༧གོང་ས་མཆོག་ཕྱི་ཚེས་ ༢༡ ཉིན་ནས་བདུན་ཕྲག་གཅིག་རིང་ལ་དྭགས་ཀྱི་ནུབ་རྭར་ཕེབས་རྒྱུ་ཡིན་འདུག
ཕྱི་ཚེས་ ༡༩ ཉིན་སྐུ་སྒེར་དྲུང་ཆེ་བསྟན་འཛིན་སྟག་ལྷ་ལགས་ཀྱིས་ཕྱི་རྒྱལ་གྱི་གསར་འགོད་བརྒྱུད་ལམ་ཁག་ཏུ་གསུངས་པ་ལྟར་ན། ཕྱི་ཚེས་ ༢༡ ཉིན་ནས་བདུན་ཕྲག་གཅིག་གི་རིང་༧གོང་ས་མཆོག་ལ་དྭགས་སུ་ཆིབས་སྒྱུར་གནང་རྒྱུ་ཡིན་པ་དང་། དེར་ཁོང་གིས་དད་ལྡན་མང་ཚོགས་ལ་ཆོས་འབྲེལ་དང་། ནང་པའི་མཆོད་རྟེན་ཞིག་ལ་རབ་གནས་ཀྱང་གནང་རྒྱུ་ཡིན་འདུག
ཐེངས་འདིར་ལ་དྭགས་སུ་ཕེབས་པ་དེར་ཆོས་ཕྱོགས་ཀྱི་འཛད་འཕྲིན་ཁག་མ་གཏོགས་མཛད་འཕྲིན་གཞན་ཅི་ཡང་མེད་ཚུལ་འདུག
སྤོབས་པ་མཐའ་ཡས་ལགས། ནུབ་ར་ཞེས་པ་ལ་དྭགས་ཀྱི་ནང་ལ་རེད། དེ་སྔོན་ཡང་ཐེངས་ཁ་ཤས་ཆིབས་བསྒྱུར་གནང་མྱོང་ཡོད།
ནུབ་ར་ཟེར་དུས་བོད་དང་ཕ་ཁི་སི་ཐན་གཉིས་ཆར་དང་ཐག་ཧ་ཅང་ཉེ་ས་ཞིག་མ་རེད་དམ། ལ་དྭགས་ལ་ཆ་རྒྱུས་ཡོད་མཁན་རེ་ཡོད་ན་ངོ་སྤྲོད་ཅིག་གྱིས་དང་།
རབ་འབྱམས་རྒྱལ་བ་ཀུན་གྱི་མཛད་པའི་འཁུར། །སྙིང་སྟོབས་ཕྲག་པར་བཟུང་བའི་རླབས་ཆེན་གྱི། །འཕྲིན་ལས་ཀུན་ཕན་ནམ་མཁའི་སྙིང་པོ་ཅན། །བཞེད་པ་ཇི་བཞིན་ལྷུན་གྱིས་འགྲུབ་གྱུར་ཅིག །
ཕྱག་ན་པདྨོའི་བྱིན་རླབས་བདུད་རྩིའི་རྒྱུན། །བདག་སོགས་སྙིང་གི་ཟུངས་སུ་རྟག་སྨིན་ཅིང་། །བཀའ་བཞིན་སྒྲུབ་པའི་མཆོད་པས་རབ་བསྙེན་ནས། །ཀུན་བཟང་མཆོད་མཆོག་རྒྱ་མཚོར་མཐར་སོན་ཤོག །
ཅི་སྲིད་མགོན་ཁྱེད་གནས་དེར་བྱོན་པ་ལེགས།།
དེ་སྲིད་སྐལ་ལྡན་བུང་བའི་ཚོགས་བསགས་རྒྱུ།།
མ་འདྲེས་འགྲོ་བ་འདྲེན་པའི་དེད་དཔོན་མཆོག །
མ་གྱུར་འགྲོ་བའི་མགོན་པོ་སྤྱན་རིས་གཟིགས། །
མ་རྣམས་ཐུགས་བརྩེ་དུས་ལས་ཡོལ་མེད་ཕྱིར། །
མ་དག་འགྲོ་ཀུན་ཐར་བའི་ལམ་ལ་འདྲེན། །