མི་ཞིག་གིས་ཁྱེད་རང་ངོ་ཤེས་མིན་གྱི་གནད་དོན་དེ་ལས་གཞན་ཞིག་གང་ཡོད་ཟེར་ནས་རང་གི་ངོ་གདོང་སྐྱ་བོ་འདི་ལ་ཞིབ་དུ་བལྟས་དུས་སུ། དོན་དངོས་སུ་རང་ཉིད་ནི་གསང་སྤས་ཀྱི་དུར་སྒམ་ཞིག་གི་ནང་དུ་རུལ་ཚར་བའི་རུས་རྐང་ཞིག་ལས་གང་ཡང་མེད་པར་མཐོང་།
ཕན་ཚུན་གྱི་ཞེན་མདངས་ཟབ་མོ་ཞིག་གི་དབང་དུ་སོང་ཡོད་རྒྱུ་ན། ངས་ཀྱང་དེ་རིང་གི་གནམ་གཤིས་འདི་ཡང་བཟོད་བསྲན་མི་ཐུབ་པའི་སྔ་གཞུག་གི་སྨྱོ་ལ་ཁད་ཀྱི་སྣང་བརྙན་འདི་ཁྱེད་རང་གི་གམ་དུ་སྟོན་འདོད་ཅིག་གང་ནས་ཡོད།
དུད་དེ་འགྲོ་བ་ཡོད་ཚད་ནི་མི་ཤེས་ཤིང་། ཚོར་བ་མེད་པ། ཉེ་རིང་ཆགས་སྡང་མེད་པ་ཞིག་དུ་འདོད་ཀྱིན་པའི་ཁོར་ཡུག་ཞིག་ནས་རང་གི་དུར་ས་ལྟ་བུའི་མགོ་མཇུག་སྐྱུར་མོ་ཞིག་གི་འཁྲབ་གཞུང་བྲིས་པའི་ནངས་མོ་དེར། ཞོགས་ཇ་ཚ་བོ་ཞིག་བསྐོལ་ནས་འཇོག་མཁན་གྱི་ཐག་རིང་གི་སྙིང་དུ་སྡུག་པ་དེ་ནི་རྨི་ལམ་ལྟ་བུ་ཞིག་ལས་མེད་དོན་རང་ལས་ཤེས་མཁན་ཡང་རྙེད་མེད་ཚོད་དུ་གྱུར་བ་རེད།
ང་ནི་ང་ལ་གཏོགས་པའི་རིགས་དེ་ལས་གཞན་གང་ཡང་མིན་རྒྱུ་ན། ངས་གང་ཡང་བྱེད་མི་འདོད་པར། སྐྱི་འབག་འཐིག་པོ་ཞིག་དང་། ངོ་དགོང་སྐྱ་བོ་ཞིག་གི་ནམ་ཟླའི་ཁྲོད་དུ་བོར་ཟིན་པ་དང་རྙེད་སྲིད་པ་མཐའ་དག་ལ་ཞེན་ཆགས་ཀྱི་འཕར་རྩ་གཏན་ནས་ལྡིང་དཀའ་བའི་གནད་ཅིག་ལ་གྱུར་བའི་བེམ་པོ་སྲུང་མཁན་གྱི་ཁྱེད་རང་ནི་མིའམ་འདྲེ། ཡང་ན། རུལ་ཟིན་པའི་རྣམ་ཤེས་ཤིག་གི་དབུགས་སྔ་སྐྱོང་མཁན་ཁོ་ན་ལས། གནས་ངེས་མེད་དུ་འཁུར་བཞིན་སྡོང་ལོ་བཞིན་ཟེགས་ཀྱིན་ཡོད།
སྤུན་ཟླ་ཁྱེད་ཅག་གིས་བདག་གི་ཕྱི་ནང་གསང་གསུམ་ལ་སེམས་འཁུར་གནང་བ་དེར་བཀའ་དྲིན་ཆེ་ལགས།
རྗེས་སུ་ང་རང་ཡང་ཁོམ་པ་མང་ཙམ་བྱུང་ན། དྲ་ཐོག་ལ་མང་ཙམ་སྔར་བཞིན་འཁོར་ངེས་ཡིན།
དྲ་གྲོགས་བོད། ཤ་ཁྲག་རུས་གསུམ་ལགས། དུས་རྒྱུན་སྐོར་རྒྱག་ཞིག་ལས་མཆན་འདེབས་རྒྱུན་ནུས་པ་དང་མཁོ་ལོངས་གང་གིས་ཅུང་དབེན། དེང་ཉིད་ཀྱི་སེམས་ཁམས་མི་བདེ་བ་ཡིན་ནམ། ཡང་ན་བསམ་གཟས་ནས་ཁ་ཕྱོགས་འགྱུར་བ་བཏང་བ་ཡིན། ངའི་དེང་སྐབས་ཀྱི་གནས་སྟངས་རྗེས་ཕྱོགས་གསལ་བོར་བཤད་ཆོག
ཁྱོད་མ་གཞི་ནས་དེ་འདྲ་ཞིག་ཡིན་པ་རེད་དམ།
ལོ་ཤས་གོང་གི་སྙན་ངག་གི་ན་ཚ་དེ་བསྐྱར་ཏུ་འཕར་གིན་མེད་དམ།
དེང་སང་གི་ཁྱེད་ཀྱི་རྩོམ་ཡིག་གི་ཁ་ཕྱོགས་ཀྱང་རྒྱུན་ལྡན་ཞིག་མ་རེད།