ཁ་སང་ཕྱི་ཚེས་ ༦ ཉིན་མདོ་སྨད་དབུས་སྤྱི་ཁྱབ་རྒྱུན་ལས་ཁང་གིས་སྐབས་བཅོ་ལྔ་བའི་མདོ་སྨད་སྤྱི་འཐུས་ཀྱི་འོས་གཞིའི་ས་བོན་གསལ་བསྒྲགས་གནང་བའི་ནང་བཀོད་དོན། བོད་ལྗོངས་མདོ་སྨད་ཆོལ་ཁའི་དབུས་སྤྱི་ཁྱབ་རྒྱུན་ལས་སྐབས་བཅུ་བཞི་བའི་དམིགས་བསལ་ཚོགས་ཆེན་ཐོག འབྱུང་འགྱུར་བཀའ་ཁྲིའི་འོས་མི་ ༡༣ སྤྱི་མོས་ཀྱིས་བཏོན་ཟིན་པ་ཚང་མས་མཁྱེན་ཆུབ་དང་། དེ་བཞིན་སྐབས་དེའི་གྲོས་ཆོད་དོན་ཚན་ང་བའི་ནང་གསེས་ ༢ པ་དང་ ༣ པ་གཞིར་བཟུང་སྐབས་བཅོ་ལྔ་པའི་མདོ་སྨད་སྤྱི་འཐུས་སྔོན་འགྲོའི་ས་བོན་ ༢༠༡༠ ལོའི་ཟླ་ ༨ ཚེས་ ༡༠ འགྱངས་མེད་ཀྱིས་དབུས་སྤྱི་ཁྱབ་རྒྱུན་ལས་ཁང་དུ་འབྱོར་དགོས་རྒྱུའི་གསལ་བསྒྲགས། ས་གནས་ཁག་ལ་ཡིག་ངག་གཉིས་ཐོག་བཏང་བ་ལྟར། མདོ་སྨད་ས་རྒྱུན་ཁག་ནས་གལ་ཆེན་དོན་ཆེན་དུ་དམིགས་ཏེ་མི་མང་བསྡུ་སྐོང་གིས་མང་གཙོའི་འོས་བསྡུའི་འགྲོ་ལུགས་ལྟར། མི་མང་ཉིས་སྟོང་མ་ཟིན་ཙམ་གྱིས་སྤྱི་འཐུས་སྔོན་འགྲོའི་འོས་མི་ ༡༩༡ དབུས་རྒྱུན་ལ་དུས་ཐོག་བཏང་འབྱོར་བཞིན། འདི་ག་དབུས་སྤྱི་ཁྱབ་རྒྱུན་ལས་ཁང་ནས་ས་གནས་སོ་སོའི་འོས་གྲངས་མཉམ་བསྡོམས་རྩེ་བཏོག་གིས་གཤམ་གསལ་མི་གྲངས་ཉེར་ལྔ་གཏན་འབེབས་བྱུང་ཡོད། ཅེས་བཀོད་འདུག
འོས་གཞིའི་མི་གྲངས་ཉེར་ལྔ་ནི། ད་ལྟའི་སྤྱི་འཐུས་ལས་ཐོག་སྤེན་པ་ཚེ་རིང་དང་རྒྱལ་རོང་ཟླ་བ་ཚེ་རིང་། འཕེལ་རྒྱས་སྒྲོལ་མ་མཚོ་མོ། ཀིརྟི་སྒྲོལ་དཀར་ལྷ་མོ། གསེར་རྟ་ཚུལ་ཁྲིམས་འོད་ཟེར། ཆབ་བྲག་ལྷ་མོ་སྐྱབས། ཚེ་རིང་གཡུ་སྒྲོན། ཡེ་ཤེས་སྒྲོལ་མ། བསྟན་འཛིན་མགོན་པོ་བཅས་དང་། གཞན། དབུ་མའི་ལམ་ཚགས་པར་རྩོམ་སྒྲིག་པ་རྨོག་རུ་བསྟན་པ། ས་རཱ་མཐོ་སློབ་ཀྱི་དགེ་རྒན་བསོད་ནམས་རྒྱལ་མཚན། བཀའ་ཁྲིའི་དྲུང་ཡིག་བསྟན་འཛིན་དོན་ཡོད། ནོར་གླིང་མཐོ་སློབ་འགན་འཛིན་སྒྲོལ་དཀར་སྐྱབས། མདོ་སྨད་དབུས་རྒྱུན་དྲུང་ཆེ་རྒྱ་རིགས་ཐར། གངས་ལྗོངས་རང་བདེན་ཚོགས་གཙོ་བློ་བཟང་དཔལ་ལྡན། ཇོ་ནང་འགྲོ་ཕན་ལྷན་ཚོགས་ཀྱི་ཚོགས་གཙོ་ཚངས་དབྱངས་རྒྱ་མཚོ། འོད་དཀར་དྲ་ཚིགས་དོ་དམ་པ་གཟུངས་ཕྱུག་སྐྱིད། སྤྱི་ཟུར་རོང་པོ་བློ་བཟང་སྙན་གྲགས། རྩོམ་པ་པོའི་མཐུན་ཚོགས་ཀྱི་ཚོགས་གཞོན་ཀུན་ཐར་དོན་འགྲུབ། མོན་གྷོ་ཊི་མདོ་སྨད་ས་རྒྱུན་ཚོགས་གཙོ་གངས་རི། མདོ་སྨད་དབུས་རྒྱུན་ཀརྨ་དགེ་ལེགས། བལ་ཡུལ་མདོ་སྨད་ས་རྒྱུན་ཚོགས་གཞོན་བཀྲ་ཤིས་དོན་འགྲུབ། སྨན་རྩིས་ཁང་གི་སློབ་སྤྱི་སྨན་པ་མཁྱེན་རབས། རྩོམ་པ་པོ་ཤེས་རབ་དར་རྒྱས། བོན་གཞིས་ས་གནས་དབྲ་རྩ་སྐལ་བཟང་ལྷ་མོ།
གསར་འགོད་པ། དོན་འགྲུབ་བཀྲ་ཤིས།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
འོས་ཡག་པོ་བླུགས་འདུག་འོན་ཀྱང་ང་རང་ཉིད་ལ་རེ་བསྐུལ་ཐུང་ཐུང་ཞིག་ཞུ་རྒྱུ་བསམ་སོང་།སོ་སོའི་ལྟ་བ་རང་བཙན་ཁོ་ན་རྩོད་མཁན་ཞིག་ཡིན་ན་བོད་མི་དམངས་སྤྱི་མཐུས་ནང་དུ་གཏན་ཞུགས་རྒྱུ་མི་འདུག།སོ་སོའི་ངོས་ནས་དགོངས་པ་ཞུས་ན་ཡག་པོ་རེད་མ་གཏོགས་གཉིས་མགོ་མ་བྱས་ན་ཆོ་མི་འདུག་བསམ་སོང་།དབུ་མའི་ལམ་དང་རང་བཙན་བར་ལ་འགལ་བ་བཟོ་འདྲ་བ་གཏན་ནས་མིན།
ཨ་མའི་བུ་ལགས། སྙན་ངག་པ་ནི་སྤྱི་ཚོགས་ནང་ཆབ་སྲིད་སོགས་བསམ་བློ་བ་ཚད་མཐོ་ཤོས་ཡིན་པ་ཁྱོད་ཀྱིས་མ་ཤེས་པ་ཡིན་ནམ། དེ་ནི་ཕྲག་དོག་དབང་གིས་ཡིན་ན་ནི་བསམ་ཤེས་བྱ་དགོས།
བསམ་ཚུལ་གཞན་པ་ཁག་འགྲིགས་འདུག་སྙམ།
འཕེལ་རྒྱས་སྒྲོལ་མ་མཚོ་མོ་ནི་སྔ་ལོའི་སྤྱི་འཐུས་གྲོས་ཚོགས་སྐབས་རང་ཕྱོགས་སྡུག་དགོས་པ་དང་། དགྲ་ཕྱོགས་དགའ་དགོས་པའི་ཞབས་འདྲེན་ཞུ་མཁན་དེ་མ་རེད་དམ། ད་དུང་འོས་གཞིའི་ནང་སླེབས་ན་ཡང་བསྐྱར་ཞབས་འདྲེན་ཞུ་གྲབས་མིན་ནམ། དེ་ལས་ཤིང་བཟང་ཚང་དང་ཀླུ་མཁར་བྱམས། ལུང་རིག་རྒྱལ། དུས་བབ་རྩོམ་སྒྲིག་པ་ཟུར་པ་རབ་གསལ་སོགས་འོས་གཞིའི་ནང་བཞན་ན་མི་བཟང་ངམ།
མདོ་སྨད་ལ་མི་གྲངས་ཉུང་བའི་སྟབས་ཀྱིས་འོས་གཞི་ཡག་པོ་ཐོན་དཀའ། ཡིན་ནའང་། ས་བཅད་མ་སྟོངས་ཙམ་གྱི་ཚུལ་དུ་རང་ངོས་ཀྱི་འོས་གཞི་ཁ་ཤས་བཏོན་ཡོད། དེ་དག་ནི།
༡ ཚོགས་གཙོ་སྤེན་པ་ཚེ་རིང་།
༢ རྒྱལ་རོང་ཟླ་བ་ཚེ་རིང་།
༣ འཕེལ་རྒྱས་སྒྲོལ་མ་མཚོ་མོ།
༤ དུས་བབ་རྩོམ་སྒྲིག་པ་ལུང་རིགས་རྒྱལ།
༥ ས་རའི་དགེ་རྒན་བསོད་ནམས་རྒྱལ་མཚན།
༦ ནོར་གླིང་གི་སློབ་དགེ་ལྷ་ལུང་རྒྱལ།
༧ བཀའ་ཁྲིའི་དྲུང་ཡིག་བསྟན་འཛིན་དོན་ཡོད།
༨ བོད་རྒྱ་ཡིག་སྒྱུར་ཁང་གི་ཀུན་ཐར་དོན་གྲུབ།
༩ བོད་རྒྱ་ཉམས་ཞིབ་པ་ཀླུ་མཁར་བྱམས།
༡༠ དབྲ་རྩ་སྐལ་བཟང་ལྷ་མོ་བཅས་ཡིན།
མདོ་སྨད་པས་འོས་གཞི་ནང་སེར་མོ་བ་མང་པོ་ཞིག་སླེབས་འདུག།མ་འོངས་སྤྱི་འཐུས་སྐབས་བཅུ་བཞི་པའི་གྲོས་ཚོགས་ནང་དུ་ཆབ་སྲིད་ཀྱི་སྐད་ཆ་མེད་པར་རྟགས་གསལ་གཏང་རྒྱུ་ཡིན་པ་འདྲ།མདོ་སྨད་པའི་སྐྱེ་པ་ཐམས་ཅད་གྲྭ་བ་བཟོས་ནི་མ་རེད་པ།ཨ་ཅང་ཀུ་རེ་ཡིན་སྤྲོ་མ་ལོངས།
ཨ་ཚང་ཀླུ་མཁར་བྱམས་བོད་རང་བཙན་བཤད་མཁན་དང་ཀུང་ཁྲན་ཏང་ལ་ང་ལོག་བརྒྱབ་ནས་རྒྱ་དམར་གྱི་བཙོན་ཁང་དུའང་ཚུད་མྱོང་མཁན་ཞིག་རེད། ཏང་ཁས་མི་ལེན་མཁན་འདི་འདྲ་རྒྱ་ནག་གི་རྩ་ཁྲིམས་ཀྱི་འོག་ཏུ་འཛུལ་རྒྱུར་གྲ་སྒྲིག་གྲུབ་ཟིན་པའི་རྡ་སའི་སྒྲིག་འཛུགས་དེས་ངོས་ལེན་བྱེད་ཐབས་ཡོད་པ་མ་རེད། གསལ་བཤད་དགོས་ཟེར་མཁན་ཚོར་གསལ་བཤད་འདི་ཡིན།
གནས་སྟངས་གཅིག་གིས་ཆ་ནས་འཕེལ་རྒྱས་ཚང་སྒྲོལ་མ་མཚོ་མོ་དང་གསེར་རྟ་ཚུལ་ཁྲིམས་འོད་ཟེར་གཉིས་ལ་འོས་ཤོག་ཐོབ་རྒྱུའི་ཐག་ངས་ཀྱང་བཅད་ཆོག
དེ་ནི་ཨོ་རྒྱན་སྟོབས་རྒྱལ་དང་བསོད་ནམས་སྟོབས་རྒྱལ་གཉིས་ལ་ད་བར་མུ་འཐུད་འོས་ཤོག་ཐོབ་པའི་ལོ་རྒྱུས་ཀྱི་བྱུང་རིམ་དང་ཕྱོགས་མཐུན་པ་རེད། འོན་ཏེ་འདི་ལོ་ཁམས་པ་མི་མང་གཉིད་མ་སད་ཀྱང་སྟོབས་རྒྱལ་གཉིས་པོ་ལྷན་དུ་གཉིད་སད་པ་ལ་བསྟོད་བསྔགས་ཞུ་རྒྱུ་ལས་མ་འདས། དེ་བཞིན་སྤྱི་ཚོགས་གཉིད་མ་སད་ཀྱང་གང་ཟག་ཁ་ཤས་ལ་ནམ་ལངས་པའི་རེ་བ་ཡོད། གོ་བའི་བུ་ལ་བརྡ་ཡིས་ཆོག །
དྲ་གྲོགས་ཚོ་བདེ་མོ་ཡིན་ན། དེ་རིང་ཧ་ཅང་འཁྲིགས་པོ་འདུག་བོད་མི་མང་གི་སྤྱི་འཐུས་ནི་ང་ཚོའི་མ་འོངས་པའི་རེ་བ་དང་ཕུགས་འདུན་བཅོལ་ས་རེད། དེ་ལ་བསམ་འཆར་བཏོན་ན་ཡག་པོ་རེད། ད་ཐེངས་མདོ་སྨད་དབུས་སྤྱི་ཁྱབ་ཁང་ནས་ཆབ་སྲིད་ཀྱི་ལས་གཞི་འདི་འདྲ་སྤེལ་བའང་ཧ་ཅང་ཡག་པོ་རེད། འདི་སྔོན་བྱུང་མ་མྱོང་བ་འདྲ་བོ་ཞིག་རེད། ལྷོ་ཕྱོགས་མོན་གྷོ་གཅིག་པུའི་ནང་སྐུ་ངོ་སྤེན་པ་ཚེ་རིང་ལ་འོས་ཆིག་སྟོང་ལྷག་ཡོད་ཚོད་འདུག དེ་བཞིན་དུ་ཀླུ་མཁར་དང་གཞན་པ་ཁོ་ཚོ་ལའང་མང་པོ་ཡོད་རྒྱུ་རེད་ས་རྒྱུན་དང་དབུས་རྒྱུན་ལ་དྲིས་ན་ཆོག་གི་་རྩོད་མ་བརྒྱག་་ཕལ་ཆེར་དོ་བདག་ཁོ་ཚོའི་སེམས་ན་གསལ་བོ་ཡིན་རྒྱུ་རེད། ང་ཚོས་གྲིབ་གཟུགས་ཁྱི་ཟུག་བྱས་ན་ཡག་པོ་མ་རེད། མདོ་སྨད་ཀྱི་མིང་བརླགས་ནི་རེད། འོ་ཤིང་བཟའ་རིན་པོ་ཆེའང་མི་འདུག་སྦེབ་ཀོབ་ས་རྒྱུན་ལ་སྐད་ཆ་དྲིས་ནས་འོས་གྲངས་དྲིས་ན་ཡག་པོ་རེད། ཁྱི་བརྒྱག་ནམ་མཁའི་སྐར་མ་ཟུག་ཟེར་བའི་དཔེ་མ་བྱེད་རོགས། མཐར་ཚང་མའི་ལྷོད་ལྷོད་བྱས་དང་། བོད་གཞུང་གི་སྔོན་འགྲོའི་འོས་དངོས་གཞིའི་འོས་བསྡུ་རྗེས་ན་ཡོང་གི་ནི་རེད། ཨ་མའི་བུ་ལ་ཡོན་ཏན་ཡོད་ན་དགའ་ལྡན་ཁྲི་ལ་བདག་པོ་ཡོད་ནི་མ་རེད་་་ཡ་་
ང་རང་སྤྱི་འཐུས་མི་བཅུ་འདེམས་ཡོད་གནས་ལུག་རྒྱུ་མཚན་ཡོད་མེད་གཤད་པར་ཞུ། ༡ སྤྱི་འཐུས་ཚོགས་གཙོ་སྤེན་པ་ཚེ་རིང་།
༢ སྤྱི་འཐུས་ལས་ཐོག་རྒྱལ་རོང་ཟླ་བ་ཚེ་རིང་།
༣ སྤྱི་འཐུས་ལས་ཐོག་གསེར་རྟ་ཚུལ་ཁྲིམས་འོད་ཟེར།
༢ བལ་ཡུལ་ས་གནས་ཚོགས་གཞོན་བཀྲ་ཤེས་དོན་འགྲུབ།
༥ ས་རཱ་མཐོ་སློབ་ཀྱི་སློབ་དཔོན་ཆེན་མོ་བསོད་ནམས་རྒྱལ་མཚན།
༦ ལུང་རིགས་རྒྱལ།
༧ ཇོ་ནང་འགྲོ་ཕན་ལྷན་ཚོགས་ཀྱི་ཚོགས་གཙོ་ཚངས་དབྱངས་རྒྱ་མཚོ།
༨ ཨ་ཚོགས་ཀླུ་མཁར་བྱམས།
༩ འོད་དཀར་དྲ་ཚིགས་དོ་དམ་པ་གཟུངས་ཕྱུག་སྐྱིད།
༡༠ དབྲ་ཙ་སྐལ་བཟང་ལྷ་མོ་སོགས་ལ་རེ་བ་རྒྱབ་ཀྱིན་ཡོད།
དྲ་གྲོགས་ཚོ། འདིར་བཀོད་པའི་འོས་མི་ཚོ་ནི། ས་གནས་ཁག་གིས་མི་དམངས་ཀྱིས་ཐད་ཀའི་འདེམས་ཤོག་འཕངས་པ་བརྒྱུད་དབུས་རྒྱུན་ལས་ཁང་ལ་ཅི་འབྱོར་གྱི་རྩེ་བཏོག་རིགས་འདི་ནས་བསྒྲགས་པ་ཙམ་ལས། འདིའི་ནང་དབུས་ས་གང་རུང་གི་རྒྱུན་ལས་ནས་ཐེ་གཏོགས་དང་བཀག་འགོག་བྱས་པ་ཅི་ཡང་ཡོད་མ་རེད། ཡོད་ཚད་ས་གནས་མང་ཚོགས་ཀྱིས་འདེམས་བསྐོའི་དབང་ཚད་ལྟར་ཐག་བཅད་པ་རེད། འདིའི་བྱུང་རིམ་དང་བཀོད་སྒྲིག་གི་རིམ་པ་བཅས་གསར་འགྱུར་འདིའི་མགོར་ཁ་གསལ་འཁོད་འདུག་པར་གཟིགས་རོགས་ཞུ་རྒྱུ་དང་།
མདོ་སྨད་མི་མང་གིས་བསམ་ཚུལ་ཕྱོགས་བསྡོམས་བྱས་ཏེ་རྩེ་བཏོག་བྱས་ཡོད་པར་གསལ་བ་ལྟར་ཡིན་མིན་དོགས་པ་ཡོད་ཚེ་མདོ་སྨད་དབུས་རྒྱུན་ལས་ཁང་སྒོ་ཕྱེས་ཡོད་པས་ཚོད་དཔགས་བྱེད་དགོས་དོན་མེད་པར་རྒྱུན་ལས་ཁང་དུ་བཅར་ནས་སྐད་ཆ་དྲིས་ན་ཡག་པོ་ཡོད་པ་རེད། སྐད་ཆ་འདྲི་ས་འཁྲིས་ན་ཡོད་བཞིན་དུ་མི་གཅིག་གིས་མི་གཞན་ཞིག་གིས་ཚབ་བྱས་ཏེ་སྐད་ཆ་བཤད་པ་དང་དྲ་ཐོག་ཏུ་དོགས་འཆར་སྤེལ་བ་ནི་སྤྱི་ཚོགས་ནང་དཀྲུག་ཤིང་འགྲོ་ཉེན་ཡོད་པས་ཡིད་གཟབ་བྱས་ན་རང་གཞན་ཀུན་ལ་ཕན་ཐོགས་ཆེ། དེ་མིན་པར་ངའི་བསམ་ཚུལ་ལྟར་གྱི་མི་དེ་མི་འདུག་ཟེར་ན་དེ་ནི་མང་ཚོགས་ཀྱིས་མ་བྱས་པ་ལས་དབུས་རྒྱུན་ལས་ལ་ཐབས་ཤེས་གང་ཡང་མེད། གོང་གསལ་མདོ་སྨད་ཀྱི་མི་འདི་ཚོར་ཤེས་འཇོན་མི་འདུག་ཟེར་ན་གུས་པ་ཁོ་བོ་སྒེར་ལ་ཁྱད་པར་མི་འདུག་ཀྱང་མདོ་སྨད་མི་མང་ལ་མཐོང་ཆུང་དུ་འགྲོ་མིན་བསམ་ཞིབ་གནང་ན་ཡག་པོ་ཡོད་པ་རེད། ལྷག་བསམ་སེམས་ཁུར་རྨ་མེད་པའི་ངང་གནས་སྟངས་འདི་དག་ལ་ཞིབ་འཇུག་ནན་ཏན་གྱིས་སྐད་ཆ་བཤད་དགོས་པ་ལས། ཁ་གྲག་ས་ཡོད་ཚད་ལ་དོན་མེད་ཀྱི་འུར་བརྒྱངས་ན་དགོས་པ་ཅི་ཞིག་འདུག་བསམ་ཞིབ་གནང་འོས་ཆེ་སྙམ་མོ། །
ངས་དེ་རིང་ཉིན་གང་བོར་འདིའི་སྐོར་ནས་རྩད་གཅོད་བྱས་པ་ཡིན། རྒྱ་གར་ལྷོ་ཕྱོགས་དང་རྡ་རམ་ས་ལར་ཁ་པར་མང་བོ་བཏང་བ་ཡིན། གནས་ལུགས་མང་བོ་ཞིག་རྟོགས་སོང་། ངས་རེ་རེ་བྱས་ནས་བང་བསྒྲིགས་ནས་ཟིན་བྲིས་སུ་འགོད་ངེས་ཡིན། དེ་དུས་བགྲོ་གླེང་བྱེད་ཆོག ད་དུང་དུས་བབ་རྩོམ་སྒྲིག་པས་ངའི་མཆན་འགའ་བཀག་སོང་། དེའི་རྒྱུ་མཚན་ཡང་རྩད་གཅོད་ཀི་ཡིན། ང་མདོ་སྨད་པ་ཞིག་ཡིན་པའི་ཆ་ནས་ང་ལ་འགན་ཞིག་ཡོད་པ་རེད། ངས་འགན་ཡོད་པའི་སྟེང་ནས་རང་གིས་དཔྱད་ཞིབ་བྱེད་རྒྱུའི་དབང་ཆ་ལོས་ཡོད།
ད་དུང་ངའི་མཆན་གཉིས་ཙམ་སུབ་སོང་། ག་རེ་བྱས་ནས་སུབ་པ་ཡིན་ནམ། ང་ལ་ལན་ཞིག་དགོས། གཞན་གྱིས་གང་འདོད་འདོད་ཅིག་བཤད་ནས་ཡོང་གི་འདུག་ལ་འགོད་ཀྱི་འདུག ངའི་བསམ་ཚུལ་ག་རེ་བྱས་ནས་སུབ་ཀི་ཡོད། དེར་ཡང་ས་འོག་དར་འཐག་གི་གནད་དོན་ཞིག་ཡོད་རྒྱུ་རེད། ངས་ལན་རེ་རེ་བྱས་ནས་སྒུག་འདུག་གི་ཡིན།
འདིའི་སྐོར་ལ་རྩདa་གཅོད་ཞིབ་མོ་མ་བཏང་ན་ཡག་པོ་མི་འདུག དབུས་རྒྱུན་གྱི་མིང་ཐོག་ནས་ཁྱབ་བསྒྲགས་བྱས་པ་འདི་ཡག་པོ་མ་རེད། སྐབས་འཚོལ་བ་དག་གིས་མགོ་མ་ཚེས་པར་གསར་བུ་རེ་བ་ཅན་རེ་གཉིས་པོ་ལུས་རྒྱུ་རེད། དེ་ལུས་སོང་ན་བོད་སྤྱི་བ་ལ་ཕམ་ཁ་བྱུང་བ་རེད།
གངས་ཕྲུག་ཟེར་བ་ཁྱོད་ལ་མིག་ཡོད་ཀྱང་། འོས་བླུགས་བྱེད་ཀྱི་མིག་རེད་མི་འདུག འུག་པའི་མིག་ཡིན་ས་རེད།
༡ སྤྱི་འཐུས་ཚོགས་གཙོ་སྤེན་པ་ཚེ་རིང་།
༣ སྤྱི་འཐུས་ལས་ཐོག་གསེར་རྟ་ཚུལ་ཁྲིམས་འོད་ཟེར།
༤ སྤྱི་འཐུས་ལས་ཐོག་ཆབ་བྲག་ལྷ་མོ་སྐྱབས།
༡༠ སྤྱི་འཐུས་ལས་ཐོག་འཕེལ་རྒྱས་སྒྲོལ་མ་མཚོ་མོ།
འདི་གསུམ་མ་གཏོགས་གཅིག་ཀྱང་འགྲིག་མི་འདུག ཁྱིས་ལྟས་ན་ཁྱི་ཡག་གི་རེད། ཕག་གིས་ལྟས་ན་ཕག་ཡག་གི་རེད། རྒྱུ་མཚན་ནི་གཞན་ལ་ལྟ་བྱེད་ཀྱི་མིག་ཡོད་པ་མ་རེད།
མདོ་སྨད་མི་མང་གི་མིག་ཕྱེས་པའི་དུས་ལ་བབ་འདུག་ཡ།
ང་གངས་ཕྲུག་ཞིག་ཡིན་པའི་ཆ་ནས་ངས་གངས་ལྗོངས་འགན་ཞིག་ཁུར་ལོས་དགོས། དེས་འདི་ནས་ཁྱོད་ཅི་ཞིག་བཤད་ཀྱང་ངས་ནི་མདོ་སྨད་སྤྱི་འཐུས་བཅུ་བོ་གཏན་ཁེལ་ཟིན་པ་ཡིན་པས་སུ་གཅིག་གིས་ཀྱང་དགུལ་མི་ཐུབ།
འོས་མི་བཅུ་བོ་འདི་ལྟར་ཡིན།
༡ སྤྱི་འཐུས་ཚོགས་གཙོ་སྤེན་པ་ཚེ་རིང་།
༢ སྤྱི་འཐུས་ལས་ཐོག་རྒྱལ་རོང་ཟླ་བ་ཚེ་རིང་།
༣ སྤྱི་འཐུས་ལས་ཐོག་གསེར་རྟ་ཚུལ་ཁྲིམས་འོད་ཟེར།
༤ སྤྱི་འཐུས་ལས་ཐོག་ཆབ་བྲག་ལྷ་མོ་སྐྱབས།
༥ ས་རཱ་མཐོ་སློབ་ཀྱི་སློབ་དཔོན་ཆེན་མོ་བསོད་ནམས་རྒྱལ་མཚན།
༦ སྤྱི་ཟུར་རོང་པོ་བློ་བཟང་སྙན་གྲགས།
༧ ཇོ་ནང་འགྲོ་ཕན་ལྷན་ཚོགས་ཀྱི་ཚོགས་གཙོ་ཚངས་དབྱངས་རྒྱ་མཚོ།
༨ གངས་ལྗོངས་རང་བདེན་ཚོགས་གཙོ་བློ་བཟང་དཔལ་ལྡན།
༩ འོད་དཀར་དྲ་ཚིགས་དོ་དམ་པ་གཟུངས་ཕྱུག་སྐྱིད།
༡༠ སྤྱི་འཐུས་ལས་ཐོག་འཕེལ་རྒྱས་སྒྲོལ་མ་མཚོ་མོ།
བསེ་རུ་ར། ཁྱོད་དབུས་གཙང་བ་ཞིག་གིས་ང་ཚོའི་མདོ་སྨད་ཀྱི་ནང་དུ་ཇུས་གཏོགས་མ་བྱེད། ང་ཚོས་རྩད་གཅོད་བཞིན་པ་ནི་དབུས་རྒྱུན་གྱིས་དེའི་བར་དཀྲིགས་པ་རེད་ཟེར་གི་ཡོད། ས་གནས་མང་བོ་ནས་ཁོང་གཉིས་ལ་འོས་བླུག་འདུག་མོད། དེའི་བར་ནས་བརླགས་སོང་ཟིག་ཟེར་གི་ཡོད། དབུས་རྒྱུན་གྱིས་ཅི་ཡོང་གང་ཡོང་བྱེད་ཀྱི་ཡོད་པ་ཁྱོད་ཀྱིས་ཅི་ལྟར་ཤེས། སྐལ་མེད་སར་མགོ་མ་བསྲིང་ན་ཡག
ས་གནས་མང་བོ་ནས་མ་འབྱོར་བ་ན་དབུས་རྒྱུན་གྱིས་ཅིའི་ཕྱིར་དབུས་སྤྱི་ཁྱབ་རྒྱུན་ལས་ཁང་གི་མིང་ཐོག་ནས་ཁྱབ་བསྒྲགས་བྱས་པ་ཡིན། གཅིག་དེ་རེད། ས་གནས་མང་བོ་ནས་མ་འབྱོར་བཞིན་དུ་གོ་སྐབས་དམ་འཛིན་འདྲ་བོ་བྱས་ནས་དེ་ལྟར་བྱེད་དགོས་པའི་རྒྱུ་མཚན་ག་རེ་ཡིན། འདི་དག་ཚང་མའི་ཕུགས་ན་ཇུས་ངན་པ་ཞིག་ཡོད་པ་ཐག་གིས་ཆོད།
ད་དབུས་རྒྱུན་གྱིས་ས་གནས་ག་ཚོད་ནས་འབྱོར་ཡོད་མེད་དང་། དབུས་རྒྱུན་གྱི་སྟེང་འཛིན་འོག་ན་ས་གནས་རྒྱུན་ལས་ག་ཚོད་ཡོད་མེད། ད་སྔ་འབྱོར་ཡོད་ན་རེ་རེ་བྱས་འོས་གྲངས་དག་ཁྱབ་བསྒྲགས་མ་བྱས་ན་ཤིང་བཟའ་ཚང་དང་ལུང་རིགས་རྒྱལ། ཀླུ་མཁར་བྱམས་སོགས་ཀྱིས་ཐད་ན་དོགས་པ་རི་རབ་འདྲ་ཞིག་འདུག
འདིའི་འགན་གསར་འགོད་པ་དང་དབུས་རྒྱུན་གཉིས་ཆར་བཀལ་བ་ཡིན། དབུས་རྒྱུན་གྱིས་དུས་བབ་གསར་ཁང་དུ་འབུལ་མ་ཐུབ་ཀྱང་མདོ་སྨད་ལ་དྲ་རྒྱའི་མིང་འཛིན་པ་ཞིག་ཡོད་པ་དེར་བཀོད་ཀྱང་ཆོག འདིའི་རིགས་དེར་མི་འགོད་པར་དེ་ལ་ཁྱི་སྐྱག་ག་རེ་འགོད་ཀྱིན་ཡོད།
ཨ་རིག་ལགས་ཀྱིས་གསལ་བཤད་བྱས་པར་ཐུགས་རྗེ་ཆེ། ད་མི་ཚང་མས་དབུས་རྒྱུན་ལ་ཁ་བཏང་ན་ཡང་ཕན་པ་ཡོད་པ་མ་རེད། གལ་སྲིད་འགྲིག་མེད་ན་མང་ཚོགས་མ་འགྲིག་པ་རེད་མ་གཏོག་དབུས་རྒྱུན་གཏན་ནས་མ་རེད། རྒྱུ་མཚན་ད་རེས་ཀྱི་འོས་མི་འདི་དག་ས་གནས་ཁག་ཡོངས་ནས་འོས་བླུག་ཏེ་ཐག་གཅོད་བྱས་པ་ཞིག་རེད། དེས་རྐྱེན་གྱིས་དབུས་རྒྱུན་ལ་ཅང་ཟེར་ས་འགྲོ་ནི་མ་རེད། ཡིན་ན་ཡང་མང་ཚོགས་ཀྱི་ངོས་ནས་འགན་མ་ཁུར་བ་མང་པོ་ཞིག་ཐོས་སོང་། དཔེར་ན་རྣམ་གྲོལ་གླིང་གིས་འོས་བླུག་མེད་པ་དང་། དྷེ་ར་ཏོན་དང། བྷེ་རིས་སོགས་ནས་ཀྱང་འོས་བླུག་མེད་པའི་གནས་ཚུལ་གོ་སོང་། དེ་དག་ནི་ས་གནས་དེ་དག་གི་ས་རྒྱུན་དག་དང་ས་གནས་མིང་མང་གིས་འགན་ཁུར་མ་བ་རེད་འདོད་ཡོད། དེ་མ་གཏོག་ད་ཐེངས་དབུས་རྒྱུན་གྱིས་ཅི་ཡོངས་གང་ཡོངས་བྱས་འདུག ཐུགས་རྗེ་ཆེ་ཞུ་རྒྱུ་ལས་འགྲིག་མེད་ཚུལ་བཤད་ན་བཀའ་ལོག་རང་རེད་འདོད།
ངས་བསམ་པར། ད་མདོ་སྨད་སྤྱི་འཐུས་ལས་ཐོག་རྒས་འཁོགས་ཚོའི་ངལ་ཞིག་གསོས་ནས་གཞོན་སྐྱེས་པ་ཚོར་གོ་སྐབས་ཤིག་སྤྲད་ན་བཟང་གི་བསམ།
སྤྱི་འཐུས་གྲོས་ཚོགས་ཀྱི་བཅའ་སྲོལ་ལས་སྲོལ་ལ་བལྟས་ཡོང་ན། ཁོ་ཚོར་ཡོད་པའི་ཉམས་མྱོང་ནི་མཐུན་སྒྲིལ་སྲ་བརྟན། ཐབས་ཤེས་གསར་འཚོལ། ནོར་སྐྱོན་ཉེན་སེལ་གྱི་རིགས་མ་ཡིན་པར། དེ་ལྡོག་སྟེ་དམངས་ལ་མགོ་སྐོར་གཏོང་ཐབས། ཆགས་སྡང་རྔ་ཚིགས་སྒྲིག་སྟངས། རང་ཁེ་སྐབས་འཚོལ་བྱ་སྟངས་ཏག་ཏག་རེད། ཐུར་ནས་ཐུར་དུ་རྒུད་བྱེད་ཀྱི་ཉམས་མྱོང་འདི་དག་ཡོད་པ་ལས་མེད་པ་དགའ།
དེ་ལས་གཞོན་སྐྱེས་པ་ཁྱུ་གཅིག་སླེབས་པ་ཡིན་ན། དུས་ཀྱི་བབ་དང་རང་ཉིད་འཚར་ལོངས་ཀྱི་རིག་གནས་མཁའ་དབུགས་ཁོ་ནས་ཐད་ནས་བཤད་ནའང་། ཆེས་མ་མཐའ་ཡང་ངས་སྤོབས་པ་ཆེན་པོས་བརྗོད་ཐུབ་པ་ཞིག་ནི། ཆོས་རྒྱུད་ཁྱིམ་རྒྱུད་ཀྱི་ཆགས་སྡང་ཡོད་མི་སྲིད་ལ། ཆོལ་ཁ་ལུང་ཚན་གྱི་ཞེན་ཆགས་ཀྱང་ཁོ་ཚོ་ལས་ཉུང་བ་དང་གུ་ཡངས་བ་ཡོད་སྲིད།
མདོ་སྨད་རྒྱུན་ལས་ཀྱིས་འོས་གཞི་འདོན་སྟངས་འདི་ཧ་ཅང་ཡག་པོ་མཐོང་སོང་།
མི་རེ་གཉིས་ད་དུང་སླེབས་དགོས་ཚོད་འདུག དཔེར་ན། ལུང་རིགས་རྒྱལ་ལྟ་བུའི་སྤྱི་ཚོགས་ཀྱི་རྒྱུས་ལོན་ཟབ་པ་དང་། ཆབ་སྲིད་ཐད་མཁྱེན་རྒྱ་ཆེ་བ་འདི་ངེས་པར་སླེབས་དགོས་ཚོད་འདུག དེ་མིན་འགྲིགས་པར་སྣང་།
ཆོལ་ཁ་གཞན་དག་གིས་མིག་དཔེ་ལྟ་འོས་པ་ཞིག ཚོགས་པ་ཁག་གིས་དེ་སྔོན་འོས་གཞི་འདོན་སྟངས་ཐད་ཕྱིར་མིག་ཅིག་ལྟ་གིན་ཡོད།
ཨོ་རེད། ཤིང་བཟའ་ཚང་ཡང་དེའི་བར་བརླགས་སོང་ཟིག
དྲ་གྲོགས་ཚོ། དབུས་རྒྱུན་ལ་དོན་མེད་ཁ་མཆུ་མ་འཛུགས་རོགས། ཁྱི་རྒྱགས་སྐར་མར་ཟུག་པ་ནང་བཞིན་རེད། ཨ་དགེ་ལགས་ཀྱིས་གསུངས་པ་ནང་བཞིན་རེད།
ཨ་མའི་བུ་ཟེར་བ་དེས་དོན་མེད་འུད་འདྲ་སློང་བཞིན་འདྲ།
དྲ་གྲོགས་གནམ་ལྕགས་ལགས་་་་ལུང་རིག་རྒྱལ་དང་ཀླུ་མཁར་བྱམས་གཉིས་མདོ་སྨད་སྤྱི་འཐུས་འོས་མི་ནང་དུ་མེད་དོན་ཁོང་རྣམ་པ་གཉིས་ལ་སྒོར་མོ་མང་པོ་མེད་ནི་མིན་འགྲོ
སྒྲོལ་མ་མཚོ་མོ་འདྲ་པོ་བཅུ་ལས་ཀླུ་མཁར་བྱམས་གཅིག་གི་དགའ་་་སྒྲོལ་དཀར་ལྷ་མོ་འདྲ་པོ་ཉི་ཤུ་ལས་ལུང་རིག་རྒྱལ་གཅིག་གི་ཕན་པ་ཡོད་སྙམ།
ཇོ་ནང་འགྲོ་ཕན་ལྷན་ཚོགས་ཀྱི་ཚོགས་གཙོ་ཚང་དབྱངས་རྒྱ་མཚོའི་གཙོས་གཞོན་སྐྱེས་ཤེས་ཡོན་པ་མང་པོ་ཞིག་མདོ་སྨད་འོས་གཞིའི་ནང་དུ་སླེབ་ཡོད་པ་ལ་དགའ་བསུ་དང་རྒྱབ་སྐྱོར་ཡོད།
ལུང་རིག་རྒྱལ་དང། ཤིང་བཟའ་རིན་པོ་ཆེ་སོགས་འདིའི་ནང་ལ་མི་སླེབས་པ་བློ་ཕམ་འདུག མདོ་སྨད་མི་དམངས་ཀྱི་དེ་སྔ་སླེབ་ཡོད་པ་དེ་ཚོ་དབྱེ་ཞིབ་བྱ་རྒྱུ་གལ་ཆེན་པོ་རེད།
བྱ་དཀར་བོ། ལས་ཤོག་དང་ལས་ཐམ་མ་མཐོང་བར་དུ་རྩད་གཅོད་བྱེད་ཀྱི་ཡིན། འདི་ང་ཚོས་རང་གི་འཐུས་མི་བདམས་རྗེས་ཀྱི་གཉའ་གནོན་དང་བཙན་བཙིར་བྱས་པའི་མཇུག་འབྲས་རེད། མ་དགའ་ནའང་མཐའ་བསྐྱལ་རྒྱུ་ཡིན།
དྲ་གྲོགས་གནམ་ལྕགས་ལགས་་་་ལུང་རིག་རྒྱལ་དང་ཀླུ་མཁར་བྱམས་གཉིས་མདོ་སྨད་སྤྱི་འཐུས་འོས་མི་ནང་དུ་དོན་ཁོང་རྣམ་པ་གཉིས་ལ་སྒོར་མོ་མང་པོ་མེད་ནི་འགྲོ
ལྷོ་ཕྱོགས་སྦེལ་ཀོབ་ནས་ལུང་རིགས་རྒྱལ་ལ་འོས་གྲངས་༣༥་དང་ཀླུ་མཁར་བྱམས་ལ་བརྒྱད་དགུ་ཞིག་ལས་མི་འདུག མོན་གྷོ་ནས་ཀྱང་འོས་རྩེ་ཕུད་མ་རེད་ཅེས་རྒྱུས་ཡོད་ཀྱི་མི་སྣ་ཞིག་གིས་གསུངས་སོང་།ད་ང་ཚོས་མི་འགའ་ཤས་ཀྱིས་དོན་མེད་རྙོག་དྲ་མ་བསླངས་ན་བཟང་གི་སྙམ།
མདོ་སྨད་སྤྱི་འཐུས་ནི་མ་མཐའ་ཡང་བོད་སྐད་ལས་གཞན་དབྱིན་སྐད་རྒྱ་སྐད་ཧུན་སྐད་གང་རུང་ཞིག་ངེས་པར་ཤེས་དགོས །
ཁྱད་པར་༧་གོང་ས་མཆོག་གི་བཀའ་དགོངས་ལྟར་ཤར་བསྐྱོད་བྱེད་ཐུབ་ཅིག་དགོས །
ངས་འོས་གཞི་གསར་བའི་ནང་ནས་སྤྱི་འཐུས་ལས་ཐོག་པ་སྤེན་པ་ཚེ་རིང་། འཕེལ་རྒྱས་སྒྲོལ་མ ། གསེར་རྟ་ཚུལ་ཁྲིམས་འོད་ཟེར ། རྒྱ་རོང་ཟླ་བ་ཚེ་རིང་ །
ཡི་ཤེས་སྒྲོལ་མ་ལྔ་ནི་འོས་བསྐྱརཏུ་བླུགས་རྒྱུ་ཡིན ། གསར་བ་ནི ། ས་རཱ་མཐོ་སློབ་ཀྱི་དགེ་རྒན་བསོད་ནམས་རྒྱལ་མཚན། བཀའ་ཁྲིའི་དྲུང་ཡིག་བསྟན་འཛིན་དོན་ཡོད།
ནོར་གླིང་མཐོ་སློབ་འགན་འཛིན་སྒྲོལ་དཀར་སྐྱབས།
མདོ་སྨད་དབུས་རྒྱུན་དྲུང་ཆེ་རྒྱ་རིགས་ཐར། རྩོམ་པ་པོའི་
མཐུན་ཚོགས་ཀྱི་ཚོགས་གཞོན་ཀུན་ཐར་དོན་འགྲུབ།
གྲོགས་པོ་ཚོ་ལགས།་དོན་མེད་དབུས་རྒྱུན་ལ་འདྲ་མི་འདྲ་མ་ལབ་རོགས།
ཁྱེད་ཅག་གི་རྣམ་རྟོག་དེ་འདྲ་ཡོང་ས་མེད།་ཀླུ་མཁར་བྱམས་དང་ལུང་རིགས་རྒྱལ་ཟེར་ནས་འུར་མ་རྒྱག ངས་ཀྱང་ཁཽང་་གཉིས་ལ་འོས་བླུགས་ཡིན།དབུས་ནས་ཅང་ལས་མེད་ཐག་ཡིན། ས་གནས་སོ་སོའི་ལས་ཐམ་དང་ལས་ཤཽག་སྟེང་གསལ་བོ་བྲིས་ཡོད་པས་དེའི་ཆ་ནས་རྙོག་དྲ་ཞིག་ཡོང་དོན་མེད།དོན་མེད་དབུས་རྒྱུན་ལ་ཁ་མ་གཏོང་རོགས།སང་ཉྀན་ལས་ཐམ་དང་ལས་ཤོག་མཐོང་དུས་ངོ་ཚ་ཡོང་།
མདོ་སྨད་ཚང་གིས་ཡག་པོ་འདེམས་འདུག
དབྲ་རྩ་སྐལ་བཟང་ལྷ་མོ་དང་གཟུངས་ཕྱུག་སྐྱིད་གཉིས་ལ་རེ་བ་ཆེན་པོ་ཡོད།
མདོ་སྨད་སྤྱི་འཐུས་ས་བོན་ལས། ས་བོན་གསར་པ་དབྲ་རྩ་སྐལ་བཟང་ལྷ་མོ་ལགས་ངོ་སྤྲོད་བསྡུས་པ་ཞིག་ཁྱབ་བསྒྲགས་གནང་རོགས་ཞུ། ཤེས་འཇོན་གཉིས་ལྡན་གྱི་མཛངས་མ་རེད།
དེའི་སྔོན་ལ་མོན་གྷོ་ལ་ས་གནས་ལ་བསམ་ཚུལ་བྲིས་ཡོད་པ་དེ་བཏང་རོགས་ཞུ་རྒྱུ་མཚན་ཡོད། དགོས་པ་ཡོད།
རང་གི་བསམ་བློ་བཏང་བའི་སྤྱི་འཐུས་འོས་གཞི་ས་བོན་ནི་
༡སྤེན་པ་ཚེ་རིང་། ༢རྒྱལ་རོང་ཟླ་བ་ཚེ་རིང་། ༣འཇུ་བསྟན་སྐྱོང། ༤ལུང་རིགས་རྒྱལ།༥ ཀླུ་མཁར་བྱམས།༦ རྒྱ་རིགས་ཐར། ༧དབྲ་རྩ་སྐལ་བཟང་ལྷ་མོ། ༨གཟུངས་པྱུག་སྐྱིད།་༩གངས་རི།༡༠རྨོག་རུ་བསྟན་པ། ༡༡བློ་བཟང་དཔལ་ལྡནབཅས་ཡིན།
ཐུགས་བསམ་ནན་བཞེས་གནང་རོགས།
མདོ་སྨད་པ་ཡོངས་ལ་ཞུས་པ་ཡིན།
འབྲོག་རི་ཆོས་གྲགས་དང་པད་མ་མཁའ་འགྲོ་གཉིས་ཀྱིས་བཤད་པ་བདེན་པ་རེད། ས་གནས་ཁ་ཤས་སུ་ཀླུ་མཁར་བྱམས་དང་ལུང་རིགས་སོགས་འོས་གཞིའི་གྲངས་ཀ་རྩེ་ཕུད་ཡིན་ན། ད་རེར་མ་བཏོན་རྒྱུ་མཚན་གང་ལ་ཐུག་སོང་། འདི་ལ་གསལ་བཤད་ཅིག་མེད་ན། མདོ་སྨད་མི་མང་དང་ལྷག་དོན་ཁོང་གཉིས་ལ་འོས་བླུག་མཁན་ཚང་མ་རང་དགར་འདུག་གི་མ་རེད། འདི་གསལ་གསལ་ཐིང་ཐིང་བཟོ་དགོས་པ་ཞིག་རེད།
མདོ་སྨད་དབུས་རྒྱུན་ཡིན་ཟེར་བའི་རྒྱ་རིགས་ཐར་ཟེར་བ་དེ་འདིར་སླེབས་འདུག་ག ཁོང་ལྟ་བུའི་མི་ཁྲམ་རྒན་རེ་གཉིས་ཤིག་གིས་སྤྱི་བ་ལ་གནོད་ཀི་ཡོད། ངས་ལྟས་ན་ད་ཐེངས་མདོ་སྨད་ཀྱི་ནང་རུལ་བའི་རྟགས་གསལ་བོ་ཞིག་ཐོན་སོང་། ད་དུང་གོ་ཐོས་ལྟར་ན། ལྷོ་ཕྱོགས་ནས་འོས་ཤིག་བསྡུ་སྐབས་ཀླུ་མཁར་བྱམས་དང་བོ་དང་ལུང་རིགས་གཉིས་པ་རེད་ཟེར། རྡ་ས་ནས་བསྡུ་སྐབས་ཀྱང་དེ་ག་རང་རེད་ཟེར། དེས་ན་ད་ཐེངས་ཁོང་གཉིས་འགོག་དོན་ག་རེ་ཡིན་ནམ།
གསར་འགོད་པ་རྣམས་ལ་འགན་ཞིག་ཡོད། ཁྱོད་ཚོས་བཙིར་དགོས་པ་རེད། གཏིང་སྔོག་དགོས་པ་རེད། དོན་དག་ག་རེ་ཡིན་ན་མང་ཚོགས་ཀྱིས་ཁྱོད་ཚོར་བློ་འགལ་གི་རེད། ད་ཐེངས་ཀྱི་འདིའི་སྐོར་ལ་ཡང་གསལ་བོ་ཞིག་བཟོ་དགོས་པ་རེད།
རྩོམ་པ་པོའི་ཚོགས་གཞོན་རེད་ཟེར་བའི་ཁྲམ་པ་འདིའི་རིགས་དང་ནོར་གླིང་གི་སྒྲོལ་དཀར་སྐྱབས་ཟེར་བའི་མི་ལ་སྤྲེལ་ལད་ཁོ་ན་འཁྲབ་མཁན་འདི་དག་སླེབས་ནས་མདོ་སྨད་ནང་གི་གསར་བུ་རེ་བ་ཅན་རེ་གཉིས་ཤིག་ཡོད་པ་དེ་ཚོའི་མིང་ཙམ་ཡང་མི་སླེབས་པ་སྲིད་དོན་མེད། འདི་ལ་ས་འོག་དར་འཐག་ཅིག་ཡོད་པ་རེད་མ་གཏོགས་མི་མང་གི་ངོས་ནས་བླུགས་ཡོད་པ་ཐག་ཆོད་ཡིན།
འབྲོག་ཆོས་དང་པད་མ་མཁའ་འགྲོ་སོགས་ཡར་ལོངས་དང་ང་ཚོས་མདོ་སྨད་དབུས་རྒྱུན་གྱི་ནད་རྙིང་སློག་ཆོག འདི་ལ་གསལ་བཤད་ཅིག་མེད་དུས་དཀོན་མཆོག་གསུམ་རང་དགར་མི་འཇོག འདིའི་ཕུ་ཐག་མ་ཆོད་པར་མཐའ་ལ་བསྐྱལ་གི་ཡིན། ལྟད་མོར་ལྟོས་ཨ།
དེ་རིང་ཞོགས་པར་ཉལ་ས་ནས་གནད་དོན་འདི་མཐོང་སོང་། དེ་ནས་མཆན་ཞིག་བྲིས་ཀྱང་སུབ་སོང་། ད་དུང་འབྲི་གི་ཡིན། ངའི་སྐད་ཆ་འདི་ཚོ་རང་ཉིད་མདོ་སྨད་པ་ཞིག་ཡིན་པའི་འགན་འཁུར་བའི་སྐད་ཆ་ཡིན། གནད་དོན་ཡོད་ན་ཚང་མ་ངས་འཁུར་གི་ཡིན། ང་སུ་ཡིན་རྩད་གཅོད་བདེ་བོ་ཡིན། དེ་ནས་མ་སུབ་རོགས།
སྤྱིར་ཡག་པོ་རེད་ཡིན་ན་ཡང་ཉོག་དྲ་ཅན་དང་། ཕན་ནུས་མེད་ཀྱི་མི། ཤེས་འཇོན་ཅི་ཡང་མེད་མཁན་སོགས་འདིར་བཏོན་ན་ཕན་ཐོགས་ཡོད་པ་མ་རེད་ལགས།
ཉོག་དྲ་ཅན་འཕེལ་རྒྱས་སསྒྲོལ་མ་མཚོ་རེད།
པན་ནུས་མེད་མཁན་ཆབ་བྲག་ལྷ་མོ་སྐྱབས་དང་སྒྲོལ་དཀར་ལྷ་མོ། ཚེ་རིང་གཡུ་སྒྲོན་། སྨན་པ་མཁྱེན་རབས། བསྟན་འཛིན་དོན་ཡོད།་བཅས་རེད།
ཤེས་འཇོན་མེད་མཁན་ཀརྨ་དགེ་ལེགས་དང་། བཀྲ་ཤིས་དོན་འགྲུབ་ལྟབུ་རེད།
ལྷ་མོ་སྐྱབས་དང་ཚེ་རིང་གཡུ་སྶགྲོན། སྒྲོལ་དཀར་ལྷ་མོ་སོགས་ནམ་ཡང་མ་འདེགས་རོགས་ཞུ། གྲོས་ཚོགས་ནས་ཁ་གྲག་ཐུབ་ཀི་མ་རེད། ཕན་ཉག་གཅིག་ཀྱང་ཐོགས་མི་སྲིད།
མདོ་སྨད་ཚང་གི་འོས་གཞིའི་ས་བོན་བཏོན་པར་ཡག་པོ་རེད། ཨ་ཚོགས་ཚང་གི་གསར་བུ་ཀླུ་མཁར་བྱམས་རྡ་ས་དང་འདིར་ལྷོ་ཕྱོགས་ཁག་ཏུ་འོས་མིག་མང་པོ་འདྲ་ཞིག་ཐོས་སོང་མོད། ད་དེ་རིང་འདི་དྲི་མ་ཙམ་ཡང་མི་དྲོ་བ་རྒྱུ་མཚན་གང་ཡིན། དབུས་རྒྱུན་ངོས་ནས་གསལ་བཤད་ཅིག་མེད་ན། ཉོག་དྲ་ལྷག་སྲིད།
འོ་ད་དུང་ལུང་རིགས་རྒྱལ་གྱི་འོས་མིག་མེད་པ་ཅི་ཡིན་ན་་་་་་དྲང་མོ་མ་ཡིན་ཐག་ཆོད་སོང་། ཉི་མ་ལྷ་ས།
ངས་གོ་ཐོས་ལ་ས་གནས་ཁ་ཤས་ནས་ཀླུ་མཁར་བྱམས་དང་འཇུ་བསྟན་སྐྱོང་ལུང་རིགས་རྒྱལ་སོགས་མི་མང་ཤོས་ཡིན་པ་རེད་ཟེར།
མདོ་སྤྱི་ཡོངས་ཀྱི་མི་གྲངས་ལ་ལྟོས་འཇོག་གིས་བཤད་ན། ཁོང་ཚོར་འོས་ཤོག་མང་ཤོས་ཡིན་རྒྱུ་རེད།
ཐེངས་འདིར་དབུས་རྒྱུན་གྱིས་ག་རེ་བྱས་ནས་ཁོང་ཚོའི་མིང་འདིར་མ་བཀོད་པ་རེད་དམ།
འདི་ལ་གསར་འགོད་པ་དང་གནད་དོན་དབྱེ་ཞིབ་པ་ཚོས་གསལ་གསལ་ཐིང་ཐིང་བཟོས་ནས་མི་མང་ལ་བསྒྲག་དགོས་པ་ཞིག་རེད།
ཇོ་ནང་འགྲོ་ཕན་ལྷན་ཚོགས་ཀྱི་ཚོགས་གཙོ་ཚངས་དབྱངས་རྒྱ་མཚོ་དང་དབུ་མའི་ལམ་གྱི་རྩོམ་སྒྲིག་པ་རྨོག་རུ་བསྟན་པ་འོད་དཀར་དྲ་ཚིགས་ཀྱི་རྩ྄ོམ་སྒྲིག་པ་གཟུངས་ཕྱུག་སྐྱིད་རྣམས་ཤེས་འཇོན་གཉིས་ལྡན་རེད་དགའ་བསུ་ཞུ། རེ་བ་ཆེན་པོ་ཡོད།
འདི་འདྲའི་ལོ་རྒྱུས་ཙམ་ལས་མེད་ན་ངོ་ཚ་རེད།
བོད་ཀྱི་ལོ་རྒྱུས་ལ་ཕན་པའི་ང་སྤྲོད་མེད་པར་སྙན་ངག་འགའ་རེ་བྲིས་པའི་སྐོར་ངོ་སྤྲོད་བྱས་པ་འདིས་འགན་མ་འཁུར་བའི་རྟགས་རེད། འོས་བསྡུས་ཆེན་མོ་འདི་རྩོམ་སྒྲིག་པ་བསྡུ་གི་མེད། འདིས་གྲོས་ཚོགས་འཐུས་མི་བསྡུ་གི་ཡོད། ཁྱེད་ཅག་རྩོམ་སྒྲིག་པ་ཁ་ཤས་ཡོང་ནས་གྲོས་ཚོགས་ནས་སྙན་ངག་འགྲན་བསྡུར་བྱེད་རྒྱུ་མིན་ནམ། དགོད་བྲོ་བ་རང་རེད།
སློབ་སྦྱོང་གི་ཆུ་ཚད་ལོས་དགོས། ཡིན་ནའང་འདི་འདྲ་རྐྱང་བསྡུས་ནས་ག་རེ་བྱེད་འདོད་པ་ཡིན། མ་གཞི་མདོ་སྨད་ལ་མི་མེད། དེའི་ཁར་ཡོད་པ་དག་ཀྱང་ཁྲམ་པ་རྐྱང་རྐྱང་ཡིན། ཡིན་ནའང་སྙན་ངག་པ་དང་རྩོམ་སྒྲིག་པ་དགོས་ན་ད་དུང་མང་བོ་ལྷག་འདུག་ད་།
གཞན་གྱི་འཐུས་མི་དག་ལ་ལྟོས་དང་། ཁ་མེ་འབར་འབར་བྱེད་མཁན་ཁོ་ན་རེད། ང་ཚོའི་འཐུས་མི་དག་ལ་ལྟོས་དང་ཁོག་ནད་ཡོད་པ་འདྲ་ཁོ་ན་རེད། འདི་གཅིག་བུའི་སྟེང་ནས་ལྟོས་ན་མདོ་སྨད་མི་མང་ཟེར་བ་དེའི་བསམ་བློའི་གོ་རྟོགས་གང་འདྲ་ཡིན་མིན་ཤེས་ཐུབ། ཁྱི་ཚོགས་རྒྱག་འདོད་ན་དེ་ལྟར་བྱའོ།། དེ་མིན་བོད་སྤྱི་བའི་དོན་ཞིག་བསྒྲུབ་འདོད་ན་ད་དུང་སྤྱི་འཐུས་ལ་འོས་པའི་མི་མང་བོ་ལུས་ཡོད། དཔེར་ན་ནོར་གླིང་ཉམས་ཞིབ་འགན་འཛིན་རྡོ་རྗེ་དབང་ཕྱུག་དང་བླ་བྲང་སྐལ་བཟང་སོགས་གྲོས་ཚོགས་ཀྱི་འགྲོ་སྟངས་རྩམ་པ་བརྫི་བརྫི་བྱེད་མཁན་དང་། ཡང་བོད་གཞུང་གི་འདས་དང་མ་འོངས་པའི་སྐོར་ནས་མགོ་ཚེས་པའི་ཨ་ཚོགས་ཀླུ་མཁར་བྱམས་དང་དུས་བབ་རྩོམ་སྒྲིག་པ་ལུང་རིགས་རྒྱལ་སོགས་ལྟ་བུ་མིག་གིས་མ་མཐོང་བ་ནི་མདོ་སྨད་མི་དམངས་ཞར་བ་ཡིན་པའི་རྟགས་རེད།
གོང་དུ་གནམ་ལྕགས་ཀྱིས་བཤད་པ་དེ་ལྟར་མདོ་སྨད་མི་མང་ཚང་མ་སྨན་ཁང་ལ་འགྲོ་དགོས་ས་རེད། ཚང་མའི་སེམས་ཁོངས་ན་ཕྱོགས་ཞེན་གྱི་ན་ཚ་ཞིག་ཡོད་པ་འདྲ། དེང་སང་འཛམ་བུ་གླིང་ལ་ལྟས་ངན་པ་ཞིག་ཡོང་གི་ཡོད་པ་བཞིན་མདོ་སྨད་བཙན་བྱོལ་གཞུང་ལའང་ལྟས་ངན་ཞིག་ཡོང་གི་ཡོད་པའི་རྟགས་རེད། ང་མདོ་སྨད་ཀྱི་མི་ཞིག་ཡིན་པའི་ཆ་ནས་ངས་རང་གི་ཚབ་བྱེད་མཁན་དག་ལ་འགན་རེ་འཁུར་ན་འདོད། རྩོམ་སྒྲིག་པ་དག་གིས་ངའི་མཆན་འདི་མ་སུབ་རོགས།
སྐབས་བཅོ་ལྔ་བའི་མདོ་སྨད་སྤྱི་འཐུས་འོས་གཞིར་མོས་པའི་ན་གཞོན་དཔུང་ཁག་ཅིག་ངོ་སྤྲོད་གནང་བ་ལས། ཚོགས་པ་ག་གེ་མོ་ནང་བཞིན་འུར་སྒྲོག་དང་འཇིགས་སྐུལ་རང་བཞིན་གྱི་བཟོ་ལྟ་འདྲ་བའི་ལས་འགུལ་གཏན་ནས་སྤེལ་གྱིན་མེད། གཙོ་བོ་མདོ་སྨད་མི་མང་མི་རེ་ངོ་རེ་ཡིས་སོ་སོའི་བློ་རིག་གྲུང་པོའི་སྒོ་ནས་རང་རང་གི་སེམས་ཀྱི་འོས་མི་གདམ་རྒྱུ་དེ་གལ་ཆེན་པོ་རེད་འདོད། ངས་དོན་དག་རྡོག་རྡོག་པོ་ག་དུས་ཡིན་ན་མགོ་བདེ་སྐབས་འཚོལ་བ་དང་ཚོགས་སྡེ་ཡི་འུར་སྒྲོག་དང་། བཀའ་སྐུལ་གཏན་ནས་མགོ་བོ་སྒུར་མི་དགོས་ཞེས་བཤད་ཀྱིན་ཡོད།
༡ ཤེས་རབ་དར་རྒྱས།
༢ ཨ་ཚོགས་ཀླུ་མཁར་བྱམས།
༣ རྒྱལ་རིགས་ཐར།
༤ ལུང་རིག་རྒྱལ།
༥ བསོད་ནམས་རྒྱལ་མཚན།
༦ འཇུ་བསྟན་སྐྱོང་།
༧ ཧོར་གཙང་འཇིགས་མེད།
༨ སྤེན་པ་ཚེ་རིང་།
༩ བསྟན་འཛིན་མགོན་པོ།
༡༠ ཤིང་བཟའ་རིན་པོ་ཆེ།
མདོ་སྨད་སྤྱ་འཐུས་ཀྱི་ས་བོན་ཞེས་པ་འདིའི་ནང་དུ་ཡོང་དགོས་པ་དེ་དག་མ་ཡོང་བར། མི་དགོས་པ་ཁག་ཅིག་གམ། ས་འོག་ནས་འཇུར་ཡོང་བ་ལྟ་བུའི་མི་གསར་མིང་གསར་ཁ་ཤས་བཞག་ཡོད་པ་ནི་དབུས་རྒྱུན་ཟེར་བ་འདི་ལ་དྲང་བོའི་མིག་གི་ལྟ་ཕྱོགས་ཤིག་མེད་པ་མཚོན་ཡོད་པ་མ་ཟད། ལྷག་དོན། མདོ་སྨད་དབུས་རྒྱུན་ལྟ་བུ་འདི་དག་བོད་ཀྱི་རིག་གཞུང་ཐད་དུ་དགོས་གལ་ཆེད་བཙུགས་ཤིག་ཡིན་པ་ལས་རང་གི་ཉེ་ས་དགའ་ས་སྤྱི་འཐུས་སུ་དམིགས་འཛུགས་པའི་ལས་འགན་སྤྲད་མེད་པས། དབུས་རྒྱུན་ཟེར་བ་ནས་འདི་ལྟར་བྱེད་པ་ཁྲིམས་དང་ལུགས་སྲོལ་ལ་འགལ་བ་རང་རེད། གལ་སྲིད་འདེམས་ཀྱི་ཡིན་ན་ཀླུ་མཁར་བྱམས་ལྟ་བུའི་མི་དོ་སྣང་ཅན་ངེས་པར་དུ་ཡོང་དགོས་པ་རེད།
༦ཇོ་ནང་འགྲོ་ཕན་ལྷན་ཚོགས་ཀྱི་ཚོགས་གཙོ་ཚངས་དབྱངས་རྒྱ་མཚོའི་ལོ་རྒྱུས་མདོར་བསྡུས།
ཚངས་དབྱངས་རྒྱ་མཚོ་ནི་ཕྱི་ལོ་༡༩༨༤ལོར་མདོ་སྨད་མགོ་ལོག་ཏུ་སྐྱེས། རང་ལོ་བཅུ་གསུམ་ནས་བཟུང་ལོ་ངོ་བདུན་གྱི་རིང་ཇོ་ནང་དགོན་རྟག་བརྟན་བཤད་སྒྲུབ་འཕེལ་རྒྱས་གླིང་དང་། མདོ་ལིའི་དགོན་དཔལ་མི་འགྱུར་བདེ་ཆེན་གླིང་གཉིས་སུ་ཚད་མ་དང་། དབུ་མ། ཕར་ཕྱིན། སུམ་རྟགས་དག་གསུམ། སྙན་ངག དཀར་རྩིས་སོགས་ལ་སློབ་སྦྱོང་བྱས། ལོ་ངོ་དེ་དག་གི་རིང་འཛིན་གྲྭ་སོ་སོའི་སྐྱོར་དཔོན་གྱི་འགན་བཞེས། ཕྱི་ལོ་༢༠༠༣ལོར་བོད་ཀྱི་མཐོ་རིམ་སློབ་གྲྭ་སྟེ་གངས་ལྗོངས་དར་རྒྱས་ཀུན་ཕན་སྨན་རྩིས་སློབ་གླིང་དུ་འཛུལ་ཞུགས་བྱས་ཏེ་བོད་ཀྱི་རིག་གཞུང་སྤྱི་ལ་སློབ་སྦྱོང་བྱས། ཕྱི་ལོ་༢༠༠༦ལོར་རྒྱ་གར་དུ་བཙན་བྱོལ་ལ་འབྱོར་ནས་ལྷོ་ཕྱོགས་འབྲས་སྤུངས་སྒོ་མང་གྲྭ་ཚང་དང་། ས་རཱ་བོད་ཀྱི་མཐོ་རིམ་སློབ་གཉེར་ཁང་གཉིས་སུ་སློབ་སྦྱོང་གནང་བཞིན་འབྲས་སྤུངས་ཟུང་ཆུ་ཁང་ཚན་གྱི་ཛ་དྲག་ཞིབ་འཇུག་ཚོགས་ཆུང་གི་ཚོགས་མི་དང་། མདོ་སྨད་བཙན་རྒོལ་བདེན་རྒྱབ་མནའ་འབྲེལ་ཀྱི་ས་བྱི་ཞི་རྒོལ་ཆེན་མོའི་རྩོམ་སྒྲིག་ལས་རོགས་སོགས་བྱས། དེས་རྗེས་སུ་བལ་ཡུལ་ཇོ་ནང་དགོན་པའི་གློག་ཀླད་དགེ་རྒན་བྱས་པ་དང་། ཕྱི་ལོ་༢༠༠༨གྱི་ལོ་མཇུག་ཏུ་འཕགས་ཡུལ་ཇོ་ནང་མ་དགོན་ནང་པའི་ཤེས་ཡོན་སློབ་གྲྭས་གདན་ཞུས་ལྟར་ཕེབས་ཏེ་དགེ་རྒན་དང་དྲུང་ཡིག་ཅིག་ལྕོགས་བྱས། དེ་དང་དུས་མཚུངས་སུ་ཇོ་ནང་ནང་བསྟན་རིག་གཞུང་སྲུང་སྤེལ་མཐུན་ཚོགས་ཀྱི་དྲུང་ཡིག་དང་། དགོན་པའི་ལོ་རེའི་དུས་དེབ་<<ངེས་དོན་ཀྱི་ཆོས་འཁོར་>>དང་། <<ཇོ་ནང་སྨོན་ལམ་ཆེན་མོ་འཛམ་གླིང་ཕན་བདེའི་གྲུ་ཆར།>> << ཇོ་ནང་དཔེ་ཚོགས>>བཅས་ཀྱི་སྤྱི་ཁྱབ་རྩོམ་སྒྲིག་པའི་འགན་ཁུར། ཕྱི་ལོ་༢༠༠༩ལོར་རྡོར་གདན་ཇོ་ནང་སྨོན་ལམ་ཆེན་མོ་ཐེངས་བརྒྱད་པའི་དུས་སུ་བོད་ཕྱི་ནང་གཉིས་ཀྱི་ཇོ་ནང་པ་ཡོངས་ཀྱིས་ཚོགས་ཆེན་བསྡུས་ཏེ་བཀའ་མོལ་ཞིབ་རྒྱས་བྱས་ཏེ་བོད་ཕྱི་ནང་གཉིས་ཀྱི་ཇོ་ནང་པའི་ཚབ་མཚོན་པའི་ཚོགས་པ་འཕགས་ཡུལ་ཇོ་ནང་འགྲོ་ཕན་ལྷན་ཚོགས་ཞེས་པ་གསར་འཛུགས་གནང་པ་དང་། མང་མོས་ཀྱི་འོས་བསྡུའི་ལམ་ནས་ཁོང་ཉིད་ཚོགས་གཙོར་འདམས་ཤིང་ད་ལྟ་ལས་གནས་དེར་ཕྱག་ལས་གནང་མུས་སུ་མཆིས་སོ།།
༤ དུས་དེབ་དབུ་མའི་ལམ་གྱི་རྩོམ་སྒྲིག་པ་རྨོག་རུ་བསྟན་པ།
རྨོག་རུ་བསྟན་པ་ནི་མདོ་སྨད་མཚོ་ལྷོ་རུ་སྐྱེས། ཕྱི་ལོ་༡༩༩༤ལོར་རྒྱ་གར་དུ་འབྱོར། སྒོ་མང་གྲྭ་ཚང་དུ་ཆོས་ཞུགས་བྱས་ཏེ་གཞུང་བཀའ་པོད་ལྔ་ལ་སློབ་སྤྱོང་བྱས་ནས་འཛིན་གྲྭ་ཡོངས་རྫོགས་མཐར་ཕྱིན། ཕྱི་ལོ་༢༠༠༠ལོ་ནས་བཟུང་། བོད་ཀྱི་རྩོམ་པ་པོ་མཐུན་ཚོགས་ཀྱི་ཚོགས་མི་དང་། སྤྱི་ཚོགས་མེ་ལོང་གི་གསར་འགོད་པ། སྒོ་མང་སློབ་གྲྭའི་དགེ་རྒན་དང་། འབོ་དཀར་བཤད་གྲྭའི་རིག་གནས་དགེ་རྒན་བྱས། དཔྱིད་ཀ་དུས་དེབ་ཀྱི་རྩོམ་སྒྲིག་པ་དང་། ལྷོ་ཕྱོགས་ཕོ་ཉ་གསར་ཁང་དང་། ནང་བསྟན་ཤེས་ཡོན་ལྷན་ཚོགས་ཀྱི་སྤྱི་ཁྱབ་འགན་འཛིན། མོན་གྷོ་ས་གནས་རང་བདེན་ཚོགས་ཆུང་གི་ཚོགས་གཙོ་དང་ས་གནས་འཐུས་མི། ཉམ་ཐག་བསྐྱར་ཞིབ་ཚོགས་གཙོ་བཅས་ཀྱི་འགན་འཁུར་མྱོང་། དབུ་མའི་ལམ་ལས་འགུལ་ཁང་གི་སྐབས་དང་པོའི་འགན་འཛིན་ཁོངས་མི་དང་། མོན་གྷོ་ས་གནས་གཞུང་མང་ཛ་དྲག་ཚོགས་པའི་དྲིལ་བསྒྲགས་འགན་འཛིན་སོགས་བྱས། ༢༠༠༩ལོར་ར་ཤི་ཡའི་ཨོ་ལན་བོ་དེ་སྒྲོལ་ལྗང་གྲྭ་ཚང་གི་གདན་ཞུས་ཀྱིས་དགེ་རྒན་དང་ཁྲི་བ་གཅིག་ལྕོག་ཏུ་བསྐོ་བཞག་ཞུས། ༧གོང་ས་སྐྱབས་མགོན་ཆེན་པོའི་དབུ་འོག་ཞབས་འདེགས་དང་། བོད་མི་རིགས་དང་རིག་གཞུང་ལ་བཅངས་པའི་རྨི་ལམ་ཞིག་མངོན་འགྱུར་ཆེད་རྒྱ་གར་ཏུ་ཕྱིར་ལོག ད་ཆར་ཀུན་ཕན་རིག་གནས་སློབ་གྲྭའི་སློབ་སྟོན་པ་དང་། དབུ་མའི་ལམ་གསར་ཤོག་གི་རྩོམ་སྒྲིག་པ། གངས་ལྗོངས་ཕོ་ཉ་དྲ་ཚིགས་ཀྱི་འགན་འཛིན་བཅས་ཀྱི་འགན་ཁུར་ནས་ཡོད།
༥ འོད་དཀར་དྲ་ཚིགས་ཀྱི་རྩོམ་སྒྲིག་པ་གཟུངས་ཕྱུག་སྐྱིད་ལགས་ཀྱི་ལོ་རྒྱུས་མདོར་བསྡུས།
རྩོམ་པ་པོ་གཟུངས་ཕྱུག་སྐྱིད་ལགས་ནི། ཕྱི་ལོ་༡༩༧༤ལོའི་ཟླ་༣པའི་ཚེས་༡༥ལ་མདོ་སྨད་མང་རྫོང་རུ་ངན་ཁག་གསུམ་གྱི་ཡ་གྱལ་ཚ་ནག་སྡེ་བར་སྐྱེས་ཤིང་། ཆུང་དུས་ནས་སློབ་གྲྭ་ཆུང་འབྲིང་འགྲིམ་ཏེ་བརྩམ་ཆོས་སྙན་དེབ་བྱུ་རུའི་ལས་དབང་བརྩམས། ཕྱི་ལོ་༢༠༠༢ལོར་རྒྱ་གར་དུ་སྐྱབས་བཅོལ་ལ་འབྱོར་ཞིང་རིགས་གཅིག་རྐང་འཛིན་གྱི་སློབ་སྦྱོང་མཛད་མུས་སུ་བརྩམ་ཆོས་འཇགས་མི་སྲིད་པའི་བཞུར་རྒྱུན་དང་བང་སོ་སོགས་སྙན་དེབ་ཁག་གསུམ་འགྲེམ་སྤེལ་མཛད་ཅིང་། ད་ལྟའི་ཆར་པེན་རྒྱལ་སྤྱིའི་རྩོམ་པ་པོའི་མཐུན་ཚོགས་ཀྱི་ཚོགས་མི་དང་བོད་རྒྱལ་ཡོངས་རྩོམ་པ་པོའི་མཐུན་ཚོགས་ཀྱི་ཚོགས་མི་ཡིན་ལ། འོད་དཀར་དྲ་ཚིགས་ཀྱི་རྩོམ་སྒྲིག་པའི་ཕྱག་ལས་གནང་མུས་སུ་ཡོད་དོ།།
མདོ་སྨད་དབུས་སྤྱི་ཁྱབ་རྒྱུད་ལས་ཁང་ལ་ཐུགས་རྗེ་ཆེ་ཞུ། རྒྱུ་མཚན་ད་ཐེངས་ཆོལ་ཁ་གཞན་དང་མ་འདྲ་བར་ཞིབ་ཚག་ཅིག་ཡོངས་འདུག་བསམ་པས་ཡིན།
ད་དུང་དགོས་ངེས་ཅིག་ནི་འོས་མི་འདི་དག་གི་ལོ་རྒྱུས་མདོར་བསྡུས་རེ་འགྲེམ་སླེལ་བྱས་ན་ཕན་ཐོག་ཆེན་པོ་ཡོད་ངེས་པས་དེ་དོན་ཐུགས་ལ་འཛིན་རོགས་ཞུ། གུས་པས་ཀྱང་འདི་ནས་འོས་མི་འགའ་ཞིག་གི་ལོ་རྒྱུས་ཤེས་པས་དེ་དག་ཁྱེད་ཀློག་པ་པོ་དག་ལ་ཕན་སེམས་ལྡན་པའི་སྒོ་ནས་ངོ་སྤྲོད་བྱེད་རྒྱུ་ཡིན།
༡ སྤྱི་ཟུར་རོང་བོ་བློ་བཟང་སྙན་གྲགས་ལགས་ཀྱི་ལོ་རྒྱུས་མདོར་བསྡུས།
མདོ་སྨད་སྤྱི་ཟུར་རོང་བོ་བློ་བཟང་སྙན་གྲགས་ནི་ཕྱི་ལོ་༡༩༧༠ལོར་མདོ་སྨད་གཅན་ཚ་རུ་སྐྱེས། གཞི་རིམ་ནས་སློབ་འབྲིས་བར་དུ་སློབ་གྲྭར་སྐྱོད། རང་ལོ་བཅུ་དྲུག་སྟེང་རེབ་གོང་རོང་བོ་དགོན་ཆེན་དུ་ཆོས་ཞུགས་བྱས་ཏེ་ལོ་ངོ་བཅུ་བཞིའི་རིང་ལ་གཞུང་བཀའ་བོད་ལྔ་རིག་གནས་དང་བཅར་པར་སློབ་སྦྱོང་མཐར་བྱིན་པ་བྱས། སྐབས་ཏེ་དག་དུ་རོང་བོ་དགོན་ཆེན་དུ་སློབ་སྦྱོང་བྱེད་ཞོར་དུ་དགེ་རྒན་གྱི་འགན་ཁུར་ཏེ་དབུ་མ་མན་གྱི་འཛིན་གྲྭ་རྣམས་ལ་མཚན་ཉིད་དང་། རིག་གནས་སུམ་རྟགས་དག་གསུམ་སོགས་སློབ་ཁྲིད་བྱས། ཕྱི་ལོ་༢༠༠༠ལོར་བཙན་བྱོལ་དུ་ཕེབས། ༸གོང་ས་མཆོག་ལ་གཟིམ་ཆུང་མཇལ་བཅར་ཞུས། སྐུ་སྒེར་ཡིག་ཚང་གིས་བཀའ་མངགས་བཞིན་༸གོང་ས་མཆོག་གི་བཀའ་འབུམ་སྡུད་སྒྲིག་ཡིག་ཚང་དུ་རྒྱལ་བའི་བཀའ་འབུམ་ཞུ་སྒྲིག་གི་ཕྱག་ལས་གནང་། ཕྱི་ལོ་༢༠༠༡ཟླ་༤བའི་ནང་༸གོང་ས་མཆོག་གིས་སྐབས་བཅུ་གསུམ་པའི་ཐད་བསྐོས་སྤྱི་འཐུས་སུ་བསྐོ་བཞག་བསྩལ། ཕྱི་ལོ་༢༠༠༢ལོར་ལྷོ་ཕྱོགས་སེར་བྱེས་མཁས་སྙན་གྲྭ་ཚང་དུ་ཆོས་ཞུགས་བྱས་ཏེ་མཛོད་འདུལ་སོགས་ལ་སློབ་སྦྱོང་བྱེད་ཞོར་དུ་དོན་གཉེར་ཅན་རྣམས་ལ་སུམ་རྟགས་དག་གསུམ་སོགས་སློབ་ཁྲིད་བྱེད་མུས་སོ།། ཁོང་གིས་ད་བར་དུ་<<མདོ་སྨད་གནས་ཆེན་རྨ་འགྲམ་རྡོ་རྗེ་བྲག་གི་ལོ་རྒྱུས་ལེགས་པར་བཤད་པ་ཟ་འོག་གོས་ཀྱི་རོ་མོ་>>སོགས་དེབ་ལྔ་དང་། སྔོན་བྱོན་ལོ་ཙྭ་བའི་སྐུ་དྲིན་དྲན་པ་སོགས་སྙན་རྩོམ་དང་དཔྱད་རྩོམ་བཅུ་ཕྲག་གསུམ་ལྷག་སྤྲང་ཆར་སོགས་དུས་དེབ་འདྲ་མིན་ཐོག་འགྲེལ་སྤེལ་བྱས་ཡོད།
ད་རེའི་འོས་གཞི་འདིའི་ནང་དུ་ཀླུ་མཁར་བྱམས་དང་ལུང་རིགས་རྒྱལ་གཉིས་མ་སླེབས་པ་ག་རེ་ཡིན་ནམ། ས་གནས་འགར་ཁོང་གཉིས་ས་བོན་འོས་གཞིའི་རྩེ་ཕུད་རེད་ཟེར། དེ་ནི་དབུས་ནས་བཀག་པ་འདྲ་མིན་ནམ།
ངས་བལྟས་ན་མདོ་སྨད་ཀྱི་འོས་གཞི་གསར་བ་འདི་དག་ཇི་ལྟར་རྩེ་གཏོགས་བརྒྱབ་མིན་ལ་དོགས་གཞི་ཞིག་འདུག དེ་བསམ་ཚུལ་ཡིན། དེར་འགྲེལ་བཤད་ཅིག་ཡོད་ན་ལེགས།
གསར་འགོད་པས་ཀྱང་དེར་བཅར་འདྲི་ཞིག་བྱེད་ཐུབ་ན་ཡག
མདོ་སྨད་དབུས་སྤྱི་ཁྱབ་རྒྱུད་ལས་ཁང་གིས་ཡག་པོ་འདེམས་འདུག་ཐུགས་རྗེ་ཆེ།
ང་འདོད་པ་ཡོད་པའི་མི་འདི་དག་ཡིན། ༡ད་ལྟའི་སྤྱི་འཐུས་ལས་ཐོག་སྤེན་པ་ཚེ་རིང་།༢་རྒྱལ་རོང་ཟླ་བ་ཚེ་རིང་། ༣འཕེལ་རྒྱས་སྒྲོལ་མ་མཚོ་མོ། ༤ཀིརྟི་སྒྲོལ་དཀར་ལྷ་མོ། །༥ ཆབ་བྲག་ལྷ་མོ་སྐྱབས། ༦ གངས་ལྗོངས་རང་བདེན་ཚོགས་གཙོ་བློ་བཟང་དཔལ་ལྡན། ༧ རྩོམ་པ་པོ་ཤེས་རབ་དར་རྒྱས། ༨དུས་བབས་ཚང་ལུང་རིག་རྒྱལ་བཅསསོ། ༩དབྲ་རྩ་སྐལ་བཟང་ལྷ་མོ།
ཆབ་སྲིད་ཀྱི་གོ་རྟོགས་ཡོད་དགོས་པ་དང་། ཕྱོགས་རིས་ཀྱིས་ཞེན་ཁོག་སྐམ་པོ་དེ་དང་དུས་ནམ་ཡང་རྒྱང་རིང་དུ་སྡོད་ཐུབ་མཁན་གྱི་སྤྱི་འཐུས་ཡོང་དགོས་པ་ལས། གང་ལྟར་ཚིགས་བཅད་ཐ་རེ་ཐོ་རེ་འབྲི་ཤེས་མཁན་མང་པོ་ཞིག་མ་གཏོགས་མདོ་སྨད་སྤྱི་འཐུས་ཀྱི་ས་བོན་གཞན་མེད་ན་ས་བོན་འདི་དག་ལས་འབྲས་བུ་བཟང་པོ་རེ་འཐོབ་རྒྱུ་ཨེ་ཡོད་སྙམ་པའི་སེམས་འཚབ་ཧ་ཅང་ཆེ།
མདོ་སྨད་དབུས་རྒྱུན་ལས་གང་གིས་མགོ་ལོག་མཁན་བོ་འཇུ་བསྟན་སྐྱོང་མཆོག་འོས་གཞིའི་ནང་དུ་བཞག་མི་འདུག དེའི་རྒྱུ་མཚན་གང་ཡིན་འདིནཡིན་མདོ་སྨད་དབུས་རྒྱུན་གྱི་ངོས་ནས་ངེས་པར་དུ་གསལ་བཤད་ཅིག་མ་བྱས་ཐབས་མེད་ཡིན། ཁོང་ལ་ཁྱེད་ཚོའི་བཏོན་པའི་འོས་གཞིའི་ཁག་གི་ཆ་རྐྱེན་འདྲ་མཚུངས་སུ་ཡོད།
མདོ་སྨད་དབུས་སྤྱི་ཁྱབ་རྒྱུད་ལས་ཁང་གིས་ཡག་པོ་འདེམས་འདུག་་་་་་ཐུགས་རྗེ་ཆེ། འདི་ལྟར་སོ་སོ་སོ་སོའི་ས་ནས་སྐབས་བཅོ་ལྔ་བའི་བོད་རྒྱལ་ཡོངས་འོས་འདེམས་ཆེན་མོའི་གནད་དོན་བགྲོ་གླེང་དང་སྤྱི་ཚོགས་ཁྲོད་ནས་མི་བུ་གང་མང་འོས་འདེམས་བྱས་ན་རྒྱ་ཆེའི་མི་མང་ལ་ཁ་ཕྱོགས་ཤིག་བསྟན་ཐུབ་ངེས་རེད། ད་རུང་མདོ་སྨད་དབུས་སྤྱི་ཁྱབ་རྒྱུད་ལས་ཁང་ལ་གསལ་བཤད་ཞུ་རྒྱུ་ཞིག་ལ། མི་སྣ་དེ་དག་གི་འདས་ཟིན་པའི་ལོ་རྒྱུས་དང་། དེ་མིན་སློབ་སྤྱོང་དང་ཤེས་བྱ་ཡོན་ཏན་གྱི་ཚད་གཞི། ཁོང་ཚོའི་ལྟ་བ་དང་བསམ་བློ་སོགས་ཕྱོགས་མང་བོ་ཞིག་ནས་མི་མང་ལ་གསལ་བཤད་དང་སྤྱི་ཚོགས་ཁྲོད་གསལ་བསྒྲགས་སྤེལ་ཐུབ་ཚེ་ནུས་པ་དེ་ལས་ཆེ་བ་ཡོང་གི་རེད་སམས་ཀྱིན་འདུག།
རྩོམ་པ་པོ་མཐུན་ཚོགས་ཀྱི་དྲུང་ཆེ་ལས་ཐོག་བུདྡྷཱ་སྐྱབས་འོས་འབྱོར་བྱེད་འདོད་བྱུང་། འགྲེལ་བཤད་རྒྱག་རྒྱུ་མེད། འོན་ཀྱང་བསྟན་འཛིན་མགོན་པོ་དང་བསྡུར་ན་མི་འདི་རིགས་ཡར་གཏང་ཡས་ལ་ང་ཚོས་བསམ་བློ་རེ་གཏང་ན་་་་
འོས བ་དག་་་་་་་། ༡ད་ལྟའི་སྤྱི་འཐུས་ལས་ཐོག་སྤེན་པ་ཚེ་རིང་།༢་རྒྱལ་རོང་ཟླ་བ་ཚེ་རིང་། ༣འཕེལ་རྒྱས་སྒྲོལ་མ་མཚོ་མོ། ༤ཀིརྟི་སྒྲོལ་དཀར་ལྷ་མོ། །༥ ཆབ་བྲག་ལྷ་མོ་སྐྱབས། ༦། ས་རཱ་མཐོ་སློབ་ཀྱི་དགེ་རྒན་བསོད་ནམས་རྒྱལ་མཚན། ༧ནོར་གླིང་མཐོ་སློབ་འགན་འཛིན་སྒྲོལ་དཀར་སྐྱབས། ༨ གངས་ལྗོངས་རང་བདེན་ཚོགས་གཙོ་བློ་བཟང་དཔལ་ལྡན། ༩ཇོ་ནང་འགྲོ་ཕན་ལྷན་ཚོགས་ཀྱི་ཚོགས་གཙོ་ཚངས་དབྱངས་རྒྱ་མཚོ།
འདི་དག་ལ་རེ་བ་ཆེའོ
ཁ་སྐོང་དུ་་་་དུས་བབས་ཚང་ལུང་རིག་རྒྱལ་བཅསསོ
འདི་འདྲ་ཞིག་རེད། འདི་ལས་མདོ་སྨད་ཚང་ལ་སྤྱི་འཐུས་ལ་འོས་པ་ཞིག་མེད།