མཐོ་རིམ་སློབ་མའི་མཚན་གཞི།

དགེ་རྒན་ནི་མི་རིགས་ཤིག་གི་ལམ་སྟོན་པ་རེད།དགེ་རྒན་ནི་བྱིས་པ་མང་པོ་ཞིག་ལ་མིག་གནང་བའི་སྦྱིན་པ་ཆེན་པོ་རེད།ནམ་ཡང་ཁྱེད་ཅག་བོད་ཡིག་དགེ་རྒན་རྣམ་རྒྱལ་གྱུར་ཅིག བོད་ལ་ཐེའུ་རངས་ལྟ་བའི་མི་བུ་་མང་པོ་ཞིག་ཡོང་བའི་རེ་བ་ཞུ་བཞིན།ཁྱེད་ཀྱི་བསམ་བློ་དེས་བཙན་བྱོལ་ན་ཐེའུ་རངས་ལྟ་བུའི་གངས་ཕྲུག་མང་པོ་ཞིག་བསྐྱེད་ཐུབ་པའི་རེ་བ་ཡོད།

སློབ་ཆེན་པའི་འགན་འཁྲི་ལས་བྱུང་བའི་ན་ཟུག
བྲོས།

སློབ་ཆེན་པའི་འགན་འཁྲི་ལས་བྱུང་བའི་ན་ཟུག
སྤྱིར་སློབ་ཆེན་པ་ཞིག་གི་འགན་འཁྲི་ཞེས་པ་ནི། སྨྲ་བརྗོད་སྟོང་གིས་ཐེག་པར་དཀའ་བའི་ན་ཟུག་ཅིག་ཡིན་པར་འདོད་ལ། དེ་བས། ད་ལྟའི་བོད་ཀྱི་སློབ་ཆེན་པའི་འགན་འཁྲི་ནི་དེ་ལས་ཀྱང་ཁ་ཚ་དགོས་གཏུགས་ཀྱི་ གནད་དོན་ཞིག་རེད་འདོད་ཀྱིན་ཡོད། ད་ལྟའི་བོད་ཀྱི་སྤྱི་ཚོགས་དང་བོད་ཀྱི་གནས་བབ། བོད་ཀྱི་རང་སྐྱོང་ཁེ་དབང་བཅས་ལ་ཁ་ཕྱིར་འཁོར་ཏེ་བསམ་བློ་ཞིག་བཏང་ན། དེ་ནི་ནམ་ཡང་ང་ཚོའི་ཕྲག་ན་རྗི་ཏིག་ཏིག་གི་ན་ཟུག་ཅིག་ཡིན་པ་སྨོས་མེད་རེད། དེ་ན་ང་ཚོས་ཀྱང་འདི་ན་འཛམ་གླིང་ལོ་རྒྱུས་ཧྲིལ་བོར་འཁྱུག་ཙམ་བལྟས་ན། མིའི་རིགས་ཤིག་འཇིག་རྟེན་དུ་སླེབ་དུས་སློབ་ཆེན་པ་དག་གིས་མ་སྐུལ་དང་བླང་གི་ འགན་འཁྲིའི་འོག་ནས་མི་རིགས་ཀྱི་ཆེད་དུ་ཡོད་ཚད་བཏང་ཡོད་པ་འཛམ་གླིང་ལོ་རྒྱུས་ དེབ་ཐེར་དག་ལས་ཧ་ཅང་གསལ་ལ། དཔེར་ན། ནུབ་གླིང་གི་རིག་རྩལ་བསྐྱར་དར་དང་རྒྱ་ནག་གི་ལྔ་བཞིའི་ལས་འགུལ་སོགས་ནི་སློབ་ ཆེན་པ་ཚོས་མ་སྐུལ་དང་བླང་གི་འགན་འཁྲི་ལས་བྱུང་བ་ཤ་སྟག་རེད། དེ་ན་ང་ཚོས་སློབ་ཆེན་པའི་ཐེམ་སྐས་འགྲིམ་ཉིན་ནས་བཟུང་སྟེ། ང་ཚོས་ཀྱང་སུ་ཞིག་གི་ཆེད་དུ་ཅི་ཞིག་འཚོལ་གྱིན་ཡོད་དམ། ང་ཚོ་ནི་བསླབ་དེབ་དང་རྒྱུགས་འབྲས་ཁོ་ནས་ཆེད་དུ་འཚོ་དགོས་པ་མ་ཡིན་ལ། བརྩེ་དུང་དང་འཁྲིག་སྤྱོད་ཀྱི་ཆེད་དུ་འཚོ་དགོས་པ་དེ་བས་ཀྱང་མ་ཡིན་ཏེ། ང་ཚོས་ད་ལྟའི་འཇིག་ལ་ཉེ་བའི་མི་རིགས་ཤིག་གི་ལས་དབང་ལ་བསམ་གཞིག་བྱེད་བཞིན། ནང་བསམ་བློ་ལ་བློ་འབྱེད་ཐེངས་ཤིག་བྱེད་དགོས་པ་མ་ཡིན་ནམ། ངོ་མ་བཤད་ན། ཁ་ཁུ་སིམ་མེར་གནས་པའི་ང་ཚོའི་གཞི་རིམ་མང་ཚོགས་ཚོ་གཉིད་ལས་དཀྲོག་དགོས་ན། འདིའི་ཆེས་མཐོ་བའི་འགན་འཁྲི་ནི་སློབ་ཆེན་པ་ཚོ་ལ་རེག་ལས་པ་ནི་བཤད་མ་དགོས་པ་ ཞིག་རེད་འདོད་ཀི། ང་ཚོས་ད་ལྟའི་བར་དུ་སློབ་སྦྱོང་བྱེད་པ་ཡང་དམིགས་ཡུལ་འདིའི་ཆེད་དུ་ཡིན་པ་ང་ ལ་ཡིད་ཆེས་ཡོད། ང་ཚོ་ལ་ཡུལ་མི་སྤུན་གྲོགས་མང་བོས་མིག་ཟུང་སྟོང་གི་རེ་ལྟོས་ཡོད་ལ། ང་ཚོའི་ཕྲག་ན་འཇིག་ལ་ཉེ་བའི་མི་རིགས་ཤིག་གི་ལས་དབང་ཡོད། ང་ཚོ་ད་ལྟའི་བར་དུ་སློབ་སྦྱོང་བྱེད་པ་ཡོད་ཚད་རང་ཉིད་གཅིག་པོ་དང་ཁ་ཕོར་ཙམ་ བོའི་ཆེད་དུ་གཏོང་གཏན་ནས་མི་རུང་སྟེ། ང་ཚོའི་རུ་བ་སྲ་མོ་ཅན་གྱི་མེས་པོ་དག་གིས་རང་རིགས་ཀྱི་ཆེད་དུ་དཀའ་སྡུག་གི་ རྔུལ་ཆུ་ཅི་ཙམ་གཏོར་ཡོད་པ་ལ་བསམ་བློ་ཞིག་གཏོང་དགོས་པ་མ་ཡིན་ནམ། ང་ཚོས་སློབ་སྦྱོང་བྱེད་པ་ཡང་གཞན་གྱིས་དྲིལ་སྒྲོག་ཀྱི་ཡོ་བྱད་ལྟ་བུའི་ལག་ཆ་ རུ་འགྱུར་ག་ནས་རུང༌། ད་ལྟའི་ང་ཚོའི་ལས་དབང་ལ་རྒྱུ་འབྲས་ཀྱི་བློ་མིག་ཡངས་པོར་ཕྱེ་སྟེ་བསམ་ཞིང་ བསམ་ན། འཇིག་ལ་ཉེ་བའི་མི་རིགས་འདི་ལ་བསམ་བློ་རྟོག་སད་ཀྱི་མེ་སོན་སྒྲོན་མཁན་ནི་ སློབ་ཆེན་པའི་སྡེ་ལ་རག་ལས་པ་ནི་སྨོས་མེད་རེད། དེ་ན་ང་ཚོས་ཀྱང་དཔྱོད་ཤེས་ཀྱི་བློ་མིག་ཡངས་པོར་ཕྱེ་སྟེ། མིའི་རིགས་སྤྱི་ལ་དབང་བའི་ཁེ་དབང་དང་འདྲ་མཉམ་གྱི་ཕྱིར་དུ། རང་ཉིད་ཀྱི་ཕྲག་ལ་བབ་པའི་འགན་འཁྲི་ལ་བདག་པོ་བརྒྱག་དགོས་པ་མ་ཡིན་ནམ། ངས་ད་ལྟའི་སློབ་ཆེན་པའི་འགན་འཁྲི་ཞེས་པ་ནི་མ་སྐུལ་དང་བླང་གི་འགན་འཁྲི་ཞིག་ ལ་གོ་དགོས་པ་ལས། ཁྲིགས་ལུགས་དང་བཀོད་སྒྲིག་རང་བཞིན་ཅན་ཞིག་གཏན་ནས་མ་ཡིན། དེ་ནི་སློབ་ཆེན་པའི་འགན་འཁྲི་རེད་འདོད་གི། ཡིན་ཡང་ང་ཚོའི་ཁོར་ཡུག་ན་འགན་འཁྲིའི་འདུ་ཤེས་ཅན་གྱི་མི་བུ་ག་ཚོད་ཡོད། ང་ཚོའི་ཁོར་ཡུག་ན་རུས་པ་སྲ་མོ་ཅན་གྱི་མི་བུ་ག་ཚོད་ཡོད། འདི་ལྟར་བསམ་ན་ངའི་སེམས་བསམ་པའི་གཏིང་སར་འགན་འཁྲིས་བྱིན་པའི་ན་ཟུག་ཇེ་ཆེ་ ནས་ཇེ་ཆེ་རེད །

2010 -5 -19ཉིན་བྲོས་སུ་འབོད་པས་ནུབ་བྱང་ཚང་ནས་བྲིས།

ཁང་རྡོར་ཁྱོད་འདི་ཟོ།

གོང་གི་ཟླ་བ་གཞོན་ནུ་ཟེར་བ་འདི་ཡང་དྲ་འབུ་ཞིག་རེད་འདུག ངས་འདི་ལྟ་བུའི་མཆན་ཞིག་བརྒྱབ་མེད།
དེར་མ་ཟད་གོང་གི་ཁང་གསར་རྡོ་རྗེ་ཡིན་པར་སྐད་པ་འདི་ཡང་དྲ་འབུ་ཞིག་ཡིན་ས་རེད། ཁང་གསར་རྡོ་རྗེས་འདི་ལྟར་བྱུང་རྒྱལ་དུ་སྨྲ་སྲིད་ཀྱི་མ་རེད།
འདི་ལ་དྲ་དཔོན་མཆོག་ནས་བརྟག་དཔྱད་རེ་གཏང་རྒྱུ་གལ་ཆེ།

གོང་གི་ཟླ་བ་གཞོན་ནུ་ཟེར་བ་འདི་ཡང་དྲ་འབུ་ཞིག་རེད་འདུག ངས་འདི་ལྟ་བུའི་མཆན་ཞིག་བརྒྱབ་མེད།
དེར་མ་ཟད་གོང་གི་ཁང་གསར་རྡོ་རྗེ་ཡིན་པར་སྐད་པ་འདི་ཡང་དྲ་འབུ་ཞིག་ཡིན་ས་རེད། ཁང་གསར་རྡོ་རྗེས་འདི་ལྟར་བྱུང་རྒྱལ་དུ་སྨྲ་སྲིད་ཀྱི་མ་རེད།
འདི་ལ་དྲ་དཔོན་མཆོག་ནས་བརྟག་དཔྱད་རེ་གཏང་རྒྱུ་གལ་ཆེ།

འཛིན་གྲོགས་ལགས། ཁྱེད་ཀྱིས་མཐོ་རིམ་སློབ་མའི་གཞོན་སྐྱེས་ཁག་གཅིག་ལ་བོད་ཀྱི་སྐད་ཡིག་དང་འབྲེལ་བའི་གསུང་བཤད་གནང་སོང་ཞེས་གཞན་ཞིག་གི་སར་ནས་ཐོས་སོང་། དེ་གོ་མ་ཐག་ངོ་མ་དགའ་བོ་བྱུང། བཀྲ་ཤིས་བདེལེགས།།།།།

དགེ་རྒན་སྐལ་བཟང་ཉི་མས་ཐེའུ་རང་སློབ་ཆེན་སློབ་མའི་མཚན་ཉིད་ཚང་བ་ཞིག་ཏུ་བགྲངས་པ་དེ་ནི་དོན་ལ་གནས་པ་ཞིག་ཡིན་ལ། བགྲངས་སྟངས་དེ་ཡང་ཁོང་གིས“བོད་ཀྱི་མཐོ་རིམ་སློབ་མའི་མཚན་གཞི་འཇོག་དགོས་ན་བསམ་བློའི་ཆ་དང་ཤེས་ཡོན་གྱི་ཆ། སྙིང་སྟོབས་ཀྱི་ཆ་དང་སྤྱི་ཚོགས་ལ་འགན་འཁྱེར་སྟངས་ཀྱི་ཆ་སོགས་གང་ནས་བཤད་ཀྱང་” ཅེས་ཕྱོགས་མང་པོ་ཞིག་ནས་གཞི་འཛིན་ས་ཡོད་པ་བྱས་འདུག སྤྱིར་བོད་མི་གཞིས་བྱེས་གཉིས་ཀའི་ཁྲོད་དུ་བསྟོད་པ་བྱེད་འོས་པའི་སློབ་མ་མང་པོ་ཞིག་ཡོད་པ་ནི་གསལ་པོ་ཡིན་མོད། སྐལ་བཟང་ཉི་མས་ཐེའུ་རང་དམིགས་སུ་བཀར་ནས་བརྗོད་དོན་ནི་ཐེའུ་རང་ད་ལྟ་བཙོན་དུ་ཡོད་པ་དང་། བཙོན་དུ་ཚུད་དོན་ཡང་བོད་པའི་འཐབ་རྩོད་དོན་དུ་ཚུད་པ། རྒྱ་དམར་གྱིས་དྲག་གནོན་བྱེད་པའི་ཁ་དབུགས་བཙན་པོའི་ནང་དུ་རང་བློས་བཏང་གིས་མི་རིགས་ཀྱི་བདེན་དོན་རྩོད་ཕོད་པ་བཅས་ཐེའུ་རང་ནི་གཞིས་ལུས་རྒྱ་ཆེའི་མི་དམངས་ཀྱི་བདེ་སྡུག་གི་ཚབ་མཚོན་བྱེད་ཐུབ་པའི་མི་སྣ་ཞིག་ཡིན་པའི་རྒྱུ་མཚན་མང་པོ་ཞིག་ལ་བརྟེན་ནས་མཚན་བསྟོད་དེ་ཕུལ་བ་ཡིན་པ་ལས། “ཆུང་ཆུང་ཞིག་ཆེན་པོ་བཟོས། དེ་ལ་དཔེ་མང་པོ་བསྒྲགས་ནས་བཤད་པ་”ཞིག་མ་རེད་ལ། དེ་བཞིན་“མཐོ་རིམ་སློབ་མའི་དཔེ་མཚོན་ཞེས་རྒྱང་རིང་ཞིག་ལ་མཛུབ་མོ་བཙུགས་འདུག་པ་འདིས་ཀྱང་རང་གི་ཁོར་ཡུག་ན་མ་བལྟས་པར་ཐག་རིང་གི་རྫིག་རྫིག་ཅིག་ལ་བལྟས་ཁུལ་རེད།”ཟེར་བ་འདི་འདྲ་དེ་བས་མ་རེད། ད་དུང་“འདིས་ཀྱང་གསར་འབྱོར་བའི་མཐོང་རྒྱ་ཆུང་ཆུང་དེ་མཐོང་ཡོང་གི” ཟེར་བའི་སྐད་ཆ་འདི་འདྲ་བོ་ནི་ཁང་གསར་ལྟ་བུ་ཤེས་ཡོན་ཅུང་ཟད་ཡོད་ཟེར་མཁན་དང་རྟག་པར་རང་ཉིད་རིགས་ཞེན་ཅན་ཡིན་ཟེར་བ་ཁ་ནས་མ་ཎི་འདོན་འདོན་བྱེད་མཁན་ཞིག་གིས་བརྗོད་འོས་པ་རྩ་བ་ནས་མ་རེད། རྒྱུ་མཚན་ནི། སྐད་ཆ་འདི་དག་ནས་མི་དེ་ཁོག་ཆུང་རློམ་ཆེ་དང་གཞན་པ་མིག་ནང་མི་འཇོག་མཁན་ཞིག་ཡིན་པའི་དྲི་ངན་ལྡང་ཡོང་གིས། “ཁོར་ཡུག་ན་མ་བལྟས་པར་ཐག་རིང་གི་རྫིག་རྫིག་ཅིག་ལ་བལྟས་ཁུལ་”ཟེར་བའི་སྐད་ཆ་འདི་ལ་གཅིག་སོམས་དང་། འདི་ལྟ་བུ་བཤད་མཁན་གྱི་མི་དེའི་སྙིང་ཁ་དང་གངས་ལྗོངས་བར་དུ་རྒྱང་ཐག་ཅི་ཙམ་འདུག ཕ་ཡུལ་དང་གཞིས་ལུས་མི་དམངས་ལུས་པོས་མ་ཚད་སེམས་ཀྱིས་ཀྱང་བསྐྱུར་ཚར་བའི་ཚོར་བ་ཞིག་སྟེར་གྱི་མི་འདུག་གམ། ཁྱེད་འདྲ་བས་རྒྱུན་དུ་ཁ་སྦོམ་བཤད་ས་དེ་ཁོར་ཡུག་གང་འདྲ་ཞིག་ལ་གཞི་བཟུང་གི་ཡོད་དམ། རང་ཉིད་འཚོ་སའི་བཙན་བྱོལ་གྱི་སྤྱི་ཚོགས་ཆུང་ངུ་དེའི་ནང་དུ་ཁ་བརྡར་སྦོམ་བཤད་བྱ་རྒྱུ་དེ་ཁོ་ན་ཡིན་ནམ། ང་ཚོ་ལ་གཞིས་ལུས་མི་དམངས་ལས་ལྷག་པ་ཞིག་བལྟ་རྒྱུ་ཡོད་དམ། “འདིས་ཀྱང་གསར་འབྱོར་བའི་མཐོང་རྒྱ་ཆུང་ཆུང་དེ་མཐོང་ཡོང་གི་”ཟེར་བ་འདི་ནི་གཞིས་ལུས་མི་དམངས་ཀྱི་བློ་གྲོས་ལ་ཁྱད་བཟོད་བྱས་པ་མ་ཡིན་ནམ། སྟོད་མངའ་རིས་ནས་སྨད་མདོ་ཁམས་བར་དུ་བཞུགས་པའི་གཞིས་ལུས་མི་དམངས་ཁྲོད་དུ་ཁང་གསར་ལས་མཐོང་རྒྱ་ཆེ་བ་དང་། ཡོན་ཏན་བཟང་བ་འཇོག་དགོས་བྱུང་ན་ངས་ད་ལྟ་རང་ལ་སྟོང་ཕྲག་ལྷག་བགྲངས་ཐུབ།

ད་ལྟའི་བོད་ཀྱི་སྐད་ཡིག་གི་ངོས་ནས་གླེང་ན་ཡིག་ནོར་འདྲི་མཁན་ཞིག་ཡོད་ནའང་དགའ་དགོས་པའི་ཚོད་རེད།

ཁང་གསར་ལགས།ངས་བསམ་ན་ཁྱོད་ཀྱིས་ཀྱང་རྒྱང་རིང་རྒྱང་རིང་ལ་ཞིག་བལྟས་ཏེ་བསམ་བློའི་སྣེ་གཏོད་ས་མེད་པ་ཞིག་ཏུ་འཁྲིད་རྩིས་རེད།སྐད་ཆ་རྡོག་རྡོག་ཅིག་ཤོད་དང་།ང་ཁྱོད་ཀྱི་སྐད་ཆ་ལ་ཉན་རྒྱུར་ཅུང་དགའ་བོ་ཡོད།

ཐོག་མར་ཚོགས་དེར་བཀྲིས་བདེ་ལེགས་ཀྱི་མཚམས་འདྲི་དང་ང་ཚོའི་སྤྱི་ཚོགས་ནང་ཚོགས་པ་དེ་འདྲ་ཞིག་ཡོད་པར་དགའ་བོ་བྱུང༌། ཚོགས་པ་འདི་རྒྱུད་ནས་བོད་ཀྱི་སྐད་ཡིག་ཆེད་སྦྱོང་མཐོ་སློབ་ཞིག་གསར་འཛུགས་ཐུབ་པ་ཡིན་ན་ཤིན་ཏུ་ལེགས་སྙམ། སྤྱིར་ང་ཚོའི་སྤྱི་ཚོགས་ནང་བོད་ཡིག་མཐོ་སློབ་༼ཝ་ནཱ་མཐོ་སློབ། ༽ ༼ས་རཱ་མཐོ་སློབ།༽ ༼ནོར་གླིང་མཐོ་སློབ་༽སོགས་འགའ་ཞིག་ཡོད་ཀྱང་དེ་དག་ནས་ལོ་རེ་སློབ་ཐར་ཕྱིན་པའི་སློབ་ཕྲུག་གི་གྲངས་ཧ་ཅང་ཉུང་བས་སྤྱི་ཚོགས་ནང་ཚད་ལྡན་གྱི་བོད་དགེ་ཞིག་འཚོལ་དགོས་བྱུང་ན་རྒྱ་མཚོ་ནང་ནས་ཁབ་འཚོལ་བ་ལས་དཀའ་བའི་གནས་ལགས། ང་ཚོའི་སྤྱི་ཚོགས་སམ་འཁོར་ཡུག་ནང་སློབ་གསོ་འདུ་ཤེས་ཤིན་ཏུ་དམན་ལ་དཔལ་འབྱོར་གྱི་འདུ་ཤེས་གཙོ་བོར་འཛིན་པའི་རྒྱུ་རྐྱེན་ཡང་བྱིས་བའི་དུས་ནས་སློབ་དགེ་ཚད་ལྡན་གྱིས་མི་རིགས་དང་རིག་གཞུང་གི་ཁེ་དབང་སྲུང་སྐྱོབས་ཆེད་སློབ་གསོ་མ་གདེངས་བའི་སྐྱོན་ཡིན། འདུ་ཤེས་དེ་དག་ལ་སྒྱུར་བ་གཏོང་དགོས་ན་ཐོག་མར་སློབ་དགེ་ཚད་ལྡན་གསོ་སྐྱོང་བྱ་དགོས་པ་དོན་གྱི་དམ་པ་ཡིན།

བོད་ཀྱི་སྐད་ཡིག་རྒྱུན་འཛིན་ཚོགས་པ་ཟེར་བ་འདི་ཚང་ལ་ཡོན་ཏན་ཡོད་པའི་མི་གཅིག་ཀྱང་ཡོད་པ་མ་རེད་པས། ཡིད་སྐྱོ་དགོས་པ་འདི་འདྲ་ག་རེ་རེད་ཨ།
བོད་ཀྱི་ལས་དབང་ལ་རེ་བ་མེད་པར་འདྲ།

བོད་གཙང་མ་རྒྱབ་དགོས་གསུངས་མཁན་ཞིག་ངོས་ནས་གཙང་བཙོག་གི་ས་མཚམས་ཤེས་དགོས་པ་རེད་སྙམ།

མི་ཤེས་མིཤེས

དགེ་རྒན་སྐལ་བཟང་ཉི་མ་ལགས་ཀྱིས། བོད་ནང་གི་སློབ་ཆེན་པ་ཐེའུ་རིང་བོད་ཀྱི་སློབ་ཆེན་སློབ་མའི་མཚན་ཉིད་ཚང་བ་ཞིག་ཏུ་བགྲངས་ཡོད་ཀྱང་། བཙན་བྱོལ་སྤྱི་ཚོགས་ཁྲོད་ཀྱི་མཐོ་རིམ་སློབ་མའི་ཁྲོད་ཐེའུ་རིང་ལགས་ཀྱིས་བརྩམས་པའི་ཁྲག་ཡིག་ཀློག་ཟིན་པ་དང་། ཁོང་གི་མི་རིགས་ཀྱི་འགན་འཁྲི་དང་། སྤྱི་ཚོགས་ཀྱི་འགན་འཁྲི་དང་དུ་བླངས་ཏེ་བཙོན་ཏུ་ཚུད་པའི་གནས་ཚུལ་རྟོགས་མཁན་ག་ཚོད་ཅིག་ཡོང་ཨང་།