ང་ཚོས་དེང་སང་དྲ་ངོས་མི་ཉུང་བ་ཞིག་ན། སྐད་ཤུགས་ཆེན་པོའི་སྒོ་ནས་དང་སྤྱར་ཡིག་འདྲ་མིན། གཏམ་བཤད་འདྲ་མིན། བརྙན་འཕྲིན་འདྲ་མིན། གསུང་བཤད་འདྲ་མིན། གླེང་ཕྱོགས་འདྲ་མིན། འདོད་མོས་ཡོད་མེད་ལ་མ་བལྟས་པར། ཉིས་སྟོང་བཅུ་གཅིག་ནི་སླེབས་དེ་འོང་བཞིན་པའི་སྐབས་ཏག་ཏག་འདི་ལ་དགའ་འོས་པའི་དོན་དག་ཆེན་པོ་ཞིག་ཡོད་པ་དེ་ནི་བོད་མི་བྱེས་པ་ཚང་ལ་བཀའ་བློན་ཁྲི་བ་བླངས་མཁན་མེད་པའི་དཀའ་ངལ་དེ་ལས་བརྒལ་ནས། ཉིན་རེ་ཡི་རྗེས་སུ་མི་རེ་འབྱོར་ནས་ང་བཀའ་བློན་ཁྲི་བར་བླང་གི་ཡིན། འདི་ངའི་དམ་བཅའ་ཡིན། འདི་ངའི་དམིགས་ཡུལ་ཡིན། འདི་ངའི་བྱེད་འདོད་ཀྱི་འཆར་གཞི་ཡིན། བོད་མི་དམངས་ཀྱིས་ང་རང་འདེམས་པ་ཡིན་ན། བོད་མི་མང་གིས་ང་རང་གར་སྟེགས་དེར་བསྐྱལ་སོང་བའི་ཉིན་མ་དེར་ཟེར་བའི་སྐད་ཆ་དེ་གོ་དུས་དངོས་ནས་དགའ་ནས་གཉིད་ཆོག་ཆོག་ལ་ཞིག་གི་དུས་ཚོད་ཅིག་ལ་བསྐྱལ་འདུག་སྙམ་པའི་ཚོར་སྣང་ཡང་སྟེར།
བསམ་བློ་ཞིབ་མོ་ཞིག་བཏང་དུས་སུ། མི་འདོད་ཀྱང་ཚོར་བ་སྐྱུར་མོ་ཞིག་དང་འགྲོག་ནས་འོང་བའི་སྡུག་བསྔལ་ཞིག་དང་སྐྱོ་སྣང་ཞིག་འདྲུད་དེ་འོང་། དེ་ནི་དངོས་ནས་བོད་མི་རིགས་ཀྱི་བདེ་དོན་ཆེད་དུ་རང་གི་ཚེ་སྲོག་གི་དམ་འབུལ་བྱེད་པའི་མི་བུ་ཤེས་འཇོན་ལྷག་བསམ་གྱི་ཕྱུགས་པའི་བཀའ་བློན་ཁྲི་བ་ཞིག གངས་ཅན་བོད་མིའི་གཞིས་བྱེས་ཀྱི་སྐྱིད་སྡུག་ཆེད་དུ་ཡོང་གི་ཡོད་མེད་དེ་རེད་ལ། དེ་ནི་དངོས་ནས་བསམ་གཞིགས་མི་བྱེད་ཐབས་མེད་ཀྱི་གནས་ཤིག་ཀྱང་ཆགས་ཡོད། ངས་ཉིན་ལྟར་དྲ་ངོས་མི་ཉུང་བ་ཞིག་ནས་བཀའ་བློན་ཁྲི་བའི་རྐུབ་སྟེགས་དུ་ཡོང་འདོད་ཡོད་མཁན་གྱི་བོད་མི་ཤེས་ཡོན་ཅན་དུ་འབོད་པའི་གྲངས་དང་མཁས་དབང་དུ་བརྩི་བཞིན་པའི་བོད་མི་མི་ཉུང་བ་ཞིག་གི་ངོ་གདོང་དང་ལོ་རྒྱུས་དག་དང་། ལོ་རྒྱུས་དེ་དག་གི་རྒྱབ་ལྗོངས་ན་ཤ་གཟད་རུས་ཐུག་གི་མཆན་པུ་འདེབས་མཁན་གྱི་དྲ་ཐོག་གི་སྤུན་ཟླ་དང་། སྲང་བར་གྱི་ཅ་ཅོ་འདོན་མཁན་གྱི་མི་དམངས་དཀྱིས་མ་བཅས་ལ་རྣ་བ་ཞིབ་དུ་གཏད་དུས་སུ། ད་དུང་ཡང་། ང་རང་ལ་རང་བཞིན་གྱིས་སྐྱོ་སྣང་ཞིག་འོང་གི་འདུག
སྐྱོ་སྣང་དེ་ནི་གོང་གི་དགའ་སྣང་དེ་དང་བསྡུར་ནས་བཤད་དུས། དངོས་ནས་སྐྱོ་སྣང་དེ་ཤུགས་ཆེན་པོ་འདུག་ལ། སྐྱོ་སྣང་དེ་ཡོང་དོན་ཡང་གཏན་ནས་རྒྱུད་རིམ་མེད་པ་ཞིག་མ་རེད། དངོས་ནས་བོད་མི་མང་གི་ཆེད་དུ་ལས་དོན་ཞིག་བྱེད་དགོས་པ་ཡིན་ན། ཁོང་ཚོ་ལ་སྔ་ནས་ཐོབ་མྱོང་བའི་རྐུབ་སྟེགས་དེ་དག་ལས་ཁོང་ཚོས་བྱ་བ་དེ་དག་མགོ་ཞིག་བཙུགས་ན་ཅིས་མ་ཆོག་པ་རེད། ངས་འདི་ལྟར་བསམ་བློ་ཞིབ་དུ་བཏང་དུས་སུ། ངས་ད་དུང་སེམས་ལ་སྐྱོ་སྣང་འོང་གི་འདུག དངོས་ནས་ཁོང་ཚོ་མིང་དང་རྐུབ་སྟེགས་ལས་ཀྱང་རྩ་ཆེ་བའི་གངས་ཅན་གཞིས་ལུས་གཉིས་ཀྱི་སྐྱིད་སྡུག་བསམ་ཕོད་པ་ནས་བཤད་ཕོད་པ། བཤད་ཕོད་པ་ནས་སྒྲུབ་ཕོད་པ། སྒྲུབ་ཕོད་པ་ནས་རང་གི་ཚེ་སྲོག་ཚུན་ཆད་བདེན་དཔུང་དུ་བཞག་ནས་བོད་དོན་སྒྲུབ་མཁན་ཡིན་མིན་དེ་རེད།
སྤུན་ཟླ་ཚོ། འུ་ཅག་གི་རྒྱབ་རི་བརྟན་པོ་ཞིག་ཡོད་པ་སྲིད་ན་དཀོན་པའི་དེང་དུས་སུ། འཛམ་གླིང་གི་ས་གནས་ཁུགས་སོ་རེ་རེ་ན་མིང་དུ་གྲགས་པའི་རྒྱལ་བ་རིན་པོ་ཆེ་འདི་བ་ཚང་ཡིན། དེ་ཉིད་བཞུགས་པའི་དུས་དེ་རིང་ནི། ཁོང་ཚང་གི་དགུང་ལོ་ནི་དོན་ལྔ་བཞེས་ཡོད་ལ། ད་དུང་མི་ལོ་ག་ཚོད་ཅིག་ལ་འུ་ཅག་ལས་ངན་གངས་ཅན་གཞིས་བྱེས་གཉིས་ཀྱི་སྤྱི་མགོན་དུ་བཞུགས་ཐུབ་མིན་མི་ཤེས་ཀྱང་། སྐབས་འདིར་ངེད་ཅག་ལ་ཅིས་ཀྱང་མེད་དུ་མི་རུང་བ་ནི། བོད་མི་དམངས་གཞིས་བྱེས་གཉིས་ཀྱི་སྐྱིད་སྡུག་ལག་ལེན་དུ་འདེབས་མཁན་ཞིག་ཡོང་རྒྱུ་དེ་ཡིན། དེ་ལྟར་ཡོང་བ་ཡིན་ན། ཁོང་ཚང་གི་ཐུགས་བསམ་བདེ་ངེས་ཡིན་ལ། བོད་མི་དམངས་གཞིས་བྱེས་གཉིས་ཀྱི་འབྲེལ་ཐག་གི་གསེར་ཟམ་ལ་འོད་སྟོང་འཕྲོས་དེ། རྒྱ་ནག་པོའི་སྙིང་ལ་ལྕགས་འཛེར་ཞིག་བརྡབས་ཐུབ་པ་ཡིན། དེ་མིན་ན། བཀའ་བློན་ཁྲི་བ་ནི་མིང་དང་སྙན་གྲགས། རྐུབ་སྟེགས་ཤིག་གི་དུས་ཡུན་ཚང་བརྩིས་བྱེད་མཁན་དུ་གྱུར་ན། ང་ལྟ་བུའི་བོད་མི་དཀྱིས་མ་གྲངས་ལས་འདས་པ་ཞིག་གི་མིག་ཆུ་ཁྲག་དུ་གྱུར་ནས་ཤི་སྲིད་པ་རེད།
བདེན་པའི་གཏམ་གྱི་འབོད་སྒྲ་འདི་ལ།།
ཀུན་གྱི་མོས་པ་སྔོན་དུ་བསྐུར།།
ཚེ་རིང་སྐྱིད་བརྙས་བཅོས་བྱེད་མཁན་ལི་ཐང་ངག་དབང་དབྱིག་གཉེན་རེད།
ལི་ཐང་ངག་དབང་དབྱིག་གཉེན་ལགས། ང་རང་ལ་མཚོན་ན་ད་བར་དགོན་པར་བཞུགས་པའི་གྲྭ་པ་ཞིག་ཕར་བཞག གྲོང་ཁྱེར་དུ་ཁྱམ་པའི་གྲྭ་པ་དག་ལ་ཡང་ཁ་ལོག་དང་ངན་མཚང་ཞིག་འབྲི་མ་མྱོང་། ཡིན་ན་ཡང་། དེ་རིང་ནས་གསལ་བཤད་ཐུང་ཐུང་ཞིག་ཞུ་དགོས་བྱུང་།
ང་རང་ལ་མཚོན་ན་ཆུང་དུས་ནས་ནང་པའི་ཁྱིམ་ཚང་དཀྱུས་མ་ཞིག་ཏུ་འཚར་ལོངས་བྱུང་སྟེ། ཁྱིམ་ཚང་རེ་ལ་སྐྱབས་ཡུལ་གྱི་དགོན་པ་རེ་ཡོད་པ་བཞིན་ངས་ཀྱང་དགོན་པ་དེའི་ཡོན་ཏན་མ་ཤེས་ཀྱང་། ཕ་མ་དག་གི་ངག་རྒྱུན་ལྟར་དགོན་པ་དེ་བཟང་རབ་དང་གྲྭ་པ་དག་བཙུན་ཚུལ་རྐྱང་རྐྱང་བཤད་ནས་ཡོང་བ་ཡིན། ལྷག་པར་དུ་ང་ལ་དཔེར་བཞག་ན། ནང་པ་ཞིག་གི་ཁྱིམ་ཚང་དུ་སྐྱེས་པ་ལས་ནང་ཆོས་ལ་སྦྱང་རྒྱུའི་སྐལ་བ་མ་ལྡན་པ་དང་། དགོན་པའི་ནང་གི་གསང་བ་དག་ཕྱིར་མ་བསྒྲགས་པ་སོགས་ཀྱིས་རྐྱེན་གྱིས། ད་བར་ནང་ཆོས་ཀྱིས་བསླབ་བྱ་ཐོབ་པའི་དགོན་པའི་ནང་གི་དགེ་འདུན་པ་དག་ནི་ལུས་ངག་ཡིད་གསུམ་གང་ཐད་ནས་སྐྱོན་བྲལ་རྣམ་དག་ཅིག་དང་བཀུར་འོས་ཡང་དག་ཅིག་ཏུ་བསམ་པ་ཡིན། འོན་ཀྱང་། རིམ་བཞིན་ཤེས་གསལ་ལྟར་ན། ངེད་ཅག་མི་མང་གི་ཤ་དང་ཁྲག་ལས་གྲུབ་པའི་དཀོར་ཟས་དཀོར་ཆུར་བག་མེད་དུ་སྤྱོད་པའི་གྲྭ་རྫུན་ངག་དབང་དབྱིག་གཉེན་ཁྱེད་ལྟ་བུའི་མཚོན་པས་ཞབས་འདྲེན་ཁག་ཅིག་གིས། ང་ཚོ་ཕ་མེད་མ་མེད་ཀྱི་དྭ་ཕྲུག་དག་དང་། སྐྱབས་མེད་མགོན་མེད་ཀྱི་ཉམ་ཆུང་དག་ལ་ཐུབ་ཚོད་དང་། མཐོང་ཆུང་། ཉེས་མེད་སྐྱོན་འཛུགས། ཐ་ན་བུ་གསོད་ལག་དམར་གྱི་མིང་ཆད་ཡང་བཟོ་བཞིན་འདུག གལ་ཏེ་ངས་འདི་ནས་སྐད་ཆ་འདི་མ་བཤད་པ་ཡིན་ན། ད་དུང་ཁྱེད་ཀྱིས་ང་ཚོ་ཉམ་ཆུང་དག་ལ་དོན་མེད་ཀྱིས་བཙན་འཛུལ་དང་བརྙས་བཅོས་བྱེད་པར་ཐེ་ཚོམས་མེད་སྟབས། ངས་ཀྱང་འདི་ནས་རང་གིས་མཐོང་ཐོས་མྱོང་གསུམ་ཁག་གཅིག་ཡིག་ཐོག་ཏུ་འབྲི་འདོད་བྱུང་།
དང་པོ། ༡༩༩༩ ཡས་མས་ཤིག་ལ་ངའི་སློབ་གྲོགས་བུ་མོ་ཞིག་ལ་དགོན་པ་ག་གེ་མོ་ཞིག་གི་གྲྭ་པ་ཞིག་གིས་ཡི་གེ་ཞིག་བསྐུར་འདུག་ལ། ཡི་གེ་དེའི་བརྗོད་དོན་གཙོ་བོ་ནི་མིང་སྲིང་བསྒྲིགས་ཆོག་མིན་དེ་རེད། དེ་རྗེས་ངའི་གྲོགས་མོས་གྲྭ་པ་དེར་མིང་སྲིང་བསྒྲིགས་འདུག་ལ། གྲྭ་པ་དེས་ཀྱང་ངའི་གྲོགས་མོར་རོགས་པ་མང་པོ་བྱས་སོང་། ཡིན་ན་ཡང་། ཉིན་ཞིག་གྲྭ་པ་དེས་ལོ་སར་སྨོན་ལམ་གསུང་ཆོས་དང་སྟབས་སྟུན་ངའི་གྲོགས་པོ་རྡ་རམ་ས་ལར་ཁྲིད་སོང་། བདུན་ཕྲག་གཉིས་ཙམ་གྱི་རྗེས་ནས་ངའི་གྲོགས་མོ་ཕྱིར་སླེབས་སོང་། ཁོ་མོས་བཤད་པ་ལྟར་ན། གྲྭ་པ་དེས་ངའི་གྲོགས་མོར་འཁྲིག་པ་སྤྱོད་འདུག་ལ། འཁྲིག་པ་སྤྱོད་སྟངས་དེ་ཡང་ཧང་སངས་དགོས་པ་ཞིག་རེད་འདུག དེ་ནི་འཁྲིག་པ་མཚན་མའི་ནང་དུ་མ་སྤྱོད་པར་བརླ་བར་དུ་སྤྱོད་འདུག དུས་དེ་ནས་བཟུང་ང་དང་ངའི་གྲོགས་མོ་གཉིས་ཀྱིས་གྲྭ་པ་དག་གི་སྤྱོད་སྟངས་ལ་ཡིད་ཆད་སོང་། སྐབས་དེར་ངས་བདག་གི་གྲོགས་མོར་འདི་ལྟར་བཤད་པ་ཡིན། གནས་སྟངས་དེ་སྐྱ་རེངས་ཚགས་པར་དུ་སྤེལ་ན་ལེགས་ཚུལ་བཤད་པ་ཡིན། འོན་ཀྱང་། དགེ་འདུན་པ་སྤྱི་ལ་གནོད་རྒྱུ་རེད་བསམ་ནས་ད་བར་བཞག་པ་ཡིན། ད་དུང་དེས་ཀྱང་མི་ཚད། ང་ལ་གྲོགས་མོ་ཞིག་ཡོད། དེ་ཡི་ཤུ་མ་ཤི་ཀ་པའི་ཆོས་ལུགས་སྤེལ་མཁན་ཨ་རི་བ་ཞིག་རེད། ཁོ་མོས་དགོན་པ་ག་གེ་མོ་ཞིག་ཏུ་དབྱིན་ཡིག་དགེ་རྒན་བྱས་ནས་ལོ་གཉིས་ལྷག་འགོར་འདུག ཉིན་ཞིག་ཁོ་མོས་ང་ལ་འདི་ལྟར་བཤད་སོང་། ངས་ནང་པའི་དགོན་པ་ཡང་དག་སྐྱོན་མེད་ཅིག་ཏུ་གུས་བཀུར་བྱས་པ་ཡིན། འོན་ཀྱང་། དགོན་པའི་ནང་གི་གྲྭ་མང་ཆེ་བའི་མཚན་མཐུན་ཆགས་སྤྱོད་བྱེད་ཀྱིན་འདུག ལྷག་པར་དུ་གྲྭ་ཕྲུག་ཆུང་ཆུང་དག་གཅིག་པུར་ཕྱི་ལོག་ལ་འགྲོ་ཐུབ་ཀྱི་མི་འདུག རྒྱུ་མཚན་ནི། གྲྭ་པ་རྒན་པ་དག་གིས་བཙན་གཡེམ་བྱེད་ཀྱིན་འདུག ཅེས་ཁོ་མོ་ཧང་སངས་མདོག་གིས་བཤད་སོང་། དེ་བས་ཀྱང་ཡ་མཚན་པ་ཞིག་ལ། ང་ལ་ངོ་ཤེས་པའི་གྲྭ་བ་ཆུང་ཆུང་ཞིག་ཡོད། གྲྭ་ཕྲུག་དེས་ང་ལ་བཤད་རྒྱུར། གྲྭ་ཕྲུག་དེའི་སྤུན་ཆེ་བ་དགོན་པ་ག་གེ་མོ་དེའི་ནང་གི་གྲྭ་བ་རྒན་པ་ཞིག་གིས་བདག་པོ་བརྒྱབས་ཡོད་ཚུལ་དང་། ཁོ་རང་གི་ཞང་བོ་དེ་དགོན་པ་དེས་དབུ་མཛད་ཡིན་པ་དང་། ཞང་བོས་བདག་བརྒྱབས་པའི་གྲྭ་ཕྲུག་དེས་གྲྭ་ལོག་བྱས་ཡོད་ཚུལ་བཤད་སོང་། རྗེས་ནས་རིམ་བཞིན་གསལ་བོ་ཤེས་་རྗེས། བདག་པོ་རྒྱག་ཅེས་པའི་དོན་དུ། གྲྭ་པ་ནང་ཁུལ་ལ་གཉན་བསྒྲིགས་བྱས་པའི་དོན་རེད་ཤག ངས་ངོ་ཤེས་པའི་གྲྭ་ཕྲུག་དེས་ཀྱང་རྗེས་ནས་གྲྭ་ལོག་བྱས་སོང་། ཁོས་བཤད་པ་ལྟར་ན། གྲྭ་ཕྲུག་དེ་དགོན་པར་འདུག་མི་འདོད་པའི་རྒྱུ་རྐྱེན་གཙོ་བོ་གཅིག་ནི་གྲྭ་བ་རྒན་པ་དག་གིས་བཙན་གཡེམ་བྱས་པར་བརྟེན་འདུག་འདོད་མེད་ཚུལ་བཤད། གང་ལྟར་གནས་ཚུལ་འདི་དག་ཚང་མ་ཕྱོགས་གཅིག་ཏུ་བསྡུས་ཏེ་བཤད་ན། གྲྭ་རྫུན་ངག་དབང་དབྱིག་གཉེན་ཁྱེད་རང་ཡང་གྲྭ་རྫུན་འདི་རིགས་ཀྱིི་གྲས་རེད་འདུག གལ་ཏེ་ཁྱེད་གྲྭ་པ་རྣམ་དག་ཅིག་ཡིན་ན། བུ་མོ་དྭ་ཕྲུག་མ་ཞིག་ལ་འདི་འདྲའི་མཚང་འབྲི་མཚང་འདོན་བྱེད་དགོན་དོན་ཅི། བུ་མོ་བདག་མེད་ཅིག་ལ་བུ་གསོད་ལག་དམར་གྱི་ཉེས་མིང་བཙུགས་པ་མ་ཟད། ད་དུང་གཞང་ཚོང་མ་ཞིག་གི་ཉེས་མིང་ཡང་བཙུགས་འདུག གལ་ཏེ་ཁྱེད་དགེ་འདུན་པ་དག་གིས་དགེ་ཕྲུག་དག་ལ་བཙན་གཡེམ་བྱེད་ཆོག་ན། ངེད་ཁྱིམ་པ་བ་ཞིག་གིས་འཁྲིག་པ་སྤྱོད་པར་ཉེས་པ་ཅི་ཞིག་འདུག ཕོ་མོའི་བར་ལ་འབྲེལ་བ་བྱེད་པ་ནི། འཇིག་རྟེན་ལུགས་མཐུན་ཞིག་དང་། དགེ་འདུན་པ་དང་གྲྭ་པ་དག་གིས་མཚན་མཐུན་ཆགས་སྤྱོད་དང་། དགེ་ཕྲུག་དག་ལ་བཙན་གཡེམ་བྱས་པ་དེར་ཅི་ཞིག་ཟེར་དགོས་སམ། མདོར་ན། སྐད་ཆ་འདི་སྦོན་བརྡ་ཙམ་ལས་ཞིབ་རྗེས་བཤད་མེད། ངས་བཤད་བསམ་པ་ནི། གལ་ཏེ་ཁྱེད་གྲྭ་པ་དག་གིས་ང་ཚོ་ལ་དོན་མེད་སྙོན་འཛུགས་བྱེད་པ་དེ་མཚམས་བཞག་པ་ཡིན་ན། ངས་ཀྱང་། འདི་ནས་གནས་སྐབས་རིང་མཚམས་འཇོག་ཆོག དེ་མིན་ན། ངས་ཀྱང་མུ་མཐུད་ནས་ཟིན་བྲིས་སྤེལ་སེམས་ཐག་ཡིན།
བཀའ་བློན་ཁྲི་པ་ང་ཤོར་ཁོ་རེད་ཡིན་ན་ཡང་བཀའ་ཁྲི་ང་ཤོར་ཁོ་ཤོར་འདིའི་འདྲའི་ནང་བཀའ་རྣམས་ཀྱི་ངས་རྒྱ་ནག་ལ་འཛིན་པའི་སྲིད་ཇུས་ལ་འགྱུར་བ་འདི་འདྲ་ཞིག་བཏང་གི་ཡིན་རྒྱ་ནག་དང་ཐབས་ལམ་འདི་འདྲ་ཞིག་བརྒྱུད་ཀྱི་ཡིན། མ་འོངས་པར་བོད་འདི་རང་དབང་ཡང་ན་རང་བཙན་གཙང་མ་ཞིག་ལེན་གྱི་ཡིན་ཟེར་བའི་དམ་བཅའ་འཇོག་མཁན་དང་གཏམ་བཤད་བྱེད་མཁན་གཅིག་ཀྱང་མཐོང་མ་བྱུང་ལ་གཞིས་ཆགས་འཛུགས་སྐྲུན་དང་བླ་ཆ་སྤར་ཡག་ཕྱི་རྒྱལ་ལ་བཏང་ཡག་སོགས་མང་པོ་ཞིག་གསུངས་ཡོང་གི་འདུག འདི་འདྲའི་བཀའ་མོལ་དེ་དག་ལ་ཉན་ན་མ་འོངས་པར་བཀའ་ཁྲི་རྣམས་ཀྱི་ལས་འགན་གཙོ་བོ་བོད་དོན་གྱི་བཀའ་རྙོག་མི་བསེལ་བར་ད་དུང་ད་ལྟའི་སྐྱབས་བཅོལ་གྱི་ངོ་བོར་གནས་པའི་བོད་རིགས་རྣམས་ཕྱི་རྒྱལ་ཁག་གི་མི་སེར་དང་ཕྱི་རྒྱལ་ཁག་ལ་མི་ཚེའི་བཞུགས་བསྐྱལ་རྒྱུའི་བཟོ་འདྲ་པོ་ཞིག་འདུག གཅིག་བྱས་ན་རེ་བ་སྡུག་ས་ནས་བརྒྱབ་བཞིན་གྲ་བསྒྲིག་བཟང་ས་ནས་བྱེད་བཞིན་པ་མིན་འགྲོ གང་ལྟར་བོད་རེ་བས་ཕུང་བའི་གཏམ་འདི་ད་ལྟའི་ང་རང་མཚོའི་མགོ་ལ་ཕོགས་པ་ལྟ་བུ་ཞིག་འདུག
འོ་ན་ཁྱེད་ཀྱི་སེམས་ཀྱི་འོས་མི་སུ་ཡིན། དེས་སྔར་བྱ་བཞག་རླབས་ཆེན་ཅི་བྱས་ཡོད། ང་ཚོ་ཕན་ཚུན་ལ་བསམ་བློ་གཏོང་ཁྱད་ཡོད་ངེས།
ཁྱེད་ཀྱིས་གསུངས་ལྟར་རེད་ཡ། བློ་ལ་བབ་སོང། དངོས་གནས་རེད།
ཁྱེད་རྡ་ས་སྤྲོ་འཁྱམས་སོང་བའི་རྗེས་སུ་རྩོམ་འདི་ལས་ཡག་བ་གཅིག་བྲིས་མ་མྱོང་བ་རེད།་་་ཧཧཧ