རིགས་ཀྱིས་དེད་པའི་ཚོར་བ་ལྕི་མོའི་ཉལ་བའི་རྨི་ལམ་དེ་ཡང་། བདེ་སྣང་མེད་པ་དང་ཉིན་མོའི་འཚོ་བའི་རིན་ཐང་ཡང་ཤེས་སུ་མི་འཇུག་པའི་སྣང་བ་ཞིག་འགོག་མེད་དུ་སླེབས་དེ་འོང་དུས། ངས་རང་ལ་བོད་མི་ཞིག་གི་མཚན་ཉིད་ཇི་ལྟར་ཚང་དགོས་མིན་གྱི་སྐོར་ལ་ལོ་ངོ་དུ་མར་བསམ་གཞིགས་གྲངས་མེད་ཅིག་བྱེད་ཁུལ་བྱས་ཀྱང་། རང་གི་སྟེང་ན་ད་དུང་ཡང་བོད་མི་རིགས་ཤིག་གི་མཚན་ཉིད་ཚང་བའི་ལག་ལེན་གྱི་ལས་དོན་ཞིག་མཐོང་དུ་མེད་པར་གྱུར་དུས་སུ། ངས་རང་གི་གྲུབ་མ་དེ་ཡང་རང་ཉིད་ཀྱི་དགྲ་བོ་ལྟ་བུ་ཞིག་དང་། རང་གིི་ཚོར་བ་དེ་ཡངརང་ཉིད་ལ་མནར་གཅོད་གཏོང་མཁན་ཁོ་ན་ཞིག་དུ་མཐོང་དེ་འོང་།
འདི་ལྟ་བུའི་ཚོར་བ་དང་བསམ་གཞིགས་ཀྱི་མཐུད་སྣེ་རེ་རེ་ནས་འཛངས་དེ་འོང་བའི་ན་ཟུག་གི་གདུང་བ་ལྕི་མོའི་འཁོར་བསྐྱོད་འདིས། མི་རིགས་ཤིག་གི་ལས་དོན་ཕྲག་དུ་ལེན་བཞིན་ཡོད་མེད་ཐད་དུ་ཡང་། སྐབས་རེར་རང་གིས་རང་ལ་དོགས་པ་མི་ཉུང་བ་སྐྱེ་རུ་བཅུགས་པ་དང་། ལན་རེར་རང་གིས་རང་ལ་ཨ་ཐང་ཆད་དགོས་པའི་བྱ་བ་ཡང་རྟག་དུ་བྱུང་བཞིན་ཡོད།
ང་དང་འདྲ་བའི་བོད་མི་ཅི་ཙམ་ཞིག་ལ་སྣང་བ་དང་ཚོར་སྣང་ལྕི་མོའི་ན་ཟུག་གི་ཁྲོད་དུ་མི་ཡུལ་གཞན་གྱི་འཚོ་བ་ལ་རྒྱུས་མངའ་དང་མྱོང་གོམ་མེད་བཞིན་དུ་ད་དུང་ཨུ་ཚུགས་ཀྱིས་བསྐྱེལ་བཞིན་པ་དེར་བསམ་དུས། ལྷག་དུ་དབུ་སྐྲ་དཀར་པོ་ནས་མིག་ཟུག་དམར་པོ་ཆགས་དེ་འོང་བའི་རྒན་རབས་པ་དེ་དག་གི་རྨི་ལམ་ནི་མི་རིགས་ཤིག་གི་འཆི་གསོན་ལ་བསམ་པའི་རྒས་ཁོག་གི་རུམ་ཁུངས་སུ་ཕ་ཡུལ་དང་ཕ་ས་ཟེར་བ་དེ་ནི་ཅི་འདྲའི་ལྡོག་དུ་མེད་པའི་ཆེས་རྩ་ཆེན་ཞིག་ཡིན་པ་རྟོགས་དུ་བཅུགས་ན་ཡང་། ཚོར་རྒྱུ་དང་གོ་རྒྱུ་མེད་པའི་གཞོན་རབས་མི་རབས་ཤིག་ནི་དུས་རབས་གསར་བ་ཞིག་བྲན་གཡོག་ལ་རྒྱུགས་པར་འགྲན་རྩོད་བྱེད་པ་དེ་མཐོང་དུས་ཀྱི་ང་རང་ཡང་། དུས་རབས་གསར་བའི་བྲན་གཡོག་ཞིག་ལས་གང་ཡང་མིན་པ་སེམས་བསམ་པའི་གཏིང་ནས་ཤེས་སུ་བཅུགས་སོང་།
ཉི་ཟླའི་མགྲོན་བདག་ལགས། ཕེབས་ནས་རིགས་ཀྱི་ན་ཟུག་ལ་གཟིགས་པ་དེར་དགའ་ཡོད། རྗེས་སུ་ཡང་ཕེབས་པར་དགའ་བསུ་ཞུ།
ཁྲི་གཡུང་དྲུང་ལགས། ཁྱེད་ཀྱི་རེ་སྐུལ་བཞིན་ང་རང་ཁྱེད་ཚང་དུ་ཕྱིན་པ་ཡིན། ད་ནི་ཁྱེད་ཅག་ལ་དངོས་ནས་ཁྲིམས་ཤིག་གི་འོག་ནས་དེང་རབས་ཀྱི་འཕྲུལ་ཆས་ལ་ཡང་བེད་སྤྱོད་བྱེད་དབང་སྟེར་འདོད་མེད་པ་འདྲ། དེ་ལ་དངོས་ནས་ས་མཚམས་ཤིག་ཡོད་འོས་ཀྱང་། གཏན་འགོག་བྱེད་པ་ནི་དུས་རབས་ཉེར་གཅིག་པའི་གྲྭ་བ་ཟེར་བ་དེ་ཡོང་དཀའ་མོ་རེད།
གྲོགས་པོ་ལགས། ཆེས་མཐའ་མའི་ཟིན་བྲིས་དེར་གཟིགས་རོགས་ཞུ།
https://tibettimes.net/wordpress/blogs.php?id=266&post_id=10930
ཤ་ཚ་བའི་ཚིག་ལ་སྙན་མོ་མེད་ཟེར་བ་བདེན་པ་རེད།ཁོང་གིས་བོད་མི་རིགས་ཀྱི་དོན་ལ་སེམས་འཁྲལ་བྱས་བ་ཐུགས་རྗེ་ཆེའོ།