དུས་རབས་དེར མངའ་ཐང་དང་ལོང་སྤྱོད་ཆེ་རབས
སྐབས་དེར དམག་དཔུང་ལ་གཟི་བརྗིད་ལྡན་རབས
སྔོན་དུས་སུ མཛངས་བློན་གྱི་གནམ་འོག་འཁེངས་ཚུལ་འདུག
རུས་པ་ས་ལ་སྟོར་བའི་མཛད་རྗེས་ཆེན་པོ་ཡོད་ཟེར
ཁྲག་གི་གཡུལ་འཐབ་གཤམ་པའི་ལོ་རྒྱུས་ཞིག་ཡོད་ཟེར
ཤ་ཡི་རི་རབ་སྤུངས་པའི་དུར་ཐང་ཞིག་ཡོད་ཟེར
དེས་ན དེང་དུས་སུ དེ་དག་གང་ཡང་མི་འོས་ཟེར
དོན་དངོས་སུ་མི་རིགས་ཤིག་གི་ཤུལ་རྗེས་སུ
ཁྱི་སྐད་རྒྱགས་པའི་མི་བུ་ཁྱུ་གཅིག རིམ་གྱིས་ལངས
སྟོད་ནས་དབུས་ལ་གཡོ་སྒྱུ་ཆེ་རབས་མང་བོ་གླེང་
དབུས་ནས་སྨད་དུ་ཁྲེལ་གཞུང་མེད་པར་རྟག་དུ་འདོད
སྨད་ནས་སྟོད་ལ་མི་གཤིས་བོར་བའི་བེམ་པོ་སྐོར་ཞིག་བསམ
དོན་དངོས་སུ བཙན་པོའི་གཞུག་ཁྱི་དེ་སུ་རེད
སྟོད་ནས་དབུས དབུས་ནས་སྨད
ཕལ་ཆེར སྟོད་དབུས་སྨད་གསུམ་ན མི་སྐད་མི་གོ་མཁན་དེ་ཚོ
དབྱངས་རྟ་ཞིག་གི་རྒྱུན་ཐག་ཁྲོད་དུ
བཞུད་ཟིན་པའི་མེས་པོ་དེ་དག
བསྡུས་གཟུགས་ཤིག་གི་ཚོན་འགྱུར་ལ་བརྟེན་པའི་གཞུག་ཁྱི་ཚོས
རྣ་བར་གཟན་པའི་ཁྱི་སྐད་ཅིག་ལས
ད་ལྟ་གང་ཡང་མེད་པར་གྱུར་བར་གླེང་ན་འོས་སམ
ཕལ་ཆེར དེ་ཡང་ནོར་འཁྲུལ་དུ་ལྟ་མཁན་གྱི
གཞུག་ཁྱི་གྲངས་མེད་ཅིག ཉིན་མཚན་གྱི་བར་གསེང་ན
སྐབས་རེར་མངོན་གྱིན་ཡོད་སྲིད
སྤུན་ཟླ་ཁྱེད་ཅག་ཕེབས་པ་དགའ་ཡོད། དེང་སང་དྲ་རྒྱའི་མཐུན་རྐྱེན་ཞན་ས་ཞིག་ཡོད། དེ་ཡིན་དུས། རེ་རེ་བཞིན་ལན་འདེབས་བྱེད་ཐུབ་མ་སོང་། དགོངས་དག་གུང་གསེང་དུ་བསྡད་ཡོད། ལས་མེད་ངང་དུ་དུས་རབས་གསར་བའི་སྒྱིད་ལུག་གི་བྲན་གཡོག་ཡིན། གནས་སྐབས་འདིར་་་་་་
ཕ་མཐའ་གཞལ་ཀའི་གཡུ་ཡི་མདངས་འཛིན་ཡངས་པའི་མཁར།།
སྒོར་སྒོར་འགྲོས་ཀྱིས་གླིང་བཞི་བསྐོར་བའི་རྒྱུ་སྐར་ཚོགས།།
མ་བཞུགས་མྱུར་དུ་གསུམ་བཅུའི་དུས་འདི་དྲན་བཞིན་དུ།།
བདེན་པའི་འོད་ཀྱིས་གངས་ལྗོངས་མུན་པ་སེལ་ལ་ཤོག།།
གྲོགས་བོད། ཤ་ཁྲག་ལགས། དོན་དངོས་ཀྱི་སྙན་ཚིག་འབྲི་ན་འདི་ལྟར་རེད། ཧ་ཅང་ལེགས། ངོ་བསྟོད་མིན། ཁོམ་པ་རེ་ཡོད་དུས་ཀློག་བཞིན་ཡོད་མོད། མཆན་འཇོག་རྒྱུ་ཅུང་ཁག་པོ་འདུག དུས་ཚོད་ཀྱི་དབང་གིས་་་་་་་་་
ལ་རྒྱ་བྲལ་ཞིང་མི་རིགས་ཚོང་ལ་བྲེལ།།
མཐུན་བསྒྲིལ་བྲལ་ཞིང་ནང་དམེ་བྱེད་ལ་དཔའ།།
སྤྱི་སེམས་བྲལ་ཞིང་སྐུ་སྟེགས་འཛིན་ལ་དགའ།།
མཁས་པར་རློམ་ཞིང་གཞན་སྐད་བསྲེ་ལ་མཉེས།།
རང་དོན་ཆེད་དུ་གཞན་ཚང་འབྲུ་ལ་སྤྲོ།།
དྲ་ཐོག་སྟེང་དུ་ཡམ་ནད་གཏོང་ལ་མཁས།།
ཆོལ་ཁའི་ཐན་འཁྱེར་ཅན་གྱི་མི་བུ་རྣམས།།
བཙན་པོའི་གཞུག་ཁྱི་མི་བུའི་གྲལ་ཐ་རེད།།