སངས་རྒྱས་ལ་བརྙས་བཅོས་སུས་བྱས། སྤོབས་པ་མཐའ་ཡས།

སྤོབས་པ་མཐའ་ཡས་སོགས་ལ་གསལ་བཤད་ཞུ་རྒྱུ་ནི།

ཁྱེད་ཀྱིས་ཟུར་མཆན་དུ།
བལ་ཡུལ་ན་བླ་མ་ཁྲོ་ནི་LamaTonyཟེར་བའི་དབྱིན་ཇིའི་མི་ཞིག་ཡོད་ཅེས་དྲིས་འདུག
མ་གཞི་ཁོ་ནི་དབྱིན་ཇིའི་མི་ཞིག་མ་རེད་ཨོ་སི་ཏྲི་ལི་ཡའི་མི་ཞིག་རེད།
དེ་བཞིན་ཁོ་ནི་བླ་་མ་ཞིག་མ་རེད་བླ་རྫུན་འཁྲབ་མཁན་ཞིག་རེད།
ནང་པའི་ཆོས་ལ་དད་པ་བྱེད་མཁན་ཞིག་མ་རེད་ནང་པའི་ཆོས་ལ་བཟོ་བཅོས་བྱེད་མཁན་ཞིག་རེད།
བོད་པའི་རིག་གཞུང་ལ་དགའ་མཁན་ཞིག་མ་རེད་བོད་པའི་རིག་གཞུང་བེད་སྤྱོད་ལོག་པར་གཏུགས་མཁན་ཞིག་རེད།
བླ་་མ་ལ་དད་པ་ཡོད་མཁན་ཞིག་མ་རེད་བླ་མ་དང་འགལ་བ་སོང་མཁན་ཞིག་རེད།

ངས་ཀྱང་དེ་རིང་བར་འཚང་བྱས་ནས་རྩོམ་མཁན་དང་མཆན་མཁན་རྣམས་ལ་ཅི་ཞིག་ལབ་སྙིང་འདོད།
ལ་ལས་ཁྲོས་ནས་བརྗོད་ལ། ལ་ལས་དོན་ལ་བབ་ནས་བརྗོད། ཡང་ལ་ལས་གཡས་སློང་དང་གཡོན་སློང་བྱས་ནས་ལབ་བཞིན་འདུག མདོ་དོན་དད་ས་ཞིག་དང་རྟེན་ས་ཞིག་ཡོད་པ་དེ་དག་ལྷམ་གྱི་རྒྱབ་ཤ་བྱས་པ་དེ་དག་གི་རྐྱེན་རེད། ངས་འདི་འདྲ་ཞིག་བསམ་བྱུང་ང་ཚོ་བོད་ཞེས་པ་འདིའང་དེ་རིང་ནས་ས་སྒང་འདིར་གཞི་འཛིན་མཁན་ཞིག་ཡོད་པ་འཛམ་གླིང་ཧྲིལ་པོས་རྟོགས་ཐུབ་ཡོད་སེམས་ལ། ད་ནས་བཟུང་བོད་མི་རིགས་ལ་ཡང་འདི་འདྲའི་རིག་གཞུང་ཞིག་དང་འདིའི་འདྲའི་མི་རིགས་ཤིག་ཡོད་པ་ཡང་ཤེས་ཐུབ་བདེ་བ་ཞིག་བྱུང་ཐུབ་ངེས་རེད། དེང་གི་དུས་འདིར་ཆེན་པོའི་ཆུང་བ་མཐོང་ཐུབ་ཀྱི་མེད་ལ་ཆུང་བའི་གནམ་ས་འདི་ན་རང་ཉིད་ལས་གཞན་ཤེས་བཞིན་མེད། དེའི་སྟབས་ཀྱི་ང་ཚོའི་དད་རྟེན་བྱེད་སའི་བརྙན་གཟིགས་ཤིག་ཁྱབ་བསྒྲགས་ཀྱི་དོད་དུ་ཕྱིན་ན་དེའི་ཟུངས་ཤུགས་རུལ་མེད་ལ། དེའི་ནུས་པ་ཡང་ཉམས་མེད་པས་ད་དུང་དངོས་ཡོད་ཀྱི་ཕན་ཐོགས་ཤིག་བྱུང་ཡོད་བསམ། མི་རིགས་ཤིག་ཡར་རྒྱས་འགྲོ་དགོས་ན་ཕྱོགས་གང་ས་ནས་གདོང་ལེན་དང་བློས་ཐུབ་པའི་བྱེད་བབ་སྣ་ཚོགས་ཤིག་ལ་བརྟེན་དགོས་པ་འདུག ང་ཚོ་དད་དྲགས་པ་དེ་བསམ་བློའི་འཚོ་སྐྱོང་མ་ཐུབ་ན་ཡར་བསྐྱེད་འགྲོ་མི་ཐུབ་ལ་དད་དོན་ཡང་ཕལ་ཆེར་བཤད་ཚོད་མི་ཐུག་པ་ཞིག་ཏུ་གྱུར་ཉེན་ཆེ། དད་གུས་དང་ཡིད་ཆེས་སེམས་རྩ་འི་གཞི་འཛིན་ས་ཞིག་བྱས་ནས་བདག་ཉར་བྱས་ན་དེ་ནི་སུས་ཀྱང་བསུབ་མི་ཐུབ་ལ། ནམ་ཡང་ཡལ་མི་ཐུབ་པའི་དད་སེམས་དངོས་གནས་དེ་ཡིན་ངེས། རྒྱ་གར་བའི་དད་ས་གད་སྙིགས་བླུགས་སའི་འགྲམ་དང་གཅིན་སྐྱག་གཏོང་སའི་འགྲམ། རྒྱ་ལམ་སོགས་སུ་ཡོད་ལ། ཁོ་ཚོ་དད་སེམས་ངོ་མ་སེམས་དབུས་ན་ཡོད།

ཨོ་བྷ་མ་དང་ཏཱ་ལའི་བླ་མ་གཉིས་ཅུང་ཐ་དད་རེད།

ཨོ་བྷ་མ་ནི་ཆབ་སྲིད་ཁོ་ནའི་ཐོན་དངོས་ཤིག་རེད། ཏཱ་ལའི་བླ་མ་ནི་རིག་གཞུང་གི་ (ཆོས་ལུགས་ལས་ཀྱང་ཤོས་ཆེ་བ་འདུག) ཐོན་དངོས་ཞིག་རེད།

ནུབ་ཕྱོགས་པ་ཚོས་ཡེ་ཤུའི་བླ་ཆེན་པོབ་ཀྱི་སྐུ་པར་གང་བྱུང་བེད་སྤྱོད་གཏོང་གི་འདུག་གམ། ནུབ་ཕྱོགས་ཀྱི་ཚོང་པ་ཚོར་དེ་འདྲའི་བློ་ཁོག་ཀྱང་ཡོད་ཀྱི་མ་རེད།

སྟོན་པ་ཡེ་ཤུའི་སྐུ་རིས་ཡོད་པའི་ལྷམ་ཞིག་ལ་འགྲེལ་བཤད་འདི་ལྟར་བརྒྱབ་འདུག With Christ guiding you, you can never go in the wrong direction! Endure to the end, and all His promises will be waiting for you, but never forget who you are along the path. You are a child of God! ངས་ཡིག་སྒྱུར་ཡག་པོ་མི་ཤེས་མོད་དོན་བསྒྱུར་བྱས་ན་འདི་འདྲ་ཞིག་རེད་སྙམ།
སྟོན་པ་ཡེ་ཤུ་བ་ཡི་ལམ་སྟོན་ལ་འགྲོགས་དང་ཁྱེད་རང་ནམ་ཡང་ལམ་ལོག་པར་འཕྱན་པར་མི་འགྱུར་རོ༎ བཟོད་སྒོམ་མཐའ་རུ་སྐྱོལ་དང་། སྟོན་པ་ཡེ་ཤུ་ཡི་ཐུགས་བསྐྱེད་ཞལ་བཞེས་ཐམས་ཅད་ཀྱིས་ཁྱེད་རང་བསྒུགས་ནས་ཡོད་དོ༎ཡིན་ན་ཡང་ཁྱེད་རང་སུ་ཡིན་དུས་རྟག་ཏུ་བརྗེད་མི་རུང་། ཁྱེད་རང་ནི་ལྷ་ཡི་གཅེས་ཕྲུག་གོ །
དྲ་གྲོགས་ཚོ། ག་འདྲ་ཡག་པོ་མི་འདུག་གམ།

ཁྱི་རྒན་ཀུ་ཅོ་འདོན་པ་ཟེར་བའི་སྒྲིག་གཞི་དང་འགལ་བའི་ཚིག་ཞིག་ཤོར་བར་བཟོད་གསོལ་ཞུ་རྒྱུ་ཡིན།

སྤྱི་གཏང་བྱས་ན་གོང་གི་རྩོམ་ཡིག་དེ་དུས་བབ་དྲྭ་ཐོག་ཏུ་འདོན་རྒྱུའི་བསྒྲིགས་གཞི་དང་འགལ་འདུག་སྙམ། 《 ཁྱི་རྒན་ཀུ་ཅོ་འདོན་པ་》ཞེས། ཁྱི་ཞེས་པའི་མིང་ཚིག་དེ་བེད་དཔྱོད་བཏང་འདུག

སྒོར་མོ་གཙོ་གཉེར་བྱེད་རྒྱུ་དེ་བཟོ་པ་དང་ཚོང་བ་ཚོའི་སྤྱིར་བཏང་གི་གཤིས་ཀ་ཞིག་ཡིན་པ་ལས། དམིགས་བསལ་ང་ཚོ་ལ་མཐོང་ཆུང་བྱས་པ་མ་རེད། འོན་གྱང་།
ངོ་རྒོལ་བྱེད་དང་མི་བྱེད་མི་སྒེར་རེ་རེའི་རང་དབང་རེད།

བོད་མི་རིགས་ཀྱི་ནང་པ་སངས་རྒྱས་པའི་རིག་གནས་འདི་རྒྱལ་ཁབ་གཞན་གྱི་སྐད་ཡིག་ནང་དུ་བསྒྱུར་པ་དེ་བོད་མི་རིགས་ཀྱི་རིག་གནས་བཙན་འཕྲོག་བྱས་པ་རེད།
དཔེར་ན། བོད་མི་རྣམས་བལ་ཡུལ་དུ་བསླེབས་ནས་ཁ་གདན་ཐགས་སྟངས་མོག་མོག་བཟོ་སྟངས་ཚང་མ་བལ་པོ་མིའི་ཤེས་ཚར་བ་དང་ནུབ་ཕྱོགས་སུ་བལ་པོ་ཁ་གདན་མ་གཏོགས་བོད་ཀྱི་ཁ་གདན་ལབ་ཀྱི་མི་འདུག

གནས་ཚུལ་འདིའི་རིགས་ནི་རང་གི་མི་རིགས་ཀྱི་རིག་གཞུང་ཕྱི་འདྲེན་བྱས་པ་རེད་སྙམ། ད་དུང་བོད་སྨན་བཟོ་གྲྭ་ཡང་སུད་སི་ནང་དུ་ཡོད། བོད་མི་རིགས་ལ་ལྟོ་གོས་སྒྲུབ་བྱེད་རིག་གཞུང་ཏོག་ཙམ་ཡོད་པ་དེ་ཡང་ཕྱི་མི་ལ་སྤྱིན་པ་གཏོང་བ་འདི་ནི་བོད་མི་རིགས་ཀྱི་ཆེད་དུ་ཡག་པོ་རྩ་བ་ནས་མ་རེད་སྙམ།

བོད་ཀྱི་གཏམ་དཔེར།
སྣམ་ཐགས་གཞན་ལ་མ་སློབ་ཨ།
སྣམ་ཐགས་གཞན་གྱི་ཤེས་སོང་ན།
རྒྱས་མ་སུ་ལ་ལབ་དགོས་རེད། ཞེས་ལབ་སྲོལ་ཡོད་པར་བཞིན་རེད།

རྩོམ་སྒྲིག་པ་ལུང་རིག་རྒྱལ་ལགས་ཀྱིས་སྔོན་མ་ཞིག་ལ་བོད་ཡིག་གི་སྟེང་ན་ཟ་རྒྱུ་ཡོད་ན་ཅི་མ་རུང་ཟེར་བ་དེ་ད་དུང་སེམས་ལ་གསལ་ལམ་མེར་འདུག སྤྱིར་བོད་ཡིག་གཙོས་པའི་རང་རེའི་རིག་གཞུང་འདིའི་སྟེང་ན་ཟ་རྒྱུ་འཐུང་རྒྱུ་འབེལ་བོ་ཞིག་ཡོད་ཐག་ཆོད་རེད། ཚོང་ལས་ཁང་འདི་ཚོས་ཀྱང་ཟ་རྒྱུ་འཐུང་རྒྱུ་འདི་མཐོང་ནས་ལས་ཀ་འདི་ཚོ་བྱེད་ཀྱིན་ཡོད་པ་ལོས་ཡིན། ང་ཚོས་རང་གིས་ཟ་མི་ཐུབ་པའི་ཐོག་ལ་འདི་འདྲ་བྱས་ནས་གཞན་ལ་ཡང་ཟ་མི་འཇུག་པ་འདིས་སུ་ལ་ཕན་ཐོགས་རྒྱུ་ཡིན་ནམ། བལ་ཡུལ་ན་བླ་མ་ཁྲོ་ནི་LamaTonyཟེར་བའི་དབྱིན་ཇིའི་མི་ཞིག་ཡོད། ཁྲོ་ནི་བོད་ཡིག་ཟེར་བའི་གློག་ཀླད་ཡིག་གཟུགས་ཞིག་ཀྱང་བཟོས་ནས་ཁྱབ་སྤེལ་ཅུང་ཆེན་པོ་བྱུང་ཡོད་པ་དེ་རེད། ཁོང་ཚོ་པདྨ་དཀར་པོ་ཟེར་བའི་ཡིག་སྒྱུར་ཚོགས་པ་ལྟ་བུ་ཞིག་ཡོད་པ་དེ་ཚོས་ཉེ་ཆར་དེབ་བཅུ་དགུ་བསྒྱུར་ནས་ཁྲོམ་རར་བཀྲམ་ཡོད་ཚུལ་ངའི་གློག་སྒམ་དུ་ཡང་འཕྲིན་ཡིག་འབྱོར་ཡོང་གིན་འདུག དེབ་དེ་ཚོ་ཚང་མ་རང་རེའི་བོད་ཀྱི་ཆོས་དཔེ་ཤ་སྟག་རེད། གོང་ཡང་ཆེན་པོ་བྱས་ནསའཚོང་གིན་འདུག ད་དེབ་དེ་ཚོའི་དཔར་བསྐྲུན་བདག་དབང་དེ་བླ་མ་ཁྲོ་ནི་རང་གིས་བཟུང་འདུག དོན་དངོས་ཡོད་ལ་དབྱིན་ཇི་བ་དེ་ཚོས་བོད་ཡིག་གི་དེབ་དེ་ཚོ་བསྒྱུར་ཆོག་པའི་གནང་བ་སུ་ལ་ཡང་ཞུས་ཡོད་པ་མ་རེད། ད་བསྒྱུར་ཟིན་པའི་དེབ་དེ་ཚོ་གཞན་སུས་ཀྱང་བསྐྱར་དཔར་སོགས་མི་ཆོག་པའི་བདག་དབང་དེ་རང་རང་གིས་འཛིན་དགོས་དོན་གང་ཡིན་ནམ། དོན་དངོས་ཡོད་ཡིན་ན་བོད་ཡིག་གི་སྟེང་གི་ཆོས་དཔེ་དེ་ཚོའི་དེབ་དཔར་བསྐྲུན་གྱི་བདག་དབང་དེ་བོད་པའི་བླ་གྲྭ་རྣམ་པ་རང་གིས་འཛིན་ཐུབ་པ་ཞིག་བྱུང་རུང་རང་རང་གི་དགོན་པ་གྲྭ་ཚང་མང་པོ་ཞིག་གི་ལྟོ་གོས་འཁྱོལ་བར་སེམས་ཁྲལ་མི་དགོས་ཐག་ཆོད་རེད། ཕྱི་རྒྱལ་ན་ཡོད་པའི་བོད་བརྒྱུད་ནང་བསྟན་གྱི་ཆོས་ཚོགས་ཟེར་བ་དེ་ཚོའི་ཡང་ཁེ་བཟང་ཕལ་ཆེ་བ་ཕྱི་རྒྱལ་བའི་ལག་པ་ལ་ཤོར་འགྲོ་བ་མ་གཏོགས་བོད་མི་རང་གི་ལག་ཏུ་ལོན་མཁན་དཀོན་པོ་རེད་བསམ། གནད་དོན་དེ་ལྟར་ཡིན་སྟབས་ཉེ་ཆར་རྒྱལ་བ་རིན་པོ་ཆེ་ཕྱི་རྒྱལ་དུ་ཆིབས་བསྒྱུར་སྐབས་ཀྱི་ཁེ་བཟང་གི་སྐོར་ཞིག་ང་ཚོས་གླེང་མ་ཐག་པ་དེ་ལྟ་བུ་རེད། ང་ཚོས་རང་གི་རིག་གཞུང་ཅིག་ཅིག་མིག་མིག་ཟེར་ནས་གུས་བཀུར་ཆེན་པོས་སྤྱི་གཙུག་ཏུ་ཉར་ཡོད་སྣང་ཤར་ཡང་ཕྱི་མི་ཚོས་ཁྲོམ་རའི་སྒང་ལ་གནའ་ནས་བསྐྱལ་ཟིན་འདུག ད་ནི་ང་ཚོས་ཀྱང་མགོ་ལ་སྦྱར་དགོས་ན་འདྲ། རྐང་པ་ལ་སྦྱར་དགོས་ན་འདྲ། རྐུབ་ལ་སྦྱར་དགོས་ན་འདྲ། རིག་གཞུང་གི་ཚོང་ལས་འདི་བཀག་འགོག་མི་བྱེད་པར་བཟོ་ཚོང་ཁང་ཆེ་ཁག་དང་མཉམ་འབྲེལ་ལ་འབད་ནས་དེའི་ཕྱོགས་ཀྱི་ཁེ་བཟང་ཞིག་རང་ཕྱོགས་སུ་འགུགས་པར་བསམ་བློ་རེ་གཏོང་དགོས་པ་མ་རེད་དམ།

སྤོབས་པ་མཐའ་ཡས་ལགས་བཀྲ་ཤིས་བདེ་ལེགས་ཞུ།

སྤུན་གྲོགས་མང་པོ་ཞིག་གིས་སངས་རྒྱས་ཀྱི་འདྲ་པར་དང་གཟུངས་སྔགས་ལྷམ་ལ་བཀོད་འདུག་ཟེར་ནས་ཁོང་ཁྲོ་ལངས་ཀྱིན་ཡོད་པར་འདྲ།
ཁྱེད་རྣམ་པ་ལ་རྐང་པ་བཙོག་པ་ཡིན་པ་དང་མགོ་གཙང་མ་ཡིན་པས་རྒྱུ་མཚན་ཅི་ཞིག་བཤད་ཀྱི་ཡོད་དམ། རོ་སྟོད་གཙང་བ་དང་རོ་སྨད་བཙོག་པ་བརྩི་པའི་ལུགས་སྲོལ་འདི་ནི་མུ་སྟེགས་པའི་ཆོས་ལུགས་རེད་ཞེས་དགེ་ཆོས་མཆོག་གིས་འདོད་པའི་བསྟན་བཅོས་ལས་གསུངས།

གལ་སྲིད་སངས་རྒྱས་ཀྱི་འདྲ་པར་དང་གཟུངས་སྔགས་རྣམས་ཞྭ་མོ་ལ་བཀོད་ཡོད་ན་འགྲིག་པ་འདུག་གམ། ལུང་རིག་དང་རྒྱུ་མཚན་ལ་རྒྱབ་བརྟེན་བཅོལ་ས་མེད་པའི་ལྷམ་བཙོག་པ་དང་ཞྭ་གཙང་མ་ཡིན་པར་འདོད་པའི་མུ་སྟེགས་པའི་ལུགས་སྲོལ་འདི་ཡང་བོད་ཀྱི་ནང་པའི་ལུགས་སྲོལ་ཡིན་མདོག་བྱས་ནས་བཟོ་གྲྭ་དེར་ཡིག་འབྲེལ་བྱས་ཡོད་ན་ཤུན་ཏུ་ནས་ནོར་བ་རེད་སྙམ།

ཡང་ན་ཁྱེད་རྣམ་པ་ལ་མགོ་གཙང་མ་ཡིན་པ་དང་རྐང་པ་བཙོག་པ་ཡིན་པས་བོད་ཀྱི་ནང་པ་སངས་རྒྱས་པའི་ལུང་དང་རིག་པའི་སྒྲུབ་བྱེད་འདྲ་ཡོད་དམ།

ངས་ལྟས་ན་སྤོགས་པ་མཐའ་ཡས་ལགས་ཀྱིས་གསུངས་པར་དེར་དངོས་ཡོད་རེད་སྙམ། རྒྱབ་སྐྱོར་ཡོད། ཁྱེད་རྣམ་པས་འདོད་པར་ལྟར་ན་བོད་ཡིག་འདི་རོ་སྨད་ཀྱི་གྱོན་གོས་ལ་བྲིས་མི་རུང་འདུག་པས་བོད་རྒྱལ་གྱིས་ལྷམ་གོ་བཟོ་དུས་ཡི་གེ་ཅི་ཞིག་བྲིས་རྩིས་ཡོད་དམ། རྒྱ་ཡིག་་་་་འོ་ན་དབྱིན་ཡིག་བྲིས་རྩིས་ཡོད་དམ།

ནང་ཆོས་ཀྱི་གོ་བ་ཡང་ཡག་པོ་ཞིག་མ་ལེན་འཇིག་རྟེན་འདིའི་རིག་གནས་ཡང་ཡག་པོ་ཞིག་མ་ཤེས་ནས་མི་གཞན་ལ་འདི་འགྲིག་འདི་མི་འགྲིག་གསུངས་ཀྱི་བཞག་ན་བསམ།

བཟོ་ལས་ཁང་དེ་དང་ལྷག་པར་རི་མོ་བ་དེ་ལ་དེ་ལས་ངོ་རྒོལ་དགོས།དེ་ཡང་བོད་པ་གཅིག་བུ་མ་ཡིན་པར་ནང་པ་ཡོངས་ཀྱི་ངོ་རྒོལ་བྱེད་དགོས།སྤོབས་པ་ལགས་ཁྱོད་ཀྱིས་བྱང་ཆུབ་སེམས་པ་ཡིན་མདོགས་དང་མཁས་མདོགས་མ་བྱེད་དང་།།དེ་ཡི་བོད་དོན་ཁྱབ་སྒྲགས་མི་ཕན་ལ་ཆོས་ཀྱི་ཁྱབ་སྒྲགས་དེ་ལས་མེད།དེ་ནི་ཚོང་པ་རྣམས་ཀྱི་ཚོང་ཟོལ་རེད།བོད་དོན་ཁྱབ་སྒྲགས་བྱས་ས་རྐང་ལྷམ་མ་གཏོགས་མ་རག་པ་ཡིན་རྒྱུ་མ་རེད།
རྐང་ལྷམ་ལ་སངས་རྒྱས་ཀྱི་འདྲ་སྐུ་དང་གཟུངས་སྔགས་རྣམས་བཀོད་པ་དེ་ཁྱབ་སྒྲགས་་ཀྱི་ཆེད་དུ་ཡག་པོ་ཞིག་ཡིན་ན་སྔར་རྒྱ་གར་གྱི་རྩོམ་ཡིག་མང་པོ་ཁྱི་རྔ་ལ་བཏགས་ནས་བཏང་བ་རེད་ཟེར་བ་དེ་ཡང་ལ་ལུང་ཀུན་ལ་ཁྱབ་བསྒྲགས་ཀྱི་ཆེད་དུ་ཡག་པོ་ཞིག་ཡིན་རྒྱུ་རེད།སང་ཚང་ཁྱོད་ཀྱིས་གསུངས་ལ་ནམ་ཡང་ངོས་ལེན་མེད་ལ་བཟོ་གྲྭ་དེ་དང་རི་མོ་བ་ཁྱོད་རང་བཙས་ལ་ངོ་རྒོལ་ཡོད།
ངོ་རྒོལ་བྱེད་མཁན་རྣམས་ལ་རྒྱབ་སྐྱོང་དང་ཐུགས་ཆེ་ཞུ་བ་མ་ཟད།མུ་མཐུད་ནས་དེ་རིགས་ལ་ངོ་རྒོལ་བྱ་དགོས་ཞུ་རྒྱུ་ཡིན།

མི་ཆུང་ལགས།
ང་ཚོ་ལ་ངོ་རྒོལ་བྱེད་ན་བྱེད་ས་ཡོད་པ་རེད། ངར་ཐུབ་ན་ངར་ས་ཡོད་པ་རེད། ལ་ཕར་རྒྱབ་ན་ཕ་གསོད་ཀྱི་ལག་དམར་ཡོད་པ་རེད། དེའི་ཐོག་ལ་རྒྱུག་ཐུབ་ན་དེ་གས་འགྲིག་གི་རེད། ངས་ཁོང་ཚོས་བྱེད་སྟངས་དེ་འགྲིག་གི་རེད་ཟེར་གི་མེད། ཟིང་ཆ་བསླང་ན་ཡག་པོ་མི་འདུག་ཟེར་གྱིན་ཡོད། དེའི་ཁྱད་པར་མཁྱེན་པ་གནོངས། མ་འགྲིག་ས་ཆ་ཚང་ལ་ང་ཚོས་ངོ་རྒོལ་བྱེད་ཐུབ་ཡག་ཡོད་པ་མ་རེད་ལ་དགོས་པ་ཡང་ཡོད་པ་མ་རེད། ཕན་ཐོག་ཡོད་མེད་ལ་ལྟ་དགོས་པ་རེད།

སྤོབས་པ་མཐའ་ཡས་ལགས།

ཕྱི་རྒྱལ་གྱི་བཟོ་ཚོང་ལས་ཁུངས་དེས་རང་རེའི་སྟོན་པ་དང་བླ་མ་རྣམ་པར་མཐོང་ཆེན་དང་དགའ་མོས་བྱས་ཏེ་ལྷམ་ཡན་ཆད་ཀྱི་སྟེང་དུ་བཀོད་ཅེས་པ་དེར་འཐད་པ་མ་བྱུང་།

དེང་སྐབས་ཀྱི་ཁྲོམ་ར་ནི་འགྲན་རྩོད་དང་དཔེ་གསར་གྱི་ལམ་དུ་ཕྱོགས་ཡོད་པ་རེད། འགྲན་རྩོད་དང་དཔེ་གསར་གྱི་རྨང་གཞི་ནི་གསར་གཏོད་ལ་ཐུག་ཡོད་པ་རེད། དེར་བརྟེན། ནུབ་ཕྱོགས་ཀྱི་ཟོང་པ་ཚོས་ནང་བ་སངས་རྒྱས་པའི་ཆོས་དང་དེའི་མཚོན་དོན་རི་མོ་སོགས་གོས་ཀྱི་རི་མོ་དང་ལུས་ཀྱི་རི་མོ་སོགས་སུ་འགོད་པ་ནི་དཔེ་གསར་དང་། གནས་སྐབས་ཀྱི་དར་སྲོལ་གྱི་དབང་དུ་བྱས་པ་ལས་དགའ་མོས་དང་མཐོང་ཆེན་བྱས་ཏེ་དེ་ལྟར་བཀོད་པ་ཡིན་རྒྱུ་མ་རེད་འདོད།

བོད་རིགས་སྐོར་ཞིག་གིས་དེའི་ཐད་མི་འདོད་པའི་སྐད་ཅོར་བརྒྱབ་པ་དེ་ཡང་ཉིད་ཀྱིས་ཚ་འདྲི་བྱས་པ་བཞིན། ཡང་མིན་ན་ཆོས་ཀྱི་དབང་དུ་བྱས་པ་དང་། དེ་མིན་ན་སྲིད་ཀྱི་དབང་དུ་བྱས་པ་གང་ཡང་མིན་པར་འདོད།

ཁོང་ཚོས་གནད་དོན་འདི་རིག་གཞུང་གི་ལྟ་ཚུལ་ཞིག་གི་ཐོག་ནས་གླེང་ཞིང་། དོན་དུ་མི་རིགས་ཀྱི་འདུ་ཤེས་དང་ཞེན་ཁོག་ཅིག་ཕྱིར་མངོན་ཐབས་བྱས་པ་རེད་འདོད། སྣང་ཚུལ་འདི་བོད་ཕྱི་ནང་གང་དུའང་སླེབ་བཞིན་ཡོད་ལ། ད་ལྟའི་བོད་མི་རིགས་དང་བོད་ཀྱི་རིག་གཞུང་གི་གནས་བབ་ཐད་ནས་བསམ་ན། བོད་རིགས་གཞོན་སྐྱེས་ཚོའི་བཅའ་སྟངས་འདི་ནི་འོས་པ་ཞིག་ཀྱང་རེད་འདོད་པ་ལས། འདི་རྨོངས་དད་རང་བཞིན་དང་རྗེས་ལུས་ཀྱི་སྦྱོར་བ་ཞིག་རེད་དྲན་གི་མེད།

སྤྱིར་བཏང་། བོད་མི་རིགས་ནི་ཨེ་ཤ་ཡའི་མི་རིགས་གཞན་དང་བསྡུར་ན་གུ་ཡངས་པོ་དང་། ཡ་མེད་ཚ་པོ་དེ་འདྲ་ཞིག་རེད་འདོད། ཡིན་ཡང་། རང་གི་རིག་གཞུང་གི་ཕྱོགས་ནས་དེང་སྐབས་བོད་རིགས་གཞོན་སྐྱེས་ཚོས་སྣ་ཁ་སྒོར་མོ་ནས་འགན་རྐང་ལེན་གྱི་བསམ་བློ་དང་། རང་དོན་རང་གཅེས་ཀྱི་བསམ་བློ་ཞིག་འཁྱེར་བཞིན་པ་ནི་དགའ་འོས་པ་ཞིག་རེད།

ལྟ་ཚུལ་འདི་འདྲ་ཞིག་གི་འོག་ནས་བསམ་ན། ཁ་ཉིན་བོད་རིགས་དང་། ཧི་མ་ལ་ཡའི་མི་རིགས་དང་སོག་པོ། འབར་མ་སོགས་ཚུད་པའི་ངྷ་སའི་དབྱིན་ཡིག་སློབ་ཕྲུག་ཚོགས་པ་ཞེས་པ་ཞིག་གིས་ཕྱི་རྒྱལ་གྱི་བཟོ་ཚོང་ལས་ཁུངས་དེར་ངོ་རྒོལ་གྱི་ལས་འགུལ་སྤེལ་རྒྱུ་ཡིན་ཅེས་བཤད་པ་དེ་ནི་རྒྱབ་སྐྱོར་བྱ་འོས་པ་ཞིག་རེད་འདོད་ཡོད།

ལྷག་པར་དུ་ཉིད་ཀྱིས་བཤད་པ་ལྟར་བཟོ་ཚོང་ལས་ཁུངས་དེས་ཁོང་ཚོར་དགོངས་དག་ཞུས་ཡོད་ན་དེ་བས་ཀྱང་ཡག་པོ་རེད། དང་པོ་དེར་གཞོན་སྐྱེས་ཚོར་འདི་ལྟའི་ཞི་བའི་ལས་འགུལ་སྤེལ་བའི་གོམས་གཤིས་འཇགས་དགོས་པ་དང་། གཉིས་པ་དེར། ཁོང་ཚོའི་ལས་འགུལ་འདི་ཐོག་མ་ལྟ་བུ་ཞིག་ཡིན་ཚོད་འདུག་པས། ལས་འགུལ་ཐེངས་དང་པོ་དེར་རྒྱལ་ཁ་ཐོབ་པ་ཡིན་ན་མ་འོངས་པར་ཡང་ལས་འགུལ་སྤེལ་དང་། ལས་ཀ་དང་དུ་ལེན་སྟངས་ལ་ཁྱད་པར་ཆེན་པོ་ཡོད་པ་རེད།

སྤོབས་པ་དང་རི་བོང་། གནམ་ལྕགས་བཅས་ཀྱི་གོ་བར་བྱ་བ།

གཏམ་སྣ་བར་འགྲོ་ཚོད་དང་། །ཆུ་ཡུ་བར་ཤོང་ཚོད།། བཞིན་བྱ་འགུལ་གང་ལ་ཡང་སྐབས་དང་དུས། མཚམས་དང་ཚོད་ཅིག་དགོས་ངེས་རེད། སྤོབས་པ་ལགས་ཀྱི་དེ་འགྲིགས་སོང་ན། གོས་ཐུང་གི་འཕོངས་ཚོས་གཉིས་སུ་༸གོང་ས་མཆོག་དྲིལ་བསྒྲགས་ཀྱི་ཆེད་སྐུ་པར་རེ་བརྒྱབས། ལྷམ་ནང་དུ་འཇུག་བྱེད་ལྷམ་མཐིལ་སྟེང་སྟོན་པ་སངས་རྒྱས་ཁྱབ་བསྒྲགས་ཆེད་པར་བཀོད་ན་ཡང་། ང་ཚོས་བཟོད་གོམས་བྱེད་དགོས་སམ། ངས་ནི་དེར་བཟོད་གོམས་བྱེད་མི་ཐུབ།

ལར་ནས་དེ་ལྟར་པར་གང་བྱུང་དུ་བརྒྱབས་པ་དེ་ནང་ཆོས་དང་ང་ཚོ་ཁྱབ་བསྒྲགས་བྱེད་ཀྱིན་ཡོད་དམ། ཡང་ན་ཁོང་ཚོའི་དངུལ་བཟོ་ཆེད་རེད། གལ་སྲིད་ང་ཚོ་དང་ནང་ཆོས་ཁྱབ་བསྒྲགས་བྱེད་ཀྱིན་ཡོད་ཀྱང་། ཐབས་ལམ་དེ་ལས་ཡག་པ་བགྲངས་ཀྱིས་མི་ལང་པ་ཡོད།

ད་དུང་སྤོབས་པ་ལགས་ཀྱིས། གསང་སྔགས་ཀྱི་སྐོར་ནས་གསུངས་ཀྱི་འདུག རྒྱལ་པོའི་ཕོ་བྲང་ནང་གི་གནས་ཚུལ་དང་ཕལ་པའི་ཁྱིམ་ཚང་ནང་གི་གནས་སྟངས་གཉིས་ཐ་དད་རེད། གསང་སྔགས་ཟེར་བ་འདི་དང་འཇིན་རྟེན་ཐུན་མོང་གི་ལྟ་ཚུལ་ཡང་རྦད་དེ་ཐ་དད་རེད། སྤོབས་པ་ལགས་ངས་ཁྱེད་ལ་འདྲི། གལ་ཏེ་དགོན་སྡེའི་ནང་གྲྭ་པ་རེར། གསང་སྔགས་ཉམས་ལེན་བྱེད་ཀྱི་ཡོད་ཅེས། རིག་མ་འམ་ཕྱག་རྒྱ་མ། ཕལ་མིང་ནས་བརྗོད་ན། བུད་མེད་རེ་བླངས་ནས་གསང་སྔགས་ཀྱི་ལམ་ལ་འཇུག་གི་ཡོད་ཅེས་ན། ཁྱེད་དང་ང་ཚོའི་མི་མང་ཚོས་ཁོ་ཚོར་ཡག་ཉེས་ཅི་ཞིག་བརྗོད་ཀྱི་རེད་དམ། འདིས་ཆོག་པར་བྱས།

དྲ་གྲོགས་སྤོབས་པ་མཐའ་ཡས་ལགས།
ཆ་ཚང་ཀློག་ཟིན་རྒྱབ་སྐྱོར་ཡོད། དེ་ཙམ་ཞིག་ལ་བཟོད་སྒོམ་བྱེད་མ་ཐུབ་ན་གང་ཡོང་། མ་གཞི་བཟོ་གྲྭ་དེའི་ང་ཚོ་ལ་མཐོང་ཆུང་བཏང་བ་མ་ཡིན་པ་ཚོད་དཔག་བྱེད་ཐུབ་པ་མ་ཟད་གཅིག་བྱས་ན་རྒྱབ་སྐྱོར་གྱི་རྣམ་པ་བསྟན་པའང་ཡིན་སྲིད། དེའི་ཕྱིར་ཟིང་བསླང་དགོས་དོན་མི་འདུག་སྙམ། ཁོང་ཚོའི་བྱེད་སྟངས་དེ་ནི་བསྟན་པའི་བདག་པོའི་དགོངས་པ་འགལ་བ་ཞིག་ཀྱང་རེད། མ་གཞི་ནས་བོད་པ་ཚོས་ངོ་རྒོལ་བྱེད་དགོས་ས་ལ་བྱེད་མི་ཐུབ། བྱེད་མི་དགོས་ས་ལ་ངར་གི་རེད། ན་ནིང་ཝང་ལིས་ཞུང་ལ་ངོ་རྒོལ་བྱས་པ་དང་གཅིག་པ་རེད།