ལོ་རྒྱུས་ཐོག་གསེར་བུམ་དཀྲུགས་ཏེ་ངོས་འཛིན་བྱེད་པའི་སྤྲུལ་སྐུ་རྣམས་ཀྱི་ཡང་སྲིད་ངོས་འཛིན་ཐད་གསེར་བུམ་དཀྲུགས་འདོན་ལག་ལེན་བྱ་རྒྱུ་ཞེས་འཁོད་པ་ནི་རྒྱ་དམར་གཞུང་གིས་སྐབས་སོ་སོའི་དགོས་མཁོ་དང་བསྟུན་རང་འདོད་བསྒྲུབ་རྒྱུའི་ཐབས་ལམ་ཞིག་རེད་ཅེས་བཙན་བྱོལ་བོད་གཞུང་གིས་རྒྱ་གཞུང་ལ་སྐྱོན་བརྗོད་བྱས་ཡོད།
ཟླ་འདིའི་ཕྱི་ཚེས་ ༤ ཉིན་བོད་རང་སྐྱོང་ལྗོངས་ཏང་ཨུའི་རྒྱུན་ཨུ་དང་བོད་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ། བོད་རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་གཞོན་པ། བོད་རང་སྐྱོང་ལྗོངས་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་བློ་བཟང་རྒྱལ་མཚན་དང་། བོད་རང་སྐྱོང་ལྗོངས་མི་དམངས་སྲིད་གཞུང་གི་ཆེད་མངགས་འཐུས་མི་བློ་བཟང་འཇིགས་མེད་བཅས་བོད་རང་སྐྱོང་ལྗོངས་ཀྱི་གནད་ཡོད་མགོ་ཁྲིད་དང་ཆོས་ལུགས་གནད་ཡོད་མི་སྣ་ལྷན་འཛོམས་ཐོག རྒྱ་གཞུང་གི་ངོས་འཛིན་བྱས་པའི་པཎ་ཆེན་རྒྱལ་མཚན་ནོར་བུས་ལྷ་ལྡན་གཙུག་ལག་ཁང་གི་ཇོ་བོ་ཤཱཀྱ་མི་ནེའི་སྐུ་མདུན་དུ་གསེར་བུམ་དཀྲུག་འདོན་མཛད་དེ། ༢༠༠༥ ལོར་ལྷོ་ཁ་ལྷུན་རྩེ་རྫོང་དུ་ཡབ་སྐལ་བཟང་དབང་འདུས་དང་། ཡུམ་པངྨ་ལྷ་འཛོམས་གཉིས་ཀྱི་བུ་བློ་བཟང་རྡོ་རྗེ་ཞུ་བ་སྡེ་དྲུག་སྐུ་ཕྲེང་ལྔ་བའི་ཡང་སྲིད་དུ་ངོས་འཛིན་བྱས་ཡོད་འདུག་ལ། རྒྱ་ནག་གཞུང་གིས་ཐེངས་འདིར་གསེར་བུམ་དཀྲུགས་ཏེ་ངོས་འཛིན་བྱས་པའི་སྡེ་དྲུག་སྤྲུལ་སྐུའི་ཡང་སྤྲུལ་འཁྲུལ་མེད་ཡིན་པའི་ཁྱབ་བསྒྲགས་བྱས་ཡོད་ཀྱང་། ཟླ་འདིའི་ཕྱི་ཚེས་ ༧ ཉིན་བཙན་བྱོལ་བོད་གཞུང་ཆོས་རིག་ལྷན་ཁང་གིས་རྒྱ་ནག་གི་ཡང་སྤྲུལ་ངོས་འཛིན་བྱེད་ཐབས་ལ་ངོས་ལེན་མེད་པའི་བསྒྲགས་གཏམ་ཞིག་སྤེལ་ཡོད་ལ། དེའི་ནང་། རྒྱ་ནག་གཞུང་གིས་བོད་རྒྱུད་ནང་བསྟན་གྱི་སྤྲུལ་སྐུའི་ཡང་སྲིད་ངོས་འཛིན་དོ་དམ་བྱེད་ཐབས་ཞེས་པའི་བཀའ་ཨང་ལྔ་པ་དང་དོན་ཚན་ ༡༤ ཡོད་པའི་ཡིག་ཆ་ཞིག་འགྲེམས་སྤེལ་གྱིས་ ༢༠༠༧ ལོའི་ཟླ་ ༩ ཚེས་ ༡ ནས་ལག་བསྟར་བྱ་རྒྱུ་ཡིན་ཚུལ་བརྗོད་ཡོད་ཀྱང་། བཙན་འོག་ཏུ་ཡོད་པའི་བོད་རིགས་རྣམས་ལ་མཚོན་ན་དེ་ནི་མ་ཉེས་ཁ་གཡོག་གིས་གདུག་རྩུབ་དྲག་གནོན་བྱ་རྒྱུའི་ལག་ཆ་ཆེན་པོ་ཞིག་དང་། ལོ་རྒྱུས་ནང་འཁྱོགས་བཤད་ཀྱི་གཞི་རྩར་འགྲོ་རྒྱུ་ཡིན་སྟབས་ངོས་ལེན་མེད་ཅེས་བསྒྲགས་གཏམ་སྤེལ་ཡོད་འདུག་ལ།
དེ་བཞིན། སྤྲུལ་སྐུ་ངོས་འཛིན་བྱེད་ཚུལ་དར་བ་ནས་ལོ་ངོ་བརྒྱ་ཕྲག་མང་པོའི་རིང་བླ་མ་སོ་སོའི་ཞལ་སློབ་དང་། རང་གི་གདན་སའི་སྣེ་མོ་བ་རྣམས་ཀྱིས་དད་པ་དང་དམ་ཚིག་གིས་རང་དབང་དུ་སྤྲུལ་སྐུ་ངོས་འཛིན་བྱེད་པ་ལས། རྒྱལ་ཁབ་དང་སྒྲིག་འཛུགས་ཀྱི་བཀའ་འཁྲོལ་ཞུ་དགོས་པའི་དུས་ཚོད་བྱུང་མ་མྱོང་། སྤྲུལ་སྐུ་ངོས་འཛིན་ཞེས་པ་ནི་གོང་རིམ་གྱིས་བསྐོ་གཞག་གམ། མང་ཚོགས་ཀྱིས་འདེམས་སྒྲུག ཡང་ན་གདན་ཐོབ་དང་གོ་གནས་སྤྱིན་པ་ལྟ་བུ་མ་ཡིན་པར་སྐུ་གོང་མ་དེ་ཉིད་སླར་ཡང་སྐྱེ་བ་གང་དུ་བཞེས་པ་དེ་འཚོལ་སྒྲུབ་བྱེད་རྒྱུ་ཡིན་སྟབས། དེ་ནི་སྤྲུལ་སྐུ་རང་ཉིད་ཀྱིས་སྔོན་གནས་རྗེས་དྲན་གྱི་དན་རྟགས་དང་། མངོན་ཤེས་ཅན་གྱི་བླ་མའམ་ལྷ་སྲུང་། ཡང་ན་ཆོས་ཕྱོགས་ཀྱི་བརྟག་དཔྱད་བྱ་བའི་ཐབས་ལམ་གཞན་དག་བརྒྱུད་ནས་ངོས་འཛིན་བྱ་རྒྱུ་མ་གཏོགས། མཐུན་ཚོགས་དང་སྲིད་གཞུང་སོགས་ཀྱིས་བྱ་ཐབས་ནམ་ཡང་མེད་ཅེས་བཀོད་ཡོད་པར་མ་ཟད། རྒྱ་ནག་གི་སྤྲུལ་སྐུ་ངོས་འཛིན་བྱེད་ཐབས་ཀྱི་དམིགས་ཡུལ་གཙོ་བོ་ནི། བོད་རྒྱུད་ནང་བསྟན་ཉམས་དམས་གཏོང་རྒྱུ་དང་གཞུང་བསྐོས་སྤྲུལ་སྐུ་རྣམས་བརྒྱུད་དེ་བོད་རིགས་ལ་དབང་སྒྱུར་བྱེད་རྒྱུའི་ཕུགས་རེ་བཅང་ཡོད་པར་མ་ཟད། ལོ་རྒྱུས་ཐོག་གསེར་བུམ་དཀྲུགས་ཏེ་ངོས་འཛིན་བྱེད་པའི་སྤྲུལ་སྐུ་རྣམས་ཀྱི་ཡང་སྲིད་ངོས་འཛིན་ཐད་གསེར་བུམ་དཀྲུགས་འདོན་ལག་ལེན་བྱ་རྒྱུ་ཞེས་འཁོད་པ་ནི་རྒྱ་དམར་གཞུང་གིས་སྐབས་སོ་སོའི་དགོས་མཁོ་དང་བསྟུན་རང་འདོད་བསྒྲུབ་རྒྱུའི་ཐབས་ལམ་ཞིག་དང་། ཡ་རབས་བཟང་སྤྱོད་གང་ལའང་མ་བསྟུན་པར་གཞུང་གཅིག་གིས་སྐབས་སོ་སོའི་སྲིད་དོན་གྱི་དགོས་མཁོ་དང་བསྟུན་ཏེ་ཐག་གཅོད་བྱས་པ་ཞིག་རེད་ཅེས་བསྒྲགས་གཏམ་སྤེལ་ཡོད་པ་རེད།
རྒྱ་ནག་གིས་བོད་བརྒྱུད་ནང་བསྟན་གྱི་ཡང་སྲིད་ངོས་འཛིན་བྱེད་ཕྱོགས་ཐད་བཙན་བྱོལ་བོད་གཞུང་ཆོས་རིག་ལས་ཁུངས་ཀྱིས་ ༢༠༠༧ ལོའི་ཟླ་ ༧ པའི་ཚེས་ ༡༨ ཉིན་རྒྱ་ནག་གི་སྤྲུལ་སྐུ་ངོས་འཛིན་དོ་དམ་བྱེད་ཐབས་ཞེས་པའི་ཡིག་ཆ་བཏོན་པ་དེ་ཆོས་སྲིད་གང་དང་མི་མཐུན་པའི་སྐོར་བརྗོད་ཡོད་པར་མ་ཟད། ལོ་དེའི་ཟླ་ ༩ བའི་ཚེས་ ༢ ཉིན་བཙན་བྱོལ་བོད་གཞུང་ཆོས་རིག་ལྷན་ཁང་གཙོས་བོད་ཀྱི་ཆོས་རྒྱུད་ཆེན་པོ་བཞི་དང་གཡུང་དྲུང་བོན་བཅས་པའི་བླ་ཆེན་རྣམ་པས་དོན་ཚན་བདུན་ཅན་གྱི་ངོས་ལེན་མེད་པའི་བསྒྲགས་གཏམ་ཤིག་སྤེལ་ཡོད་འདུག་ལ། ༢༠༠༨ ལོའི་ཟླ་ ༥ བའི་ཚེས་ ༣ ཉིན་དམིགས་བསལ་ཚོགས་ཆེན་དང་སྟབས་བསྟུན་ཏེ་ཆོས་བརྒྱུད་ཁག་གི་བླ་ཆེན་རྣམ་པས་རྒྱ་གཞུང་གི་ཡིག་ཆ་དེར་ངོས་ལེན་མེད་པར་མ་ཟད། མ་འོངས་པར་བོད་ཀྱི་སྤྲུལ་སྐུའི་ཡང་སྲིད་དེ་ཆོས་བརྒྱུད་སོ་སོའི་ཆེས་མཐོའི་དབུ་ཁྲིད་ཀྱི་མཐའ་མའི་ཐག་གཅོད་མེད་ཚེ་སྤྲུལ་སྐུ་ཚད་ལྡན་དུ་ངོས་ལེན་མེད་པའི་གྲོས་ཆོད་བཞག་སྟེ་ཡོངས་ཁྱབ་གསལ་བསྒྲགས་ཤིག་ཀྱང་སྤེལ་ཡོད་པ་རེད།
གསར་འགོད་པ། དོན་གོ།
སྐུ་ངོ་བློ་བཟང་དཔལ་ལྡན་ལགས། བོད་སོག་ཁུལ་དུ་དར་པའི་སྤྲུལ་སྐུའི་ལམ་ལུགས་སམ་བླ་མ་ཆོས་ལུགས་ཞེས་པ་(喇嘛教)དེ་དང་། ས་བཅུ་རྣམ་ལྔ། དཀོན་མཆོག་རྣམ་གསུམ། སྤྱན་རས་གཟིགས་སོགས་ལ་འབྲེལ་བ་ཅང་ཨེ་ཡོད། བོད་ཀྱི་སྤྲུལ་སྐུ་ལམ་ལུགས་ནི་ཀརྨ་པཀྴི་ནས་འགོ་ཚུགས་ཤིང་དུས་རབས་བཅུ་གསུམ་པའི་དུས་འགོ་རེད། ཡོངས་གྲགས་ཁུངས་བཙན་གྱི་ཐེག་དམན་ལུགས་ལྟར་ན་ནང་པའི་ཆོས་ལུགས་དར་ནས་ད་བར་མི་ལོ་ཉིས་སྟོང་ལྔ་བརྒྱ་ལྔ་བཅུ་ལྷག་འགྲོ་བཞིན་པ་རེད། ད་འོ་ན་དུས་རབས་བཅུ་གསུམ་པའི་གོང་གི་ནང་ཆོས་དེ་ལ་སྐྱབས་འགྲོ་དང་སྤྱན་རས་གཟིགས་སོགས་མེད་སོང་བ་ཨེ་ཡིན། དེང་སྐབས་ཐེག་དམན་དར་ཡུལ་གྱི་རྒྱལ་ཁབ་དེ་དག་ལ་ཇི་ལྟར་འགྲེལ་རྒྱུ་ཡིན། ༧གོང་ས་མཆོག་གིས་ཀྱང་སྐུ་ཕྲེང་རྗེས་མ་དགོས་མི་དགོས་བོད་མི་དམངས་ཀྱིས་ཐག་གཅོད་བྱེད་ཀྱི་རེད་གསུངས་པ་གསན་ཡོད་ཀྱི་རེད། མཁས་དབང་ཟམ་གདོང་རིན་པོ་ཆེས་ཀྱང་ངས་རང་ཉིད་ཟམ་གདོང་སྐུ་གོང་མའི་ཡང་སྲིད་ཡིན་པའི་ངོས་འཛིན་དང་ཡིད་ཆེས་བྱེད་ཀྱི་མེད་ཅེས་ཆོས་ལུགས་དབུ་འཁྲིད་ཀྱི་ཚོགས་ཆེན་སྟེང་གསུང་བ་མ་གོ་བ་ཨེ་ཡིན། བདག་ཅག་གིས་ནང་ཆོས་སྦྱངས་མ་མྱོང་བས་ལོག་བཤད་འདྲ་ཡོད་ན་ཐོལ་ལོ་བཤགས།
ནོར། བཅོས།
རྒྱ་གཞུང་གི་ངོས་འཛིན་བྱས་པའི་པཎ་ཆེན་རྒྱལ་མཚན་ནོར་བུས རྒྱ་གཞུང་གིས
འཚོལ་སྒྲུབ་བྱེད་རྒྱུ་ཡིན་སྟབས བྱ་རྒྱུ
གཏམ་བཟང་གཏམ་བཟང་གཏམ་བཟང་ཡོད་སེང་རྡོར་དྲ་རྒྱ་འདས་ལོག་འཁྲུངས་འདུག་།
གཏམ་བཟང་གཏམ་བཟང་གཏམ་བཟང་ཡོད་སེང་རྡོར་དྲ་རྒྱ་འདས་ལོག་འཁྲུངས་འདུག་།
དྲ་གྲོགས་བློ་གྲོས་རྒྱལ་པོ་ལགས། ཁྱོད་ཀྱིས་རེད་ཡ། མ་གཞི་ནས་སྤྲུལ་སྐུའི་ཡང་སྲིད་ལམ་ལུགས་དེ་སྲིད་དོན་གྱི་དགོས་མཁོར་དམིགས་པ་ཞིག་མ་རེད་དམ། བཙན་བྱོལ་ཁྲོད་རང་གི་བུ་རབས་ཚ་བརྒྱུད་ཡོད་ཚད་སྤྲུལ་སྐུ་བཟོ་བཞིན་པ་དེ་ལའང་ཆོས་རིག་བཀའ་བློན་ནས་ལན་འདེབས་ཤིག་དགོས་ངེས་འདུག ད་ནི་བོད་མིས་རང་གིས་བཟོས་པའི་རལ་གྲིས་རང་སྲོག་གཅོད་ཀྱི་འདུག རང་གིས་རྡོ་ཡར་བཀྱགས་ནས་རང་གི་རྐང་པའི་སྟེང་ལ་གཡུག་གི་འདུག་ཞེས་པའི་བསམ་ཚུལ་འདི་སྤྲུལ་སྐུའི་ལམ་ལུགས་ལ་མོས་མཐུན་མེད་པའི་རྟགས་མཚན་ཆེ་ཙམ་ཞིག་འདུག དེ་མ་འགྲིག་པ་ཆེར་མེད་པའི་དབང་དུ་བཏང་སྟེ་དྲི་བ་ཞིག་དྲི་ཆོག་པ་ཞུ། མ་གཞི་ཁྱོད་ཀྱིས་ས་བཅུ་ལམ་ལྔ་སོགས་ཁས་ལེན་ནམ་མི་ལེན། དཀོན་མཆོག་གི་རྣམ་བཞག་ཁས་ལེན་ནམ་མི་ལེན། སྤྲུལ་སྐུ་ཞེས་པ་ཞིག་ཡོད་དམ་མེད། སྤྱན་རིས་གཟིགས་ཞེས་པ་ཞིག་ཡོད་དམ་མེད། མེད་ན་མེད་པའི་རྒྱུ་མཚན་དང་ཡོད་ན་ཡོད་པའི་རྒྱུ་མཚན་ཞིག་གསུངས་རོགས་ཞུ། དེ་མིན་མི་འདོད་པའི་ཐལ་བ་གཏོང་རྒྱུ་མང་དྲགས་ན་གཏོང་ས་ནོར་ཉེན་ཡོད།
༅་བོད་མི་མང་སྤྱི་་མཐུས་ཡོངས་དང་བཀའ་བློན་ཡོངས་སུ་
ཆར་ལ་ཉེ་བའི་མ་འོངས་བོད་དོན་ཚོགས་ཆེན་དེའི་ནང་
སྨན་རྩིས་ཁང་ནས་མཐུས་མི་གཅིག་ལས་མེད་དོན་ཅི་ཡིན་
ཡང་ན་སྨན་རྩིས་ཁང་ངོས་ནས་དོ་སྣང་དེ་ཙམ་མེད་པ་ཡིན་
ངའི་བསམ་པར་ཚོགས་པ་ཆེན་པོ་འདི་འདྲ་བ་ལ་ཉུང་ཐར་མི་ལྔ་ཙམ་དགོས་ངེས་ཡེན་
བཙན་བྱོལ་ནང་འདི་ལས་ཆེ་བ་གང་ན་
ཡོད་
བོད་རྒྱལ་ལོ
རེད་ཡ། མ་གཞི་ནས་སྤྲུལ་སྐུའི་ཡང་སྲིད་ལམ་ལུགས་དེ་སྲིད་དོན་གྱི་དགོས་མཁོར་དམིགས་པ་ཞིག་མ་རེད་དམ། བཙན་བྱོལ་ཁྲོད་རང་གི་བུ་རབས་ཚ་བརྒྱུད་ཡོད་ཚད་སྤྲུལ་སྐུ་བཟོ་བཞིན་པ་དེ་ལའང་ཆོས་རིག་བཀའ་བློན་ནས་ལན་འདེབས་ཤིག་དགོས་ངེས་འདུག ད་ནི་བོད་མིས་རང་གིས་བཟོས་པའི་རལ་གྲིས་རང་སྲོག་གཅོད་ཀྱི་འདུག རང་གིས་རྡོ་ཡར་བཀྱགས་ནས་རང་གི་རྐང་པའི་སྟེང་ལ་གཡུག་གི་འདུག་