རྒྱ་ནག་གི་འགྲོ་བ་མིའི་ཐོབ་ཐང་སྲུང་སྐྱོབ་ཚོགས་པས་གནས་ཚུལ་སྤེལ་གསལ་ལྟར་ན། ལོ་སྔོན་མའི་ཕྱི་ཟླ་ ༤ བའི་ནང་རྒྱ་ནག་ཧྲན་ཏུང་ཞང་ཆེན་ནང་། བུད་མེད་ ༧༠༠༠ ཙམ་བཙན་ཤུགས་ངང་བཤག་བཅོས་ཀྱིས་སྐྱེས་སྒོ་འགོག་པའི་སྲིད་བྱུས་ལག་བསྟར་བྱས་སྐབས། རྒྱ་རིགས་ཅེན་གྱིས་འབྲེལ་ཡོད་དཔོན་རིགས་ཚོར་སྐྱོན་འཛུགས་ངོ་རྒོལ་བྱས་ཡོད་པའི་རྐྱེན་གྱིས་འཛིན་བཟུང་ཁྲིམས་ཐག་ལོ་བཞི་བཅད་ཡོད་ཀྱང་། ཉེ་ཆར་ཁོང་གློད་གྲོལ་བཏང་ཡོད་ཚུལ་བརྗོད་འདུག རང་ལོ་ ༣༩ ལ་སོན་པའི་སྐུ་ཞབས་ཅེན་ལགས་ནི། རྒྱ་ནག་གི་དྲང་བདེན་མིན་པའི་བྱ་སྤྱོད་དང་འགྲོ་བ་མིའི་ཐོབ་ཐང་རྡོག་རོལ་བཏང་བར་ངོ་རྒོལ་གྱིས་མང་ཚོགས་ལ་རོགས་རིམ་བྱས་པར་གཞུང་ཕྱོགས་ནས་ཁོང་བཙོན་འཇུག་ཁྲིམས་ཐག་བཅད་པ་དེར་རྒྱལ་ནང་དང་རྒྱལ་སྤྱིའི་ཕྱོགས་ཡོངས་ནས་སྐྱོན་བརྗོད་ཤུགས་ཆེན་པོ་བྱས་ཡོད། ཅེན་ནི་བྱིས་པའི་དུས་ནས་མིག་གཉིས་ལོང་བར་གྱུར་ཅིང་། ཁྲིམས་ལུགས་ཐོག་དམིགས་བསལ་སྦྱོང་བརྡར་རེག་མེད་ཀྱང་། ད་ལྟ་སྤྱི་ཚོགས་ཀྱི་དྲང་བདེན་ཕྱོགས་ལ་རྒྱབ་ལངས་དང་འགྲོ་བ་མིའི་ཐོབ་ཐང་ཐད་ཀྱི་འཐབ་རྩོད་པ་དང་ཁྲིམས་རྩོད་པ་ཞིག་ཆགས་ཡོད་འདུག ད་དུང་ཁོང་འདི་ལོའི་ནོ་བྷེལ་ཞི་བདེ་གཟེངས་རྟགས་བྱ་དགའ་འབུལ་ཡུལ་གྱི་འོས་མིའི་མཚན་ཐོའི་གྲས་སུ་ཡང་ཚུད་ཡོད་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
དྲང་བདེན་ལ་དགའ་མཁན་ཞིག་ལྷོད་གྲོལ་ཐོབ་པ་འདིས་རྒྱ་ནག་ནང་འོད་སྣང་གི་མེ་ལྕེ་ཅུང་ཙམ་སླང་ཐུབ་པའི་རེ་བ་ཡོད་སྲིད་པ་ཞིག
ང་ཚོའི་གཞུང་འདིས་རྒྱ་ནག་མཉམྱ་་དུ་མི་འགྲིག་པའི་སེམས་ཁྲལ་ལས་རང་རིགས་རང་གིས་བདག་རྒྱག་པར་གང་ཡང་བྱས་པ་ཉུང་་དུང་སོང་།
རྒྱ་རིགས་ཅེན་ལགས་མུན་ནག་བཙོན་གྲོལ་ཐོབ་པར་རྟེན་འབྲེལ་གྲངས་མེད་ཞུ།ད་དུང་ང་ཚོའི་ཤ་རུས་གདོང་རྒྱུད་གཅིག་པའི་བོད་རིགས་སྤུན་ཟླ་མང་དག་ཞིག་རང་གི་རྒྱལ་ཁབ་དང་མི་རིགས་ཀྱི་བླ་སྲོག་གི་ཆེད་བཙོན་དུ་སྡུག་གྱོང་མནར་བཅོད་ཕོག་བཞིན་པ་རྣམས་སྙིང་རེ་རྗེ།ཨ་ཤུ་རེ་ཀོ།།།།།།།།།།།།།།།།།
དྲང་བདེན་དང་ཞི་བདེ་ལ་དགའ་བའི་དཔའ་བོ་ཁྱེད་ནག་ཕྱོགས་མུན་གླིང་ནས་རྒྱལ་བར་དགའ་བསུ་ཞུ། འབྱུང་འགྱུར་ཡང་ཐབས་མཁས་ཀྱི་ལམ་ནས་བདེན་པའི་རྒྱབ་ལངས་གནང་རོགས།