ཕ་མ་ཉེ་དུ་བཞག་ནས་རྒྱང་རིང་ལ་སླེབས་ནས།།
རིགས་ཀྱི་བུ་མོ་འདི་ཡི་ལས་དབང་ལ་བསམ་བཞིན།།
ཉིན་ལྟར་ལས་ཀྱི་བྲེལ་བའི་མགོ་རྐང་རང་གཟེར་ཡང་།།
སེམས་ལ་ངལ་བ་མེད་པར་ཧུར་བརྩོན་རང་བྱས་ཀྱང་།།
ལུས་ཀྱི་འབྲེལ་བའི་བར་གྱི་དགའ་རོགས་མའི་གམ་དུ།།
སྐྱིད་ལ་སྡུག་རོགས་མེད་པའི་འཚོ་བ་འདིས་གཞུག་ན།།
མ་འོངས་རེ་བ་ཡོད་སའི་ཁྱིམ་ཚང་ཞིག་མི་རིག།
འདི་ཉིད་དྲན་དུས་སེམས་ཀྱི་གཏིང་རིམ་གྱི་སྐྱུར་ཁ།།
འདོད་མེད་འཐུང་དགོས་ང་ཡི་ལས་དབང་གི་གནམ་འོག།
སོ་སོས་བཟོས་པའི་ནག་ཉེས་ལྕི་མོ་འདིས་ལན་ནམ།།
ཡང་ན་གཞན་དག་བསམ་པའི་འདུ་ཤེས་འདིས་ལན་ནམ།།
འཚོ་བ་ངན་ངན་ཞིག་གི་དགོས་མཁོ་ཞིག་རེད་དམ།།
རང་སྐད་རང་ཡུལ་མེད་པའི་གཞན་ཡུལ་གྱི་མི་ཚེ།།
ཅི་ཙམ་རོལ་ཡང་དེ་ཙམ་གོམ་ཐབས་ཤིག་དཀའ་བ།།
ང་ཉིད་གཅིག་བུའི་ལས་དབང་ཨེ་ཡིན་ནི་བསམ་གི།
ང་དང་འདྲ་བའི་རིགས་མཐུན་སྤུན་ཟླ་ཚོ་ཡོད་སའི།།
གླིང་ཕྲན་མི་གཅིག་འཛམ་གླིང་སོ་སོ་ན་གནས་པའི།།
སྤུན་ཟླ་ཀུན་ལ་ཚོར་བ་འདི་འདྲ་རང་ཡོད་སྲིད།།
ཡོད་ན་ཡོད་པའི་དགའ་སྐྱོ་ཡིག་གཟུགས་སུ་བྲིས་དེ།།
རང་རིགས་རྗེས་རབས་ནོར་བའི་ལམ་ཕྲན་འདིར་མི་ཞུགས།།
ཆེད་དུ་ང་ཚོས་ཉམ་མྱོང་དམར་པོ་དག་གླེང་ན།།
རིགས་ཀྱི་སྲུ་ཞུ་ཟེར་བ་དེ་འདྲ་ཞིག་ཡིན་འགྲོ།
དྲང་མོ་བཤད་ན་གཞན་ཡུལ་སྙེགས་མཁན་ཚོ་ནི་ཅི་འདྲའི་མི་གླེན་པ་ཤ་སྟག་ཞིག་རེད་ཨང་སྙམ་ཞོར་དུ། སེམས་པ་གསོ་བའི་སྙན་ངག་འདི་ཤར་མར་དྲ་ངོས་ནས་བྲིས་པ་ཡིན། ༡༦།༩།༡༠ ཨེས་སུ་རལ་གྱི་རྒྱལ་ས་རྗོ་སུ་ལམ་ར་མོ་ཀྲི་གྲོང་ཚོ་ནས།
ལྷ་མོ་ལགས། ཉིད་ནས་གནས་ཚུལ་མཁོ་སྤྲོད་བྱས་པ་བཀའ་དྲིན་ཆེ། རྗེས་སུ་ཡོང་གི་བསྡོད། སྒོ་ཕྱེ་ནས་བཞག་ཡོད།
གནམ་ལྕགས་ལགས།
དཀྲུས་ན་འདགས་ཐབས་མེད་པའི་རང་གཤིས་དང་།།
སྐྱུར་ནས་ཐར་ཐབས་མེད་པའི་མི་ལུས་འདི།།
རིགས་ཀྱི་དུངས་པ་ལྕི་མོའི་ན་ཟུག་ལ།།
ནམ་ཡང་ལྷོད་དུ་མེད་པར་བསྡམས་པ་ཡིས།།
ཚོར་བ་ཞིག་གི་དྲངས་པའི་ཚིག་འཕྲེང་འགའ།།
དྲ་ངོས་ཐད་ཀར་འབྲི་བར་དགའ་ལུགས་ཤིག།
ས་མཐའི་མི་ཚོས་ལས་དབང་ཁོ་ནར་གྱུར།།
༄༅། །༢༠༠༩།༩།༡༦ ཉིན་གྱི་ཕྱི་དྲོ་ཚོུད་ ༡།༣༠ ཐོག་བཙན་བྱོལ་བོད་མིའི་བཅའ་ཁྲིམས་དོན་ཚན་ ༤༩ པའི་དགོངས་དོན་གྲོས་ཚོགས་སུ་རྩ་འབོར་གྱི་སུམ་ཆ་གཉིས་ཏེ་སྤྱི་འཐུས་ ༢༨ དགོས་ངེས་ཀྱི་གྲུབ་ཆ་མ་ལོངས་ནས་ཚོུད་ ༣།༡༥ བར་ཚོགས་གསེང་གནང་དགོས་ཆགས་སྐབས་གྲོས་ཚོགས་སུ་ཕེབས་གནང་མེད་པའི་སྤྱི་འཐུས་རྣམས་ཀྱི་མིང་གཞུང་མཁྱེན་འདོད་ཡོད་མཁན་མང་པོ་ཞིག་ཡོད་ཚོད་འདུག་པ་ལྟར་སྐབས་དེར་གྲོས་ཚོགས་སུ་སྤྱི་འཐུས་ ༢༧ ཕེབས་ཡོད་པ་དང་། མ་ཕེབས་མཁན་ ༡༦ ནི་གཤམ་གསལ་ལྟར་རེད།
༡ ཚོགས་གཙོ་སྤེན་པ་ཚེ་རིང་མཆོག་དང་། ༢ ཚོགས་ཟུར་པདྨ་འབྱུང་གནས། ༣ ཀརྨ་ཤེས་རབ་མཐར་ཕྱིན། ༤ དགེ་བཤེས་བེ་རི་འཇིགས་མེད། ༥ དགེ་བཤེས་གཡུང་དྲུང་རྒྱལ་མཚན། ༦ རྒྱལ་ནོར་ཚེ་དབང་། ༧ སྤྲུལ་སྐུ་ཨོ་རྒྱན་སྟོབས་རྒྱལ། ༨ བསོད་ནམས་སྟོབས་རྒྱལ། ༩ བདེ་བ་ཚང་རྡོ་རྗེ་དབང་འདུས། ༡༠ དབུ་དཀར་གཡུ་སྒྲོན། ༡༡ སྒྲོལ་མ་མཚོ་མོ། ༡༢ བསྟན་འཛིན་མཁས་གྲུབ། ༡༣ ཆབ་བྲག་ལྷ་མོ་སྐྱབས། ༡༤ ཡེ་ཤེས་སྒྲོལ་མ། ༡༥ བསོད་ནམས་ཚེ་རིང་ཕར་སི། ༡༦ བསྟན་འཛིན་ཆོས་ལྡན་བཅས་རེད། ཁག་ཅིག་སྔ་དྲོ་གྲོས་ཚོགས་སུ་ཡོད་ཀྱང་གུང་ཚིགས་བར་གསེང་སྐབས་དུས་ཐོག་མ་འབྱོར་བ་ལས་རྗེས་སུ་ཚོུད་ ༣།༡༥ ཐོག་འབྱོར་མཁན་ཡང་བྱུང་ཡོད་པ་རེད།
གཞན་ ༡ ཚོགས་གཙོ་སྤེན་པ་ཚེ་རིང་མཆོག་དང་། ༢ ཚོགས་ཟུར་པདྨ་འབྱུང་གནས། ༣ ཀརྨ་ཤེས་རབ་མཐར་ཕྱིན། ༤ དགེ་བཤེས་བེ་རི་འཇིགས་མེད། ༥ དགེ་བཤེས་གཡུང་དྲུང་རྒྱལ་མཚན། ༦ རྒྱལ་ནོར་ཚེ་དབང་། ༧ བསོད་ནམས་སྟོབས་རྒྱལ། ༨ བདེ་བ་ཚང་རྡོ་རྗེ་དབང་འདུས། ༩ སྒྲོལ་མ་མཚོ་མོ། ༡༠ བསྟན་འཛིན་མཁས་གྲུབ་བཅས་སྤྱི་སྒེར་གྱི་ལས་དོན་གང་གི་རྐྱེན་པས་ཕེབས་ཐུབ་ཡོད་མེད་མི་ཤེས་ཀྱང་ཕྱི་ཚེས་ ༡༦ ཞོགས་པ་ནས་གྲོགས་ཚོགས་སུ་ཕེབས་མི་འདུག་པ་བཅས་མཁྱེན་འདོད་མཁན་རྣམས་ལ་ཕན་ཕྱིར་བཀོད་པའོ།།
དགེ་བཤེས་སྨོན་ལམ་མཐར་ཕྱིན་གྱི་བང་ཆེན་ཟིན་བྲིས་སུ་བཀོད་པ་ལས་དྲངས་པ་ཡིན།
སྐྱིད་སྡུག་རེས་ཀྱིས་སླེབས་པའི་མྱི་ཚེ་འདིའི་མཐའ་ན།།
ཐམས་ཅད་དངངས་སྐྲག་སྐྱེས་སའི་འཆི་བ་དེ་ཡོད་ཀྱང་།།
ཕངས་མེད་ལུས་ཀྱི་ངལ་དུབ་རི་བོ་བཞིན་བརྩེགས་ནས།།
རྩོལ་སྒྲུབ་འཚོ་བ་ཟབ་མོའི་གཏིང་མཐའ་རུ་བསྙེག་གོ།།
མི་རྟག་སྒྱུ་མའི་བསླུ་བྲིད་འཇིགས་ཡེར་གྱི་རྣམ་པ།།
གྲོགས་ཁྱེད་གང་དུ་བཞུད་ཀྱང་སྡུག་སྣང་གི་ཚོར་བ།།
བདེ་མེད་འཁོར་བ་འདི་ཡི་སྙིང་བོ་ལ་བསམ་ན།།
འཆི་བའི་ཐར་བ་དེ་ལ་བྲེལ་བ་ཡིས་མྱོས་འགྲོ།།
གྲོགས་པོ་ལགས། དེ་ནི་མི་རྟག་པའི་རྩ་བ་སེམས་ལ་ཟུག་པའི་རྟགས་ཤིག་རེད་ཡ།
བསྟན་འཛིན་ཚེ་འཚོ་ལགས།
ཟང་ཟིང་སྒྱུ་མའི་གཡོག་དུ་ཚུད་ཉིན་ནས།།
འདོད་དང་མི་འདོད་ས་མཚམས་གཏན་མེད་པར།།
ཤི་རེག་བར་དུ་འདུར་རྒྱུགས་བྱེད་དགོས་པ།།
སྔ་ནས་དྲན་ཡོད་ད་ལྟ་ཉིད་རང་གིས།།
སླར་ཡང་དྲན་དུ་སྐུལ་བ་བཀའ་དྲིན་ཆེ།།
གཅེན་པོ་ལགས།
རང་སེམས་རང་གིས་གསོས་དེ།།
མི་ལོ་མང་བོ་བུད་ཐལ།།
ད་ནི་གོམ་གཤིས་ཆགས་ནས།།
སེམས་གསོའི་སྙན་ངག་ཐར་ཐོར།།
རིགས་ཀྱི་སྡེ་ལ་འགྲེམ་རྒྱུར།།
སེམས་ནས་དགའ་སྣང་ཡོད་ཀི།
བསམ་བྱུང་རི་མོ་ཐོད་ལ་ཕབ་པའི་དུས་ཀྱི་ཡོ་ལང་ཞིག།
མི་རྟག་སྒྱུ་མའི་བློ་ལ་སྐྱེ་རྒ་ན་འཆིའི་གཟེར་ཞིག་ལངས།།
མ་རུང་གཤེད་མའི་ཚོགས་ལ་མི་གྲུབ་བསམ་པའི་གཏོར་ཞིག་བཅོས།།
ཟིང་ཟིང་འདུ་བའི་ཁྲོད་ན་མགོ་བོ་དུད་དེ་འགྲོ་ན་དགའ།།
རྒྱུ་འབྲས་མི་བསྣོགས་བཞུགས་ཀྱང་།།
སེམས་པ་གྲང་མོ་ཆགས་འདུག།
སེམས་པ་གྲང་མོར་ཆགས་དུས།།
རང་སེམས་རང་གིས་གསོས་སོང་།།
ཧཧཧཧཧཧཧཧཧ
གཅེན་པོ་ལགས།
སང་འགྲོ་ནངས་འགྲོ་ཁྱད་མེད།།
ལས་ཀྱི་རྒྱུ་འབྲས་མི་བསྣོག།
དེ་ལྟར་བསམ་ནས་འདི་རུ།།
འདོད་མེད་ལྷག་ནས་བསྡད་ཡོད།།
ཁ་བ་ནག་པོ་ལགས། ཡུན་རིང་ཞིག་ལ་ངེད་ཚང་དུ་ཕེབས་མ་བྱུང་། དེ་རིང་ཕེབས་ནས་བསམ་ཚུལ་དོན་སྙིང་ཡོད་པ་ཞིག་གསུངས་པ་དེར་དགའ་ཡོད་ལགས། དངོས་ནས་ཨོ་སུ་ཀྲི་ལེ་ཡའི་གདོན་མའི་བཤད་རྒྱུན་དེ་ནི་ང་ལྟ་བུའི་མི་སྡུག་ཐུག་དག་ལ་དངོས་ནས་འཚམ་པོ་འདུག དེ་མིན་དངོས་ནས་གང་ཤེས།
རང་གིས་འདེམས་པའི་མི་ཚེའི་ལམ་བུ་དེར།།
བཞུགས་ནས་ཁྱིམ་འཛིན་མ་དེར་སྙིང་ནས་བཀུར།།
ལྐོག་དང་ངོས་ནས་གཡོ་རྒྱུའི་སེམས་སྤངས་ནས།།
སྙིང་ནས་དགའ་བའི་བརྩེ་བས་བསྐྱངས་པར་མཛོད།།
མི་ཁའི་གཏམ་ངན་རྣ་བའི་རྒྱབ་ཏུ་གཡུགས།།
རིགས་ཀྱི་མཐར་ཚོར་བོད་པའི་སྐད་ཡིག་དང་།།
གཤིད་རྒྱུད་འཇམ་པའི་རང་གི་ཕ་མེས་ཀྱི།།
ལེགས་པའི་གོམ་སྲོལ་གང་ཤེས་བསླབ་ན་ལེགས།།
མ་འོངས་རེ་བའི་ལམ་བུ་མངོན་གྱུར་ཚེ།།
ཁྱེད་ཀྱི་ཁྱིམ་ཚང་ཁ་བའི་ཡུལ་དུ་སྤོས།།
སྙིང་གི་མཛའ་མོ་བོད་ཀྱི་ཡུལ་དུ་བསུས།།
མཐར་མ་ཚོ་ཡི་ཁྱེད་གཉིས་བསྐྱངས་པར་ངེས།།
མ་སྐྱོ་མ་སྐྱོ་རང་གི་བསྐོས་ཐང་རེད།།
སྐྱིད་སྡུག་འདྲེས་མ་འཁོར་བའི་ཆོས་ཉིད་རེད།།
མ་དོར་མ་དོར་ཆུང་མར་བྱམས་སྐྱོངས་མཛོད།།
འདི་ནི་མི་བུའི་ཡ་རབས་སྤྱོད་བཟང་རེད།།
ས་རྡུལ་སྐྱ་བོ་འདི་སྟོན་ཁ་ཞིག་གི་སེར་ཐིག་དང་མཉམ་དུ་གང་སར་འཐིབས་ཡོད་ཡ། ཡིན་ན་ཡང་སེམས་མ་སྡུག མི་ཚེ་འདི་གང་ལྟར་སྐྱིད་ལ་སྡུག་པའི་རྨི་ལམ་ཞིག་གི་ནང་དུ་རྫོགས་དགོས་པ་རེད། འཆི་བ་ཟེར་བའི་བདེ་སྐྱིད་རྔམ་པོ་ཆེ་དེའི་ཀློང་དུ་མ་སད་བར་དུ་ང་ཚོ་འདི་ལྟར་འདུར་དགོས་པ་རེད། “མི་ཚེ་འདི་རྨི་ལམ་ཞིག་རེད་ལ། ཤི་རྗེས་རྨི་ལམ་དེ་ལས་སད་པ་རེད། ”
ཚིག་རྗེས་མ་འདི་ནི་ཨ་སུ་ཁྲོ་ལིས་ཡའི་གདོད་མའི་མི་རིགས་ཤིག་གི་མི་ཚེའི་ལྟ་ཚུལ་ཡིན་པར་བཤད།