ང་རང་གི་ལས་ཀ་བྱེད་ས་ནས་རྟག་དུ་ང་ཚོ་ ལས་མི་དག་གི་ཉིན་གུང་གི་ཁ་ལག་ལྷན་དུ་ཟ་བཞིན་ཡོད་ལ། ཁ་ལག་ཟ་བའི་སྐབས་སུ་མང་ཤོས་ཤིག་ལ་ང་རང་གི་འགྲམ་དུ་རྒྱ་ནག་ཧོས་ཆེན་ནས་ཡོང་ བའི་རྒྱ་མི་ལས་ཀ་ཇོས་ཆེན་ཟེར་བ་དེ་ཁེལ་གྱི་ཡོད་ལ། ཁོ་རང་ཡང་དུས་རྒྱུན་དུ་ང་རང་ལ་བོད་རྒྱའི་སྐོར་གླེང་རྒྱུར་ཧ་ཅང་དགའ་བ་མ་ཟད། ཁོ་རང་གིས་དུས་ནམ་ཡིན་ཡང་བོད་ནི་རྒྱ་ཁུངས་ཡིན་པ་ཁོ་ན་འདོད་ཀྱི་ཡོད་ལ། རྒྱུན་དུ་ང་རང་ལ་དེ་ཡི་སྐོར་མང་བོ་ཞིག་ཀྱང་གླེང་གི་ཡོད།
ང་རང་གིས་རྒྱ་སྐད་ཡག་པོ་ཞིག་མི་ཤེས་ཀྱང་། ཤེས་པ་དེ་རྒྱུད་ནས་ཁོ་ལ། ཁྱེད་རང་གིས་དུས་རྒྱུན་དུ་རྒྱ་ནག་གི་བརྙན་འཕྲིན་གསར་འགྱུར་ཁོ་ན་ལ་ཡིད་ཆེས་ བྱས་པ་ཡིན་ན་ནི། ནམ་ཡང་བོད་ཟེར་བའི་མི་རིགས་དེ་ནི་ལོ་རྒྱུས་ཀྱི་སྟེང་ནས་རྒྱ་ནག་དང་ཐ་དད་ཡིན་ པ་ཞིག་གཏན་ནས་ཤེས་ཐུབ་ཀྱི་མ་རེད་ལ། ཁྱེད་རང་གིས་ད་ལྟ་བོད་ཟེར་ནས་གླེང་བཞིན་པ་དེ་ཁོ་ན་ལ་བོད་པ་ངེས་འཛིན་བྱས་པ་ ཡིན་ན། ང་རང་ཡོང་སའི་ས་ཁུལ་དེ་ཡང་བོད་པ་མ་ཡིན་པ་དང་། ང་རང་ཡང་བོད་མི་མ་ཡིན་པ། ཉེ་སྔོན་ཁྱེད་རང་གི་ཏྰ་ལའི་བླ་མ་མི་ཡག་པོ་ཞིག་རེད་ཟེར་ནས་གླེང་བ་ཁོང་ཡང་ བོད་མི་མིན་པ་ཆགས་ཀྱི་རེད་ཅེས་བཤད་པ་ཡིན།
ཁོ་རང་སྐབས་དེར་ཧང་སངས་ པའི་ཉམས་དང་བཅས། དེ་ན་བོད་མིའི་ས་ཁུལ་གང་གང་རེད་ཅེས་དྲིས་པའི་ལན་དེར། ངས་ཁྱེད་རང་གིས་གསལ་བོ་ཉོན། དཔེར་ན་ཟེར་ཞོར་དུ་ངས་ཅོག་རྩེ་སྒང་གི་དཀར་སྡེར་ཞིག་ཚུར་བླངས་ནས། བོད་ཀྱི་ས་ཁུལ་འདི་རེད། ད་ལྟ་བོད་མི་དག་རྒྱ་ནག་གི་ས་ཁུངས་མང་བོ་ཞིག་ལ་འགོས་ཚར་བ་དང་། མིང་དེ་ཡང་རྒྱ་ནག་རང་གི་ཀྲུང་གོ་ཟེར་བའི་རྒྱལ་ཁབ་གསར་བ་དེ་བཙུགས་པའི་ཉིན་ ནས་བཏགས་པ་རེད། སི་ཁྲོན། ཀན་སོའུ། མཚོ་སྔོན་སོགས་ཞིང་ཆེན་ལྔའི་ཁུངས་སུ་བཅུགས་དེ། དེ་དག་གི་ཁུངས་སུ་ཡོད་པའི་བོད་མི་དེ་དག་ལ་ཁོང་ཚོས་གཏན་ནས་བོད་ཀྱི་ས་ཁུལ་ ཟེར་ནས་གསར་འགྱུར་ནང་དུ་བཤད་ཀྱི་ཡོད་པ་མ་རེད་ལ། ད་ལྟ་ཁྱེད་རང་གི་བཤད་བཞིན་པའི་ཤིས་ཚང་ཟེར་བ་དེ་གཅིག་བུ་བོད་ས་ཡིན་པ་དང་བོད་ མི་ཡིན་པ་ཆགས་བཞག་པ་ཡིན་ན། བོད་ཀྱི་ས་ཁུངས་མང་ཤོས་ཤིག་བོད་ཡུལ་མིན་པ་ཆགས་ཀྱི་ཡོད་པ་རེད།
ཁོ་ རང་གིས་མགོ་བོ་ཐད་དུ་གཡུགས་ཞོར་དུ། དེས་ན་བོད་ཀྱི་ས་ཆ་དེ་འདྲའི་ཆེན་པོ་ཞིག་ཡོད་པ་རེད་དམ། དེ་འདྲ་ཡིན་དུས། བོད་ལ་རང་བཙན་སྤྲད་པ་ཡིན་ན། ད་དུང་། མི་རིགས་གཞན་པ་ཁ་ཤས་ཤིག་ལ་ཡང་དཀའ་རྙོག་གི་ནང་དུ་འཕྲད་ཡོད་པ་རེད། དེ་ཕྱིར་སྤྲད་པ་ཡིན་ན། ཀྲུང་གོ་རྒྱལ་ཁབ་ཐོར་འགྲོ་ངེས་མ་རེད་དམ། ལྷག་པར་དུ་ཐེ་བན་ནི་ཀྲུང་གོའི་མངའ་ཁུངས་ཆགས་ཡོད་པ་ཡིན་དུས། མི་རིང་བར་དེ་ཡང་ཕྱིར་རང་གི་མེས་རྒྱལ་གྱི་བང་དུ་ལོག་ངེས་ཡིན་ལ། ཁོང་ཚོས་ཀྱང་ཀྲུང་གོ་ནི་ད་ལྟའི་འཆར་འཛམ་གླིང་གི་སྟོབས་ཆེན་རྒྱལ་ཁབ་དུ་གྱུར་ བཞིན་པ་དེར་ངེས་ཟིན་གྱི་ཡོད་པ་རེད།
སྐབས་དེར་ང་རང་དངོས་ནས་དགོད་ རྒྱུ་ཡོང་ནས་གསན་མི་ཚུགས་པར་དགོད་ཞོར་དུ། ཁྱེད་རང་གིས་དངོས་ནས་དེ་འདྲ་ཞིག་འདོད་ཀྱི་ཡོད་པ་དེ་ནི་ཁྱེད་རང་གི་ནོར་ འཁྲུལ་རེད། རྒྱ་ནག་གི་དཔལ་འབྱོར་གྱི་ཆ་ནས་བཤད་པ་ཡིན་ན། ཡར་རྒྱས་ཅུང་ཙམ་འགྲོ་བཞིན་ཡོད་པ་བདེན་ན་ཡང་། མི་དམངས་ནི་སྔར་ལས་ཀྱང་སྐྱོ་རུ་སོང་མེད་ཀྱང་ཡག་དུ་སོང་མེད་པར་ཉིན་རེ་བཞིན་ ལས་མི་དང་ལས་བཟོ་བ་མི་ཉུང་བ་ཞིག་གིས་རྒྱལ་ཁབ་དང་བཟོ་གྲྭ་ཁག་ལ་ངོ་རྒོལ་བྱེད་ ཀྱི་ཡོད་པ་མ་ཟད། རྒྱ་ནག་ནང་དུ་མི་ལ་རང་དབང་མེད་སྟབས། ངས་གོང་དུ་བཤད་པའི་བོད་མི་འཇུ་བཟུང་སྐོར་གཅིག་བུ་མ་ཡིན་པར། རྒྱ་ནག་རང་གི་མི་རིགས་ཀྱི་རྩོམ་པ་པོ་དེ་ཚོ་ཡང་ཁྲིམས་ཐག་གཅོད་པ་དང་། དོན་མེད་དུ་མནར་གཅོད་གཏོང་བཞིན་ཡོད་པའི་གནས་ཚུལ་གཅིག་རྗེས་གཉིས་མཐུད་དུ་ བྱུང་བཞིན་ཡོད་པ་རེད།
དེ་དུས་ཁོ་རང་གིས། རེད་རེད། རང་དབང་གི་ཐད་ནས་དངོས་ནས་རྒྱ་ནག་ནང་དུ་འགྱུར་བ་འགྲོ་ངེས་རེད་ལ། འགྱུར་བ་འགྲོ་དགོས་པ་ཞིག་ཀྱང་ཆགས་ཡོད་པ་རེད། འོན་ཀྱང་། ཁྱེད་ཅག་གིས་བོད་ཀྱི་དབུ་ཁྲིད་༧རྒྱལ་བ་པན་ཆེན་ཟེར་ནས་གཉིས་འདུག དེ་གཉིས་ཀྱི་སུའི་གོ་གནས་མཐོ་བ་ཡོད་རེད།
ང་ཚོ་བོད་མི་དག་གི་སེམས་ ནང་དུ་དད་པ་བྱེད་མིན་དེ་ནི་རང་དབང་ཡིན་དུས། ༧རྒྱལ་བ་པན་ཆེན་གཉིས་ལ་དད་ཞེན་ཡོད་མཁན་དག་གི་སེམས་ཁུངས་་དུ་ཁོ་གཉིས་ལ་མཐོ་ དམན་ཡོད་པ་མ་རེད། དེ་ནི་ཁྱེད་རང་གི་ནམ་རྒྱུན་གོ་བཞིན་པའི་རྒྱ་ནག་གི་གསར་འགྱུར་དང་བསྡུར་ནས་ ཡོང་བ་ཡིན་ན། བོད་མི་དག་གིས་རང་གི་བླ་མ་ལ་དད་མིན་དེ་ནི་རང་དབང་ཡིན་པ་ལས། སུ་གང་གིས་བཀའ་གཏོང་མཁན་ཡོད་པ་མ་རེད། རྒྱ་ནག་སྲིད་གཞུང་གིས་དེ་ཡང་ཆབ་སྲིད་ཀྱི་ངོ་བོར་སྒྱུར་ནས་ཐ་ན་པན་ཆེན་རིན་ པོ་ངོ་མ་དེ་ཡང་ད་ལྟའི་བར་དུ་ཤི་གསོན་ཡང་མ་ཤེས་པར་ཡོད་པ་རེད།
ཁོ་རང་གིས། ག་རེ། པན་ཆེན་རིན་པོ་ཆེ་ཡོད་པ་མ་རེད། ག་རེ་བྱས་ནས་མེད་སོང་བ་རེད་དམ།
དེ་ ནི་རྒྱ་ནག་གི་ཁོང་དགུང་ལོ་དྲུག་ཡིན་དུས་བཙན་ཁྲིད་བྱོས་དེ། ད་ལྟའི་བར་དུ་གར་སོང་ཆ་མེད་དུ་གྱུར་ནས་ཐ་ན་ཤི་གསོན་ཡང་ཤེས་སུ་འཇུག་གི་ཡོད་ པ་མ་རེད། ད་ཁྱེད་རང་གིས་ལྟོས་དང་། ངེད་ཅག་གིས་རང་གི་དད་མོས་ཙམ་ལ་ཡང་རང་དབང་མི་སྤྲོད་པའི་སྲིད་གཞུང་དེར་ཡིད་ ཆེས་ཇི་ལྟར་བྱེད་དགོས་པ་རེད།
དེ་དུས་ཁོ་རང་དགོད་ཞོར་དུ། ལག་ནང་དུ་དཀར་ཡོལ་སྟོང་བ་དེ་བཟུང་ནས་ཕྱིར་ཐབ་ཚང་དུ་འགྲོ་ཞོར། ང་རང་སོང་ནས་པན་ཆེན་རིན་པོ་བཙལ་ཡོང་ཟེར། ངས་སྐབས་དེར་གདོང་ཡོངས་ལ་འཛུམ་གྱིས་འཁང་བཞིན། དེ་ནི་ཁྱེད་རང་གི་རྨི་ལམ་ནང་དུ་ཤར་ཐུབ་ཀྱི་མ་རེད་ཅེས་ལན་བཏབ་དེ་ང་རང་ཡང་ག་ ལེར་ཡར་བླངས།
ཞབས་ཞུ་མ་ཞིག་གིས་ང་རང་ལ་འགན་འཛིན་བུད་མེད་དེས་འབོད་ ཀྱི་འདུག་ཟེར་བ་ལྟར་སོང་དུས། ཁོ་མོས་ང་རང་གི་ལག་ཁྱེར་ཁུར་ནས་ཤོག་དང་། མིང་དང་ཁ་བྱང་སོགས་ཐོ་འགོད་ཅིག་བྱེད་དགོས་ཀྱི་འདུག་ཟེར་བ་ལྟར། ངས་ཁུར་ཡོང་ནས་ཁོ་མོ་ལ་སྟོན་བཞིན་པའི་སྐབས་སུ། རྒྱ་མི་ངས་གོང་དུ་ཁ་བརྡ་བྱེད་ས་ཁོ་རང་ངའི་འགྲམ་དུ་སླེབས་སོང་། དེ་དུས་ངའི་ལག་ཁྱེར་སེར་བོ་ལ་བལྟ་བཞིན་འདི་ཁྱེད་རང་གི་ལག་ཁྱེར་རེད་དམ་ཟེར།
ངས་རེད། འདི་ནི་རྒྱ་གར་གཞུང་དང་བོད་གཞུང་གི་མཉམ་འབྲེལ་འོག་ང་ཚོ་ལ་སྐྱབས་བཅོལ་ལག་ ཁྱེར་རེག་པ་རེད་ཅེས་བཤད་དུས། དེས་ན་ཁྱེར་རང་ལ་ཀྲུང་གོའི་ལག་ཁྱེར་མེད་དམ།
ངས་ སྐབས་དེ་ནི་རང་ཉིད་ནི་ད་ལྟའི་འཆར་ཀྲུང་གོ་བ་མིན་པའི་བདེན་དཔུང་རྙེད་པ་ལྟར། རེད། ང་ཚོའི་ལག་ཁྱེར་གཅིག་གི་མ་རེད། ང་ཚོའི་གཞུང་ཡང་རྒྱ་གར་དུ་སྐྱབས་་བཅོལ་བྱས་ནས་བསྡད་ཡོད་པ་རེད་ལ། ལས་ཀ་གང་ཞིག་བྱེད་དགོས་པ་ཡིན་ན་གཞུང་བརྒྱུད་ནས་བྱེད་ཐུབ་ཀྱི་རེད། ལག་ཁྱེར་འདི་ཀྲུང་གོ་མ་་གཏོགས། རྒྱལ་ཁབ་གང་ནས་མགྲོན་ཤོག་འབྱོར་བ་ཡིན་ན་འགྲོ་ཐུབ་ཀྱི་རེད་ཅེས་བཤད་དུས་སུ། ཁོ་རང་ཧང་སངས་སངས་ཀྱིས་ཚུལ་དང་བཅས། དེས་ན་བོད་གཞུང་ལ་སྤྱི་བདེ་གཉེན་རྟོགས་པ་ཡོད་པ་རེད་དམ་ཟེར།
ངས་ ཡོད་པ་མ་རེད། སྐྱབས་བཅོལ་གཞུང་ཞིག་ཡིན་དུས། སྤྱི་བདེ་གཉེན་རྟོགས་པ་ཡོད་ཆོག་གི་ཡོད་པ་མ་རེད་ཅེས་བཤད་དུས། ཁོས་སླར་ཡང་། དེས་ན་བོད་ལ་དམག་མི་ཡོད་པ་རེད་དམ་ཟེར།
ཡོད་པ་རེད། དེ་ཡང་བོད་དམག་ཟེར་ནས་ལོག་དུ་ཡོད་པ་མ་རེད། རྒྱ་གར་གྱི་དམག་མི་དང་མཉམ་དུ་ཡོད་པ་རེད་ཅེས་ལན་བཏབ་པ་ཡིན།
ཁོས་དེས་ན་རྒྱ་གར་གྱི་དམག་མི་དང་། རྒྱ་ནག་གཉིས་ལས་སུ་སྟོབས་ཤུགས་ཡོད་སྲིད་དམ་ཟེར།
དེ་ དུས་ང་རང་དངོས་ནས་ཁོ་རང་གི་དྲི་བ་དེ་ཚོ་བྱིས་པ་ཞིག་གི་དྲི་བ་ལྟ་བུ་ཞིག་ མཐོང་ན་ཡང་། དགོད་ཞོར་དུ། དེ་ནི་བཤད་ཁག་པོ་རེད། དམག་མི་ལ་སྤྱོང་བརྡར་སྤྲོད་སྟངས་སུ་བཟང་བ་ཡོད་མིན་ད་ལྟའི་འཆར་འུ་གཉིས་ཀྱིས་ སུ་ཡིན་ཡང་བཤད་མི་ཤེས་དུས། དེ་ནི་བཤད་ཚོད་ཐུག་གི་མ་རེད། ཁྱེད་རང་འཐབ་འཁྲུགས་བྱེད་རྒྱུར་དགའ་བོ་ཡོད་དམ།
ཁོ་བོས་ལག་པ་གཉིས་ཀ་གནམ་ལ་གཡུགས་ཞོར་དུ། མེད་མེད་ཟེར།
བཤད་པ་ལེགས། རྒྱ་རྒན་ལ་སློབ་ཁྲིད་ཡག་པོ་ཞིག་བྱས་འདུག
ཨ་རོགས། ཁྱོད་ཀྱིས་རྒྱ་སྐད་ཡག་པོ་མི་ཤེས་ཟེར་བཞིན་འདི་འདྲའི་ཆབ་སྲིད་ཀྱི་སྐད་ཆའང་རྒྱ་སྐད་ཀྱི་ཐོག་ནས་བཤད་ཐུབ་པ་འདི་ཅི་རེད། ཁེངས་སྐྱུངས་བྱས་པ་རེད་དམ། ཁྱོད་ལ་དངོས་གནས་རྒྱ་སྐད་ཀྱི་ཤེས་ཚད་གང་འཚམས་འདུག་ཨང་།
ཁམས་བཟང་།
ངེར་བ་རེད། རྒྱ་མི་དེར་ཁྱོད་ཀྱི་དབང་ལུང་མན་ངག་ཐོབ་ཡོད་ཐག་གཅོད་རེད། ད་དུང་ཤུགས་རྒྱོབ། མུ་མཐུད་དུ་་་་་་་
བཟོད་པ་ལྷ་རྩེ་ལགས། ཕེབས་ནས་བསམ་ཚུལ་ཕྲན་པུ་ཞིག་གསུངས་དེར་དགའ་ཡོད། རྗེས་མར་ཡང་ཕེབས་རྐྱང་བྱོས།
སྐར་ཁྲི་བཙན་ལགས། ཡུན་རིང་ལ་མཇལ་རྒྱུ་མ་བྱུང་། དེ་རིང་འདིར་ཕེབས་པ་དགའ་ཡོད། རྗེས་ཕྱོགས་ཕེབས་རྐྱང་བྱོས། བལྟས་ནས་ཡོད།
དྲ་གྲོགས་ཤ་ཁྲག་རུསགསུམ་ལགས་སུ་འཚམས་འདྲི་བཀྲ་ཤིས་བདེ་ལེགས་ཞུ།། ཨ་རོ་ཁྱོས་ང་རང་གིས་རང་གི་རྒྱ་སྐད་བོ། ཁས་ལེན་ཚར་འདུག་ག ཧ ཧ ཧ ཀུ་རེ་ཡིན། ད་ཡང་ང་ལ་ཁོམ་པ་ཡོད་པས་རྒྱུན་དུ་མཇལ་ཡོང་།
ཤ་ཁྲག་རུས་གསུམ་ལགས་ཁྱོད་ཀྱི་གཡང་ཁྱིམ་འདིའི་ནང་་མ་བོས་པའི་མགྲོན་པོ་ང་ཡོང་བ་ཡིན། དངོས་གནས་ཁྱོད་གཡང་ཁྱིམ་ནང་ནས་ང་ལ་བཟའ་རྒྱུ་དང་འཐུང་རྒྱུ་ཡོད་ཚད་རག་སོང་ཐུགས་རྗེ། དངོས་ཡག་པོ་འདུག་ཕྱི་མའི་དང་འབྲེལ་བ་མང་ཙམ་དང་ལག་ལེན་ངོ་མའི་ཐོག་ནས་བོད་ལ་ཕན་པའི་ལས་ཀ་ཁྱེད་ཀྱི་གནང་གི་ཡོད་བཟོ་འདུག་ཐུགས་རྗེ་ཆེ།
བཞུགས་གོ་ ང་འགྲོ་གི་ཡིན་རྗེས་མ་ཡང་ཡོང་གི་ཡིན་ཏ།