་་་་་་་་་་་་་་་་་་་་་བཙོན་དུ་འཚུད་པའི་ཞོགས་དུང་གི་གཙོ་པའི་བོད་ནང་གི་ཤེས་ལྡན་པ་ཚོར་གདུང་སེམས་མཉམ་བསྐྱེད་མཚོན་བྱེད་དུ།
ལྟ་ལོག་ལྟས་ངན་ཟེར་ནས་དམོད་ན་ཡང་།།
རིགས་ཞེན་དྲི་མ་མེད་པའི་ན་ཟུག་གིས།།
ཉིས་སྟོང་བརྒྱད་ཀྱི་རྨ་ཁ་གླེང་བ་དེར།།
ཉེས་པར་བརྩིས་དེ་ཁྲིམས་ཁར་ལྷུང་བ་རེད།།
ཤུལ་དུ་ལུས་པའི་བུ་མོའི་སེམས་འཁྲལ་དང་།།
གཞུག་ན་ལུས་པའི་ཚེ་གཅིག་ཆུང་མ་གཉིས།།
གཉོར་སྐྱོང་བྲལ་བའི་ཕ་མ་རྒན་རྒོན་སོགས།།
བློས་གཏོང་འཕོད་པའི་སྙིང་སྟོབས་ཅིས་མི་མཚར།།
ཁྱིམ་ལས་མི་རིགས་འདམས་པའི་དཔྱོད་ཤེས་དང་།།
རང་ལས་གཞན་གཅེས་བསམ་པའི་ཀུན་གྲོལ་དང་།།
མི་ལ་རང་དབང་འཁོ་བའི་བསྒྲགས་གཏམ་གྱིས།།
ཚེ་སྨད་རྒྱ་ནག་དམར་པོའི་ཁྲིམས་ཁར་འཚུད།།
ཕྱི་ནང་གང་ཡིན་བརྩོད་ནས་བསྡོད་མཁན་ཚོ།།
དད་པ་ཡོད་མེད་གླེང་དེ་དམོད་མཁན་ཚོ།།
ལ་རྒྱ་ཞེན་ཁོག་བརྩད་དེ་སྨྲ་མཁན་ཚོ།།
རང་གི་ལུས་སེམས་གཉིས་ལ་དྲི་བ་གཏོང་།།
སྒེར་གྱི་ཆོས་ལ་དད་མིན་རང་དབང་རེད།།
ཆོས་ལུགས་ཅི་ཞིག་འདོད་མིན་རང་འཐད་རེད།།
མི་རིགས་བོད་ལ་སྐྱེ་བའི་ངེས་ཤེས་ཀྱིས།།
བོད་ཀྱི་སྤྱི་དོན་གླེང་མཁན་ཁོ་བོར་བསྟོད།།
གནམ་སའི་བར་ནས་རྒྱ་བོད་ཐིགས་ཤིག་བརྒྱབས།།
གནམ་སའི་བར་ནས་ཁྲིད་དེ་སོང་ཤུལ་དུ།།
གནམ་ས་མགོ་མཇུག་ལོག་པའི་མནར་གཅོད་དེར།།
བསམ་ཤེས་ཅུང་ཙམ་བྱོས་ཤིག་རིགས་གཅིག་ཚོ།།
ན་ནིང་དོ་ཚིག་གཉིས་ཀ་བོད་ནང་ནས།།
སྨྱུག་ཐོག་སྤུན་ཟླ་བོད་ཀྱི་ཤེས་ལྡན་ཚོར།།
རྒྱ་འདྲེ་ལག་པ་བརྐྱོངས་པའི་འབེན་དུ་གྱུར།།
དེ་ལ་བསམ་ནས་ང་ཚོས་འདང་ཞིག་རྒྱོབས།།
ཇིང་སྲས་མིག་གསུམ་པ་ལགས། ཕེབས་པ་དགའ་ཡོད།
ཡག་པོ་བྲིས་འདུག
ཅོ་རི་ཉི་མ་ལགས། ངས་ཉིད་ཀྱི་ཟིན་བྲིས་ནང་དུ་ལན་ཞིག་བཞག་ཡོད་པ་དེ་ལ་གཟིགས་རོགས་ཞུ།
སྤུན་གྲོགས་ལགས། ང་ལ་ཁ་སང་ཤ་འཇམ་སྐྱིད་ཟེར་བ་ཞིག་གིས་མཆན་བུ་བཏབ་པའི་ནང་དོན་དུ།བཤམ་གསལ།
ཁྱེད་ཀྱིས་ངའི་ཟིན་བྲིས་ནང་དུ་ཕེབས་ནས་མཆན་བུ་ཚང་མ་ཀློག་ཐུབ་མིན་གཅིག་ལྟ་རོགས། གནས་ཚུལ་ཅི་ཡོད་ལན་ཞིག་བཞག་རོགས་ཞུ།
ང་ནི་དོགས་པའི་གནས་སུ་ཡོད།
ཤ་འཇམ་སྐྱིད།
༢༠༡༠/༠༥/༠༡ ཉིན་འདོན་སྤེལ་བྱས། ཇོར་གླེན་ལགས།
ཁྱོད་ཀྱི་ཟིན་བྲིས་ཚོའི་འོག་ན་མཆན་གཅིག་ཀྱང་མཐོང་རྒྱུ་མེད་པ་དེའང་ཁྱོད་ཀྱིས་བྲིས་བའི་ཡིག་ནོར་དང་དོན་ནོར་དེ་དག་གི་ནང་ནས་མི་ཚང་མས་ཁྱོད་ཀྱིས་བཤད་འདོད་པའི་སྐད་ཆ་དེ་མ་བརྙེད་པ་རེད། ཁྱི་ཞིག་ཟུག་པའི་དབང་དུ་བཏང་ནའང་དེས་མགྲོན་པོ་ཞིག་ཡོང་གིན་པའི་བརྡ་འམ་དེ་རུ་གནས་ཚུལ་ཞིག་ཡོད་པ་སྟོན་གྱིན་པ་རེད། དེ་བས་ཁྱོད་ཀྱི་ཟིན་བྲིས་དེ་དག་ལ་ཁྱི་ཞིག་གི་ཟུག་སྐད་ཀྱི་ནུས་བ་ཙམ་ཡང་མ་ཐོན་པ་རེད། སྐད་ཆ་དྲང་མོར་བཤད་པ་ཡིན། ཁར་ཉན་ན་སུམ་རྟགས་དག་གསུམ་གཙོས་རང་གི་ཤེས་ཚད་མཐོར་འདེགས་ལ་ཅུང་ཙམ་འབད་རོགས། ཆབ་སྲིད་ཀྱི་སྐད་ཆ་བཤད་པའི་ཚད་ལ་བསླེབས་མི་འདུག། དྲིན་ཆེན་པོ།