བཙན་པོའི་རིགས་རྒྱུད་ཁྱི་ཡི་གཡོག་དུ་བརྫངས།

ཅོ་རི་ཉི་མ་དེང་སང་སྨྱོས་ཡོད་གི།
ཚིག་ངན་ཁ་ལོག་ཁོ་ནའི་གང་ཡོད་གི།།
རང་གི་རིགས་ལ་འདི་འདྲའི་སྡང་སེམས་ཞིག།
ཨ་མའི་བུ་ངན་ཁྱོད་ལ་སུ་ཡིས་བྱིན།།
ཕྱོགས་ལྷུང་འཐེན་ཁྱེར་དུག་གི་བཟི་བ་ཡི།།
ཆོས་ལྡན་བོད་པ་ཚང་གི་མི་རབས་ཁྱོད།།
ད་རུང་ཕུ་དཀྲིགས་མདའ་དཀྲིགས་ཀྱིས་ཤིག་དང།།
གངས་ཅན་བོད་པ་ད་རུང་ཚར་མེད་གི།
རང་གི་རིགས་ལ་འདི་འདྲའི་སྡང་སེམས་ཞིག།།
གྲྭ་ལོག་ལྟ་ལོག་ཁྱོད་ལ་སུ་ཡིས་བྱིན།།
ཀུན་དང་མཐུན་པ་སྲིད་འདིར་དཀའ་ན་འང་།།
རང་གི་རིགས་ལ་མཐུན་པ་གལ་ཆེན་ཡིན།།

ཟ་ལེ་རྒྱལ་ལགས།
རིགས་ཀྱི་དུངས་པ་འདྲེན་པའི་བར་ཞིག་ན།།
བདག་གི་བཅིངས་པའི་འགྱུར་མེད་ཞེན་རྩ་ནི།།
བོད་མི་མགོ་ནག་སྤྱི་བོའི་དོན་ཞིག་ཆེད།།
སྐད་ཆའི་སྙིང་རྩ་འབྲེག་ཀྱང་མི་འགྱོད་ལ།།
བཟང་ངན་ཡག་ཉེས་གང་ཡིན་སྤུན་ཟླ་ཚོས།།
བསམ་བློ་ཞིབ་མོ་གཏོང་བར་ཡིད་ཆེས་ཡོད།།
ཡོད་པ་འདི་ཡང་ཁྱེད་དང་འུ་ཅག་གིས།།
གཞིས་བྱེས་སྐྱིད་སྡུག་གཅིག་དུ་སྤྲེལ་བ་དང་།།
བསམ་བློའི་ནུས་པ་སྤུངས་པའི་སྨོན་སེམས་སོགས།།
བཤད་ན་རྫོགས་རྒྱུ་མེད་ཀྱང་སྐུ་ཉིད་ནས།།
མཆན་པུ་གཅིག་དེ་ཐེངས་གཉིས་བཏབས་པ་དང་།།
ཅིས་ཀྱང་ལན་ཞིག་ཡོད་པའི་སྐུལ་ངོ་དེར།།
མ་ལྡོག་ཚུལ་དུ་བྲིས་པའི་ཚིག་འདིའི་ནང་།།
ཉིད་ཀྱི་རེ་སྐུལ་ཙམ་ཞིག་འགྲུབ་པར་སྨོན།།

ཅོ་རི་ཉི་མ་ལགས། བསྟོད་བསྔགས་བྱས་པ་དེར་དགའ་ནས་ཡོད། དེང་སང་རྒན་པོ་ཁྱེད་རང་སྤུས་གཙང་གི་རུས་རྒྱུད་དེ་ཚོ་སྐྱོང་ནས་བདེ་ལེགས་སམ།

དངོས་གནས་སྙན་པོ་བྱུང་་་་་་ཤ་རུས་ལགས།

བཙན་པོའི་རྗེས་རབས་ཁྱེད་འདྲ་སྔར་བཞིན་ཡིན།།
ང་འདྲའི་ལས་ངན་ཁ་ཤས་གཞུག་ཁྱི་ཡིན།།
དེ་གཉིས་དབྱེ་བ་བཀར་ནས་ཀློག་ཞིག་དང་།།
ནམ་ཡང་ཉིད་རང་གཅེན་པོའི་ཚུལ་དུ་འབོད།།

གནང་ལྕགས་ལགས། ཕེབས་ནས་བསམ་ཚུལ་ཐུང་ཙམ་གསུངས་པ་དེར་དགའ་གུས་ཡོད།