དྲག་ཆར་དཀའ་ངལ་འོག་གི་པ་ཀི་སི་ཐན་མང་ཚོགས་ཀྱི་མང་ཚོགས་ལ་ཨ་སྒོར་དུང་ཕྱུར ༤༌༦ ཙམ་ཛ་དྲག་གི་རོཊ་སྐྱོར་དགོས་པའི་འབོད་སྐུལ་ཞུས་འདུག
ཕྱི་ཚེས་ ༡༡ ཉིན་བྷི་བྷི་སི་གསར་ཁང་གིས་གནས་ཚུལ་སྤེལ་བ་ལྟར་ན། ཚེས་ ༡༠ ཉིན་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་བདེ་རྩའི་ལས་དོན་འགན་ཁུར་བ་སྐུ་ཞབས་མོ་སི་མཆོག་གིས་ཡོངས་ཁྱབ་འབོད་སྐུལ་ཞིག་ཞུས་པའི་ནང་། ཁོང་གིས་ པ་ཀི་སི་ཐན་ནང་གི་ཆུ་ལོག་གི་གནོད་འཚེ་ཐེབས་པའི་མང་ཚོགས་ཀྱི་གནས་སྐབས་ཀྱི་དཀའ་ངལ་སེལ་བར་འཛམ་གླིང་རྒྱལ་ཁབ་ཁག་གིས་ངེས་པར་དུ་ཨ་སྒོར་དུང་ཕྱུར་ ༤༌༦ ཙམ་གྱི་ཛ་དྲག་རོགས་སྐྱོར་གནང་དགོས་ཀྱི་འདུག་ཅེས་བརྗོད་འདུག་ཅིང་། དེ་ནི་མ་འོངས་པའི་ཟླ་གསུམ་གྱི་གནོད་ཐེབས་མང་ཚོགས་ཀྱི་སྔོན་རྩིས་འགྲོ་སོང་ཡིན་འདུག སྐུ་ཞབས་མོ་སི་ཡིས་སྒོར་མོ་དེ་དག་འབྲུ་རིོགས་དང་འཐུང་ཆུ། སྨན་རྫས་དང་གུར་སོགས་ཉོ་བྱེད་དུ་བེད་སྤྱོད་གཏོང་རྒྱུ་ཡིན་ཞེས་བརྗོད་ཡོད།
ཡུལ་དེའི་གནམ་གཤིས་ལས་ཁུངས་ཀྱིས་མ་འོངས་པའི་ཉིན་ཤས་ནང་ཆར་པ་འབབ་མཚམས་འཇོག་རྒྱུ་ཡིན་ཚུལ་བརྗོད་ཡོད། ཁོས་མུ་མཐུད་དོན། པ་ཀི་སི་ཐན་གྱི་མི་གྲངས་བརྒྱ་ཆའི་བཅུ་ལ་ཐེངས་འདིའི་ཆུ་ལོག་གི་གནོད་འཚེ་ཐེབས་ཡོད་པར་མ་ཟད། དེའི་ནང་གི་མི་ས་ཡ་དྲུག་ ༦༠༠༠༠༠༠ ཙམ་ལ་ཛ་དྲག་རོགས་རམ་བྱ་དགོས་ཀྱི་འདུག་ཅེས་དང་། མ་གཞི་པ་ཀི་སི་ཐན་སྲིད་གཞུང་གིས་མྱུར་སྐྱོབ་དང་རོགས་རམ་གང་ཅིའི་ཐད་ཤུགས་སྣོན་རྒྱག་གི་ཡོད་ཀྱང་། ཕྱོགས་ཐམས་ཅད་ནས་ནུས་པ་ཏག་ཏག་ཅིག་ཐོན་ཐུབ་ཀྱི་མི་འདུག་ཅེས་བརྗོད་ཡོད། ཐེངས་འདིར་དྲག་ཆར་འབབ་ཡུན་རིང་པས་གནོད་ཐེབས་མང་ཚོགས་ཁྲོད་བཤལ་ནད་ཀྱིས་མཚོན་པའི་ནད་རིགས་འདྲ་མིན་འབྱུང་བཞིན་ཡོད་སྟབས། ཁོང་གིས་མཉམ་འབྲེལ་རྒྱལ་ཚོགས་དང་རྒྱལ་སྤྱིའི་སྤྱི་ཚོགས་བཅས་ནས་ཤུགས་ཆེའི་རོགས་རམ་གནང་དགོས་པའི་འབོད་སྐུལ་ཞུས་ཡོད།
པ་ཀི་སི་ཐན་གྱི་མྱུར་སྐྱོར་རོགས་རམ་ཧ་ཅང་དུས་ཐོག་ལ་འབྱོར་ཐུབ་ཀྱི་མེད་སྟབས། ད་ལྟ་མང་ཚོགས་ཁྲོད་སྲིད་གཞུང་ལ་སྐྱོན་བརྗོད་བྱེད་མཁན་ཇེ་མང་དུ་འགྲོ་བཞིན་ཡོད་ཅིང་། ས་ཁུལ་རེ་ཟུང་དུ་མང་ཚོགས་ཀྱིས་གཞུང་གི་ལས་བྱེད་ལ་རྒོལ་རྡུང་བཏང་བའི་གནས་ཚུལ་ཡང་བྱུང་འདུག པ་ཀི་སི་ཐན་གྱི་ཆུ་ལོག་གི་གནོད་འཚེ་དེའི་ཁྲོད་མི་ཆིག་སྟོང་དྲུག་བརྒྱ་ ༡༦༠༠ ཙམ་ཤི་ཡོད་པ་དང་། གཞན་མི་ས་ཡ་ ༡༢ ཙམ་གྱི་འཚོ་བར་གནོད་སྐྱོན་དང་། དེ་དག་ལས་མི་ཁྲི་ ༥༠ ཙམ་རང་ཡུལ་ནས་ཉེན་གཡོལ་དུ་འགྲོ་དགོས་བྱུང་ཡོད། མཉམ་འབྲེལ་རྒྱལ་ཚོགས་ཀྱིས་འབོད་སྐུལ་ཞུས་མཚམས་དབྱིན་ཇིའི་སྲིད་གཞུང་ནས་པ་ཀི་སི་ཐན་གྱི་གནོད་ཐེབས་མི་མང་ཁྲི་ ༡༥༠ ཙམ་གྱི་འཚོ་བར་རོགས་སྐྱོར་བྱ་རྒྱུར་ཁས་ལེན་བྱས་ཡོད་པ་རེད།
གསར་འགོད་པ། དཔལ་ལྡན་རྒྱ་མཚོ།
ཛ་དྲག་གི་རོཊ་སྐྱོར་ཟེར་བ་དོན་ཅི་ཞིག་རེད།
གསར་འགོད་བ་ཡ་གསར་འགོད་པ་ལགས
པར་རིས་ནང་གི་མཉམ་ཆུང་བྱིས་པ་འདི་དག་སྙིང་མ་རྗེ།
རྒྱུ་དང་འབྱོར་བའི་ཕྱུགས་པའི་བོད་རིགས་རྒྱུ་ཆེན་ངོ་ཆེན་ཚོས་རྒྱུ་དངོས་དག་མི་སྒེར་བསམ་བློ་མ་འཁོར་བར་བོད་པ་ཚང་གི་ཡ་རབས་བཟང་སྤྱོད་ཀྱི་གཤིས་ཀ་ཁྱེར་ཏེ་དཀའ་ངལ་འཕྲད་བཞིན་པའི་གཞི་རིམ་མི་མང་ཚོར་ཞལ་འདེབས་རེ་འབུལ་ཐུབ་ཚེ་སྔོན་ཐོན་རེད།
ཟླ་བདུན་པའི་ཚེས་སོ་གཅིག་ཉིན་གྱི་རྒྱ་ནག་གི་དགོང་མོའི་དུས་ཚོད་བཅུ་དང་སྐར་མ་སུམ་ཅུ་ཡས་མས་སུ། རྒྱ་གཞུང་གིས་རྔ་བ་བོད་རིགས་ཆཱང་རིགས་རང་སྐྱོང་ཁུལ་དུ་འབོད་པའི། ལི་རྫོང་། འབོ་ཏོག་ཤུ་ཀོ་ཞང་གི། འཕགས་པ་སྡེ་པའི་འཕགས་པ་ལུང་བའི་ནང་། ལོ་ངོ་བརྒྱར་འཕྲད་མ་མྱོང་བའི་འདམ་རྡོ་མནུར་བའི་གནོད་སྐྱོན་ཚབས་ཆེན་བྱུང་བ་དང་། པ་ཀི་སི་ཐན་ལ་ཆུ་ལོག་གིས་གནོད་འཚེ་ཚབས་ཆེན་ཕོག་ཡོད་ན་ཡང་། ཐུགས་གསོའི་འཚམས་འདྲི་དང་། བསྔོ་སྨོན་ཙམ་ཡང་མེད་པ་འདི་ང་ཚོ་གཞུང་དམངས་གཉིས་ཀྱི་ཤེས་རྒྱ་དང་། ཆབ་སྲིད་གོ་རྟོགས། བོད་མིའི་བཟང་སྤྱོད། ཁ་ལ་ཡོད་པའི་ཆོས་དད་བཅས་ཀྱི་དེ་ཉིད་གསལ་བོར་བསྟན་པ་ཡིན་སྟབས། ཡིད་སྐྱོའི་ནང་གི་ཡིད་སྐྱོའི་གནས་ཞིག་རེད།
བཙན་བྱོལ་དུ་ནང་པའི་བྱམས་སྙིང་རྗེ་ལའང་དགྲ་གཉེན་དང་དགོས་མཁོ་ཡོད་མེད་ཀྱི་དབྱེ་བགར་འདུག་གཱ བོད་གཞུང་དམངས་གཉིས་ཀྱི་གང་གིས་ཀྱང་པ་ཀི་སི་ཐན་མི་དམངས་ལ་ཐུགས་གསོ་དང་བསྔོ་སྨོན་གནང་ཟིན་པའི་སྐད་ཆ་གོ་རྒྱུ་མི་འདུག་གཱ ད་ནི། བོད་པའི་བཟང་སྤྱོད་ཟེར་བའི་འུད་ཆེན་པོ་དེའི་ཁ་དོགས་ཀྱང་གཞན་ཞིག་ལ་འགྱུར་ཚར་འདུག་གཱ། ཆབ་སྲིད་ཀྱི་ངོས་ནས་གནོད་ཤུགས་ཡོད་སྲིད་མོད། བཟང་སྤྱོད་ཀྱི་ངོས་ནས་ཐུགས་གསོ་དང་བསྔོ་སྨོན་ཞུས་ལོས་ཆོག་འདོད་གི། གནའ་མི་རྒད་པོའི་གཏན་དཔེར་ཡང་། མི་སེམས་ཁབ་དང་སྐུད་པ་ཟེར་བ་མ་ཡིན་ནམ། དེ་དུས་རྒྱལ་དར་ཕྱེད་ཀ་མྱ་ངན་དུ་ཕབ་པའི་ངོ་སོ་ཙམ་གྱི་ཆེད་དུའང་། ཁ་ཡག་རེ་བཤད་བཞག་ན་ཅང་མི་རུང་རྒྱུ་ཨེ་ཡོད། གྲོགས་བརྒྱ་ཡོད་ན་ཉུང་ཚད་དང་། དགྲ་གཅིག་ཡོད་ན་མང་ཚད་ཡིན་ཟེར་བ་ཅིས་མ་བདེན་ཨང་།
ང་ཚོས་ཀྱང་ཁོང་ཚོའི་ཆེད་དུ་སྨོན་ལམ་དང་། འཚམས་འདྲི། ཞལ་འདེབས་སོགས་ཅུང་ཟད་གཅིག་ད་རེས་གནང་ཐུབ་ན་འགྲོ་བ་མི་སྤྱིའི་བྱམས་རྩེ་དང་། ལྷག་དོན་ཁྱིམ་མཚེས་ཀྱི་མཛའ་བརྩེའི་འདུ་ཤེས་གཅིག་ཀྱང་མཚོན་ཐུབ་ཀྱི་རེད།
དེས་ཕྲལ་དུ་ཁོང་ཚོའི་གཞུང་དམངས་གཉིས་ཀར་དམིགས་བསལ་གྱི་སེམས་ནང་མཛའ་ཤེས་ཀྱི་འདུ་ཤེས་ཟབ་མོ་སྐྱེ་ཡི་རེད་ལ་ཕུགས་སུ་ངེད་ཅག་བོད་འདིར་ཡང་ཁོང་ཚོའི་ངོས་ནས་ཕན་ཐོགས་དགོས་པའི་དུས་ཚོད་གཅིག་ཡོང་གི་རེད།
རྒན་རབས་པ་རྣམས་ཀྱི་ཟེར་སྒྲོས་ལ་བོད་རང་བཙན་ཤོར་བའི་ཉིན་པ་ཀི་སི་ཐན་སྲིད་གཞུང་གིས་བོད་ལ་རྒྱབ་སྐྱོར་མཚོན་སླད་རྒྱལ་ཁབ་ཀྱི་དར་ཆ་མར་ཕབ་ཡོད། དེ་ནི་འཛམ་གླིང་འདིར་བོད་རྒྱབ་སྐྱོར་མཚོན་ཆེད་དར་ཕབ་པའི་ཐོག་མ་དེ་རེད་ཟེར། གང་ལྟར་འུ་ཚོས་ཀྱང་གནས་ཚང་རྒྱ་གར་ཚང་དང་བསྟུན་མཁས་ཀྱིས་རོགས་རམ་འདྲ་བྱེད་ཐུབ་ན་མིག་སྨན་མིག་ཐོག་གི་ཕན་རླབས་ཆེ་བར་མཐོང་།