སྐབས་བཅོ་ལྔའི་བོད་མི་མང་སྤྱི་འཐུས་དང་སྐབས་གསུམ་པའི་བཀའ་བློན་ཁྲི་པའི་སྔོན་འགྲོའི་འོས་གཞི་དང་། དངོས་གཞིའི་འོས་གཞི་གཉིས་དུས་མཉམ་དུ་བྱ་རྒྱུ་ཡིན་ལ། དེ་ནི་མི་མང་ལ་སྟབས་བདེ་ཡོང་ཆེད་དུ་ཡིན་ཟེར།
དེ་རིང་སྔ་དྲོའི་ཆུ་ཚོད་ ༡༡ སྟེང་བཙན་བྱོལ་བོད་གཞུང་འོས་བསྡུ་ལྷན་ཁང་གིས་གངས་སྐྱིད་ལྷག་པ་ཚེ་རིང་ཚོགས་ཁང་ནང་། སྐབས་གསུམ་པའི་བཀའ་བློན་ཁྲི་པ་དང་སྐབས་བཅོ་ལྔ་བའི་བོད་མི་མང་སྤྱི་འཐུས་གསར་འདེམས་བྱ་ཕྱོགས་ཐད་གསར་འགོད་གསལ་བསྒྲགས་ཤིག་སྤེལ་ཏེ། མི་མང་གིས་ཐད་ཀར་འོས་འདེམ་གྱི་སྐབས་གསུམ་པའི་བཀའ་བློན་ཁྲི་པ་དང་སྐབས་བཅོ་ལྔ་བའི་བོད་མི་མང་སྤྱི་འཐུས་གཉིས་ཀྱི་དངོས་གཞིའི་འོས་བསྡུའི་དུས་ཚེས་ཕྱིར་བསྒྲགས་གནང་ཡོད།
དབུས་འོས་བསྡུ་ལྷན་ཁང་གི་འགན་འཛིན་འཇམ་དཔལ་ཆོས་བཟང་ལགས་ཀྱིས། ཐེངས་འདིའི་འོས་བསྡུའི་སྐབས་སྔར་དང་མ་འདྲ་བར་སྤྱི་འཐུས་ཀྱི་སྔོན་འགྲོ་དང་བཀའ་བློན་ཁྲི་པའི་སྔོན་འགྲོ་གཉིས་ཉིན་བརྒྱ་དུས་གཅིག་ལ་བཟོས་ཡོད་པར་མ་ཟད། བཀའ་སྤྱི་གཉིས་ཀྱི་དངོས་གཞིའི་འོས་བསྡུ་ཡང་ཉིན་གཅིག་ལ་འཁེལ་བར་བྱས་ཡོད། དེ་ལྟར་བྱས་ན་མི་མང་འོས་ཤོག་ལྡུག་ཏུ་ཐེངས་གཉིས་ལ་མ་གཏོགས་འགྲོ་དགོས་གི་མ་རེད་ལ། སྟབས་བདེ་རུ་ཕྱིན་ཡོད་ཟེར།
སྤྱི་འཐུས་སྐབས་བཅོ་ལྔ་པ་དང་བཀའ་བློན་ཁྲི་པ་སྐབས་གསུམ་པའི་སྔོན་འགྲོའི་འོས་གཞི་ ༢༠༡༠ ལོའི་ཟླ་ ༡༠ ཚེས་ ༣ ཉིན་ཏེ། རེས་གཟའ་ཉི་མར་འཁེལ་ཡོད་ལ། བཀའ་སྤྱི་གཉིས་ཀྱི་དངོས་གཞིའི་འོས་བསྡུ་དེ་ ༢༠༡༡ ལོའི་ཟླ་ ༣ ཚེས་ ༢༠ ཉིན་བྱ་རྒྱུ་ཡིན། དེ་ལྟར་བྱས་ན་བོད་ལུགས་ཀྱི་ལོ་སར་ཚེས་གཅིག་ཉིན་ནི་ཕྱི་ཟླ་ ༣ ཚེས་ ༥ ཉིན་འཁེལ་ཡོད་པ་དང་། དེ་ནས་བརྩིས་པའི་བཀའ་སྤྱིའི་དངོས་གཞིའི་འོས་གཞི་བར་དུ་བདུན་ཕྲག་གཉིས་ལྷག་ལས་མེད་སྟབས། བཞུགས་སྒར་ཁུལ་གཙོས་ཕྱོགས་མཐའ་ཁག་གི་བོད་མི་རྣམས། དབྱར་ཚོང་རྒྱག་པ་སོགས་ལས་རིགས་འདྲ་མིན་སྟེང་མ་ཞུགས་པར་རང་རང་གི་ས་གནས་སུ་བཞུགས་རྒྱུར་བསྐུལ་ཡོད།
ཡང་གསལ་བསྒྲགས་སྐབས། ད་ལྟ་ཡུ་རོབ་ཏུ་སྤྱི་འཐུས་གཉིས་དང་ཨ་རིའི་ཕྱོགས་ནས་སྤྱི་འཐུས་གཅིག་མ་གཏོགས་མེད་ལ། སྤྱིར་བཏང་ཕྱི་རྒྱལ་ཡུལ་གྲུ་འདྲ་མིན་ནང་བོད་མི་ཚོ་གནས་སྡོད་བྱེད་མཁན་མང་བོ་ཡོད་ནའང་། བོད་མི་ཡོད་ས་ཚང་མར་སྤྱི་འཐུས་མེད་པ་དང་ཟླ་གསུམ་པའི་སྤྱི་འཐུས་ལྷན་ཚོགས་ཀྱི་གྲོས་ཚོགས་སྐབས་བཀའ་བསྡུར་གནང་བ་གཞི་ལ་བཞག་སྟེ། ང་ཚོས་ཚོད་དཔག་བྱས་པ་ལྟར་ན། ཟླ་ ༩ ནང་ད་ལྟ་སྤྱི་འཐུས་ཡོད་བཞིན་པའི་རྒྱལ་ཁབ་རེ་ཟུང་ནང་སྤྱི་འཐུས་འཕར་ཆ་ཡོང་སྲིད་པ་རེད་ལ། བོད་མི་གནས་སྡོད་བྱེད་སའི་རྒྱལ་ཁབ་གཞན་ཁག་ནང་སྤྱི་འཐུས་མེད་སར་སྤྱི་འཐུས་གསར་པ་འདེམས་བསྐོ་བྱེད་དགོས་འབྱུང་སྲིད་གི་རེད། དེར་བརྟེན་འོས་བསྡུའི་ལས་རིམ་དག་སྤྱིར་བཏང་གཏན་འཁེལ་བྱུང་ཡོད་ནའང་། སྤྱི་འཐུས་གྲོས་ཚོགས་མ་འཚོགས་གོང་ས་གནས་འོས་བསྡུའི་འགན་འཛིན་ཚོར་གཏོང་རྒྱུར་ཕྱིར་འཐེན་བྱས་ཡོད་ཅེས་དང་།
དེང་སྐབས་ ༢༠༡༡ ལོའི་བཀའ་བློན་ཁྲི་པའི་དྲ་རྒྱ་ཞེས་པ་དེ་མི་མང་ནང་གཞུང་འབྲེལ་ཡིན་མིན་ཐོག་དོགས་འདྲི་བྱེད་མཁན་དང་། དྲ་རྒྱ་དེའི་ནང་བསྒྲགས་པའི་བཀའ་ཁྲིའི་སྔོན་འགྲོའི་འོས་མི་དག་གཞུང་འབྲེལ་གྱིས་བསྒྲགས་པའི་འོས་མི་ཡིན་མིན་དོགས་འདྲི་བྱེད་མཁན་འདུག་སྟབས། དྲ་རྒྱ་དེ་ནི་གཞུང་འབྲེལ་གྱི་དྲ་རྒྱ་མིན་པ་དང་། དྲ་རྒྱའི་ནང་གི་འོས་མི་དག་ཀྱང་གཞུང་འབྲེལ་གྱི་འོས་མི་མ་རེད་ཅེས་གསལ་འགྲེལ་མཛད་ཐོག གཞུང་འབྲེལ་གྱི་བཀའ་བློན་ཁྲི་པའི་དངོས་གཞིའི་འོས་མི་དག་སྔོན་འགྲོའི་འོས་གཞི་གྲུབ་རྗེས་གཞི་ནས་བསྒྲག་གི་རེད། དེ་ནི་གཞུང་འབྲེལ་གྱི་བཀའ་བློན་ཁྲི་པའི་དངོས་གཞིའི་འོས་མི་ངོ་མ་ཆགས་གི་རེད་ཅེས་གསུངས་ཡོད།
བཙན་བྱོལ་བོད་མིའི་བཅའ་ཁྲིམས་ཀྱི་དགོངས་དོན་ལྟར། བོད་མི་མང་སྤྱི་འཐུས་དང་བཀའ་བློན་ཁྲི་པའི་འོས་བསྡུ་སླེབས་མཚམས། གོང་ས་མཆོག་གིས་ཐད་ཀར་དབུས་འོས་བསྡུ་ལྷན་ཁང་དུ་ཆོལ་ཁ་རེ་ནས་འོས་བསྡུའི་འགན་འཛིན་ལས་འཕར་རེ་བསྐོ་གཞག་གནང་སྲོལ་ཡོད་པ་ལྟར། ཕྱི་ལོ་ ༢༠༡༡ ལོའི་འོས་བསྡུ་ཆེན་མོ་སླེབས་ལ་ཉེ་བའི་སྐབས་འདིར། དབུས་འོས་བསྡུ་ལྷན་ཁང་གི་འགན་འཛིན་འཇམ་དཔལ་ཆོས་བཟང་ལགས་ཀྱི་ལས་རོགས་སུ་ཤེས་བྱ་ཀུན་འདུས་རྩོམ་སྒྲིག་ལྟེ་གནས་ཀྱི་དྲུང་ཆེ་བཅུད་པར་གཡང་མཁོ་རྒྱལ་ལགས་དང་། བཙུན་དགོན་སྒྲོལ་མ་གླིང་གི་སློབ་སྤྱི་རིན་འཛིན་ཆོས་གྲགས་ལགས་རྣམ་གཉིས་ཐད་བསྐོས་གནང་ཡོད།
གསར་འགོད་པ། ཨ་རིག་འགྱུར་མེད།
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
སྔོན་འགྲོ་འོས་བསྡུ་སྐབས་སུ་མི་མང་མང་ཆེ་བ་དགུན་ཚོང་ལ་འགྲོ་ཚར་བའི་ཡག་པོ་ཞིག་ཨེ་ཡོང་ན།
ད་ལམ་བཀའ་བློན་ཁྲི་པའི་འོས་འདེམས་གནང་རྒྱུ་དེ་བཞིན་ཤིན་ཏུ་གལ་ཆེའི་ཕྱག་ལས་ཤིག་ཡིན་ཅིང་། དེ་ནི་བཙན་བྱོལ་གཞུང་གི་ཆབ་སྲིད་ཀྱི་གོམ་གྲོད་གནང་རྒྱུའི་ཁ་ལོ་བ་ལྟ་བུ་ཡིན་པས་དེ་བཞིན་ཚང་མས་ཤེས་འབྱོན་ལྷག་བསམ་ཅན་གཙོར་འདོན་གནང་རྒྱུ་དགོས་གལ་ཆེ། བཀའ་ཁྲི་དེ་བཞིན་ལོ་གཞོན་དང་བུད་མེད་ལ་སྤྲོད་དགོས་པ་སོགས་ཐོབ་ཐང་གི་རྩད་བརྒྱབ་རྒྱུར་དགོས་པ་ཆེར་མ་མཐོང་། ལས་དོན་བསྒྲུབ་རྒྱུ་ཉིད་གཙོ་བོ་ཡིན་རྟེན་དེར་ལྷག་བསམ་དང་ཤེས་འབྱོན་གཙོ་བོར་བཏོན་རྒྱུ་ཡིན།
སྤྱི་འཐུས་ཀྱང་མི་མང་གི་མགྲིན་ཚབ་ཤིག་ཡིན་རྟེན་དངོས་ཡོད་མི་མང་གི་བཀའ་ངལ་རྟོག་རྒྱུ་དང་དེ་བཞིན་རང་གཞུང་ལ་སྙན་འབུལ་ཞུས་ཏེ་མི་མང་གི་བཀའ་ངལ་སེལ་ཐབས་གནང་རྒྱུ་གཙོ་བོ་ཡིན་པས་དེར་ཕྱོགས་རིས་སོགས་ཀྱི་དྲི་མས་མ་གོས་པ་དགོས།
ད་ལྟའི་བཀའ་བརྒྱུད་སྤྱི་འཐུས་ལ་མཚོན་ན། བཀའ་བརྒྱུད་སྤྱི་ནས་འདེམས་པ་ཡིན་ཀྱང་བཀའ་བརྒྱུད་བྱེ་བྲག་པ་ཞིག་གི་ཕྱོགས་སུ་བཟུང་ཏེ་རང་རྒྱལ་གཞན་ཕམ་གྱི་ཕྱག་ལས་ཤ་སྟག་གནང་བར་བློ་ཕམ་ཆེ། ཕྲན་ནས་བཀའ་བརྒྱུད་བྱེ་བྲག་པ་ཞེས་པ་ཀཾ་ཚང་ལ་ཞུ་བ་ཡིན་ཀཾ་ཚང་གི་ད་ལྟའི་གནས་སྐབས་གཉིས་ཡོད་པར་བཀའ་བརྒྱུད་བསྟན་པའི་དབུ་འཕྲིད་འདེམས་སྐོ་བྱ་རྒྱུ་དེ་བཞིན་ཀཾ་ཚང་ཕྱོགས་གཉིས་ཆར་གོ་བསྡུར་བྱ་དགོས་རྒྱུ་ལས་དེ་ལྟར་མ་གནང་བར་སོ་སོ་རང་ཉིད་ཀྱི་ཕྱོགས་སུ་འཛིན་པའི་ཀཾ་ཚང་གཅིག་པུ་བཞག་ནས་གཞན་སྐྱབས་རྗེ་ཞྭ་དམར་ནག་གཉིས་ཀྱི་རྗེས་སུ་འཇུག་པའི་ཀཾ་ཚང་ཡལ་བར་དོར་བ་འདི་ནི་དྲང་པོ་མིན་པས་དེའི་སྐོར་ཆེད་རྩོམ་ཞིག་འདུག་པས་འདིར་གཟིགས་གནང་རྒྱུ།
http://www.hetuprabav.blogspot.com
འཚོ་གནས་ཁ་འཐོར་དང་མི་རིགས་གཏན་བརླག་ཏུ་འགྲོ་ལ་ཉེ་བའི་ཆེས་ཛ་དྲག་གི་དུས་སྐབས་འདིར། ང་ཚོ་བཙན་བྱོལ་དུ་གནས་པའི་རིག་རྒྱུད་གཅིག་པའི་སྤུན་ཟླ་ཚོས་རང་གི་ཁ་ཕོར་བའི་ཆེད་དུ་ཕུ་ནུ་ནང་འཁྲུག་དང་།
རྙིང་རུལ་གྱི་བག་ཆགས་ཀྱིས་སྐྱེད་པའི་འདུ་ཤེས་འཛིན་སྟེང་ཡོད་ཚད་གད་སྙིགས་སུ་གཏོར་ནས་རང་གི་རྒྱལ་ཁབ་དང་མི་རིགས་རིག་གནས་ཀྱི་དོན་ཆེན་སྒྲུབ་སླད་དུས་ཀུན་བརྩོན་པ་སྐྱེད་དགོས་པ་ནི་ང་ཚོ་ཚང་མར་ཁུར་དུ་བབ་པའི་ལས་འགན་ཞིག་ཡིན་པ་སེམས་དང་བསམ་པའི་དཀྱུལ་དུ་ཉལ་ནས་འཛིན་དགོས་པ་ནི་ཆེས་གནད་འགག་ཅིག་རེད།
དེ་བས་ན་དེ་རིང་བཙལ་བྱོལ་བོད་མིའི་འོས་བསྡུ་ལྷན་ཁང་གིས་བཀའ་ཁྲི་སྐབས་གསུམ་པ་དང་བོད་མི་མང་སྤྱི་འཐུས་སྐབས་བཅོ་ལྔ་བའི་འོས་བསྡུ་ཆེན་མོའི་སྔོན་འགྲོའི་འོས་འཕེན་དུས་ཚེས་གཅིག་ཡིན་པའི་གསལ་བསྒྲགས་སྤེལ་བ་ནི་ཧ་ཅང་དགའ་འོས་པའི་ལས་འཆར་ཡག་པོ་ཞིག་རེད།
ཡིན་ནའང་ང་ཚོ་རྒྱ་བོད་ཕྱི་ནང་ཀུན་ན་ཡོད་པའི་རིགས་མཐུན་སྤུན་ཟླ་ཚོས་ངེས་པར་དུ་མཁྱེན་དགོས་པ་ནི་མ་འོངས་པའི་བཀའ་ཁྲི་ལས་འབྱུང་འགྱུར་གྱི་བོད་མི་མང་སྤྱི་འཐུས་གཙོ་ཆེ་བ་ནི་ད་ལྟའི་བཀའ་ཁྲིའི་ལོ་དུས་ཀྱི་བཀའ་ཤིག་གི་ལས་འཆར་ལས་ང་ཚོས་གསལ་བོ་མཁྱེན་ངེས་རེད། ཡིན་ནའང་ད་ལྟའི་བཀའ་ཁྲི་ལས་མ་འོངས་པའི་བཀའ་ཁྲི་གཙོ་གནད་ཆེ་བ་མ་ཟད། ད་ལྟའི་བོད་མི་མང་སྤྱི་འཐུས་ཀྱི་བྱ་སྤྱོད་ལས་འགྱུར་གྱི་བོད་མི་མང་སྤྱི་འཐུས་ཀྱི་བ་སྤྱོད་གཙོ་གནད་དུ་འཛིན་དགོས་པ་ནི། འདས་མ་ཐག་པའི་དོན་རྐྱེན་ཆུང་ཆུང་དེའི་རྒྱབ་ལོགས་ཀྱི་སྟོབས་ཤུགས་ལས་ང་ཚོས་གསལ་བོར་མཁྱེན་ངེས་རེད།
མ་གཞི་འདས་མ་ད་གསུམ་གྱི་བཙན་བྱོལ་བོད་མིའི་བཀའ་སྤྱིའི་ཤེས་ཚད་དང་མི་གཞི་ལེགས་ཉེས་ང་ཚོས་ཇི་ལྟར་བཤད་རུང། འདི་དག་ཚང་མ་ང་ཚོའི་འདེམས་འདུན་གྱི་བསམ་བློའི་ཁྲོད་ནས་ཡར་འགྲོ་བ་ཞིག་ལས་གཞན་གང་ཡང་མེད་ངེས་རེད། ཡིན་ནའང་ང་ཚོས་ད་རུང་ཁོང་ཚོར་གཤེ་གཤེ་གཏོང་བཞིན་ཁ་ལ་ཚིག་ཅི་ཡོང་གིས་ཁོང་ཚོར་སྡུག་མེ་འདོན་བཞིན་ཡོད། སྤྱིར་བཏང་བཤད་ན་འདི་དག་ཚང་མའི་ནོར་འཁྲུལ་འབྱུང་སའི་ལྟེ་བ་ནི་ང་ཚོ་མི་དམངས་ཚོ་རང་རེད།
རྒྱུ་མཚན་དེའི་ཕྱིར་ང་ཚོས་མ་འོངས་འབྱུང་འགྱུར་གྱི་བཀའ་སྤྱིའི་འོས་བསྡུའི་སྐབས་བསམ་པ་རྣམ་དག་ཞིག་ཁུར་ནས་རང་གི་འོས་འཕེན་པར་འདོད་པའི་མི་དེའི་འདས་ཟིན་པའི་ལོ་རྒྱུས་ལ་དཔྱད་ཞིབ་བྱས་ནས་ཐ་མར་རང་གི་བློ་ངོར་གང་བབ་པ་དེ་ལ་འོས་འཕེན་ཐུབ་དགོས་པ་ལས་མི་གཞན་གྱི་བཤད་ཚད་ལ་མི་ཉན་པ་དང། ཆབ་སྲིད་ཀྱི་ལས་དོན་འདྲ་མིན་གྱི་བྱ་འགུལ་བརྩོན་མཁས་པའི་མི་བུ་ཚོའི་ལག་ཆ་རུ་རང་ཉིད་མི་ཚུད་པར་བྱས་ནས་ད་རེབ་ཀྱི་འོས་བསྡུ་འདི་ལ་རང་གི་སེམས་སྟེང་ན་མི་བུ་སུ་དང་སུ་ཡོད་ན་དེ་ཉིད་འཕེན་ཐུབ་པར་བྱེད་རྒྱུ་ནི་སོ་སོ་རང་ཉིད་མི་ཞིག་ཡིན་པའི་ཁེ་དབང་རེད།
ཡིན་ནའང་གུས་པ་རང་ཉིད་ལ་ཆ་མཚོན་ན་རང་དབང་ལག་དེབ་བོར་ནས་ཟླ་བ་ཁ་ཤེས་འགྲོ་བཞིན་ཡོད་ནའང་གསར་དུ་བཟོ་སྒྲུབ་ཀྱི་ལས་ལ་བརྩོན་རུང། བར་རྐྱེན་གང་མང་ཞིག་གི་གནད་དོན་འོག་བཟོ་ཐུབ་ཀྱིན་མེད་སྟབས། ད་ཐང་གི་འོས་བསྡུའི་ནང་རང་གི་ཆ་ཤེས་ལེན་ཐུབ་ས་མ་རེད་བསམ་ནས་སེམས་ཕམ་ཡིད་ཆད་ངང་སྐད་ཆ་རེ་བཤད་ནས་ཡོད།
བོད་མི་མང་སྤྱི་འཐུས་རྣམ་པ་ལྷག་བསམ་རྣམ་དག་ཞིག་རག་ཐུབ་པ་བྱ་དགོས་གལ་ཆེ་བར་མངོན།
བོད་མི་མང་སྤྱི་འཐུས་དང་སྐབས་གསུམ་པའི་བཀའ་བློན་ཁྲི་པའི་སྔོན་འགྲོའི་འོས་གཞི་ཡག་པོ་ཞིག་ཡོངས་བར་གཞུང་སྒེར་ཚང་མས་རྒྱབ་སྐྱོར་གནང་དགོས་ན་རང་དབང་གཅེས་འཛིན་ལག་དེབ་སོགས་ལ་ཅུང་འགྱུར་བ་བཏང་དགོས་རུང་ཐུགས་ཞིག་གནང་གལ་ཆེ།
སྐབས་བཅོ་ལྔའི་བོད་མི་མང་སྤྱི་འཐུས་དང་སྐབས་གསུམ་པའི་བཀའ་བློན་ཁྲི་པའི་སྔོན་འགྲོའི་འོས་གཞི་གལ་ཆེན་པོར་ཡིན་པས།མི་མང་འོས་ཐོབ་ཡོད་མཁན་ཚང་མའི་ཆ་ཤེས་ལེན་ཐུབ་པ་ཞིག་བྱེད་ཐུབ་ན་ཤུན་ཏུ་ལེགས།དེ་ལྟར་མི་མང་འོས་ཐོབ་ཡོད་མཁན་ཆང་མའི་འགན་ལེན་ཐུབ་པ་ཞིག་བྱེད་ན་རང་བཙན་ལག་དེབ་ཐོག་སྟབས་བདེ་རུ་གཏོང་དགོས་པ་དང་།གཏོང་སྟིང་དེ་ཡང་རང་བཙན་ལག་དེབ་བཟོ་སྐབས་དཀལ་ངལ་མེད་པ་ཞིག་ཡོངས་པའི་རེ་ཡོད།བོད་མི་ཚང་མའི་ཕྱོགས་རེས་དང་ཞེན་ཁོག་མེད་པར་བོད་སྤྱིའི་ལས་དོན་རང་ལ་བསམ་ཤེས་བྱེད་མཁན་ཞིག་ལ་རེ་བ་བྱེད་རོགས་ཞེས་འབོད་བསྐུལ་ཞུ་གི་ཡོད།
འོས་བསྡུའི་དུས་ཚོད་འདི་ཤིན་ཏུ་སྟབས་བདེ་ཞིག་ལ་བཟོ་འདུག
ད་ནི་འབྱུང་འགྱུར་གྱི་བཀའ་བློན་ཁྲི་པ་དང་བོད་དམངས་སྤྱི་འཐུས་རྣམ་པ་བཅས་མི་མང་གིས་རིམ་པ་སྒྲིམ་སྟེ་གདམ་བྱ་འདེམས་བྱེད་མ་ནོར་
བར་གནང་དགོས་རྒྱུ་དེ་གལ་ཆེ་མཐོང་།