངས་ཅན་ལྗོངས་ནས་ཆོལ་ཁ་སོ་སོ་དགོན་སྡེ་ཁག་དང་བླ་ཆེན་རྣམ་པ་གཅོ༹ས་རང་རིགས་བོད་ཀྱི་ཡུལ་ཤུལ་ས་ཁུལ་ལ་རོགས་རིམ་རྒྱ་ཆེར་གནང་ཡོད་པ་མ་ཆ༹ད། ཕྱི་རྒྱལ་ཡུལ་གྲུ་ཁག་སོ་སོ་དང་ སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་དབུས་རིས་མིན་བླ་ཆེན་རྣམ་པ་དང་དགོན་སྡེ་ཡོངས་ཀྱི་རོགས་རིམ་གནང་ཡོད་པས་འདིར་མ་བྲིས་སོ།།
མཉམ་འབྲེལ་རྒྱ་ཚོགས་ཟེར་བའི་ཉམས་ཐག་ལ་རོགས་སྐྱོར་གནང་མཁན་དེ་ད་རེས་བོད་པའི་བདེ་སྡུག་འཐོང་བ་དེ་མིང་དོན་མཐུན་འདུག་
མཉམ་འབྲེལ་རྒྱལ་ཚོགས་ད་བར་ཏུ་གང་ནས་གཉིད་ནས་སོང་བ་ཡིན། མ་གཞི་རང་གཟུགས་ནང་གནས་མི་ཐུབ་པའི་རྒྱལ་ཚོགས་འདི་ཚོ་བོད་ཐོག་ལ་ནམ་ཡིན་ན་གཉིད་ཁུགས་ནས་བསྡད་འདུག
མཉམ་འབྲེལ་རྒྱལ་ཚོགས་ཡོད་པའི་དགའ་བ་ལ།
བདེ་སྡུག་ཞུ་ས་མེད་པའི་སྐྱོ་བ་ལ།
དཔལ་འབྱོར་རྒྱབ་སྐྱོར་ཡོད་པའི་དགའ་ལ།
ཆབ་སྲིད་རྒྱབ་སྐྱོར་མེད་པའི་སྐྱོ་བ་ལ།
འཛམ་གླིང་ཡུལ་གྲུབ་ཀུན་ཏུ་གནས་པའི་རྒྱལ་ཞེན་བོད་མི་ཡོངས་ཀྱི་ཚབ་ཞུས་ཏེ་སྙིང་ཁོག་བཏིང་ནས་ཐུགས་རྗེ་ཆེ་ཞུ་རྒྱུ་ཡིན་
དངོས་ནས་སྙིང་ཐག་པ་ནས་ཐུགས་རྗེ་ཆེ་ཞུ།
ཐུགས་རྗེ་ཆེ། ཉམ་ཆུང་བྱིས་པ་དག་ལ་ཕན་ཐོགས་ཡོང་བར་ཤོག