ང་ཚོའི་ཁ་གཏད་ནི་བོད་རྒྱལ་ཁབ་དང་མི་རིགས་ཀྱི་དགྲ་བོ་ཡིན་པར་མ་ཟད། བདེན་པ་དང་རང་དབང་། དམངས་གཙོ་དང་ཞི་བདེ་བཅས་ཀྱི་དགྲ་བོའང་ཡིན་ཞེས་གཞོན་ནུའི་ཚོགས་གཙོས་གསུངས་ཡོད།
ཕྱི་ཚེས་ ༢༩ ཉིན་གྱི་ཞོགས་པའི་དུས་ཚོད་ ༧༌༣༠ སྟེང་ངྷ་ས་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་བཞུགས་སྒར་ངྷ་སའི་ཉེ་འདབས་ཀྱི་ལྷ་རྒྱལ་རིའི་མཆོད་རྟེན་མདུན་ཐང་དུ་བོད་ཀྱི་དཔའ་བོའི་ཉིན་མོ་ཐེངས་ ༡༢ པ་དེ་རྗེས་དྲན་སྲུང་གཙི་ཞུས་ཡོད་པ་དང་། ཐེངས་འདིའི་སྐུ་མགྲོན་གཙོ་བོར་བཀའ་བློན་ཁྲི་ཟུར་བསོད་ནམས་སྟོབས་རྒྱལ་མཆོག་དང་། སྤྱི་འཐུས་ཚོགས་གཙོ་ཟུར་པ་ཀརྨ་ཆོས་འཕེལ་ལགས། དེ་བཞིན་གཞོན་ནུའི་ཚོགས་ཟུར་ལྷ་བཟང་ཚེ་རིང་དང་སྤྱི་འཐུས་ཀརྨ་ཡེ་ཤེས་བཅས་ཕེབས་གནང་འདུག་ལ། སྐབས་དེར་ངྷ་སའི་ཉེ་འཁོར་ནས་སླེབས་པའི་བོད་མི་བརྒྱ་ལྷག་ཀྱང་ཐེངས་འདིའི་མཛད་སྒོར་མཉམ་ཞུགས་བྱས་ཡོད་པ་རེད། མཛད་སྒོ་མ་འཚོགས་གོང་སྐུ་མགྲོན་གཙོ་དབུ་བཞུགས་ཐོག་སྨོན་ལམ་གསོལ་འདེབས་གནང་ཡོད། དེའི་རྗེས་སྐུ་མགྲོན་ཚོས་རེ་རེ་བཞིན་ལྷ་རྒྱལ་རིའི་མཆོད་རྟེན་མདུན་གྱི་དཔའ་པོ་ཐུབ་བསྟན་དངོས་གྲུབ་ལགས་ཀྱི་སྐུ་པར་ལ་མཇལ་དར་སྒྲོན་སོང་།
དབུས་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་དབང་རིག་འཛིན་མཆོག་གིས་ཐེངས་འདིའི་དུས་དྲན་དང་འབྲེལ་གསུངས་དོན། གཞིས་བྱེས་ཁ་ཐོར་ངང་ཡུལ་གྱར་དུ་བོད་རང་བཙན་འཐབ་རྩོད་བྱེད་པའི་མི་ལོ་ ༥༡ བྱུང་རབས་ནང་། དེ་རིང་ནི་གངས་ཅན་པ་ཡོངས་ཀྱིས་སྐྱོ་སྣང་དང་སྤོབས་སེམས་ཟུང་གིས་རྗེས་དྲན་འོས་པའི་རླབས་ཆེན་གྱི་ཉིན་མོ་སྟེ། རྒྱལ་གཅེས་དཔའ་བོ་ཐུབ་བསྟན་དངོས་གྲུབ་ལགས་བོད་རྒྱལ་ཁབ་དང་བདེན་དོན་གྱི་ཆེད་དུ་སྐུ་སྲོག་ཤོར་ནས་མི་ལོ་ ༡༢ འཁོར་བའི་ཉིན་མོ་ཡིན། ཅེས་དང་། དེ་རིང་བོད་ཀྱི་གཞོན་ནུ་ལྷན་ཚོགས་ཀྱིས་བོད་ཀྱི་བདེན་དོན་དུ་ཚེ་སྲོག་ཤོར་བའི་རྒྱལ་གཅེས་དཔའ་བོ་དཔའ་མོ་ཡོངས་ལ་ཆེས་བླ་ན་མེད་པའི་མྱ་ངན་གུས་འདུད་དང་རྗེས་དྲན་ཞུ་རྒྱུ་ཡིན། ལྷག་པར་ད་ལྟ་ཡང་རྒྱ་ནག་གི་བཙོན་ཁང་ནང་འཛིན་བཟུང་བཀག་ཉར་བྱས་ཡོད་པའི་དཔའ་བོ་དཔའ་མོ་རྣམས་ཀྱིས་གཙོས་པའི་གཞིས་ལུས་སྤུན་ཟླ་ཡོངས་ལ་སེམས་ཚོར་དྲག་པོས་གདུང་སེམས་མཉམ་སྐྱེད་དང་། ཁོང་རྣམ་པའི་རྒྱལ་ཞེན་སྙིང་སྟོབས་ལ་དགའ་སྤོབས་ཆེན་པོས་ཡི་རངས་བསྔགས་བརྗོད་ཀྱང་ཞུ་རྒྱུ་ཡིན།
ང་ཚོའི་ཁ་གཏད་ནི། བོད་རྒྱལ་ཁབ་དང་མི་རིགས་ཀྱི་དགྲ་བོ་ཡིན་པར་མ་ཟད། བདེན་པ་དང་རང་དབང་། དམངས་གཙོ་དང་ཞི་བདེ་བཅས་ཀྱི་དགྲ་བོའང་ཡིན། ང་ཚོའི་དམིགས་ཡུལ་དང་མདུན་ལམ་ནི་འཛམ་གླིང་ཐུན་མོང་གི་མདུན་ལམ་དང་བཟང་སྤྱོད་ཀྱི་འགན་ཁུར་ཡིན་པས། འཛམ་གླིང་སྤྱིའི་མདུན་ལམ་ལ་བཟང་སྤྱོད་ཀྱི་འགན་སེམས་ལྡན་པའི་གཟུར་གནས་ཡོངས་ནས་ལོ་རྒྱུས་རང་བཞིན་གྱི་བོད་རང་བཙན་སླར་གསོ་ཡོང་བར་སྔར་ལས་ལྷག་པའི་བདེན་རྒྱབ་ཡོང་བའི་འབོད་སྐུལ་དང་། ལྷག་པར་དེང་སྐབས་བོད་ནང་གི་ཛ་དྲག་གི་གནས་སྟངས་ཐད་བལྟ་སྐུལ་ངེས་པར་ཡོང་བའི་འབོད་སྐུལ་ཞུ་རྒྱུ་ཡིན་ཞེས་གསུངས་སོང་།
རོགས་སྐྱོར་གནང་བ།
༄༄།། ད་ལམ་ཉག་ཕྲ་བའི་དུས་སྐབས་འདིར་རང་བྱུང་ཁོར་ཡུག་ལ་ས་ཡོམ་གྱི་གནོད་འཆེ༹་འོག། འཇ༹མ་གླིང་ཕྱོགས་གང་ས་དང་ལྷག་པར་དུ་རང་རིགས་བོད་ཀྱི་ཡུལ་ཤུལ་ས་ཁུལ་སྐྱེ་རྒུ་གྲོང་སྡེ་དང། རོང་པོ་ སྐར་མདའ་ འབྲོག་མདའ་ ཁྲུན་འདུ་ ནང་ཆེན་བཅས། ས་ཕྱོགས་གང་ས་ལ་ས་ཡོམ་གྱི་གནོད་སྐྱོན་ཆ༹བ་ཆེན་བྱུང་ཡོད་པར་བརྟེན། དཔལ་ལྡན་དགོན་ར་ཉག་ཕུན་ཆོ༹གས་ཐེག་ཆེན་གླིང་གི་ཁྲི་པ་སྐྱབས་རྗེ་ལྡན་མ་ཁམས་མགྱོགས་རིན་པོ་ཆེ་མཆོག། ས་ཡོམ་གྱི་རྐྱེན་ངན་བྱུང་བ་གསོན་མ་ཐག་མྱུར་དུ་ Taiwan ནས་མཁའ་ལམ་རྒྱུད་ཟིར་ལིང་ལ་ཕེབས། དེ་ནས་ཁོང་གི་ཐབས་ཤེས་རྒྱུད་དམིགས་གསལ་སྨན་པ་ཁ་ཤས་ཁྲིད་ནས་ཡུལ་ཤུལ་ས་ཁུལ་དུ་ཕེབས་འདུག་པ་མ་ཆ༹ད། ར་ཉག་དགོན་པའི་དགེ་འདུན་པ་ ༡༧༠ དང་ལྷན་དུ་མི་རྒྱུ་གཉིས་གི་ཐོག་རོགས་རིམ་རྒྱ་ཆེར་གནང་འདུག། ལྷག་པར་དུ་ར་ཉག་དགོན་པའི་དགེ་འདུན་པ་ཆོ༹འི་ས་འོག་ནས་བོད་རིགས་ཉིས་བརྒྱ་ལྷག་གི་ཆེ༹་སྲོག་སྐྱོབ་གནང་ཡིན་པ་རེད། སྤྱིར་གནས་ཆུ༹ལ་གོ་དོན་ལྟར་ན། ཁམས་མགྱོགས་རིན་པོ་ཆེ་དགོན་པ་གསར་པ་ཧ་ཅང་གི་ལེགས་གྲུབ་བྱུང་ཡོད་ཀྱང་ཡིན་ན་ས་ཡོམ་གྱི་གནོད་སྐྱོན་ཆ༹བ་ཆེན་བྱུང་ཡོད། འོན་ཀྱང་ཁོང་གིས་གནས་ཆུ༹ལ་དེ་དག་ལ་མ་གཟིགས་ནས་རང་རིགས་སྤུན་ཟླ་ཤུལ་ལུས་རྒྱ་ཆེར་མི་དམངས་ཡོངས་ཀྱི་ཆེད་དུ་དམིགས་སྟེ། ད་ལྟ་བར་དུ་འགྲོ་སོང་གཏོང་ཆོ༹ད་བྱས་ན། གྲོ་འབྲས་རྒྱ་མ་༡༢༠༠༠ ཅ༹མ་པ་རྒྱ་མ་༡༥༠༠ མར་རྒྱ་མ་༡༠༠༠ ཐུག་པ་ཤོག་སྒམ་༡༠༠༠ ཉལ་ཆས་༣༠༠༠ གྱོན་ཆས་༢༥༠༠ རས་གུར་༡༠༠ དེ་མིན་ཟས་རིགས་འདྲ་མིནདང་ ཉམ་ཐག་དབུལ་པོ་ཁྱིམ་ཆ༹ང་རེ་ལ་སྒོར་༣༠༠ གནང་ཡོད། བསྡོམས་པས་རྒྱ་སྒོར་ཁྲི་ ༢༡༥ ལྷག་གཏོང་ཟིན་ཀྱང་ད་དུང་ཡོང་མི་མཐུད་ནས་གནང་རྩིས་ཡིན་འདུག། དེ་ཡང་མ་ཆ༹ད་རིན་པོ་ཆེ་ཁོང་གིས་ཤུལ་ལུས་ཡོངས་ཀྱི་ཆེད་དུ་དམིགས་ནས་ཕྱི་རྒྱལ་ཡུལ་གྲུ་དང་རྒྱ་ནང་གི་ཆོ༹གས་པ་ཁག་སོ་སོ་ལ་རོགས་རིམ་འབོད་བསྐུལ་གནང་འཆར་ཡིན་འདུག་པ་མ་ཆ༹ད་ཁོང་གིས་གསར་འཇུ༹གས་གནང་བ་སྨོན་ལམ་ཆོ༹གས་ཆུང་རྒྱུད། ཆེ༹་འདས་ཡོངས་ཀྱི་ཆེད་དུ་ཉིན་ལྟར་སྐྱབས་གནས་འཕགས་པའི་དགེ་འདུན་པ་རྣམས་ཀྱི་བསྔོ་བ་སྨོན་ལམ་དང་མི་དམངས་བརྒྱ་ཕྲག་དུ་མ་ནས་འཕགས་མཆོག་སྤྱན་རས་གཟིགས་ཀྱི་གཟུངས་སྔགས་འབུམ་ཆོ༹གས་ཆོ༹གས་ཀྱི་ཡོད་རེད་ཟེར། གོང་གི་གནས་ཆུ༹ལ་དེ་དག་ས་གནས་དགོན་པའི་གྲ་བློ་བཟང་གི་གསུང་པ་ལྟར་བྲིས་ཡིན། སྤྱིར་གསར་འགྱུར་རྒྱུད་ལམ་ཁག་ནས་གནས་ཆུ༹ལ་སྤེལ་བ་ལྟར་ན། རང་ཡུལ་གངས་ཅན་ལྗོངས་ནས་ཆོལ་ཁ་སོ་སོ་དགོན་སྡེ་ཁག་དང་བླ་ཆེན་རྣམ་པ་གཅོ༹ས་རང་རིགས་བོད་ཀྱི་ཡུལ་ཤུལ་ས་ཁུལ་ལ་རོགས་རིམ་རྒྱ་ཆེར་གནང་ཡོད་པ་མ་ཆ༹ད། ཕྱི་རྒྱལ་ཡུལ་གྲུ་ཁག་སོ་སོ་དང་ སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་དབུས་རིས་མིན་བླ་ཆེན་རྣམ་པ་དང་དགོན་སྡེ་ཡོངས་ཀྱི་རོགས་རིམ་གནང་ཡོད་པས་འདིར་མ་བྲིས་སོ།།
ཆེད་དུ་གཏན་འདྲེན་བྱས་པའི་སྐུ་འགྲོན་ཚོའི་ཁྲོད་ན་རང་བཙན་རྩོད་ལེན་བྱེད་མཁན་མ་གཏོགས་དབུ་མའི་ལམ་ལ་རྒྱབ་སྐྱོར་བྱེད་མཁན་གཅིག་ཀྱང་མེད་པ་འདི་ཡ་མཚན་ཞིག་མ་རེད་དམ ། གཞོན་ནུས་གོ་སྒྲིག་འཚོགས་འདུའི་གང་འདྲ་བསྐོངས་ཀྱང་སྐུ་འགྲོན་ལ་དབུ་མའི་ལམ་གྱིས་ཐོག་ནས་བོད་མི་རྩ་དོན་སྒྲུབ་མཁན་ཚོ་མ་ཕེབས་རེད་དམ ། གཏན་འདྲེན་མ་བྱས་པ་རེད ། འདི་ནི་ཆབ་སྲིད་ཀྱི་གནད་དོན་མ་ཤེས་པས་ཁེར་འཁོན་ལྟ་བུར་གྱུར་འདུག
དཔའ་བོའི་རྗེས་དྲན་ལ་སྲུང་རྩི་དང་ད་དུང་དཔའ་བོ་མང་ཙམ་མགྱོགས་མྱུར་མི་རིགས་ཀྱི་འཐབ་རྩོད་ཐོག་ཐོན་ཐུབ་པའི་རེ་བ་ཡོད།
དཔའ་བོ་ཐུབ་བསྟན་དངོས་གྲུབ་ལ་མྱ་ངན་ཞུ། ཤི་མ་གསོན་གྱི་གཞོན་ལྷན་འདི་ད་དུང་མུ་མཐུད་འདི་ལྟར་སོང་ན། ལོ་ཤས་རྗེས་གཞོན་ལྷན་ལ་རྗེས་དྲན་ཞུ་དགོས་པའི་ཉིན་མོ་ཞིག་ཆགས་པའི་ཉེན་ཁར་སླེབས་འདུག
གཞོན་ནུ་ཚོགས་པའི་ལས་དོན་སྒྲུབ་ཕྱོགས་སྐོར་རུ་དཀའ་ལས་ཁག་པོ་ཡོད་པར་ཚང་མའི་མཁྱེན་གསལ་རེད། ཡིན་ཡང་ང་རང་ཚོའི་བོད་ཀྱི་གཞོན་སྐྱེ་ཚོས་བོད་ནང་དུ་རང་སྲོག་བློའི་གཏོང་གི་རང་བཙན་འཐབ་རྩོད་བྱེད་བཞིན་ཡོད། བཙན་བྱོལ་བ་ཕྲུག་གུ་ཆུང་ཆུང་ཞིག་ཡིན་ནའང་ལག་ཏུ་བོད་ཀྱི་རྒྱལ་དར་དང་ཁ་ནས་free tibetཞེས་འབོད་བཞིན་དུ་རྒྱལ་ཞེན་དང་བོད་ཞེས་པའི་ཐ་སྙད་བློའི་གཏོང་གི་མེད་པར་འདི་ནི་དགའ་འོས་པ་ཞིག་རེད་སྙམ།
ཡིན་ཡང་གནས་སྐབས་རིང་སྤྱི་ཚོགས་ནང་དུ་བོད་ཀྱི་གཞོན་ནུ་རྣམས་ཀྱི་འདོད་དོན་སྒྲུབ་ཁག་པོ་རེད། ཡིན་ནའང་ང་རང་ཚོའི་དོར་མི་རུང་བ་ནི་རང་ཉིད་བོད་མི་ཞིག་ཡིན་པར་ལས་རྒྱ་མི་ཞིག་མིན་པའི་འདུ་ཤེས་དང་རྒྱ་གོང་ཁྲ་ཏང་འདི་ང་རང་ཚོའི་ཕ་གཞི་འཕྲོག་པའི་ཇག་པ་དང་ཕ་མ་གསོད་པའི་ཤན་པ་ལག་དམར་བ་ཞིག་ཡིན་པར་དུས་ནམ་བརྗེད་མི་ཉན་སྙམ།
དེང་སང་བོད་མི་རྒྱལ་ཞེན་པ་དང་རང་བཙན་རྩོད་འདོད་པ་རྣམས་ལ་རང་དབང་གི་ཐོག་ཏུ་རྩོད་དབང་མེད་པར་འདི་ཡང་དངོས་སུ་ཇི་གསལ་རེད། མ་ཟད་དོན་གྱི་བདག་པོ་༧གོང་ས་མཆོག་གི་བདེན་ཚིག་སྨོན་ལམ་ལ་སྤྱི་འཐུས་གྲོས་ཚོགས་ནང་དུ་འགྲེལ་བཤད་རྒྱག་དབང་མེད་པའི་གནས་སྟངས་དང་ཧམ་རྟགས་ཧམ་འགྲེལ་བྱས་ནས་མང་ཚོགས་ཀྱི་ཁེ་དབང་འཕྲོག་གི་ཡོད་པར་ང་ཚོ་ནུབ་ཕྱོགས་ཀྱི་བོད་མི་རྣམས་ཀྱིས་ཀྱང་མཐོང་གི་འདུག
ཐུགས་རྗེ་གཟིག
དཔའ་བོ་ཐུབ་བསྟན་དངོས་གྲུབ་ལ་མྱ་ངན་ཞུ། ཤི་མ་གསོན་གྱི་གཞོན་ལྷན་འདི་ད་དུང་མུ་མཐུད་འདི་ལྟར་སོང་ན། ལོ་ཤས་རྗེས་གཞོན་ལྷན་ལ་རྗེས་དྲན་ཞུ་དགོས་པའི་ཉིན་མོ་ཞིག་ཆགས་པའི་ཉེན་ཁར་སླེབས་འདུག