གསང་མིང་འོག་གི་འཇབ་རྒོལ་བ་དང་རྨས་མ་ཚོ།

བར་སྐབས་འདིར་མི་མང་པོ་ཞིག་གིས་དྲ་འབུས་ཕུ་དཀྲུགས་མདའ་དཀྲུགས་སུ་བཏང་ནས་དྲ་ཐོག་ཏུ་ཡོང་རྒྱུར་འཚེར་སྣང་བྱེད་དགོས་པ་ཞིག་ཆགས་འདུག འདིས་ང་ཚོའི་ཆ་འཕྲིན་གྱི་འཕེལ་རྒྱས་ལ་གནོད་སྐྱོན་གཏོང་གིན་འདུག་པས། ངས་ཡུན་རིང་ཞིག་ལ་དཀའ་ངལ་འདི་བསལ་ཐབས་ཤིག་བཙལ་བ་ཡིན།

https://tibettimes.net/wordpress/blogs.php?id=40&post_id=9587

སྒོམ་སྡེ་ལྷ་རམས་པའི་འཇིགས་སྐུལ་ཕྱོགས་བསྒྲིགས།

དགེ་ལུགས་པའི་གདན་ས་ཆེན་པོ་སེ་ར་ཐེག་ཆེན་གླིང་གི་ཡ་གྱལ་སེར་བྱེས་མཁས་སྙན་གྲྭ་ཚང་གི་དགེ་བཤེས་ལྷ་རམས་པ། ཏྲེ་ཧོར་མཁན་ཟུར་བློ་བཟང་དབང་ཕྱུག་དང་། དགེ་བཤེས་བཀྲ་ཤིས་འབུམ། ཧར་གདོང་དགེ་བཤེས་ཐུབ་བསྟན་བཀྲ་ཤིས། དགེ་བཤེས་བྱམས་པ་བརྩོན་འགྲུས་སོགས་ཀྱི་སློབ་མ། སྒོམ་སྡེ་ལྷ་རམས་པ་ཐུབ་བསྟན་བསམ་གྲུབ་ཀྱིས་གཞན་ལ་ལུས་སྲོག་ལོངས་སྤྱོད་ཀྱི་འཇིགས་སྐུལ་བྱས་པ་རྣམས་ཕྱོགས་སུ་བསྡེབས་པ།

འཇིགས་སྐུལ་དང་པོ།
ཁྲིམས་ཀྱི་འཇིགས་སྐུལ།

ཚུལ་ཁྲིམས་མཐར་ཕྱིན་ཨ་རི་ན་འདུག ས་གནས་ཉེན་རྟོག་པ་Local Police Department དང་། Legal Service གཉིས་ལ་ཁོ་པའི་གནས་ཚུལ་ར་སྤྲོད་བྱེད་མུས་ཡིན། རྗེས་མ་མིག་ལྟོས་ལ་ཕན་པ་ཞིག་བྱ་མ་ཐུབ་ན། ལྟད་མོ་ལྟོས་ཨང་།
U.S. Citizenship and Immigration Services ལ་ཁྱོད་ཀྱིས་ནག་ཉེས་རྣམས་བཤད་ནས། ཁྱོད་ཨ་རིར་སྡོད་པར་ཁྲིམས་ཐོག་ནས་འགོག་རྐྱེན་ཆེན་པོ་ཞིག་བཟོ་མ་ཐུབ་ན། ལྟད་མོ་ལྟོས་ཤིག བཞག་ན་སྡོད་ཀྱི་མ་རེད། An untruthful statement about a person that harms the person’s reputation or standing in the community. Because slander is a tort (a civil wrong), the injured person can bring a lawsuit against the person who made the false statement. (LAW)

འཇིགས་སྐུལ་གཉིས་པ།
ཁྱབ་བསྒྲགས་ཀྱི་འཇིགས་སྐུལ།

ཚུལ་ཁྲིམས་མཐར་ཕྱིན། ད་མཚམས་འཇོག་བྱས་ན་ཡག་པོ་འདུག བོད་རིགས་ནང་ཁུལ་ཅིག་གིས་ཅིག་ལ་སུན་གཙེར་དང་གནོད་པ་བྱེད་ན་ཕན་ཐོགས་ཡོད་མ་རེད། ཁྱེད་རང་གི་བྱ་སྤྱོད་འདི་ཁྲིམས་ཐོག་ནས་བཤད་ན་Harassment ཟེར་བ་དེ་དང་། མི་གཞན་གྱིས་མིང་བེད་སྤྱོད་བྱས་ཏེ་དཀྲོག་གཏམ་སྤེལ་བ་དེ་ནི་Criminal offenseཟེར་བ་དང་། སྤྱི་ཚོགས་ནང་ཞེ་སྡང་གིས་དཀྲུག་ཤིང་བྱེད་པ་ནི། Hate Crime ཟེར་བའི་ཁྲིམས་འགལ་རེད། ཁྱེད་རང་དོལ་ཚོགས་ཡང་མ་རེད། ཁྱེད་རང་ལོ་རྒན་ལྔ་བཅུ་བརྒལ་བའི་གྲྭ་ལོག་ཅིག་ཡིན་པ་དང་། ད་ལྟ་ཡོ་རུབ་ནང་Welfareཟོས་ནས་བསྡད་ཡོད་པའང་ཤེས་སོང་། ཁྱོད་རང་གི་འདྲ་དཔར་ཡང་རག་སོང་། ད་ཁྱོད་རང་བོད་མིའི་སྤྱི་ཚོགས་ཀྱི་ཚགས་དཔར་ཡོད་ཚད་ནང་། ཁྱོད་ཀྱི་ལོ་རྒྱུས་དང་འདྲ་དཔར་དེ་འགྲེམ་སྟོན་བྱ་འདོད་མེད་ན། ད་མཚམས་འཇོག་བྱོས། སྡུག་ཚོད་ཟུངས།
འདོན་སྤེལ།: ༢༠༡༠/༠༣/༠༢ རིག་པ།(༡༠

འཇིགས་སྐུལ་གསུམ་པ།
མདུན་ལམ་གྱི་འཇིགས་སྐུལ།

ཚུལ་ཁྲིམས་མཐར་ཕྱིན། བཙན་བྱོལ་བོད་གཞུང་གིས་ཀྱང་ཁྱོད་ལ་དོགས་ཟོན་བྱེད་དགོས་པ་ཞིག་རེད། ཁྱོད་ཀྱིས་ཁ་བརྡ་སོགས་སུ་བཞག་པའི་མཆན་བུ་ཡོངས་རྫོགས་བསྡུ་རུབ་བྱེད་བཞིན་ཡོད། ཁྱོད་ཀྱིས་མཆན་བུ་ཇི་ཙམ་མང་དུ་གཏོང་བ་དེ་ཙམ་གྱིས་ཁྱོད་ཀྱི་གནས་ཚུལ་ཡང་མི་དམངས་ལ་ཇེ་གསལ་ཇེ་གསལ་དུ་གཏོང་ངེས་ཡིན། ད་ངས་ཁྱོད་ལ་ཁྲིམས་གཏུགས་བྱེད་པར་ཁྱོད་རང་གི་ཨི་མེལ་གློག་འཕྲིན་ཁ་བྱང་དེ་གཅིག་པུ་མ་གཏོགས་གཞན་གང་ཡང་དགོས་ཀྱི་མེད། ཁྱོད་རང་སྡོད་སའི་ཡོ་རབ་ཀྱི་Immigration Centerལ་ནག་ཉེས་རྣམས་གསལ་བར་འཁོད་པའི་གནས་བྲིས་ཤིག་བཏང་ན། ཁྱོད་ལ་ཤོག་བུ་རག་རྒྱུར་དོ་ཕོག་ཆེན་པོ་འགྲོ་ངེས་པ་དང་། ལྷག་པར་ཁྱོད་རང་ཁྲིམས་ཉེས་འོག་གནས་མུས་ཡིན་ཚེ་སྐྱབས་བཅོལ་ལག་ཁྱེར་སོགས་རག་རྒྱུ་མི་སྲིད་པ་རེད། ད་ཆེན་པོ་མ་ཆགས་གོང་མཚམས་འཇོག་བྱས་ན་ཤིན་ཏུ་མཛེས། འདོན་སྤེལ།: ༢༠༡༠/༠༣/༠༢ རིག་པ།(༡༤

འཇིགས་སྐུལ་བཞི་པ།
སྲོག་གི་འཇིགས་སྐུལ།

༼ཚུལ་ཁྲིམས་མཐར་ཕྱིན་ཟེར་བའི་མི་འདི་སུ་ཡིན་ཤེས་མཁན་ཡོད་དམ།༽
དྲ་གྲོགས་རྣམ་པ་ཚོའི་ཁྲོད་ན་ཚུལ་ཁྲིམས་མཐར་ཕྱིན་ཟེར་བའི་མི་འདི་སུ་ཡིན་ཤེས་མཁན་དང་། ད་དུང་གལ་སྲིད་ཁོའི་སྡོད་གནས་དང་ཁ་བྱང་ཁང་མིག་གི་ཨང་གྲངས་སོགས་གསལ་པོ་མཁྱེན་མཁན་ཡོད་ན་ངེས་པར་འདི་རུ་མཆན་བུ་འཇོག་རོགས། དཀོན་མཆོག་གསུམ་ལྟད་མོ་ལྟོས་ཤིག མི་འུ་ཐུག་ན་ལས་ཀ་གང་ཡང་བྱེད་སྲིད་ཀྱི་རེད་དཱ། འདོན་སྤེལ།: ༢༠༡༠/༠༣/༠༣༽

འཇིགས་སྐུལ་ལྔ་པ།
ངན་གསོད་ཀྱི་འཇིགས་སྐུལ།

༣༧༽ སྒོམ་སྡེ་ལྷ་རམས་པ་ནས།
སྤྱི་ལོ་ ༢༠༠༩ ཟླ་ ༩ ཚེས་ ༢༢ གི་ཆུ་ཚོད་ ༡༨ སྐར་མ་ ༡༡
བྱིས་པ་མར་འབྱར་ཅི་ཡང་མི་ནུས་པ། །
གང་གི་བྱམས་པའི་ནུ་ཞོས་བསྐྱངས་བསྐྱངས་ནས། །
ངལ་བ་མང་བསྟེན་བཤེས་གཉེན་མ་རྒན་དེའི། །
བྱས་པ་ཆུད་གཟོན་བྱེད་པའི་བུ་འདི་དམན། །

བླ་མ་ངན་པ་སུ་འདྲའི་དགེ་ཕྲུག་རེད།།
གྲུབ་མཐའ་ངན་པ་གང་འདྲའི་རྗེས་འཇུག་རེད།།
རིགས་ངན་ཕ་མ་སུ་འདྲའི་ནལ་ཕྲུག་རེད།།
མི་རིགས་གང་དང་གང་འདྲའི་མཚང་རྫོད་རེད།།

མ་ཤི་པགས་པ་བཤུ་ན་འདི་ལ་བཤུས།།
རྒྱུ་མ་ལག་མགོར་དཀྲི་ན་འདི་ལ་དཀྲིས།།
གསོན་སྙིང་དམར་པོ་ཕྱུང་ན་འདི་ལ་ཕྱུངས།།
ཚེ་སྲོག་དམར་པོ་གཅོད་ན་འདི་ལ་གཅོད།།

ཤེས་འབྱོན་ལྡན་པའི་བཀུར་འོས་བློ་བཟང་དབང་རྒྱལ་མཆོག་གིས།
དཀའ་ངལ་དང་སྐྱོན་བརྗོད་ལ་མགོ་མི་སྒུར་ཞིང་།
བརྩེ་བ་དང་སྙིང་སྟོབས་ཆེན་པོས།
ཉམ་ཆུང་བོད་རིགས་བུ་མོ་ཚོའི་སྤོབས་པ་དང་གཟི་བརྗིད་འཕེལ་ཕྱིར།
ལོ་ལྟར་བོད་ཀྱི་མཛངས་མ་འགྲན་བསྡུར་གྱི་མཛད་སྒོ་ཚོགས་མཛད་པ་ལ།
བདག་གིས་སྙིང་ཐག་པ་ནས་བཀའ་དྲིན་ཆེ་ཞུ་ཞུ་ཞུ།

བོད་མི་དམངས་སྤྱི་འཐུས་ཟླ་བ་ཚེ་རིང་མཆོག་གིས།
ལོ་ལྟར་བོད་རིགས་གཞོན་སྐྱེས་ཚོར།
ནང་ཆོས་ངོ་སྤྲོད་ཀྱི་ལས་རིམ་གོ་སྒྲིག་གནང་མཛད་པ་ལ།
བདག་གིས་སྙིང་ཐག་པ་ནས་བཀའ་དྲིན་ཆེ་ཞུ་ཞུ་ཞུ།

བོད་ཕྲུག་ཁྱིམ་སྡེ་རུ་སློབ་ཕྲུག་ ༢༢༠༠ ལྷག་ལ།
༧གོང་ས་སྐྱབས་མགོན་རྒྱལ་བ་རིན་པོ་ཆེ་མཆོག་གིས།
ཐུགས་བརྩེ་བ་ཆེན་པོས་ཉིན་གཉིས་ཀྱི་རིང་ལ།
ནང་ཆོས་ངོ་སྤྲོད་གསལ་བོར་གནང་མཛད་པ་ལ།
བདག་གིས་སྙིང་ཐག་པ་ནས་བཀའ་དྲིན་ཆེ་ཞུ་ཞུ་ཞུ།

ཁྱད་པར་བོད་ཀྱི་སྐད་ཡིག་རྒྱུན་འཛིན་ཚོགས་པ་ལ།
བདག་གིས་སྙིང་ཐག་པ་ནས་བཀའ་དྲིན་ཆེ་ཞུ་ཞུ་ཞུ།

བོད་ཀྱི་ཆོས་རིག་གཞུང་སྲུང་སྐྱོབ་ཀྱི་འབོད་ཚིག་གལ་ཆེན་རྣམས།
ང་ཚོས་ཕྱོགས་དུས་ཀུན་ཏུ་དྲིལ་བསྒྲགས་རྒྱ་ཆེར་བྱེད་དགོས་སོ།

བོད་ཀྱི་སྐད་ཡིག་བེད་སྤྱོད་མ་བྱས་ན།
བོད་ཀྱི་ཆོས་དང་རིག་གཞུང་ཉམས་པར་འགྱུར། །

བོད་ཀྱི་སྐད་ཡིག་དར་སྤེལ་བཏང་ན།
བོད་ཀྱི་ཆོས་དང་རིག་གཞུང་དར་རྒྱས་ཡོང་བར་འགྱུར། །

བོད་རིགས་རྣམས་ཀྱིས།
བོད་སྐད་དག་མ་ཤེས་དགོས་པ་ནི།
མི་རིགས་ཀྱི་ཁྱད་ཆོས་ཡིན།

བོད་རིགས་རྣམས་ཀྱིས།
བོད་སྐད་དག་མ་རྒྱུན་དུ་བེད་སྤྱོད་བྱེད་རྒྱུ་ནི།
དུས་རབས་ཀྱི་ལས་འགན་ཡིན།

བོད་རིགས་རྣམས་ཀྱིས།
བོད་ཡིག་འབྲི་ཀློག་སྦྱོང་རྒྱུ་ནི།
བོད་ཀྱི་རིག་གཞུང་གི་རྩ་བ་ཡིན།

བོད་རིགས་རྣམས་ཀྱིས།
སུམ་རྟགས་སྙན་ངག་སྦྱོང་རྒྱུ་ནི།
བོད་ཀྱི་ཆོས་རིག་གི་ལྡེ་མིག་ཡིན།

བོད་རིགས་རྣམས་ཀྱིས།
དེང་དུས་ཤེས་ཡོན་བཟོ་རིག་སྦྱོང་རྒྱུ་ནི།
བོད་འབངས་ཡར་རྒྱས་ཀྱི་འགྲོ་ལམ་ཡིན།

བོད་རིགས་རྣམས་ཀྱིས།
སངས་རྒྱས་ཆོས་ལ་ཐོས་བསམ་སྒོམ་པ་བྱེད་རྒྱུ་ནི།
གངས་ཅན་མི་དམངས་ཀྱི་བླ་སྲོག་ཡིན།

བོད་ཀྱི་སྐད་ཡིག་མེད་ན། བོད་ཀྱི་རིག་གཞུང་མེད། །
བོད་ཀྱི་རིག་གཞུང་ཡོད་ན། བོད་ཀྱི་མི་རིགས་ཡོད། །

བོད་ཀྱི་རིག་གཞུང་ཡང་དག་པ་ཞིག་ཤེས་དགོས་ན།

བོད་རང་གི་ཐུན་མོང་མིན་པའི་སློབ་གསོའི་སྒྲོམ་གཞི་ལ་ངེས་པར་བསྟེན་དགོས།

གོང་དུ་བོད་ཀྱི་ཆོས་རིག་གཞུང་སྲུང་སྐྱོབ་ཀྱི་འབོད་ཚིག་འགའ་ཞིག་དཔེ་མཚོན་དང་དཔྱད་གཞིའི་ཆེད་ཁོ་ནར་ཕུལ་བ་ཡིན། མ་འོངས་པར་བོད་ཀྱི་སྐད་ཡིག་རྒྱུན་འཛིན་ཚོགས་པས་གཙོ་བོར་བྱས་པའི་བོད་གཞུང་དམངས་ཡོངས་ཀྱིས། མི་སེམས་འགུལ་ཐུབ་པའི་བོད་ཀྱི་ཆོས་རིག་གཞུང་སྲུང་སྐྱོབ་ཀྱི་འབོད་ཚིག་ལེགས་ཤོས་འགའ་ཞིག་བརྒྱུད་ལམ་སྣ་ཚོགས་ནས་དྲིལ་བསྒྲགས་བྱེད་ཐུབ་ན། བོད་པའི་སྤྱི་ཚོགས་རྨོངས་གཉིད་ལས་སད་པའི་ཕན་ནུས་རླབས་ཆེན་འབྱུང་ངེས་སོ།

ཤ་ཚའི་ཁ་ལ་གཏམ་སྙན་མེད་པ་དང༌། ནད་མཁྲིས་པའི་སྨན་ལ་ཞིམ་པོ་མེད་པ་དངོས་ཡོད་གནས་ཚུལ་ཡིན། སྙན་པོ་མེད་པ་དང་ཞིམ་པོ་མེད་པའི་རྒྱུ་མཚན་དུ་བྱས་ནས་གད་སྙིགས་ལྟར་གཡུགས་མི་རུང༌། ད་དུང་ཧ་ཅང་གཙིགས་ཆེའི་ཐོག་ནས་བདག་གཅེས་བྱེད་དགོས། སྨྱུག་མིང་དང༌། གསང་མིང༌། གབ་མིང་འོག་ནས་མཆན་བུ་དང་ཟིན་བྲིས། བསམ་ཚུལ་སོགས་ཅི་ཞིག་སྤེལ་བྲིས་བྱས་ཀྱང་དོན་དམ་ཕན་ཐོགས་ཡོད་པ་ཞིག་ཡིན་ན་ང་ཚོས་བདག་པོ་བརྒྱབ་དགོས་པ་ལས་སྨྱུག་མིང་འོག་ནས་བྲིས་འདུག་ཅེས་ཟུར་ཟ་དང༌། དམད་འབོད། འཁང་ར་སོགས་ནམ་ཡང་བྱེད་མི་ཉེན། ད་དུང་སྨྱུག་མིང་འོག་ནས་ཡིབ་སྟེ་དགྲ་བོ་དགྱ་དམར་ལ་གནད་ཕིགས་པའི་རྩོམ་བྲིས་ག་ཚོད་བྱས་ཀྱང་དེ་ལ་དགའ་ཚོར་ཞུ་དགོས། རང་དང་གཞན༌། སྤྱི་དང་སྒེར་པ་བཅས་ལ་དངོས་ཡོད་ནོར་སྐྱོན་ཐེར་བཏོན་བྱས་པའི་བསམ་ཚུལ་ཚུན་ཆད་དངོས་མིང་ཐོག་ནས་བྲིས་ཀྱང་རུང༌། སྨྱུག་མིང་འོག་ནས་གབ་ཡིབ་བྱས་ཀྱང་རུང་གང་ལྟར་དངོས་ཡོད་གནས་ཚུལ་ཡིན་པས་དེ་ལ་མཐའ་གཅིག་ཏུ་ཚོད་འཛིན་བྱེད་དེ་བཀག་འགོག་བྱེད་ཉེན། ང་ལྟ་བུ་ཞིག་གིས་དངོས་མིང་དང་སྨྱུག་མིང་གང་གི་འོག་ནས་ང་ལ་ཟུར་ཟ་དང་སྐྱོན་བརྗོད་བྱེད་མཁན་རྣམས་ལ་དགའ་ཚོར་ཞུས་ཡོད་པ་ལས་སྡིགས་ར་དང་བརྙས་བཅོས། འཁོན་འཛིན་ནམ་ཡང་བྱེད་མྱུང་མེད།

༄༅།། རེ་བ་ཞིག་ཡོད་དོ

ཨ་རིག་འགྱུར་མེད་ཞེས་པ་དེ་ས་ཚིགས་དེར་སླེབས་ནས་ཚད་བཀག་མིང་པོ་ཞིག་བྱེད་མོས་ཐོག
ད་དུང་རྒན་རབ་པ་སྐོར་ཞིག་ལ་བསམ་ཚུལ་འགའ་གསུངས་གནང་ཞུས་ནས་དྲ་འབུ་ཞེས་བའི་ཐ་སྙད་ཞིག་གི་འོག་འགའ་ཞིག་ཕྱིར་འབུད་གཏོང་འདོད་འདུག
ཞུ་རྒྱུར།།།།
དངོས་མིང་དང་གསང་མིང་གང་ཡིན་བྱེ་བྲག་མེད།་གང་ལྟར་འགོག་ན་ཉམས་འགོོག་དགོས
སྨྲ་བརྗོད་རང་དབང་རེད
འོན་ཀྱང་དགོས་མེད་ཀྱི་གཏམ་ཛོལ་པོའི་རིགས་བཤད་པ་དང་རང་ཉིད་ཀྱི་ལྟ་གྲུབ་གྱི་ཁེ་དབང་ཆེད་འགའ་ཞིག་གནས་བཟོ་མི་བདེ་བའི་གཏམ་ཡན་བཤད་མཁན་དག་ལ་ཞུ་དག་ཞིག་བྱས་དེ་འདི་འདྲ་བ་བཤད་མཁན་མི་འདི་རེད་ཀྱི་དུས་བབ་ཚང་གི་གསལ་ལེར་མི་དེའི་རིགས་དྲ་གྲོགས་ཚོའི་མིག་མདུན་དུ་སྟོན་ཐུབ་ན་
དགེ་ཕན་ཆེ་བར་མཐོང་།
དེ་མིན་་་འཇིགས་བྲལ་སོགས་ཀྱི་ཁ་སྐམ་པོ་ལ་ཉན་རྒྱུ་མེད་དོ།

ངས་དུས་བབ་དྲ་ཚིགས་ཐོག་གསང་མིང་གི་ཐོག་ནས་མཆན་མི་ཉུང་བ་ཞིག་བྲིས་ཡོད། མཆན་དེ་དག་ལ་བོད་པ་ཞིག་གིས་བསམ་བློ་ཡག་པོ་བཏང་ན་བོད་ལ་ཕན་པ་ཡིན་ལ་མཆན་འདེབས་སའི་མི་སྒེར་དེ་དག་ལ་ཡང་ཕན་པར་བསམས། ཤ་ཚའི་གཏམ་ལ་སྙན་པོ་མེད་ཟེར་བ་ནི་ང་རང་ཚོ་བོད་པ་ལ་ཡོད་པའི་དཔེ་རྩ་ཆེན་ཞིག་ཡིན་པས་དེ་ནས་བློ་བསྐྱེད་ཞིག་ཡོང་ངེས་ལ། ནུབ་ཕྱོགས་དམངས་གཙོའི་རྒྱལ་ཁབ་ནང་དུ་ཡང་སྲིད་གཞུང་དང་སྲིད་འཛིན་པ་སོགས་མི་སྒེར་ལ་ཡང་སྐྱོན་འདོན་གང་ཐུབ་བྱེད་པ་ལས་ཡོན་ཏན་རྒྱ་ཆེར་སྒྲོག་མཁན་སྲིད་མཐའ་ཙམ་རེད། དགོས་པ་རྒྱུ་མཚན་ནི་སྤྱི་ཚོགས་དང་མི་སྒེར་སུ་ཞིག་ཡིན་ཀྱང་སྐྱོན་འདོན་རོགས་བྱས་ན་ཡར་རྒྱས་འགྲོ་སྲིད་པ་རེད། ཐབས་སྡུག་པ་ཞིག་ལ་བོད་མི་མང་པོ་ཞིག་གི་ཀླད་པའི་ནང་དུ་སྒེར་གཅོད་སྲིད་གཞུང་གི་འདུ་ཤེས་འཛིན་སྟངས་ཆགས་པར་བརྟེན། བསྟོད་ར་འཁྱོག་པ་ལས་སྨད་ར་མི་འཁྱོག་པ་དང་། རང་གི་ལྟ་བ་ཁས་མི་ལེན་ན་དགྲ་བོར་བརྩི་བ་དང་། རང་ལ་མི་སྙན་པ་བརྗོད་ན་དཔུང་པ་འཕུར་བ་འདི་གཅིག་ནས་ཡ་རབས་སྲོལ་བཟང་དམངས་གཙོའི་སྤྱི་ཚོགས་ཀྱི་ངོ་བོ་དང་ཁྱད་ཆོས་ལ་རྒྱུས་ལོན་མ་ཐུབ་པ་དང་། གཉིས་ནས་བོད་རང་ལ་ཡོད་པའི་ཆོས་ཀྱིས་རང་སེམས་ལ་ཕན་ཐོགས་རྒྱུ་ལྟ་ཅི་ད་དུང་སེམས་ངོ་རྭ་ཅོ་ལས་གྱོང་བར་ཆགས་ཡོད་པའི་རྟགས་ཕྱི་ལ་བསྟན་པ་རེད། གསང་མིང་བཀོལ་ནས་ལྟ་བ་སྤེལ་བ་འདིའི་དགེ་མཚན་བཤད་ན་མི་རྣམས་ཀྱི་སྐྱོན་ལ་མཛུབ་མོ་ཐད་འཛུགས་བྱེད་ཐུབ་པ་དང་། སྐྱོན་འདོན་ཐུབ་པ་དེ་དག་གིས་མི་རིགས་ཀྱི་འཕེལ་རྒྱས་ལ་ནུས་པ་འདོན་ཐུབ་པ་རེད། བོད་པ་མང་པོ་བསྟོད་ར་ལས་སྨད་ར་མི་འཁྱོག་པའི་སྐབས་འདིར། བོད་པ་རྣམས་ཀྱི་ལྟ་བ་ལ་དགག་སྒྲུབ་བྱེད་དགོས་སམ་མི་དགོས། སྐྱོན་འདོན་དགོས་སམ་མི་དགོས། དགག་སྒྲུབ་མེད། སྐྱོན་ཡང་མ་བཏོན་ན་མི་རིགས་ལ་འཕེལ་རྒྱས་གང་ཞིག་ཡོང་། སྐྱོན་ཆེན་པོ་ཞིག་མཐོང་ནས་མིང་ངོ་མས་མདུན་དུ་ཐོན་དེ་ཐད་འཛུགས་བྱ་དགོས་ན། གོང་དུ་སྒོམ་སྡེ་དང་ལྷ་ཆབ་སྦྱིན་པ་རྣམས་ཀྱི་བྱེད་སྟངས་ལ་ལྟོས་དང་། མི་བསད་རྟ་འགྱེལ་དང་ཚེ་གང་གཏིང་ནད་འཛིན་པ་ཞིག་མ་གཏོགས་གང་ཡོང་བ་འདུག དེ་ད་ལྟ་ང་ཚོ་བོད་པའི་ཡོན་ཏན་ཅན་ཡིན་ཟེར་མཁན་མང་པོ་ཞིག་གི་ཚུགས་ཀ་རེད། དེའི་རྐྱེན་གྱིས་ཡི་གེ་དར་བ་ནས་ད་ལྟ་བར་དུ་འགྲོ་བ་མིའི་ལོ་རྒྱུས་ནང་དུ་གསང་མིང་གི་ཐོག་ནས་སྐྱོན་འདོན་མཁན་ཡོད་ལ། དེ་དག་གིས་སྤྱི་ཚོགས་འཕེལ་རྒྱས་ལ་ནུས་པ་ཐོན་ཡོད་པ་དེ་ཁས་མ་ལེན་རང་ལེན་རེད། དེ་མིན་ང་ཚོའི་ཤེས་ཡོན་པ་ཚོས་རྩོམ་བྲིས་ནས་སྤྱི་ཚོགས་ནང་གི་ནག་སྙིགས་ཐེར་འདོན་དང་མི་དམངས་ལ་དྲིལ་བརྡ་གཏོང་བ་སོགས་བྱས་པ་ནི་ཤེས་ཡོན་པས་རང་གི་ཚོར་བ་སྐྱེན་པོ་དེ་སྤྱད་ནས་མི་རིགས་ལ་ཁུར་ཞིག་བཞེས་ཏེ་ལས་དེ་རྩོམ་པ་ཨ་ཅང་ཅང་མོད། གཞན་གྱིས་མཆན་འདེབས་ནས་དག་སེལ་དང་འགྲེལ་བརྗོད་བྱས་པ་དག་ལ་དགོངས་པ་ལེགས་བཞེས་བྱེད་དགོས་པ་ཡིན། གལ་ཏེ་མི་གཞིར་དམའ་འབེབས་དང་ཁུངས་མེད་སྐྱོན་བརྗོད་བྱས་ན། ཁྱེད་རང་གིས་ཧ་ཧ་ཞེས་རྣ་རྒྱབ་ལ་གཡུགས་ན་འགྲིག་པ་ཡིན་ཏེ། གཞི་མེད་ཁུངས་མེད་ཀྱི་སྐད་ཆ་རྣོན་པོ་བཤད་ཀྱང་ནུས་པ་གང་ཡང་མེད་པ་གསལ་པོ་རེད། ཡིན་ཀྱང་ཞུ་དགོས་པ་ཞིག་ལ། ང་ཚོའི་ཤེས་ཡོན་ཅན་རྣམས་ཀྱང་ཐམས་ཅད་མཁྱེན་པ་དང་རྣམ་དཔྱོད་ལ་ལྷད་སྤུ་ཙམ་མེད་པ་ཞིག་མིན་སྟབས། རང་གིས་བྲིས་པའི་རྩོམ་ལ་སྐྱོན་དང་ལྷད། ཐ་ན་ཐལ་ཆ་དང་ལོག་སྒྲུབ་སོགས་པའི་ཆ་ཡོང་སྲིད་པ་ཡིན་པས། དེ་དག་ལ་དམིགས་ནས་དགག་སྒྲུབ་དང་སྐྱོན་བརྗོད་བྱས་པ་དེ་དག་ཁུར་དུ་བཟོད་དགོས་པ་བརྗོད་མེད་རེད། དེ་ཡང་བཟོད་མ་ཐུབ་ན། རང་གི་རྩོམ་ལ་དགོས་པའི་ལུང་དང་རིག་པ་བཙན་པོ་མེད་པ་དང་རང་གི་རྩོམ་ལ་གཞན་གྱིས་མདུང་འཛུགས་སའི་ཨི་ཁུང་མང་པོ་ཡོད་པའི་གནོང་ཆེན་པོ་ཡོད་པ་ལས་མ་འདས། དེས་ན་སྐྱོན་བརྗོད་བྱས་པ་དག་ལ་སྙིང་མ་ན། སེམས་མ་འཚབ། དེ་དག་ལས་བློ་བསྐྱེད་ལོངས། རིག་པ་རྡོར། ཉམས་མྱོང་གསོག་རྒྱུ་ནི་དོན་གྱི་ཨ་མ་ཡིན་པ་དང་། སོ་སོ་དང་། སོ་སོའི་མི་རིགས་གཉིས་ཀ་འཕེལ་རྒྱས་ཡོང་བའི་གཞི་མ་ཡིན་པ་ཧ་གོ་བ་གྱིས་ཤིག ཤེས་ཡོན་ཅན་པ་ཚོ། ལེགས་པར་སོམས།

ཨ་རིག་འགྱུར་མེད་ལགས། ཉིད་ནས་དུས་བབ་ཟིན་བྲིས་པ་དང་། མཆན་འདེབས་མཁན་ཚོའི་སྐོར་ལ་བསམ་ཚུལ་གསར་འགྱུར་གལ་ཆེན་འདི་སྤེལ་བར་སླར་ཡང་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན།

རྣམ་པ་གཉིས་སྐུ་ཚེ་བརྟན་པས་སྨོན་ལམ་ཡོད། ང་ཡང་རྒུན་ཆང་ཞིག་འཐུང་མཁན་འགྲོ་གི་ཡིན།

ཞྭ་ནག་བློ་གྲོས་ལགས། ཕྲན་ནས་ཡུན་རིང་བསམ་པའི་སྐད་ཆ་མང་པོ་ཞིག་ཁྱོད་རང་བརྒྱུད་ནས་བཤད་ཐུབ་སོང་བས་དགའ་ཡོད།
རྗེས་ཕྱོགས་གནད་དོན་ཆེ་སྐབས་འབོད་ཀྱི་ཡིན། ཕེབས་པ་གནང་རོགས་ཞུ་གི་ཡོད།

དུས་བབ་རྩོམ་སྒྲིག་པ་ཟུར་པ་དགེ་འདུན་རབ་གསལ་གྱིས། དུས་བབ་ལྟ་བུ་ཚགས་པར་གྱི་རིགས་ཀྱིས་ཁུངས་མེད་པ་དང་བཏང་སྙོམས་མ་ཡིན་པ། བདེན་པ་མིན་པ་བཅས་ཀྱི་སྐད་ཆ་གང་ནས་སུ་ཞིག་གིས་བཤད་ཀྱང་ཧ་ཅང་མ་འོས་པ་རེད་དྲན། དེ་བས་སྟངས་འཛིན་ཡིན་གཅིག་བྱེད་དགོས་པ་རེད་དྲན། གསར་འགོད་པ་རྒན་པ་དང་། རྩོམ་སྒྲིག་པ་ལས་ཟུར་ཞིག་གི་ངོས་ནས་གསར་ཁང་གི་རླབས་ཆེ་བའི་རིན་ཐང་མཐོང་བའི་བསམ་ཚུལ་འདི་ཡང་བདག་མེད་དུ་འཇོག་རུང་བ་ཞིག་མ་རེད་འདོད།

འཇིགས་བྲལ་ལགས།

ལགས་སོ།། འཇིགས་བྲལ་ལགས། ད་ནི་ངས་ཁྱེད་རང་དང་ལྷན་གླེང་སློང་བྱེད་བསམ་པ་དེ་ཚོ་བྱས་ཟིན་པ་ཡིན། གླེང་མཚམས་འདི་གར་འཇོག་པ་གནང་ན་གང་འདྲ་འདུག ཁྱེད་རང་དང་ལྷན་དུ་གླེང་མོལ་འདིར་དགའ་པོ་བྱུང་།

ཞར་ལ་ཅོ་རི་ལགས་ལ་ཞུ་རྒྱུར།

ཁྱེད་རང་གིས་དེ་འདྲ་བྱས་པ་རྣམས་བོད་མི་རིགས་ཀྱི་ཆེད་དུ་ཡིན་པ་མ་ཟད་བཙན་བྱོལ་བོད་མི་འཚོ་བ་སྐྱོ་པོ་ཡིན་པ་རྣམས་ཀྱི་ཆེད་དུ་ཡིན་པ་དང་། གཞན་ཁྱེད་རང་བཀའ་ཁྲི་ལ་སྡང་དགོས་པའི་རྒྱུ་མཚན་སྤུ་ཙམ་མེད་ལུགས་མེད་སྟངས་དེ་ཀློག་མཁན་ཚོར་གཅིག་གཅིག་བྱས་ནས་གླེང་དགོས་རེད། བཤད་དགོས་རེད། དེ་ནས་ཁྱེད་རང་གི་གཏམ་ལ་བདག་པོ་ཐོན་གི་རེད། དེ་གཅིག་ཡིན།
ཁ་ཐུག་གིས་བཤད་ན། དྲ་ངོས་ཀྱི་མཆན་བུ་བ་དང་ཟིན་བྲིས་པ་ཚང་མས་གནས་ལུགས་ཟེར་བ་དེར་མིག་གིས་བལྟ་ཙམ་དང་རྣ་བས་ཉན་ཙམ་ནི་བྱེད་ཀྱི་ཡོད་པ་རེད།

ཞྭ་ནག་བློ་གྲོས་ལགས། ཁྱོད་རང་གིས་གསུངས་པར་གནད་འགག་འདུག མཆན་འདེབས་མཁན་སུ་ཡིན་པ་དུས་བབ་ནས་ཤེས་པར་བྱས་རྗེས་ཟིན་བྲིས་སྐར་ཁུང་དུ་ཅི་ཡང་སྤེལ། ཅི་ཡང་ཤོད། ཡིན་ནའང་གསར་འགྱུར་དྲ་ངོས་སུ་གསར་འགྱུར་དང་འབྲེལ་བའི་རིགས་ཁོ་ན་ཤོད་ཡུལ་ཡིན་པའི་ལམ་ལུགས་བཟོས་ན་གང་འདྲ་འདུག ས་མཚམས་མེད་ན་རྩ་བ་ནས་འགྲིག་གི་མི་འདུག

རྩ་བ་ཤོད་མཁན་སུ་ཡིན་དུས་བབ་ནས་ཤེས་ཀྱི་ཡོད་པས་དགོས་གལ་བྱུང་ན་བདའ་འདེད་བྱེད་ཆོག་གི་རེད། དེས་ན་ལམ་ལུགས་དེ་གང་འདྲ་འདུག

ང་དྲ་རྒྱའི་གཙོ་བདག་ཡིན་པའི་དབང་དུ་བཏང་ན། སྒྲུང་རྩོམ་དང་། སྙན་རྩོམ་ཁོ་ན་སྤེལ་སྡོད་མཁན་དེ་ཚོར་སྙན་ཚིག་དང་། སྒྲུང་རྩོམ་སྤེལ་སའི་དྲ་རྒྱའི་ཁ་བྱང་མཁོ་སྤྲོད་བྱས་ཏེ་ཕྱིར་འབུད་གཏོང་ས་རེད།
དེ་བཞིན་དྲ་འབུ་དེ་སུ་ཡིན་ཤེས་པ་བྱས་ཏེ་སྐབས་དོན་གསར་འགྱུར་དང་འབྲེལ་བའི་རིགས་ལ་བསམ་ཚུལ་གང་ཡོད་སྤེལ་འཇུག་ས་རེད།

གསར་འགྱུར་དྲ་རྒྱ་ཟེར་བའི་ཚིག་གཅིག་བྲིས་ཡོད་པ་འདི་གནད་འགག་ཡིན། དུས་བབ་དྲ་རྒྱ་སྙན་རྩོམ་དྲ་རྒྱ་མ་རེད། སྒྲུང་རྩོམ་དྲ་རྒྱ་མ་རེད།
གསར་འགྱུར་དྲ་རྒྱ་ཟེར་བའི་དོན་དེ་བསམ་བློ་གཏོང་དགོས་པ་ཞིག་ཡིན།

ཚིག་བཟང་ངན་འདྲ་མིན་ཡོང་གི་རེད། ངན་པ་ལབ་དགོས་སར་ལབ་དགོས་རེད། ཡིན་ནའང་ཤོད་རེས་གཏོང་མཁན་དེ་གཉིས་ཀ་དུས་བབ་ནས་ཤེས་ྡགོས་རེད། དེ་མིན་ཏག་ཏག་བསྡད་ཀྱི་མ་རེད།

བསམ་ཚུལ་འདི་དག་གི་གཞི་རྩ་འགན་ཁུར་དང་། ཁྲིམས་ལུགས་ཡིན། འགན་ཁུར་མེད་པའི་སྐད་ཆ་བཤད་ན་ཁྲིམས་ལུགས་ཡོད་དགོས་པ་དེ་ཡིན།

དེ་ནས་ངས་བཤད་པའི་བསམ་ཚུལ་ཡོངས་ལ་བལྟས་ནས་བགྲོ་གླེང་བྱེད་རོགས་ཞུ།

ཞྭ་ནག་བློ་གྲོས་ལགས། གཞི་མེད་སྐྱོན་འཛུགས་ཡིན་ན་མཐའ་གཅིག་ཏུ་འགོག་དགོས་རེད། དེ་ལ་སྐྱོན་རྗོད་བྱེད་མཁན་དེས་དངོས་མིང་བཀོད་མ་བཀོད་ལ་འབྲེལ་བ་མེད། འོན་ཀྱང་དཀའ་ངལ་ངོ་མ་དེ་སྐྱོན་འཛུགས་དེ་གཞི་མེད་ཡིན་དང་མིན་ང་ཚོས་མི་ཤེས་པ་དེ་རེད། གཞི་མེད་ཡིན་པ་ཤེས་ན་བཀག་ན་འགྲིག་གི་རེད། དེ་གཅིག་ཡིན། ཅེས་ཟེར་བ་འདི་བདེན་པ་རེད། ཐམས་ཅད་རྩོམ་སྒྲིག་པས་བདེན་མིན་ཤེས་ཐབས་གར་ཡོད། དེ་བས་མཆན་འདེབས་པ་པོ་དེ་སུ་ཡིན་ཤེས་ན་ཁྲིམས་གཏུགས་བྱེད་ཆོག་གི་རེད། དྲ་རྒྱའི་ནང་ག་རེ་བཤད་ན་ཆོག་གི་རེད། དེ་འགོག་དགོས་ཟེར་ན་དུས་བབ་དྲ་ཚིགས་སྒོ་རྒྱག་དགོས་ཟེར་བ་དང་གཅིག་འདྲ་རེད། འདྲ་མིན་ཤོད་མཁན་དེ་སུ་ཡིན་དུས་བབ་ནས་ཤེས་པ་བྱས་ཏེ་འགན་ཁུར་དགོས་རེད། དེ་ནི་རྩ་དོན་ཡིན།
དེ་ནས་སྐྱོན་འཛུགས་ལ་གཞི་རྩ་ཡོད་རུང་སྐབས་དོན་དང་འབྲེལ་བ་ཡོད་མེད་ལའང་བལྟ་དགོས་འདུག ཅེས་པ་དེ་བདེན་པ་རེད། དེ་བས་འདིའི་ཐད་རྩོམ་སྒྲིག་པས་ཕྱོགས་སུ་མ་ལྷུང་པའི་སྟངས་འཛིན་བྱེད་དགོས།

ཟུར་ལྔའི་དམར་ཤོག་ཟེར་བའི་གསར་འགྱུར་ནང་བཤད་པ་བཞིན་གསར་འགྱུར་གྱི་བརྗོད་དོན་ལ་བགྲོ་གླེང་མི་འགྲོ་ཆེད་སྐད་ཆ་འདྲ་མིན་བཤད་ནས་བརྗོད་གཞི་བརླག་བཅུག་གི་འདུག
འདི་ཡང་ཧ་ཅང་སེམས་པ་སྐྱོ་བའི་སྐད་ཆ་ཞིག་ཡིན།
ཟུར་ལྡའི་དམར་ཤོག་ཟེར་བའི་གསར་འགྱུར་དེ་ཕྲན་གྱིས་འདྲེན་བཀོད་ཞུས་ཡོད། དེ་རིང་ཉིན་གུང་འདྲེན་བཀོད་བྱས་ཡོད། མཆན་བུར་གཟིགས་རོགས།

༼མི་ཁག་ཅིག་གིས་རང་ཉིད་མི་དགའ་སའི་མི་དེ་གཅིག་པུ་མ་གཏོགས་བདའ་འདེད་གཏོང་གི་མི་འདུག་མོད། དེ་ཡང་སྤྱི་ཚོགས་གཏོར་བཤིག་གི་ཁོངས་སུ་འདུ་བར་སེམས། དེ་འདྲའི་རིགས་ཅན་ཞིག་གིས་ང་ཚོའི་དྲ་བའི་ངོས་ཡོངས་སུ་བཟུང་ཟིན་པས། ངས་གསང་མིང་ངམ་གབ་མིང་བ་འདི་དག་རྩ་བ་ནས་ཡག་པོར་མཐོང་གི་མེད།༽འདི་ནི་ལྷ་ཆབ་སྦྱིན་པས་བཤད་པའི་སྐད་ཆ་རེད། མི་གཅིག་གིས་དུས་རྒྱུན་དུ་ནས་ནོར་འཁྲུལ་ཤོར་ཡོང་གི་འདུག་ན། ཡང་ན། མི་གཅིག་གིས་དུས་རྒྱུན་དུ་ནས་འབྲེལ་མེད་དོན་གཞན་གྱི་ཚིག་དོན་བཤད་གླེང་བྱེད་ཀྱི་ཡོད་པ་ཡིན་ན། དེ་ལ་བདའ་འདེད་བཏང་ན་འགྲིག་པ་ཞིག་རེད་མ་གཏོགས། མ་འགྲིག་པ་གང་ཡང་ཡོད་པ་མ་རེད་འདོད།

མི་ཁག་ཅིག་གིས་རང་ཉིད་མི་དགའ་སའི་མི་དེ་གཅིག་པུ་མ་གཏོགས་བདའ་འདེད་གཏོང་གི་མི་འདུག་མོད། དེ་ཡང་སྤྱི་ཚོགས་གཏོར་བཤིག་གི་ཁོངས་སུ་འདུ་བར་སེམས། དེ་འདྲའི་རིགས་ཅན་ཞིག་གིས་ང་ཚོའི་དྲ་བའི་ངོས་ཡོངས་སུ་བཟུང་ཟིན་པས། ངས་གསང་མིང་ངམ་གབ་མིང་བ་འདི་དག་རྩ་བ་ནས་ཡག་པོར་མཐོང་གི་མེད། ཟེར་བ་འདི་ཡང་ཧ་ཅང་གནད་འགག་ཆེན་པོ་རེད། ཟིན་བྲིས་པ་ཚོ་གཅིག་བྱས་ན་དུས་བབ་ནས་རེ་རེ་བཞིན་ངོ་ཤེས་ཀྱི་ཡོད་པའི་རེ་བ་བྱེད་ཀྱི་ཡོད། ཡིན་ནའང་། མཆན་བུ་ཁོ་ན་འདེབས་མཁན་དེ་ཚོ་ཤེས་ཀྱི་མེད་པ་ང་ལ་ཆ་རྒྱུས་ཡོད་ཅེས་ཞུས་ན་འགྲིགས་པ་འདུག

གཞི་མེད་སྐྱོན་འཛུགས་ཀྱི་ལས་ཀ་དེ་ཕྱོགས་གཉིས་ཀ་ནས་ཡོང་གི་ཡོད་པར་ངོས་འཛིན་བྱེད་ཀྱི་ཡོད། ཅེས་པ་དེ་བདེན་པ་རེད། དེ་ཚོ་ཁྲིམས་ཁང་སོགས་ལ་གཏུགས་དགོས་པའི་དགོས་གལ་ལ་ཐུག་ན་འདེད་ས་ཡོད་པ་རེད། ཡིན་ནའང་མིང་མེད་མང་པོ་ཞིག་དུས་བབ་ནས་སུ་ཡིན་ཤེས་ཀྱི་མེད་པར་ཡིད་ཆེས་ཡོད། སྐབས་དེར་དྲ་ངོས་སུ་བཏོན་པའི་བསམ་ཚུལ་ནས་གནས་ཚུལ་ཆེན་པོ་ལྷག་ན་སུ་འདེད་དགོས་རེད། སུས་འགན་ཁུར་གྱི་རེད། མུ་མཐུད་ནས་ཡོད།

རེད་ལགས། ངས་ཀྱང་དེ་ག་རང་དུ་འདོད་ཀྱི་ཡོད། གང་ལ་ཟེར་ན། དུས་བབ་ཀྱི་དྲ་ངོས་འདི་ནས་མི་སུས་སུ་ལ་གླེང་འགེལ་སྒྲོ་འདོགས་སོགས་གང་བྱས་བརྩད་གཅོད་མ་བྱས་པར་ཉི་མ་ལོ་ལ་མཐུད་ནས་སྡོད་རྒྱུ་ཡོང་མི་སྲིད་པ་ཞིག་མ་རེད་དེ། གལ་སྲིད་ཅིག་གིས་འདི་འདྲ་ཞིག་ང་ལ་འདི་བྲིས་འདུག དེའི་ཁུངས་དུས་བབ་ཀྱིས་ཡིན་གཅིག་བསྐྱལ་རོགས་ལབ་ན།་དུས་བབ་རང་གིས་བསྐྱལ་དགོས་པ་དེ་དུས་བབ་ཀྱིས་དྲ་ཚིགས་འདི་སྒོ་འབྱེད་ཀྱི་ཉིན་དང་པོ་མས་སེམས་ན་ཁྲིག་སེ་ཡོད་རྒྱུ་རེད་ལ། དེ་དུས་མེད་ནའང་། ད་ལྟ་ངེས་པར་ཡོད་དགོས་པ་ཞིག་རེད། དེ་ནི་ངེད་གཉིས་ཀྱི་འདོད་བབ་གཅིག་རེད།

ཅི་རི་བ་ཡང་ཕེབས་པར་དགའ་ནས་ཡོད།

ཞྭ་ནག་བློ་གྲོས་ལགས། ང་མཆན་འདེབས་པ་མིང་ཡོད་མཁན་དང་། མེད་མཁན་གཉིས་ལས་ཡོད་མཁན་འདེམས་ཀྱི་ཡོད། ཡིན་ནའང་མིང་མེད་མཁན་ཚོ་དུས་བབ་དྲ་ཚིགས་ནས་སུ་ཡིན་ངེས་པར་ངོ་ཤེས་དགོས་ཀྱི་འདུག་ཟེར་གྱི་ཡོད། དེ་མིན་གནད་ལ་ཐུག་ན་ཁྲིམས་ཁང་ཚུན་ཆད་ལ་འགྲོ་དགོས་ཐུག་སྲིད་པ་རེད། དེ་དུས་དུས་བབ་ལ་སྟོན་རྒྱུ་མེད་ན་ཁྲིམས་ཐོག་གི་འགན་དུས་བབ་ནས་ཁུར་དགོས་པ་རེད་ཟེར་གྱི་ཡོད།

འཇིགས་བྲལ་ལགས།

ངས་དེ་རིང་ཤུགས་ཆེན་པོས་གླེང་མོལ་བྱེད་འདོད་པ་ནི། གཤམ་གྱི་མི་འདི་དག་གིས་གླེང་བའི་གནད་འགག་འདི་ཚོ་ཡིན།

རྡོ་རྗེ་དབང་ཕྱུག་གིས།
༼གཞི་མེད་སྐྱོན་འཛུགས་ཀྱི་ལས་ཀ་དེ་ཕྱོགས་གཉིས་ཀ་ནས་ཡོང་གི་ཡོད་པར་ངོས་འཛིན་བྱེད་ཀྱི་ཡོད།༽ཅེས་དང་། ༼དངོས་མིང་ཅན་དང་སྨྱུག་མིང་ཅན་ཕྱོགས་གཉིས་ཀའི་ནང་ན་ཚད་ཐུབ་ཀྱི་རྩོམ་ཡིག་སྤེལ་མཁན་དང་མཆན་བུ་འདེབས་མཁན་ཡོད་སྟབས། དངོས་མིང་དང་སྨྱུག་མིང་གི་ཁྱད་མེད་པར་ཁོང་ཚོའི་ཤེས་ཡོན་དང་རྩོམ་རྩལ་ལ་ང་ཚོས་བརྩི་མཐོང་ངེས་པར་བྱེད་དགོས་པ་རེད་དྲན་གྱི་ཡོད།༽

ལྷ་ཆབ་ཀྱིས།
༼སྨྱུག་མིང་འབྲི་མཁན་ཁ་ཤས་ཀྱིས་དགོས་དབང་གིས་རྩོམ་ཡིག་འབྲི་བ་དང་བསམ་ཚུལ་འདོན་གྱི་ཡོད། དེའི་བསམ་ཚུལ་དེ་སྤྱི་ཚོགས་ལ་ཕན་གནོད་གཉིས་ལས་ཕན་པའི་རིགས་ཡོད་པའང་ཡོད།༽ཅེས་དང་༼མི་ཁག་ཅིག་གིས་རང་ཉིད་མི་དགའ་སའི་མི་དེ་གཅིག་པུ་མ་གཏོགས་བདའ་འདེད་གཏོང་གི་མི་འདུག་མོད། དེ་ཡང་སྤྱི་ཚོགས་གཏོར་བཤིག་གི་ཁོངས་སུ་འདུ་བར་སེམས། དེ་འདྲའི་རིགས་ཅན་ཞིག་གིས་ང་ཚོའི་དྲ་བའི་ངོས་ཡོངས་སུ་བཟུང་ཟིན་པས། ངས་གསང་མིང་ངམ་གབ་མིང་བ་འདི་དག་རྩ་བ་ནས་ཡག་པོར་མཐོང་གི་མེད། ༽

སྒོམ་སྡེས།
༼དྲ་འབུ་འདི་རིགས་ནི་གྲི་དང་མེ་མདའ་མེད་ཙམ་མ་གཏོགས་འཇིགས་སྐུལ་རིང་ལུགས་པ་རང་རེད། འདིའི་རིགས་ལ་ཨའུ་ཙི་མི་ཡོང་ངམ། ཨའུ་ཙི་མི་ཡོང་ངམ་སྙམ་དུ་བསམས་ན་གུ་ཡངས་བློ་དཀྱེལ་དང་། ལེགས་སུ་འགྲོ་རྒྱུ། རྙོག་ཁྲ་རང་ཞིར་འགྲོ་རྒྱུའི་རེ་བ་བྱས་ན་ནི་དངོས་ཡོད་གནས་ཚུལ་དང་མི་མཐུན་པའི་བྱ་སྤྱོད་ཅིག་རེད། འདི་དག་ལ་བསྟུན་མཁས་དང་བསམ་ཤེས་ compromise ནམ་ཡང་བྱེད་མི་རུང་།༽ཞེས་དང་། ༼ཟིན་བྲིས་པ་སོ་སོར་མཆན་ཧྲུལ་དེ་དག་བསུབ་ཐུབ་པའི་ཆ་རྐྱེན་ཡོད་པ་ཙམ་མ་ཟད། གཏན་འགོག་བྱེད་རྒྱུའི་ནུས་པའམ་ཆ་རྐྱེན་ཞིག་དགོས་ཀྱི་འདུག དེ་འདྲ་བྱུང་ཚེ་ཁྱེད་རྣམས་ལ་དེའི་ཐོག་རྒྱུན་དུ་ཐུགས་བསམ་བཞེས་མི་དགོས་པར་ལས་སླ་པོ་ཡོང་བ་འདུག༽

ཁང་རྡོར་གྱིས།
༼གཞི་མེད་སྐྱོན་འཛུགས་ཡིན་ན་མཐའ་གཅིག་ཏུ་འགོག་དགོས་རེད། དེ་ལ་སྐྱོན་རྗོད་བྱེད་མཁན་དེས་དངོས་མིང་བཀོད་མ་བཀོད་ལ་འབྲེལ་བ་མེད། འོན་ཀྱང་དཀའ་ངལ་ངོ་མ་དེ་སྐྱོན་འཛུགས་དེ་གཞི་མེད་ཡིན་དང་མིན་ང་ཚོས་མི་ཤེས་པ་དེ་རེད། གཞི་མེད་ཡིན་པ་ཤེས་ན་བཀག་ན་འགྲིག་གི་རེད། དེ་གཅིག་ཡིན། དེ་ནས་སྐྱོན་འཛུགས་ལ་གཞི་རྩ་ཡོད་རུང་སྐབས་དོན་དང་འབྲེལ་བ་ཡོད་མེད་ལའང་བལྟ་དགོས་འདུག༽ཅེས་དང་། ༼གཞི་མེད་སྐྱོན་འཛུགས་ཡིན་པ་དང་སྐབས་དོན་དང་འབྲེལ་བ་རྩ་བ་ནས་མེད་པའི་གནད་དོན། སྤྱི་ཚོགས་ཁྱོན་ཡོངས་དང་སྤྱི་ཚོགས་ཀྱི་སྡེ་ཚན་བྱེ་བྲག་པར་ཕོག་ཐུག་ཆེན་པོ་འགྲོ་བའི་སྐད་ཆ།༼དཔེར་ན། ཆོས་ལུགས་བྱེ་བྲག་པར་དམའ་འབེབས་ལྟ་བུ་༽ དེ་བཞིན་ཚོགས་ཀྱི་དབུས་སུ་དབྱུང་དུ་མི་རུང་བའི་ཚིག་ངན་དང་ཚིག་རྩུབ། སྤྱི་པའི་མཐུན་སྒྲིལ་ལ་གནོད་པའི་བསམ་ཚུལ། གང་ཟག་སྒེར་གྱི་འབྲེལ་ལམ་དང་གནས་ཚུལ་ལྟ་བུ་རྣམས་དྲ་ལམ་དུ་གླེང་སློང་བྱུང་སྐབས། འབྲེལ་ཡོད་དྲ་ཚིགས་བདག་པོས་སྟངས་འཛིན་ནན་པོ་གནང་གི་འདུག་པས། ང་ཚོས་ཀྱང་དེ་ལྟར་བྱེད་དགོས་པ་ཞིག་རེད༽

དགེ་རབ་ཀྱིས།
༼དུས་བབ་ལྟ་བུ་ཚགས་པར་གྱི་རིགས་ཀྱིས་ཁུངས་མེད་པ་དང་བཏང་སྙོམས་མ་ཡིན་པ། བདེན་པ་མིན་པ་བཅས་ཀྱི་སྐད་ཆ་གང་ནས་སུ་ཞིག་གིས་བཤད་ཀྱང་ཧ་ཅང་མ་འོས་པ་རེད་དྲན། དེ་བས་སྟངས་འཛིན་ཡིན་གཅིག་བྱེད་དགོས་པ་རེད་དྲན།༽