ཐེངས་འདིའི་ཚོགས་ཆེན་དེ་ཕྱི་ཟླ་བརྒྱད་པའི་ཟླ་མཇུག་དང་དགུ་བའི་ཟླ་སྟོད་དུ་འཁེལ་གྱི་ཡོད་ལ། བཀའ་བློན་ཁྲི་པ་དང་སྤྱི་འཐུས་ཀྱི་སྔོན་འགྲོའི་འོས་བསྡུ་ཟླ་བཅུ་བའི་ཟླ་མགོར་འཁེལ་ཡོད། མ་འོངས་བཀའ་བློན་ཁྲི་པར་ལངས་རྒྱུ་ཡིན་ཟེར་མཁན་ཚོ་ཡང་ཐེངས་འདིའི་ཚོགས་འདུར་བཅར་གྱི་ཡོད་སྟབས། ཚོགས་ཆེན་འདིའི་ཐོག་གཏན་འབེབས་གང་བྱུང་བ་དེར་མ་འོངས་པའི་བཀའ་བློན་ཁྲི་པས་ཏན་ཏན་ཐུགས་ཞིབ་གནང་གི་རེད། དེ་བཞིན་སྐབས་བཅོ་ལྔ་བའི་གྲོས་ཚོགས་ཀྱི་ཁྲིམས་བཟོའི་ཐོག་ལ་ཡང་ཤུགས་རྐྱེན་ཐེབས་གི་རེད་ཟེར།
རྒྱ་གར་ལྷོ་ཕྱོགས་སྦེལ་ཀོབ་བདེ་སྐྱིད་སླར་གསོ་བོད་མིའི་གཞིས་ཆགས་ནང་། ཟླ་འདིའི་ཕྱི་ཚེས་ ༢༦ ནས་ ༣༡ བར་གྱི་ཉིན་དྲུག་རིང་༼ བོད་གཞུང་དམངས་རྒྱལ་ཡོངས་ཚོགས་ཆེན་ཐེངས་དང་པོ ༽ ཞུ་བ་དེ་ཚོགས་འཆར་ཡོད་པ་དང་། ཚོགས་ཆེན་དེའི་སྟེང་རྒྱ་བལ་འབྲུག་གསུམ་གཙོས་པའི་འཛམ་གླིང་ཡུལ་ལུང་ཁག་གི་བོད་མི་ ༣༤༢ ཙམ་མཉམ་ཞུགས་ཀྱིས་གྲོས་གཞི་ ༦ ཙམ་གྱི་ཐོག་བགྲོ་གླེང་གནང་རྒྱུ་ཡིན་འདུག གྲོས་གཞི་དྲུག་ནི། ཆབ་སྲིད་དང་། དམངས་གཙོ་འཕེལ་རྒྱས། ཆོས་དང་རིག་གཞུང་། གཞིས་ཆགས་སྲ་བརྟན། ཤེས་ཡོན། འཕྲོད་བསྟེན། དཔལ་འབྱོར་བཅས་ཡིན་ཞིང་། གོ་སྐབས་དེ་དང་བསྟུན་ཏེ། ཟླ་ ༩ ཚེས་ ༡ ཉིན་སྦེལ་ཀོབ་ཉེ་འཁྲིས་སེར་སྨད་ཐོས་བསམ་ནོར་གླིང་དུ། བོད་གཞུང་དམངས་ཡོངས་ནས་༧གོང་ས་མཆོག་ལ་བརྟན་བཞུགས་བསྟར་འབུལ་ཞུ་རྒྱུ་དང་། ཕྱི་ཚེས་ ༢ ཉིན་སེར་བྱེས་རྒྱལ་བའི་ཕོ་བྲང་དུ་བཙན་བྱོལ་བོད་མིའི་དམངས་གཙོ་དབུ་བརྙེས་ཏེ། མི་ལོ་ཧྲིལ་བོ་ ༥༠ འཁོར་བའི་དུས་དྲན་རྒྱས་པ་སྲུང་གཙི་དང་འབྲེལ་གཞིས་བྱེས་བོད་མི་ཡོངས་ནས་༧གོང་ས་མཆོག་ལ་བཀའ་དྲིན་རྗེས་དྲན་གསེར་གྱི་གཟེངས་རྟགས་ཤིག་ཀྱང་འབུལ་འཆར་ཡོད་འདུག
བོད་གཞིས་བྱེས་མི་དམངས་ཡོངས་ཀྱིས་རྒྱ་གར་ལྷོ་ཕྱོགས་ལ་རྣ་བ་གཡར་ཡོད་པ་དང་། བཙན་བྱོལ་སྤྱི་ཚོགས་ཁྲོད་ཀྱི་གནད་ཡོད་མི་སྣ་ཡོངས་རྫོགས་རྒྱ་གར་ལྷོ་ཕྱོགས་སུ་འདུ་འཛོམ་བྱེད་ཀྱིན་ཡོད་པའི་སྐབས་འདིར། འདི་ག་དུས་བབ་གསར་ཁང་གི་གསར་འགོད་པ་ཡང་ཕྱི་ཚེས་ ༢༠ ཉིན་ནས་སྦེལ་ཀོབ་ས་གནས་སུ་འབྱོར་ཡོད། ཚེས་ ༢༡ ཉིན་གསར་འགོད་པ་སྦེལ་ཀོབ་ས་གནས་མགོ་འཛིན་གྱི་ལས་ཁུངས་སུ་བཅར་ཏེ། ཚོགས་ཆེན་གོ་སྒྲིག་ཚོགས་ཆུང་གི་ཚོགས་གཙོ་དང་བོད་མི་མང་སྤྱི་འཐུས་ཚོགས་གཙོ་གཅིག་ལྕོགས་སྤེན་པ་ཚེ་རིང་མཆོག་ལ། ཚོགས་ཆེན་འདིའི་དགོས་དམིགས་དང་གྲ་སྒྲིག་སྐོར་བཅར་འདྲི་ཞུས་ཁོར་ཁོང་གིས་གསུངས་དོན། སྔོན་མ་ ༢༠༠༨ ལོའི་དམིགས་བསལ་ཚོགས་ཆེན་སྐབས་༧གོང་ས་མཆོག་གིས་ཚོགས་བཅར་བ་ཚོར། དངོས་གནས་བྱས་ན་ཐེངས་འདིར་ཆབ་སྲིད་ཐོག་གོ་བསྡུར་བྱ་དགོས་པ་ཆགས་ཡོད་ཀྱང་ལས་དོན་གཞན་པའི་སྟེང་ལའང་གྲོས་བསྡུར་བྱས་ཏེ། ཐེངས་འདིའི་ཚོགས་འདི་དེ་སྔོན་མའི་ལོ་འཁོར་ལས་བསྡོམས་ཚོགས་ཆེན་ལྟ་བུ་ཞིག་ཆགས་འདུག མ་འོངས་པར་ཡང་བྱུང་ན་ལོ་རེ་དང་། མ་བྱུང་ན་ལོ་གཉིས་རེ་མཚམས་སུ་ཐེངས་གཅིག་རེ་ཚོགས་ཐུབ་ན་ཡག་པོ་འདུག་གསུངས་པ་ལྟར། སྐབས་བཅུ་བཞི་བའི་གྲོས་ཚོགས་ཚོགས་དུས་དགུ་བའི་སྟེང་གཏན་འབེབས་བྱུང་བ་རེད། ༧གོང་ས་མཆོག་གི་ཐུགས་རེ་གང་རེད་ཟེར་ན། བཙན་བྱོལ་བོད་མིའི་སྤྱི་ཚོགས་དེ་ཁ་ཐོར་ཡིན་སྟབས། གནས་ཚུལ་གསལ་བོ་མཁྱེན་མིན་གྱི་དབང་གིས་བསམ་ཚུལ་སྣ་ཚོགས་ཡོང་གི་ཡོད་ཀྱང་། བསམ་ཚུལ་དེ་དག་ཕྱོགས་གཅིག་ཏུ་སྤུངས་ཏེ་གོ་བསྡུར་བྱ་རྒྱུའི་སྡིངས་ཆ་རག་གི་ཡོད་པ་མ་རེད། ཐེངས་འདིར་ཆེད་དུ་མི་མང་གི་བསམ་ཚུལ་སྤུངས་སའི་སྡིངས་ཆ་དེ་བསྐྲུན་པ་རེད། གོ་སྐབས་འདི་བརྒྱུད་དེ་ད་ལྟའི་བཙན་བྱོལ་བོད་གཞུང་གི་སྲིད་བྱུས་དང་། མི་དམངས་ཀྱི་ལག་ལེན་སོགས་ལ་ལེགས་བཅོས་དང་། སྔར་མེད་པའི་བསམ་བློ་གསར་པ་ཡོད་ན་འདོན་དགོས་པ་རེད། ཅེས་དང་།
ཚོགས་འདུ་གྲ་སྒྲིག་ཕལ་ཆེར་ཆ་ཚང་འགྲུབ་ཡོད། ཚོགས་བཅར་བ་རྣམས་ད་ལྟ་འབྱོར་བཞིན་པ་རེད། ཕྱི་ཚེས་ ༢༦ ཉིན་མགོ་འཛུགས་བྱས་རྗེས་བརྗོད་གཞི་ ༦ དེ་ཚོགས་ཆུང་ཁག་ ༨ དུ་བགོས་ཏེ་གོ་བསྡུར་བྱ་རྒྱུ་རེད། ཆབ་སྲིད་དང་དམངས་གཙོ་འཕེལ་རྒྱས་གཉིས་ཚོགས་ཆུང་ཁག་ཐུན་མོང་གི་གྲོས་གཞི་རེད། བཙན་བྱོལ་བོད་མིའི་དམངས་གཙོ་ལོ་ ༥༠ འཁོར་གྱི་ཡོད་སྟབས། བརྗོད་གཞི་འདི་གཉིས་གལ་ཆེན་དུ་རྩིས་པ་རེད། ཚོགས་ཆུང་ཆ་བགོས་བྱེད་སྟངས་དེ་ཡང་དུས་རྒྱུན་གྱི་སོ་སོའི་ལས་རིགས་དང་འབྲེལ་བ་ཡོད་པ་ཕྱོགས་གཅིག་ཏུ་བསྡུས་ཡོད། ནམ་རྒྱུན་ཐུགས་འཁུར་དང་བསམ་བློ་བཏང་ཡོད་ན། ཐེངས་འདིར་ནུས་པ་ཕྱོགས་གཅིག་ཏུ་སྤུངས་ཐུབ་གི་རེད། ཚོགས་འདུ་ཚོགས་ཡུལ་སྦེལ་ཀོབ་བདེ་སྐྱིད་སླར་གསོ་རུ་ཚོགས་ཆུང་ལྔ་དང་། སྦེལ་ཀོབ་ལུགས་ཟུང་གླིང་དུ་ཚོགས་ཆུང་གསུམ་བཅས་གོ་སྒྲིག་ཞུས་ཡོད། བདུན་ཕྲག་གཅིག་རིང་གི་ཚོགས་འདུ་གྲུབ་སྟེ་ཕྱིར་ལོག་སྐབས། བཙན་བྱོལ་བོད་གཞུང་གི་ལས་དོན་བྱེད་ཕྱོགས་འགྲིག་པ་དང་མ་འགྲིག་པ་གསལ་བོ་ཆགས་ཏེ་མི་དམངས་ལ་ལམ་སྟོན་ཞུ་ཐུབ་པ་ཞིག་ལ་རེ་བ་རྒྱག་གི་ཡོད། ཅེས་གསུངས་སོང་།
ཁོང་ལ་ཐེངས་འདིའི་ཚོགས་ཆེན་སྟེང་བཞུགས་སྒར་ངྷ་རམ་ས་ལ་དང་ཕྱི་རྒྱལ་ཁག་ནས་ཕེབས་མཁན་མང་པོ་ཡོད་སྟབས། འགྲོ་སོང་ལ་མ་ལྟོས་པར་སྦེལ་ཀོབ་ཏུ་ཚོགས་དགོས་པའི་རྒྱུ་མཚན་གང་ཡིན་སྐོར་དྲིས་པར་ཁོང་གིས། དམངས་གཙོའི་དུས་དྲན་ཐེངས་ ༥༠ དེ་ཅུང་དྲ་རྒྱས་པོ་ཞིག་སྲུང་གཙི་ཞུ་འཆར་ཡོད་སྟབས། ༧གོང་ས་མཆོག་གིས་མི་དམངས་མང་པོ་འཛོམས་ས་ཞིག་ལ་གོ་སྒྲིག་ཞུས་ན་ཡག་པོ་འདུག་གསུངས་སོང་། དེ་བཞིན་བཀའ་ཤག་དང་སྤྱི་འཐུས་རྒྱུན་ལས་ནང་གོ་བསྡུར་བྱུང་བ་རེད། སྤྱིར་གཞིས་ཆགས་ཆེ་ཤོས་དང་རྙིང་ཤོས་དེ་མོན་གྷོ་ཊི་ཆགས་ཡོད་ཀྱང་། སྦེལ་ཀོབ་ཀྱིི་ལུགས་ཟུང་དང་བདེ་སླར་གཉིས་བསྡོམས་ན་བཙན་བྱོལ་བོད་མིའི་གཞིས་ཆགས་ཆེ་ཤོས་དང་། ད་ལོའི་ཕྱི་ཟླ་ ༡༢ ཚེས་ ༡༦ ལ་གཞིས་ཆགས་འདི་བཙུགས་ཏེ་ལོ་ ༥༠ འཁོར་བའི་དུས་དྲན་ཡང་འཁེལ་གྱི་ཡོད་སྟབས། ད་ལོའི་དམངས་གཙོའི་དུས་དྲན་སྦེལ་ཀོབ་ཏུ་གྲ་སྒྲིག་ཞུས་པ་མ་ཟད་གཞུང་དམངས་རྒྱལ་ཡོངས་ཚོགས་ཆེན་དང་། བརྟན་བཞུགས་སོགས་ཀྱང་ཞོར་གཅིག་ཏུ་སྦེལ་ཀོབ་ནས་ཚོགས་རྒྱུ་གཏན་འཁེལ་བ་རེད། ཅེས་གསུངས་སོང་།
ཡང་ཁོང་ལ་ཐེངས་སྔོན་མའི་དམིགས་བསལ་ཚོགས་ཆེན་སྐབས་གྲོས་ཆོད་མང་པོ་ཞིག་གཏན་འབེབས་བྱས་ཡོད་སྟབས། ཐེངས་འདིར་སྔར་གྱི་གྲོས་ཆོད་དེ་དག་ལག་ལེན་དུ་འཁེལ་ཡོད་མེད་བསྐྱར་ཞིབ་འདྲ་གནང་འཆར་ཡོད་མེད་དྲིས་པར། ཕྱི་ལོ་ ༢༠༠༨ ལོའི་དམིགས་བསལ་ཚོགས་ཆེན་དེ་བཅའ་ཁྲིམས་ཀྱི་དགོངས་དོན་འོག་ཚོགས་པ་ཞིག་ཆགས་ཀྱི་ཡོད་ཀྱང་། གྲོས་ཆོད་བཞག་པ་ཁག་ཚང་མ་ཁྲིམས་ཐོག་ནས་ལག་ལེན་དུ་བསྟར་དགོས་པ་ཆགས་ཀྱི་ཡོད་པ་མ་རེད། སྐབས་དེར་བོད་ནང་ཛ་དྲག་གི་གནས་སྟངས་ཆགས་པ་དང་། བོད་བྱེས་སུ་ཡང་གཞུང་གི་སྲིད་བྱུས་ཐོག་བཤད་ཚུལ་སྣ་ཚོགས་ཡོང་གི་ཡོད་སྟབས། ཆབ་སྲིད་ཁོ་ནའི་ཐོག་ལ་ཚོགས་ཆེན་དེ་ཚོགས་དགོས་བྱུང་བ་རེད། འོན་ཀྱང་ཚོགས་ཆུང་ཁ་ཤས་ནང་ཆོས་དང་རིག་གཞུང་། འཕྲོད་བསྟེན་སོགས་ལ་ཡང་བགྲོ་གླེང་གནང་ཡོད་ཀྱང་། ཚོགས་ཆུང་ཁག་བགོས་བྱེད་སྐབས་ཚོགས་མི་སོ་སོའི་ལས་རིགས་གཞིར་བཟུང་བགོས་མེད་སྟབས། གནད་དོན་རེ་རེའི་སྟེང་གོ་བསྡུར་གཏིང་ཟབ་ཡོང་ཡོད་པ་མ་རེད་། ཐེངས་འདིར་ཉིན་གཅིག་དང་ཕྱེད་ཀར་བརྗོད་གཞི་ཐུན་མོང་དང་། དེ་ལས་གཞན་ཚོགས་མི་སོ་སོའི་ལས་རིགས་དང་འབྲེལ་བའི་ཐོག་ལ་གྲོས་བསྡུར་བྱ་དགོས་སྟབས། བློ་རིག་སྒྲིམ་སྟེ་བརྡར་ཤ་ཡག་པོ་གཅོད་ཐུབ་གི་རེད་བསམ་ཡོད། ཐེངས་འདིར་ཚོགས་འདུ་སྔ་མའི་སྐབས་ཀྱི་གྲོས་ཆོད་ཁག་ལ་བསྐྱར་ཞིབ་འཆར་གཞི་ཡོད་པ་མ་རེད་དེ། ཚོགས་མི་སོ་སོའི་ངོས་ནས་དྲི་བ་དང་བསམ་ཚུལ་བཏོན་པ་ཡིན་ན། འཛིན་སྐྱོང་བཀའ་ཤག་གིས་ལན་འདེབས་དང་གསལ་བཤད་ཡོང་གི་རེད། ཅེས་གསུངས་སོང་།
མཇུག་མཐར་ཁོང་ལ་༼ བོད་གཞུང་དམངས་རྒྱལ་ཡོངས་ཚོགས་ཆེན་ཐེངས་དང་པོ ༽ འདི་ལ་གྲུབ་འབྲས་གང་འདྲ་ཞིག་འཐོན་རྒྱུར་ཚོད་དཔག་བྱེད་ཀྱི་ཡོད་དམ་ཞེས་དྲིས་པའི་ལན་དུ་ཁོང་གིས། ཐེངས་འདིའི་ཚོགས་ཆེན་འདི་བཅའ་ཁྲིམས་ཀྱི་དགོངས་དོན་ཆགས་ཀྱི་མེད་སྟབས། ཁྲིམས་ཀྱི་དབང་ཚད་ཡོད་པ་མ་རེད། བསམ་ཚུལ་ཕྱོགས་བསྡོམས་དང་མཐའ་མའི་ཐག་གཅོད་གང་ཞིག་བྱུང་ཡང་བསམ་ཚུལ་ཕྱོགས་བསྡོམས་ཙམ་རེད། འོན་ཀྱང་། ཐེངས་འདིའི་ཚོགས་ཆེན་དེ་ཕྱི་ཟླ་བརྒྱད་པའི་ཟླ་མཇུག་དང་དགུ་བའི་ཟླ་སྟོད་དུ་འཁེལ་གྱི་ཡོད་ལ། བཀའ་བློན་ཁྲི་པ་དང་སྤྱི་འཐུས་ཀྱི་སྔོན་འགྲོའི་འོས་བསྡུ་ཟླ་བཅུ་བའི་ཟླ་མགོར་འཁེལ་ཡོད། མ་འོངས་བཀའ་བློན་ཁྲི་པར་ལངས་རྒྱུ་ཡིན་ཟེར་མཁན་ཚོ་ཡང་ཐེངས་འདིའི་ཚོགས་འདུར་བཅར་གྱི་ཡོད་སྟབས། ཚོགས་ཆེན་འདིའི་ཐོག་གཏན་འབེབས་གང་བྱུང་བ་དེར་མ་འོངས་པའི་བཀའ་བློན་ཁྲི་པས་ཏན་ཏན་ཐུགས་ཞིབ་གནང་གི་རེད། དེ་བཞིན་སྐབས་བཅོ་ལྔ་བའི་གྲོས་ཚོགས་ཀྱི་ཁྲིམས་བཟོའི་ཐོག་ལ་ཡང་ཤུགས་རྐྱེན་ཐེབས་གི་རེད། ཆབ་སྲིད་ཐད་དུས་རྒྱུན་རང་བཙན་དང་དབུ་མ་བརྩད་བསྡད་ན། གྲུབ་འབྲས་རྡོག་རྡོག་ཅིག་ནམ་ཡང་འཐོན་གི་མ་རེད། དེ་བས་ད་ལྟ་འགྲོ་བཞིན་པའི་དབུ་མའི་ལམ་གཞིར་བཞག་ཐོག་ལེགས་བཅོས་དང་ཁ་སྣོན། ཐབས་ལམ་གསར་པ་སོགས་སྟོན་ཐུབ་པ་ཡིན་ན། གྲུབ་འབྲས་ཆེན་པོ་འཐོན་གི་རེད། དེ་བཞིན། དམངས་གཙོ་འཕེལ་རྒྱས་ལྟ་བུར་མཚོན་ན། ཆོས་ལུགས་ཀྱི་སྤྱི་འཐུས་དགོས་མིན་སོགས་ཀྱི་ཐད་བགྲོ་གླེང་སྣ་ཚོགས་ཡོང་གི་རེད། ཕྱོགས་ཚང་མ་མགོ་འཚོས་པའི་སྒང་ནས་འཕྲལ་ཐུགས་རྒྱང་གསུམ་གྱི་དགེ་སྐྱོན་ལ་བསམ་བློ་ཞིབ་ཚགས་བཏང་སྟེ་ཐག་གཅོད་ཅིག་བྱ་ཐུབ་པ་ཡིན་ན་དོན་དང་ལྡན་པའི་གྲུབ་འབྲས་ཤིག་ཡོང་གི་རེད་བསམ་ཡོད། ཅེས་གསུངས་སོང་།
༼ གསར་འགོད་པ་དོན་འགྲུབ་བཀྲ་ཤིས་ཀྱིས་རྒྱ་གར་ལྷོ་ཕྱོགས་སྦེལ་ཀོབ་ནས་སྤེལ། ༽
ད་ཐེངས་ཀྱི་ཆོས་དང་རིག་གཞུང་གི་གྲོས་གཞིའི་ནང་དུ་ངེས་པར་གདན་སའི་སློབ་གཉེར་བྱེད་སྟངས་ལ་འགྱུར་བ་ཆེན་པོ་ཞིག་གཏང་རྒྱུ་དང་། གྲ་དམངས་ལ་དེང་དུས་ཀྱི་ཤེས་ཡོན་སྤྲོད་རྒྱུ། གདན་སའི་སློབ་ཡུན་གཅིག་མཚུངས། གདན་སའི་དམངས་གཙོའི་རང་དབང་བཅས་ལ་གྲོས་ཞིབ་ནན་པོ་བྱས་ཏེ་འགྱུར་བ་ཞིག་མ་བཏང་ན་ཉེན་ཁ་ཆེན་པ་ཞིག་གི་གནས་ལ་འགྲོ་བཞིན་ཡོད།
གསར་འགོད་པ་དོན་གྲུབ་བཀྲིསལགས་ཁྱེད་ཀྱིས་བྲིས་པ་ལྟར་༼ཕྱི་ཚེས་ ༢ ཉིན་སེར་བྱེས་རྒྱལ་བའི་ཕོ་བྲང་དུ་བཙན་བྱོལ་བོད་མིའི་དམངས་གཙོ་དབུ་བརྙེས་ཏེ། མི་ལོ་ཧྲིལ་བོ་ ༥༠ འཁོར་བའི་དུས་དྲན་རྒྱས་པ་སྲུང་གཙི་དང་འབྲེལ་གཞིས་བྱེས་བོད་མི་ཡོངས་ནས་༧གོང་ས་མཆོག་ལ་བཀའ་དྲིན་རྗེས་དྲན་གསེར་གྱི་གཟེངས་རྟགས་ཤིག་ཀྱང་འབུལ་འཆར་ཡོད་འདུག ༽ཅེས་བཀོད་པ་འདུག་པ་ལྟར་སེར་བྱེས་རྒྱལ་བའི་ཕོ་བྲང་དུ་དུས་དྲན་སྲུང་བརྩི་ཇི་ལྟར་བྱས་ཏེ་ཞུ་རྒྱུ་རེད། ཁྱེད་ཀྱིས་གནས་ཚུལ་དེ་སུ་འདྲ་ཞིག་གི་ཁལ་ཉན་ཏེ་བྲིས་པ་ཡིན། ངས་གོ་ཚོད་ལ་ཕྱི་ཚེས་༢ གྱི་མཛད་སྒོ་དེ་བཞིན་སེར་བྱེས་ཆོས་རའི་ནང་ཡིན་པ་དང་སྐབས་དེར་སེར་བྱེས་གྲྭ་ཚང་ནས་སྐྱ་སེར་ཡོངས་ལ་ཞལ་ལག་དང་གསོལ་ཇ་སོགས་གོ་སྒྲིགས་ཡོད་པ་གོ་ཐོས་བྱུང་བས་ཁྱེད་གསར་འགོད་པ་ཞིག་དུས་བརྟག་དཔྱད་བྱ་རྒྱུ་གལ་ཆེ་ཁར་དོན་མེད་བསམ་དྲན་མེད་པའི་འཆལ་གཏམ་གསར་འགྱུར་གྱི་ཚུལ་འགོད་མི་རིང་ཡིད་ལ་འཇོག། ད་དུང་དག་ཆ་དང་ཡིག་ནོར་དག་ལ་བསམ་བཞེས་བྱོས།
ཆོལ་ཁ་དང་ཆོས་ལུགས་དབྱེ་མེད་ཐོག་བོད་གཞིས་བྱེས་གཉིས་ཀྱི་སྐུ་ཚབ་མཚོན་ཐུབ་པའི་ཚོགས་མི་ཁག་ཅིག་ཆེད་ཕེབས་གནང་ནས་དོན་ནས་ལྡན་པའི་ཚོགས་འདུ་ཞིག་ཡོང་ཐུབ་པའི་རེ་བ་ཡོད།
བོད་མི་རིགས་ཀྱི་བདེ་སྡུག་ལ་བསམ་གཞི་ཡོད་པའི་མཁས་དབང་སྤྱི་ཟུར་ཧོར་གཙང་འཇིགས་མེད་མཆོག་ཚོགས་ཆེན་འདིའི་ཐོག་ཏུ་ཕེབས་ཡོད་ན་ཁོང་གིས་གླེང་ཡོང་བའི་རེ་བ་ཧ་ཅང་ཆེ།
གལ་སྲིད་ང་བཀའ་བློན་ཁྲི་བར་ཐོན་པ་ཡིན་ན། ངས་བོད་མི་གཞོན་སྐྱེས་གང་མང་མང་ཞིག་ལ་ནུབ་ཕྱོགས་སུ་སློབ་སྦྱོང་དང་། ལས་ཀའི་གོ་སྐབས་འཚོལ་གང་ཐུབ་བྱེད་ས་རེད། ཡིན་ན་ཡང་། ཕར་ལ་སོང་ནས་ཚུར་ལ་ལོག་རྒྱུ་དེ་ཡང་གལ་ཆེན་པོ་རེད་འདུག
གྲོས་གཞི་ཁག་དྲུག་གི་ནང་ནས་གཞི་ཆགས་སྲ་བརྟན་སྐོར་དུ་བསམ་ཚུལ་ཕུལ་རྒྱུ་ཡིན། གཞི་ཆགས་ཁག་གི་བོད་མི་ཉམ་ཆུང་ཚོ་བཙན་བྱོལ་གཞུང་གི་ནང་དུ་ཨ་ཁུ་ཨ་ནེ་བཀའ་བློན་དང་སྤྱི་འཐུས་མེད་པ་ཚོ་ནུབ་ཕྱོགས་རྒྱལ་ཁབ་ཁག་ཏུ་ལས་ཀ་བྱས་མཁན་བཏང་གི་མེད་པའི་སྲིད་ཇུས་འཛིན་པ་འདི་ནི་ཡག་པོ་ཞིག་རྩ་བ་ནས་མིན།
ཕྱི་རྒྱལ་ཁབ་ཁག་ཏུ་འགྲོ་ནས་འགྲིག་མེད་ན་སྔར་ནས་ད་ལྟ་བར་དུ་བཙན་བྱོལ་གཞུང་གི་གོ་གནས་ཡོད་པའི་བཀའ་བློན་དང་སྤྱི་འཐུས་ཚོ་དང་ཁོ་ཚོའི་ནང་མི་སྤུན་ཆེད་རྣམས་གཅིག་མགྱོགས་གཉིས་མགྱོགས་བྱས་ནས་ཕྱིན་པ་རེད། མ་ཟད་སྤྱི་འཐུས་ནང་དུ་ཆབ་སྲིད་བཙོན་པ་མ་ཡིན་བཞིན་དུ་ཆབ་སྲིད་བཙོན་པའི་མིང་ཐོག་ནས་དངུལ་སྤྲད་མ་དགོས་པ་འགྲོ་མཁན་ཡོད་པ་ནི་མཆོག་ཏུ་གྱུར་པའི་སྤྱི་འཐུས་ཀརྨ་ཆོས་འཕེལ་གྱིས་སྤྱི་འཐུས་གྲོས་འཚོགས་ནང་དུ་གསུངས་པ་ལྟར་རེད།
བོད་མི་ཉམ་ཆུང་ཚོ་ཕྱི་རྒྱལ་འགྲོ་མི་ཆོག་གཞི་ཆགས་སྲ་བརྟན་གཏོང་དགོས་གསུང་པ་འདི་ནི་རྒྱུ་འབྲས་དང་མཐུན་གྱི་མེད་ལ་དྲང་བདེན་ཞེས་ཞལ་ནས་མ་ཎི་འདོན་འདོན་བྱས་བསྡད་པ་འདི་ཡང་སྟོང་པ་སྟོང་རྐྱང་རེད། རྒྱ་ནག་གཞུང་ཕྱོགས་ནས་བཙན་བྱོལ་གཞུང་ལ་སྐྱོན་བརྗོད་བྱས་བསྡད་པ་ནི་བཀའ་བཀོད་རྒྱུད་འཛིན་གྱི་ཕྲན་གཡོག་ཞིང་ཕྲན་ལམ་ལུགས་བསྐྱར་གསོ་བྱེད་ཀྱི་འདུག་ཞེས་འཛམ་གླིང་རྒྱལ་སྤྱིའི་སྟེང་དུ་བསྒྲགས་བསྡད་ཀྱི་ཡོད། མུ་མཐུད་ནས་ཞིང་ལས་ཀྱི་འཚོ་བ་སྐྱེལ་དགོས་པའི་བཀའ་ཕབ་པ་ཡིན་ན་རྒྱ་ནག་གཞུང་གིས་བཤད་པ་དེར་དོན་ལ་གནས་པ་རེད་འདོད།
མི་དམངས་ཀྱི་འདོད་མོས་ཀྱི་དབང་དུ་བྱས་ན་བརྒྱ་ཆ་བརྒྱད་ཅུ་ཐམ་པའི་མ་གྲོས་བསམ་པ་གཅིག་མཐུན་ཡོད་པ་ནི་ནུས་ཕྱོགས་སྟོབས་ཆེན་རྒྱལ་ཁག་ཏུ་ཨ་སྒོར་2000ནས་3000་བར་དུ་གླ་ཕོགས་ཡོད་ས་འགྲོ་འདོད་ཡོད་པ་ཡིན། བཙན་བྱོལ་གཞུང་གིས་བཙན་བྱོལ་མི་དམངས་འཚོ་བ་ཡག་པོ་ཞིག་སྐྱེལ་སའི་ལམ་ཁ་ཡོད་པ་དེར་བཀག་འགོག་བྱེད་སྡོད་ན་རང་མི་རང་གཞུང་ལ་ཡིད་ཐང་ཆད་འགྲོ་གི་རེད་འདོད།
དཀའ་ངལ་ཆེ་ཤོས་ནི་བལ་ཡུལ་ནང་གི་གཞི་ཆགས་ཁག་ཡིན། གཅིག་ནས་བལ་ཡུལ་རྒྱལ་ཁབ་ཀྱི་ཆབ་སྲིད་སྲ་བརྟན་མེད་པ་དང་གཉིས་ནས་རྒྱ་ནག་གིས་ཤུགས་རྐྱེན་འོག་ཏུ་བོད་མི་ལ་ལྟ་སྟངས་སྡུག་པོ་ཡོད། གསུམ་ནས་འཚོ་བའི་ཡོང་ཁུངས་མེད་ལ་དེང་སང་འཚོ་རྟེན་གཙོ་ནི་ཕྱི་རྒྱལ་དུ་ཡོད་པའི་ནང་མི་སྤུན་ཆེད་ཚོའི་རོགས་དངུལ་ལ་བརྟེན་ནས་འཚོ་བ་སྐྱེལ་བཞིན་ཡོད། ཕྱོགས་གང་ལ་ལྟས་ཀྱང་བོད་མི་ན་གཞོན་ཚོ་ངེས་པ་ཏུ་གཞུང་འབྲེལ་གྱི་ཐོག་ནས་ཕྱི་རྒྱལ་གཏོང་དགོས་ཀྱི་རེད་སྙམ། དེ་གཅིག་རེད།
གཉིས་པ་གསར་འབྱོལ་བའི་སྐོར་དུ་བསམ་འཆར་ཞུ་རྒྱུ་ཡིན། གྲོས་གཞི་ཁག་དྲུག་ནང་དུ་འགྲོ་ས་སྡོད་མེད་མཁན་གསར་འབྱོར་བ་ཚོའི་སྐོར་དུ་གྲོས་གཞི་མེད་པ་འདི་ཧ་ཅང་བློ་ཕམ་ཡོད། བཙན་བྱོལ་གཞུང་གི་ཆབ་སྲིད་པ་ཚོས་གཞི་ལུས་བོད་མི་རྩ་བ་ཆེན་པོ་ཡིན་ཞེས་བཤད་བསྡད་པ་རེད། དངོས་གནས་རྩ་བ་ཆེན་པོ་ཡིན་ན་གཞི་ལུས་བོད་མི་ཚོ་རྒྱ་ཁྲིམས་འོག་ཏུ་བསྡད་མ་ཐུབ་པ་བཙན་བྱོལ་གཞུང་གི་སྒོ་རྩ་སླེབས་དུས་མདུན་ལམ་ཡོད་པའི་འཚོ་བ་ཞིག་སྐྱེལ་ཐབས་བྱེད་དགོས་པ་ནི་གནད་འགག་རེད།
རྒྱ་གར་ལུང་པ་ནང་དུ་སྡོད་ཆོག་པའི་སྐྱབས་བཅོལ་ལག་ཁྱེར་རག་གི་མེད་ལ་རྐུབ་བཙུགས་སའི་གཞི་ཁུངས་ཤིག་ཀྱང་མེད། གསར་འབྱོར་བ་ཚོས་རྡ་སའི་གསང་ལམ་ནང་དུ་བག་ལེབ་ཙོང་ནས་འཚོ་བ་སྐྱོ་པོ་བསྐྱལ་བ་དེར་གཞི་ལུས་བོད་མི་ཤེས་པ་ཡིན་ན་ཅི་བསམ་གྱི་རེད་དམ། ནུབ་རྒྱལ་ཁབ་ཁག་གིས་ལེན་གྱི་ཡིན་གསུངས་ཀྱང་མི་བཏང་བ་འདི་རང་མི་ལ་ཤ་ཚ་མེད་པ་ཕྱིར་རུ་མངོན་པ་རེད། གལ་སྲིད་རང་མི་རང་བདག་མ་རྒྱག་ན་ནམ་ཞིག་འགྱོད་པ་སྐྱེས་ཀྱང་ཚར་བ་རེད། ཚོགས་ཆེན་དེའི་ནང་དུ་བོད་མི་ཤ་ཚ་ཡོད་མཁན་འདྲ་ཡོད་ན་ངེས་པ་ཏུ་རྒྱ་བལ་འབྲུག་གསུམ་ནང་གི་གསར་འབྱོར་བའི་མདུན་ལམ་ལ་གྲོས་བསྡུ་བྱེད་དགོས་ངེས་རེད། འདི་ཚོ་ཚང་མ་བོད་མི་ཉམ་ཆུང་ཚོའི་ཆེད་དུ་བྲིས་པ་ཡིན་མ་གཏོགས་ང་ཅོ་རིའི་འཚོ་བ་ཁྱད་པ་སྤུ་ཙམ་མེད་པས་བསམ་གཞི་བྱེད་རོགས་ཞུ།
བཙན་བྱོལ་གཞུང་གི་ལས་བྱེད་པ་ཚོས་ཚར་གཅིག་ཀློག་པའི་རེ་བའི་ཐོག་ནས་མཆན་བུ་འདི་བཀོད་པ་ཡིན།
༄༅། །རྒྱ་བལ་འབྲུག་གསུམ་ནང་གི་བོད་མི་ཉམ་ཐག་ན་གཞོན་ལས་མེད་རྣམས་ནུབ་ཕྱོགས་རྒྱལ་ཁབ་ཁག་ཏུ་འཚོ་བ་སྐྱེལ་མཁན་འགྲོ་ན་ཡག་པོ་འདུག་གསུངས་མཁན་ཁག་ཅིག་དང་མ་འགྲོ་ན་དགའ་གསུངས་ཁག་ཅིག་ཡོད་རེད།
༡༽ཁག་ཅིག་གིས་ནུབ་ཕྱོགས་སུ་ཕེབས་ན་ཕུངས་རྒྱང་རིང་པོའི་ཐོག་ཏུ་ཡག་པོ་མེད་པར་བཤད། ཁོང་རྣམ་པའི་རྒྱུ་མཚན་མང་པོ་ཡོད་ཀྱང་དེའི་ནང་ནས་གནད་འགག་ཆེ་ཤོས་དང་རྩ་བ་འཛིན་ས་བོད་ཀྱི་ཆོས་དང་རིག་གཞུང་སྐད་ཡིག་ཡག་རབ་སྤྱོད་བཟང་བཅས་ཉམས་འགྲོ་བ་ཞིག་ལ་ངོས་འཛིན་བྱས་ཀྱི་ཡོད་རེད།
༢༽དང་པོ་ཆོས་ཀྱི་ཐོག་ནས་བཤད་ན་ང་རང་ཚོའི་ནང་ཆོས་འདིར་ངོས་འཛིན་དགོས། ལྟ་བ་རྟེན་བྱུང་དང་སྤྱོད་པ་འཚི་བ་མེད་པ་གཉིས་ཟུང་འབྲེལ་གྱི་ཐོག་ནས་ཉིན་རེའི་འཚོ་བའི་ནང་དུ་བེད་སྤྱོད་བྱེད་ནས་མཐར་ཐུག་གི་ཐར་པ་དང་ཐམས་ཅད་མཁྱེན་པའི་གོ་འཕང་སྒྲུབ་རྐྱེན་འདིར་ནང་ཆོས་ཞེས་ངོས་འཛིན་བྱེད་དགོས་པར་སྣང།
༣༽འདིར་ཉམས་ལེན་བྱེད་པར་ཤར་ཕྱོགས་དང་ནུབ་ཕྱོགས་ཀྱི་ཁྱད་པའི་ཐོག་ནས་བཤད་ན་ནུབ་ཕྱོགས་ཡག་བ་མེད་ནའང་སྐྱོ་བ་མེད། ནུབ་ཕྱོགས་པའི་མི་རྣམས་ཀྱི་སྤྱོད་པ་དང་ང་རང་ཚོའི་ནང་ཆོས་ནང་དུ་བཤད་པའི་རྒྱུ་འབྲས་ཡོད་མེད་དང་གཞན་ལ་ཕན་སེམས་ཡོད་མེད་ཞེས་པ་རྣམས་ཀྱི་ཆ་ནས་མཐུན་ས་དང་ལག་ལེན་གྱི་ཐོག་ནས་རྒྱ་བལ་འབྲུག་གསུམ་ནང་གི་མི་ལས་ནུབ་ཕྱོགས་པའི་མི་རྣམས་ཡག་བ་ཡོད།
༤༽བཟང་སྤྱོད་ཞེས་པ་འདིར་བསམ་ནའང་ནུབ་ཕྱོགས་སུ་རྐུ་མ་ཉུང་བ་དང་ནག་ཚོང་རྒྱག་མཁན་ཉུང་བ་མི་གསོད་ཁྲག་སྦྱོར་བཅས་གང་གི་ཐོག་ནས་ཡང་རྒྱ་བལ་འབྲུག་གསུམ་ལས་ནུབ་ཕྱོགས་སུ་ཡག་བ་ཡོད། རྒྱ་བལ་འབྲུག་གསུམ་ནང་དུ་བོད་མི་སྟག་སྤགས་གཟིག་སྤགས་གི་ཚོང་དང་ཙན་དན་ལ་སོགས་ཁྲིམས་མཐུན་མིན་པའི་ཚོང་རྒྱག་ནས་བོད་མི་ཁྲིམས་ལ་སྦྱར་བྱུང་མྱོང་ཡོད།
༥༽མ་ཟད་ཕྲུ་གུ་ཞིག་ནུབ་ཕྱོགས་སུ་མཚའ་ལོངས་བྱུང་བ་དང་རྒྱ་བལ་འབྲུག་གསུམ་ནང་དུ་མཚའ་ལོངས་བྱུང་བ་གཉིས་སྡུར་ན་ནུབ་ཕྱོགས་སུ་མཚའ་ལོངས་བྱུང་བའི་ཕྲུ་གུ་རྣམས་གཞུང་དྲང་བ་དང་ལག་ལེན་ཡག་བ་དེང་རབ་ཀྱི་ཤེས་ཡོན་ཡག་བ་རང་འགོ་ཐོན་སླ་བ་ཡོད། རྒྱ་བལ་འབྲུག་གསུམ་ནང་དུ་མཚའ་ལོངས་བྱུང་བའི་ཕྲུ་གུ་རྣམས་ལ་ཡུལ་གྱི་གོམས་གཤིས་ཀྱིས་རྐྱེན་པས་གཡོ་རྒྱུ་མང་བ་དང་ལག་ལེན་མེད་པ་དེང་རབ་ཀྱི་ཤེས་ཡོན་སྐྱོ་བ་ཡོད་པར་སྣང་།
༦༽བོད་ཀྱི་སྐད་ཡིག་གི་ཐོག་ནས་བཤད་ན་ནུབ་ཕྱོགས་སུ་ཡོད་པའི་བོད་མི་རྣམས་བོད་སྐད་བོད་ཡིག་སྐྱོ་བ་དང་རྒྱ་བལ་འབྲུག་གསུམ་ནང་གི་བོད་མི་རྣམས་བོད་སྐད་བོད་ཡིག་ཡག་བ་ཡོད་པའི་ཁྱད་པ་ཧ་ཅང་ཆེན་པོ་དེ་ཙམ་མེད། དཔེར་ན་རྒྱ་གར་ནང་དུ་ཡང་ཨ་ཟམ་ཕྱོགས་སུ་བོད་ཕྲུག་བོད་སྐད་མི་ཤེས་མཁན་གང་མང་ཡོད་པ་དང་གཅིག་མཚུངས་སུ་སྣང།
༧༽ནུབ་ཕྱོགས་སུ་བོད་གཞུང་གི་ངོས་ནས་བོད་ཕྲུ་གུ་ཚོ་ལ་བོད་ཡིག་སྦྱོང་སའི་ཁོར་གཡུ་དང་སློབ་གྲྭ་མེད་བཞིན་དུ་བོད་པའི་ཕྲུ་གུ་ཚོའི་ནང་དུ་བོད་སྐད་རྒྱག་ཐུབ་པ་དང་བོད་གླུ་ལེན་ཐུབ་མཁན་བོད་ཡིག་བྲིས་ཐུབ་མཁན་ཡོད། བོད་སྐད་བོད་ཡིག་མི་ཤེས་པའི་ནུས་ཕྱོགས་བོད་ཕྲུག་ཚོ་ནི་དྭགས་ཕྲུག་ཕ་མེད་མ་མེད་ཕྱི་རྒྱལ་བའི་ནང་དུ་མཚའ་ལོངས་བྱུང་བ་རྣམས་ཀྱི་ནང་དུ་མང།
༨༽སློབ་སྦྱོང་གི་གོ་སྐབས་ཡོད་མེད་ཐོག་ནས་བཤད་ན་བལ་ཡུལ་ལྟ་བུ་ལ་ལོར་གཅིག་གི་ནང་དུ་ཆབ་སྲིད་ཀྱི་ཉོག་དྲག་གིས་ཉིན་༡༢༠སྒོ་རྒྱག་གི་ཡོད་རེད། སྤྱི་ཚོགས་དེ་འདྲ་ཞིག་གི་ནང་དུ་སློབ་སྦྱོང་བྱེད་ཡ་དང་ལས་ཀ་བྱེད་ཡ་ཡི་གོ་སྐབས་ག་རེ་ཡོད་རེད། ཆོས་དང་རིག་གཞུང་སྐད་ཡིག་གི་ལེའུ་རྫོགས་སོ།
༡༽གཞན་ཡང་སྤུན་གྲོགས་ཁག་ཅིག་གིས་ནུབ་ཕྱོགས་སུ་སླེབས་ཀྱང་རང་ལ་འཇོན་ཐང་མེད་ན་ཕྱུག་པོ་ཆགས་མི་ཐུབ་ལ་འཇོན་པོ་ཡོད་ན་རྒྱ་གར་སྡོད་ཀྱང་ཕྱུག་པོ་ཆགས་ཐུབ་གསུངས་མཁན་ཡོད། ངས་བསམ་ཚུལ་བྱས་ན་འཇོན་ཐང་མེད་མཁན་རྣམས་སྡོད་ས་ནུབ་ཕྱོགས་སུ་ཡག་བ་ཡོད། དཔེར་ན། སུད་སི་ལྟ་བུ་ལ་མཚོན་ན་མི་ཞིག་ལ་འཇོན་ཐང་གང་ཡང་མེད་པ་དང་ལས་ཀ་མེད་ནའང་གཞུང་གི་ཐོག་ནས་སྡོད་ས་དང་ཟ་ཡ་སྨན་རིན་བཅས་ཆ་ཚང་སྐྱབས་གསོ་སྤྲད་ཀྱི་ཡོད། སྤྱི་ཚོགས་ཤིག་་དང་མི་མང་ཞིག་ཕྱུག་པོ་ཡོད་མེད་ཐོག་ནས་ལྟས་པ་ཡིན་ན་མི་དམངས་ལ་འཚོ་བའི་སྲུང་སྐྱོབ་ཡོད་མེད་ཐོག་ནས་ལྟ་དགོས་པ་ལས་མི་རེ་གཉིས་ལ་དངུལ་མང་ཉུང་ཐོག་ནས་ལྟས་ན་ཤུན་ཏུ་ནས་ནོར་བ་རེད་སྙམ། འཚོ་བའི་སྲུང་སྐྱོབ་ཞེས་པ་འདི་ནི་་་་ནད་ན་དུས་སྨན་རིན།་་་་་རྒད་འགོ་ཆགས་དུས་རྒད་གསོ།་་་་་ལས་ཀ་མེད་དུས་ལས་མེད་གླ་ཕོག་་་་་དེ་ལས་སྐྱོ་བ་ཡིན་ན་སྐྱོབ་གསོ་་་་་བཅས་ལ་གོ་དགོས། འདི་ཚོ་ཚང་མ་ང་ཅོ་རིས་བོད་མི་ཉམ་ཐག་རྣམས་དང་བོད་མི་རིགས་ཀྱི་དཔལ་འབྱོར་ཡར་རྒྱས་་དང་ཤེས་ཡིན་ཡར་རྒྱས་ཀྱི་ཆེད་དུ་ཁ་ཞེ་གཉིས་ཀྱི་ཐོག་ནས་བྲིས་པ་ཡིན། དཔྱད་ལྡན་མཁས་དབང་རྣམས་ཀྱིས་གང་ཟག་ལ་མ་ལྟ་ཆོས་ལ་ལྟ་ནས་དཔྱད་རོགས་ཞུ།
དགེ་ཆོས་མཆོག་གིས།
མངོན་གྱུར་རྟགས་ཀྱི་བདེན་པ་ངོ་སྤྲོད་ཀྱང། ངོ་ནག་གཞན་གྱི་སྨྱེ་མ་མི་སངས་པར།
མདོ་ན་ཕྲག་དོག་ཅན་གྱི་སྐྱེ་བོ་དེར། དགའ་བའི་དངོས་པོ་གཞན་གྱིས་རྒུད་པ་ཉིད།་་་་་་དགེའོ
གྲོས་གཞི་ཁག་དྲུག་གི་ནང་ནས་གཞི་ཆགས་སྲ་བརྟན་སྐོར་དུ་བསམ་ཚུལ་ཕུལ་རྒྱུ་ཡིན།
གཞི་ཆགས་ཁག་གི་བོད་མི་ཉམ་ཆུང་ཚོ་བཙན་བྱོལ་གཞུང་གི་ནང་དུ་ཨ་ཁུ་ཨ་ནེ་བཀའ་བློན་དང་སྤྱི་འཐུས་མེད་པ་ཚོ་ནུབ་ཕྱོགས་རྒྱལ་ཁབ་ཁག་ཏུ་ལས་ཀ་བྱས་མཁན་བཏང་གི་མེད་པའི་སྲིད་ཇུས་འཛིན་པ་འདི་ནི་ཡག་པོ་ཞིག་རྩ་བ་ནས་མིན།
ཕྱི་རྒྱལ་ཁབ་ཁག་ཏུ་འགྲོ་ནས་འགྲིག་མེད་ན་སྔར་ནས་ད་ལྟ་བར་དུ་བཙན་བྱོལ་གཞུང་གི་གོ་གནས་ཡོད་པའི་བཀའ་བློན་དང་སྤྱི་འཐུས་ཚོ་དང་ཁོ་ཚོའི་ནང་མི་སྤུན་ཆེད་རྣམས་གཅིག་མགྱོགས་གཉིས་མགྱོགས་བྱས་ནས་ཕྱིན་པ་རེད།
མ་ཟད་སྤྱི་འཐུས་ནང་དུ་ཆབ་སྲིད་བཙོན་པ་མ་ཡིན་བཞིན་དུ་ཆབ་སྲིད་བཙོན་པའི་མིང་ཐོག་ནས་དངུལ་སྤྲད་མ་དགོས་པ་འགྲོ་མཁན་ཡོད་པ་ནི་མཆོག་ཏུ་གྱུར་པའི་སྤྱི་འཐུས་ཀརྨ་ཆོས་འཕེལ་གྱིས་སྤྱི་འཐུས་གྲོས་འཚོགས་ནང་དུ་གསུངས་པ་ལྟར་རེད།
བོད་མི་ཉམ་ཆུང་ཚོ་ཕྱི་རྒྱལ་འགྲོ་མི་ཆོག་གཞི་ཆགས་སྲ་བརྟན་གཏོང་དགོས་གསུང་པ་འདི་ནི་རྒྱུ་འབྲས་དང་མཐུན་གྱི་མེད་ལ་དྲང་བདེན་ཞེས་ཞལ་ནས་མ་ཎི་འདོན་འདོན་བྱས་བསྡད་པ་འདི་ཡང་སྟོང་པ་སྟོང་རྐྱང་རེད།
རྒྱ་ནག་གཞུང་ཕྱོགས་ནས་བཙན་བྱོལ་གཞུང་ལ་སྐྱོན་བརྗོད་བྱས་བསྡད་པ་ནི་བཀའ་བཀོད་རྒྱུད་འཛིན་གྱི་ཕྲན་གཡོག་ཞིང་ཕྲན་ལམ་ལུགས་བསྐྱར་གསོ་བྱེད་ཀྱི་འདུག་ཞེས་འཛམ་གླིང་རྒྱལ་སྤྱིའི་སྟེང་དུ་བསྒྲགས་བསྡད་ཀྱི་ཡོད།
མུ་མཐུད་ནས་ཞིང་ལས་ཀྱི་འཚོ་བ་སྐྱེལ་དགོས་པའི་བཀའ་ཕབ་པ་ཡིན་ན་རྒྱ་ནག་གཞུང་གིས་བཤད་པ་དེར་དོན་ལ་གནས་པ་རེད་འདོད།
མི་དམངས་ཀྱི་འདོད་མོས་ཀྱི་དབང་དུ་བྱས་ན་བརྒྱ་ཆ་བརྒྱད་ཅུ་ཐམ་པའི་མ་གྲོས་བསམ་པ་གཅིག་མཐུན་ཡོད་པ་ནི་ནུས་ཕྱོགས་སྟོབས་ཆེན་རྒྱལ་ཁག་ཏུ་ཨ་སྒོར་2000ནས་3000་བར་དུ་གླ་ཕོགས་ཡོད་ས་འགྲོ་འདོད་ཡོད་པ་ཡིན།
བཙན་བྱོལ་གཞུང་གིས་བཙན་བྱོལ་མི་དམངས་འཚོ་བ་ཡག་པོ་ཞིག་སྐྱེལ་སའི་ལམ་ཁ་ཡོད་པ་དེར་བཀག་འགོག་བྱེད་སྡོད་ན་རང་མི་རང་གཞུང་ལ་ཡིད་ཐང་ཆད་འགྲོ་གི་རེད་འདོད།
དཀའ་ངལ་ཆེ་ཤོས་ནི་བལ་ཡུལ་ནང་གི་གཞི་ཆགས་ཁག་ཡིན། གཅིག་ནས་བལ་ཡུལ་རྒྱལ་ཁབ་ཀྱི་ཆབ་སྲིད་སྲ་བརྟན་མེད་པ་དང་གཉིས་ནས་རྒྱ་ནག་གིས་ཤུགས་རྐྱེན་འོག་ཏུ་བོད་མི་ལ་ལྟ་སྟངས་སྡུག་པོ་ཡོད།
གསུམ་ནས་འཚོ་བའི་ཡོང་ཁུངས་མེད་ལ་དེང་སང་འཚོ་རྟེན་གཙོ་ནི་ཕྱི་རྒྱལ་དུ་ཡོད་པའི་ནང་མི་སྤུན་ཆེད་ཚོའི་རོགས་དངུལ་ལ་བརྟེན་ནས་འཚོ་བ་སྐྱེལ་བཞིན་ཡོད།
ཕྱོགས་གང་ལ་ལྟས་ཀྱང་བོད་མི་ན་གཞོན་ཚོ་ངེས་པ་ཏུ་གཞུང་འབྲེལ་གྱི་ཐོག་ནས་ཕྱི་རྒྱལ་གཏོང་དགོས་ཀྱི་རེད་སྙམ། དེ་གཅིག་རེད།
གཉིས་པ་གསར་འབྱོལ་བའི་སྐོར་དུ་བསམ་འཆར་ཞུ་རྒྱུ་ཡིན། གྲོས་གཞི་ཁག་དྲུག་ནང་དུ་འགྲོ་ས་སྡོད་མེད་མཁན་གསར་འབྱོར་བ་ཚོའི་སྐོར་དུ་གྲོས་གཞི་མེད་པ་འདི་ཧ་ཅང་བློ་ཕམ་ཡོད།
བཙན་བྱོལ་གཞུང་གི་ཆབ་སྲིད་པ་ཚོས་གཞི་ལུས་བོད་མི་རྩ་བ་ཆེན་པོ་ཡིན་ཞེས་བཤད་བསྡད་པ་རེད། དངོས་གནས་རྩ་བ་ཆེན་པོ་ཡིན་ན་གཞི་ལུས་བོད་མི་ཚོ་རྒྱ་ཁྲིམས་འོག་ཏུ་བསྡད་མ་ཐུབ་པ་བཙན་བྱོལ་གཞུང་གི་སྒོ་རྩ་སླེབས་དུས་མདུན་ལམ་ཡོད་པའི་འཚོ་བ་ཞིག་སྐྱེལ་ཐབས་བྱེད་དགོས་པ་ནི་གནད་འགག་རེད།
རྒྱ་གར་ལུང་པ་ནང་དུ་སྡོད་ཆོག་པའི་སྐྱབས་བཅོལ་ལག་ཁྱེར་རག་གི་མེད་ལ་རྐུབ་བཙུགས་སའི་གཞི་ཁུངས་ཤིག་ཀྱང་མེད།
གསར་འབྱོར་བ་ཚོས་རྡ་སའི་གསང་ལམ་ནང་དུ་བག་ལེབ་ཙོང་ནས་འཚོ་བ་སྐྱོ་པོ་བསྐྱལ་བ་དེར་གཞི་ལུས་བོད་མི་ཤེས་པ་ཡིན་ན་ཅི་བསམ་གྱི་རེད་དམ།
ནུབ་རྒྱལ་ཁབ་ཁག་གིས་ལེན་གྱི་ཡིན་གསུངས་ཀྱང་མི་བཏང་བ་འདི་རང་མི་ལ་ཤ་ཚ་མེད་པ་ཕྱིར་རུ་མངོན་པ་རེད། གལ་སྲིད་རང་མི་རང་བདག་མ་རྒྱག་ན་ནམ་ཞིག་འགྱོད་པ་སྐྱེས་ཀྱང་ཚར་བ་རེད།
ཚོགས་ཆེན་དེའི་ནང་དུ་བོད་མི་ཤ་ཚ་ཡོད་མཁན་འདྲ་ཡོད་ན་ངེས་པ་ཏུ་རྒྱ་བལ་འབྲུག་གསུམ་ནང་གི་གསར་འབྱོར་བའི་མདུན་ལམ་ལ་གྲོས་བསྡུ་བྱེད་དགོས་ངེས་རེད།
འདི་ཚོ་ཚང་མ་བོད་མི་ཉམ་ཆུང་ཚོའི་ཆེད་དུ་བྲིས་པ་ཡིན་མ་གཏོགས་ང་ཅོ་རིའི་འཚོ་བ་ཁྱད་པ་སྤུ་ཙམ་མེད་པས་བསམ་གཞི་བྱེད་རོགས།
བོད་པ་ལགས། ཁྱེད་རང་ཡང་་་ལུག་པགས་གོན་པའི་སྤྱང་རྒན་རེ་ཟུང་གི་ཁ་རྒྱབ་ཀྱི་དོན་དུ། ཆོས་བརྒྱུད་རིས་མེད་ཀྱི་དགེ་འདུན་པ་རྣམས་དར་ཆའི་ཚབ་ཏུ་བཀོལ་མཁན་ཞིག་རེད་འདུག
སྔོན་ཆད་ཞིག་ལ། ངས་ལྷོ་ཕྱོགས་ནས་གྲྭ་བ་ཞིག་དང་ཐུག་སོང་། གྲྭ་ཆས་གོན་འདུག དགོན་པར་བསྡད་འདུག གྲྭ་མང་དང་ལྷན་དུ། དེ་བས་གྲྭ་བ་ཞེས་འབོད་པ་ཡིན། གང་ལྟར། མི་འདི་བྱ་བ་ངན་པ་སྣ་ཚོགས་པ་ལས་ཡོད་ཚུལ་མིོ་མང་པོས་བཤད་ཀྱིན་འདུག ཁོ་རང་ལ་སྤྱི་ཚོགས་ནང་ནས་དམོད་མོ་དང་མཐའ་ལ་མི་གྲལ་ནས་ཕུད་མཁན་དེ་འདྲ་ཡང་འདུག ཁོ་རང་དགོན་པར་སོང་ནས་འདི་དག་ཐམས་ཅན་ནི་་་་་ མི་སྐྱ་རྣམས་ཀྱིས་ “གྲྭ་བར་དགྲ་རུ་འཛིན་གྱིན་འདུག ” ཟེར་ནས་འུད་སྒྲོག་བྱས་སོང་།
དེ་གཅིག་རེད། གཉིས་ནས་་་ཁྱོད་ཀྱིས་་་གྲྭ་པ་་་དང་གྲྭ་པ་་་ཟེར་ནས་་་་ སྐྱ་སེར་གཉིས་བར་ལ་དཀྲིགས་ཤིང་འཕེན་གྱིན་འདུག ལར་ནས་ཆོས་བརྒྱུད་སྤྱི་འཐུས་ཟེར་བ་དེ་གྲྭ་པ་ཚོར་དགོས་པ་ཞིག་གཏན་ནས་མ་རེད།
འདྲེ་རིག་གིས་བཤད་པ་བདེན་པ་རེད། ཆོས་བརྒྱུད་སྤྱི་འཐུས་ཐད་ལ་བགྲོད་གླེང་བྱས་ནས་མེད་པ་བཟཽ་དགོས།
རྒྱུ་མཚན་ནི།
༡ བོད་ཕྱི་ནང་གཉིས་ཀྱི་ནང་བོད་དོན་ལ་སྲོག་ཕུལ་མཁན་དང་ལས་འགུལ་སྤེལ་མཁན་མང་ཆེ་ཤོས་གྲ་བ་རེད།
༢ བོད་གཞུང་གི་ལས་ཁུངས་ཆེ་ཁག་བདུན་གྱི་ནང་གི་འགྲོ་སོང་(100%4)ཆེ་ཆུང་ཤོས་གཏོང་ས་དེ་ཆོས་དོན་ལས་ཁུངས་རེད།
༣ རྒྱལ་སྤྱིའི་མང་ཚོགས་ནང་ཤུགས་རྐྱེན་ཆེན་པོ་བཞག་ནས་བོད་ལ་དགའ་གི་འཇོག་མཁན་ཡང་བླ་སྤྲུལ་ཚོ་རེད།
༤ བོད་ཀྱི་སྐད་ཡིག་གི་སྲོག་ཤིང་འཛིན་མཁན་ཡང་དགོན་སྡེ་ཁག་རེད།
༥ གྲ་བ་ཚོར་བཟའ་ཚང་དང་བུ་ཕྲུག་གསོ་ཡ་མེད་པས་རིག་གཞུང་ཤད་མ་སྤྱངས་བའི་ཆུ་ཚོད་ཡོད་པ།
༦ གྲ་བ་ཚོའི་ རྒྱུ་ནོར་རང་བཟའ་ཕྲུག་ལ་ཕུལ་ས་མེད་པས་སྤྱི་ནོར་ལ་འཕུལ་ཐུབ་པས་སྤྱི་ལ་ཕན་པ།
རྒྱུ་མཚན་འདི་དག་གི་ཕྱིར་ང་ཚོས་ཁོ་ཚོར་བཀའ་ལོགས་དང་ཁོ་ཚོའི་སྐྱོན་ཁབ་ཀྱིས་བཙལ་ནས་མེད་པར་བཟོས་དགོས།
དཔེར་ན། སྐྱ་སེར་གཉིས་ཀྱིས་ཆོས་བརྒྱུད་སྤྱི་འཐུས་འདེམས་ཆོག་པ་དང་འདེམས་བཞིན་ཡོད་ནའང་གྲ་བ་ཚོ་ཁོ་ནས་འོས་འདེམས་བྱེད་གི་འདུག་ཞེས་བཀའ་ལོགས་བྱེད་ཡ་
ཐེངས་འདིའི་བོད་གཞུང་དམངས་རྒྱལ་ཡོངས་ཚོགས་ཆེན་ཐོག་ནས་ཆོས་བརྒྱུད་སྤྱི་འཐུས་ཐད་ལ་བགྲོ་གླེང་ལྷུག་པོ་གནང་རྒྱུ་དེ་གལ་ཆེན་པོ་ཆགས་ཡོད་རེད། ཚོགས་ཞུགས་པ་སོ་སོའམ། ཡང་ན་ཚོགས་ཞུགས་པ་ཚོ་དང་འབྲེལ་ཡོད་དག་གིས་འདིའི་ཐད་ལ་ཤུགས་རྐྱེན་ཐེབས་པའི་ལས་འགུལ་འདྲ་སློང་ཐུབ་ན་ཡག་པོ་རེད། དེ་མིན། སྤྱི་ཚོགས་ནང་དུ་དགོས་མེད་ཀྱི་རྩོད་གླེང་ཅིག་ལྷག་པ་ལས། ལག་ལེན་གྱི་ཐོག་ནས་མང་གཙོའི་ཐོབ་ཐང་ཟེར་བ་དེ་ཚོ་སྟོང་གཏམ་ཙམ་དུ་གྱུར་བ་རེད།