མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

མི་ཚེ་གཅིག་མགྲོན་པོར་སྡོད་དགོས་སམ། བསེ་རུ།

བོད་ཀྱི་དུས་བབ།
༢༠༡༠/༠༧/༢༩
Share on FacebookShare on TwitterShare on EmailShare on Whatsapp

 

ང་རང་གི་ལྟེ་ཁྲག་འཕོ་ཡུལ་ནི་མ་ཡུམ་གངས་ཅན་ལྗོངས་ཡིན་ཞིང་། གནས་དེ་ན་ངའི་ཡོད་ཚད་ཀྱི་ཡོད་ཚད་ཀྱང་ཡོད་པ་ཁྱེད་རྣམས་ལ་མ་སྨྲས་ཀྱང་མཁྱེན་ ངེས། ང་དང་ཁོང་། ཁྱོད་དང་ཁྱོད་ཚོ། ཁོ་དང་ཁོ་མོ་ཡོད་ཚད་སྟེས་དབང་ཞིག་གིས་སམ་ལས་དབང་ཞིག་གིས་རྒྱང་རིང་གི་ས་མཐར་ གྱར། ས་མཐར་གྱར་གྱར་བའི་མཐར། ཉིན་ཞག་དང་ལོ་ཟླའི་ཁུར་པོ་གཅིག་ཐོག་གཅིག་ཏུ་བརྩེགས་པའི་རྗེས། གནས་འདི་ནས་ངས་མགྲོན་པོའི་ཁྱུ་ཚོགས་ཤིག་མཐོང་། བསམ་བསམ་པའི་མཐར་ང་ཡང་མགྲོན་པོའི་ནང་གི་གཅིག་དེ་ཡིན་པ་རྟོགས། ང་ཐོག་མར་རྒྱ་གར་དུ་ཡོང་སྐབས་གསོག་སྒར་སློབ་གྲྭ་གཅིག་པུ་མགྲོན་ཁང་གི་ཚུལ་དུ་མཐོང་། ང་རང་ཡང་མགྲོན་པོའི་ཚུལ་དུ་མཐོང་། སྐབས་དེ་ཤེད་དུ་གོང་གི་དབུ་ཁྲིད་འགའ་ཞིག་གིས་ཀྱང་ང་ཚོ་རྒྱ་གར་གྱི་མགྲོན་པོ་ རེད་ཅེས་གླེང་གིན་འདུག དེ་རྗེས་ངས་དྷ་སར་ལོ་ཤས་བསྡད་རྗེས་དྷ་ས་དེ་ཡང་མགྲོན་ཁང་གི་ཚུལ་དུ་མཐོང་། དྷ་སའི་གཡས་གཡོན་སྟེང་འོག་གི་བོད་མི་ཚོ་ཡང་མགྲོན་པོ་རྣལ་མ་ཞིག་ཏུ་མཐོང་། ངས་ལྟ་གིན་ལྟ་གིན་མཐོང་བཞིན་པ་ནི། གཅིག་གིས་གཅིག་ལ་ལག་བརྡ་གཏོང་བ་དང་། གཅིག་གིས་གཅིག་ལ་ཁ་བཏགས་གཡོགས་པ། གྲོང་པ་ཁྱིམ་མཚེས་ཚོ་ཡང་ཡང་ཡང་འགྱུར་བ་འགྲོ་ཚུལ་འདི་མཐོང་སྐབས། ངས་དྷ་ས་ནས་ས་སྐྱེས་རྡོ་སྐྱེས་ཡིན་པའི་བོད་མི་ཚོ་ཡང་མགྲོན་པོར་མཐོང་།               

ངས་བོད་མི་འདུས་སྡོད་ཁུལ་གྱི་གཞིས་སྒར་ཁག་གང་སར་སྐོར་བསྐྱོད་ལ་ཐེངས་ཤིག་ཕྱིན། གཞིས་ཆགས་ཀྱི་གྲོང་སྡེ་ཁག་གི་ནང་ཚང་མ་གཅིག་ཤོར་གཉིས་ཤོར་གྱིས་རྡོག་ཆས་རྒྱག་ གིན། གཅིག་མགྱོགས་གཉིས་མགྱོགས་ཀྱིས་ཕར་རྒྱུག་ཚུར་རྒྱུག་གནང་གིན། མགྲོན་ཁང་ཁག་ནས་སང་ཐོིན་གནངས་ཐོན་གྱི་གྲ་སྒྲིག་བྱེད་ཀྱིན་འདུག དེ་ནས་ངས་བལྟས་བལྟས་པའི་མཐར། སྐབས་དེ་དུས་བོད་མི་འདུས་སྡོད་གཞིས་སྒར་ཁག་ཀྱང་མགྲོན་ཁང་གི་ཚུལ་མཐོང་ལ། བོད་མི་ཚོ་ཡང་མགྲོན་པོ་རྣལ་མ་ཞིག་ཏུ་མཐོང་།              

དེ་ རྗེས་ལོ་ཤས་རིང་ངས་ནུབ་ཕྱོགས་དང་ཡོ་རོབ་ཁུལ་སོགས་ས་གནས་མང་པོ་ཞིག་ལ་སྐོར་ བསྐྱོད་དུ་ཕྱིན། གནས་དེ་དག་ནི་བོད་མི་ཚང་མས་ལྷ་ཡུལ་ལྟ་བུར་བརྩི་གིན་ཡོད་ཅིང་། བྱིས་པ་འཛིན་རིམ་གསུམ་པ་བཞི་པ་ཙམ་ལས་མ་སླེབས་པ་ཚོས་ཀྱང་། ངའི་སྤུན་མཆེད་ཨ་རི་ལ་ཡོད། ངའི་ཨ་ཁུ་ཡོ་རོབ་ལ་ཡོད། ང་ཡང་མ་འོངས་པར་འགྲོ་གིན་ཡིན་ཟེར། ཡང་མཐོ་སློབ་ཐོན་པ་ཚོས་ཀྱང་ག་ལེར་ག་ལེར་ཐབས་ཤེས་གཏོང་གི་ཡིན་ཟེར། གཞུང་ཞབས་དང་དགེ་རྒན་ལས་བྱེད་ཚོས་ཀྱང་གནས་སྐབས་ཞབས་ཕྱི་ཞུ་གི་ཡིན་ཟེར། རྒས་པོ་དང་རྒན་མོ་ཚོས་ཀྱང་འཚོ་བའི་ཐོག་དཀའ་ངལ་མེད་ཟེར་བཞིན་ཕྲུ་གུ་དང་སྤུན་ མཆེད་ཕྱི་རྒྱལ་དུ་ཡོད་པ་ཚོ་ངོམས་གསོ་གཏོང་གིན་གནས། ཐ་ན་གདན་ས་གྲྭ་ཚང་ཁག་གི་དགེ་འདུན་འདུས་པ་རྒྱ་མཚོའི་ཟས་གོས་གནས་མལ་སོགས་ཀྱང་ སྐུ་ངལ་དང་ཐུགས་ཁྲལ་མེད་གསུང་གིན་ཆོས་ཚོགས་ཁག་དང་མཁན་བླ་དགེ་བཤེས་ཚོ་ཡང་ཡང་ གནས་དེ་ན་ཕེབས་ཀྱི་ཡོད་ཟེར། རྒྱུ་མཚན་དེ་དག་གི་དབང་གིས་གཅིག་བྱས་ན་ལྷ་ཡུལ་ལྟ་བུར་བརྩི་གིན་ཡོད་ཤས་ཆེ།               

ང་རང་ནུབ་ཕྱོགས་དང་ཡོ་རོབ་ཁུལ་དུ་སྐོར་གྱིན་སྐོར་གྱིན་མཐོང་བཞིན་པ་ནི། ཚང་མས་གནས་དེ་ནས་རྡོག་ཐོན་གྱི་གྲ་སྒྲིག་བྱེད་ཀྱིན་འདུག ངའི་བསམ་པར་བོད་མི་འདི་ཚོ་ལྷ་ཡུལ་ལྟ་བུའི་ཞིང་ཁམས་དེར་མ་བཞུགས་པར་ཡང་མགྲོན་པོའི་ཚུལ་གྱིས་ཐོན་གྲབས་བྱེད་ཀྱིན་འདུག་སྙམ།  ངས་ རང་ཉིད་ཀྱི་ཐོག་བསམ་བློ་ཞིག་བཏང་། ངས་དེ་ན་ལོ་ཤས་ལས་སྡོད་རྩིས་མེད་པ་དང་། གནས་དེ་ནི་བློ་ཕུགས་བཅོལ་ཡུལ་དེ་མིན་པ་མ་བཤད་ཀྱང་ཁྱེད་རྣམས་ཀྱིས་མཁྱེན་ངེས། ཨོའོ། བོད་མི་ཚོ་སླར་ཡང་ལྷ་ཡུལ་གྱི་ཞིང་ཁམས་ལྟ་བུའི་མགྲོན་ཁང་དེ་ཚོ་ཡང་གཡུགས་ཏེ་ ཕེབས་གྲབས་གནང་གིན་ཡོད་པར་ཐུགས་ཁག་མི་འདུག་སྙམ། ད་བོད་མི་ཚོ་ཤར་ཨེ་ཤ་དང་ནུབ་ཕྱོགས་ཨ་རི། ཡོ་རོབ་སོགས་ཡོད་ཚད་བསྐོར་ཟིན་པ་རེད། དངོས་གནས་མགྲོན་པོ་ཚོ་ལོག་ཕེབས་ཀྱང་ཡུལ་སྐོར་གནང་ཟིན་པ་རེད་སྙམ། ད་སྟེང་ལྷ་ཡུལ་དུ་བོད་མི་ཚོ་ཕེབས་པའི་ནུས་པ་མེད་ལ། འོག་ཀླུ་ཡུལ་དུའང་བོད་མི་ཚོ་མགྲོན་པོ་གནང་བར་ཕེབས་པའི་སྐལ་བ་མེད། མཐར་མགྲོན་པོ་ཚོ་ཕེབས་ཕེབས་པའི་མཐར། སྐུ་ངལ་གྱིས་རྔུལ་ཆུ་བཞུར་གྱིན་འདུག་ལ། ལ་ལ་ནི་ཡི་ཐང་ཡང་ཆད་བཞིན་འདུག ལ་ལ་ནི་དབུགས་ཧལ་ཧལ་ངང་ལུས་ལ། འགའ་ཤིག་ནི་འཆི་ལ་ཁད་དུ་གནས། རེ་འགའ་ནི་གོམ་སྟབས་འཁྱར་འཁྱོར་ངང་ར་བཟི་ལྟ་བུར་གྱུར་འདུག               

ངས་རང་ཉིད་ཀྱི་ནང་དུ་ཡོད་པའི་མེ་ལོང་གི་ངོར་ལྟ་སྐབས། ངའི་ཐོད་པར་གཉེར་མའི་ཆུ་རིས་གཡོ་གིན་འདུག་ལ། མགོ་བོའི་གནག་སྣུམ་གྱི་སྐྲ་ལོ་དག་ཀྱང་སྐྱ་ཕྱེད་སྔོ་ཕྱེད་དུ་གྱུར་འདུག ད་དུང་ཞིབ་པར་ངའི་ལུས་པོ་ཆ་ཚང་ལ་ལྟ་སྐབས། རང་ལོ་སུམ་ཅུ་ལྷག་ལས་མ་སོན་ཀྱང་ལོ་རྒན་དྲུག་ཅུ་བདུན་ཅུར་སླེབས་པའི་རྒས་ཉམས་ ཤིག་སླེབས་འདུག་ལ། ལག་པས་གདོང་པར་བྱིལ་བྱིལ་བྱེད་སྐབས། མིག་ཆུའི་རླན་གྱིས་ལག་ཟུང་རློན་པར་གྱུར་འདུག དེ་ནས་ངའི་དབུགས་ཀྱི་རྒྱུ་བ་ལ་བསམ་སྐབས། དབུགས་རྒྱུན་སྔར་ལས་འཕར་ཤུགས་ཇེ་ཆེ་རེད་ལ། སྙིང་ག་ཡང་རྒྱུན་གཏན་མ་ཡིན་པའི་ལྡེམ་ཤུགས་ཆེ་རུ་སོང་འདུག ངས་དལ་བུར་ལག་པ་གཉིས་ཀས་སྙིང་ག་མནན་ཏེ། ཁང་ཆུང་གྲུ་བཞིའི་ནང་དུ་ཡོད་པའི་༧གོང་ས་མཆོག་གི་སྐུ་པར་དེ་ལན་ཅིག་མཇལ་བ་ དང་། དེ་ནས་ཕར་ངོས་ཀྱི་རྩིག་ལྡེབས་ཀྱི་ཕོ་བྲང་ཕོ་ཏ་ལའི་སྐུ་པར་དེར་མཇལ་ཞོར་ངའི་ ཕ་ཡུལ། ངའི་ཕ་མ། ངའི་མི་རིགས། ངའི་ཡོད་ཚད་ང་ལ་མི་དབང་བ་ཅི་ཡིས་ལན་པ་ཡིན་ནམ་ཞེས། ང་དང་ངའི་འཁོར་རྣམས་དངོས་གནས་མི་ཚེ་གཅིག་མགྲོན་པོར་སྡོད་དགོས་སམ། ང་ང་ང་༌༌༌༌ངའི་༌༌༌ངའི་༌༌༌ངའི་༌༌ཞེས་ངག་འདར་འདར་ངང་སྨྲེ་ངག་དབང་མེད་དུ་ཤོར་ བྱུང་། མིག་ཟུང་མཆི་མས་གང་སྟེ་མིག་ཟུང་རབ་རིབ་ཏུ་གྱུར་སྟབས།  མགྲོན་པོའི་ཟིན་ཐོ་འདིར་མི་འཇོག་ཀ་མེད་དུ་གྱུར།།

འབྲེལ་ཡོད་གསར་འགྱུར།

རྒྱ་ནག་རྐང་རྩེད་སྤོ་ལོའི་མཐུན་ཚོགས་སྒྲིག་ཁྲིམས་འགན་འཛིན་ཟུར་པར་ལོ་ ༡༠ ཁྲིམས་ཐག་བཅད། དྲ་ལམ་གྱི་པར།
Mobile App

རྒྱ་ནག་རྐང་རྩེད་སྤོ་ལོའི་མཐུན་ཚོགས་ནང་ལྐོག་ཟ་རུལ་སུངས་ཀྱི་གནད་དོན་བསྟུད་མར་བྱུང་།

༢༠༢༥/༠༨/༠༢
Mobile App

དབྱིན་ཡུལ་གྲོས་ཚོགས་འོག་མས་རྒྱ་ནག་ཉིན་རེའི་ཚགས་པར་འགྲེམས་སྤེལ་བཀག་འགོག་གནང་།

༢༠༢༥/༠༨/༠༢
དྲ་ལམ་གྱི་པར།
Mobile App

ཁུང་ཙིའི་སློབ་གླིང་ཁག་སྒོ་རྒྱག་རྒྱུ་ཡིན་པའི་ཉེན་བརྡ་བཏང་།

༢༠༢༥/༠༨/༠༢
Former Pakistan prime minister Imran Khan, gestures as he speaks with Reuters during an interview, in Lahore, Pakistan March 17, 2023. REUTERS/Akhtar Soomro
Mobile App

པཱ་ཀི་སི་ཐན་གྱི་གྲོས་ཚོགས་འཐུས་མི་ཟུར་བ་ ༡༠༨ ལ་ལོ་བཅུ་རེའི་ཁྲིམས་ཐག་བཅད།

༢༠༢༥/༠༨/༠༡
ལྷོ་སོག་གི་མགོ་ཁྲིད་ཟུར་བ་ཏུའུ་ཙེ་ལ་ལོ་ ༡༥ ཡི་ཁྲིམས་ཐག་བཅད་འདུག
Mobile App

ལྷོ་སོག་གི་མགོ་ཁྲིད་ཟུར་བ་ཏུའུ་ཙེ་ལ་མི་ལོ་ ༡༥ ཡི་ཁྲིམས་ཐག་བཅད་འདུག

༢༠༢༥/༠༨/༠༡
Mobile App

ལོ་ངོ་ ༡༢༧ རྗེས་ནས་སངས་རྒྱས་ཀྱི་རིག་དངོས་ཕྱིར་སློག་བྱས།

༢༠༢༥/༠༧/༣༡

མཆན། 7

  1. ཨ་མཆོད་འཇམ་དཔལ་ཚུལ་ཁྲིམས། says:
    ལོ་ 15 སྔོན།

    མ་གཞི་མི་ལུས་བླངས་པ་འདི་ཡང་མགྲོན་པོ་ཞིག་ལས་མ་འདས་པ་དེ་ང་ཚོའི་སེམས་གསོ་བྱེད་ཡིན།

    Reply
  2. དྲང་སྲོང་། says:
    ལོ་ 15 སྔོན།

    དང་པོ་ང་ཞེས་བདག་ལ་ཞེན་གྱུར་ཅིང་། །
    བདག་གི་འདི་ཞེས་དངོས་ལ་ཆགས་བསྐྱེད་པས །
    ཟོ་ཆུན་འཕྱན་ལྟར་རང་དབང་མེད་པ་ཡིས། །
    འགྲོ་ལ་སྙིང་རྗེ་གྱུར་གང་དེ་ལ་འདུད། །

    Reply
  3. ཤེལ་དཀར་བློ་བཟང་། says:
    ལོ་ 15 སྔོན།

    ང་ཚོ་ནི་མ་བོད་མགྲོན་པོ་རེད་ལ་ཆབ་སྲིད་ཀྱི་མགྲོན་པོ་ཞིག་ཀྱང་རེད། ང་ཚོ་ནི་དུས་ངེས་མེད་ཀྱི་མགྲོན་པོ་ཞིག་རེད་ལ་གར་འགྲོ་འདི་འགྲོ་མེད་པའི་མགྲོན་པོ་ཞིག་ཀྱང་རེད། ཅི་བྱེད་འདི་བྱེད་མེད་པའི་མགྲོན་པོ་ཞིག་རེད་ལ་ཅི་ཡོང་འདི་ཡོང་མེད་པའི་མགྲོན་པོ་ཞིག་ཀྱང་རེད།

    མ་གཅིག་དཔལ་ལྡན་ལྷ་མོ་ཡིས།།
    དྲེལ་རྟ་བཞོན་ནས་སྟོང་གསུམ་བསྐོར།།
    རྭ་གཅིག་བསེ་རུ་ཁྱེད་ཉིད་ཀྱིས།།
    འཕྲུལ་རྟ་བཞོན་ནས་གླིང་གསུམ་བསྐོར།།

    Reply
  4. ཅོ་རི་ཉི་མ། says:
    ལོ་ 15 སྔོན།

    སྒོམ་སྡེ་ལྷ་རམས་པ་ཞིང་ལ་ཕེབས་ཡོད་ན་བློ་ཕམ་ཆེ་ཁུ།་ དེ་འདྲ་ཡིན་མི་སྲིད་སྙམ།

    Reply
  5. ཀརྨ་རྡོ་རྗེ། says:
    ལོ་ 15 སྔོན།

    ང་ཚོ་ནི། མི་བདག་བདག་ཏུ་བཟུང་། བདག་པོ་སྒོ་ཕྱིར་སྟོན་པའི་མི་རེད།
    ང་ཚོ་ནི། འབོད་མཁན་མེད་པའི་མགྲོན་པོ་དེ་ཚོའི་དེའི་གྲལ་རེད།
    ང་ཚོ་ནི། རང་ཡུལ་ལ་མ་བོས་མགྲོན་པོ་གསར་པས་ལོ་ངོ་༦༠བར་ལ་གཞན་ཡུལ་དུ་ཕུད་དང་འབུད་བཞིན་པའི་གསར་འབྱོར་བ་རྐྱང་རྐྱང་རེད།
    ང་ཚོ་ནི། རང་ཁྱིམ་དུ་ནམ་ཡང་ལོག་ས་མེད་མཁན་གྱི་འཛམ་གླིང་སྤྱི་ཡི་མགྲོན་པོ་མ་རེད་དམ།
    ང་ཚོའི་མགྲོན་པོ་རྒྱ་རིགས་དེ་ཚོས་ང་ཚོ་མགྲོན་པོའི་མི་ཚེ་ནས་ཁྱིམ་བདག་ཅིག་ག་དུས་བྱེད་དུ་བཅུགས་སམ། ???????????????????????????

    Reply
  6. མི་ནག་ཚང་ལུང་རིགས་རྒྱལ། says:
    ལོ་ 15 སྔོན།

    འུ་ཅག་གི་ཁྱིམ་ལ་མ་བོས་མགྲོན་པོ་ཞིག་བསླེབས་པ་དེས་རེད། ཁོས་ང་ཚོར་རྡུང་། བཀྱིག བཟུང་། མནར་གཅོད་བཏང་། མཐོང་ཆུང་བྱས། མགོ་སྐོར་བཏང་། དམར་གསོད་བྱས། ཁྱིམ་གཞི་ཚང་མ་བཟུང་། དེ་ལྟར་ང་ཚོ་རང་གི་ཕ་ཡུལ་ནས་བྲལ། མི་ཡུལ་ནས་མགྲོན་པོར་གྱུར། མཚམས་རེར། མགྲོན་པོ་ལས་ཀྱང་སྤྲང་པོ་ཞིག་གི་སྣང་བ་ཤར།

    བཙན་བྱོལ་དུ་བསླེབས་པ་ནས་བཟུང་ཆེ་ཆུང་ཚང་མའི་ཁ་ནང་གི་ལན་མང་ཤོས་ནི་ ༼མེད་༽ ཅེས་པ་འདི་རེད། བཙན་རྒྱལ་ཁབ་མེད། ལུང་པ་མེད། ཕུ་ནུ་མེད། ཁང་པ་མེད། ཡིག་ཆ་མེད། སྒོར་མོ་མེད། ཤེས་ཡོན་མེད། འཇོན་ཐང་མེད། ་་་་

    མེས་པོ་བཙན་པོ་དེ་དག་གི་རྗེས་ནས་མི་རབས་མེད་པོ་ཞིག་གིས་དུས་རབས་གཅིག་བརྒལ་གྱིན་འདུག

    Reply
  7. གནམ་ལྕགས། says:
    ལོ་ 15 སྔོན།

    མགྲོན་པོ་བྱེད་རྒྱུ་འདི་ཡང་ལས་སླ་བོ་ཞིག་མ་རེད་ཨང་།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese