སུན་སྣང་སྐྱེ་དུས་སུ། སྙན་ངག་བྲིས་ན་འགྲིག

སྤུན་ཟླ་ཁྱེད་ཅག་མུ་མཐུད་དུ་འདི་ལྟར་ཕེབས་ནས་རང་རང་གི་བསམ་ཚུལ་ལྷུག་པོར་གསུངས་པ་དེར་སེམས་གཏིང་ནས་དགའ་བཞིན་ཡོད། རྗེས་ཕྱོགས་ཀྱང་སྒོ་ཁ་ནས་སྒུག་ནས་འདུག ཕེབས་རྐྱང་བྱོས། གསུང་རྐྱང་བྱོས།

རེད་ཡ། སུན་སྣང་དང་སེམས་ཁྲལ། སྤྲོ་སྣང་། ཆགས་ཞེན། ཁོང་ཁྲོ་སོགས་ནི་མིའི་འདུ་སྣང་གི་འཇིག་རྟེན་ངོ་མ་དེ་ཡིན་ཕྱིར། སྙན་ངག་ཀྱང་དེ་དག་སྒུལ་ཤུགས་རྣལ་མ་ཞིག་གིས་བསྐྱེད་དགོས་ཚུལ་སྙན་ངག་པ་ཚོས་ནམ་རྒྱུན་གླེང་གི་འདུག

དེ་ལ་བདེན་ཤོས་ཆེ་ཙམ་འདུག ན་ཟུག་མེད་པའི་སྙན་ངག་ནི་རོ་གོག་སྐམ་པོ་ཞིག་དང་ག་ལ་ཁྱད།་ཧ་ཧ་ཧ་ སྙན་ངག་ཚོར་བ་ཅན་ཞིག་བྲིས་འདུག་

མཆོད་མེ་ཆུང་ཆུང་ཞིག་གི་འོད་ངོགས་ན་བརྩེ་བཞིན་པའི་མེ་ལྕེབ་ལགས།
ཁྱོད་ཀྱིས་ལྷབ་ལྷུབ་ཀྱི་གཤོག་པ་ཇི་ལྟར་རྡེབ་རུང་།
ཞིམ་སྣང་མེད་པའི་དབུ་ཤད་ཅིག་གིས།
ཁྱོད་ཀྱི་འཇིག་རྟེན་འཕྲེད་དུ་གཤག

མེ་ལྕེབ་ལགས།
ལོ་ནག་གི་ཉི་མ་དེར།
ཁྱོད་དང་ཁྱོད་ཀྱི་ཁོ་མོར།
བསམ་གཞིགས་སྐྱུར་མོ་ཞིག་གིས་བཞི་ཤད་འཐེན་ནས།
ཁྱེད་ཉིད་བུད་སོང་བ་མིན་ནམ།

མེ་ལྕེབ་ལགས།
དེ་རིང་ཞིམ་སྣང་མེད་པའི་སྐྱོ་རླབས་ཤིག་གིས་ཁྱེད་ཉིད་དེད་དེ།
སླར་ཡང་ཁྱོད་ཀྱིས་གླེང་བར་འདོད་པ་ནི།
རྒྱང་རིང་རྒྱང་རིང་ཞིག་ན་འཚོ་བཞིན་པའི།
ཁ་རྩང་གི་མཛའ་མོ་དེ་རིང་གི་ཨ་མ་དེ་ཡིན་ནམ།

སྙན་ངག་འབྲི་མཁན་མང་ཆེ་ཤོས་ཀྱི་སྙན་ངག་ནི་སུན་སྣང་སྐྱེ་བའི་སྐབས་ཀྱི་སྙན་ངག་ཡིན་པ་འདྲ། སུན་སྣང་ནི་འདྲ་མི་འདྲ་བཅོ་བརྒྱད་ཀྱི་སུན་སྣང་ཡིན་ཆོག་ལ། དཔེར་ན་ཁྱེད་རང་གི་སུན་སྣང་ནི་བརྩེ་དུང་གི་སུན་སྣང་དང་འདྲ་བོ།