ཞོགས་དུང་བཟུང་སོང་། ཞོགས་དུང་གི་གནམ་ས་གོ་འབྱེད་ཟེར་བའི་བརྩམས་དེབ་དེ་འདྲ་ད་སྔ་བོད་ཕྱི་ནང་གཉིས་སུ་སུས་ཀྱང་བྲིས་མྱོང་ཡོད་པ་མ་རེད། ཞོགས་དུང་ལྟ་བའི་ཤེས་ཡོན་ཅན་དང་། སྒེར་ཚུགས་ཅན། རིགས་ཞེན་ཅན། ཤེས་རབ་ཀྱི་རྩལ་རྫོགས་པ། མི་གཤིས་ཀྱི་གོ་རྟོགས་གསལ་བ། མི་རིགས་ཤིག་གཉིད་ལས་སློང་མཁན་བྱུང་ཡོད་པ་མ་རེད།
ཞོགས་དུང་ནི། ལྟ་ལོག་ཞིག་རེད། སངས་རྒྱས་ཆོས་ལུགས་ལ་ངོ་རྒོལ་བྱེད་མཁན་གྱི་མི་ངན་ཞིག་རེད། རྒྱ་དམག་གུང་ཁྲན་ཚང་གི་རྒྱུགས་ཁྱི་ཞིག་རེད། ཁོས་གཏན་ནས་ནང་ཆོས་མི་ཤེས་པའི་སྟབས་ཀྱི་ནང་ཆོས་ལ་སྐྱོན་བརྗོད་བྱས་པ་རེད།
ཡོངས་གྲགས་སུ་བོད་ཕྱི་ནང་གཉིས་སུ་གླེང་ཕྱོགས་འདི་འདྲའི་རིགས་གཉིས་ལ་བརྟེན་ནས་ཞོགས་དུང་ཟེར་བའི་མིང་ནས་འབོད་པའི་བོད་ཀྱི་དེང་རབས་རྩོམ་པོ་པོ་བཀྲ་རྒྱལ་ལགས། ད་ལྟ་བོད་ཕྱི་ནང་གཉིས་སུ་ཤུགས་ཆེན་པོ་གླེང་སློང་བྱེད་ཀྱི་ཡོད་པ་རེད། དོན་དངོས་སུ་ཞོགས་དུང་གིས་བྱ་བ་ག་རེ་ཞིག་བློས་གཏོང་བྱེད་འཕོད་པའི་སྙིང་སྟོབས་དེ་ནི་ངེད་ཅག་ད་ལྟ་བོད་ཕྱི་ནང་གཉིས་སུ་ཡོད་མཁན་ཚང་མས་ཤེས་དགོས་པ་ཞིག་ནི། ཁོ་རང་གིས་རྒྱ་ནག་སྲིད་གཞུང་གི་གཡོ་སྒྱུ་དང་། ཁྲེལ་གཞུང་མེད་པའི་བྱེད་སྟངས། རྒྱུ་འབྲས་མེད་པའི་མནར་གཅོད་གཏོང་སྟངས། གནས་ལུགས་བཤད་ས་མེད་པའི་སྲིད་གཞུང་ཞིག་གི་སྒོ་འགྲམ་ནས་བོད་ཀྱི་སྐྱིད་སྡུག་གླེང་མཁན་སུ་ཞིག་བྱུང་ན་དེ་ནི་ཁྲིམས་ཁང་དང་། ཐ་ན་ཚེ་སྲོག་ཡང་ཤོར་འགྲོ་བཞིན་པའི་གནད་དོན་དེ་ཤེས་བཞིན་དུ་ཁོ་རང་གིས་བློ་ཐག་རྦབས་ཆོད་ཀྱིས་བརྩམས་དེབ་ཞིག་བྲིས་གནང་བ་དེ་ནི་ངེད་ཅག་བོད་ཕྱི་ནང་གཉིས་སུ་ཡོད་མཁན་སེར་སྐྱ་ཕོ་མོའི་ཚང་མས་རྒྱབ་སྐྱོར་དང་ཡི་རུང་བྱེད་དགོས་པ་ཞིག་རེད་ཅེས་ཐག་བཅད་ཆོག
ཕྱོགས་ངོས་གཞན་ནས་ང་རང་ཞོགས་དུང་གི་རྩོམ་ཡིག་ཀློག་མཁན་ཞིག་གི་དངོས་ནས་ལྟ་ཚུལ་ཞིག་བྱུང་བ་དེ་ནི་ཞོགས་དུང་གིས་ག་དུས་ཡིན་ཡང་སངས་རྒྱས་ཆོས་ལུགས་ཀྱིས་བོད་འདི་མེད་པར་བཏང་ཚུལ་ཞིག་བཤད་ཀྱི་ཡོད་པ་ལྟ་བུ་ཞིག་ངས་ཡང་དང་བསྐྱར་དུ་ཀློག་ཡང་ཚོར་ཐུབ་མ་སོང་། ངས་ཚོར་བ་དེ་ནི་སངས་རྒྱས་ཆོས་ལུགས་ཁ་ལ་བཟུང་ནས་རང་དོན་འཁོ་ན་ལས་བསམ་རྒྱུ་མེད་པའི་སྟོན་པའི་ན་བཟའི་སྐུ་རྩེད་བྱེད་མཁན་གྱི་མི་སྣ་དེ་ཡི་རིགས་ཀྱི་བོད་མི་དམངས་འདི་གཡང་དུ་བསྐྱལ་བར་བརྗོད་ཀྱི་ཡོད་པ་ལྟ་བུ་ཞིག་མཐོང་སོང་། དེ་ཡིན་དུས་ཁོ་རང་ལྟ་བ་ལོག་པ་ཟེར་བའི་མི་དེ་འདྲ་ཞིག་ཀྱང་གཏན་ནས་མ་རེད། རྒྱུ་མཚན་ནི་ཁོ་རང་ཆོས་ལུགས་པ་ཞིག་མིན་དུས་ཆོས་ལུགས་ཀྱི་ལྟ་བ་ཞིག་རྒྱུད་དུ་མེད་པར་ལྟ་བ་ལོག་སྟངས་ཤིག་ཡོད་སྲོལ་མེད།
མཐའ་དོན་བདག་གི་ཞོགས་དུང་ལ་ལྟ་སྟངས་ཤིག་བཤད་ན། ཁོང་ནི་མི་རིགས་ཀྱི་ལར་ཞེན་ལས་ཡོངས་སུ་བཟི་ཟིན་པའི་དུས་རབས་གསར་བའི་དེང་རབས་ཀྱི་མི་བུ་སྒེར་ཚུགས་ཅན་ཞིག་དང་། རང་གི་ནག་ཉེས་དང་རང་གི་རྣམ་དཔྱོད་ལ་རང་གིས་ཐེར་འདོན་བྱེད་འཕོད་པའི་གསར་བརྗེ་རང་ལུགས་པ་ཞིག་རེད་སྙམ་གྱི་ཡོད། ཞོགས་དུང་གི་གཙོ་བའི་ད་ལྟའི་བོད་ནང་གི་རྩོམ་པ་པོ་གངས་ཉི་དང་། ཐེའུ་རང་། སྒྲོལ་མ་སྐྱབས། ཞོགས་ལྗོངས་སོགས་དུས་རབས་གསར་བའི་བོད་ཀྱི་གཞོན་སྐྱེས་ཆེས་མི་ཉུང་བ་ཞིག་གིས་རང་རང་གི་བསམ་ཚུལ་སྒེར་ཚུགས་ཡོད་པ་ཞིག་གི་སྒང་ནས་བོད་མི་རིགས་ཀྱི་གནད་དོན་གླེང་ནས་རྒྱ་ནག་པོའི་ཁྲིམས་ཁར་འཚུད་པ་དེར་འཛམ་གླིང་གི་ཡུལ་གྲུ་གང་སར་གནས་པའི་བོད་མི་ཡོངས་ཀྱིས་ལྟ་སྟངས་གཅིག་པ་དང་། འབོད་སྐུལ་གཅིག་པ། རྒྱབ་སྐྱོར་གཅིག་པ་ཞིག་ཡོང་རྒྱུར་ངས་སེམས་གཏིང་ནས་འབོད་སྐུལ་ཞུས་པ་ཡིན།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཅོ་རི་ཉི་མ་ལགས། ཉིད་ནི་དུས་རྒྱུན་དུ་བདག་གི་སྤུན་གྲོགས་ངེད་ཚང་གི་ཟིན་བྲིས་ལ་ཕེབས་མཁན་ཞིག་ཡིན་པས་དགའ་ཡོད། ལྷག་པར་དུ་ཉིད་ནས་ཞོགས་དུང་གི་རྩོམ་ཡིག་གནམ་ས་གོ་འབྱེད་ཀློག་ནས་ཕྱིར་ཕེབས་ངེས་ཡིན་གསུང་གི་འདུག སྒུག་ནས་འདུག ཕེབས་ཤོག་ཡ་་་ སྒོ་འགྲམ་དུ་འབྲོག་ཁྱི་བཙན་པོ་དེ་འདྲ་གང་ཡང་མེད།
ཕུན་ཚོགས་ལགས། ཉིད་ནས་བདག་གི་བསམ་ཚུལ་འདི་ལ་རྒྱབ་སྐྱོར་གནང་བ་དེ་ནི་བོད་ནང་གི་ཞོགས་དུང་གི་མཚོན་པའི་བོད་མི་རྩོམ་པ་པོ་དག་གི་གཙོ་བའི་བོད་མི་རིགས་ཀྱི་རྒྱའི་བཙོན་འོག་དུ་མནར་གཅོད་དོན་མེད་ཉེས་མེད་དུ་མྱོང་མཁན་དེ་དག་ལ་གདུང་སེམས་མཉམ་བསྐྱེད་བྱས་པར་ངེས་འཛིན་བྱེད་རྒྱུ་ཡིན་ལགས།
རྟོག་སད་ཀྱི་སྨྱུ་བུ་ལགས། ཉིད་ཀྱིས་རེ་སྐུལ་དེར་བདག་གིས་ཤེས་མིན་ལ་མ་བལྟས་པར་གཞས་ཚིག་ཞིག་ཉིད་ལ་སྐུར་ངེས་ཡིན།
སྤུན་གྲོགས་ཤ་རུས་ལགས།
དང་པོ་ཞོགས་དུང་གི་རྩོམ་པའི་གནམ་ས་གོ་འབྱེད་ཡག་པོ་ཞིག་ཀློག་གི་ཡིན་དེ་ནས་ཞོགས་དུང་གི་ལྟ་བ་ཤེས་ཡོང་གི་རེད་སྙམ།
བོད་མི་རྒྱལ་ཞེན་པ་ཞིག་ཡིན་ན་རྩོམ་གྱི་བརྗོད་བྱ་དང་ང་ཅོ་རིའི་བསམ་ཚུལ་མཐུན་མདོག་ཁག་པོ་རེད་དྲན། རྗེས་སུ་ཞོགས་དུང་སྐོར་གླེང་ཆོག
ཆ་བཞག་ན་ཁ་སང་ཀུན་གླེང་ནང་བགྲོ་གླེང་བྱེད་བཞིན་པའི་སྒང་ལ་བོད་དང་རྡ་ས་སོགས་ན་ཁ་པར་ཡོང་སྟེ་གནས་ལུགས་དང་རྒྱུ་མཚན་གང་ཡང་མི་འདྲེན་པར་ཅོལ་ཆུང་བ་ཁག་ཅིག་གིས་ཞོགས་དུང་རྦད་དེ་ནག་བསུབ་དུ་གཏོང་འདོད་གྱི་བསམ་བློ་མངོན་གསལ་དོད་པོ་བྱེད་ཀྱི་ཡོད་པ་དང་།ཆོས་ལུགས་ཀྱི་འདུ་ཤེས་གཅིག་པུས་བོད་སྤྱི་ཚོགས་ཀྱི་གློ་སྙིང་མཆིན་གསུམ་ཡོད་ཚད་ཚད་འཇལ་བྱེད་ཀྱིན་པའི་སེར་མོ་བ་སྐོར་ཞིག་གིས་སྙིང་ནད་ཁོག་ཏུ་བཟུང་བ་ལྟ་བུའི་རྣམ་འགྱུར་འཛིན་པ་འདི་དག་ཅི་ཞིག་ཡིན་ནམ།
་སྐད་ཆ་དྲང་མོར་བཤད་པ་ཐུགས་རྗེ་ཆེ།ངོ་མ་བཤད་ན་ང་ཚོའི་སྤྱི་ཚོགས་སུ་ཞོགས་དུང་ལ་སྐད་ཆ་འདི་ལྟར་བཤད་མཁན་ཤིན་ཏུ་ཉུང་གི།་ལྷག་པར་དུ་ཁ་སང་དགོང་མོར་ཨ་རིའི་བརྙན་འཕྲིན་གྱི་ཀུན་གླེང་ལེ་ཚན་ནང་རྩོམ་པ་པོ་ཧོར་གཙང་འཇིགས་མེད་ལགས་ཀྱིས་ཞོགས་དུང་གི་བརྩམ་ཆོས་སྐོར་གླེང་སྐབས།ཞོགས་དུང་གི་བརྩམ་ཆོས་ལ་དཀྱེལ་ཡངས་ཀྱི་དཔྱད་ཞིབ་མེད་པ་དང་།ཞོགས་དུང་གི་མནོ་བསམ་དང་ལངས་ཕྱོགས་གསལ་བོ་མི་ཤེས་པ།ཐ་ན་ཞོགས་དུང་གིས་རྗོད་བཞིན་པའི་སྐད་ཆའི་གོ་དོན་ཀྱང་ལོག་འགྲེལ་བྱས་པ་སོགས་ལས།ང་ལ་ངོ་མ་ཚོར་བ་རྣོན་པོ་ཞིག་སྤྲད་སོང།་ང་ཚོའི་སྤྱི་ཚོགས་དང་མི་རིགས་འདི་ལ་གུ་ཡང་གི་འདུ་ཤེས་གང་ཡང་མེད་པའི་ཚོར་བ་ཞིག་དང་།སྒོས་སུ་ང་ཚོ་བོད་ཀྱི་ཤེས་ཡོན་པར་རློམ་མཁན་ཚོ་ལ་ཡིད་ཆེ་དང་བློ་གཏད་མེད་པ་ཞིག་ཆགས་སོང་།
ངོ་མ་ཡིན།སྤྱིར་ཡིན་ན་ཞོགས་དུང་ཟེར་བའི་མི་འདི་དང་ཁོང་གི་བརྩམ་ཆོས་དག་ནི་གལ་ཆེ་མིན་གང་ཡིན་ཡང་།རིག་པ་སྣེ་མང་དང་བསམ་བློ་འདྲ་མིན་འབྱུང་དགོས་པ་དང་།འབྱུང་ཆོག་པ་སོགས་ནི་སྤྱི་ཚོགས་གང་ཞིག་ལ་དགོས་ངེས་ཀྱི་ཆ་རྐྱེན་དུ་བརྩི་རུང་མོད།ང་ཚོའི་ཤེས་ཡོན་པ་ཚོར་ཡོད་པ་ནི་རང་སྐྱོན་ལ་ངོས་ལེན་བྱེད་མི་ཕོད་པ་དང་གཞན་གྱི་ཡོན་ཏན་ལ་ཁས་ལེན་བྱེད་མི་འདོད་པའི་གོམས་གཤིས་ཨུ་ཚུགས་ཅན་འདི་དག་མངའ་བ་ཁོ་ན་རེད།
དྲྭ་གྲོགས་ལགས་ཕྲན་གྱི་གྲོགས་པོ་ཞིག་གིས་འོད་འཁོར་གསར་པ་ཞིག་འགྲེམས་སྤེལ་བྱེད་རྩིས་
ཡོད་པས་བཞས་ཚིག་གིས་མ་འདོངས་བསྟབ་དྲྭ་གྲོགས་ཚོའི་བཞས་ཚིག་རེ་ཞབས་འདེགས་
ཡོད་ན་༼རྟོགས་སད་ཀྱི་སྨྱུག་བུའི་ཟིན་བྲིས་༽་ནང་དུའགོད་རོག་ཞུ། བརྗོད་བྱ་བོད་ཀྱི་རི་དང་ནགས་ཚལ་ཆུ་སོགས་ལ་བསྟོད་པ་དང་བོད་དོན་དང་འབྲེལ་བའི་སྲིད་ཀྱི་སྐོར་
གཞན་ཡང་བརྩེ་དུང་གི་སོགས་ཀྱི་སྐོར་བཞི་ཚིག་དང་བརྒྱད་ཚིག་དྲུག་ཚིག་ཅན་སོགས་དགོས་ངེས་ལགས་ན་
དེ་ལུགས་གྲོགས་པོ་ཚོའི་དུས་ཡུན་ཐུང་ངུ་ནང་འབྲི་གནང་ཡོད་པ་ཞུ།
འབྲེལ་བ་བྱེད་ཡུལ།
ཁ་སྤར་ཨང་གྲང། ༨༨༩༤༡༤༨༨༣༨ ཡིན།།