དེ་རིང་ཉིན་རྒྱབ་ཆུ་ཚོད་དང་པོ་ཡོལ་ཙམ་དེར། ངྷ་སའི་ལྷ་རྒྱལ་རིར་ཡོད་པའི་རྒན་གསོ་ཁང་གི་གཤམ་གྱི་རི་ངོས་དེར་མེ་སྐྱོན་བྱུང་འདུག
མེ་སྐྱོན་དེ་ནི་ནགས་ཚུལ་ཅུང་སྟུག་ས་དང་དགུན་གྱི་རྩྭ་སྐྱ་གང་སར་འཐོར་བའི་རི་ངོས་ཤིག་ཡིན་སྟབས། གསར་འགོད་པ་མེ་སྐྱོན་བྱུང་ཡུལ་དངོས་སུ་ཐོན་དུས་རི་ངོས་དེའི་མེ་ད་དུང་མཚམས་ཆད་མེད་པར། དམར་ལྷབ་ལྷབ་ཏུ་གང་སར་མཆེད་ཀྱིན་པའི་མེ་ལྕེ་དང་སྔོ་ལྷོག་ལྷོག་ཏུ་ནམ་མཁར་འཕྱུར་གྱིན་པའི་དུ་སྨུག་གི་ཀློང་ན། ལོ་རྒན་དྲུག་ཅུ་དང་བདུན་བཅུར་སླེབས་ཟིན་པའི་རྒས་འཁོགས་རྣམས་སེམས་འཚབ་ཆེན་པོ་ལངས་ཏེ་རང་རང་གི་ས་ན། སྣོད་རིགས་འདྲ་མིན་ནང་ཆུ་ཁྱེར་ཏེ། མེ་གསོད་ཀྱི་བྱ་བར་ཧུག་ཐག་གིས་ཞུགས་ཀྱིན་འདུག་ལ། ཕྱོགས་བཞིར་མཆེད་ཀྱིན་པའི་མེ་ལྕེ་རྒས་གསོ་ཁང་གི་ཁང་པ་དང་གོམ་པ་ལྔ་ཙམ་གྱི་མཚམས་ནས་གསོད་ཐུབ་པ་བྱུང་འདུག་པས། རྒས་འཁོགས་རྣམས་ཀྱི་སྡོད་ཁང་སོགས་ལ་གནོད་སྐྱོན་གང་ཡང་བྱུང་མེད།
གསར་འགོད་པས་མེ་སྐྱོན་ཇི་ལྟར་བྱུང་མིན་སྐོར་རྒས་འཁོགས་འགར་སྐད་ཆ་དྲིས་པར། དབུ་སྐྲ་དཀར་བོར་གྱུར་བའི་རྨོ་རྨོ་ཞིག་གིས་བཤད་དོན། འདི་ནི་ད་ལོ་གཅིག་པུ་མ་རེད། རྒྱ་གར་ཡུལ་མིས་ལོ་ལྟར་ད་ལྟའི་དུས་འདིར་རི་ངོས་ཀྱི་དགུན་རྩྭ་ལྷག་མ་རྣམས་མེར་བསྲེག་གི་རེད། དེ་ནི་ལོ་རྗེས་མར་རྩྭ་ཡག་པོ་སྐྱེ་རྒྱུའི་ཆེད་དུ་རེད། ཡིན་ནའང་། ཁོང་ཚོས་རི་མགོར་ང་ཚོ་ཡོད་མེད་ལ་མི་ལྟ་བར་རི་གཤམ་ནས་མེ་གཏོང་རྐྱང་བྱེད་པ་འདིས་ང་ཚོའང་འཚིག་རྒྱུའི་ཉེན་ཁ་འདུག་ལ། མེ་འབར་མགོ་བརྩམས་མ་ཐག་རྒན་གསོ་ཁང་གི་རླངས་རྫ་ཡོངས་རྫོགས་དབོར་འདྲེན་བྱས་ཟིན་ཞེས། མེ་གསོད་ཀྱི་བྱ་བར་བཀོད་སྒྲིག་གང་ལེགས་བྱས་ཟིན་སྐོར་འགྲེལ་བརྗོད་གནང་།
གསར་འགོད་པ་ལམ་ལ་མ་ཆས་པའི་སྔོན་དེར། ངྷ་ས་ཁུལ་གྱི་མེ་གསོད་རུ་ཁག་གི་རླངས་འཁོར་ཆེན་པོ་ཞིག་གིས་དུང་བརྡ་གཏོང་བཞིན་གངས་སྐྱིད་ཀྱི་ལམ་ཆུང་བརྒྱུད་མེ་སྐྱོན་བྱུང་སར་བསྐྱོད་ཡོད་ཀྱང་། བདེ་ལེགས་སྨན་ཁང་ཟུར་གྱི་དཀྱོག་ཆེན་པོ་ཞིག་ཏུ་རླངས་འཁོར་ཁ་དཀྱོག་མ་ཐུབ་པར་ཡུན་རིང་ལྷག་པར་བརྟེན། མེ་སྐྱོན་བྱུང་སའི་ས་ཁུལ་དུ་དུས་ལྟར་ཐོན་མེད་ལ། གསར་འགོད་པ་མེ་སྐྱོན་བྱུང་སར་ཕྱིན་ནས་ཕྱིར་ལམ་ལ་ཆས་སྐབས་གཞི་ནས་འབྱོར་སོང་། སྐབས་དེར་རྒས་འཁོགས་རྣམས་དང་མཉམ་དུ་མེ་གསོད་ཀྱི་བྱ་བར་ཞུགས་པའི་ཕྱི་གླིང་བ་ཞིག་གིས། ༼ མེ་གསོད་རླངས་འཁོར་ཞིག་ཡོང་གིན་འདུག ཡིན་ནའང་། འཕྱི་དྲགས་ཐག་ཆོད་འདུག ༽ ཅེས་འདི་གའི་གསར་འགོད་པར་བརྗོད་བྱུང་།
དགོད་དྲོ་བ་ཞིག་ལ། རྒན་འཁོགས་དེ་དག་ལ་ལུས་རྩལ་ཡག་པོ་ཞིག་བྱུང་འདུག དེ་དང་ལྷན་དུ་མི་ལུས་ཡུན་རིང་མ་ཡིན་པར་གནོད་སྐྱོན་མང་བའི་དྲན་གསོ་ཞིག་ཀྱང་བྱས་འདུག
བོད་གཞུང་གིས་རྒྱ་གར་གཞུང་ལ་སྙན་ཞུ་ཞིག་རྒྱབ་ཐུབ་ཀྱི་མེད་དམ??????????
ལོ་ལྟར་རི་ལ་མེ་རྒྱབ་པའི་དུས་ཚོད་དེ་སྟེང་རྒས་ཁོག་རྣམས་འཇིགས་སྣང་གི་ངང་ཚེ་འཇུག་བསྐྱལ་ཏེ་སྡོདགོས་ཀྱི་ཡོད
ད་ཆ་གཞི་ནས་ཐག་རིང་ཐག་རིང་གི་འགྲེལ་བཤད་དེ་ཚོས་གཞི་ནས་ཁ་གྲག་གི་ཡོད་པའི་ཚོར་སྣང་སྟེར་མགོ་ཚུགས་སོང་། གསར་འགོད་པས་འགྲེལ་བཤད་མང་ཙམ་བརྒྱབ་འདུག་པ་ཐུགས་རྗེ་ཆེ། ཚོགས་གཏམ་བཏང་བ་ག་ནས་ཡིན་ཏེ། ངོས་འཛིན་དེ་འདྲ་ཞིག་གནང་འདུག་སྟབས། ད་ནི་སེམས་ཕུག་དེ་ཤེས་ཡོད། ད་ནས་ཚིག་གཅིག་ཞུ་མ་དགོས་པ་ཞུས་ཆོག་པ་ཞུ།
ད་ཕྱི་ཟླ་དྲུག་པ་ཟིན་རན་འདུག དགུན་ཁའི་རྩྭ་སྐྱ་ད་དུང་ཡོད་པ་ཁྱད་མཚར་རེད།
དྲ་གྲོགས་བསྟན་ཚེ་ལགས། དང་ཐོག་ཁྱེད་ཀྱིས་མཛུབ་སྟོན་གནང་བར་ཐུགས་རྗེ་ཆེ་ཞུ། དེ་སེམས་བསམ་པའི་སྟེང་གི་སྐད་ཆ་ཡང་ཡིན།
མེ་སྐྱོན་བྱུང་ས་ནི་ ༼ ངྷ་སའི་ལྷ་རྒྱལ་རིར་ཡོད་པའི་རྒན་གསོ་ཁང་གི་གཤམ་གྱི་རི་ངོས་དེ་ ༽ རེད། ཚིག་གྲུབ་གོང་མའི་ནང་དུ་མེ་སྐྱོན་བྱུང་སའི་ཡུལ་གསལ་བོར་བསྟན་ཡོད་སྟབས། ཚིག་གྲུབ་འོག་མའི་ནང་དུ་ ༼ མེ་སྐྱོན་དེ་ནི་ནགས་ཚུལ་ཅུང་སྟུག་ས་དང་དགུན་གྱི་རྩྭ་སྐྱ་གང་སར་འཐོར་བའི་རི་ངོས་ཤིག་ཡིན་སྟབས། ༽ ཞེས་བརྗོད་ཀྱང་སྐྱོན་དུ་མཐོང་གི་མེད། ཡིན་ནའང་། ཚིག་གྲུབ་འོག་མ་དེ་ཅུང་བརྗོད་མི་བདེ་བ་ཞིག་ཏུ་གྲུབ་པ་ཁས་ལེན་གི་ཡིན།
དེ་བཞིན་གསར་འགོད་པས། ༼ ཕྱོགས་བཞིར་མཆེད་ཀྱིན་པའི་མེ་ལྕེ་ ༽ ཞེས་བྲིས་པར། ཉིད་ཀྱིས་༼ ཕྱོགས་བཞི་མཚམས་བརྒྱད་ཀྱི་མེ་ལྕེ་ ༽ ཞེས་སྣོན་འཕྲི་མཛད་འདུག སྔ་མ་དེས་དམར་ལྷབ་ལྷབ་ཏུ་འབར་གྱིན་པའི་མེ་ལྕེ་དེ་རྒན་གསོ་ཁང་གི་གཤམ་གྱི་རི་ངོས་དེའི་ཕྱོགས་བཞིར་མཆེད་ཀྱིན་པ་བསྟན་པ་དང་། ཕྱི་མས་ཕྱོགས་བཞི་དང་མཚམས་བརྒྱད་ཀྱི་མེ་ལྕེ་དེ་རྒན་གསོ་ཁང་གི་ཕྱོགས་སུ་འབར་གྱིན་པ་བསྟན་འདུག དེ་ལྟར་ན། ཚིག་གྲུབ་ཕྱི་མ་དེ་གསར་འགོད་པས་བྲིས་པར་ཆ་བཞག་སྟེ། ཉིད་ཀྱིས་ཚོགས་གཏམ་ཡག་ཐག་ཆོད་ཅིག་གཏོང་ཆོག་གི་རེད།
མཇུག་མཐར་ངེས་དགོས་པ་ཞིག་ནི། མཆན་འདིའི་རིགས་དྲ་ངོས་འདི་ནས་དུས་ནམ་ཡང་གསུབ་ཀི་མ་རེད། ད་དུང་མུ་མཐུད་དེ་ཡོང་གི་སྡོད། མཛུབ་སྟོན་གནང་གི་ཤོག
༡ མེ་གསོད་རླངས་འཁོར་ལས་གསར་འགོད་པ་མགྱོགས་པ་སླེབས་སྐོར་བྲིས་འདུག དེ་གསལ་པོ་ཞིག་གོ་སོང་།
༢ ཕྱོགས་བཞི་མཚམས་བརྒྱད་ཀྱི་མེ་ལྕེ་ཚང་མ་རྒན་གསོ་ཁང་གི་ཕྱོགས་སུ་མཆེད་སྐོར་བྲིས་འདུག དེ་ལྟར་ན། རྒན་གསོ་ཁང་དེ་རི་ངོས་དེའི་ཕྱོགས་བཞི་མཚམས་བརྒྱད་ཁེབས་པ་ཞིག་ཡོད་འདུག ལོ་ཤས་གོང་རྒན་གསོ་ཁང་དེར་ཐེངས་གཅིག་བཅར་རྒྱུ་བྱུང། དེ་དུས་ནི་མཐའ་རྒྱ་ཕྱོགས་བཞི་མཚམས་བརྒྱད་ལ་བསྐྱེད་པ་གང་ཡང་བྱུང་མི་འདུག ཡང་ན། གསར་འགྱུར་འབྲི་མཁན་ནོར་འདུག ཡང་ན་ནི། ལོ་ཤས་གོང་མཐོང་བའི་ངའི་མིག་ལམ་གྱི་རྒན་གསོ་ཁང་དེ་ད་ལྟ་འགྱུར་ཚར་ཡོད་འདུག
༣ ༼མེ་སྐྱོན་དེ་ནི་ནགས་ཚུལ་ཅུང་སྟུག་ས་དང་དགུན་གྱི་རྩྭ་སྐྱ་གང་སར་འཐོར་བའི་རི་ངོས་ཤིག་ཡིན་སྟབས།༽ཞེས་གསར་འགྱུར་གྱི་མགོ་བཟུང་འདུག ཡིག་ནོར་ཕར་ཟད། མེ་སྐྱོན་དེ་ནི་ནགས་ཚལ་ཅུང་སྟུག་ས་དང་དགུན་གྱི་རྩྭ་སྐྱ་གང་སར་འཐོར་བའི་རི་ངོས་ཤིག་ཡིན་ཚུལ་བཤད་པ་འདིས། དགོས་རྒྱུའི་གོ་བརྡ་དེ་ཐག་རིང་ཞིག་ནས་སྤྲད་སོང་། ཡིན་ངོ་མ་ནི། འདྲ་པར་གཉིས་བཀོད་ནས་འདུག་པ་འདིས་གོ་བརྡ་ཡག་པོ་ཞིག་སྤྲད་སོང་།
༤ གསར་འགྱུར་དུས་ཐོག་ལ་བཏང་བ་ལེགས་པར་འདུག་སྟེ། ཁ་རུ་ཁ་ཐུག་གིས་བྲིས་ནས་སྤེལ་རྒྱུ་ལ་བསམ་པར་བྱ་བ་མང་དུ་འདུག་པར་མཐོང་ནས། ལག་པ་སྡོད་མ་ཚུགས་ཏེ་ཚིག་འགའ་ཐལ་བར་དགོངས་ཚོམ་མེད་པ་ཞུའོ།། ཅི་སྟེ་དགོངས་པ་ཚོམས་ན། བསུབ་གནང་རོགས་ཞུའོ།།
མཆན་འགའ་ཞིག་ལ་ཡིག་སྐྱོན་མང་དྲགས་པས་ཀློག་མི་ཐུབ་ལ་དོན་དེ་བས་ཀྱང་མི་གོ།
འདི་ཉེན་ཁ་ཆེན་པོ་རེད། གོམ་པ་བརྒྱ་ལྷག་གི་སར་༧་གོང་ས་མཆོག་གི་ཕོ་བྲང་ཡོད་རེད། ཕོ་བྲང་གི་ཕྱོགས་ལ་མེ་འབར་གི་རེད།རྒན་འགའ་རེ་མ་གཏོགས་རེད་པ་ཡོད་སྐྱོ་བ་རེད། ཕྱི་རྒྱལ་ན་མ་ཡེལ་ལྔ་དྲུག་རེ་སར་མེ་བསླེབས་ན་ཉིན་ཡོལ་ལ་འགྲོ་གི་འདུག
རྒས་རྣམས་སྨྲོས་མེད་མ་ཟད་ས་དྲུག་གི་དེད་དཔོན་ཆེན་པོའི་གཟིམ་ཤག་ཀྱང་ཉེན་ཁ་འདུག་
རྒན་པོ་རྒན་མོ་རྣམས་མེའི་འཇིགས་པའི་འོག་ཏུ་འཆི་ཉེར་འདུག་ད་་་་་དངོས་གནས་བཟག་བཟག་བཟོ་རོགས་ལོ།
རྒན་འཁོག་ཚོ་མེར་བསྲེགས་ཐལ་ན་དཔེ་བསགས་ཡོང་།
ཕོ་བྲང་ཉེ་འཁོར་ཡང་ཡིན་སྟབས་ཧ་ཅང་གིས་དོ་ནན་དགོས་འདུག
ངས་ད་རུང་དུང་སྒྲ་གྲག་བཞིན་པར་ཅི་ཞིག་ཡིན་མིན་ཐེ་ཚོམ་ཟ་བཞིན་པའི་སྒང་ལ་ཁྱོད་ཚོས་གནས་ཚུལ་རྒྱུས་ལོན་བྱས་ཚར་འདུག
ངོ་མ་ངར་གི་ཡ།
གསར་འགྱུ་ཟེར་ནོ་རེད།གནས་ཚུལ་དུས་ཐོག་ཏུ་ཐོན་གྱི་འདུག
འདི་ལྟར་གནས་ཚུལ་དུས་ཐོག་ཏུ་ཐོན་ཐུབ་ན་ཤིན་ཏུ་བཟང་།