དེང་སང་ང་ཚོས་ཅི་ནས་ ཀྱང་མ་གླེང་ཐབས་མེད་ཅིག་ཆགས་ཡོད་པ་དེ་ནི། ༧རྒྱལ་བ་སྐུ་ཕྲེང་བཅུ་བཞི་བ་འདི་ནི་བོད་མི་རིགས་ཀྱི་༧རྒྱལ་བ་རིམ་བྱོན་གྱི་ ཡང་སྲིད་ངེས་འཛིན་བྱས་པའི་ཁྲོད་ནས་ཆེས་མཐའ་མ་དེ་ཆགས་སྲིད་པ་ཡིན་ནམ། གལ་སྲིད་དེ་འདྲ་ཆགས་མིན་དེ་ཡང་བོད་མི་རིགས་ཀྱི་དད་ཞེན་དང་བསོད་ནམ། འདོད་མོས་ཡོད་མེད་བཅས་ལ་བརྟེན་དགོས་པ་ཞིག་ལས་༧རྒྱལ་བ་རིན་པོ་ཆེ་ཁོང་གི་ ཐུགས་མོས་དང་འབྲེལ་བ་མེད་པ་ཡིན་ནམ། ང་ཚོས་ད་ལྟ་༧རྒྱལ་བ་རིན་པོ་ཆེ་སྐུ་ཕྲེང་བཅུ་བཞི་བ་སྐུ་འཚོ་ཞིང་བཞུགས་པའི་ སྐབས་སུ་དེ་འདྲ་ཞིག་གླེང་བ་ཡིན་ན་་འོས་པ་མེད་རབས་འདོད་མཁན་ཡང་མི་ཉུང་བ་ཞིག་ ཡོད་ཚོད་རེད།
ངས་ བསམ་ན་ངེད་ཅག་གིས་༧གོང་ས་སྐུ་ཕྲེང་བཅོ་ལྔ་བ་དེ་བོད་ལ་དགོས་ཀྱི་ཡོད་མེད་དེ་ ནི་ད་ལྟ་མི་གླེང་ཀ་མེད་ཀྱི་གནད་དོན་ཆེན་པོ་ཞིག་ཆགས་ཡོད་པ་ཡིན། གང་ཡིན་ཟེར་ན་རྒྱ་ནག་སྲིད་གཞུང་གིས་བོད་ནང་གི་རང་དབང་ཆ་ཚང་ལ་དམ་དྲགས་བྱས་ ཟིན་པ་མ་ཟད། ད་ལྟའི་འཆར་ཏྰ་ལའི་སྐུ་ཕྲེང་བཅོ་ལྔའི་ཡང་སྲིད་ཐུགས་ཐག་གཅོད་པའི་སྐོར་ལ་ཡང་ ཁོང་ཚོས་གྲོང་ཆོད་སོགས་བགྲོ་གླེང་མི་ཉུང་བ་ཞིག་བྱས་ཟིན་པ་རེད་ལ། དེ་དག་གིས་ང་ཚོ་བོད་མི་དག་ལ་པན་ཆེན་ཡང་སྲིད་ཇི་བཞིན་དུ་གང་འདོད་དུ་ཁོང་ཚོས་ ངེས་འཛིན་བྱས་པ་དེར་ཁས་ལེན་མི་བྱེད་ཐབས་མེད་ཅིག་ཡིན་པར་ངེས་འཛིན་བྱེད་ཀྱི་ ཡོད་པ་རེད།
ད་ ནི་ངེད་ཅག་བོད་མི་དག་གིས་ད་ལྟ་ནས་ཁ་གསལ་བོ་དང་དོན་དག་གང་ཡོད་ཀྱི་སྒོ་ནས་ཡི་ གེ་དང་ས་ཡིག་བསྡུ་རུབ་སོགས་བྱས་དེ། ཕྱིས་སུ་༧རྒྱལ་བ་སྐུ་ཕྲེང་བཅོ་ལྔ་དེ་ནི་བོད་མི་དམངས་ཀྱི་དབང་ཚད་དང་འདོད་ མོས་ལས་རྒྱ་ནག་སྲིད་གཞུང་ལ་དེ་ཡི་ཐད་དུ་སྐད་ཆ་བཤད་པ་དང་ཐག་གཅོད་བྱེད་པའི་ རང་དབང་དང་ཐོབ་ཐང་གཏན་ནས་མེད་པའི་སྐོར་གྱི་བསྒྲགས་གཏམ་སྤེལ་བ་གཅིག་བུས་མི་ ཡོང་བ་མ་ཟད། བོད་མི་ཕྱི་ནང་གང་དུ་ཡོད་མཁན་ཚང་མས་ད་ལྟ་ནས་བཟུང་དེ་དེ་ལ་རྣམ་འགྱུར་གསལ་བོ་ ཞིག་མ་བསྟན་པ་ཡིན་ན། དངོས་ནས་ང་ཚོ་བོད་མི་ཚང་གི་མགོ་ཐོག་དུ་ཡང་བསྐྱར་འདོད་མིན་ལ་གཏན་ནས་མི་བལྟ་ བར་རྒྱུ་སྟོབས་དང་དབང་ཤུགས་བཀོལ་ནས་ཏྰ་ལའི་སྐུ་ཕྲེང་བཅོ་ལྔ་བ་ཞིག་རྒྱ་ནག་ སྲིད་གཞུང་ཐག་གཅོད་བྱེད་མི་བྱེད་མེད་ངེས་ཡིན།
དུས་ ཚོད་འདི་ནི་ཆེས་གཉེན་འཕྲེང་ཅན་གྱི་དུས་ཚོད་ཅིག་ཡིན། བོད་མི་ཡོད་ཚད་ཀྱིས་༧སྤྱིུ་ནོར་ཡིད་བཞིན་ནོར་བུ་ངེས་སུ་ཞལ་བཞུགས་པའི་སྐབས་ འདི་ལ་སྐྱེ་བོ་གང་ན་སུ་ཡོད་ཚང་མའི་ཚབ་དུ་གཞུང་སྒེར་གང་རུང་ནས་༧ཁོང་གི་སྐུ་ མདུན་ནས་བཀའ་ལན་གསལ་བོ་ཞིག་ཞུས་དེ། དེ་ནི་བོད་མི་འདུས་བསྡོད་ཀྱི་ཡུལ་གྲུ་གང་སར་ད་ལྟ་ནས་སྒྲོག་རྒྱུ་དེ་ནི་རྒྱ་ ནག་སྲིད་གཞུང་ལ་སྤྲད་པའི་བརྡ་ལན་ཡག་ཤོས་ཤིག་ཆགས་རྒྱུར་གདོན་མི་ཟ་བ་ཡིན་ལ། ཕྱིས་ཀྱང་རྒྱ་ནག་སྲིད་གཞུང་གིས་བླ་མ་དང་བླ་ཆེན་དང་དཔོན་པོའི་གོ་ཐོབ་ཡོད་ མཁན་གྱི་བོད་ནང་བཞུགས་ཀྱི་བོད་མི་སུ་ཡང་རུང་བ་རེད་བེད་སྤྱོད་བྱེད་ཆོག་ཆོག་ ཞིག་མེད་པ་དང་། བེད་སྤྱོད་བྱས་ཀྱང་པན་ཆེན་རིན་པོ་ཆེ་ཚང་གི་གནད་དོན་ལྟ་བུར་འགྱུར་ཐབས་མེད་པ་ གསལ་བོ་ཆགས་ངེས་ཡིན་ལ། དེ་ནི་ད་ལྟ་དངོས་ནས་བོད་མི་གང་ན་སུ་ཡོད་པ་ཚང་མས་འགན་འཁུར་བླངས་པ་དང་སེམས་ འཁྲལ་ལས་ལག་ལེན་དང་། ཁ་ལས་ལག་འགུལ་བ། དད་པ་དམ་ཚིག་དེ་ཡང་ངེས་སུ་བསྟན་པ་ཞིག་ཡིན། ༧གོང་ས་སྐུ་ཕྲེང་བཅོ་ལྔ་བ་དེ་བོད་མི་རིགས་ལ་དགོས་མིན་གྱི་སྐོར་ལ་འགན་འཁུར་ བའི་ལས་འགན་ཞིག་ཀྱང་ཡིན་ཟེར་ན་ཆོག དེ་མིན་༧རྒྱལ་བ་སྐུ་ཕྲེང་བ་བཅོ་ལྔ་དེ་རྒྱ་ནག་སྲིད་གཞུང་གི་ལག་ཆར་གྱུར་སྲིད་ པ་ཡིན་ལ། ༧རྒྱལ་བ་སྐུ་ཕྲེང་བཅོ་ལྔ་དེ་རྒྱ་བོད་གཉིས་ཀྱི་རྩོད་གཞི་དང་། བོད་མི་རིགས་ལོ་རྒྱུས་ཀྱི་ནང་གི་༧རྒྱལ་བ་སྐུ་ཕྲེང་མཐའ་མ་དེ་ཆགས་སྲིད་པ་ཡིན།
གཅིག་ བྱས་ན། འདི་ནི་ཆོས་ལུགས་ཀྱི་གནད་དོན་ཞིག་དུ་འདོད་མཁན་གྱི་བོད་རིགས་སྤུན་ཟླ་དག་གིས་ ༧རྒྱལ་བ་སྐུ་ཕྲེང་བཅོ་ལྔ་དེ་བྱོན་མིན་དང་དེ་ཡི་ཐད་དུ་བསམ་བློ་གཏོང་འདོད་ མེད་སྲིད་ཀྱང་། རྒྱ་ནག་སྲིད་གཞུང་གིས་དུས་ནམ་ཡང་དེ་ལྟར་བསམ་མེད་པ་དང་། ཁོ་ཚོས་བོད་མིའི་སྙིང་ལ་ལག་གཉོབ་བྱེད་དགོས་པ་ཡིན་ན། ཆོས་ལུགས་ཀྱི་དབུ་ཁྲིད་དག་ལ་བཅིངས་པའི་དད་མོས་དང་བརྩི་བཀུར་མེད་ཐབས་བྱེད་ དགོས་པ་དེ་ཡིན་པ་ཤེས་ཡོད་སྟབས། པན་ཆེན་བླ་མ་གཉིས་བཟོས་པ་དེ་ཡང་ཁོང་ཚོས་ཆོས་ལུགས་དང་ཆོས་ལུགས་མི་སྣ་ལ་བརྩི་ བཀུར་བྱས་པ་ཞིག་གཏན་ནས་མིན་པ་ཐུགས་སུ་བཟུང་དེ། ད་ལྟ་ང་ཚོས་༧གོང་ས་མཆོག་གི་ཡང་སྲིད་ཐ་མ་དེ་ཆགས་སྲིད་མིན་ཐད་དུ་འགན་ཞིག་ལེན་ རན་ཡིན།
༄༅།།དྲ་གྲོགས་ལགས་ཚིག་འདི་མཐོང་ན་ངོ་མ་སེམས་མི་སྐྱིད་གི
བོད་གངས་ཅན་པའི་ཆེད་དུ་བསམ་བཞིན་སྐྱེས་པ་བཞེས་པའི་འཕགས་མཆོག་ཕྱག་ན་པདྨོ་
བོད་གངས་ཅན་པའི་མིག་དང་སྙིང་ཡིན་པས་དུས་ནམ་ཡང་བོད་གངས་ཅན་པའི་སེམས་ཁམས་ནས་ཡལ་མི་སྲིད།སྤྱིར་བོད་པའི་རྒྱལ་བོ་དང་དཔོན་པོ་བྱེད་དགོས་པའི་ངེས་པ་མེད་ན་འང་དེང་གི་དུས་འདིར་བོད་གངས་ཅན་ལ་ངེས་པར་མཁོ་བ་ནི་འདི་དང་འདི་ལྟ་བའི་བླ་མ་ཡིན
རྒྱ་ནག་གི་བྱེད་ཐབས་ལ་བསམ་བློ་བཏང་ན་དུས་ནམ་ཡང་བོད་རིག་འདི་རྒྱ་མི་རིགས་ཀྱི་བྲན་གཡོག་ཁོ་ན་བྱེད་དགོས
གྲོགས་པོ་སྐུུ་ཁམ་གསལ། ང་ནི་བོད་ཡིག་ཤེས་ཙམ་ལས་གཞན་གང་ཡང་མི་ཤེས་པའི་གྱི་ན་བ་ཞིག་ཡིན།
ཁྱོད་ཀྱི་ཟུན་བྲིས་ལ་དཔྱད་ན་ཁྱེད་རང་བོད་ལ་དུང་བ་ཆེས་ཆེ་བས་སྙོན་པར་
གྱུར་ཡོད་པ་འདྲ།
བློ་བཟང་གི་སྒྲུང་མཇུག་རྫོགས་ཚར་བ་རེད་དམ་ལགས།
ཡང་བསྐྱར་ཡོད་དམ།
གཅན་བཟོད་རྒྱམ་ལགས། སྔ་མོ་ནས་ངས་ཀྱང་ཐེངས་དུ་མར་གླེང་མྱོང་། དེ་ཙམ་གྱིས་ཐག་གཅོད་མེད། ད་དུང་མུ་མཐུད་གླེང་དགོས། གླེང་དགོས་པ་དེ་ནི་བོད་མི་རིགས་ཀྱི་འདི་ཕྱིའི་སྐྱབས་གནས་དང་ཚེ་འདིའི་ལམ་སྟོན་དུ་ཁས་ཆེས་པ་ཞིག་གི་སྐོར་ཡིན།
ང་ཚོས་ཅི་ནས་ཀྱང་གླེང་དགོས། དད་པ་དང་དམ་ཚིག་གཙང་མ་ཡོད་མཁན་དག་གིས་ཅི་ནས་ཀྱང་གླེང་དགོས། གནས་ལུགས་དང་རྒྱུ་མཚན་ལ་འགྲོག་ནས་གླེང་དགོས། གླེང་རོགས་ཞུ། རང་རང་གི་གཙོ་བའི་ཁོར་ཡུག་གི་བོད་མི་དད་ལྡན་ཚོར་གླེང་དགོས། ཁོང་ཚོས་སྐད་ཆ་ལ་ཉོན། ཁོང་ཚོ་ལ་གྲོས་མོལ་བྱོས།
འདིའི་སྐོར་ང་ཚོའི་དྲ་ཐོག་ནས་ཀྱང་སྔོན་མ་ནས་གླེང་མྱོང་ལ། ད་དུང་མ་འདས་སྤྲུལ་སྐུལ་ཡང་གླེང་མྱོང་བ་རེད། ལྷག་པར་དུ་༸གོང་ས་མཆོག་སྐུ་དངོས་ནས་ཀྱང་”སྐུ་ཕྲེང་བཅོ་ལྔ་བ་དེ་བུ་མོ་ཞིག་ཀྱང་ཡིན་སྲིད་པ་དང་། རང་དབང་ལུང་པ་ཞིག་ལ་སྐྱེ་གི་རེད་”སོགས་འཛམ་གླིང་གང་སར་གསུངས་མྱོང་བ་ཞིག་རེད།