གཞོན་ལྷན་གྱི་དབུས་རྒྱུན་གསར་འདེམས་བྱུང་བ།

གཞུང་འབྲེལ་མ་ཡིན་པའི་རེ་བ་ཅན་གྱི་བོད་ཀྱི་གཞོན་ནུ་ཚོགས་པའི་ལས་དོན་ལེགས་འགྲུབ་དང་རྒྱུན་ལས་གསར་འདེམས་བྱུང་བ་བཅས་ལ་ཕྲན་གྱིས་སྙིང་ཐག་ནས་དགའ་བསུ་དང་འཚམས་འདྲི་བཀྲ་ཤིས་བདེ་ལེགས་ཞུ་གིན་ཡོད།
ཚོགས་གཙོ་དང་ཚོགས་གཞོན། དྲུང་ཆེ་གསུམ་ལ་དམིགས་བསལ་གྱིས་འཚམས་འདྲི་ཞུ་འདོད་བྱུང་། བོད་ཀྱི་གཞོན་ནུའི་ལས་དོན་ཚགས་ཚུད་ཡོང་མི་ཡོང་ནི་བོད་ཀྱི་བདེ་སྡུག་དང་ཧ་ཅང་འབྲེལ་ཡོད་པས་ཤུགས་རྒྱག་རོགས་ཞེས་འབོད་སྐུལ་ཞུ་འདོད་བྱུང་།

གཞོན་ནུའི་ཚོགས་འདུ་ལེགས་གྲུབ་བྱུང་བར་ངས་སྙིང་ཐག་པ་ནས་བཀྲིས་བདེ་ལེགས་ཞུ།
གཞོན་ནུའི་ལང་ཕྱོགས་དང་གཞོན་ནུའི་ཕུགས་བསམ་དེ་ད་བར་གཞིས་བཞུགས་རྣམས་ཀྱི་ཇི་བཞིན་ཤེས་རྟོགས་དཀའ་བས་གཞོན་ནུའི་མ་འོངས་པའི་བྱ་བ་བསྒྲུབས་སྟངས་དེ་ཞི་དྲག་གང་ཡིན་དང་གཞོན་ནུར་རྒྱབ་སྐྱོར་ག་འདྲ་དགོས་མིན་གྱི་གསལ་བཤད་ཞིག་གནང་ན་དགེ་མཚན་ཆེ་བར་མངོན།
བོད་རང་བཙན་ནི་བོད་མི་བརྒྱ་ཆ་དགུ་བཅུ་བརྒལ་བའི་མངོན་འདོད་ཡིན་ཀྱང་ད་བར་བོད་རང་བཙན་གྱི་བྱ་བ་བསྒྲུབ་པའི་ལངས་ཕྱོགས་དེ་འདི་ཡིན་གྱི་གསལ་ཁ་མེད་པ་དང་ཐབས་ལམ་ག་འདྲ་ཞིག་ལ་བསྐྱོད་དགོས་མིན་དེ་བས་ཤེས་དཀའ་བས་མ་འོངས་པའི་བོད་འདི་རང་བཙན་རང་བདག་ཡོང་ཕྱིར་ང་ཚོ་ཚང་མས་ལམ་བུ་གཅིག་གི་ཐོག་བསྐྱོད་ན་ནུས་པ་ཆེ་ཞིང་སེམས་པ་མཚིམས་པས་དེ་དོན་ཅིས་ཀྱང་དགོངས་པར་འཚལ།
ད་ལྟའི་སྐབས་འདིར་གཞོན་ནུས་བོད་ནང་གི་ཆབ་སྲིད་བཙོན་པ་དང་འཁོར་ཡུག་གནས་སྟངས་སོགས་ལ་རྒྱ་མིར་འབོད་སྐུལ་ཞུས་པ་ནང་བཞིན་ལས་དེའི་ཐོག་ལ་གནོན་ཤུགས་གང་ཡང་སྤྲོད་ཐུབ་ཀྱི་མི་འདུག
གཅིག་བྱས་ན་གཞོན་ནུའི་ལམ་ཡང་དབུ་མའི་ནང་ཕྱིན་པས་མིན་འགྲོ
གང་ལྟར་གཞོན་ནུས་དབུ་མའི་ལམ་དང་བོད་གཞུང་གི་ཆབ་སྲིད་ལས་ལོགས་སུ་གཞོན་ནུའི་མངོན་འདོད་བོད་རང་བཙན་གྱི་ལམ་ཁ་གསར་པ་ཞིག་ལ་བསྒྱུར་ནས་ཆབ་སྲིད་ཀྱི་ལག་ཆ་དོན་དང་ལྡན་པ་ཞིག་བཟུང་བའི་སྨོན་འདུན་ཡོད།
བོད་རང་བཙན་མྱུར་དུ་ཐོབ་པའི་སྨོན་འདུན་བཅས།

བོད་ཀྱི་གཞོན་ནུ་ལྷན་ཚོགས་ཀྱིས་ཚོགས་ཆེན་ཐེབས་༡༤པ་རྒྱལ་ཁའི་ངང་གྲོལ་བར་ལ་སྙིང་ནས་དགའ་བསུ་དང་རྒྱུན་ལས་གསར་པ་རྣམས་ལ་འཚམས་འདྲི་བཀྲ་ཤིས་བདེ་ལེགས་ཞུ་་་་་ལྷག་པ་ཚོགས་གཙོ་ཚེ་དབང་རིག་འཛིན་དང་ཚོགས་གཞོན་དོན་འགྲུབ་ལྷ་དར་རྣམ་གཉིས་དབུས་པའི་ལས་བྱེད་གསར་པ་ཡོང་གྱིས༧སྐྱབས་མགོན་རིན་པོ་ཆེའི་དགོངས་གཞི་དང་མ་འགལ་བ་ཕྱག་ལས་གནང་རྒྱུ་ནི་གལ་གནད་ཆེར་ལ་བོད་མི་ཡོང་ཀྱིས་དམིགས་ཡིད་ཡང་ཡིན་་་་་༧སྐྱབས་མགོན་རིན་པོ་ཆེའི་དགོངས་གཞི་དེ་འཛམ་གླིང་འགྲོ་བ་མི་སྤྱིའི་བཟང་སྤྱོད་ཀྱི་རིན་ཐང་གོང་འཕེལ་གཏོང་རྒྱུ་དང་ཞི་བདེར་གནས་རྒྱུ་དེ་དགོངས་པ་དང་པོ་དེ་རེད་་་་་་གཉིས་པ་དེ་འཛམ་གླིང་གི་ཆོས་ལུགས་ཕན་ཚུན་འཆམ་མཐུན་དང་ཞི་བདེར་ཡོང་བ་ལ་ལེགས་སྐྱེས་འབུལ་རྒྱུ་དེ་གཉིས་པ་རེད། གསུམ་པ་རྒྱ་བོད་གྱི་རྩ་དོན་དེ་ཞི་བདེར་གྱི་ལམ་ནས་སེར་རྒྱུ་ནི་༧སྐྱབས་མགོན་རིན་པོ་ཆེའི་དགོངས་གཞི་གསུམ་པ་དེ་རེད་་་དེ་འདྲ་ཡིན་པས་གཞོན་ནུའི་ལས་བྱེད་གསར་པ་ཡོང་ཀྱིས་༧སྐྱབས་མགོན་རིན་པོ་ཆེའི་དགོངས་གཞི་དང་མ་འགལ་བའི་བོད་དོན་གྱི་བྱ་བ་གང་བརྩམ་ལེགས་
འགྲུབ་ཡོང་བའི་སྨོན་འདུན་ཞུ།

ཁོ་རེ་གསེར་སྨྱུག་ཁྱོད་ཀྱིས་གུག་ཤད་ནང་ལ་ཚིག་སྣོན་བླུགས་ནས་གསལ་བཤད་གསར་པ་ག་རེ་བྱེད་ཀྱི་ཡོད། གསལ་བཤད་བྱེད་དགོས་ན་མི་མང་གི་སྤྱན་ལམ་དུ་མ་ཕུལ་གོང་ནས་བྱེད་དགོས། མ་གཞི་ནས་ངས་ཁྱོད་དང་ཁྱོད་འདྲ་བའི་མི་དེ་ཚོས་གང་བཤད་པ་མི་མང་ལ་བསྒྲག་མི་ཆོག་པ་གང་ཡིན། ངས་སུ་དང་སུའི་བར་ལ་དཀྲོགས་གཏམ་མཤད་སོང་ཁོ་རེ་གསལ་པོ་ཤོད། ངས་ཚགས་ཤོག་སྤྱིའི་འདོན་ཐེངས་ཨངས་གྲངས་ས་གནས་གང་དུ་པར་པ་ཚགས་པར་གྱི་མིང་སོགས་(((བོད་ཀྱི་བང་ཆེན་སྤྱིའི་དོན་ཐེངས་291 དྷ་རམ་ས་ལ་)))ཞེས་གསལ་ཐག་ཆོད་བཀོད་ཡོད། ཁྱོད་ཀྱི་སུ་ལ་ཧམ་པ་ཤོད་ཀྱི་ཡོད་དམ། ལང་ཤོར་ཁྱོད་ཀྱི་བཟོ་བཅོས་འདིར་ལྟོས་དང་ངོ་ཚ་དགོས་པ་ཞིག་འདུག
(((ང་ཚོ་མང་ཆེ་བ་བྱང་ཆུབ་སེམས་དཔའ་ཡང་མ་རེད་ལ་སྤྱན་རས་གཟིགས་ཀྱི་སྤྲུལ་པ་ཡང་མ་རེད།))) ༸གོང་ས་མཆོག་ལ་མཚན་སྨད་ཡིན་བཞིན་དུ་བོད་མི་མང་ཐོག་ལ་ཁ་བསྐོར་དོན་ཅི། བོད་མི་མང་སྤྱན་རས་གཟིགས་དང་བྱངས་ཆུབ་སེམས་པའི་སྤྲུལ་པ་རེད་ཟེར་མཁན་སུ་འདུག འཆལ་གཏམ་མ་ཤོད་ཁོ་རེ།

ད་འོ་ན་འདིཡང་དཀྲོགས་གཏམ་ཡིན་ནམ།
ཕྱི་ལོ་ 2010 ཟླ་བ་ 8 པའི་ཚེས་ 4 ཉིན་རྒྱབ་༸གོང་ས་མཆོག་གི་ཕོ་བྲང་དུ་༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌། མཇུག་དེར་༧གོང་ས་མཆོག་གིས་གཞོན་ནུའི་ཚོགས་གཙོ་ཚེ་དབང་རིག་འཛིན་ལ་དངོས་ཡོད་དང་སྦྲགས་ནས་དྲི་བ་འདི་ལྟར་གནང་འདུག ང་ལ་མཚོན་ན་རང་བཙན་རྩོད་ཀྱི་མེད་ལ་རང་བཙན་ལེན་ཐུབ་པའི་ནུས་པ་ཕྱོགས་གང་ནས་བལྟས་ཀྱང་འདང་གི་མི་འདུག དེ་མཚུངས་སུ་རྒྱ་མི་ཡོངས་རྫོགས་བོད་ནས་ཕར་ཕུད་རྒྱུ་ལྟ་ཅི་མི་བྱེ་བྲག་པ་གཅིག་ཀྱང་ཕར་ཕུད་རྒྱུའི་ནུས་པ་མེད་པ་ཕྱོགས་གང་ནས་བལྟས་ཀྱང་དངོས་ཡོད་རེད། དེས་ན་ཁྱེད་ཀྱིས་རྒྱ་མི་ཕར་ཕུད་ཐུབ་པར་འདུག་གམ། རང་བཙན་ལེན་ཐུབ་བམ། ཞེས་གསུངས་སྐབས། ཚེ་དབང་རིག་འཛིན་གྱིས་རང་བཙན་ངས་ལེན་དགོ། རྒྱ་མི་ངས་ཕར་ཕུད་ཐུབ་ཅེས་ཞུས་ཡོང་དུས། ༧གོང་ས་མཆོག་གིས་སྐུ་ཁོང་འཛུམ་དང་བཅས་ཁྱེད་ཀྱིས་གང་འདྲ་བྱས་ནས་རང་བཙན་ལེན་ག ག་འདྲ་བྱས་ནས་རྒྱ་མི་ཕར་ཕུད་ཐུབ ཅེས་དངོས་ཡོད་དང་འབྲེལ་ནས་བཀའ་གནང་འདུག།་ད་དུང་ཞེད་སྣང་མེད་ནའང་འཚེར་སྣང་ཙམ་ཡང་མེད་པར། ཧམ་པ་ཆེན་པོས་རྒྱ་མི་ངོས་ཕུད་དགོ། རང་བཙན་ངས་ལེན་དགོ་ ངས་ལེན་ཐུབ་ཅེས་མགོ་མཇུག་དང་བཟང་སྤྱོད་ཀྱི་རྣམ་འགྱུར་གང་ཡང་མེད་པར་ཞལ་ལན་ཧམ་པ་ཆེན་པོས་སློག་ཡོད་འདུག དེ་བཞིན་ཕུར་བུ་ཟེར་བ་ཞིག་གིས་ཀྱང་འཇོན་མདོག་ཁ་པོས་མགོ་མཇུག་གོ་རིམ་གྱི་གུས་ཞབས་གང་ཡང་མེད་པར་ཧམ་བཤད་ཀྱིས་༧གོང་ས་མཆོག་ལ་དྲི་བ་འདྲ་ཞུས་འདུག དེར་བརྟེན་རྒྱུ་རྐྱེན་དེ་འདྲ་མང་པོ་ཞིག་གིས་མཐར་༧གོང་ས་མཆོག་སྐུ་རླུང་བཞེངས་ནས་ཁྱེད་ཚོ་ཚང་མ་ད་ལྟ་རང་ལོག་རྒྱུག་ང་ཡང་འདི་རུ་འདུག་འདོད་མེད་པས་ལོག་ཕེབས་གནང་གི་ཡིན་ཞེས་བཀའ་ནན་པོ་གསུངས་འདུག དེ་མིན་འཇུག་མཐར་ང་རྒྱལ་བ་རིན་པོ་ཆེས་བོད་མི་དམངས་ཀྱི་ཆེད་དུ་ཡོད་ཚད་བྱས་པ་ཡིན་ཀྱང་ད་དེ་ཚོ་ཕན་གྱི་མེད་པ་འདྲ།་ད་མ་ཕན་ན་བསྡད་ནས་ཅི་བྱེད། དེ་ལས་ཤི་ན་ཡག་གི་རེད།ཅེས་ཐུགས་ཕམ་པའི་བཀའ་སློབ་མང་པོ་གསུང་འདུག ་་་

གསེར་སྨྱུག་ལགས་ཀྱིས་གསལ་བཤད་ཡག་པོ་འདུག། བཀའ་དྲིན་ཆེ། 

འདིའི་གོང་དུ། ཁམས་ཕྲུག་འཇིགས་མེད་ཟེར་བ་ཞིག་གིས་“དོན་གྲུབ་ལྷ་དར་ཚོགས་གཞོན་ལ་འདེམས་དོན་ནི་ཉེ་སྔོན་ཁོ་པས་༸གོང་ས་མཆོག་གི་དགོངས་གཞི་ལ་སློབ་སྦྱོང་བྱེད་པ་ཞེས་པའི་བརྗོད་གཞིའི་ཐོག་གཏམ་བཤད་སྐབས་གོང་ས་མཆོག་ནི་ “བོད་མི་སྤྱི་ཡོངས་ཀྱི་གནས་སྟངས་ཐོག་ནས་བལྟས་ན་བྱང་ཆུབ་སེམས་དཔའ་ཡང་མ་རེད་ལ་སྤྱན་རས་གཟིགས་ཀྱི་སྤྲུལ་པ་ཡང་མ་རེད། སྤྱི་ཡོངས་ཀྱི་གནས་སྟངས་ཀྱི་ཆ་ནས་མི་ཐ་མལ་པ་ཞིག་རེད།” ཅེས་བརྗོད་འདུག བོད་ཀྱི་བང་ཆེན་སྤྱིའི་འདོན་ཐེངས་ 291 དྷ་རམ་ས་ལ་”ཞེས་དཀྲོག་གཏམ་ཞིག་སྤེལ་འདུག གནད་དོན་འདི་ཐོག་མར་ལྟ་བའི་སྐབས་ཧང་སང་བ་ལྟ་བུ་ཞིག་བྱུང་ལ། ཕྱོགས་གཅིག་ནས་ད་ལྟའི་སྤྱི་ཚོགས་བོད་རང་བཙན་གྱི་ལངས་ཕྱོགས་འཛིན་མཁན་རྣམས་ལ་བསྙོན་འཛུགས་འདྲ་མིན་བྱེད་བཞིན་པ་དང་། ལྷག་པར་དུ་ལངས་ཕྱོགས་བརྟན་པོ་ཡོད་པའི་བོད་ཀྱི་གཞོན་ནུ་ལྷན་ཚོགས་ལའང་དོན་མེད་ཀྱི་བསྙོན་འཛུགས་བྱས་པ་ཞིག་ཡིན་དང་། དངོས་ཡོད་གནས་ཚུལ་ཡིན་གསལ་པོ་བཟོ་དགོས་པ་གལ་ཆེར་མཐོང་ནས། བོད་ཀྱི་བང་ཆེན་གསར་ཤོག་དང་དྲ་རྒྱ་གཉིས་སུ་ཞིབ་འཇུག་བྱས་པ་མ་ཟད། སྐབས་དེའི་གཞོན་ནུའི་དྲུང་ཆེ་དོན་གྲུབ་ལྷ་དར་ལགས་ཀྱི་གཏམ་བཤད་ཀྱི་སྒྲ་ཐག་ངོ་མར་ཉན་པ་ཡིན་ལ། ཁམས་ཕྲུག་འཇིགས་མེད་ཟེར་བ་དེས་གནད་དོན་ཅི་ཞིག་གི་ཆེད་དུ་བོད་ཀྱི་གཞོན་ནུ་ལྷན་ཚོགས་ལ་བསྙོན་འཛུགས་བྱེད་དགོས་དོན་དང་། ལྷག་པར་དུ་གཞོན་ནུའི་ཚོགས་གཞོན་ལ་ན་ཚ་ཅི་ཞིག་ཡོད་མེད་ཆ་མ་འཚལ་ཡང་། དངོས་ཡོད་གནས་གཤམ་གསལ་ལྟར་རེད།
བོད་ཀྱི་བང་ཆེན་ཚགས་པར་དང་། དྲ་རྒྱ་གཉིས་ཀར་གཅིག་མཚུངས་སུ་འཁོད་འདུག་པ་འདིར་དྲངས་པ་ཡིན། “དབུས་བོད་ཀྱི་གཞོན་ནུ་ལྷན་ཚོགས་ཀྱི་དྲུང་ཆེ་དོན་གྲུབ་ལྷ་དར་ལགས་ཀྱིས་གསུང་དོན། ༧སྐྱབས་མགོན་རིན་པོ་ཆེའི་དགོངས་གཞི་ལ་འགྲེལ་བཤད་བྱེད་དགོས་ན། ༧སྐྱབས་མགོན་རིན་པོ་ཆེ་དེ་གནས་བབ་ག་འདྲ་ཞིག་གི་སྒང་ལ་ཡོད་རེད་དེ་ཤེས་དགོས་ཀྱི་རེད། ངའི་ངོས་ནས་བལྟས་ན། ༧རྒྱལ་བ་རིན་པོ་ཆེ་དེ་བོད་རྒྱལ་ཁབ་ཆེན་པོའི་བླ་ན་མེད་པའི་དབུ་ཁྲིད། འཛམ་གླིང་ཞི་བདེའི་དེད་དཔོན། འཇིག་རྟེན་ཀུན་ཁྱབ་ཀྱི་རིན་ཐང་གོང་འཕེལ་གཏོང་མཁན་གྱི་འདྲེན་པ་ཆེན་པོ་ཞིག་རེད། ༧སྐྱབས་མགོན་རིན་པོ་ཆེའི་དགོངས་གཞི་དེ་འཛམ་གླིང་འགྲོ་བ་མི་སྤྱིའི་བཟང་སྤྱོད་ཀྱི་རིན་ཐང་གོང་འཕེལ་གཏོང་རྒྱུ་དང། ཞི་བདེར་གནས་རྒྱུ་དེ་དགོངས་པ་དང་པོ་དེ་རེད། དགོངས་གཞི་གཉིས་པ་དེ་འཛམ་གླིང་གི་ཆོས་ལུགས་ཕན་ཚུན་འཆམ་མཐུན་དང་ཞི་བདེར་གནས་པར་ལེགས་སྐྱེས་འབུལ་རྒྱུ་དེ་གཉིས་པ་རེད། གསུམ་པ་བོད་མི་ཞིག་དང་བོད་མི་ས་ཡ་དྲུག་གི་དབུ་ཁྲིད་ཡིན་པའི་ངོས་ནས་བོད་པའི་རྩ་དོན་ལ་འགན་ཡོད་གསུང་པ་དེ་༧སྐྱབས་མགོན་རིན་པོ་ཆེའི་དགོངས་གཞི་དང་བཀའ་སློབ་དེ་རེད། དགོངས་གཞི་དེ་དག་ལ་ང་ཚོ་བོད་པ་མི་རེ་ངོ་རེས་སློབ་སྦྱོང་བྱེད་དགོས་པ་དེ་གལ་ཆེན་པོ་རེད་ལ། སློབ་སྦྱོང་བྱེད་པའི་བརྒྱུད་རིམ་ནང་དུ་གོ་བ་མ་ལོག་པ་བྱེད་རྒྱུ་དེའང་གལ་ཆེན་པོ་རེད། ཆོས་ལུགས་ཀྱི་ཆ་ནས་བཤད་ན་༧རྒྱལ་བ་རིན་པོ་ཆེ་དེ་འཕགས་པ་སྤྱན་རས་གཟིགས་ཀྱི་རྣམ་སྤྲུལ་རེད། ཆབ་སྲིད་ཀྱི་ཆ་ནས་བཤད་ན་འཛམ་གླིང་ཞི་བདེའི་གཟེངས་རྟགས་བཞེས་མྱོང་མཁན་ཞིག་རེད། དེར་བརྟེན་༧གོང་ས་མཆོག་ལ་འཛམ་གླིང་སྤྱི་ཡོངས་ཀྱི་འགན་ཁུར་དེ་མང་བ་ཡོད་པའི་གནས་སྟངས་ཤིག་རེད། བོད་མི་སྤྱི་ཡོངས་ཀྱི་གནས་སྟངས་ཐོག་ནས་བལྟས་ན་བྱང་ཆུབ་སེམས་དཔའ་ཡང་མ་རེད་ལ་སྤྱན་རས་གཟིགས་ཀྱི་སྤྲུལ་པ་ཡང་མ་རེད། (ང་ཚོ་བོད་མི་སྤྱི་ཡོངས་ཀྱི་གནས་སྟངས་ཐོག་ནས་བལྟས་ན། ང་ཚོ་མང་ཆེ་བ་བྱང་ཆུབ་སེམས་དཔའ་ཡང་མ་རེད་ལ་སྤྱན་རས་གཟིགས་ཀྱི་སྤྲུལ་པ་ཡང་མ་རེད།) སྤྱི་ཡོངས་ཀྱི་གནས་སྟངས་ཆ་ནས་མི་ཐ་མལ་པ་ཞིག་རེད། ལོ་དྲུག་ཅུའི་རིང་མི་རིགས་དང་ཆབ་སྲིད། རྒྱལ་ཁབ་ཀྱིི་གནས་སྟངས་ལ་བལྟས་ན་བོད་མི་དཀྱུས་མ་ཚོས་བཀའ་སློབ་ལམ་སྟོན་ཉམས་ལེན་བྱེད་པའི་སྐབས་སུ་དམིགས་ས་དེ་༧སྐྱབས་མགོན་རིན་པོ་ཆེའི་དགོངས་གཞི་མཐའ་མ་དེ་ལ་དམིགས་དགོས་ཀྱི་རེད་ཅེས་སོགས་གསུངས་སོང།”ཞེས་འཁོད་འདུག
མཆན། གོང་དུ་གུག་()ནང་བཀོད་པ་བཞིན་བོད་ཀྱི་བང་ཆེན་གྱིས་ཁོང་གི་གཏམ་བཤད་དེ་སྒྲ་ཕབ་བྱེད་པའི་སྐབས་གོང་དུ་ནག་པོ་བཟོས་པའི་ང་ཚོ་ཞེས་པ་དང་། ང་ཚོ་མང་ཆེ་བ་ཞེས་པ་གཉིས་ཆད་འདུག འོན་ཀྱང་གཏམ་བཤད་ཡོངས་རྫོགས་བཀླགས་ན་པ་ཡིན་ན་སྐྱབས་མགོན་རིན་པོ་ཆེ་བྱང་ཆུབ་སེམས་དཔའ་ཡང་མ་རེད་ལ་སྤྱན་རས་གཟིགས་ཀྱི་སྤྲུལ་པ་ཡང་མ་རེད། ཅེས་དོན་ལ་གོ་བ་ལེན་དགོས་པ་ཞིག་གཏན་ནས་ཆགས་མི་འདུག་ལ། སྒྲ་ཕབ་དུས་ཆད་པ་དེ་ཁ་བསྐང་བའི་རྗེས་སུ་དེ་བས་ཀྱང་གསལ་དུ་སོང་འདུག
ཁམས་ཕྲུག་འཇིགས་མེད་ཀྱིས་༧གོང་ས་མཆོག་ནི་ཞེས་ཆེད་དུ་ར་མགོ་ལུག་སྦྱར་གྱིས་གཞོན་ནུའི་ཚོགས་གཞོན་ལ་བསྙོན་འཛུགས་བྱས་པ་ཞིག་ལས་དངོས་ཡོད་གནས་ཚུལ་ཆགས་མི་འདུག་པ་དང། ལྷག་དོན་༧གོང་ས་མཆོག་བྱང་ཆུབ་སེམས་དཔའ་དང་སྤྱན་རས་གཟིགས་ཀྱི་སྤྲུལ་པ་མ་རེད་ཅེས་བཤད་པའི་རྒྱུ་མཚན་ལ་བརྟེན་ནས་གཞོན་ནུ་ཚོགས་པས་ཁོང་ཚོགས་གཞོན་ལ་བདམ་པ་རེད་ཅེས་བཤད་པ་དེ་ནི་དེ་བས་ཀྱང་གཞོན་ནུའི་ཚོགས་ཞུགས་པ་རྣམས་ལ་སྐུར་འདེབས་ཆེན་པོ་ཞིག་ཡིན་པ་ལས་དངོས་ཡོད་གནས་ཚུལ་གཏན་ནས་མ་རེད། ཅེས་དྲ་གྲོགས་རྣམས་ལ་གསལ་བཤད་ཞུས་པ་ཡིན། གསེར་སྨྱུག་གིས།

བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་མཆོག་གི་འདས་པའི་ལས་དུས་སུ་
དཀའ་སྣ་མང་ལ་གདོང་ལེས་དང་། ལོ་རྒྱས་ལ་གཞི་བཅོལ་ནས་བོད་ཀྱི་བདེན་དོན་ལ་འཐབ་རྩོད་བྱེད་པའི་སྒོ་སྣ་མང་གི་དབུ་ཁྲིད་གནང་པར་སྙིང་ནས་དགའ་བསུ་ཡོད། དེ་བཞིན་ལས་རོགས་རྣམ་པ་
དང། ལས་བྱེད་གསར་རྙིང་ཡོངས་ཀྱིས་བོད་བསྒྲུབ་པའི་བྱ་བ་གང་བརྩམ་ལེགས་
འགྲུབ་ཡོང་བའི་སྨོན་འདུན་ཞུ།

ད་ཐེངས་གཞོན་ནུས་ཚོགས་གཙོ་དང་རྒྱུན་ལས་རྣམས་ལ་བཀྲ་ཤིས་བདེ་ལེགས་ཞུ་བ་དང ་ཆ་ཅིག་ཏུ་སྒོ་དྲུག་སྐལ་བཟང་ཕྱོགས་རྟོག་ཚོ་གནས་དབྱུང་བཏང་བ་ཡག་པོ་བྱུང་འདུག

གཞོན་ནུས་ཚོགས་ཆེན་རྒྱལ་ཁའི་ངང་གྲོལ་བར་དགའ་བསུ་དང་ཚོགས་གཙོ་ཚེ་དབང་རིགས་འཛིན་ལགས་བསྐྱར་དུ་ཚོགས་གཙོ་ཕེབས་པར་བཀྲ་ཤིས་བདེ་ལེགས་ཞུ།
སྐུ་ཉིད་ཀྱིས་སྔར་ལྟར་ཕྱག་ལས་གནང་རྒྱུ་དང་མ་འོངས་བོད་པའི་གཞོན་ནུ་ཚོགས་པ་ཞེས་མཚན་སྙན་འཛམ་གླིང་ཁྱབ་ཞིང་དགྲ་བོ་སྙིང་རྩ་འདར་དགོས་པ་ཞིག་བཟོ་རོགས།
གཞན་ཕྱག་རོགས་རྣམས་ཀྱིས་ཀྱང་སེམས་མཐུན་ངང་ཕྱག་ལས་གནང་རོགས་ཞུ་རྒྱུ་ཡིན།

བོད་ཀྱི་གཞོན་ནུ་ནང་ཁུལ་གྱི་རྙོག་སྒྲ་ཐག་བཅད་ཐུབ་པར་ཧ་ཅང་དགའ་པོ་བྱུང། ང་ཅོ་རི་ལ་ནུས་པ་མེད་ཀྱང་གཞོན་ནུ་ཚོགས་པའི་རྒྱབ་སྐྱོར་བྱས་ངེས་ཡིན། གནས་ཚུལ་ཡག་སྡུག་ཅི་བྱུང་ཡང་ཡིན། བོད་པའི་སྤྱི་ཚོགས་ནང་དུ་མི་ནག་ཆགས་པ་ཡིན་ནའང་འགྱོད་པ་སྤུ་ཙམ་མེད་ཞུ།

མ་ཤི་སྔོན་དུ་བོད་རང་བཙན་ཐོབ་པ་ཤོག

ངས་གཞོན་ལྷན་ཚོགས་བཅར་ཞིག་གིས་མདུན་ནས་དངོས་སུ་གོ་ཐོས་བྱུང་བར་གཞིགས་ན། ད་ཐེངས་ཚེ་དབང་རིག་འཛིན་ཁོ་རང་ཚོགས་གཙོར་འདུག་སྡོད་མེད་བཞིན་དུ་བསྐོ་འཇོག་བྱས་འདུག འོ་ན་ད་ཐེངས་ཁོང་ལ་རྒྱལ་ཁ་ཐོབ་པ་རེད་དམ། ཡང་ཕམ་པ་རེད། སྐབས་རེ་གཞོན་ནུའི་ནང་དབང་ཆ་རྩོད་ལེན་གྱི་མེ་ཕུང་འབར་བ་དང། སྐབས་རེ་ཕྱི་ཚུལ་གྱི་ཡིན་འདོགས་བྱེད་པ་དེས་སུ་འགོ་བསྐོར་བཞིན་པ་རེད་དམ།

ཨ་ལེ། ༧གོང་ས་མཆོག་སྐྱེ་བོ་ཐ་མར་མ་ཞིག་ཡིན་པ་ལས། སྤྣན་རས་གཟིགས་མིན་སྐོར་གཞོན་ནུའི་ཚོགས་གཞོན་དོན་གྲུབ་ལྷ་དར་གྱིས་༧གོང་ས་མཆོག་ལ་སྐྱོན་བརྗོད་བྱས་རབས་སྐོར་བོད་ཀྱི་བང་ཆེན་གསར་ཤོག་ཐོག་བཤད་ཡོད་ན་དེ་ནི་དངོས་གནས་བདེན་པ་ཡིན་ངེས་རེད།
བོད་ཀྱི་བང་ཆེན་གསར་ཤོག་ཟེར་བ་དེ་ནི་དངོས་གནས་ང་ཚོ་བཙན་བྱོལ་ནང་གི་ཚགས་ཤོག་ཡག་ཤོས་དང་། ཧ་ཅང་དྲང་བདེན་དེ་རེད།

ངས་ནི་བང་ཆེན་ཚགས་པར་ཟེར་བ་དེ་མཐོང་ཡོང་དུས་ནས་ང་ལ་དད་པ་སྐྱེ་ཡོང་གི་འདུག།

བོད་ཀྱི་གཞོན་ནུ་ཚོགས་པ་ལགས།
ང་ཡིས་ཁྱེད་རྣམ་པའི་དུས་དང་རྣམ་པ་ཀུན་ཏུ་ལུས་ཤུགས་དང་སེམས་ཤུགས།
རྒྱུ་ཤུགས་དང་རྩལ་ཤུགས་ཡོད་དགུ་བོད་དོན་དང་བོད་མའི་བདེ་སྐྱིད་རྩོད་ལེན་གྱི་ཆེད་དུ་ཕུལ་དང་འབུལ་གྱིན་པར་སྙིང་ཐག་པ་ནས་བཀའ་དྲིན་ཆེ་བ་ཡིན།
ན་གཞོན་གྱི་སྙིང་སྟོབས་དང་སྤོབས་པ་ཁྲི་ལོར་ཤོག

གཞོན་ནུའི་ཚོགས་ཆེན་ལེགས་བསྒྲུབས་བྱུང་ཟིན་པ་ལ་སྙིང་ཐག་པ་ནས་ཐུགས་རྗེ་ཆེ་ཞུ་བཞིན་ཡོད།

དོན་གྲུབ་ལྷ་དར་ཚོགས་གཞོན་ལ་འདེམས་དོན་ནི་ཉེ་སྔོན་ཁོ་པས་༸གོང་ས་མཆོག་གི་དགོངས་གཞི་ལ་སློབ་སྦྱོང་བྱེད་པ་ཞེས་པའི་བརྗོད་གཞིའི་ཐོག་གཏམ་བཤད་སྐབས་གོང་ས་མཆོག་ནི་ “བོད་མི་སྤྱི་ཡོངས་ཀྱི་གནས་སྟངས་ཐོག་ནས་བལྟས་ན་བྱང་ཆུབ་སེམས་དཔའ་ཡང་མ་རེད་ལ་སྤྱན་རས་གཟིགས་ཀྱི་སྤྲུལ་པ་ཡང་མ་རེད། སྤྱི་ཡོངས་ཀྱི་གནས་སྟངས་ཀྱི་ཆ་ནས་མི་ཐ་མལ་པ་ཞིག་རེད།” ཅེས་བརྗོད་འདུག
བོད་ཀྱི་བང་ཆེན་སྤྱིའི་འདོན་ཐེངས་ 291 དྷ་རམ་ས་ལ།

གྲོས་ཚོགས་ལེགས་གྲུབ་བྱུང་བ་ལ་དགའ་བསུ་དང་། དོན་གྲུབ་ལྷ་དར་ཚོགས་གཞོན་དུ་འདེམས་ཐོན་བྱུང་བར་བཀྲ་ཤིས་བདེ་ལེགས་ཞུ་རྒྱུ་ཡིན། ཁོང་ནི་བོད་སྤྱི་བའི་དོན་དུ་སེམས་ཤུགས་དང་ལ་རྒྱ་ཡོད་མཁན་ཞིག་ཡིན་པ་མ་ཟད་ཤེས་འཇོན་ལྷག་བསམ་སུམ་ལྡན་ཞིག་ཀྱང་ཡིན་པས་ང་ཚོས་རེ་བ་ཆེན་པོ་བྱེད་ཀྱིན་ཡོད། ཁོང་གིས་ཀྱང་གཞོན་ནུ་རུ་ཁག་གིས་རེ་བ་ཡིད་ཆེས་ལ་ཆུད་ཟོས་སུ་མ་སོང་བ་ཞིག་གནང་རོག་ཅེས་འབུལ་བསྐུལ་ཞུ་རྒྱུ་བཅས།

གྲོས་ཆོད་ཁག་ལེགས་འགྲུབ་བྱུང་ན་བོད་མི་རིགས་ཀྱི་བདེ་ཐབས་ལ་ཕན་རླབས་ཆེ་བ་ཞིག་རེད།།