བོད་ལ་འཕངས་པའི་མདའ།

རང་རིག་ལ་ལ་ཞེན་ཡོད་ན།།
ཟ་ཟུར་གྱི་མདའ་མོའི་ཅི་བྱེད།།
ཕྱོགས་མེད་ཀྱི་བོད་དོན་སྒྲུབས་དང་།།
རང་གཞན་གྱི་དོན་གནད་དེ་ཡིན།།
རྙིང་ཞེན་གྱི་ལྟ་བས་གནོད་ན།།
གསར་བྱུང་གི་རིག་པ་སྟོན་དང་།།
མཁོ་མེད་ཀྱི་ཚིག་ཉོག་མང་པོ།།
རང་གཞན་གྱི་སེམས་པ་དཀྲིགས་བྱེད།།
ཅང་མེད་ཀྱི་བླུན་པོ་མང་པོ།།
རྡ་ས་ཡི་རི་གྲོང་ལ་འཁོར་ནས།།
དོན་མེད་ཀྱི་འཆལ་གཏམ་བཤད་པ།།
ཉི་མ་རང་གཏོང་རོགས་ཡིན་འགྲོ།།
རང་སྐྱོན་རང་གིས་ཤེས་ན་སངས་རྒྱས་ཡིན།།
རང་དོན་རང་གི་སྒྲུབ་ན་འཇོན་པོ་ཡིན།།
རང་སྐྱོན་རང་གིས་མི་མཐོང་བླུན་པོ་དག།
གཞན་སྐྱོན་ཁོ་ན་བཤད་ལས་གཞན་ཅི་ཡོད།།

དྲང་བདེན་གནས་ལུགས་བཤད་ན་གོ་ནི་ཉུང་།།
ལྷད་མེད་སྙིང་གཏམ་བཤད་ན་རློམ་ནི་ཉུང་།།
ལྐོག་ཟ་ལྐོག་འཐུང་བྱས་ན་མཐོང་ནི་ཉུང་།།
གང་ལྟར་གོང་ལ་ཤོར་ན་དགའ་ནི་ཉུང་།།

བསམ་བློ་དཀར་པོ་དུང་་རེད།།
མི་གཤིས་བཟང་པོ་གསེར་རེད།།
རྩོམ་ཡིག་བཟང་པོ་མགུར་རེད།།
ཡིག་ནོར་མང་ནོ་སྐྱོན་རེད།།

དཀྱེལ་ཡངས་ཁོག་པ་མཁའ་རེད།།
རིགས་ཞེན་མཁྲེགས་པོ་རྡོ་རེད།།
ངང་རྒྱུད་རིང་མོ་ཆུ་རེད།།
ཡར་རྒྱས་མེད་ནོ་སྐྱོན་རེད།།

དྲ་ཐོའི་ནང་གི་རྩེ་རེད།།
ཟིན་བྲིས་མང་ནོ་སྒྲུང་རེད།།
དྲ་ཚིགས་འདི་ཡི་རྒྱན་རེད།།
ཀུན་གྱིས་ཤེས་ནོ་ཁྱོད་རེད།།

སྙིང་གཏམ་ཡིན། ཐུགས་ལ་ཕོག་ན་དགོངས་དག་ཞུ།